[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.85 # Naradapurana 1.85 Nāradapurāṇa 1.85 - **Language:** Sanskrit ## Contents - [1.85.144](https://indike.org/pramana/in.purana.narada.1.85.144) — 1 part ### [1.85.1](https://indike.org/pramana/in.purana.narada.1.85.1) sanatkumāra uvāca vāgdevatā vatāro 'nyaḥ kāliketi prakīrtitā / tasyā mantraṃ pravakṣyāmi bhuktimuktipradaṃ nṛṇām // ### [1.85.2](https://indike.org/pramana/in.purana.narada.1.85.2) sṛṣṭikriyānvitā śāntirbidvāḍhyā ca tridhā punaḥ / aruṇākṣyādīpikā ca binduyuktā dvidhā tataḥ // ### [1.85.3](https://indike.org/pramana/in.purana.narada.1.85.3) māyādvayaṃ tataḥ paścāddakṣiṇe kālike padam / punaśca saptabījāni svāhānto 'yaṃ manūttamaḥ // ### [1.85.4](https://indike.org/pramana/in.purana.narada.1.85.4) bhairavo 'sya ṛṣiśchanda uṣṇikkālī tu devatā / bījaṃ māyādīrghavartma śaktiruktā munīśvara // ### [1.85.5](https://indike.org/pramana/in.purana.narada.1.85.5) ṣaḍdīrdhāḍhye bījena vidyāyā aṅgamīritam / mātṛkārṇāndaśa daśa hṛdaye bhujayoḥ padoḥ // ### [1.85.6](https://indike.org/pramana/in.purana.narada.1.85.6) vinyasya vyāpakaṃ kuryānmūlamantreṇa sādhakaḥ / śiraḥ kṛpāṇamabhayaṃ varaṃ hastaiśca bibhratīm // ### [1.85.7](https://indike.org/pramana/in.purana.narada.1.85.7) muṇḍasraṅmastakāṃ muktakeśāṃ pitṛvanastitām / sarvālaṅkṛtavarṇāṃ ca śyāmāṅgīṃ kālikāṃ smaret // ### [1.85.8](https://indike.org/pramana/in.purana.narada.1.85.8) evaṃ dhyātvā japellakṣaṃ juhuyādayutaṃ tataḥ / prasūnaiḥ karavīrotthaiḥ pūjāyantramathocyate // ### [1.85.9](https://indike.org/pramana/in.purana.narada.1.85.9) vilikhya pūrvaṃ ṣaṭkoṇaṃ trikoṇatritayaṃ tataḥ / padmamaṣṭadalaṃ bāhye bhūpuraṃ tatra pūjayet // ### [1.85.10](https://indike.org/pramana/in.purana.narada.1.85.10) jayā ca vijayā cāpi ajitā cāparājitā / nityā vilāsinī vāpi dogdhyaghorā ca maṅgalā // ### [1.85.11](https://indike.org/pramana/in.purana.narada.1.85.11) pīṭhasya śaktayo māyātmane hṛtpīṭhamantrakaḥ / śivarūpaśavaśthāṃ ca śivābhirdikṣu veṣṭitām // ### [1.85.12](https://indike.org/pramana/in.purana.narada.1.85.12) mahākālaratāsaktāṃ dhyātvāṅgānyarcayetpurā / kālīṃ kapālinīṃ kullāṃ kurukullāṃ virodhinīm // ### [1.85.13](https://indike.org/pramana/in.purana.narada.1.85.13) vipracittāṃ ca ṣaṭkoṇe navakoṇe tator'cayet / ugrāmuṣṇaprabhāṃ dīptāṃ nīlādhānāṃ balākikām // ### [1.85.14](https://indike.org/pramana/in.purana.narada.1.85.14) mātrāṃ mudrāṃ tathā mitrāṃ pūjyāḥ patreṣu mātaraḥ / padmasyāsya suyatnena brāhmī nārāyaṇītyapi // ### [1.85.15](https://indike.org/pramana/in.purana.narada.1.85.15) māheśvarī ca cāmuṇḍā kaumārī cāparājitā / vārāhī nārasiṃhā ca punaretāstu bhūpure // ### [1.85.16](https://indike.org/pramana/in.purana.narada.1.85.16) bhairavīṃ mahadādyāṃ tāṃ siṃhādyāṃ dhūmrapūrvikām / bhīmonmattādikāṃ cāpi vaśīkaraṇabhairavīm // ### [1.85.17](https://indike.org/pramana/in.purana.narada.1.85.17) mohanādyāṃ samārādhya śakrādīnyāyudhānyapi / evamārādhitā kālī siddhā bhavati mantriṇām // ### [1.85.18](https://indike.org/pramana/in.purana.narada.1.85.18) tataḥ prayogānkurvīta mahābhairavabhāṣitān / ātmano vā parasyārthaṃ kṣiprasiddhipradāyakān // ### [1.85.19](https://indike.org/pramana/in.purana.narada.1.85.19) strīṇāṃ prahāraṃ nindāṃ ca kauṭilyaṃ vāpriyaṃ vacaḥ / ātmano hitamanvicchan kālībhakto vivarjayet // ### [1.85.20](https://indike.org/pramana/in.purana.narada.1.85.20) sudṛśo madanāvāsaṃ paśyanyaḥ prajapenmanum / ayutaṃ so 'cirādeva vākpateḥ samatāmiyāt // ### [1.85.21](https://indike.org/pramana/in.purana.narada.1.85.21) digambaro muktakeśaḥ śmaśānastho 'dhiyāmini / japedyo 'yutametasya bhaveyuḥ sarvasiddhayaḥ // ### [1.85.22](https://indike.org/pramana/in.purana.narada.1.85.22) śavasya hṛdaye sthitvā nirvāsāḥ pretabhūmigaḥ / arkapuṣpasahasreṇābhyaktena svīyaretasā // ### [1.85.23](https://indike.org/pramana/in.purana.narada.1.85.23) devīṃ yaḥ pūjayedbhaktyā japannekaikaśo manum / so 'careṇaiva kālena dharaṇīprabhutāṃ vrajet // ### [1.85.24](https://indike.org/pramana/in.purana.narada.1.85.24) rajaḥ kīrṇaṃ bhagaṃ nāryā dhyāyanyo hyayutaṃ japet / sakavitvena ramyeṇa janānmohayati dhruvam // ### [1.85.25](https://indike.org/pramana/in.purana.narada.1.85.25) tripañcāre mahāpīṭhe śivasya hṛdi saṃsthitām / mahākālena devena mārayuddhaṃ prakurvatīm // ### [1.85.26](https://indike.org/pramana/in.purana.narada.1.85.26) tāṃ dhyāyansmeravadanāṃ vidadhatsurataṃ svayam / japetsahasramapi yaḥ sa śaṅkarasamo bhavet // ### [1.85.27](https://indike.org/pramana/in.purana.narada.1.85.27) asthilomatvacāyuktaṃ māṃsaṃ mārjārameṣayoḥ / uṣṭrasya mahiṣasyāpi baliṃ yastu samarpayet // ### [1.85.28](https://indike.org/pramana/in.purana.narada.1.85.28) bhūtāṣṭamyormadhyarātre vaśyāḥ syustasya jantavaḥ / vidyālakṣmīyaśaḥputraiḥ sa ciraṃ sukhamedhate // ### [1.85.29](https://indike.org/pramana/in.purana.narada.1.85.29) yo haviṣyāśanarato divā devīṃ smaran japet / naktaṃ nidhuvanāsakto lakṣaṃ sa syāddharāpatiḥ // ### [1.85.30](https://indike.org/pramana/in.purana.narada.1.85.30) raktāṃbhojairhunenmantrī dhanairjayati vittapam / bilvapatrairbhavedrājyaṃ raktapuṣpairvaśīkṛtiḥ // ### [1.85.31](https://indike.org/pramana/in.purana.narada.1.85.31) asṛjī mahiṣādīnāṃ kālikāṃ yastu tarpayet / tasya syuracirādeva karasthāḥ sarvasiddhayaḥ // ### [1.85.32](https://indike.org/pramana/in.purana.narada.1.85.32) yo lakṣaṃ prajapenmantraṃ śavamāruhya mantravit / tasya siddho manuḥ sadyaḥ sarvepsitaphalapradaḥ // ### [1.85.33](https://indike.org/pramana/in.purana.narada.1.85.33) tenāśvamedhapramukhairyāgauriṣṭaṃ sujanmanā / dattaṃ dānaṃ tapastaptaṃ upāste yastu kālikām // ### [1.85.34](https://indike.org/pramana/in.purana.narada.1.85.34) brahmā viṣṇuḥ śivo gaurī lakṣmīrgaṇapatī raviḥ / pūjitāḥ sakalā devā yaḥ kālīṃ pūjayetsadā // ### [1.85.35](https://indike.org/pramana/in.purana.narada.1.85.35) athāparaḥ sarasvatyā hyavatāro nigadyate / yāṃ niṣevya narā loke kṛtārthāḥ syurna saṃśayaḥ // ### [1.85.36](https://indike.org/pramana/in.purana.narada.1.85.36) āpyāyinī candrayuktā māyā ca vadanāntare / sakāmikā krudhā śāntiścandrālaṅkṛtamastakā // ### [1.85.37](https://indike.org/pramana/in.purana.narada.1.85.37) dīpikā sāsanā candrayugastraṃ manurīritaḥ / munirakṣobhya