[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.76 # Naradapurana 1.76 Nāradapurāṇa 1.76 - **Language:** Sanskrit ## Contents - [1.76.116](https://indike.org/pramana/in.purana.narada.1.76.116) — 1 part ### [1.76.1](https://indike.org/pramana/in.purana.narada.1.76.1) nārada uvāca kārtavīryataprabhṛtayo nṛpā bahuvidhā bhuvi / jāyante 'tha pralīyante svasvakarmānusārataḥ // ### [1.76.2](https://indike.org/pramana/in.purana.narada.1.76.2) tatkathaṃ rājavaryo 'sau lokesevyatvamāgataḥ / samullaṅghya nṛpānanyānetanme nuda saṃśayam // ### [1.76.3](https://indike.org/pramana/in.purana.narada.1.76.3) sanatkumāra uvāca śṛṇu nārada vakṣyāmi saṃdehavinivṛttaye / yathā sevyatvamāpannaḥ kārtavīryārjuno bhuvi // ### [1.76.4](https://indike.org/pramana/in.purana.narada.1.76.4) yaḥ sudarśanacakrasyāvatāraḥ pṛthivītale / dattātreyaṃ samārādhya labdhavāṃsteja uttamam // ### [1.76.5](https://indike.org/pramana/in.purana.narada.1.76.5) tasya kṣitīśvaredrasya smaraṇādeva nārada / śatrūñjayati saṃgrāme naṣṭaṃ prāpnoti satvaram // ### [1.76.6](https://indike.org/pramana/in.purana.narada.1.76.6) tenāsya mantrapūjādi sarvatantreṣu gopitam / tubhyaṃ prakāśayiṣye 'haṃ sarvasiddhipradāyakam // ### [1.76.7](https://indike.org/pramana/in.purana.narada.1.76.7) vahnitārayutā raudrī lakṣmīragnīnduśāntiyuk / vedhādharenduśāntyāḍhyo nidrayāśāgni binduyuk // ### [1.76.8](https://indike.org/pramana/in.purana.narada.1.76.8) pāśo māyāṅkuśaṃ padmāvarmāstre kārtavīpadam / rephovā dyāsano 'nanto vahnijau karṇasaṃsthitau // ### [1.76.9](https://indike.org/pramana/in.purana.narada.1.76.9) meṣaḥ sadīrghaḥ pavano manurukto hṛdantimaḥ / ūnarviśativarṇo 'yaṃ tārādirnakhavarṇakaḥ // ### [1.76.10](https://indike.org/pramana/in.purana.narada.1.76.10) dattātreyo muniścāsyacchando 'nuṣṭubudāhṛtam / kārtavīryārjuno devo bījaśaktirdhruvaśca hṛt // ### [1.76.11](https://indike.org/pramana/in.purana.narada.1.76.11) śeṣāḍhyabījayugmena hṛdayaṃ vinyasedadhaḥ / śāntiyuktacaturthena kāmādyena śirāḥeṃ'gakam // ### [1.76.12](https://indike.org/pramana/in.purana.narada.1.76.12) indvāḍhyaṃ vāmakarṇādyamāyayorvīśayuktayā / śikhāmaṅkuśapadmābhyāṃ savāgbhyāṃ varma vinyaset // ### [1.76.13](https://indike.org/pramana/in.purana.narada.1.76.13) varmāstrābhyāmastramuktaṃ śeṣārṇairvyāpakaṃ punaḥ / hṛdaye jaṭhare nābhau jaṭhare guhyadeśataḥ // ### [1.76.14](https://indike.org/pramana/in.purana.narada.1.76.14) dakṣapāde vāmapāde sakthni jānuni jaṅghayoḥ / vinyasedbījadaśakaṃ praṇavadvayamadhyagam // ### [1.76.15](https://indike.org/pramana/in.purana.narada.1.76.15) tārādyānatha śeṣārṇānmastake ca lalāṭake / bhruvoḥ śrutyostathaivākṣṇornasi vaktre galeṃ'sake // ### [1.76.16](https://indike.org/pramana/in.purana.narada.1.76.16) sarvamantreṇa sarvāṅge kṛtvā vyāpakamādṛtaḥ / sarveṣṭasiddhaye dhyāyetkārtavīryaṃ janeśvaram // ### [1.76.17](https://indike.org/pramana/in.purana.narada.1.76.17) udyadrarkasahasrābhaṃ sarvabhūpativanditam / dorbhiḥ pañcāśatā dakṣairbāṇānvāmairdhanūṃṣi ca // ### [1.76.18](https://indike.org/pramana/in.purana.narada.1.76.18) dadhataṃ svarṇamālāḍhyaṃ raktavastrasamāvṛtam / cakrāvatāraṃ śrīviṣṇordhyāyedarjunabhūpatim // ### [1.76.19](https://indike.org/pramana/in.purana.narada.1.76.19) lakṣamekaṃ japenmantraṃ daśāṃśaṃ juhuyāttilaiḥ / sataṇḍulaiḥ pāyasena viṣṇupīṭhe yajattutam // ### [1.76.20](https://indike.org/pramana/in.purana.narada.1.76.20) ṣaṭkoṇeṣu ṣaḍaṅgāni tato dikṣu vivikṣu ca / cauramadavibhañjanaṃ mārīmadavibhañjanam // ### [1.76.21](https://indike.org/pramana/in.purana.narada.1.76.21) arimadavibhañjanaṃ daityamadavibhañjanam / duṣṭanāśaṃ duḥkhanāśaṃ duritāpadvināśakam // ### [1.76.22](https://indike.org/pramana/in.purana.narada.1.76.22) dikṣvaṣṭaśaktayaḥ pūjyāḥ prācyādiṣvasitaprabhāḥ / kṣemaṅkarī vaśyakarī śrīkarī ca yaśaskarī // ### [1.76.23](https://indike.org/pramana/in.purana.narada.1.76.23) āyuḥ karī tathā prajñākarī vidyākarī punaḥ / dhanakaryaṣṭamī paścāllokeśā astrasaṃyutāḥ // ### [1.76.24](https://indike.org/pramana/in.purana.narada.1.76.24) evaṃ saṃsādhito mantraḥ prayogārhaḥ prajāyate / kārtavīryārjunasyātha pūjāyantramihocyate // ### [1.76.25](https://indike.org/pramana/in.purana.narada.1.76.25) svabījānaṅgadhruvavākkarṇikaṃ digdalaṃ likhet / tārādivarmāntadalaṃ śeṣavarṇadalāntaram // ### [1.76.26](https://indike.org/pramana/in.purana.narada.1.76.26) ūṣmāntyasvarakiñjalkaṃ śeṣārṇaiḥ pariveṣṭitam / koṇālaṅkṛtabhūtārṇabhūgṛhaṃ yantramīśituḥ // ### [1.76.27](https://indike.org/pramana/in.purana.narada.1.76.27) śuddhabhūmāvaṣṭagandhairlikhitvā yantramādarāt / tatra kuṃbhaṃ pratiṣṭhāpya tatrāvāhyārcayennṛpam // ### [1.76.28](https://indike.org/pramana/in.purana.narada.1.76.28) spṛṣṭvā kuṃbhaṃ japenmantraṃ sahasraṃ vijitendriyaḥ / abhiṣiṃ cettadaṃbhobhiḥ priyaṃ sarveṣṭasiddhaye // ### [1.76.29](https://indike.org/pramana/in.purana.narada.1.76.29) putrānyaśo roganāśamāyuḥ svajanarañjanam / vāksiddhiṃ sudṛśaḥ kumbhābhiṣikto labhate naraḥ // ### [1.76.30](https://indike.org/pramana/in.purana.narada.1.76.30) śatrūpadrava āpanne grāme vā puṭabhedane / saṃsthāpaṃyedidaṃ yantraṃ śatrubhītinivṛttaye // ### [1.76.31](https://indike.org/pramana/in.purana.narada.1.76.31) sarṣapāriṣṭalaśunakārpāsairmāryate ripuḥ / dhattūraiḥ stabhyate nimbairdveṣyate vaśyateṃ'bujaiḥ // ### [1.76.32](https://indike.org/pramana/in.purana.narada.1.76.32) uñcāṭane vibhītasya samidbhiḥ khadirasya ca / kaṭutailamahiṣyājyairhemadravyāñjanaṃ smṛtam // ### [1.76.33](https://indike.org/pramana/in.purana.narada.1.76.33) yavairhute śriyaḥ prāptistilairājyairaghakṣayaḥ / tilataṇḍulasiddhārthajālairvaśyo nṛpo bhavet // ### [1.76.34](https://indike.org/pramana/in.purana.narada.1.76.34) apāmārgārkadūrvāṇāṃ homo lakṣmīprado 'ghanut / strīvaśyakṛtpriyaṅgūṇāṃ murāṇāṃ bhūtaśāntidaḥ // ### [1.76.35](https://indike.org/pramana/in.purana.narada.1.76.35) aśvatthoduṃbaraplakṣavaṭabilvasamudbhavāḥ / samidho labhate hutvā putrānāyurddhanaṃ sukham // ### [1.76.36](https://indike.org/pramana/in.purana.narada.1.76.36) nirmokahemasiddhārthalavaṇaiścauranāśanam / rocanāgomayaistaṃbho bhūprāptiḥ śālibhirhutaiḥ // ### [1.76.37](https://indike.org/pramana/in.purana.narada.1.76.37) homasaṃkhyā tu sarvatra sahasrādayutāvadhi / prakalpanīyā mantrajñaiḥ kāryyagauravalāghavāt // ### [1.76.38](https://indike.org/pramana/in.purana.narada.1.76.38) kārtavīryyasya mantrāṇāmucyate lakṣaṇaṃ budhāḥ / kārtavīryārjunaṃ ṅeṃtaṃ sarvamantreṣu yojayet // ### [1.76.39](https://indike.org/pramana/in.purana.narada.1.76.39) svabījādyo daśārṇo 'sau anye navaśivākṣarāḥ / ādyabījadvayenāsau dvitīyo mantra īritaḥ // ### [1.76.40](https://indike.org/pramana/in.purana.narada.1.76.40) svakāmābhyāṃ tṛtīyo 'sau svabhrūbhyāṃ tu caturthakaḥ / svapāśābhyāṃ pañcamo 'sau ṣaṣṭaḥ svena ca māyayā // ### [1.76.41](https://indike.org/pramana/in.purana.narada.1.76.41) svāṅkuśābhyāṃ saptamaḥ syātsvaramābhyāmathāṣṭamaḥ / svavāgbhavābhyāṃ navamo varmāstrābhyāmathāntimaḥ // ### [1.76.42](https://indike.org/pramana/in.purana.narada.1.76.42) dvitīyādinavānteṣu bījayoḥ syādvyatikramaḥ / mantre tu daśame varṇā navavarmāstramadhyagāḥ // ### [1.76.43](https://indike.org/pramana/in.purana.narada.1.76.43) eteṣu mantravaryeṣu svānukūlaṃ manuṃ bhajet / eṣāmādye virāṭchado 'nyeṣu triṣṭubudāhṛtam // ### [1.76.44](https://indike.org/pramana/in.purana.narada.1.76.44) daśa mantrā ime proktā yadā syuḥ praṇavādikāḥ / tadādimaḥ śivārṇaḥ syādanye tu dvādaśākṣarāḥ // ### [1.76.45](https://indike.org/pramana/in.purana.narada.1.76.45) triṣṭupūchandastathādye syādanyeṣu jagatī matā / evaṃ viṃśatimantrāṇāṃ yajanaṃ pūrvavanmatama // ### [1.76.46](https://indike.org/pramana/in.purana.narada.1.76.46) dīrghāḍhyamūlabījena kuryādeṣāṃ ṣaḍaṅgakam / tāro hṛtkārtavīryārjunāya varmāstraṭhadvayam // ### [1.76.47](https://indike.org/pramana/in.purana.narada.1.76.47) caturdaśārṇo mantro 'yamasyejyā pūrvavanmatā / bhūnetrasamanetrākṣivarṇerasyāṅgapañcakam // ### [1.76.48](https://indike.org/pramana/in.purana.narada.1.76.48) tāro hṛdbhagavān ṅeṃtaḥ kārtavīryārjunastathā / varmāstrāgnipriyāmantraḥ prokto hyaṣṭādaśārṇakaḥ // ### [1.76.49](https://indike.org/pramana/in.purana.narada.1.76.49) trivedasaptayugmākṣivarṇaiḥ pañcāṅgakaṃ manoḥ / namo bhagavate śrīti kārtavīryārjunāya ca // ### [1.76.50](https://indike.org/pramana/in.purana.narada.1.76.50) sarvaduṣṭāntakāyeti tapobalaparākramaḥ / paripālitasaptānte dvīpāya sarvarāpadam // ### [1.76.51](https://indike.org/pramana/in.purana.narada.1.76.51) janyacūḍā maṇānte ye mahāśaktimate tataḥ / sahasradahanaprānte varmāstrānto mahāmanuḥ // ### [1.76.52](https://indike.org/pramana/in.purana.narada.1.76.52) triṣaṣṭivarṇavānproktaḥ smaramātsarvavighnahṛt / rājanyakravartī ca vīraḥ śūrastṛtīyakaḥ // ### [1.76.53](https://indike.org/pramana/in.purana.narada.1.76.53) māhiṣmatīpatiḥ paścāñcaturthaḥ samudīritaḥ / revāṃbuparitṛptaśca kāṇo hastaprabādhitaḥ // ### [1.76.54](https://indike.org/pramana/in.purana.narada.1.76.54) daśāsyeti ca ṣaḍbhiḥ syātpadairṅetaiḥ ṣaḍaṅgakam / siṃcyamānaṃ yuvatibhiḥ krīḍantaṃ narmadājale // ### [1.76.55](https://indike.org/pramana/in.purana.narada.1.76.55) hastairjalaudhaṃ rundhantaṃ dhyāyenmattaṃ nṛpottamam / evaṃ dhyātvāyutaṃ mantraṃ pajedanyattu pūrvavat // ### [1.76.56](https://indike.org/pramana/in.purana.narada.1.76.56) pūrvaṃ tu prajapellakṣaṃ pūjāyogaśca pūrvavat / kārtavīryārjuno nāma rājā bāhusahasravān // ### [1.76.57](https://indike.org/pramana/in.purana.narada.1.76.57) tasya saṃsmaraṇādeva hṛtaṃ naṣṭaṃ ca saṃvadet / labhyate mantravaryo 'yaṃ dvātriṃśadvarṇasaṃyutaḥ // ### [1.76.58](https://indike.org/pramana/in.purana.narada.1.76.58) pādaiḥ sarveṇa pañcāṅgaṃ dhyānapūjādi pūrvavat / kārtavīryāya śabdānte vidmahe padamuñcaret // ### [1.76.59](https://indike.org/pramana/in.purana.narada.1.76.59) mahāvīryāya varṇānte dhīmahīti padaṃ vadet / tannor'junaḥ pravarṇānte codayātpadamīrayet // ### [1.76.60](https://indike.org/pramana/in.purana.narada.1.76.60) gāyatryeṣārjuna syoktā prayogādau japettu tām / anuṣṭubhaṃ manuṃ rātrau japatāṃ caurasaṃcayāḥ // ### [1.76.61](https://indike.org/pramana/in.purana.narada.1.76.61) palāyante gṛhāddūraṃ tarpaṇāddhravanādapi / atho dīpavidhiṃ vakṣye kārtavīryapriyaṅkaram // ### [1.76.62](https://indike.org/pramana/in.purana.narada.1.76.62) vaiśākhe śrāvaṇe mārge kārtikāśvinapauṣataḥ / māghaphālgunayormāsordīpāraṃbhaṃ samācaret // ### [1.76.63](https://indike.org/pramana/in.purana.narada.1.76.63) tithau riktāvihīnāyāṃ vāre śanikujau vinā / hastottarāśviraudreyapuṣyavaiṣṇavavāyubhe // ### [1.76.64](https://indike.org/pramana/in.purana.narada.1.76.64) dvidaivate ca rohiṇyāṃ dīpāraṃbho hitāvahaḥ / carame ca vyatīpāte dhṛtau vṛddhau sukarmaṇi // ### [1.76.65](https://indike.org/pramana/in.purana.narada.1.76.65) prītau harṣaṃ ca saubhāgye śobhanāyuṣmatorapi / karaṇe viṣṭirahite grahaṇe 'rddhodayādiṣu // ### [1.76.66](https://indike.org/pramana/in.purana.narada.1.76.66) yogeṣu rātrau pūrvāhne dīpāraṃbhaghaḥ kṛtaḥ śubhaḥ / kārtike śuklasaptamyāṃ niśīthe 'tīva śobhanaḥ // ### [1.76.67](https://indike.org/pramana/in.purana.narada.1.76.67) yadi tatra ravervāraḥ śravaṇaṃ bhaṃ ca durlabham / atyāvaśyakakāryeṣu māsādīnāṃ na śodhanam // ### [1.76.68](https://indike.org/pramana/in.purana.narada.1.76.68) ādye hyupoṣya niyato brahmacārī sapītakaiḥ / prātaḥ snātvā śuddhabhūmau liptāyāṃ gomayodakaiḥ // ### [1.76.69](https://indike.org/pramana/in.purana.narada.1.76.69) prāṇānāyamya saṃkalpya nyāsānpūrvoditāṃścaret / ṣaṭkoṇaṃ racayedbhūmau raktacandanataṇḍulaiḥ // ### [1.76.70](https://indike.org/pramana/in.purana.narada.1.76.70) ataḥ smaraṃ samālikhya ṣaṭkoṇeṣu samālikhet / navārṇairveṣṭayettañca trikoṇaṃ tadbahiḥ punaḥ // ### [1.76.71](https://indike.org/pramana/in.purana.narada.1.76.71) evaṃ vilikhite yantre nidadhyāddīpabhājanam / svarṇajaṃ rajatotthaṃ vā tāmrajaṃ tadabhāvataḥ // ### [1.76.72](https://indike.org/pramana/in.purana.narada.1.76.72) kāṃsyapātraṃ mṛṇmayaṃ ca kaniṣṭhaṃ lohajaṃ mṛtau / śāntaye mudgacūrṇotthaṃ saṃdhau godhūmacūrṇajam // ### [1.76.73](https://indike.org/pramana/in.purana.narada.1.76.73) ājye palasahasre tu pātraṃ śatapalaṃ smṛtam / ājye 'yutapale pātraṃ palapañcaśatā smṛtam // ### [1.76.74](https://indike.org/pramana/in.purana.narada.1.76.74) pañcasaptatisaṃkhye tu pātraṃ ṣaṣṭipalaṃ smṛtam / trisāhasrī ghṛtapale śarkarāpalabhājanam // ### [1.76.75](https://indike.org/pramana/in.purana.narada.1.76.75) dvisāhakhtryāṃ dviśatamitaṃ ca bhājanamiṣyate / śate 'kṣicarasaṃśyātamevamanyatra kalpayet // ### [1.76.76](https://indike.org/pramana/in.purana.narada.1.76.76) nityadīpe vahnipalaṃ pātramājyaṃ palaṃ smṛtam / evaṃ pātraṃ pratiṣṭhāpya vartīḥ sūtrotthitāḥ kṣipet // ### [1.76.77](https://indike.org/pramana/in.purana.narada.1.76.77) ekā tisro 'thavā pañcasaptādyā viṣamā api / tithimānādāsahasraṃ tantusaṃkhyā vinirmitā // ### [1.76.78](https://indike.org/pramana/in.purana.narada.1.76.78) goghṛtaṃ prakṣipettatra śuddhavastraviśodhitam / sahasrapalasaṃkhyādidaśāṃśaṃ kāryagauravāt // ### [1.76.79](https://indike.org/pramana/in.purana.narada.1.76.79) suvarṇādikṛtāṃ ramyāṃ śalākāṃ ṣoḍaśāṅgulām / tadarddhāṃ vā tadarddhāṃ vā sūkṣmāgrāṃ sthūlamūlikām // ### [1.76.80](https://indike.org/pramana/in.purana.narada.1.76.80) vimuñceddakṣiṇe pātramadhye cāgre kṛtāgrikām / pātradakṣiṇadigdeśe muktvāṃ gulacatuṣṭayam // ### [1.76.81](https://indike.org/pramana/in.purana.narada.1.76.81) adhogrāṃ dakṣiṇādhārāṃ nikhanecchurikāṃ śubhām / dīpaṃ prajvālayettatra gaṇeśasmṛtipūrvakam // ### [1.76.82](https://indike.org/pramana/in.purana.narada.1.76.82) dīpātpūrvatra digbhāge sarvatobhadramaṇḍale / taṇḍulāṣṭadale vāpi vidhivatsthāpayeddhūṭam // ### [1.76.83](https://indike.org/pramana/in.purana.narada.1.76.83) tatrāvāhya nṛpādhīśaṃ pūjayetpūrvavatsudhīḥ / jalākṣatānsamādāya dīpaṃ saṃkalpayettataḥ // ### [1.76.84](https://indike.org/pramana/in.purana.narada.1.76.84) dīpasaṃkalpamantro 'yaṃ kathyate dvīṣubhūmitaḥ / praṇavaḥ pāśamāye ca śikhā kārtākṣarāṇi ca // ### [1.76.85](https://indike.org/pramana/in.purana.narada.1.76.85) vīryārjunāya māhiṣmatīnāthāya sahasra ca / bāhave iti varṇānte sahasrapadamuccaret // ### [1.76.86](https://indike.org/pramana/in.purana.narada.1.76.86) kratudīkṣitahastāya dattātreyapriyāya ca / ātreyāyānusūyānte garbharatnāya tatparam // ### [1.76.87](https://indike.org/pramana/in.purana.narada.1.76.87) namo grīvāmakarṇendusthitau pāśa imaṃ tataḥ / dīpaṃ gṛhāṇa amukaṃ rakṣa rakṣa padaṃ punaḥ // ### [1.76.88](https://indike.org/pramana/in.purana.narada.1.76.88) duṣṭānnāśayayugmaṃ syāttathā pātaya ghātaya / śatrūn jahidvayaṃ māyā tāraḥ svaṃ bījamātmabhūḥ // ### [1.76.89](https://indike.org/pramana/in.purana.narada.1.76.89) vahnīpriyā anenātha dīpavaryeṇa paścimā / bhimukhenāmukaṃ rakṣa amukānte varaprada // ### [1.76.90](https://indike.org/pramana/in.purana.narada.1.76.90) māyākāśadvayaṃ vāmanetracandrayutaṃ śivā / vedādikāmacāmuṇḍāḥ svāhā tu pūsabindukau // ### [1.76.91](https://indike.org/pramana/in.purana.narada.1.76.91) praṇavo 'gnipriyā mantro netrabāṇādharākṣaraḥ / dattātreyo munirmālāmantrasya parikīrtitaḥ // ### [1.76.92](https://indike.org/pramana/in.purana.narada.1.76.92) chando 'mitaṃ kārtavīryurjuno devo 'khilāptikṛt / cāmuṇḍayā