[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.73 # Naradapurana 1.73 Nāradapurāṇa 1.73 - **Language:** Sanskrit ## Contents - [1.73.177](https://indike.org/pramana/in.purana.narada.1.73.177) — 1 part ### [1.73.1](https://indike.org/pramana/in.purana.narada.1.73.1) sanatkumāra uvāca atha rāmasya manavo vakṣyante siddhidāyākāḥ / yeṣāmārādhanānmartyāstaranti bhavasāgaram // ### [1.73.2](https://indike.org/pramana/in.purana.narada.1.73.2) sarveṣu mantravaryeṣu śreṣṭhaṃ vaiṣṇavamucyate / gāṇapatyeṣu saureṣu śāktaśaiveṣvabhīṣṭadam // ### [1.73.3](https://indike.org/pramana/in.purana.narada.1.73.3) vaiṣṇaveṣvapi mantreṣu rāmamantrāḥ phalādhikāḥ / gāṇapatyādimantrebhyaḥ koṭikoṭiguṇādhikāḥ // ### [1.73.4](https://indike.org/pramana/in.purana.narada.1.73.4) viṣṇuśayyāsthito vahnirindubhūṣitamastakaḥ / rāmāya hṛdayānto 'yaṃ mahāghaudhavināśanaḥ // ### [1.73.5](https://indike.org/pramana/in.purana.narada.1.73.5) sarveṣu rāmamantraṣu hyatiśreṣṭhaḥ ṣaḍakṣaraḥ / brahmahatyāsahasrāṇi jñātājñātakṛtāni ca // ### [1.73.6](https://indike.org/pramana/in.purana.narada.1.73.6) svarṇasteya surāpānagurutalpāyutāni ca / koṭikoṭisahasrāṇi hyupapāpāni yāni vai // ### [1.73.7](https://indike.org/pramana/in.purana.narada.1.73.7) mantrasyoñcāraṇātsadyo layaṃ yānti na saṃśayaḥ / brahmā muniḥ syādgāyatrī chando rāmaśca devatā // ### [1.73.8](https://indike.org/pramana/in.purana.narada.1.73.8) ādyaṃ bījaṃ ca hṛcchaktirviniyogo 'khilāptaye / ṣaḍdīrghabhājā bījena ṣaḍaṅgāni samācaret // ### [1.73.9](https://indike.org/pramana/in.purana.narada.1.73.9) brahmarandhre bhruvormadhye hṛnnābhyorguhyapādayoḥ / mantravarṇānkramānnyasya keśavādīnpravinyaset // ### [1.73.10](https://indike.org/pramana/in.purana.narada.1.73.10) pīṭhanyāsādikaṃ kṛtvā dhyāyeddhṛdi raghūttamam / kālāṃbhodharakāntaṃ ca vīrā sanasamāsthitam // ### [1.73.11](https://indike.org/pramana/in.purana.narada.1.73.11) jñānamudrāṃ dakṣahaste dadhataṃ jānunītaram / saroruhakarāṃ sītāṃ vidyudābhāṃ ca pārśvagām // ### [1.73.12](https://indike.org/pramana/in.purana.narada.1.73.12) paśyantīṃ rāmavakrābjaṃ vividhākalpabhūṣitām / dhyātvaivaṃ prajapedvarṇalakṣaṃ mantrī daśāṃśataḥ // ### [1.73.13](https://indike.org/pramana/in.purana.narada.1.73.13) kamalairjuhuyādvahnau brāhmaṇānbhojayettataḥ / pūjayedvaiṣṇave pīṭhe vimalādisamanvite // ### [1.73.14](https://indike.org/pramana/in.purana.narada.1.73.14) mūrtiṃ mūlena saṃkalpya tasyāmāvāhya sādhakaḥ / sītāṃ vāme samāsīnāṃ tanmantreṇa prapūjayet // ### [1.73.15](https://indike.org/pramana/in.purana.narada.1.73.15) ramāsītāpadaṃ ṅeṃtaṃ dviṭhānto jānakīmanuḥ / agreḥ śārṅgaṃ ca sampūjya śarānpārśvadvayer'cayet // ### [1.73.16](https://indike.org/pramana/in.purana.narada.1.73.16) keśareṣu ṣaḍaṅgāni patreṣvetānsamarcayet / hanumantaṃ ca sugrīvaṃ bharataṃ sabibhīṣaṇam // ### [1.73.17](https://indike.org/pramana/in.purana.narada.1.73.17) lakṣmaṇāṅgadaśatrughnān jāṃbavantaṃ kramātpunaḥ / vācayantaṃ hanūmantagrato dhṛtapustakam // ### [1.73.18](https://indike.org/pramana/in.purana.narada.1.73.18) yajedbharataśatrughnau pārśvayordhṛtacāmarau / dhṛtātapatraṃ hastābhyāṃ lakṣmaṇaṃ pṛṣṭator'cayet // ### [1.73.19](https://indike.org/pramana/in.purana.narada.1.73.19) tato 'ṣṭapatre sṛṣṭiṃ ca japantaṃ vijayaṃ tathā / surāṣṭraṃ rāṣṭrapālaṃ ca akopaṃ dharmapālakam // ### [1.73.20](https://indike.org/pramana/in.purana.narada.1.73.20) sumantaṃ ceti sampūjya loke śānāyudhairyutān / evaṃ rāmaṃ samārādhya jīvanmuktaḥ prajāyate // ### [1.73.21](https://indike.org/pramana/in.purana.narada.1.73.21) candanāktaiḥ prajuhuyājjātīpuṣpaiḥ samāhitaḥ / rājavaśyāya kamalairdhanadhānyādisiddhaye // ### [1.73.22](https://indike.org/pramana/in.purana.narada.1.73.22) lakṣmīkāmaḥ prajuhuyātprasūnairvilvasaṃbhavaiḥ / ājyāktairnīlakamalairvaśayedakhilaṃ jagat // ### [1.73.23](https://indike.org/pramana/in.purana.narada.1.73.23) ghṛtāktaśatavarvībhirdīrghāyuśca nirāmayaḥ / raktotpalānāṃ homena dhanaṃ prāpnoti vāñchitam // ### [1.73.24](https://indike.org/pramana/in.purana.narada.1.73.24) pālāśakusumairhutvā medhāvī jāyate naraḥ / tajjaptāṃbhaḥ pibetprātarvatsarātkavirāḍ bhavet // ### [1.73.25](https://indike.org/pramana/in.purana.narada.1.73.25) tanmantritānnaṃ bhuñjītamahārogapraśāntaye / rogoktauṣadhahomena tadrogānmucyate kṣaṇām // ### [1.73.26](https://indike.org/pramana/in.purana.narada.1.73.26) nadītīre ca goṣṭhe vā japellakṣaṃ payobrataḥ / pāyasenājyayuktena hutvā vidyānidhirbhavet // ### [1.73.27](https://indike.org/pramana/in.purana.narada.1.73.27) parikṣīṇādhipatyo yaḥ śākāhāro jalāntare / japellakṣaṃ ca juhuyādvilvapuṣpairdaśāṃśataḥ // ### [1.73.28](https://indike.org/pramana/in.purana.narada.1.73.28) tadaiva punarāpnoti svādhipatyaṃ na saṃśayaḥ / upoṣya gaṅgātīrānte sthitvā lakṣaṃ japennaraḥ // ### [1.73.29](https://indike.org/pramana/in.purana.narada.1.73.29) daśāṃśaṃ kamalairhutvā vilvotthairvā prasūnakaiḥ / madhuratrayasaṃyuktairādajyaśriyamavāpnuyāt // ### [1.73.30](https://indike.org/pramana/in.purana.narada.1.73.30) mārgamāse jale sthitvā kandamūlaphalāśanaḥ / lakṣaṃ japtvā daśāṃśena pāyasairjuhuyādvasau // ### [1.73.31](https://indike.org/pramana/in.purana.narada.1.73.31) śrīrāmacandrasadṛśaḥ putraḥ pautro 'pi jāyate / anye 'pi bahavaḥ saṃti prayogāmantrarājake // ### [1.73.32](https://indike.org/pramana/in.purana.narada.1.73.32) kintu prayogakartṛāṇāṃ paraloko na vidyate / ṣaṭkoṇaṃ vasupatraṃ ca tadbāhyārkadalaṃ likhet // ### [1.73.33](https://indike.org/pramana/in.purana.narada.1.73.33) ṣaṭkoṇeṣu ṣaḍarṇāni mantrasya vilikhed budhaḥ / aṣṭapatre tathāṣṭārṇāṃllikhetpraṇavagarbhitān // ### [1.73.34](https://indike.org/pramana/in.purana.narada.1.73.34) kāmabījaṃ ravidale madhye mantrāvṛtābhidhām / sudarśanāvṛtaṃ bāhye dikṣu yugmāvṛtaṃ tathā // ### [1.73.35](https://indike.org/pramana/in.purana.narada.1.73.35) vajrollasadbhūmigehaṃ kandarpāṅkuśapāśakaiḥ / bhūmyā ca vilasatkoṇaṃ yantrarājamidaṃ smṛtam // ### [1.73.36](https://indike.org/pramana/in.purana.narada.1.73.36) bhūrje 'ṣṭagandhaiḥ saṃlikhya pūjayeduktavartmanā / ṣaṭkoṇeṣu dalārkābjānyāveṣṭavṛttayugmataḥ // ### [1.73.37](https://indike.org/pramana/in.purana.narada.1.73.37) keśareṣvaṣṭapatrasya svaradvandvaṃ likhed budhaḥ / bahistu mātṛkāṃ caiva mantraṃ prāṇanidhayanama // ### [1.73.38](https://indike.org/pramana/in.purana.narada.1.73.38) yantrametacchubhe ghasre kaṇṭhe vā dakṣiṇe bhuje / mūrdhni vā dhārayenmantrī sarvapāpaiḥ pramucyate // ### [1.73.39](https://indike.org/pramana/in.purana.narada.1.73.39) sudine śubhanakṣatre sudeśe śalyavarjite / vaśyākarṣaṇavidveṣadrāvaṇoccāṭanādikam // ### [1.73.40](https://indike.org/pramana/in.purana.narada.1.73.40) puṣyadvayaṃ tathādityārdrāmaghāsu yathākramam / dūrvotthā lekhanī vaśye tathākṛṣṭau karañjajā // ### [1.73.41](https://indike.org/pramana/in.purana.narada.1.73.41) narāsthijā māraṇe tu staṃbhane rājavṛkṣajā / śāntipuṣṭaṣṭyāyuṣāṃ siddhayai sarvāpacchamanāya ca // ### [1.73.42](https://indike.org/pramana/in.purana.narada.1.73.42) vibhramotpādane caiva śilāyāṃ vilikhed budhaḥ / kharacarmaṇi vidveṣe dhvaje tūñcāṭanāya ca // ### [1.73.43](https://indike.org/pramana/in.purana.narada.1.73.43) śatrūṇāṃ jvarasantāpaśokamāraṇakarmaṇi / pītavasraṃ likhitvā tu sādhayetsādhakottamaḥ // ### [1.73.44](https://indike.org/pramana/in.purana.narada.1.73.44) vaśyākṛṣṭau cāṣṭagandhaiḥ sampūjya ca yathāvidhi / citāṅgārādinā caiva tāḍanoccāṭanādikam // ### [1.73.45](https://indike.org/pramana/in.purana.narada.1.73.45) viṣārkakṣīrayogena māraṇaṃ bhavati dhruvam / likhitvaivaṃ yantrarājaṃ gandhapuṣpādibhiryajet // ### [1.73.46](https://indike.org/pramana/in.purana.narada.1.73.46) trilohaveṣṭitaṃ kṛtvā dhārayetsādhakottamaḥ / bījaṃ rāmāya ṭhadvandvaṃ mantro 'yaṃ rasavarṇakaḥ // ### [1.73.47](https://indike.org/pramana/in.purana.narada.1.73.47) mahāsudarśanamanuḥ kathyate siddhidāyakaḥ / sudarśanamahāśabdāccakrarājeśvareti ca // ### [1.73.48](https://indike.org/pramana/in.purana.narada.1.73.48) duṣṭāntakaduṣṭabhayānakaduṣṭabhayaṅkaram / chindhidvayaṃ bhindhiyugmaṃ vidārayayugaṃ tataḥ // ### [1.73.49](https://indike.org/pramana/in.purana.narada.1.73.49) paramantrān grasadvandvaṃ bhakṣayadvitayaṃ tataḥ / trāsayadvitayaṃ varmāstrāgnijāyāntimo manuḥ // ### [1.73.50](https://indike.org/pramana/in.purana.narada.1.73.50) aṣṭaṣaṣṭyakṣaraḥ prokto yantrasaṃveṣṭane tvayam / tāro hṛdbhagavān ṅeṃto ṅeṃto hi raghunandanaḥ // ### [1.73.51](https://indike.org/pramana/in.purana.narada.1.73.51) rakṣoghnaviśadāyānte madhurādiprasanna ca / varadānāyāmitānte nutejasepadamīrayet // ### [1.73.52](https://indike.org/pramana/in.purana.narada.1.73.52) bālāyānte tu rāmāya viṣṇave hṛdayāntimaḥ / saptacatvāriṃśadarṇo mālāmantro 'yamīritaḥ // ### [1.73.53](https://indike.org/pramana/in.purana.narada.1.73.53) viśvāmitro muniścāsya gāyatrī chanda īritam / śrīrāmo devatā bījaṃ dhruvaḥ śaktiśca ṭhadvayam // ### [1.73.54](https://indike.org/pramana/in.purana.narada.1.73.54) ṣaḍdīrghasvarayugmāyābījenāṅgāni kalpayet / dhyānapūjādikaṃ sarvamasya pūrvavadācaret // ### [1.73.55](https://indike.org/pramana/in.purana.narada.1.73.55) ayamārādhito mantraḥ sarvānkāmānprayacchati / svakāmasatyavāglakṣmītārāḍhyaḥ pañcavarṇakaḥ // ### [1.73.56](https://indike.org/pramana/in.purana.narada.1.73.56) ṣaḍakṣaraḥ ṣaḍvidhaḥ syāñcaturvargaphalapradaḥ / brahmā saṃmohanaḥ śaktirdakṣiṇāmūrtisaṃjñakaḥ // ### [1.73.57](https://indike.org/pramana/in.purana.narada.1.73.57) agastyaḥ śrīśivaḥ proktāste teṣāṃ munayaḥ kramāt / athavā kāmabījāderviśvāmitro muniḥ smṛtaḥ // ### [1.73.58](https://indike.org/pramana/in.purana.narada.1.73.58) chandaḥ proktaṃ ca gāyatrī śrīrāmo devatā punaḥ / bījaśaktirādhamāntyaṃ mantrārṇaiḥ syātṣaḍaṅgakam // ### [1.73.59](https://indike.org/pramana/in.purana.narada.1.73.59) bījaiḥ ṣaḍdīrghayuktairvā mantrārṇānpūrvavannyaset / dhyāyetkalpatarormūle suvarṇamayamaṇḍape // ### [1.73.60](https://indike.org/pramana/in.purana.narada.1.73.60) puṣpakākhyavimānāntaḥ siṃhāsanaparicchade / padme vasudaledevamindranīlasamaprabham // ### [1.73.61](https://indike.org/pramana/in.purana.narada.1.73.61) vīrāsanasamāsīnaṃ jñānamudropaśobhitam / vāmorunyastataddhastasītālakṣmaṇasevitam // ### [1.73.62](https://indike.org/pramana/in.purana.narada.1.73.62) ratnākalpaṃ vibhundhyātvā varṇalakṣaṃ japenmanum / yadvā smārādimantrāṇāṃ jayābhaṃ ca hariṃ smaret // ### [1.73.63](https://indike.org/pramana/in.purana.narada.1.73.63) yejanaṃ kāmyakarmāṇi sarvaṃ kuryātṣaḍarṇavat / rāmaśca candrabha drānto ṅenamonto dhruvādikaḥ // ### [1.73.64](https://indike.org/pramana/in.purana.narada.1.73.64) mantrāvaṣṭākṣarau hyetau tārāntyau cennavākṣarau / eteṣāṃ yajanaṃ sarvaṃ kuryānmantrī ṣaḍarṇavat // ### [1.73.65](https://indike.org/pramana/in.purana.narada.1.73.65) jānakīvallabho ṅeṃto dviṭhāntaḥ kavacādikaḥ / daśārṇo 'yaṃ mahāmantro viśiṣṭo 'sya muniḥ svarāṭ // ### [1.73.66](https://indike.org/pramana/in.purana.narada.1.73.66) chandaśca devatā sītā patirbījaṃ tathādimam / svāhā śaktiśca kāmena kuryādaṅgāni ṣaṭ kramāt // ### [1.73.67](https://indike.org/pramana/in.purana.narada.1.73.67) śirolalāṭabhrūmadhyatālukaṇṭheṣu hṛdyapi / nābhyaṅghrijānupādeṣu daśārṇānvinyasenmanoḥ // ### [1.73.68](https://indike.org/pramana/in.purana.narada.1.73.68) ayodhyānagare ratnacitrasauvarṇamaṇḍape / mandārapuṣpairābaddhavitāne toraṇānvite // ### [1.73.69](https://indike.org/pramana/in.purana.narada.1.73.69) siṃhāsanasamāsīna puṣpakopari rāghavam / rakṣobhirharibhirdevaiḥ suvimānagataiḥ śubhaiḥ // ### [1.73.70](https://indike.org/pramana/in.purana.narada.1.73.70) saṃstūyamānaṃ munibhiḥ prahvaiśca parisevitam / sītālaṅkṛtavāmāṅgaṃ lakṣmaṇenopaśobhitam // ### [1.73.71](https://indike.org/pramana/in.purana.narada.1.73.71) śyāmaṃ prasannavadanaṃ sarvābharaṇabhūṣitam / evaṃ dhyātvā japenmantrī varṇalakṣaṃ samāhitaḥ // ### [1.73.72](https://indike.org/pramana/in.purana.narada.1.73.72) daśāṃśaḥ kamalairhemo yajanaṃ ca ṣaḍarṇavat / rāmo ṅeṃnto dhanuṣpāṇirṅaitoṃ'te vahnisuṃdarī // ### [1.73.73](https://indike.org/pramana/in.purana.narada.1.73.73) daśākṣaro 