uddiṣṭaśchandastu bṛhatī matam // ### [1.85.38](https://indike.org/pramana/in.purana.narada.1.85.38) tārākhyā devatā bījaṃ dvitīyañca caturthakam / śaktiḥ ṣaḍdīrghayuktena dvitīyenāṅgakalpanam // ### [1.85.39](https://indike.org/pramana/in.purana.narada.1.85.39) ṣoḍhā nyāsaṃ tataḥ kuryāttārāyāḥ sarvasiddhim / śrīkaṇṭhādīnnyasedrudrānmātṛkāvarṇapūrvakān // ### [1.85.40](https://indike.org/pramana/in.purana.narada.1.85.40) mātṛkoktasthale māyā tṛtīyakrodhapūrvakān / caturthīnamasāyuktānprathamo nyāsa īritaḥ // ### [1.85.41](https://indike.org/pramana/in.purana.narada.1.85.41) śavapīṭhasamāsīnāṃ nīlakāntiṃ trilocanām / arddhenduśekharāṃ nānābhūṣaṇāḍhyāṃ smarannyaset // ### [1.85.42](https://indike.org/pramana/in.purana.narada.1.85.42) dvitīye tu grahanyāsaṃ kuryāttāṃ samanusmaran / tribījasvarapūrvaṃ tu raktasūya hṛdi nyaset // ### [1.85.43](https://indike.org/pramana/in.purana.narada.1.85.43) tathā pavargapūrvaṃ tu śuklaṃ lomaṃ bhruvodveye / kavargapūrvaṃ raktābhaṃ maṅgalaṃ locanatrayam // ### [1.85.44](https://indike.org/pramana/in.purana.narada.1.85.44) cavargādyaṃ budhaṃ śyāmaṃ nyasedvakṣaghasthale budhaḥ / ḍhavargādyaṃ pītavarṇaṃ kaṭhṇakūpe bṛhaspatim // ### [1.85.45](https://indike.org/pramana/in.purana.narada.1.85.45) tavargādyaṃ śvetavarṇaṃ ghaṭikāyāṃ tu bhārgavam / nīlavarṇaṃ pavargādyaṃ nābhideśe śanaiścaram // ### [1.85.46](https://indike.org/pramana/in.purana.narada.1.85.46) śavargādyaṃ dhūmravarṇaṃ dhyātvā rāhuṃ mukhe nyaset / tribījapūrvakaścaivaṃ grahanyāsaḥ samīritaḥ // ### [1.85.47](https://indike.org/pramana/in.purana.narada.1.85.47) tṛtīyaṃ lokapālānāṃ nyāsaṃ kuryātprayatnataḥ / māyādibījatritayapūrvakaṃ sarvasiddhaye // ### [1.85.48](https://indike.org/pramana/in.purana.narada.1.85.48) svamastake lalāṭādi dikṣvaṣṭasvadhaurddhvataḥ / hrasvadīrghakādikāṣṭavargapūrvāndiśādhipān // ### [1.85.49](https://indike.org/pramana/in.purana.narada.1.85.49) śivaśaktyabhidhe nyāsaṃ caturthe tu samācaret / tribījapūrvakānnyasyetṣaṭśivāñchaktisaṃyutān // ### [1.85.50](https://indike.org/pramana/in.purana.narada.1.85.50) ādhārādiṣu cakreṣu svacakravarṇapūrvakān / brahmāṇaṃ ḍākinīyuktaṃ vādisāṃtārṇapūrvakam // ### [1.85.51](https://indike.org/pramana/in.purana.narada.1.85.51) mūlādhāre vinyasecca caturddalasamanvitam / śrīviṣṇuṃ rākiṇīyuktabādilāntārṇapūrvakam // ### [1.85.52](https://indike.org/pramana/in.purana.narada.1.85.52) svādhiṣṭhanābhidhe cakre liṅgasthe ṣaḍdale nyaset / rudraṃ tu ḍākinīyuktaṃ ḍādiphaāntārṇapūrvakam // ### [1.85.53](https://indike.org/pramana/in.purana.narada.1.85.53) cakre daśadale nyasyennābhisthe maṇipūrake / īśvaraṃ kādiṭhāntārṇapūrvakaṃ śākinīyutam // ### [1.85.54](https://indike.org/pramana/in.purana.narada.1.85.54) vinyaseddvādaśadalehṛdayasthe tvanāhate / sadāśivaṃ śākinīṃ ca ṣoḍaśasvarapūrvakam // ### [1.85.55](https://indike.org/pramana/in.purana.narada.1.85.55) kaṇṭhasthe ṣoḍaśadale viśuddhākhye pravinyaset / ājñācakre paraśivaṃ hākinīsaṃyutaṃ nyaset // ### [1.85.56](https://indike.org/pramana/in.purana.narada.1.85.56) lakṣārṇapūvaṃ bhrūmadhyasaṃsthite 'timanohare / tārādipañcamaṃ nyāsaṃ kuryātsarveṣṭasiddhaye // ### [1.85.57](https://indike.org/pramana/in.purana.narada.1.85.57) aṣṭau vargānsvaradvandvapūrvakān bījasaṃyutān / tārādyā nyāsapūrvāśca prayojyā aṣṭaśaktayaḥ // ### [1.85.58](https://indike.org/pramana/in.purana.narada.1.85.58) tārāthogrā mahogrāpi vajrā kālī sarasvatī / kāmeśvarī ca cāmuṇḍā ityaṣṭau tārikāḥ smṛtāḥ // ### [1.85.59](https://indike.org/pramana/in.purana.narada.1.85.59) brahmarandhre lalāṭe ca bhrūmadhye kaṇṭhadeśataḥ / hṛdi nābhau phale mūlādhāre cetāḥ kramānnyaset // ### [1.85.60](https://indike.org/pramana/in.purana.narada.1.85.60) aṅganyāsaṃ tataḥ kuryātpīṭhākhyaṃ sarvasiddhidam / ādhāre kāmarūpākhyaṃ bījaṃ hrasvārṇapūrvakam // ### [1.85.61](https://indike.org/pramana/in.purana.narada.1.85.61) hṛdi jālandharaṃ bījaṃ dīrghapūrvaṃ pravinyaset / lalāṭe pūrṇagiryākhyaṃ kavargādyaṃ nyasetsudhīḥ // ### [1.85.62](https://indike.org/pramana/in.purana.narada.1.85.62) uḍḍīyānaṃ cavargādyaṃ keśasandhau pravinyaset / kaṇṭhe tu mathurāpīṭhaṃ daśama yādikaṃ nyaset // ### [1.85.63](https://indike.org/pramana/in.purana.narada.1.85.63) ṣoḍhā nyāsastu tārāyāḥ prokto 'bhīṣṭapradāyakaḥ / hṛdi śrīmadekajaṭāṃ tāriṇīṃ śirasi nyaset // ### [1.85.64](https://indike.org/pramana/in.purana.narada.1.85.64) vajrodake śikhāṃ pātu ugratārāṃ tu varmaṇi / mahogrā vatsare netre piṅgāgraikajaṭāstrake // ### [1.85.65](https://indike.org/pramana/in.purana.narada.1.85.65) ṣaḍradīrgayuktamāyāyā etānyaṣṭau ṣaḍaṅgake / aṅguṣṭhādiṣvaṅgulīṣu pūrvaṃ vinyasya yatnataḥ // ### [1.85.66](https://indike.org/pramana/in.purana.narada.1.85.66) tarjanīmadhyamābhyāṃ tu kṛtvā tālatrayaṃ tataḥ / choṭikāmudrāyā kuryāddigbandhaṃ devatāṃ smaran // ### [1.85.67](https://indike.org/pramana/in.purana.narada.1.85.67) vidyayā tārapuṭayā vyāpakaṃ saptadhā caret / ugratārāṃ tato dhyāyetsadyo vāde 'tisiddhidām // ### [1.85.68](https://indike.org/pramana/in.purana.narada.1.85.68) layābdhāvaṃbujanmasthāṃ nīlābhāṃ divyabhūṣaṇām / kambuṃ khaḍgaṃ kapālaṃ ca nīlābjaṃ dadhatīṃ karaiḥ // ### [1.85.69](https://indike.org/pramana/in.purana.narada.1.85.69) nāgaśreṣṭhālaṅkṛtāṅgīṃ raktanetratrayāṃ smaret / japellakṣacatuṣkaṃ hi daśāṃśaṃ raktapadmakaiḥ // ### [1.85.70](https://indike.org/pramana/in.purana.narada.1.85.70) hunetkṣīrājyasaṃmiśraiḥ śaṅkhaṃ saṃsthāpya saṃjapet / nārīṃ paśyanspṛśangacchanmahāniśi baliṃ caret // ### [1.85.71](https://indike.org/pramana/in.purana.narada.1.85.71) śmaśāne śūnyasadane devāgāre 'tha nirjane / parvate vanamadhye vā śavamāruhya mantravit // ### [1.85.72](https://indike.org/pramana/in.purana.narada.1.85.72) samare śatrunihataṃ yadvā ṣāṇyāsikaṃ śiśum / vidyāṃ sādhayataḥ śīghraṃ sādhitaivaṃ prasiddhyati // ### [1.85.73](https://indike.org/pramana/in.purana.narada.1.85.73) medhā prajñā prabhā vidyā dhīvṛttismṛtibuddhayaḥ / viśveśvarīti saṃproktāḥ pīṭhasya nava śaktayaḥ // ### [1.85.74](https://indike.org/pramana/in.purana.narada.1.85.74) bhṛgumanvindusaṃyuktaṃ meghavartma sarasvatī / yogapīṭhātmane hārddaṃ pīṭhasya manurīritaḥ // ### [1.85.75](https://indike.org/pramana/in.purana.narada.1.85.75) dattvānenāsanaṃ mūrtiṃ mūlamantreṇa kalpayet / pūjayedvidhivaddevīṃ tadvidhānamathocyate // ### [1.85.76](https://indike.org/pramana/in.purana.narada.1.85.76) tāro māyā bhagaṃ brahmā jaṭe sūryaḥ sadīrghakam / yakṣādhipataye tandrīsopanītaṃ baliṃ tataḥ // ### [1.85.77](https://indike.org/pramana/in.purana.narada.1.85.77) gṛhayugmaṃ śivā svāhā balimantro 'yamīritaḥ / dadyānnityaṃ baliṃ tena madhyarātre catuṣpathe // ### [1.85.78](https://indike.org/pramana/in.purana.narada.1.85.78) jaladānādikaṃ mantrairvidadhyāddaśabhistataḥ / dhruvo vajrodake varma phaṭsaptārṇo jalagrahe // ### [1.85.79](https://indike.org/pramana/in.purana.narada.1.85.79) tārādyā vahnijāyāntā māyā hi kṣālane matā / tāro māyāḥ bhṛguḥ karṇoviśuddhaṃ dharmavarmataḥ // ### [1.85.80](https://indike.org/pramana/in.purana.narada.1.85.80) sarvapāpāni śāmyante cheto netrayutaṃ jalam / kalpāntanayanasvāhā mantra ācamane mataḥ // ### [1.85.81](https://indike.org/pramana/in.purana.narada.1.85.81) dhruvo maṇidharītyante vajriṇyakṣiyutā mṛtiḥ / kharividyāyugrijaśva sarvavānte bako 'bjavān // ### [1.85.82](https://indike.org/pramana/in.purana.narada.1.85.82) kāriṇyante dīrghavarma astraṃ vahnipriyāntimaḥ / trayoviṃśativarṇātmā śikhāyā bandhane manuḥ // ### [1.85.83](https://indike.org/pramana/in.purana.narada.1.85.83) praṇavo rakṣayugalaṃ dīrghavarmāstraṭhadvayam / navārṇenāmunā mantrī kuryādbhūmiviśodhanam // ### [1.85.84](https://indike.org/pramana/in.purana.narada.1.85.84) nārānte sarvavighnānutsārayeti padaṃ tataḥ / huṃ phaṭ svāhā guṇendvarṇo manurvighnanivāraṇam // ### [1.85.85](https://indike.org/pramana/in.purana.narada.1.85.85) māyābījaṃ japāpuṣpanibhaṃ nābhau viciṃyet / tadutthenāgninā dehaṃ dahetsāddhasvapāpmanā // ### [1.85.86](https://indike.org/pramana/in.purana.narada.1.85.86) tārābījaṃ suvarṇābhaṃ cintayeddhṛdi mantravit / pavanena tadutthena pāpabhasma kṣipedbhuvi // ### [1.85.87](https://indike.org/pramana/in.purana.narada.1.85.87) turīyaṃ candrakundābhaṃ bījaṃ dhyātvālalāṭataḥ / tadutthasudhayāde haṃ svayaṃ vai devatānibham // ### [1.85.88](https://indike.org/pramana/in.purana.narada.1.85.88) anayā bhūtaśuddhyā tu devīsādṛśyamāpnuyāt / tāro 'nanto bhaguḥ karṇo padmanābhayuto balī // ### [1.85.89](https://indike.org/pramana/in.purana.narada.1.85.89) khe vajrarekhe krodhākhyaṃ bījaṃ pāvakallabhā / amunā dvādaśārṇena racayenmaṇḍalaṃ śubham // ### [1.85.90](https://indike.org/pramana/in.purana.narada.1.85.90) tāro yathāgatā nidrā sadṛkṣekabhṛgurviṣam / sadīrghasmṛtirau sākṣau mahākālo bhagānvitaḥ // ### [1.85.91](https://indike.org/pramana/in.purana.narada.1.85.91) krodho 'straṃ manuvarṇo 'yaṃ manuḥ puṣpādiśodhane / tāraḥ pāśaḥ parā svāhā pañcārṇaścittaśodhane // ### [1.85.92](https://indike.org/pramana/in.purana.narada.1.85.92) manavo daśa saṃproktā ardhyasthāpanamucyate / seṃdubhyāṃ māsato māyā bhuvaṃ saṃsṛjya bhūgṛham // ### [1.85.93](https://indike.org/pramana/in.purana.narada.1.85.93) vṛtaṃ trikoṇasaṃyuktaṃ kuryānmaṇḍalamantrataḥ / yajettatrādhāraśaktiṃ vahnimaṇḍalamadhyagām / vahnimaṇḍalamabhyarcya mahāśaṅkhaṃ nidhāpayet // ### [1.85.94](https://indike.org/pramana/in.purana.narada.1.85.94) vāmakarṇenduyuktena