[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.82 # Naradapurana 1.82 Nāradapurāṇa 1.82 - **Language:** Sanskrit ## Contents - [1.82.215](https://indike.org/pramana/in.purana.narada.1.82.215) — 1 part ### [1.82.1](https://indike.org/pramana/in.purana.narada.1.82.1) sanatkumāra uvāca kiṃ tvaṃ nārada jānāsi pūrvajanmani yattvayā / prāptaṃ bhagavataḥ sākṣācchūlino yugalātmakam // ### [1.82.2](https://indike.org/pramana/in.purana.narada.1.82.2) kṛṣṇamantrarahasyaṃ ca smara vismṛtimāgatam / sūta uvāca ityukto nārado viprāḥ kumāreṇa tu dhīmatā // ### [1.82.3](https://indike.org/pramana/in.purana.narada.1.82.3) dhyāne vivedāśu ciraṃ caritaṃ pūrvajanmanaḥ / tataściraṃ dhyānaparo nārado bhagavatpriyaḥ // ### [1.82.4](https://indike.org/pramana/in.purana.narada.1.82.4) jñātvā sarvaṃ suvṛttāntaṃ suprasannānano 'bravīt / bhagavansarvavṛttāntaḥ pūrvakalpasamudbavaḥ // ### [1.82.5](https://indike.org/pramana/in.purana.narada.1.82.5) mama smṛtimanuprāpto vinā yugalalaṃbhanam / tacchrutvā vacanaṃ tasya nāradasya mahātmanaḥ // ### [1.82.6](https://indike.org/pramana/in.purana.narada.1.82.6) sanatkumāro bhagavān vyājahāra yathātatham / sanatkumāra uvāca śṛṇu vipra pravakṣyāmi yasmiñjanmani śūlinaḥ // ### [1.82.7](https://indike.org/pramana/in.purana.narada.1.82.7) prāptaṃ kṛṣṇarahasyaṃ vai sāvadhāno bhavādhunā / asmātsārasvatātkalpātpūrvasminpañcaviṃśake // ### [1.82.8](https://indike.org/pramana/in.purana.narada.1.82.8) kalpe tvaṃ kāśyapo jāto nārado nāma nāmataḥ / tatraikadā tvaṃ kailāsaṃ prāptaḥ kṛṣṇasya yoginaḥ // ### [1.82.9](https://indike.org/pramana/in.purana.narada.1.82.9) saṃpraṣṭuṃ paramaṃ tatvaṃ śivaṃ kailāsavāsinam / tvayā pṛṣṭo mahādevo rahasyaṃ svaprakāśitam // ### [1.82.10](https://indike.org/pramana/in.purana.narada.1.82.10) kathayāmāsa tatvena nityalīlānugaṃ hareḥ / tatastadante tu punastvayā vijñāpito haraḥ // ### [1.82.11](https://indike.org/pramana/in.purana.narada.1.82.11) nityāṃ līlāṃ harerdraṣṭuṃ tataḥ prāha sadāśivaḥ / gopījanapadasyānte vallabheti padaṃ tataḥ // ### [1.82.12](https://indike.org/pramana/in.purana.narada.1.82.12) caraṇāccharaṇaṃ paścātprapadye iti vai manuḥ / mantrasyāsya ṛṣiḥ prokto surabhiśchanda eva ca // ### [1.82.13](https://indike.org/pramana/in.purana.narada.1.82.13) gāyatrī devatā cāsya ballavīvallabho vibhuḥ / prapanno 'smīti tadbhaktau viniyoga udāhṛtaḥ // ### [1.82.14](https://indike.org/pramana/in.purana.narada.1.82.14) nāsya siddhādikaṃ vipra śodhanaṃ nyāsakalpanam / kevalaṃ cintanaṃ sadyo nityalīlāprakāśakam // ### [1.82.15](https://indike.org/pramana/in.purana.narada.1.82.15) ābhyantarasya dharmasya sādhanaṃ vacmi sāṃpratam // ### [1.82.16](https://indike.org/pramana/in.purana.narada.1.82.16) saṃgṛhya mantraṃ gurubhaktiyukto vicintya sarvaṃ manasā tadīhitam / kṛpāṃ tadīyāṃ nijadharmasaṃstho vibhāvayannātmani toṣayedgurum // ### [1.82.17](https://indike.org/pramana/in.purana.narada.1.82.17) satāḥ śikṣeta vai dharmāṃnprapannānāṃ bhayāpahān / aihikāmuṣmikīcintāvidhurān siddhidāyakān // ### [1.82.18](https://indike.org/pramana/in.purana.narada.1.82.18) sveṣṭadevadhiyā nityaṃ toṣayedvaiṣṇavāṃstathā / bhartsanādikameteṣāṃ na kadācidvicintayet // ### [1.82.19](https://indike.org/pramana/in.purana.narada.1.82.19) pūrvakarmavaśādbhavyamaihikaṃ bhogyameva ca / āyuṣyakaṃ tathā kṛṣṇaḥ svayameva kariṣyati // ### [1.82.20](https://indike.org/pramana/in.purana.narada.1.82.20) śrīkṛṣṇaṃ nityalīlāsthaṃ cintayetsvadhiyāniśam / śrīmadarcāvatāreṇa kṛṣṇaṃ paricaretsadā // ### [1.82.21](https://indike.org/pramana/in.purana.narada.1.82.21) ananyacintanīyo 'sau prapannaiḥ śaraṇārthibhiḥ / stheyaṃ ca dehagehādāvudāsīnatayā budhaiḥ // ### [1.82.22](https://indike.org/pramana/in.purana.narada.1.82.22) guroravajñāṃ sādhūnāṃ nindāṃ bhedaṃ hare harau / vedanindāṃ harernāmabalātpāpasamīhanam // ### [1.82.23](https://indike.org/pramana/in.purana.narada.1.82.23) arthavādaṃ harer nāmni pāṣaṇḍaṃ nāmasaṃgrahe / alase nāstike caiva harināmopadeśanam // ### [1.82.24](https://indike.org/pramana/in.purana.narada.1.82.24) nāmavismaraṇaṃ cāpi nāmnyanādarameva ca / saṃtyajed dūrato vatsa doṣānetānsudāruṇān // ### [1.82.25](https://indike.org/pramana/in.purana.narada.1.82.25) prapanno 'smīti satataṃ cintayeddhṛdgataṃ harim / sa eva pālanaṃ nityaṃ kariṣyati mameti ca // ### [1.82.26](https://indike.org/pramana/in.purana.narada.1.82.26) tavāsmi rādhikānātha karmaṇā manasā girā / kṛṣṇakānteti caivāsmi yuvāmeva gatirmama // ### [1.82.27](https://indike.org/pramana/in.purana.narada.1.82.27) dāsāḥ sakhāyaḥ pitaraḥ preyasyaśca hareriha / sarve nityā muniśreṣṭha cintanīyā mahātmabhiḥ // ### [1.82.28](https://indike.org/pramana/in.purana.narada.1.82.28) gamanāgamane nityakaroti vanagoṣṭayoḥ / gocāraṇaṃ vayasyaiśca vināsuravighātanam // ### [1.82.29](https://indike.org/pramana/in.purana.narada.1.82.29) sakhāyo dvādaśākhyātā hareḥ śrīdāmapūrvakāḥ / rādhikāyāḥ suśīlādyāḥ sakhyo dvātriṃśadīritāḥ // ### [1.82.30](https://indike.org/pramana/in.purana.narada.1.82.30) ātmānaṃ cintayedvatsa tāsāṃ madhye manoramām / rūpayauvanasaṃpannāṃ kiśorīṃ ca svalaṅkṛtām // ### [1.82.31](https://indike.org/pramana/in.purana.narada.1.82.31) nānāśilpakalābhijñāṃ kṛṣṇabhogānurūpiṇīm / tatsevanasukhāhlādabhāvenātisunirvṛtām // ### [1.82.32](https://indike.org/pramana/in.purana.narada.1.82.32) brāhmaṃ muhūrtamārabhya yāvadardhaniśā bhavet / tāvatparicarettau tu yathākālānusevayā // ### [1.82.33](https://indike.org/pramana/in.purana.narada.1.82.33) sahasraṃ ca tayornnāmnāṃ paṭhennityaṃ samāhitaḥ / etasādhanamuddiṣṭaṃ prapannānāṃ munīśvara // ### [1.82.34](https://indike.org/pramana/in.purana.narada.1.82.34) nākhyeyaṃ kasyacittubhyaṃ mayā tattvaṃ prakāśitam / sanatkumāra uvāca tatastvaṃ nārada punaḥ pṛṣṭavānvai sadāśivam // ### [1.82.35](https://indike.org/pramana/in.purana.narada.1.82.35) nāmnāṃ sahasraṃ taccāpi proktavāṃ stacchṛṇuṣva me / dhyātvā vṛndāvane ramye yamunātīrasaṃgatam // ### [1.82.36](https://indike.org/pramana/in.purana.narada.1.82.36) kalpavṛkṣaṃ samāśritya tiṣṭhantaṃ rādhikāyutam / paṭhennāmasahasraṃ tu yugalākhyaṃ mahāmune // ### [1.82.37](https://indike.org/pramana/in.purana.narada.1.82.37) devakīnandanaḥ śaurirvāsudevo balānujaḥ / gadāgrajaḥ kaṃsamohaḥ kaṃsasevakamohanaḥ // ### [1.82.38](https://indike.org/pramana/in.purana.narada.1.82.38) bhinnargalaḥ bhinnalohaḥ pitṛbāhyaḥ pitṛstutaḥ / mātṛstutaḥ śivadhyeyo yamunājalabhedanaḥ // ### [1.82.39](https://indike.org/pramana/in.purana.narada.1.82.39) vrajavāsī vrajānandī nandabālo dayānidhiḥ / līlābālaḥ padmanetro gokulotsava īśvaraḥ // ### [1.82.40](https://indike.org/pramana/in.purana.narada.1.82.40) gopikānandanaḥ kṛṣṇo gopānandaḥ satāṃ gatiḥ / bakaprāṇaharo viṣṇurbakamuktiprado hariḥ // ### [1.82.41](https://indike.org/pramana/in.purana.narada.1.82.41) baladolāśayaśayaḥ śyāmalaḥ sarvasuṃdaraḥ / padmanābho hṛṣīkeśaḥ krīḍāmanujabālakaḥ // ### [1.82.42](https://indike.org/pramana/in.purana.narada.1.82.42) līlāvidhvastaśakaṭo vedamantrābhiṣecitaḥ / yaśodānandanaḥ kānto munikoṭiniṣevitaḥ // ### [1.82.43](https://indike.org/pramana/in.purana.narada.1.82.43) nityaṃ madhuvanāvāsī vaikuṇṭhaḥ saṃbhavaḥ kratuḥ / ramāpatiryadupatirmurārirmadhusūdanaḥ // ### [1.82.44](https://indike.org/pramana/in.purana.narada.1.82.44) mādhavo mānahārī ca śrīpatirbhūdharaḥ prabhuḥ / bṛhadvanamahālīlo nandasūnurmahāsanaḥ // ### [1.82.45](https://indike.org/pramana/in.purana.narada.1.82.45) tṛṇāvartaprāṇahārī yaśodāvismayapradaḥ / trailokyavaktraḥ padmākṣaḥ padmahastaḥ priyaṅkaraḥ // ### [1.82.46](https://indike.org/pramana/in.purana.narada.1.82.46) brahmaṇyo dharmagoptā ca bhūpatiḥ śrīdharaḥ svarāṭ / ajādhyakṣaḥ śivādhyakṣo dharmādhyakṣo maheśvaraḥ // ### [1.82.47](https://indike.org/pramana/in.purana.narada.1.82.47) vedāntavedyo brahmasthaḥ prajāpatiramoghadṛk / gopīkarāvalaṃbī ca gopabālakasupriyaḥ // ### [1.82.48](https://indike.org/pramana/in.purana.narada.1.82.48) bālānuyīyī balavān śrīdāmapriya ātmavān / gopīgṛhāṅgaṇaratirbhadraḥ suślokamaṅgalaḥ // ### [1.82.49](https://indike.org/pramana/in.purana.narada.1.82.49) navanītaharo bālo