ṣaḍaṅgāni caretṣaḍdīrghayuktayā // ### [1.76.93](https://indike.org/pramana/in.purana.narada.1.76.93) dhyātvā devaṃ tato mantraṃ paṭhitvānte kṣipejjajalam / govindāḍhyo halī seṃduścāmuṇḍābījamīritam // ### [1.76.94](https://indike.org/pramana/in.purana.narada.1.76.94) tato navākṣaraṃ mantraṃ sahasraṃ tatpuro japet / tāro 'nanto binduyukto māyāsvaṃ vāmanetrayuk // ### [1.76.95](https://indike.org/pramana/in.purana.narada.1.76.95) kūrmāgnī śāntibindvāḍhyau vahni jāyāṅkuśaṃ dhruvam / ṛṣiḥ pūrvoditonuṣṭupchando 'nyatpūrvavatpunaḥ // ### [1.76.96](https://indike.org/pramana/in.purana.narada.1.76.96) sahasraṃ mantrarājaṃ ca japitvā kavacaṃ paṭhet / evaṃ dīpapradānasya kartāpnotyakhile 'psitam // ### [1.76.97](https://indike.org/pramana/in.purana.narada.1.76.97) dīpaprabodhakāle tu varjayedaśubhāṃ giram / viprasya darśanaṃ tatra śubhadaṃ parikīrtitam // ### [1.76.98](https://indike.org/pramana/in.purana.narada.1.76.98) śūdrāṇāṃ pradhyamaṃ proktaṃ mlecchasya vadhabandhanam / ākhvotvordarśanaṃ duṣṭaṃ gavāśvasya sukhāvaham // ### [1.76.99](https://indike.org/pramana/in.purana.narada.1.76.99) dīpajvālā samā siddhyai vakrā niśavidhāyinī / śabdā bhayadā karturujjvalā sukhadā matā // ### [1.76.100](https://indike.org/pramana/in.purana.narada.1.76.100) kṛṣṇā śatrubhayotpattye vamantī paśunāśinī / kṛte dīpe yadā pātraṃ bhagnaṃ dṛśyate daivataḥ // ### [1.76.101](https://indike.org/pramana/in.purana.narada.1.76.101) pakṣādarvāktadā gacchedyajamāno yamālayam / vartyataraṃ yadā kuryātkāryaṃ siddhyedvilaṃbataḥ // ### [1.76.102](https://indike.org/pramana/in.purana.narada.1.76.102) netrahīno bhavetkartā tasmindīpāntare kṛte / aśucisparśane vyādhirdīpanāśe tu caurabhīḥ // ### [1.76.103](https://indike.org/pramana/in.purana.narada.1.76.103) śvamārjārākhusaṃsparśe bhavedbhūpatito bhayam / pātrāraṃbhe vasupalaiḥ kṛto dīpo 'khileṣṭadaḥ // ### [1.76.104](https://indike.org/pramana/in.purana.narada.1.76.104) tasmāddīpaḥ prayatnena rakṣaṇīyoṃ'tarāyataḥ / āsamāpteḥ prakurvīta brahmacaryaṃ ca bhūśayaḥ // ### [1.76.105](https://indike.org/pramana/in.purana.narada.1.76.105) strīśūdrapatitādīnāṃ saṃbhāṣāmapi varjayet / japetsahasraṃ pratyekaṃ mantrarājaṃ navākṣaram // ### [1.76.106](https://indike.org/pramana/in.purana.narada.1.76.106) stotrapāṭhaṃ pratidinaṃ niśīthinyāṃ viśeṣataḥ / ekapādena dīpāgre sthitvā yo mantranāyakam // ### [1.76.107](https://indike.org/pramana/in.purana.narada.1.76.107) sahasraṃ prajapedvātrau so 'bhīṣṭaṃ kṣipramāpnuyāt / samāpya śobhanadine saṃbhojya dvijasattamān // ### [1.76.108](https://indike.org/pramana/in.purana.narada.1.76.108) kuṃbhodakena kartāramabhiṣiñcanmanuṃ japet / kartā tu dakṣiṇāṃ dadyātpuṣkalāṃ toṣahetave // ### [1.76.109](https://indike.org/pramana/in.purana.narada.1.76.109) gurau tuṣṭe dadātīṣṭaṃ kṛtavīryasuto nṛpaḥ / gurvājñayā svayaṃ kuryādyadi vā kāraye dguruḥ // ### [1.76.110](https://indike.org/pramana/in.purana.narada.1.76.110) dattvā dhanādikaṃ tasmai dīpadānāya nārada / gurvājñāmantarā kuryādyo dīpaṃ sveṣṭasiddhaye // ### [1.76.111](https://indike.org/pramana/in.purana.narada.1.76.111) siddhirna jāyate tasya hānireva pade pade / uttamaṃ goghṛtaṃ proktaṃ madhyamaṃ mahaṣībhavam // ### [1.76.112](https://indike.org/pramana/in.purana.narada.1.76.112) tilatailaṃ tu tādṛk syātkanīyo 'jādijaṃ ghṛtam / āsyaroge sugandhena dadyāttailena dīpakam // ### [1.76.113](https://indike.org/pramana/in.purana.narada.1.76.113) siddhvārthasaṃbhavenātha dviṣatāṃ nāśanāya ca / sahasreṇa palairdīpe vihite ca na dṛśyate // ### [1.76.114](https://indike.org/pramana/in.purana.narada.1.76.114) kāryasiddhastadā kuryātrrivāraṃ dīpajaṃ vidhim / tadā sudurlabhamapi kāryyaṃ siddhvyenna saṃśayaḥ // ### [1.76.115](https://indike.org/pramana/in.purana.narada.1.76.115) dīpapriyaḥ kārtavīryo mārtaṇḍo nativallabhaḥ / stutiproyo mahāviṣṇurgaṇeśa staparṇapriyaḥ // ### [1.76.116](https://indike.org/pramana/in.purana.narada.1.76.116) durgārcanapriyā nūnamabhiṣekapriyaḥ śivaḥ / tasmātteṣāṃ pratoṣāya vidadhyāttattadādarāt // ### [1.76.116.p1](https://indike.org/pramana/in.purana.narada.1.76.116.p1) iti śrībṛhannāradīyapurāṇe pūrvabhāge bṛhadupākhyāne tṛtīyapāde kārtavīryamāhātmyamantradīpakathanaṃ nāma ṣaṭsaptatitamo 'dhyāyaḥ ## Linked texts (5) - [Merutantra](https://indike.org/pramana/in.sampradaya.general.sakta.tantra.mula.merutantra.23.14) — Gommaṭa, Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.78.1) — Sanskrit - [Merutantra (Śiva)](https://indike.org/pramana/in.sampradaya.general.sakta.tantra.mula.merutantra-siva.43.12) — Śiva, Sanskrit - [Mantramahārṇava (ed. Ram Kumar Rai)](https://indike.org/pramana/in.sampradaya.general.mantrasastra.nibandha.mantramaharnava*rai1990.496.1-3) — Sanskrit - [Vācaspatya](https://indike.org/pramana/in.art.kosa.ubhayarupa.vacaspatya.3.3.2) — Tārānātha Tarkavācaspati, Sanskrit ## Discussed in (1) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c7.s12.36) — Hazra 1940, English --- Source: [https://indike.org/pramana/in.purana.narada.1.76](https://indike.org/pramana/in.purana.narada.1.76) · Pramāṇa