[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.84 # Naradapurana 1.84 Nāradapurāṇa 1.84 - **Language:** Sanskrit ## Contents - [1.84.110](https://indike.org/pramana/in.purana.narada.1.84.110) — 1 part ### [1.84.1](https://indike.org/pramana/in.purana.narada.1.84.1) sanatkumāra uvāca kalikalpāntare brahman brahmaṇo 'vyaktajanmanaḥ / lokapadme tapasthasya sṛṣṭyarthaṃ saṃbabhūvatuḥ // ### [1.84.2](https://indike.org/pramana/in.purana.narada.1.84.2) viṣṇukarṇamalodbhūtāvasurau madhukaiṭabhau / tau jātamātrau payasi lokapralayalakṣaṇe // ### [1.84.3](https://indike.org/pramana/in.purana.narada.1.84.3) jānumātre sthitau dṛṣṭvā brahmaṇaṃ kamalasthitam / pravṛttāvattumālakṣya tuṣṭāva jagadaṃbikām // ### [1.84.4](https://indike.org/pramana/in.purana.narada.1.84.4) tato devī jagatkartrī śaivī śaktiranuttamā / nārāyaṇākṣisaṃsthānā nidrā prītā babhūva ha // ### [1.84.5](https://indike.org/pramana/in.purana.narada.1.84.5) tasyā mantrādikaṃ sarvaṃ kathayiṣyāmi tacchṛṇu / sāruṇā krodhanī śāntiścandrālaṅkṛtaśekharā // ### [1.84.6](https://indike.org/pramana/in.purana.narada.1.84.6) ekākṣarībīja mantraṛṣiḥ śaktirudāhṛtā / gāyatrī ca bhavecchando devatā bhuvaneśvarī // ### [1.84.7](https://indike.org/pramana/in.purana.narada.1.84.7) ṣaḍdirghayuktabījena kuryādaṅgāni ṣaṭ kramāt / saṃhārasṛṣṭimārgeṇa mātṛkānyastavigrahaḥ // ### [1.84.8](https://indike.org/pramana/in.purana.narada.1.84.8) mantranyāsaṃ tataḥ kuryāddevatābhāvasiddhaye / hṛllekhāṃ mūrdhni vadane gaganāṃ hṛdayāṃbuje // ### [1.84.9](https://indike.org/pramana/in.purana.narada.1.84.9) raktāṃ karālikāṃ guhye mahocchuṣmāṃ padadvaye / ūrddhvaprāgdakṣiṇodīcyapaścimeṣūttare 'pi ca // ### [1.84.10](https://indike.org/pramana/in.purana.narada.1.84.10) sadyādihrasvabījādyānvastavyā bhūtasaprabhāḥ / aṅgāni vinyasetpaścājjātiyuktāni ṣaṭ kramāt // ### [1.84.11](https://indike.org/pramana/in.purana.narada.1.84.11) brahmāṇaṃ vinyasedbhāle gāyatryā saha saṃyutam / sāvitryā sahitaṃ viṣṇuṃ kapole dakṣiṇe nyaset // ### [1.84.12](https://indike.org/pramana/in.purana.narada.1.84.12) vāgīśvaryā samāyuktaṃ vāmagaṇḍe maheśvaram / śriyā dhanapatiṃ nyasya vāmakarṇāgrake punaḥ // ### [1.84.13](https://indike.org/pramana/in.purana.narada.1.84.13) ratyā smaraṃ mukhe nyasya puṇyāgaṇapatiṃ nyaset / savyakarṇopari nidhākarṇagaṇḍāntarālayoḥ // ### [1.84.14](https://indike.org/pramana/in.purana.narada.1.84.14) nyastavyaṃ vadane mūlaṃ bhūpaścaitrāṃstato nyaset / kaṇṭhamūle stanadvandve vāmāṃse hṛdayāṃbuje // ### [1.84.15](https://indike.org/pramana/in.purana.narada.1.84.15) savyāṃse pārśvayugale nābhideśe ca deśikaḥ / bhālāṃśca pārśvajaṭhare pārśvāṃsāparake hṛdi // ### [1.84.16](https://indike.org/pramana/in.purana.narada.1.84.16) brahmāṇyādyāstanau nyasya vidhinā proktalakṣaṇāḥ / mūlena vyāpakaṃ dehe nyasya devīṃ vicintayet // ### [1.84.17](https://indike.org/pramana/in.purana.narada.1.84.17) udyaddivākaranibhāṃ tuṅgorojāṃ trilocanām / / smarāsyāmindumukuṭāṃ varapāśāṅkuśābhayām // ### [1.84.18](https://indike.org/pramana/in.purana.narada.1.84.18) radalakṣaṃ japenmantraṃ trimadhvaktairhunettataḥ / aṣṭadravyairdaśāṃśena brahmavṛkṣasamidvaraiḥ // ### [1.84.19](https://indike.org/pramana/in.purana.narada.1.84.19) drākṣākharjūravātādaśarkarānālikerakam / tandulājyatilaṃ vipra dravyāṣṭakamudāhṛtam // ### [1.84.20](https://indike.org/pramana/in.purana.narada.1.84.20) dadyādardhyaṃ dineśāya tatra saṃcintya pārvatīm / padmamaṣṭadalaṃ bāhye vṛttaṃ ṣoḍaśabhirddalaiḥ // ### [1.84.21](https://indike.org/pramana/in.purana.narada.1.84.21) vilikhetkaṇiṅkrāmadhyeṣaḍkoṇamatisundaram / tataḥ saṃpūjayetpīṭhaṃ navaśaktisamanvitam // ### [1.84.22](https://indike.org/pramana/in.purana.narada.1.84.22) jayākhyā vijayā paścādajitāhvāparājitā / nityā vilāsinī gogdhītyaghorā maṅgalā nava // ### [1.84.23](https://indike.org/pramana/in.purana.narada.1.84.23) bījāḍhyamāsanaṃ dattvā mūrtiṃ tenaiva kalpayet / tasyāṃ saṃpūjayeddevīmāvāhyāvaraṇaiḥ kramāt // ### [1.84.24](https://indike.org/pramana/in.purana.narada.1.84.24) madheyapāgyāmyasaumyeṣu pūjayedaṅgadevatāḥ / ṣaṭkoṇeṣu yajenmantrī paścānmithunadevatāḥ // ### [1.84.25](https://indike.org/pramana/in.purana.narada.1.84.25) indrakoṇaṃ lasaddaṇḍakuṇḍikākṣaguṇābhayām / gāyatrīṃ pūjayenmatrī brahmāṇamapi tādṛśam // ### [1.84.26](https://indike.org/pramana/in.purana.narada.1.84.26) rakṣaḥ koṇe śaṅkhacakragadāpaṅkajadhāriṇīm / sāvitrīṃ pītavasanāṃ yajedviṇuṃ ca tādṛśam // ### [1.84.27](https://indike.org/pramana/in.purana.narada.1.84.27) vāyukoṇe paraśvakṣamālā bhayavarānvitām / yajetsarasvatīmacchāṃ rudraṃ tādṛśalakṣaṇam // ### [1.84.28](https://indike.org/pramana/in.purana.narada.1.84.28) vahnikoṇe yajedratnakuṃbhaṃ maṇikaraṇḍakam / karābhyāṃ bibhratīṃ pītāṃ tundilaṃ dhanadāyakam // ### [1.84.29](https://indike.org/pramana/in.purana.narada.1.84.29) āliṅgya savyahastena vāme tāṃbūladhāriṇīm / dhanadāṅkasamārūḍhāṃ mahālakṣmīṃ prapūjayet // ### [1.84.30](https://indike.org/pramana/in.purana.narada.1.84.30) paścime madanaṃ bāṇapāśāṅkuśaśarāsanām / dhārayantaṃ japāraktaṃ pūjayedraktabhūṣaṇam // ### [1.84.31](https://indike.org/pramana/in.purana.narada.1.84.31) savyena patimāśliṣya vāmenotpaladhāriṇīm / pāṇinā ramaṇāṅkasthāṃ ratiṃ samyaksamarcayet // ### [1.84.32](https://indike.org/pramana/in.purana.narada.1.84.32) aiśānye pūjayetsamyak vighnarājaṃ priyānvitam / sṛṇipāśadharaṃ kāntaṃ varāṅgāsṛkkalāṅgulim // ### [1.84.33](https://indike.org/pramana/in.purana.narada.1.84.33) mādhvīpūrṇakapālāḍhyaṃ vighnarājaṃ digaṃbaram / puṣkare vigaladratnasphuraccaṣakadhāriṇam // ### [1.84.34](https://indike.org/pramana/in.purana.narada.1.84.34) siṃdūrasadṛśākārāmuddāmamadavibhramām / dhṛtaraktotpalāmanyapāṇinā tu dhvajaspṛśām // ### [1.84.35](https://indike.org/pramana/in.purana.narada.1.84.35) āśliṣṭakāntāmaruṇāṃ puṣṭimarceddigaṃbarām / karṇikāyāṃ nidhī pūjyau ṣaṭkoṇasyātha pārśvayoḥ // ### [1.84.36](https://indike.org/pramana/in.purana.narada.1.84.36) aṅgāni kesareṣvetāḥ paścātpatreṣu pūjayet / anaṅgakusumā paścāddvitīyānaṅgamekhalā // ### [1.84.37](https://indike.org/pramana/in.purana.narada.1.84.37) anaṅgagamanā tadvadanaṅgamadanāturā / bhuvanapālā gaganavegā ṣaṣṭhī caiva tataḥ param // ### [1.84.38](https://indike.org/pramana/in.purana.narada.1.84.38) śaśilekhā gaganalekhā cetyaṣṭau yatra śaktayaḥ / khaḍgakheṭakadhāriṇyaḥ śyāmāḥ pūjyāśca mātaraḥ // ### [1.84.39](https://indike.org/pramana/in.purana.narada.1.84.39) padmādbahiḥ samabhyarcyāḥ śaktayaḥ paricārikāḥ / prathamānaṅgadvayāsyādanaṅgamadanā tataḥ // ### [1.84.40](https://indike.org/pramana/in.purana.narada.1.84.40) madanāturā bhavanavegā tato bhuvanapālikā / syātsarvaśiśirānaṅgavedanānaṅgamekhalā // ### [1.84.41](https://indike.org/pramana/in.purana.narada.1.84.41) caṣakaṃ tālavṛntaṃ ca tāṃbūlaṃ chatramujjvalam / cāmare cāṃśukaṃ puṣpaṃ bibhrāṇāḥ karapaṅkajaiḥ // ### [1.84.42](https://indike.org/pramana/in.purana.narada.1.84.42) sarvābharaṇasaṃdīptān lokapālānbahiryajet / vajrādīnyapi tadbāhye devīmitthaṃ prapūjayet // ### [1.84.43](https://indike.org/pramana/in.purana.narada.1.84.43) mantrī trimadhuropetairhutvāśvatthasamidvaraiḥ / brāhmaṇānvaśayecchīghraṃ pārthivānpadmahomataḥ // ### [1.84.44](https://indike.org/pramana/in.purana.narada.1.84.44) palāśapuṣpaistatpatnīṃ mantriṇaḥ kusudairapi / pañcaviṃśatidhā japtairjalaiḥ snānaṃ dine dine // ### [1.84.45](https://indike.org/pramana/in.purana.narada.1.84.45) ātmānamabhiṣiñcedyaḥ sarvasaubhāgyavānbhavet / pañcaviṃśatidhā japtaṃ jalaṃ prātaḥ pibennaraḥ // ### [1.84.46](https://indike.org/pramana/in.purana.narada.1.84.46) avāpya mahatīṃ prajñāṃ kavīnāmagraṇīrbhavet / karpūrāgarusaṃyuktakuṅkumaṃ sādhu sādhitam // ### [1.84.47](https://indike.org/pramana/in.purana.narada.1.84.47) gṛhītvā tilakaṃ kuryādrājavaśyamanuttamam / śālipiṣṭamayīṃ kṛtvā puttalīṃ madhurānvitām // ### [1.84.48](https://indike.org/pramana/in.purana.narada.1.84.48) japtāṃ pratiṣṭhitaprāṇāṃ bhakṣayedravivāsare / vaśaṃ nayati rājānaṃ nārīṃ vā narameva ca // ### [1.84.49](https://indike.org/pramana/in.purana.narada.1.84.49) kaṇṭhamātrodake sthitvā vīkṣya toyodgataṃ ravim / trisahasraṃ japenmantraṃ kanyāmiṣṭāṃ labhettataḥ // ### [1.84.50](https://indike.org/pramana/in.purana.narada.1.84.50) annaṃ tanmantritaṃ mantrī bhuñjīta śrīprasiddhaye / likhitāṃ bhasmanā māyāṃ sasādhyāṃ phalakādiṣu // ### [1.84.51](https://indike.org/pramana/in.purana.narada.1.84.51) tatkālaṃ darśayedyantraṃ sukhaṃ sūyeta garbhiṇī / bhuvaneśīyamākhyātā sahasrabhujasaṃbhavā // ### [1.84.52](https://indike.org/pramana/in.purana.narada.1.84.52) bhuktimuktipradā nṝṇāṃ smartṛāṇāṃ dvijasattama / tataḥ kalpāntare vipra kadācinmahiṣāsuraḥ // ### [1.84.53](https://indike.org/pramana/in.purana.narada.1.84.53) babhūva lokapālāṃstu jitvā bhuṅkte jagattrayam / tatastpīḍitā devā vaikuṇṭhaṃ śaraṇaṃ yayuḥ // ### [1.84.54](https://indike.org/pramana/in.purana.narada.1.84.54) tato devī mahālakṣmīścakrādyāṅgotthatejasā / śrīrbabhūvamuniśreṣṭha mūrtā vyāptajagattrayā // ### [1.84.55](https://indike.org/pramana/in.purana.narada.1.84.55) svayaṃ sā mahiṣādīṃstu nihatya jagadīśvarī / aravindavanaṃ prāptā bhajatāmiṣṭadāyinī // ### [1.84.56](https://indike.org/pramana/in.purana.narada.1.84.56) tasyāḥ samarcanaṃ vakṣye saṃkṣepeṇa śṛṇu dvija / mṛtyukrodhena guruṇā bindubhūṣitamastakā // ### [1.84.57](https://indike.org/pramana/in.purana.narada.1.84.57) bījamantraḥ śriyaḥ prokto bhajatāmiṣṭadāyakaḥ / ṛṣirbhṛgurnivṛcchando devatā śrīḥ samīritā // ### [1.84.58](https://indike.org/pramana/in.purana.narada.1.84.58) ṣaḍdīrghayuktabījena kuryādaṅgāni ṣaṭ kramāt / tato dhyāyejjagadvedyāṃ śriyaṃ saṃpattidāyinīm // ### [1.84.59](https://indike.org/pramana/in.purana.narada.1.84.59) kāñcanābhāṃ gajaiḥ śvetaiścaturbhiḥ svakaroddhṛtaiḥ / hiraṇmayāmṛtaghaṭaiḥ sicyamānāṃ sarojagām // ### [1.84.60](https://indike.org/pramana/in.purana.narada.1.84.60) varābhayābjasragdhastāṃ kṣaumavastrāṃ kirīṭinīm / siddhalakṣaṃ japenmantraṃ tatsahasraṃ hunettathā // ### [1.84.61](https://indike.org/pramana/in.purana.narada.1.84.61) sugandhakusumairiṣṭvā kamalairmadhuraplutaiḥ / mahālakṣmyudite pīṭhe mūrtiṃ mūlena kalpayet // ### [1.84.62](https://indike.org/pramana/in.purana.narada.1.84.62) yajetpūrvavadaṅgāni