navanītapriyāśanaḥ / bālavṛndī markavṛndī cakitākṣaḥ palāyitaḥ // ### [1.82.50](https://indike.org/pramana/in.purana.narada.1.82.50) yaśodātarjitaḥ kaṃpī māyāruditaśobhanaḥ / dāmodaro 'prameyātmā dayālurbhaktavatsalaḥ // ### [1.82.51](https://indike.org/pramana/in.purana.narada.1.82.51) subaddholūkhale namraśirā gopīkadarthitaḥ / vṛkṣabhaṅgī śokabhaṅgī dhanadātmajamokṣaṇaḥ // ### [1.82.52](https://indike.org/pramana/in.purana.narada.1.82.52) devarṣivacanaślāghī bhaktavātsalyasāgaraḥ / vrajakolāhalakaro vrajānadavivarddhanaḥ // ### [1.82.53](https://indike.org/pramana/in.purana.narada.1.82.53) gopātmā prerakaḥ sākṣī vṛndāvananivāsakṛt / vatsapālo vatsapatirgopadārakamaṇḍanaḥ // ### [1.82.54](https://indike.org/pramana/in.purana.narada.1.82.54) bālakrīḍo bālaratirbālakaḥ kanakāṅgadī / pītāmbaro hemamālī maṇimuktāvibhūṣaṇaḥ // ### [1.82.55](https://indike.org/pramana/in.purana.narada.1.82.55) kiṅkiṇīkaṭakī sūtrī nūpurī mudri kānvitaḥ / vatsāsurapatidhvaṃsī bakāsuravināśanaḥ // ### [1.82.56](https://indike.org/pramana/in.purana.narada.1.82.56) aghāsuravināśī ca vinidrīkṛtabālakaḥ / ādya ātmapradaḥ saṃgī yamunātīrabhojanaḥ // ### [1.82.57](https://indike.org/pramana/in.purana.narada.1.82.57) gopālamaṇḍalīmadhyaḥ sarvagopālabhūṣaṇaḥ / kṛtahastatalagrāso vyañjanāśritaśākhikaḥ // ### [1.82.58](https://indike.org/pramana/in.purana.narada.1.82.58) kṛtabāhuśṛṅgayaṣṭiguñjālaṅkṛtakaṇṭhakaḥ / mayūrapicchamukuṭo vanamālāvibhūṣitaḥ // ### [1.82.59](https://indike.org/pramana/in.purana.narada.1.82.59) gairikācitritavapurnavameghavapuḥ smaraḥ / koṭikandarpalāvaṇyo lasanmakarakuṇḍalaḥ // ### [1.82.60](https://indike.org/pramana/in.purana.narada.1.82.60) ājānubāhurbhagavānnidrārahitalocanaḥ / koṭisāgaragābhīryaḥ kālakālaḥ sadāśivaḥ // ### [1.82.61](https://indike.org/pramana/in.purana.narada.1.82.61) virañcimohanavapurgopavatsavapurddharaḥ / brahmāṇḍakoṭijanako brahmamohavināśakaḥ // ### [1.82.62](https://indike.org/pramana/in.purana.narada.1.82.62) brahmā brahmeḍitaḥ svāmī śakradarpādināśanaḥ / giripūjopadeṣṭā ca dhṛtagovarddhanācalaḥ // ### [1.82.63](https://indike.org/pramana/in.purana.narada.1.82.63) purandareḍitaḥ pūjyaḥ kāmadhenuprapūjitaḥ / sarvatīrthābhiṣiktaśca govindo goparakṣakaḥ // ### [1.82.64](https://indike.org/pramana/in.purana.narada.1.82.64) kāliyārtikaraḥ krūro nāgapatnīḍito virāṭ / dhenukāriḥ pralaṃbārirvṛṣāsuravimardanaḥ // ### [1.82.65](https://indike.org/pramana/in.purana.narada.1.82.65) māyāsurātmajadhvaṃsī keśikaṇṭhavidārakaḥ / gopagoptā dhenugoptā dāvāgnipariśoṣakaḥ // ### [1.82.66](https://indike.org/pramana/in.purana.narada.1.82.66) gopakanyāvastrahārī gopakanyāvarapradaḥ / yajñapatnyannabhojī ca munimānāpahārakaḥ // ### [1.82.67](https://indike.org/pramana/in.purana.narada.1.82.67) jaleśamānamathano nandagopālajīvanaḥ / gandharvaśāpamoktā ca śaṅkhacūḍaśiroharaḥ // ### [1.82.68](https://indike.org/pramana/in.purana.narada.1.82.68) vaṃśī vaṭī veṇuvādī gopīcintāpahārakaḥ / sarvagoptā samāhvānaḥ sarvagopīmanorathaḥ // ### [1.82.69](https://indike.org/pramana/in.purana.narada.1.82.69) vyaṅgadharmapravaktā ca gopīmaṇḍalamohanaḥ / rāsakrīḍārasāsvādī rasiko rādhikādhavaḥ // ### [1.82.70](https://indike.org/pramana/in.purana.narada.1.82.70) kiśorīprāṇanāthaśca vṛṣabhānasutāpriyaḥ / sarvagopījanānandī gopījanavimohanaḥ // ### [1.82.71](https://indike.org/pramana/in.purana.narada.1.82.71) gopikāgītacarito gopīnartanalālasaḥ / gopīskandhāśritakaro gopikācuṃbanapriyaḥ // ### [1.82.72](https://indike.org/pramana/in.purana.narada.1.82.72) gopikāmārjitamukho gopīvyañjanavījitaḥ / gopikākeśasaṃskārī gopikāpuṣpasaṃstaraḥ // ### [1.82.73](https://indike.org/pramana/in.purana.narada.1.82.73) gopikāhṛdayālaṃbī gopīvahanatatparaḥ / gopikāmadahārī ca gopikāparamārjitaḥ // ### [1.82.74](https://indike.org/pramana/in.purana.narada.1.82.74) gopikākṛtasaṃnīlo gopikāsaṃsmṛtapriyaḥ / gopikāvanditapado gopikāvaśavartanaḥ // ### [1.82.75](https://indike.org/pramana/in.purana.narada.1.82.75) rādhā parājitaḥ śrīmānnikuñjesuvihāravān / kuñjapriyaḥ kuñjavāsī vṛndāvanavikāsanaḥ // ### [1.82.76](https://indike.org/pramana/in.purana.narada.1.82.76) yamunājalasiktāṅgo yamunāsaukhyadāyakaḥ / śaśisaṃstaṃbhanaḥ śūraḥ kāmī kāmavimohanaḥ // ### [1.82.77](https://indike.org/pramana/in.purana.narada.1.82.77) kāmādyāḥ kāmanāthaśca kāmamānasabhedanaḥ / kāmadaḥ kāmarūpaśca kāminīkāmasaṃcayaḥ // ### [1.82.78](https://indike.org/pramana/in.purana.narada.1.82.78) nityakrīḍo mahālīlaḥ sarvaḥ sarvagatastathā / paramātmā parādhīśaḥ sarvakāraṇakāraṇaḥ (m) // ### [1.82.79](https://indike.org/pramana/in.purana.narada.1.82.79) gṛhītanāradavacā hyakrūraparicintitaḥ / akrūravanditapado gopikātoṣakārakaḥ // ### [1.82.80](https://indike.org/pramana/in.purana.narada.1.82.80) akrūravākyasaṃgrāhī mathurāvāsakāraṇaḥ (m) / akrūratāpaśamano rajakāyuḥpraṇāśanaḥ // ### [1.82.81](https://indike.org/pramana/in.purana.narada.1.82.81) mathurānandadāyī ca kaṃsavastraviluṇṭhanaḥ / kaṃsavastraparīdhāno gopavastrapradāyakaḥ // ### [1.82.82](https://indike.org/pramana/in.purana.narada.1.82.82) sudāmagṛhagāmī ca sudāmaparipūjitaḥ / tantuvāya kasaṃprītaḥ kubjācandanalepanaḥ // ### [1.82.83](https://indike.org/pramana/in.purana.narada.1.82.83) kubjārūpaprado vijño mukundo viṣṭaraśravāḥ / sarvajño mathurālokī sarvalokābhinandanaḥ // ### [1.82.84](https://indike.org/pramana/in.purana.narada.1.82.84) kṛpākaṭākṣadarśī ca daityārirdevapālakaḥ / sarvaduḥkhapraśamano dhanubharṅgī mahotsavaḥ // ### [1.82.85](https://indike.org/pramana/in.purana.narada.1.82.85) kuvalayāpīḍahṝntā dantaskandhabalāgraṇīḥ / kalparūpadharodhīro divyavastrānulepanaḥ // ### [1.82.86](https://indike.org/pramana/in.purana.narada.1.82.86) mallarūpo mahākālaḥ kāmarūpī balānvitaḥ / kaṃsatrāsakaro bhīmo muṣṭikāntaśca kaṃsahā // ### [1.82.87](https://indike.org/pramana/in.purana.narada.1.82.87) cāṇūraghno bhayaharaḥ śalāristośalāntakaḥ / vaikuṇṭhavāsī kaṃsāriḥ sarvaduṣṭaniṣūdanaḥ // ### [1.82.88](https://indike.org/pramana/in.purana.narada.1.82.88) devadundubhinirghoṣī pitṛśokanivāraṇaḥ / yādavendraḥ satāṃnātho yādavāripramarddanaḥ // ### [1.82.89](https://indike.org/pramana/in.purana.narada.1.82.89) śauriśokavināśī ca devakītāpanāśanaḥ / ugrasenaparitrātā ugrasenābhipūjitaḥ // ### [1.82.90](https://indike.org/pramana/in.purana.narada.1.82.90) ugrasenābhiṣekī ca ugrasenadayā paraḥ / sarvasātvatasākṣī ca yadūnāmabhinandanaḥ // ### [1.82.91](https://indike.org/pramana/in.purana.narada.1.82.91) sarvamāthurasaṃsevyaḥ karuṇo bhaktabāndhavaḥ / sarvagopāladhanado gopīgopālalālasaḥ // ### [1.82.92](https://indike.org/pramana/in.purana.narada.1.82.92) śauridattopavītī ca ugrasenadayākaraḥ / gurubhakto brahmacārī nigamādhyayane rataḥ // ### [1.82.93](https://indike.org/pramana/in.purana.narada.1.82.93) saṃkarṣaṇasahādhyāyī sudāmasuhṛdeva ca / vidyānidhiḥ kalākośo mṛtaputradastathā // ### [1.82.94](https://indike.org/pramana/in.purana.narada.1.82.94) cakrī pāñcajanī caiva sarvanārakimocanaḥ / yamārcitaḥ paro devo nāmoccāravaso (śo)'cyutaḥ // ### [1.82.95](https://indike.org/pramana/in.purana.narada.1.82.95) kubjā vilāsī subhago dīnabandhuranūpamaḥ / akrūragṛhagoptā ca pratijñāpālakaḥ śubhaḥ // ### [1.82.96](https://indike.org/pramana/in.purana.narada.1.82.96) jarāsaṃdhajayī vidvān yavanānto dvijāśrayaḥ / mucukundapriyakarojarāsaṃdhapalāyitaḥ // ### [1.82.97](https://indike.org/pramana/in.purana.narada.1.82.97) dvārakājanako gūḍho brahmaṇyaḥ satyasaṃgaraḥ / līlādharaḥ priyakaro viśvakarmā yaśaḥpradaḥ // ### [1.82.98](https://indike.org/pramana/in.purana.narada.1.82.98) rukmiṇīpriyasaṃdeśo rukmaśokavivarddhanaḥ / caidyaśokālayaḥ śreṣṭho duṣṭarājanyanāśanaḥ // ### [1.82.99](https://indike.org/pramana/in.purana.narada.1.82.99) rukmivairūpyakaraṇo rukmiṇīvacane rataḥ / balabhadravacogrāhī muktarukmī janārdanaḥ // ### [1.82.100](https://indike.org/pramana/in.purana.narada.1.82.100) rukmiṇīprāṇanāthaśca satyabhāmāpatiḥ svayam / bhaktapakṣī bhaktivaśyo hyakrūramaṇidāyakaḥ // ### [1.82.101](https://indike.org/pramana/in.purana.narada.1.82.101) śatadhanvāprāṇahārī ṛkṣarājasutāpriyaḥ / satrājittanayākānto mitravindāpahārakaḥ // ### [1.82.102](https://indike.org/pramana/in.purana.narada.1.82.102) satyāpatirlakṣmaṇājitpūjyo bhadrāpriyaṅkaraḥ / narakā suraghātīṃ ca līlākanyāharo jayī // ### [1.82.103](https://indike.org/pramana/in.purana.narada.1.82.103) murārirmadaneśo 'pi dharitrīduḥkhanāśanaḥ / vainateyī svargagāmī aditya kuṇḍalapradaḥ // ### [1.82.104](https://indike.org/pramana/in.purana.narada.1.82.104) indrārcito ramākānto vajribhāryāprapūjitaḥ / pārijātāpahārī ca śakramānāpahārakaḥ // ### [1.82.105](https://indike.org/pramana/in.purana.narada.1.82.105) pradyumnajanakaḥ sāṃbatāto bahusuto vidhuḥ / gargācāryaḥ satyagatirdharmādhāro dhāradharaḥ // ### [1.82.106](https://indike.org/pramana/in.purana.narada.1.82.106) dvārakāmaṇḍanaḥ ślokyaḥ suśloko nigamālayaḥ / paiṇḍrakaprāṇahārī ca kāśīrājaśiroharaḥ // ### [1.82.107](https://indike.org/pramana/in.purana.narada.1.82.107) avaiṣṇavavipradāhī sudakṣiṇabhayābahaḥ / jarāsaṃdhavidārīṃ ca dharmanandanayajñakṛt // ### [1.82.108](https://indike.org/pramana/in.purana.narada.1.82.108) śiśupālaśiraraścedī dantavakravināśanaḥ / vidūrathāṃsakaḥ śrīśaḥ śrīdo dvividanāśanaḥ // ### [1.82.109](https://indike.org/pramana/in.purana.narada.1.82.109) rukmiṇīmānahārī ca rukmiṇīmānavarddhanaḥ / devarṣiśāpahartā ca draupadīvākyapālakaḥ // ### [1.82.110](https://indike.org/pramana/in.purana.narada.1.82.110) durvāso bhayahāti va pāñcālīsmaraṇāgataḥ / pārthadūtaḥ pārthamantrī pārthaduḥkhaudhanāśanaḥ // ### [1.82.111](https://indike.org/pramana/in.purana.narada.1.82.111) pārthamānāpahārī ca pārthajīvanadāyakaḥ / pāñcālī vastradātā ca viśvapālakapālakaḥ // ### [1.82.112](https://indike.org/pramana/in.purana.narada.1.82.112) śvetāśvasārathiḥ satyaḥ satyasādhyo bhayāpahaḥ / satyasaṃdhaḥ satyaratiḥ satyapriya udāradhīḥ // ### [1.82.113](https://indike.org/pramana/in.purana.narada.1.82.113) mahāsenajayī caiva śivasainyavināśananaḥ / bāṇāsurabhujacchettā bāṇabāhuvarapradaḥ // ### [1.82.114](https://indike.org/pramana/in.purana.narada.1.82.114) tārkṣyamānāpahārī ca tārkṣyatejovivarddhanaḥ / rāmasvarūpadhārī ca satyabhāmāmudāvahaḥ // ### [1.82.115](https://indike.org/pramana/in.purana.narada.1.82.115) ratnākarajalakrīḍo vrajalīlāpradarśakaḥ / svapratijñāparidhvaṃsī bhīṣmājñāparipālakaḥ // ### [1.82.116](https://indike.org/pramana/in.purana.narada.1.82.116) vīrāyudhaharaḥ kālaḥ kālikeśo mahābalaḥ / varvarīṣaśirohārī varvarīṣaśiraḥpradaḥ // ### [1.82.117](https://indike.org/pramana/in.purana.narada.1.82.117) dharmaputrajayī śūraduryodhanamadāntakaḥ / gopikāprītinirbandhanityakrīḍo vrajeśvaraḥ // ### [1.82.118](https://indike.org/pramana/in.purana.narada.1.82.118) rādhākuṇḍaratirdhanyaḥ sadāndolasamāśritaḥ / sadāmadhuvanānandī sadāvṛndāvanapriyaḥ // ### [1.82.119](https://indike.org/pramana/in.purana.narada.1.82.119) aśokavanasannaddhaḥ sadātilakasaṃgataḥ / sadāgovarddhanaratiḥ sadā gokulavallabhaḥ // ### [1.82.120](https://indike.org/pramana/in.purana.narada.1.82.120) bhāṇḍīravaṭasaṃvāsī nityaṃ vaṃśīvaṭasthitaḥ / nandagrāmakṛtāvāso vṛṣabhānugrahapriyaḥ // ### [1.82.121](https://indike.org/pramana/in.purana.narada.1.82.121) gṛhītakāminīrūpo nityaṃ rāsivilāsakṛt / vallavījanasaṃgoptā vallavījanavallabhaḥ // ### [1.82.122](https://indike.org/pramana/in.purana.narada.1.82.122) devaśarmakṛpākartā kalpapādapasaṃsthitaḥ / śilānugandhanilayaḥ pādacārī ghanacchaviḥ // ### [1.82.123](https://indike.org/pramana/in.purana.narada.1.82.123) atasīkusumaprakhyaḥ sadā lakṣmīkṛpākaraḥ / tripurāripriyakaro hyugradhanvāparājitaḥ // ### [1.82.124](https://indike.org/pramana/in.purana.narada.1.82.124) ṣaḍdhuradhvaṃsakartā ca nikuṃbhaprāṇahārakaḥ / vajranābhapuradhvaṃsī paiṇḍrakaprāṇahārakaḥ // ### [1.82.125](https://indike.org/pramana/in.purana.narada.1.82.125) bahulāśvaprītikartā dvijavaryapriyaṅkaraḥ / śivasaṃkaṭahārī ca vṛkāsuravināśanaḥ // ### [1.82.126](https://indike.org/pramana/in.purana.narada.1.82.126) bhṛgusatkārakārī ca śivasāttvikatāpradaḥ / gokarṇapūjakaḥ sāṃbakuṣṭhavidhvaṃsakāraṇaḥ // ### [1.82.127](https://indike.org/pramana/in.purana.narada.1.82.127) vedastuto vedavettā yaduvaṃśavivarddhanaḥ / yaduvaṃśavināśī ca uddhavoddhārakārakaḥ // ### [1.82.128](https://indike.org/pramana/in.purana.narada.1.82.128) rādhā ca rādhikā caiva ānandā vṛṣabhānujā / vṛndāvaneśvarī puṇyā kṛṣṇamānasahāriṇī // ### [1.82.129](https://indike.org/pramana/in.purana.narada.1.82.129) pragalbhā caturā kāmā kāminī harimohinī / lalitā madhurā mādhvī kiśorī kanakaprabhā // ### [1.82.130](https://indike.org/pramana/in.purana.narada.1.82.130) jitacandrā jitamṛgā jitasiṃhā jitadvipā / jitaraṃbhā jitapikā govindahṛdayodbhavā // ### [1.82.131](https://indike.org/pramana/in.purana.narada.1.82.131) jitabiṃbā jitaśukā jitapadmā kumārikā / śrīkṛṣṇākarṣaṇā devī nityaṃ yugmasvarūpiṇī // ### [1.82.132](https://indike.org/pramana/in.purana.narada.1.82.132) nityaṃ vihāriṇī kāntā rasikā kṛṣṇavallabhā / āmodinī modavatī nandanandanabhūṣitā // ### [1.82.133](https://indike.org/pramana/in.purana.narada.1.82.133) divyāṃbarā divyahārā muktāmaṇivibhūṣitā / kuñjapriyā kuñjavāsā kuñjanāyakanāyikā // ### [1.82.134](https://indike.org/pramana/in.purana.narada.1.82.134) cārurūpā cāruvaktrā cāruhemāṅgadā śubhā / śrīkṛṣṇaveṇusaṃgītā muralīhāriṇī śivā // ### [1.82.135](https://indike.org/pramana/in.purana.narada.1.82.135) bhadrā bhagavatī śāntā kumudā sundarī priyā / kṛṣṇaratiḥ śrīkṛṣṇasahacāriṇī // ### [1.82.136](https://indike.org/pramana/in.purana.narada.1.82.136) vaṃśīvaṭapriyasthānā yugmāyugmasvarūpiṇī / bhāṇḍīravāsinī śubhrā gopīnāthapriyā sakhī // ### [1.82.137](https://indike.org/pramana/in.purana.narada.1.82.137) śrutiniḥśvasitā divyā govindarasadāyinī / śrīkṛṣṇaprārthanīśānā mahānandapradāyinī // ### [1.82.138](https://indike.org/pramana/in.purana.narada.1.82.138) vaikuṇṭhajanasaṃsevyā koṭilakṣmī sukhāvahā / koṭikandarpalāvaṇyā ratikoṭiratipradā // ### [1.82.139](https://indike.org/pramana/in.purana.narada.1.82.139) bhaktigrāhyā bhaktirūpā lāvaṇyasarasī umā / brahmarudrādisaṃrādhyā nityaṃ kautūhalānvitā // ### [1.82.140](https://indike.org/pramana/in.purana.narada.1.82.140) nityalīlā nityakāmā nityaśṛṅgārabhūṣitā / nityavṛndāvanarasā nandanandanasaṃyutā // ### [1.82.141](https://indike.org/pramana/in.purana.narada.1.82.141) gopagikāmaṇḍalīyuktā nityaṃ gopālasaṃgatā / gorasakṣepaṇī śūrā sānandānandadāyinī // ### [1.82.142](https://indike.org/pramana/in.purana.narada.1.82.142) mahālīlā prakṛṣṭā ca nāgarī nagacāriṇī / nityamāghūrṇitā pūrṇā kastūrītilakānvitā // ### [1.82.143](https://indike.org/pramana/in.purana.narada.1.82.143) padmā śyāmā mṛgākṣī ca siddhirūpā rasāvahā / koṭicandrānanā gaurī koṭikokilasusvarā // ### [1.82.144](https://indike.org/pramana/in.purana.narada.1.82.144) śīlasaindaryanilayā nandanandanalālitā / aśokavanasaṃvāsā bhāṇḍīravanasaṅgatā // ### [1.82.145](https://indike.org/pramana/in.purana.narada.1.82.145) kalpadrumatalāviṣṭā kṛṣṇā viśvā haripriyā / ajāgamyā bhavāgamyā govarddhanakṛtālayā // ### [1.82.146](https://indike.org/pramana/in.purana.narada.1.82.146) yamunātīranilayā śaśvadgovindajalpinī / śaśvanmānavatī snigdhā śrīkṛṣṇaparivanditā // ### [1.82.147](https://indike.org/pramana/in.purana.narada.1.82.147) kṛṣṇastutā kṛṣṇavṛtā śrīkṛṣṇahṛdayālayā / devadrumaphalā sevyā vṛndāvanarasālayā // ### [1.82.148](https://indike.org/pramana/in.purana.narada.1.82.148) koṭitīrthamayī satyā koṭitīrthaphalapradā / koṭiyogasuduṣprāpyā koṭiyajñadurāśrayā // ### [1.82.149](https://indike.org/pramana/in.purana.narada.1.82.149) manasā śaśilekhā ca śrīkoṭisubhagānaghā / koṭimuktasukhā saumyā lakṣmīkoṭivilāsinī // ### [1.82.150](https://indike.org/pramana/in.purana.narada.1.82.150) tilottamā trikālasthā trikālajñāpyadhīśvarī / trivedajñā trilokajñā turīyāntanivāsinī // ### [1.82.151](https://indike.org/pramana/in.purana.narada.1.82.151) durgārādhyā ramārādhyā viśvārādhyā cidātmikā / devārādhyā parārādhyā brahmārādhyā parātmikā // ### [1.82.152](https://indike.org/pramana/in.purana.narada.1.82.152) śivārādhyā premasādhyā bhaktārādhyā rasātmikā / kṛṣṇaprāṇārpiṇī bhāmā śuddhapremavilāsinī // ### [1.82.153](https://indike.org/pramana/in.purana.narada.1.82.153) kṛṣṇārādhyā bhaktisādhyā bhaktavṛndaniṣevitā / viśvādhārā kṛpādhārā jīvadhārātināyikā // ### [1.82.154](https://indike.org/pramana/in.purana.narada.1.82.154) śuddhapremamayī lajjā nityasiddhā śiromaṇiḥ / divyarūpā divyabhogā divyaveṣā mudānvitā // ### [1.82.155](https://indike.org/pramana/in.purana.narada.1.82.155) divyāṅganāvṛndasārā nityanūtanayauvanā / parabrahmāvṛtā dhyeyā mahārūpā mahojjvalā // ### [1.82.156](https://indike.org/pramana/in.purana.narada.1.82.156) koṭisūryaprabhā koṭicandrabiṃbādhikacchaviḥ / komalāmṛtavāgādyā vedādyā vedadurlabhā // ### [1.82.157](https://indike.org/pramana/in.purana.narada.1.82.157) kṛṣṇāsaktā kṛṣṇabhaktā candrāvaliniṣevitā / kalāṣoḍaśasaṃpūrṇā kṛṣṇadehārddhadhāriṇī // ### [1.82.158](https://indike.org/pramana/in.purana.narada.1.82.158) kṛṣṇabuddhiḥ kṛṣṇasārākṛṣṇarūpavihāriṇī / kṛṣṇakāntā kṛṣṇadhanā kṛṣṇamohanakāriṇī // ### [1.82.159](https://indike.org/pramana/in.purana.narada.1.82.159) kṛṣṇadṛṣṭiḥ kṛṣṇagotrī kṛṣṇadevī kulodvahā / sarvabhūtasthitāvātmā sarvalokanamaskṛtā // ### [1.82.160](https://indike.org/pramana/in.purana.narada.1.82.160) kṛṣṇadātrī premadhātrī svarṇagātrī manoramā / nagadhātrī yaśoṭhātrī mahādevī śubhaṅkarī // ### [1.82.161](https://indike.org/pramana/in.purana.narada.1.82.161) śrīśeṣadevajananī avatāragaṇaprasūḥ / utpalāṅkāravindāṅkā prasādāṅkā dvitīyakā // ### [1.82.162](https://indike.org/pramana/in.purana.narada.1.82.162) rathāṅkā kuñjarāṅkā ca kuṇḍalāṅkapadasthitā / chatrāṅkā vidyudaṅkā ca puṣpamālāṅkitāpi ca // ### [1.82.163](https://indike.org/pramana/in.purana.narada.1.82.163) daṇḍāṅkā mukuṭāṅkā ca pūrṇacandrā śukāṅkitā / kṛṣṇātrahārapākā ca vṛndākuñjavihāriṇī // ### [1.82.164](https://indike.org/pramana/in.purana.narada.1.82.164) kṛṣṇaprabodhanakarī kṛṣṇaśeṣānnabhojinī / padmakesaramadhyasthā saṃgītāgamavedinī // ### [1.82.165](https://indike.org/pramana/in.purana.narada.1.82.165) koṭikalpāntabhrūbhaṅgā aprāptapralayācyutā / sarvasattvanidhiḥ padmaśaṅkhādinidhisevitā // ### [1.82.166](https://indike.org/pramana/in.purana.narada.1.82.166) aṇimādiguṇaiśvaryā devavṛndavimohinī / sasvānandapradā sarvā suvarṇalatikākṛtiḥ // ### [1.82.167](https://indike.org/pramana/in.purana.narada.1.82.167) kṛṣṇābhisārasaṃketā mālinī nṛtyapaṇḍitā / gopīsiṃdhusakāśāhvāṃ gopamaṇḍapaśobhinī // ### [1.82.168](https://indike.org/pramana/in.purana.narada.1.82.168) śrīkṛṣṇaprītidā bhītā pratyaṅgapulakāñcitā / śrīkṛṣṇāliṅganaratā govindavirahākṣamā // ### [1.82.169](https://indike.org/pramana/in.purana.narada.1.82.169) anantaguṇasaṃpannā kṛṣṇakīrtanalālasā / bījatrayamayī mūrtiḥ kṛṣṇānugrahavāñchitā // ### [1.82.170](https://indike.org/pramana/in.purana.narada.1.82.170) vimalādiniṣevyā ca lalitādyārcitā satī / padmavṛndasthitā hṛṣṭā tripurāparisevitā // ### [1.82.171](https://indike.org/pramana/in.purana.narada.1.82.171) vṛntāvatyarcitā śraddhā durjñeyā bhaktavallabhā / durlabhā sāṃdrasaukhyātmā śreyohetuḥ subhogadā // ### [1.82.172](https://indike.org/pramana/in.purana.narada.1.82.172) sāraṅgā śāradā bodhā sadvṛndāvanacāriṇī / brahmānandā cidānandā dhyānāndārddhamātrikā // ### [1.82.173](https://indike.org/pramana/in.purana.narada.1.82.173) gandharvā suratajñā ca govindaprāṇasaṃgamā / kṛṣṇāṅgabhūṣaṇā ratnabhūṣaṇā svarṇabhūṣitā // ### [1.82.174](https://indike.org/pramana/in.purana.narada.1.82.174) śrīkṛṣṇahṛdayāvāsamuktākanakanāli (si) kā / sadratnakaṅkaṇayutā śrīmannīlagiristhitā // ### [1.82.175](https://indike.org/pramana/in.purana.narada.1.82.175) svarṇanūpurasaṃpannā svarṇakiṅkiṇimaṇḍitā / aśeṣarāsakutukā raṃbhorūstanumadhyamā // ### [1.82.176](https://indike.org/pramana/in.purana.narada.1.82.176) parākṛtiḥ pararānandā parasvargavihāriṇī / prasūnakabarī citrā mahāsiṃdūrasundarī // ### [1.82.177](https://indike.org/pramana/in.purana.narada.1.82.177) kaiśoravayasā bālā pramadākulaśekharā / kṛṣṇādharasudhā svādā śyāmapremavinodinī // ### [1.82.178](https://indike.org/pramana/in.purana.narada.1.82.178) śikhipicchalasaccūḍā svarṇacaṃpakabhūṣitā / kuṅkumālaktakastūrīmaṇḍitā cāparājitā // ### [1.82.179](https://indike.org/pramana/in.purana.narada.1.82.179) hemaharānvitāpuṣpā hārāḍhyā rasavatyapi / mādhuryyamadhurā padmā padmahastā suviśrutā // ### [1.82.180](https://indike.org/pramana/in.purana.narada.1.82.180) bhrūbhaṅgābhaṅgakodaṇḍakaṭākṣaśarasaṃdhinī / śeṣadevāśirasthā ca nityasthalavihāriṇī // ### [1.82.181](https://indike.org/pramana/in.purana.narada.1.82.181) kāruṇyajalamadhyasthā nityamattādhirohiṇī / aṣṭabhāṣavatī cāṣṭanāyikā lakṣaṇānvitā // ### [1.82.182](https://indike.org/pramana/in.purana.narada.1.82.182) sunūtijñā śrutijñā ca sarvajñā duḥkhahāriṇī / rajoguṇeśvarī caiva jaraccandranibhānanā // ### [1.82.183](https://indike.org/pramana/in.purana.narada.1.82.183) ketakīkusumābhāsā sadā siṃdhuvanasthitā / hemapuṣpādhikakarā pañcaśaktimayī hitā // ### [1.82.184](https://indike.org/pramana/in.purana.narada.1.82.184) stanakubhī narāḍhyā ca kṣīṇāpuṇyā yaśasvanī / vairājasūyajananī śrīśā bhuvanamohinī // ### [1.82.185](https://indike.org/pramana/in.purana.narada.1.82.185) mahāśobhā mahāmāyā mahākāntirmahāsmṛtiḥ / mahāmohā mahāvidyā mahākīrrtiṃmahāratiḥ // ### [1.82.186](https://indike.org/pramana/in.purana.narada.1.82.186) mahādhairyā mahāvīryā mahāśaktirmahādyutiḥ / mahāgaurī mahāsaṃpanmahābhogavilāsinī // ### [1.82.187](https://indike.org/pramana/in.purana.narada.1.82.187) samayā bhaktidāśokā vātsalyarasadāyinī / suhṛdbhaktipradā svacchā mādhuryarasavarṣiṇī // ### [1.82.188](https://indike.org/pramana/in.purana.narada.1.82.188) bhāvabhaktipradā śuddhapremabhaktividhāyinī / goparāmābhaghirāmā ca krīḍārāmā pareśvarī // ### [1.82.189](https://indike.org/pramana/in.purana.narada.1.82.189) nityarāmā cātmarāmā kṛṣṇarāmā rameśvarī / ekānaikajagadvyāptā viśvalīlāprakāśinī // ### [1.82.190](https://indike.org/pramana/in.purana.narada.1.82.190) sarasvakatī śā durgeśā jagadīśā jagadvidhiḥ / viṣṇuvaṃśanivāsā ca viṣṇuvaṃśasamudbhavā // ### [1.82.191](https://indike.org/pramana/in.purana.narada.1.82.191) viṣṇuvaṃśastutā kartrī viṣṇuvaṃśāvanī sadā / ārāmasthā vanasthā ca sūryyaputryavagāhinī // ### [1.82.192](https://indike.org/pramana/in.purana.narada.1.82.192) prītisthā nityayantrasthā golokasthā vibhūtidā / svānubhūtisthitā vyaktā sarvalokanivāsinī // ### [1.82.193](https://indike.org/pramana/in.purana.narada.1.82.193) amṛtā hyadbhutā śrīmannārāyaṇasamīḍitā / akṣarāpi ca kūṭasthā mahāpuruṣasaṃbhavā // ### [1.82.194](https://indike.org/pramana/in.purana.narada.1.82.194) audāryabhāvasādhyā ca sthūlasūkṣmātirūpiṇī / śirīṣapuṣpamṛdulā gāṅgeyamukuraprabhā // ### [1.82.195](https://indike.org/pramana/in.purana.narada.1.82.195) nīlotpalajitākṣī ca sadratnakavarānvitā / premaparyakanilayā tejomaṇḍalamadhyagā // ### [1.82.196](https://indike.org/pramana/in.purana.narada.1.82.196) kṛṣṇāṅgagopanābhedā līlāvaraṇanāyikā / sudhāsiṃdhusamullāsāmṛtāsyandavidhāyinī // ### [1.82.197](https://indike.org/pramana/in.purana.narada.1.82.197) kṛṣṇacittā rāsacittā premacittā haripriyā / acintanaguṇagrāmā kṛṣṇalīlā malāpahā // ### [1.82.198](https://indike.org/pramana/in.purana.narada.1.82.198) rāsasiṃdhuśaśāṅkā ca rāsamaṇḍalamaṇḍīnī / natavratā siṃharīcchā sumīrtiḥ sukhanditā // ### [1.82.199](https://indike.org/pramana/in.purana.narada.1.82.199) gopīcūḍāmaṇirgopīgaṇeḍyā virajādhikā / gopapreṣṭhā gopakanyā gopanārī sugopikā // ### [1.82.200](https://indike.org/pramana/in.purana.narada.1.82.200) gopadhāmā sudāmāṃbā gopālī gopamohinī / gopabhūṣā kṛṣṇabhūṣā śrīvṛndāvanacandrikā // _First 200 of 217 passages. [Read on](https://indike.org/pramana/in.purana.narada.1.82)_ ## Linked texts (2) - [Śrīrādhākṛṣṇasahasranāmastotram](https://indike.org/pramana/in.sampradaya.vaisnava.stotra.krsna.radhakrsnasahasranamastotra.1) — Sanskrit - [Bhāgavatapurāṇa](https://indike.org/pramana/in.purana.bhagavata.10.84.22) — Vyāsa, Sanskrit --- Source: [https://indike.org/pramana/in.purana.narada.1.82](https://indike.org/pramana/in.purana.narada.1.82) · Pramāṇa