[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.7 # Naradapurana 1.7 Nāradapurāṇa 1.7 - **Language:** Sanskrit ## Contents - [1.7.51](https://indike.org/pramana/in.purana.narada.1.7.51) — 1 part - [1.7.76](https://indike.org/pramana/in.purana.narada.1.7.76) — 1 part ### [1.7.1](https://indike.org/pramana/in.purana.narada.1.7.1) nārada uvāca ko 'sau rākṣasabhāvāddhi mocitaḥ sagarāvanvaye / sagaraḥ ko muniśreṣṭha tanmramākhyātumarhasi // ### [1.7.2](https://indike.org/pramana/in.purana.narada.1.7.2) sanaka uvāca śruṇuṣva muniśārdūla gaṅgāmāhātmyamuttamam / yajjalasparśamātreṇa pāvitaṃ sāgaraṃ kulam / gataṃ viṣṇupadaṃ vipra sarvalokottamottamam // ### [1.7.3](https://indike.org/pramana/in.purana.narada.1.7.3) āsīdravikule bāhurnāma vṛkātmajaḥ / bubhuje pṛthivīṃ sarvāṃ dharmato dharmatatparaḥ // ### [1.7.4](https://indike.org/pramana/in.purana.narada.1.7.4) brahmaṇāḥ kṣatriyā vaiśyāḥ śūdrāścānye ca jantavaḥ / sthāpitāḥ svasvadharmeṣu tena bāhurviśāṃpatiḥ // ### [1.7.5](https://indike.org/pramana/in.purana.narada.1.7.5) aśvamedhairiyājāsau satpadvīpeṣu satpabhiḥ / atarppayadbhūmidevān gobhūsvarṇāśukādibhiḥ // ### [1.7.6](https://indike.org/pramana/in.purana.narada.1.7.6) aśāsannītiśāstreṇa yatheṣṭaṃ paripanthinaḥ / mene kṛtārthamātmānamanyātapanivāraṇam // ### [1.7.7](https://indike.org/pramana/in.purana.narada.1.7.7) candanāni manojñāni baliṃ yatsarvadā janāḥ / bhūṣitā bhūṣaṇaurdivyaistadrāṣṭre sukhino mune // ### [1.7.8](https://indike.org/pramana/in.purana.narada.1.7.8) akṛṣṭapacyā pṛthivī phalapuṣpasamanvitā // ### [1.7.9](https://indike.org/pramana/in.purana.narada.1.7.9) vavarṣa bhūmau devendraḥ kāle kāle muniśvaraḥ / ādharmaniratāpāye prajā dharmeṇa rakṣitāḥ // ### [1.7.10](https://indike.org/pramana/in.purana.narada.1.7.10) ekadā tasya bhūpasya sarvasaṃpadvināśakṛt / ahṝṅkāro mahāñjajñe sāsūyo lopahetukaḥ // ### [1.7.11](https://indike.org/pramana/in.purana.narada.1.7.11) ahaṃ rājā samastānāṃ lokānāṃ pālako balī / karttā mahākratūnāṃ ca mattaḥ pūjyo 'sti ko 'paraḥ // ### [1.7.12](https://indike.org/pramana/in.purana.narada.1.7.12) ahaṃ vicakṣaṇaḥ śrīmāñjitāḥ sarve mayarayaḥ / vedavedāṅgatattvajño nītiśāstra viśāradaḥ // ### [1.7.13](https://indike.org/pramana/in.purana.narada.1.7.13) ajeyo 'vyāhataiśvaryo mattaḥ ko 'nyo 'dhiko bhuvi / ahṝṅkāraparasyaivaṃ jātāsūyā pareṣvapi // ### [1.7.14](https://indike.org/pramana/in.purana.narada.1.7.14) asūyāto 'bhavatkāmastasya rājño munīśvara / eṣu sthiteṣu tu naro vināṣaṃ yatyasaṃśayam // ### [1.7.15](https://indike.org/pramana/in.purana.narada.1.7.15) yauvanaṃ dhanasaṃpattiḥ prabhutvamavivekitā / ekaikamapyanarthāya kimu yatra catuṣṭayam // ### [1.7.16](https://indike.org/pramana/in.purana.narada.1.7.16) tasyāsūyā nu mahatī jātā lokavirodhinī / svadehanāśinī vigra sarvasaṃpadvināśinī // ### [1.7.17](https://indike.org/pramana/in.purana.narada.1.7.17) asūyāviṣṭamanasi yadi saṃpatpravarttate / tuṣāgniṃ vāyusaṃyogamiva jānīhi suvrata // ### [1.7.18](https://indike.org/pramana/in.purana.narada.1.7.18) asūyopetamanasāṃ dambhācāravatāṃ tathā / paruṣoktiratānāṃ ca sukhaṃ neha paratra ca // ### [1.7.19](https://indike.org/pramana/in.purana.narada.1.7.19) asūyāviṣṭacittā nāṃ sadā niṣṭhurabhāṣiṇām / priyāvā tanayā vāpi bāndhavā apyarātayaḥ // ### [1.7.20](https://indike.org/pramana/in.purana.narada.1.7.20) manobhilāṣaṃ kurute yaḥ samīkṣya parastriyam / sa svasaṃpadvināśāya kuṭhāro nātra saṃśayaḥ // ### [1.7.21](https://indike.org/pramana/in.purana.narada.1.7.21) yaḥ svaśreyovināśāya kuryādyatnaṃ naro mune / sarveṣāṃ śreyasaṃ dṛṣṭvā sa kuryānmatsūraṃ kudhīḥ // ### [1.7.22](https://indike.org/pramana/in.purana.narada.1.7.22) mitrāpatyagṛhakṣetra dhanadhānyapaṣuṣvapi / hānimicchannaraḥ kuryādasūyāṃ satataṃ dvija // ### [1.7.23](https://indike.org/pramana/in.purana.narada.1.7.23) atha tasyāvinītasya hyasūyāviṣṭacetasaḥ / haihayāstālalajaṅghāśca balino 'rātayo 'bhavan // ### [1.7.24](https://indike.org/pramana/in.purana.narada.1.7.24) yasyānukūlo lakṣmīśaḥ saubhāgyaṃ tasya varddhate / sa eva vimukho yasya saubhāgyaṃ tasya hīyate // ### [1.7.25](https://indike.org/pramana/in.purana.narada.1.7.25) tāvatputrāśca pautrāśca dhanadhānyagṛhādayaḥ / yāvadīkṣeta lakṣmīśaḥ kṛpāpāṅgena nārada // ### [1.7.26](https://indike.org/pramana/in.purana.narada.1.7.26) api mūrkhāndhabadhirajaḍāḥ śūrā vivekinaḥ / ślādhyā bhavanti viprendra prekṣitā mādhavena ye // ### [1.7.27](https://indike.org/pramana/in.purana.narada.1.7.27) saubhāgyaṃ tasya hīyeta yasyāsūyādilāñchanam / jāyate nātra saṃdeho jantudveṣo viśeṣataḥ // ### [1.7.28](https://indike.org/pramana/in.purana.narada.1.7.28) satataṃ yasya kasyāpi yo dveṣaṃ kurute naraḥ / tasya sarvāṇi naśyanti śreyāṃsi munisatam // ### [1.7.29](https://indike.org/pramana/in.purana.narada.1.7.29) asūyā varddhate yasya tasya viṣṇuḥ parāṅmukhaḥ / dhanaṃ dhānyaṃ mahī saṃpanadviśyati tato dhruvam // ### [1.7.30](https://indike.org/pramana/in.purana.narada.1.7.30) vivekaṃ hantyahṝṅkārastvavivekāttu jīvinām / āpadaḥ saṃbhavantyevetyahṝṅkāraṃ tyajettataḥ // ### [1.7.31](https://indike.org/pramana/in.purana.narada.1.7.31) ahaṃ kāro bhavedyasya tasya nāśo 'tivegataḥ / asūyāvisṛṣṭamanasastasya rājñaḥ paraiḥ saha // ### [1.7.32](https://indike.org/pramana/in.purana.narada.1.7.32) āyodhanamabhīddhoraṃ māsamekaṃ nirantaram / haihayaistālajaṅghaiśca ripubhiḥ sa parājitaḥ // ### [1.7.33](https://indike.org/pramana/in.purana.narada.1.7.33) sa tu bāhustato duḥkhī antarvatnyā svabhāryayā / avāpa paramāṃ tuṣṭiṃ tatra dṛṣṭvā mahatsaraḥ // ### [1.7.34](https://indike.org/pramana/in.purana.narada.1.7.34) asūyopetamanasastasya bhāvaṃ nirīkṣya ca / sarogatavihaṅgāste līnāścitramidaṃ mahat // ### [1.7.35](https://indike.org/pramana/in.purana.narada.1.7.35) aho kaṣṭamaho rupaṃ ghoramatra samāgatam / viśantastvarayā vāsamityūcuste vihaṅgamāḥ // ### [1.7.36](https://indike.org/pramana/in.purana.narada.1.7.36) so 'vagāhyasarobhūpaḥ patnībhyāṃ sahito mutā / pītvā jalaṃ ca sukhadaṃ vṛkṣamūlamupāśritaḥ // ### [1.7.37](https://indike.org/pramana/in.purana.narada.1.7.37) tasminbāhau vanaṃ yāte tenaiva parirakṣitāḥ / durguṇānvigaṇayyāsyadhigdhigityabruvanprajāḥ // ### [1.7.38](https://indike.org/pramana/in.purana.narada.1.7.38) yo vā ko vā guṇī martyaḥ sarvaśvādhyatarodvijaḥ / sarvasaṃpatsamāyukto 'pyaguṇīnindito janaiḥ // ### [1.7.39](https://indike.org/pramana/in.purana.narada.1.7.39) apakīrtisamo mṛtyurlokeṣvanyo na vidyate / yadā bāhurvanaṃ yātastadā tadrāgagā janāḥ / saṃtuṣṭiṃ paramāṃ yātā davathau vigate yathā // ### [1.7.40](https://indike.org/pramana/in.purana.narada.1.7.40) nindāto bahuśo bāhurmṛtavatkānanesthitaḥ / nihatya karma ca yaśo loke dvajavarottama // ### [1.7.41](https://indike.org/pramana/in.purana.narada.1.7.41) nāstyakīrtisamo mṛtyurmāsti krodhasamo ripuḥ / nāsti nindāsamaṃ pāpaṃ nāsti mohasamāsavaḥ // ### [1.7.42](https://indike.org/pramana/in.purana.narada.1.7.42) nāstyasūyāsamā kīrtirnāsti kāmasamo 'nalaḥ / nāsti rāgasamaḥ pāśo nāsti saṅgasamaṃ viṣam // ### [1.7.43](https://indike.org/pramana/in.purana.narada.1.7.43) evaṃ vilapyabahudhā bāhuratyantaduḥkhitaḥ / jīrṇāṅgomanasastāpād vṛddhabhāvādabhūdasau // ### [1.7.44](https://indike.org/pramana/in.purana.narada.1.7.44) gate bahutithe kāle aurvāśramasamīpataḥ / sa bāhurvyādhinā graste mamāra munisattama // ### [1.7.45](https://indike.org/pramana/in.purana.narada.1.7.45) tasya bhāryā ca duḥkhārtā kaniṣṭhā garbhiṇī tadā / ciraṃ vilapya bahudhā sahagantuṃ mano dadhe // ### [1.7.46](https://indike.org/pramana/in.purana.narada.1.7.46) samānīya casaidhāṃsi citāṃ kṛtvātiduḥkhitā / samāropya tanpūruḍhaṃ svayaṃ samupacakrame // ### [1.7.47](https://indike.org/pramana/in.purana.narada.1.7.47) etasminnantare dhīmanaurvastejonidhirmuniḥ / etadvijñātavānsarvaṃ parameṇa samādhinā // ### [1.7.48](https://indike.org/pramana/in.purana.narada.1.7.48) bhūtaṃ bhavyaṃ varttamānaṃ trikālajñāmunīśvarāḥ / gatāsūyā mahātnānaḥ paśyantijñāna cakṣuṣā // ### [1.7.49](https://indike.org/pramana/in.purana.narada.1.7.49) tapobhistejasāṃ rāśiraurvapuṇyasamo muniḥ / saṃprātpastatra sādhvī ca yatra bāhupriyā sthitā // ### [1.7.50](https://indike.org/pramana/in.purana.narada.1.7.50) citāmāroḍhumudyuktāṃ tāṃ dṛṣṭvā munisattamaḥ / provāca dharmamūlāni vākyāni munisattamaḥ // ### [1.7.51](https://indike.org/pramana/in.purana.narada.1.7.51) aurva uvāca rājavaryapriye sādhvi mā kuruṣvātisāhasam / tavodare cakravartī śanuhantā hi tiṣṭati // ### [1.7.51.p1](https://indike.org/pramana/in.purana.narada.1.7.51.p1) bālāpatyāśca garbhiṇyo hyadṛṣṭaṛtavastathā / ### [1.7.52](https://indike.org/pramana/in.purana.narada.1.7.52) rajasvalā rājasutenārohati cintāśubho // ### [1.7.53](https://indike.org/pramana/in.purana.narada.1.7.53) brahmahatyādipāpānāṃ proktā niṣkṛtiruttamaiḥ / dāmbhinonindakasyāpi bhrūṇaghrasya na niṣkṛtiḥ // ### [1.7.54](https://indike.org/pramana/in.purana.narada.1.7.54) nāstikasya kṛtanghasya dharmopekṣākarasya ca / viśvāsaghātakasyāpi niṣkṛtirnāsti suvrate // ### [1.7.55](https://indike.org/pramana/in.purana.narada.1.7.55) tasmādetanmahatpāpaṃ karttuṃ nārhasi śobhane / yadetadduḥkhamutpannaṃ tatsarvaṃ śāntimeṣyati // ### [1.7.56](https://indike.org/pramana/in.purana.narada.1.7.56) ityuktā muninā sādhvī viśvasya tadanugraham / vilalāpātiduḥkhārtā samuhyadhavapatkujau // ### [1.7.57](https://indike.org/pramana/in.purana.narada.1.7.57) aurvo 'pi tāṃ punaḥ prāha sarvaśāstrārthakoviduḥ / mārodīrāja nanaye śriyamagrye gamiṣyasi // ### [1.7.58](https://indike.org/pramana/in.purana.narada.1.7.58) mā bhuṃ cāstramāhābhāgepreto dāhyo 'dya sajjanaiḥ / tasmācchokaṃ parityajya kuru kālocitā kri pām // ### [1.7.59](https://indike.org/pramana/in.purana.narada.1.7.59) paṇḍite vāpimūrkhe vā daridre vāśriyānvite / durvṛtte vā suvṛtte vā mṛtyoḥsarvatratulyatā // ### [1.7.60](https://indike.org/pramana/in.purana.narada.1.7.60) nagare vā tathāmanye dainyamatrātiricyate // ### [1.7.61](https://indike.org/pramana/in.purana.narada.1.7.61) yadyatpurātanaṃ karmatattaderviha yujyate / kāraṇaṃ daivamevātra manye sopādhikā janāḥ // ### [1.7.62](https://indike.org/pramana/in.purana.narada.1.7.62) garbhe vā bālyabhāve vā yauvane vāpi vārddhake / mṛtyorvaśaṃ prayātavyaṃ jantubhiḥ kamalānane // ### [1.7.63](https://indike.org/pramana/in.purana.narada.1.7.63) hanti pāti ca govindro jantūnkarmavaśe sthitān / pravādaṃ ropayantyajñā hetumātreṣu jantuṣu // ### [1.7.64](https://indike.org/pramana/in.purana.narada.1.7.64) tasmāduḥkhaṃ parityajya sukhitī bhava suvrate / kuru patyuśca karmāṇi vivekena sthirā bhava // ### [1.7.65](https://indike.org/pramana/in.purana.narada.1.7.65) etaccharīraṃ duḥkhānāṃ vyādhīnāmathutairgṛtam / sukhābhāsaṃ bahukleśaṃ karmapāśena yantritam // ### [1.7.66](https://indike.org/pramana/in.purana.narada.1.7.66) ityāścāsya mahābuddhistayā kāryāṇyakārayat / tyaktaśokā ca sā tanvī natā prāha munīśvaram // ### [1.7.67](https://indike.org/pramana/in.purana.narada.1.7.67) kimatra citraṃ yatsantaḥ parārthaphalakāṅkṣiṇaḥ / nahi drumāśca bhogārthaṃ phalanti jagatītale // ### [1.7.68](https://indike.org/pramana/in.purana.narada.1.7.68) yo 'nyaduḥkhāni vijñāya sādhuvākyaiḥ prabodhayet / sa eva viṣṇuḥsattvastho yataḥ parihite sthitaḥ // ### [1.7.69](https://indike.org/pramana/in.purana.narada.1.7.69) anya duḥkhena yo duḥkhī yo 'nyaharṣeṇa harṣitaḥ / sa eva jagatāmīśo nararupadharo hariḥ // ### [1.7.70](https://indike.org/pramana/in.purana.narada.1.7.70) sadbhiḥ śrutāni śāstrāṇi paraduḥkhavimuktaye / sarveṣāṃ duḥkhanāśāya iti santo vadanti hi // ### [1.7.71](https://indike.org/pramana/in.purana.narada.1.7.71) yatra santaḥ pravarttate tatra duḥkhaṃ na bādhate / vartate yatra mārtāṇḍaḥ kathaṃ tatratamo bhavet // ### [1.7.72](https://indike.org/pramana/in.purana.narada.1.7.72) ityevaṃ vādinī sā tu svapatyuścāparāḥ kriyāḥ / cakāra tatsarastīre muniproktavidhānataḥ // ### [1.7.73](https://indike.org/pramana/in.purana.narada.1.7.73) sthite tatra munau rājā devarāḍiva saṃjvalan / citāmadhyādviniṣkramya vimānavaramāsthitaḥ / prapede paramaṃ dhāma natvā caurvaṃ munīśvaram // ### [1.7.74](https://indike.org/pramana/in.purana.narada.1.7.74) mahāpātakayuktā vā yuktā vā copapātakaiḥ / paraṃ padaṃ prayāntyeva mahadbhiravalokitāḥ // ### [1.7.75](https://indike.org/pramana/in.purana.narada.1.7.75) kalevaraṃ vā tadbhasma taddhūmaṃ vāpi sattama / yadi paśyati puṇyātmā sa prayāti parāṃ gatim // ### [1.7.76](https://indike.org/pramana/in.purana.narada.1.7.76) patyuḥ kṛtakriyā sā tu gatvāśramapadaṃmuneḥ / cakāra tasya śuśrūṣāṃ sapatnyā saha nārad // ### [1.7.76.p1](https://indike.org/pramana/in.purana.narada.1.7.76.p1) iti śrībṛhannāradīyapurāṇe pūrvabhāge prathamapāde gaṅgāmāhātmyaṃ nāma satpamo 'dhyāyaḥ ## Linked texts (3) - [Mahāsubhāṣitasaṃgraha](https://indike.org/pramana/in.lit.subhasita.subhasita.mahasubhasitasangraha.1767) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.7.21) — Sanskrit - [Kṛtyasārasamuccaya (Amṛtanātha Jhā Śarman)](https://indike.org/pramana/in.niti.dharma.nibandha.krtya.krtyasarasamuccaya.2.p237) — Amṛtanātha Jhā Śarman 1800, Sanskrit --- Source: [https://indike.org/pramana/in.purana.narada.1.7](https://indike.org/pramana/in.purana.narada.1.7) · Pramāṇa