phaḍantena vihāyasā / prakṣālitaṃ bhṛgurdaṇḍī trimūrtīntuyutaṃ paṭhet // ### [1.85.95](https://indike.org/pramana/in.purana.narada.1.85.95) tator'cayenmahāśaṅkhaṃ japanmantracatuṣṭayam / dīrghatrayānvitā māyā kālī sṛṣṭiḥ sadīrghasaḥ // ### [1.85.96](https://indike.org/pramana/in.purana.narada.1.85.96) pratimāsaṃyutaṃ māsaṃ yavanaṃ hṛdayaṃ tataḥ / ekādhaśārṇaḥ prathamo mahāśaṅkhārcane manuḥ // ### [1.85.97](https://indike.org/pramana/in.purana.narada.1.85.97) haṃso haribhujaṅgeśayukto dīrghantrayenduyuk / tāriṇyante kapālāya namonto dvādaśākṣaraḥ // ### [1.85.98](https://indike.org/pramana/in.purana.narada.1.85.98) svaṃ dīrghatrayamanvāḍhyameṣo vāmadaganvitaḥ / lokapālāya hṛdayaṃ tṛtīyo 'yaṃ śivākṣaraḥ // ### [1.85.99](https://indike.org/pramana/in.purana.narada.1.85.99) māyāstrībījamarddhaiduyutaṃ svaṃ svargakhādimaḥ / pālāya sarvādhārāya sarvaḥ sarvodbhavastathā // ### [1.85.100](https://indike.org/pramana/in.purana.narada.1.85.100) sarvaśuddhimayaśceti ṅeṃtāḥ sarvāsurāntikam / rudhirā ratidīrghā ca vāyuḥ śubhrānilaḥ surā // ### [1.85.101](https://indike.org/pramana/in.purana.narada.1.85.101) bhājanāya bhagī satyā vikapālāya hṛnmanuḥ / turyo raseṣu varṇo 'yaṃ mahāśaṅkhaprapūjane // ### [1.85.102](https://indike.org/pramana/in.purana.narada.1.85.102) navārkamaṇḍalaṃ ceṣṭvā salilaṃ mūlamantrataḥ / prapūrayetsudhābuddhyā gandhapuṣpākṣatādibhiḥ // ### [1.85.103](https://indike.org/pramana/in.purana.narada.1.85.103) mudrāṃ trikhaṇḍāṃ saṃdarśya pūjayeccandramaṇḍalam / vāksatyapadmāgagane rephaānugrahabinduyuk // ### [1.85.104](https://indike.org/pramana/in.purana.narada.1.85.104) mūlamantro vipaddhvaṃsamanusargasamanvitam / aṣṭakṛtvo 'munā mantrī mantrayetprayato jalam // ### [1.85.105](https://indike.org/pramana/in.purana.narada.1.85.105) māyayā madiśaṃ kṣiptvā khaṃ yoniṃ ca pradarśayet / tatra vṛttāṣṭaṣaṭkoṇaṃ dhyātvā devīṃ vicintayet // ### [1.85.106](https://indike.org/pramana/in.purana.narada.1.85.106) pūrvoktāṃ pūjayettvenāṃ mūlenātha pratarpayet / tarjanūmadhyamānāmākaniṣṭhābhirmaheśvarīm // ### [1.85.107](https://indike.org/pramana/in.purana.narada.1.85.107) sāṃguṣṭhāniścuturvāraṃ mahāśaṅkhasthite jale / khaṃrephamanubindvāḍhyāṃ bhṛgumanvinduyuktayā // ### [1.85.108](https://indike.org/pramana/in.purana.narada.1.85.108) dhruvādyena namontena tarpyādānandabhairavam / tatastenārdhatoyena prokṣetpūjanasādhanam // ### [1.85.109](https://indike.org/pramana/in.purana.narada.1.85.109) yomimudrāṃ pradarśyāpi praṇamedbhavatāriṇīm / vidhānamarghe saṃproktaṃ sarvasiddhipradāyakam // ### [1.85.110](https://indike.org/pramana/in.purana.narada.1.85.110) pūrvokte pūjayetpīṭhe padme ṣaṭkoṇakarṇike / dharāgṛhāvṛte ramye devīṃ ramyopacārakaiḥ // ### [1.85.111](https://indike.org/pramana/in.purana.narada.1.85.111) mahīgṛhe caturdikṣu gaṇeśādīnprapūjayet / pāśāṅkuśau kapālaṃ ca triśūlaṃ dadhataṃ karaiḥ // ### [1.85.112](https://indike.org/pramana/in.purana.narada.1.85.112) alaṅkāracayopetaṃ gaṇeśaṃ prāktamarcayet / kapālaśūle hastābhyāṃ dadhataṃ sarpabhūṣaṇam // ### [1.85.113](https://indike.org/pramana/in.purana.narada.1.85.113) svayūthaveṣṭitaṃ ramyaṃ baṭukaṃ dakṣiṇer'cayet / asiśūlakapālāni ḍamaruṃ dadhataṃ karaiḥ // ### [1.85.114](https://indike.org/pramana/in.purana.narada.1.85.114) kṛṣṇaṃ digaṃbaraṃ krūraṃ kṣetrapālaṃ ca paścime / kapālaṃ ḍamaruṃ pāśaṃ liṅgaṃ śaṃbibhratīṃ karaiḥ // ### [1.85.115](https://indike.org/pramana/in.purana.narada.1.85.115) adhyākanyā raktavastrā yoginīruttare yajet / akṣobhyaṃ prayajenmūrdhni devyā mantraṛṣiṃ śubham // ### [1.85.116](https://indike.org/pramana/in.purana.narada.1.85.116) akṣobhyaṃ vastrapuṣpaṃ ca pratīcchānavallabhā / akṣobhyapūjane mantraḥ ṣaṭkogakam // ### [1.85.117](https://indike.org/pramana/in.purana.narada.1.85.117) vairācanaṃ cāmitābhaṃ padmanābhibhidhaṃ tathā / śaṅkhaṃ pāṇḍurasaṃjñaṃ ca digdaleṣu prapūjayet // ### [1.85.118](https://indike.org/pramana/in.purana.narada.1.85.118) lābhakāṃ mānakāṃ caiva pāṇḍurāṃ tārakāṃ tathā / vidiggatābjapatreṣu pūjayediṣṭasiddhaye // ### [1.85.119](https://indike.org/pramana/in.purana.narada.1.85.119) bindunāmādivarṇādyāḥ saṃbuddhyantāstathābhidhāḥ / vrajapuṣpaṃ pratīcchāgnipriyāntāḥ praṇavādikāḥ // ### [1.85.120](https://indike.org/pramana/in.purana.narada.1.85.120) vairācanādi pūjāyāṃ manavaḥ parikīrtitāḥ / bhūdharaśca caturdvārṣu padmāntakayamāntakau // ### [1.85.121](https://indike.org/pramana/in.purana.narada.1.85.121) vidyāntakābhidhaḥ paścānnarāntaka imānyajet / śakrādīṃścaiva vajrādīnprajapettadanantaram // ### [1.85.122](https://indike.org/pramana/in.purana.narada.1.85.122) evaṃ saṃpūjayandevīṃ pāṇḍityaṃ dhanamadbhutam / putrānpautrāñchubhāṃ kīrtiṃ labhate janavaśyatām // ### [1.85.123](https://indike.org/pramana/in.purana.narada.1.85.123) tāro māyā śrīmadakajaṭe nīlasarasvatī / mahopratāre devāsaḥ sanetro gadiyugmakam // ### [1.85.124](https://indike.org/pramana/in.purana.narada.1.85.124) sarvadevapiśākarmo dīrghogrirmarusānmasa / abhragumama jāḍyaṃ ca chedayadvitayaṃ ramā // ### [1.85.125](https://indike.org/pramana/in.purana.narada.1.85.125) māyāstrāgnipriyānto 'yaṃ dvipañcāśallipirmanuḥ / anena nityaṃ pūjati'nvahaṃ devyai baliṃ haret // ### [1.85.126](https://indike.org/pramana/in.purana.narada.1.85.126) evaṃ siddhe manau mantrī prayogānvidadhāti ca / jātamātrasya bālasya divasatritayādadhaḥ // ### [1.85.127](https://indike.org/pramana/in.purana.narada.1.85.127) jihvāyāṃ vilikhenmantraṃ madhvājyābhyāṃ śalākayā / suvarṇa kṛtayā yadvā mantrī dhavaladūrvayā // ### [1.85.128](https://indike.org/pramana/in.purana.narada.1.85.128) gate 'ṣṭame 'bde bālo 'pi jāyate kaviradbutam / tathāparairajeyo 'pi bhūpasaṃghairddhanārcitaḥ // ### [1.85.129](https://indike.org/pramana/in.purana.narada.1.85.129) uparāge datānīva naradārusarojale / nirmāya kīlakaṃ tena tailamadhvamṛtairlikhet // ### [1.85.130](https://indike.org/pramana/in.purana.narada.1.85.130) sarojinīdale mantraṃ veṣṭayenmātṛkākṣaraiḥ / nikhāya tadalaṃ kuṇḍe caturasre samekhale // ### [1.85.131](https://indike.org/pramana/in.purana.narada.1.85.131) saṃsthāpya pāvakaṃ tatra juhuyānmanunāmunā / sahasraṃ raktapadmānāṃ dhenudugdhajalāplutam // ### [1.85.132](https://indike.org/pramana/in.purana.narada.1.85.132) homānte vivadhai ratnaiḥ palairapi baliṃ haret / baliṃ mantreṇa vidhivadbalimantraḥ prakāśyate // ### [1.85.133](https://indike.org/pramana/in.purana.narada.1.85.133) tāraḥ padme yuga tandrī viyaddīrghaṃ ca lohitaḥ / atrirviṣabhagārūḍho vadatpadmāvatīpadam // ### [1.85.134](https://indike.org/pramana/in.purana.narada.1.85.134) jhiṇṭīśāḍhyonilasvāhā ṣoḍaśārṇo balermanuḥ / tato niśīthe ca baliṃ pūrvoktamanunā haret // ### [1.85.135](https://indike.org/pramana/in.purana.narada.1.85.135) evaṃ kṛte paṇḍitānāṃ sa jayī kavirāḍ bhavet / nivāso bhāratīlakṣmyorjanatārañjanakṣamaḥ // ### [1.85.136](https://indike.org/pramana/in.purana.narada.1.85.136) śatābhijaptyā yo mantrī rocanāṃ mastāke dharet / yaṃ yaṃ paśyati tasyāsau dāsavajjāyate kṣaṇāt // ### [1.85.137](https://indike.org/pramana/in.purana.narada.1.85.137) śmaśānāṅgāramāśritya pūrvāyāṃ kujavāsare / tena matreṇa saṃveṣṭya nibaddhaṃ raktatantubhiḥ // ### [1.85.138](https://indike.org/pramana/in.purana.narada.1.85.138) śatābhijaptaṃ mūlena nikṣipedvairiveśmani / uccāṭayati saptāhātsakuṇṭubānvirodhinaḥ // ### [1.85.139](https://indike.org/pramana/in.purana.narada.1.85.139) kṣīrāḍhyayā niśāmantraṃ likhitvā pauruṣe 'sthani / ravivāre niśīthinyāṃ sahasramabhimantrayet // ### [1.85.140](https://indike.org/pramana/in.purana.narada.1.85.140) tatkṣiptaṃ śatrusadane maṇḍalādbhraṃśakaṃ bhavet / kṣetre kṣiptaṃ sasyahānyojavahṛtturamālayet // ### [1.85.141](https://indike.org/pramana/in.purana.narada.1.85.141) ṣaṭkoṇāntarlikhenmūlaṃ sādhyārṇaṃ keśare svaraiḥ / bāhye 'ṣṭavargayukpatraṃ padmabhūmiparāvṛtam // ### [1.85.142](https://indike.org/pramana/in.purana.narada.1.85.142) yantraṃ bhūrje jahurasairlikhetpūtāmbarāvṛtam / paṭṭasūtreṇa sannaddhaṃ śiśukaṇṭhagataṃ dhruvam // ### [1.85.143](https://indike.org/pramana/in.purana.narada.1.85.143) bhūtabhītiharaṃ vāmavāhau strīṇāṃ ca putradam / nṛṇāṃ dakṣiṇabāhusthaṃ nirdhanānāṃ dhanapradam // ### [1.85.144](https://indike.org/pramana/in.purana.narada.1.85.144) jñānadaṃ jñānamicchūnāṃ rājñāṃ tu vijayapradam // ### [1.85.144.p1](https://indike.org/pramana/in.purana.narada.1.85.144.p1) iti śrībṛhannāradīyapurāṇe pūrvabhāge bṛhadupākhyāne tṛtīyapāde yakṣiṇīmantrabhedanirūpaṇaṃ nāma pañcāśītitamo 'dhyāyaḥ ## Linked texts (6) - [Tantracintāmaṇi](https://indike.org/pramana/in.sampradaya.saiva.trika.krama.tantracintamani.26.81) — Sanskrit - [Tārābhaktisudhārṇava](https://indike.org/pramana/in.sampradaya.general.sakta.tarabhaktisudharnava.7.212) — Narasiṃha Ṭhakkura 1643, Sanskrit - [Bṛhattantrasāra](https://indike.org/pramana/in.sampradaya.general.sakta.brhattantrasara.6.173) — Rāmānanda, Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.87.2) — Sanskrit - [Mantramahoṣadhi](https://indike.org/pramana/in.sampradaya.general.kamya.mantramahosadhi.4.6) — Sanskrit - [Karpūrastava](https://indike.org/pramana/in.sampradaya.general.devistotra.karpurastava.2.p23) — Virūpākṣa, Sanskrit --- Source: [https://indike.org/pramana/in.purana.narada.1.85](https://indike.org/pramana/in.purana.narada.1.85) · Pramāṇa