digdaleṣvarcayettataḥ / vāsudevaṃ saṃkarṣaṇaṃ pradyumnamaniruddhakam // ### [1.84.63](https://indike.org/pramana/in.purana.narada.1.84.63) himapītatamālendranīlābhānpītavāsasaḥ / śaṅkhacakragadāpadmadhāriṇastāṃścaturbhujān // ### [1.84.64](https://indike.org/pramana/in.purana.narada.1.84.64) vidiganteṣu patreṣu damakādīnyajedgajān / damakaṃ puṇḍarīkaṃ ca guggulaṃ ca kuraṇṭakam // ### [1.84.65](https://indike.org/pramana/in.purana.narada.1.84.65) yajecchaṅkhanidhiṃ devyā dakṣiṇe pramadānvitam / muktāmāṇikyasaṃkāśau kiñcitsmitamukhāṃbujau // ### [1.84.66](https://indike.org/pramana/in.purana.narada.1.84.66) anyonyāliṅganaparau śaṅkhapaṅkajadhāriṇau / vigaladratnavarṣābhyāṃ śaṅkhabhyā mūrdhni lāñchitau // ### [1.84.67](https://indike.org/pramana/in.purana.narada.1.84.67) tundilaṃ kaṃbukanidhiṃ vasudhārāṃ ghanastanīm / vāmataḥ paṅkajanidhiṃ priyayā sahitaṃ yajet // ### [1.84.68](https://indike.org/pramana/in.purana.narada.1.84.68) siṃdūrābhau bhujaśliṣṭau raktapadmotpalānvitau / niḥsaradratnavarṣābhyāṃ padmābhyāṃ mūrdhni lāñchitau // ### [1.84.69](https://indike.org/pramana/in.purana.narada.1.84.69) tundilaṃ paṅkajanidhiṃ tattvāṃ vasumatīmapi / dalāgreṣu yajedetābalākyādyāḥ samantataḥ // ### [1.84.70](https://indike.org/pramana/in.purana.narada.1.84.70) balākī vimalā caiva kamalā vanamālikā / vibhīṣikā mālikā ca śāṅkarī vasumālikā // ### [1.84.71](https://indike.org/pramana/in.purana.narada.1.84.71) paṅkajadvayadhāriṇyo muktāhārasamaprabhāḥ / lokeśānpūjayedante vajrādyāstrāṇi tadbahiḥ // ### [1.84.72](https://indike.org/pramana/in.purana.narada.1.84.72) itthaṃ yo bhajate devīṃ vidhinā sādhakottamaḥ / dhanadhānyasamṛddhaḥ syācchriyamāpnotyaninditām // ### [1.84.73](https://indike.org/pramana/in.purana.narada.1.84.73) vakṣaḥpramāṇasalile sthitvā mantramimaṃ japet / trilakṣamarkagaṃ dhyāyansa bhavetkamalālayaḥ // ### [1.84.74](https://indike.org/pramana/in.purana.narada.1.84.74) viṣṇugehasthabilvasya mūle lakṣatrayaṃ japet / sādhako yaḥ sa labhate vāñchitaṃ dhanasaṃcayam // ### [1.84.75](https://indike.org/pramana/in.purana.narada.1.84.75) aśokavahnāvājyāktaistaṇḍulairvaśayejjagat / homenakhādire vahnau taṇḍulermadhurokṣitaiḥ // ### [1.84.76](https://indike.org/pramana/in.purana.narada.1.84.76) rājā vaśyo bhavecchīghraṃ mahālakṣmīśca varddhate / bilvacchāyāmadhivasanbilvamiśrahaviṣyabhuk // ### [1.84.77](https://indike.org/pramana/in.purana.narada.1.84.77) saṃvatsaratrayaṃ hutvā tatphalairathavāṃbujaiḥ / sādhakendro mahālakṣmīṃ cakṣuṣā paśyati