'yaṃ mantro 'sya munirbrahmā virāṭ punaḥ / chandastu devatā prokto rāmo rākṣasamardanaḥ // ### [1.73.74](https://indike.org/pramana/in.purana.narada.1.73.74) ādyaṃ bījaṃ dviṭhaḥ śaktibīñjenāṅgāni kalpayet / varṇanyāsaṃ tathā dhyānaṃ puraścaryārcanādikaman // ### [1.73.75](https://indike.org/pramana/in.purana.narada.1.73.75) daśākṣaroktavatkuryāccāpabāṇadharaṃ smaret / tāro namo bhagavate rāmānte candrabhadrakau // ### [1.73.76](https://indike.org/pramana/in.purana.narada.1.73.76) ṅeṃtāvarkākṣarau mantrau ṛṣidhyānādi pūrvavat / śrīpūrvaṃ jayapūrvaṃ ca taddvidhā rāmanāma ca // ### [1.73.77](https://indike.org/pramana/in.purana.narada.1.73.77) trayodaśākṣaro mantro munirbrahmā virāṭ smṛtam / chandastu devatā prokto rāmaḥ pāpaughanāśanaḥṛ // ### [1.73.78](https://indike.org/pramana/in.purana.narada.1.73.78) ṣaḍaṅgāni prakurvīta dvirāvṛttyā padatrayaiḥ / dhyānārcanādikaṃ sava hyasya kuryāddaśārṇavat // ### [1.73.79](https://indike.org/pramana/in.purana.narada.1.73.79) tāro namo bhagavate rāmāyānte mahāpadam / puruṣāya hṛdanto 'yaṃ manuraṣṭādaśākṣaraḥ // ### [1.73.80](https://indike.org/pramana/in.purana.narada.1.73.80) viśvāmitro muniśchado dhṛtī rāmo 'sya devatā / tāro bījaṃ namaḥ śaktiścandrākṣyabdhyagniṣaḍbhujaiḥ // ### [1.73.81](https://indike.org/pramana/in.purana.narada.1.73.81) varṇaimantrotthitaiḥ kuryātṣaḍaṅgāni samāhitaḥ / niḥśāṇabherīpaṭahaśaṅkhaturyādiniḥsvanaiḥ // ### [1.73.82](https://indike.org/pramana/in.purana.narada.1.73.82) pravṛttanṛtye parito jayamaṅgalabhāṣite / candanāgarukastūrīkarpūrādisuvāsite // ### [1.73.83](https://indike.org/pramana/in.purana.narada.1.73.83) nānākusumasaurabhyavāhigandhavahānvite / devagandharvanārībhirgāyantībhiralakṛte // ### [1.73.84](https://indike.org/pramana/in.purana.narada.1.73.84) siṃhāsane samāsīnaṃ puṣpakopari rāghavam / saumitrisītāsahitaṃ jaṭāmukuṭaśobhitam // ### [1.73.85](https://indike.org/pramana/in.purana.narada.1.73.85) cāpabāṇadharaṃ śyāmaṃ sasugrīvavibhīṣaṇam / hatvā rāvaṇamāyāntaṃ kṛtatrailokyarakṣaṇam // ### [1.73.86](https://indike.org/pramana/in.purana.narada.1.73.86) evaṃ dhyātvā japedvarṇaṃ lakṣaṃ matrī daśāṃśataḥ / ghṛtāktaiḥ pāyasairhutvā yajanaṃ pūrvavañcaret // ### [1.73.87](https://indike.org/pramana/in.purana.narada.1.73.87) praṇavo hṛdayaṃ sītāpataye tadanantaram / rāmāya hanayugmānte varmāstrāgnipriyāntimaḥ // ### [1.73.88](https://indike.org/pramana/in.purana.narada.1.73.88) ekonaviṃśadvarṇo 'yaṃ mantraḥ sarvārthasādhakaḥ / viśvāmitro muniścāsyānuṣṭupchanda udāhṛtam // ### [1.73.89](https://indike.org/pramana/in.purana.narada.1.73.89) devatā rāmabhadro jaṃ bījaṃ śaktirnama iti / mantrotthitaiḥ kramādvarṇaistato dhyāyeñca pūrvavat // ### [1.73.90](https://indike.org/pramana/in.purana.narada.1.73.90) pūjanaṃ kāmyakarmādi sarvamasya ṣaḍarṇavat / tāraḥ svabījaṃ kamalā rāmabhadreti saṃpaṭhet // ### [1.73.91](https://indike.org/pramana/in.purana.narada.1.73.91) maheṣvāsapadānte tu raghuvīra nṛpottama / daśāsyāntakaśabdānte māṃ rakṣa dehi saṃpaṭhet // ### [1.73.92](https://indike.org/pramana/in.purana.narada.1.73.92) paramānte me śriyaṃ syānmantro bāṇaguṇākṣaraḥ / bījairviyukto dvātriṃśadarṇo 'yaṃ phaladāyakaḥ // ### [1.73.93](https://indike.org/pramana/in.purana.narada.1.73.93) viśvāmitro muniścāsyānuṣṭupchanda udāhṛtam / devatā rāmabhadro 'tra bījaṃ svaṃ śaktirindirā // ### [1.73.94](https://indike.org/pramana/in.purana.narada.1.73.94) bījatrayādyaiḥ kurvīta padaiḥ sarveṇa mantravit / pañcāṅgāni ca vinyasya mantravarṇānkramānnyaset // ### [1.73.95](https://indike.org/pramana/in.purana.narada.1.73.95) mūrdhni bhāle dṛśoḥ śrotre gaṇḍayugme sanāsike / āsye doḥsaṃdhiyugale stanahṛnnābhiṣu kramāt // ### [1.73.96](https://indike.org/pramana/in.purana.narada.1.73.96) kaṭau meḍhre pāyupādasaṃdhiṣvarṇānnyasenmanoḥ / dhyānārcanādikaṃ cāsya pūrvavatsamupācaret // ### [1.73.97](https://indike.org/pramana/in.purana.narada.1.73.97) lakṣatrayaṃ puraścaryāṃ pāyasairhavanaṃ matam / dhyātvā rāmaṃ pītavarṇaṃ japellakṣaṃ samāhitaḥ // ### [1.73.98](https://indike.org/pramana/in.purana.narada.1.73.98) daśāṃśaṃ kamalairhutvā dhanairdhanapatirbhavet / tāro māyā ramādvandvaṃ dāśarathāya hṛñca vai // ### [1.73.99](https://indike.org/pramana/in.purana.narada.1.73.99) ekādaśākṣaro mantro munyādyarcāsya pūrvavat / trailokyānte tu nāthāya hṛdanto vasuvarṇavān // ### [1.73.100](https://indike.org/pramana/in.purana.narada.1.73.100) asyāpi pūrvavatsarvaṃ nyāsadhyānārcanādikam / āñjaneyapadānte tu gurave hṛdayāntimaḥ // ### [1.73.101](https://indike.org/pramana/in.purana.narada.1.73.101) mantro navākṣaro 'syāpi yajanaṃ pūrvavanmatam / ṅetaṃ rāmapada paścāddhṛdayaṃ pañcavaṇavat // ### [1.73.102](https://indike.org/pramana/in.purana.narada.1.73.102) munidhyānārcanaṃ cāsya proktaṃ sarvaṃ ṣaḍarṇavat / rāmānte candrabhadrau ca ṅeṃtau pāvakavallabhā // ### [1.73.103](https://indike.org/pramana/in.purana.narada.1.73.103) mantro dvau ca samākhyātau munyādyarcādi pūrvavat / vahniḥ śeṣānvitaścaiva candrabhūṣitamastakaḥ // ### [1.73.104](https://indike.org/pramana/in.purana.narada.1.73.104) ekākṣaro raghupatermantraḥ kalpadrumo 'paraḥ / brahmā muniḥ syādgāyatrī chando rāmo 'sya devatā // ### [1.73.105](https://indike.org/pramana/in.purana.narada.1.73.105) ṣaḍdīrghāḍhyena mantreṇa ṣaḍaṅgāni samācaret / sarayūtīramandāravedikāpaṅkajāsane // ### [1.73.106](https://indike.org/pramana/in.purana.narada.1.73.106) śyāmaṃ vīrāsanāsīnaṃ jñānamudropaśobhitam / vāmorunyastaṃ taddhastaṃ sītālakṣmaṇasaṃyutam // ### [1.73.107](https://indike.org/pramana/in.purana.narada.1.73.107) avekṣaṇāṇamātmānaṃ manmathāmitatejasam / śuddhasphaṭikasaṃkāśaṃ kevalaṃ mokṣakāṅkṣayā // ### [1.73.108](https://indike.org/pramana/in.purana.narada.1.73.108) cintayetparamātmānamṛtulakṣaṃ japenmanum / sarvvaṃ ṣaḍarṇavañcāsya homanityārcanādikam // ### [1.73.109](https://indike.org/pramana/in.purana.narada.1.73.109) vahniḥ śeṣāsano bhāntaḥ kevalo dvyakṣaro manuḥ / ekākṣarokta vatsarvaṃ munidhyānārcanādikam // ### [1.73.110](https://indike.org/pramana/in.purana.narada.1.73.110) tāramānāramānaṅgacāstrabījairdvivarṇakaḥ / tryakṣaro mantrarājaḥ syātṣaḍvidhaḥ sakaleṣṭadaḥ // ### [1.73.111](https://indike.org/pramana/in.purana.narada.1.73.111) vdyakṣaraścandrabhadrānto dvividhaścaturakṣaraḥ / ekārṇoktavadeteṣāṃ munidhyānārcanādikam // ### [1.73.112](https://indike.org/pramana/in.purana.narada.1.73.112) tāro rāmaścaturthyanto varmāstraṃ vahnivallabhā / aṣṭārṇo 'yaṃ mahāmantro munyādyarcā ṣaḍarṇavat // ### [1.73.113](https://indike.org/pramana/in.purana.narada.1.73.113) tāro mayā hṛdante syādrāmāya praṇavāntimaḥ / śivomārāmamantro 'yamaṣṭārṇaḥ sarvasiddhidaḥ // ### [1.73.114](https://indike.org/pramana/in.purana.narada.1.73.114) ṛṣiḥ sadāśivaḥ prokto gāyatrī chanda īritam / śivomārāmacandro 'tra devatā parikīrtitaḥ // ### [1.73.115](https://indike.org/pramana/in.purana.narada.1.73.115) ṣaḍvīryayāmāya yātu dhruvapañcārṇayuktayā / ṣaḍaṅgāni vidhāyātha dhyāyeddhṛdi surārcitam // ### [1.73.116](https://indike.org/pramana/in.purana.narada.1.73.116) rāmaṃ trinetraṃ somārddhadhāriṇaṃ śūlinaṃ varam / bhasmoddhūlitasarvāṅgaṃ kaparddinamupāsmahe // ### [1.73.117](https://indike.org/pramana/in.purana.narada.1.73.117) rāmābhirāmaṃ saindaryasīmāṃ somāvataṃsinīm / pāśāṅkuśadhanurbāṇadharāṃ dhyāyetrilocanām // ### [1.73.118](https://indike.org/pramana/in.purana.narada.1.73.118) evaṃ dhyātvā japedvarṇalakṣaṃ trimadhurānvitaiḥ / bilpapatraiḥ phalaiḥ puṣpaistilairvā paṅkajairhunet // ### [1.73.119](https://indike.org/pramana/in.purana.narada.1.73.119) svayamāyānti nidhayaḥ siddhayaśca surepsitāḥ / tāro māyā ca bharatāgrajarāmamanobhavaḥ // ### [1.73.120](https://indike.org/pramana/in.purana.narada.1.73.120) vahnijāyādvādaśārṇo mantraḥ kalpadrumo 'paraḥ / aṅgirāśca muniśchando gāyatrī devatā punaḥ // ### [1.73.121](https://indike.org/pramana/in.purana.narada.1.73.121) śrīrāmo bhuvanābījaṃ svāhāśaktiḥ samīritaḥ / candraikamunibhūnetrairmantrārṇairaṅgakalpanam // ### [1.73.122](https://indike.org/pramana/in.purana.narada.1.73.122) dhyānapūjādikaṃ cāśca sarvaṃ kuryātṣaḍarṇavat / praṇavo hṛdayaṃ sītāpate rāmaśca ṅeṃtimaḥ // ### [1.73.123](https://indike.org/pramana/in.purana.narada.1.73.123) hanadvayānte varmāstraṃ mantraḥ ṣoḍaśavarṇavān / agastyo 'sya muniśchando bṛhatī devatā punaḥ // ### [1.73.124](https://indike.org/pramana/in.purana.narada.1.73.124) śrīrāmo 'haṃ tathā bījaṃ rāṃ śaktiḥ samudīritā / rāmābdhivahnivedākṣivarṇaiḥ pañcāṅgakalpanā // ### [1.73.125](https://indike.org/pramana/in.purana.narada.1.73.125) dhyānapūjādikaṃ sarvamasya kuryātṣaḍarṇavat / tāro hṛñcaiva brahmaṇyasevyāya padamīrayet // ### [1.73.126](https://indike.org/pramana/in.purana.narada.1.73.126) rāmāyākuṇṭhaśabdāntaṃ tejase ca samīrayet / uttamaślokadhuryāya svaṃ bhṛguḥ kāmikānvitaḥ // ### [1.73.127](https://indike.org/pramana/in.purana.narada.1.73.127) daṇḍārpitāṃ priye mantro rāmarāmākṣaro mataḥ / ṛṣiḥ śukrastathānuṣṭupchando rāmo 'sya devatā // ### [1.73.128](https://indike.org/pramana/in.purana.narada.1.73.128) pādaiḥ sarveṇa pañcāṅgaṃ kuryāccheṣaṃ ṣaḍarṇavat / lakṣaṃ japo daśāṃśena juhuyātpāyasaiḥ sudhīḥ // ### [1.73.129](https://indike.org/pramana/in.purana.narada.1.73.129) siddhamantrasya bhuktiḥ syānmuktiḥ pātakanāśanam / ādau dāśarathāyānte vidmahe padamuccaret // ### [1.73.130](https://indike.org/pramana/in.purana.narada.1.73.130) tataḥ sītāvallabhāya dhīmahīti samuccaret / tanno rāmaḥ proco varṇo dayāditi ca saṃvadet // ### [1.73.131](https://indike.org/pramana/in.purana.narada.1.73.131) eṣoktārā magāyatrī sarvābhīṣṭaphalapradā / padmāsītāpadaṃ ṅetaṃ ṭhadvayāntaḥ ṣaḍakṣaraḥ // ### [1.73.132](https://indike.org/pramana/in.purana.narada.1.73.132) vālmīkiśca muniśchando gāyatrī devatā punaḥ / sītā bhagavatī proktā śrīṃ bījaṃ vahnisundarī // ### [1.73.133](https://indike.org/pramana/in.purana.narada.1.73.133) śaktiḥ ṣaḍdīrghayuktena bījenāṅgāni kalpayet / tato dhyāyanmahādevīṃ sītāṃ trailokyapūjitām // ### [1.73.134](https://indike.org/pramana/in.purana.narada.1.73.134) taptahāṭakavarṇābhāṃ padmayugmaṃ karadvaye / sadratnabhūṣaṇasphūrjaddivyadehāṃ śubhātmikām // ### [1.73.135](https://indike.org/pramana/in.purana.narada.1.73.135) nānāvastrāṃ śaśimukhīṃ padmākṣīṃ muditāntarām / paśyantīṃ rāghavaṃ puṇyaṃ śayyārdhyāṃ ṣaḍguṇeśvarīm // ### [1.73.136](https://indike.org/pramana/in.purana.narada.1.73.136) evaṃ dhyātvā japedvarṇalakṣaṃ mantrī daśāṃśataḥ / juhuyātkamalaiḥ phullaiḥ pīṭhe pūrvodite yajet // ### [1.73.137](https://indike.org/pramana/in.purana.narada.1.73.137) mūrtiṃ saṃkalpya mūlena tasyāmāvāhya jānakīm / saṃpūjya dakṣiṇe rāmamabhyarcyāgre 'nilātmajam // ### [1.73.138](https://indike.org/pramana/in.purana.narada.1.73.138) pṛṣaṭe lakṣmaṇamabhyarcya ṣaṭkoṇeṣvaṅgapūjanam / patreṣu mantrimukhyaṃśca bāhye lokeśvarānpunaḥ // ### [1.73.139](https://indike.org/pramana/in.purana.narada.1.73.139) vajrādyānapi saṃpūjya sarvasiddhīśvaro bhavet / jātīpuṣpaiścandanāktai rājavaśyāya homayet // ### [1.73.140](https://indike.org/pramana/in.purana.narada.1.73.140) kamalairdhanadhānyāptirnīlābjairvaśayan jagat / bilvapatraiḥ śriyaḥ prāptyai dūrvābhīrorāśāntaye // ### [1.73.141](https://indike.org/pramana/in.purana.narada.1.73.141) kiṃ bahūktuna saubhāgyaṃ putrānpautrānparaṃ sukham / dhanaṃ dhānyaṃ ca mokṣaṃ ca sītārādhanato labhet // ### [1.73.142](https://indike.org/pramana/in.purana.narada.1.73.142) śakraṛ seṃdurlakṣmaṇāya hṛdayaṃ saptavarṇavān / agastyo 'sya muniśchando gāyatrī devatā punaḥ // ### [1.73.143](https://indike.org/pramana/in.purana.narada.1.73.143) lakṣmaṇākhyo mahāvīraścāḍhyaṃ hṛdvījaśaktike / ṣaḍdīrghāḍhyena bījena ṣaḍaṅgāni samācaret // ### [1.73.144](https://indike.org/pramana/in.purana.narada.1.73.144) dvibhujaṃ svarṇarucuratanuṃ padmanibhekṣaṇam / dhanurbāṇakaraṃ rāmasevāsaṃsaktamānasam // ### [1.73.145](https://indike.org/pramana/in.purana.narada.1.73.145) dhyātvaivaṃ prajapedvarṇalakṣaṃ mantrī daśāṃśataḥ //ṭha madhvāktaiḥ pāyasairhutvā rāmapīṭhe prapūjayeta // ### [1.73.146](https://indike.org/pramana/in.purana.narada.1.73.146) rāmavadyajanaṃ cāsya sarvasiddhiprado hyayam / sākalyaṃ rāmapūjāyā yadīcchenniyataṃ naraḥ // ### [1.73.147](https://indike.org/pramana/in.purana.narada.1.73.147) tena yatnena karttavyaṃ lakṣmaṇārcanamādarāt / śrīrāmacandrabhedāstu bahavaḥ saṃti siddhidāḥ // ### [1.73.148](https://indike.org/pramana/in.purana.narada.1.73.148) tatsādhakaiḥ sadā kāryaṃ lakṣmaṇārādhanaṃ śubham / aṣṭottarasahasraṃ vā śataṃ vā susamāhitaiḥ // ### [1.73.149](https://indike.org/pramana/in.purana.narada.1.73.149) lakṣmaṇasya manurjapyo mumukṣubhiratandritaiḥ / ajaptvā lakṣmaṇamanuṃ rāmamantrān japanti ye // ### [1.73.150](https://indike.org/pramana/in.purana.narada.1.73.150) na teṣāṃ jāyate siddhirhānireva pade pade / yo japellakṣmaṇamanuṃ nityamekāntamāsthitaḥ // ### [1.73.151](https://indike.org/pramana/in.purana.narada.1.73.151) mucyate sarvapāpebhyaḥ sarvānkāmānavāpnuyāt / jayapradhāno mantro 'yaṃ rājyaprāptyaikasādhanam // ### [1.73.152](https://indike.org/pramana/in.purana.narada.1.73.152) naṣṭarājyāptaye mantraṃ japellakṣaṃ samāhitaḥ / so 'cirānnaṣṭarājyaṃ svaṃ prāpnotyeva na saṃśayaḥ // ### [1.73.153](https://indike.org/pramana/in.purana.narada.1.73.153) dhyāyanrāmamayodhyāyāmabhiṣikta mananyadhīḥ / pañcāyutaṃ manuṃ japtvā naṣṭarājyamavāpnuyāt // ### [1.73.154](https://indike.org/pramana/in.purana.narada.1.73.154) nāgapāśavinirmuktaṃ dhyātvā lakṣmaṇamādarāt / ayutaṃ prajapenmantraṃ nigaḍānmucyate dhruvam // ### [1.73.155](https://indike.org/pramana/in.purana.narada.1.73.155) vātātmajenānītābhiroṣadhībhirgatavyatham / dhyātvā lakṣaṃ japanmantramalpamṛtyuṃ jayeddhuvam // ### [1.73.156](https://indike.org/pramana/in.purana.narada.1.73.156) ghātayantaṃ meghanādaṃ dhyātvā lakṣaṃ japenmanum / durjayaṃ vāpi vegena jayedripukulaṃ mahat // ### [1.73.157](https://indike.org/pramana/in.purana.narada.1.73.157) dhyātvā śūrpaṇakhānāsāchedanodyuktamānasam / sahasraṃ prajapenmantraṃ puruhūtādikān jayet // ### [1.73.158](https://indike.org/pramana/in.purana.narada.1.73.158) rāmapādābjasevārthaṃ kṛtodyogamatho smaran / prajapallaṅkṣamekānte mahārogātpramucyate // ### [1.73.159](https://indike.org/pramana/in.purana.narada.1.73.159) trimāsaṃ vijitāhāro nityaṃ saptasahasrakam / aṣṭottaraśataiḥ puṣpairniśchedraiḥ śātapatrakaiḥ // ### [1.73.160](https://indike.org/pramana/in.purana.narada.1.73.160) pūjayitvā vidhānena pāyasaṃ ca saśarkaram / nivedya prajapenmantraṃ kuṣṭarogātpranucyate // ### [1.73.161](https://indike.org/pramana/in.purana.narada.1.73.161) vijane vijitāhāraḥ ṣaṇmāsaṃ vidhināmunā / kṣayarogātpramucyeta satyaṃ satyaṃ na saṃśayaḥ // ### [1.73.162](https://indike.org/pramana/in.purana.narada.1.73.162) abhimantrya jalaṃ prātarmantreṇa triḥ samāhitaḥ / trisaṃdhyaṃ vā pibennityaṃ mucyate sarvarogataḥ // ### [1.73.163](https://indike.org/pramana/in.purana.narada.1.73.163) dāridrayaṃ ca parābhūtaṃ jāyate dhanadopamaḥ / viṣādidoṣasaṃsparśo na bhavettu kadācana // ### [1.73.164](https://indike.org/pramana/in.purana.narada.1.73.164) manunā mantritaistoyaiḥ pratyehaṃ kṣālayenmukham / mukhanetrādisaṃbhūtāñjayeddvrogāṃśca dāruṇān // ### [1.73.165](https://indike.org/pramana/in.purana.narada.1.73.165) pītvābhimantritaṃ tvaṃbhaḥ kukṣirogān jayeddhruvam / lakṣmaṇapratimāṃ kṛtvā dadyādbhaktyā vidhānataḥ // ### [1.73.166](https://indike.org/pramana/in.purana.narada.1.73.166) sa sarvebhyo 'tha rogebhyo mucyate nātra saṃśayaḥ / kanyārthī vimalāpāṇigrahaṇāsaktamānasaḥ // ### [1.73.167](https://indike.org/pramana/in.purana.narada.1.73.167) dhyāyan lakṣaṃ japenmantrī abjairhutvā daśāṃśataḥ / īpsitāṃ labhate kanyāṃ śīgrameva na saṃśayaḥ // ### [1.73.168](https://indike.org/pramana/in.purana.narada.1.73.168) dīkṣitaṃ juṃbhaṇāstrāṇāṃ mantreṣu niyatavratam / dhyātvā ca vidhivannityaṃ japenmāsatrayaṃ manum // ### [1.73.169](https://indike.org/pramana/in.purana.narada.1.73.169) pūjāpuraḥsaraṃ saptasahasraṃ vijitendriyaḥ / sarvāsāmapi vidyānāṃ tattvajño jāyate naraḥ // ### [1.73.170](https://indike.org/pramana/in.purana.narada.1.73.170) viśvāmitrakratuvare kṛtādbhutaparākramam / dhyāyaṃllakṣaṃ japenmantraṃ mucyate mahato bhayāt // ### [1.73.171](https://indike.org/pramana/in.purana.narada.1.73.171) kṛtanityakriyaḥ śuddhastrikālaṃ prajapenmanum / sarvapāpavinirmukto yāti viṣṇoḥ paraṃ padam // ### [1.73.172](https://indike.org/pramana/in.purana.narada.1.73.172) dīkṣito vidhivanmantrī guṇairvigatakalmaṣaḥ / svācāraniyato dānto gṛhastho vijitendriyaḥ // ### [1.73.173](https://indike.org/pramana/in.purana.narada.1.73.173) aihikānanapekṣyaiva niṣkāmo yor'cayedvibhum / sa sarvānpuṇyapāpaudhāndagdhvā nirmalamānasaḥ // ### [1.73.174](https://indike.org/pramana/in.purana.narada.1.73.174) punarāvṛttirahitaḥ śāśvataṃ padamaśvataṃ padamaśnute / sakāmo vāñchitān labdhvā bhuktvā bhogān manogatān // ### [1.73.175](https://indike.org/pramana/in.purana.narada.1.73.175) jātiramaraściraṃ bhūtvā yāti viṣṇoḥ paraṃ padam / nidrācandrānvitā paścādbharatāya hṛdantimaḥ // ### [1.73.176](https://indike.org/pramana/in.purana.narada.1.73.176) saptākṣaro manuścāsya munyādyarcādi pūrvavat / bakaḥ seṃduśca śatrudhnaparaṃ ṅetaṃ hṛdantimaḥ // ### [1.73.177](https://indike.org/pramana/in.purana.narada.1.73.177) saptākṣaro 'yaṃ śatrudhnamantraḥ sarveṣṭasiddhidaḥ // ### [1.73.177.p1](https://indike.org/pramana/in.purana.narada.1.73.177.p1) iti śrībṛhannāradīyapurāṇe pūrvabhāge buhadupākhyāne sanatkumāravibhāge tṛtīyapāde rāmādyupāsanāvarṇanaṃ nāma trisaptatitamo 'dhyāyaḥ ## Linked texts (19) - [Merutantra](https://indike.org/pramana/in.sampradaya.general.sakta.tantra.mula.merutantra.15.496) — Gommaṭa, Sanskrit - [Agastyasaṃhitā](https://indike.org/pramana/in.sampradaya.vaisnava.tantra.tantra.agastyasamhita.39) — Sanskrit - [Īśādiviṃśottaraśatopaniṣadaḥ](https://indike.org/pramana/in.veda.upanisad.isadivimsottarasatopanisadah.6.55_72) — Sanskrit - [Rāmārcanacandrikā (Ānandavanayati)](https://indike.org/pramana/in.niti.dharma.pratistha.vaisnava.rama.ramarcanacandrika-anandavanayati.22) — Ānandavanayati, Sanskrit - [Brahmavaivartapurāṇa](https://indike.org/pramana/in.purana.brahmavaivarta.1.14.76) — Vyāsa, Sanskrit - [Puraścaryārṇava](https://indike.org/pramana/in.niti.dharma.prayoga.purascarana.purascaryarnava.2.25.508) — Sanskrit - [Dāśarathīyatantra](https://indike.org/pramana/in.sampradaya.vaisnava.tantra.rama.tantra.dasarathiyatantra.6467) — Sanskrit - [Puraścaryārṇava](https://indike.org/pramana/in.sampradaya.general.sakta.paddhati.mantrasamskara.purascaryarnava.2.4873) — Pratāpanārasiṃhasāha of Nepal 1750, Sanskrit - [Āgamakalpalatā](https://indike.org/pramana/in.sampradaya.general.agamakalpalata.218) — Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.75.1) — Sanskrit - [Rāmārcanacandrikā (Ānandavanayati) (ed1925)](https://indike.org/pramana/in.niti.dharma.pratistha.vaisnava.rama.ramarcanacandrika-anandavanayati*ed1925.2.p1.2) — Sanskrit - [Merutantra (Śiva)](https://indike.org/pramana/in.sampradaya.general.sakta.tantra.mula.merutantra-siva.34.556) — Śiva, Sanskrit - [Rāmatāpinyupaniṣad](https://indike.org/pramana/in.veda.upanisad.vaisnava.ramatapinyupanisad.3.6.1) — Sanskrit - [Aṣṭottaraśatopaniṣadaḥ](https://indike.org/pramana/in.veda.upanisad.samanya.astottarasatopanisadah.336.5) — Sanskrit - [Aṣṭottaraśatopaniṣad](https://indike.org/pramana/in.veda.upanisad.astottarasatopanisad.157.5) — Sanskrit - [Prapañcasārasaṃgraha](https://indike.org/pramana/in.darsana.advaita.prakarana.early.upasana.prapancasarasamgraha.1.p4.3) — Gīrvāṇendra Sarasvatī 1505, Sanskrit - [Āgamakalpalatā (Yadu Miśra)](https://indike.org/pramana/in.sampradaya.general.sakta.nibandha.gaudiyanibandha.agamakalpalata.10.p48) — Yadu Miśra, Sanskrit - [Gautamīyatantra (ed. Bhagiratha Jha)](https://indike.org/pramana/in.sampradaya.vaisnava.tantra.tantra.gautamiya*jha.1.10) — Sanskrit - [Pātālakhaṇḍa](https://indike.org/pramana/in.purana.padma.patalakhanda.4.p129) — Sanskrit --- Source: [https://indike.org/pramana/in.purana.narada.1.73](https://indike.org/pramana/in.purana.narada.1.73) · Pramāṇa