dhruvam // ### [1.84.78](https://indike.org/pramana/in.purana.narada.1.84.78) atha kalpāntare brahmandevarājyaviluṃpakau / jātau śubhaniśuṃbhau dvāvasurau lokakaṇṭakau // ### [1.84.79](https://indike.org/pramana/in.purana.narada.1.84.79) tato bhraṣṭādhikāraistu śakrādyaiḥ saṃstutā mune / mahāsarasvatī devī tadā cāvatatāra ha // ### [1.84.80](https://indike.org/pramana/in.purana.narada.1.84.80) himālaye mahāpuṇye śailoddeśe 'tiśobhane / tataḥ śumbhādikānhatvā daivataiḥ paripūjitā // ### [1.84.81](https://indike.org/pramana/in.purana.narada.1.84.81) varaṃ dattvāviśaddevī mānasaṃ nāma vai saraḥ / tasyā mantraṃ pravakṣyāmi śṛṇuṣvāvahito munane // ### [1.84.82](https://indike.org/pramana/in.purana.narada.1.84.82) jñānāmṛtā śaśadharā krāntabhālopaśobhitā / vāgbījaṃ tena cāṅgāni kalpayetsādhakottamaḥ // ### [1.84.83](https://indike.org/pramana/in.purana.narada.1.84.83) ṛṣiḥ sadāśivaścāsya chando 'nuṣṭubudāhṛtam / devatā vāksamākhyātā bhajatāmiṣṭadāyinī // ### [1.84.84](https://indike.org/pramana/in.purana.narada.1.84.84) śvetāṃbarāṃ visaśvetāṃ vīṇāpustakadhāriṇīm / divyairābharaṇairyuktāṃ dhyāyeddevīṃ nirantarām // ### [1.84.85](https://indike.org/pramana/in.purana.narada.1.84.85) mahāsarasvatīpīṭhe mūrtiṃ mūlena kalpayet / devīṃ saṃpūjayettasyāmaṅgādyāvaraṇaiḥ saha // ### [1.84.86](https://indike.org/pramana/in.purana.narada.1.84.86) ādāvaṅgāvṛtiḥ paścādaṃbikādyāḥsamīritāḥ / dvitīyā mātṛbhiḥ proktā tṛtīyādyaṣṭaśaktibhiḥ // ### [1.84.87](https://indike.org/pramana/in.purana.narada.1.84.87) caturthī pañcamī proktā dvātriṃśacchaktibhaghiḥ punaḥ / catuḥṣaṣṭyā smṛtā ṣaṣṭhī śaktibhirlokanāyakaiḥ // ### [1.84.88](https://indike.org/pramana/in.purana.narada.1.84.88) saptamī punareteṣāmastraiḥ syādaṣṭamāvṛtiḥ / evaṃ pūjyā jagaddhātrī śrīmatī vāgbhavābhidhā // ### [1.84.89](https://indike.org/pramana/in.purana.narada.1.84.89) sthāneṣu pūrvamukteṣu yajedaṅgāni sādhakaḥ / ambikā vāgbhavā durgā śrīśaktiścoktalakṣaṇā // ### [1.84.90](https://indike.org/pramana/in.purana.narada.1.84.90) brahmādyāśca tataḥ pūjyāḥ karālī vikarālyumā / sarasvatī śrīrdurgā ca lakṣmīścaiva dhṛtiḥ smṛtiḥ // ### [1.84.91](https://indike.org/pramana/in.purana.narada.1.84.91) śraddhā medhā ratiḥ kāntirāryā ṣoḍaśa śaktayaḥ / khaḍgakheṭakadhāriṇyaḥ śyāmāḥ pūjyāḥ svalaṅkṛtāḥ // ### [1.84.92](https://indike.org/pramana/in.purana.narada.1.84.92) viṣaghnī puṣṭayaḥ prajñā sinīvālī kuhūḥ punaḥ / rudravīryā prabhā nandā poṣaṇā vṛddhidā śubhā // ### [1.84.93](https://indike.org/pramana/in.purana.narada.1.84.93) kālarātrirmahārātrirbhadrakālī kapārdinī / vikṛtirdaṇḍimuṇḍinyau seṃdukhaṇḍā śikhaṇḍinī // ### [1.84.94](https://indike.org/pramana/in.purana.narada.1.84.94) niśumbhamathanī caṇḍamuṇḍavināśinī / indrāṇī caiva rudrāṇī śaṅkarārddhaśarīriṇī // ### [1.84.95](https://indike.org/pramana/in.purana.narada.1.84.95) nārī nārāyaṇī caiva triśūlinyapi pālinī / ambikā hradinī caiva dvātriṃśacchaktayaḥ sitāḥ // ### [1.84.96](https://indike.org/pramana/in.purana.narada.1.84.96) cakrahastāḥ piśācāsyāḥ saṃpūjyāścārubhūṣaṇāḥ / piṅgalākṣī viśālākṣī samṛddhirbuddhireva ca // ### [1.84.97](https://indike.org/pramana/in.purana.narada.1.84.97) śraddhā svāhā svadhā bhikṣā māyā saṃjñā vasuṃdharā / trilokadhātrī gāyatrī sāvitrī tridaśeśvarī // ### [1.84.98](https://indike.org/pramana/in.purana.narada.1.84.98) sarūpā bahurūpā ca skandamātā śrutapriyā / vimalā kamalā paścādaruṇī punarāruṇī // ### [1.84.99](https://indike.org/pramana/in.purana.narada.1.84.99) prakṛtirvikṛtiḥ sṛṣṭiḥ sthitiḥ saṃhṛtireva ca / sandhyā mātā satī haṃsī mardikā vajrikā parā // ### [1.84.100](https://indike.org/pramana/in.purana.narada.1.84.100) devamātā bhagavatī devakī kamalāsanā / trimukhī saptavadanā surāsuravimarddinī // ### [1.84.101](https://indike.org/pramana/in.purana.narada.1.84.101) laṃboṣṭhī corddvakeśī ca bahuśiśnā vṛkodarī / ratharekhāhvayā paścācchaśirekhā tathāparā // ### [1.84.102](https://indike.org/pramana/in.purana.narada.1.84.102) gaganavegā pavanavegā vegā ca tadanantaram / tato bhuvanapālākhyā tataḥ syānmadanāturā // ### [1.84.103](https://indike.org/pramana/in.purana.narada.1.84.103) anaṅgānaṅgavadanā tathaivānaṅgamekhalā / anaṅgakusumā viśvarūpā surabhayaṅkarī // ### [1.84.104](https://indike.org/pramana/in.purana.narada.1.84.104) akṣobhyā saptavāhinyā vajrārūpā śucivratāḥ / varadākhyātha vāgīśī catuḥṣaṣṭiḥsamīritāḥ // ### [1.84.105](https://indike.org/pramana/in.purana.narada.1.84.105) cāpabāṇadharāḥ sarvā jvālājihvā mahāprabhāḥ / daṃṣṭriṇyaścorddhvakeśyastā yuddhopakrāntamānasāḥ // ### [1.84.106](https://indike.org/pramana/in.purana.narada.1.84.106) sarvābharaṇasaṃdīptā pūjanīyāḥ prayatnataḥ / lokeśāḥ pūrvavatpūjyāstadvadvajrādikānyapi // ### [1.84.107](https://indike.org/pramana/in.purana.narada.1.84.107) japetṣoḍaśalakṣaṃ ca taddaśāṃśaṃ hunetsudhīḥ / ājyena khādire vahnau tataḥ siddho bhavenmanuḥ // ### [1.84.108](https://indike.org/pramana/in.purana.narada.1.84.108) kamalairayutaṃ hutvā rājānaṃ vaśamānayet / utpalairjuhvato nūnaṃ mahālakṣmīḥ prajāyate // ### [1.84.109](https://indike.org/pramana/in.purana.narada.1.84.109) palāśakusumairhutvā vatsareṇa kaṃvirbhavet / rājīlavaṇahomena vanitāṃ vaśamānayet // ### [1.84.110](https://indike.org/pramana/in.purana.narada.1.84.110) bhūmau bhogāṃstu bhuktvānte viṣṇulokamavāpnuyāt / vāṇībījajapāśakto nātra kāryā vicāraṇā // ### [1.84.110.p1](https://indike.org/pramana/in.purana.narada.1.84.110.p1) iti śrībṛhannāradīcayapuraṇe pūrvabhāge bṛhadupākhyāne tṛtīyapāde devīmantranirūpaṇaṃ nāma caturaśītitamo 'dhyāyaḥ ## Linked texts (16) - [Tantracintāmaṇi](https://indike.org/pramana/in.sampradaya.saiva.trika.krama.tantracintamani.28.374) — Sanskrit - [Bhuvaneśvarīmahāstotra](https://indike.org/pramana/in.sampradaya.general.devistotra.bhuvanesvarimahastotra.2.97) — Sanskrit - [Nigamasāranirṇaya](https://indike.org/pramana/in.sampradaya.general.sakta.nigamasaranirnaya.3.752) — Sanskrit - [Śrīvidyārṇavatantra](https://indike.org/pramana/in.sampradaya.saiva.agama.srividya.srividyarnavatantra.2.1675) — Sanskrit - [Bhuvanēśvarīpañcāṅga](https://indike.org/pramana/in.sampradaya.general.sakta.bhuvanesvaripancanga.3) — Sanskrit - [Devībhāgavatapurāṇa](https://indike.org/pramana/in.purana.upa.sakta.devibhagavata.12.11.9) — Sanskrit - [Prapañcasāratantra](https://indike.org/pramana/in.sampradaya.general.prapancasara.10.12) — Śaṅkara, Sanskrit - [Saubhāgyaratnākara](https://indike.org/pramana/in.sampradaya.saiva.agama.srividya.saubhagyaratnakara.5.51) — Vidyānandanātha, Sanskrit - [Āgamakalpalatā](https://indike.org/pramana/in.sampradaya.general.agamakalpalata.443) — Sanskrit - [Āgamakalpalatā](https://indike.org/pramana/in.sampradaya.general.kamya.agamakalpalata.443) — Sanskrit - [Brahmāṇḍapurāṇa](https://indike.org/pramana/in.purana.brahmanda.3.44.24_2) — Vyāsa, Sanskrit - [Śāktapramoda](https://indike.org/pramana/in.sampradaya.general.sakta.saktapramoda.7.775) — Sanskrit - [Śāradātilaka](https://indike.org/pramana/in.sampradaya.general.saradatilaka.7.24) — Lakṣmaṇadeśika, Sanskrit - [Nityācārapaddhati (Vidyākara vājapeyin)](https://indike.org/pramana/in.niti.dharma.acara.ahnika.nityacarapaddhati-vidyakara-vajapeyin.10.p42) — Vidyākara vājapeyin, Sanskrit - [Varṣakriyākaumudī](https://indike.org/pramana/in.niti.dharma.kala.varsakrtya.varsakriyakaumudi.2.p40) — Govindānanda Kavikaṅkaṇa 1510, Sanskrit - [Kriyākaumudī (Govindānanda)](https://indike.org/pramana/in.niti.dharma.nibandha.krtya.kriyakaumudi.2.p150) — Govindānanda 1500, Sanskrit --- Source: [https://indike.org/pramana/in.purana.narada.1.84](https://indike.org/pramana/in.purana.narada.1.84) · Pramāṇa