[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.86 # Naradapurana 1.86 Nāradapurāṇa 1.86 - **Language:** Sanskrit ## Contents - [1.86.115](https://indike.org/pramana/in.purana.narada.1.86.115) — 1 part ### [1.86.1](https://indike.org/pramana/in.purana.narada.1.86.1) sanatkumāra uvāca sarasvatyavatārāste kathitāḥ siddhidā nṛṇām / atha lakṣmyavatārāṃste vakṣye sarvārthasiddhidān // ### [1.86.2](https://indike.org/pramana/in.purana.narada.1.86.2) vāṇīmanmathaśaktyākhyaṃ bījatritayamīritam / ṛṣiḥ syāddakṣiṇāmūrtiḥ paṅktiśchandaḥ prakīrtitam // ### [1.86.3](https://indike.org/pramana/in.purana.narada.1.86.3) devatā tripurā bālā madhyānte śaktibījake / nābherāpādamādyaṃ tu nābhyantaṃ hṛdayātparam // ### [1.86.4](https://indike.org/pramana/in.purana.narada.1.86.4) mṛrdhno hradantaṃ tartīyaṃ kramāddeheṣu vinyaset / ādyaṃ vāmakare dakṣakare tadubhayoḥ param // ### [1.86.5](https://indike.org/pramana/in.purana.narada.1.86.5) punarbījatrayaṃ nyasya mūrdhni guhye ca vakṣasi / nava yonpābhidhaṃ nyāse navakṛtvo manuṃ nyaset // ### [1.86.6](https://indike.org/pramana/in.purana.narada.1.86.6) karṇayościbuke nyasyecchaṅkhayormukhapaṅkaje / netrayornāsikāyāṃ ca skandhayorudare tathā // ### [1.86.7](https://indike.org/pramana/in.purana.narada.1.86.7) nyasetkūrparayornābhau jānunorliṅgamastake / pādayorapi guhye ca pārśvayorhṛdaye punaḥ // ### [1.86.8](https://indike.org/pramana/in.purana.narada.1.86.8) stanayoḥ kaṇṭhadeśe ca vāmāṅgādiṣu vinyaset / vāgbhavādyāṃ ratiṃ guhye prītimatyādikāṃ hṛdi // ### [1.86.9](https://indike.org/pramana/in.purana.narada.1.86.9) kāmabījādikānpaśyedbhūmadhye tu manobhavām / punarvāgakātmamādyāstisraeva ca vinyaset // ### [1.86.10](https://indike.org/pramana/in.purana.narada.1.86.10) amṛteśīṃ ca yogeśīṃ viśvayoniṃ tṛtīyakām / mūrdhniṃ vaktre hṛdi nyasyedguhye caraṇayorapi // ### [1.86.11](https://indike.org/pramana/in.purana.narada.1.86.11) kāmeśī pañcabījāḍhyāṃ smarātpañcanyasetkramāt / māyākāmau ca vāglakṣmī kāmeśī pañcabījakam // ### [1.86.12](https://indike.org/pramana/in.purana.narada.1.86.12) manobhavaśca makaradhvajakandarpamanmathāḥ / kāmadevaḥ smaraḥ pañca kīrtitānyāsasiddhidāḥ // ### [1.86.13](https://indike.org/pramana/in.purana.narada.1.86.13) śiraḥpanmukhāguhyeṣu hṛdaye bāṇadevatāḥ / drāviṇyādyāḥ kramānnyasyedvāṇeśībījapūrvakaḥ // ### [1.86.14](https://indike.org/pramana/in.purana.narada.1.86.14) drāndrīṃ klīñjūṃsa iti vaibāṇeśabījakaṃ ca kam / drāviṇī kṣobhiṇī vaśīkaraṇyāṅkarṣaṇī tathā // ### [1.86.15](https://indike.org/pramana/in.purana.narada.1.86.15) saṃmohanī ca bāṇānāṃ devatāḥ pañca kīrtitāḥ / tārtīyavāgmadhyagena kāmena syātṣaḍaṅgakam // ### [1.86.16](https://indike.org/pramana/in.purana.narada.1.86.16) ṣaḍdīrghasvarayuktena tato devīṃ vicintayet / dhyāyedraktasarojasthāṃ raktavastrāṃ trilocanam // ### [1.86.17](https://indike.org/pramana/in.purana.narada.1.86.17) udyadarkanibhāṃ vidyāṃ mālābhayavarodvahām / lakṣatrayaṃ japenmantraṃ daśāṃśaṃ kiṃśukodbhavaiḥ // ### [1.86.18](https://indike.org/pramana/in.purana.narada.1.86.18) puṣpairhayārijairvāpi juhuyānmadhurānvitaiḥ / navayonyātmakaṃ yantraṃ bahiraṣṭadalāvṛtam // ### [1.86.19](https://indike.org/pramana/in.purana.narada.1.86.19) kesareṣu svarānnyasyedvargānaṣṭaudaleṣvapi / dalāgreṣu triśūlāni padma tu mātṛkāvṛtam // ### [1.86.20](https://indike.org/pramana/in.purana.narada.1.86.20) evaṃ vilikhite yantre pīṭhaśaktīḥ prapūjayet / icchā jñānā kriyā caiva kāminī kāmadāyinī // ### [1.86.21](https://indike.org/pramana/in.purana.narada.1.86.21) ratī ratipriyā nandā manonmanyapi coditāḥ / pīṭhaśaktīrimā iṣṭvā pīṭhaṃ tanmanunā diśet // ### [1.86.22](https://indike.org/pramana/in.purana.narada.1.86.22) vyomapūrve tu tārtīyaṃ sadāśivamahāpadam / pretapadmāsanaṃ ṅeṃtaṃ namontaḥ pīṭhamantrakaḥ // ### [1.86.23](https://indike.org/pramana/in.purana.narada.1.86.23) ṣoḍaśārṇastato mūrtauṃ kḷptāyāṃ mūlamantrataḥ / āvāhya prajapeddevīmupacāraiḥ pṛthagvidhaiḥ // ### [1.86.24](https://indike.org/pramana/in.purana.narada.1.86.24) devīmiṣṭvā madhyayonau trikoṇe ratipūrvikām / vāmakoṇe ratiṃ dakṣe prītimagre manobhavām // ### [1.86.25](https://indike.org/pramana/in.purana.narada.1.86.25) yonyantarvahnikoṇādavaṅgānyagnervidikṣvapi / madhyayomerhahiḥ pūrvādiṣu cāgre smarānapi // ### [1.86.26](https://indike.org/pramana/in.purana.narada.1.86.26) vāṇadevīstadvadeva śaktīraṣṭasu yoniṣu / subhagākhyā bhāgā paścāttṛtīyā bhagasarpiṇī // ### [1.86.27](https://indike.org/pramana/in.purana.narada.1.86.27) bhagamālā tathānaṅgā nagādyā kusumāparā / anaṅgamekhalānaṅgamadanetyaṣṭaśaktayaḥ // ### [1.86.28](https://indike.org/pramana/in.purana.narada.1.86.28) padmakeśaragā brāhmī mukhāḥ patreṣu bhairavāḥ / dīrghādyā mātaraḥ pūjyā hrasvādyāścāṣṭabhairavāḥ // ### [1.86.29](https://indike.org/pramana/in.purana.narada.1.86.29) dalāgreṣvaṣṭapīṭhāni kāmarūpākhyamādimam / malayaṃ kollagiryyākhyaṃ cauhārākhyaṃ kulāntakam // ### [1.86.30](https://indike.org/pramana/in.purana.narada.1.86.30) jālandharaṃ tathonnāsaṃ koṭapīṭhamathāṣṭamam / bhūgṛhe daśadikṣvarceddhetukaṃ tripurāntakam // ### [1.86.31](https://indike.org/pramana/in.purana.narada.1.86.31) vaitālamagni jihvaṃ ca kamalāntakālinau / ekapādaṃ bhīmarūpaṃ vimalaṃ hāṭakeśvaram // ### [1.86.32](https://indike.org/pramana/in.purana.narada.1.86.32) śakrādyānāyudhaiḥ sārddhaṃ svasvadikṣu samarcayet / tadbahirdikṣu baṭukaṃ yoginīṃ kṣetranāyakam // ### [1.86.33](https://indike.org/pramana/in.purana.narada.1.86.33) gaṇeśaṃ vidiśāsvarcedvasūnsūryācchivāṃstathā / bhūtāṃścetthaṃ bhajanbālāmīśaḥ syāddhanavidyayoḥ // ### [1.86.34](https://indike.org/pramana/in.purana.narada.1.86.34) raktāṃbhojairhuternāryovaśyāḥ syuḥ sarṣapairnṛpāḥ / nandyāvartai rājavṛkṣaiḥ kundaiḥ pāṭalacaṃpakaiḥ // ### [1.86.35](https://indike.org/pramana/in.purana.narada.1.86.35) puṣpairbilvaphalairvāpi homāllakṣmīḥ sthirā bhavet / apamṛtyuṃ jayenmantrī guḍūcyā dugdhayuktayā // ### [1.86.36](https://indike.org/pramana/in.purana.narada.1.86.36) yathoktadūrvāhomena nīrogāyuḥ samaśnute / jñānaṃ kavitvaṃ labhate candrāgurusurairhutaiḥ // ### [1.86.37](https://indike.org/pramana/in.purana.narada.1.86.37) palāśapuṣpairvāksiddhirannāptiścānnahomataḥ / surabhikṣīradadhyaktāṃllājānhutvā rujo jayet // ### [1.86.38](https://indike.org/pramana/in.purana.narada.1.86.38) raktacandanakarpūrakarcūrāgururocanāḥ / candanaṃ keśaraṃ māṃsīṃ kramādbhāgainiṃyojayet // ### [1.86.39](https://indike.org/pramana/in.purana.narada.1.86.39) bhūmicandraikanandābdhidiksaptanigamonmitaiḥ / śmaśāne kṛṣṇabhūtasya niśi nīhārapāthasā // ### [1.86.40](https://indike.org/pramana/in.purana.narada.1.86.40) kumāryā peṣayettāni mantreṇāthābhimantrya ca / vidaddhyāttilakaṃ tena darśanādvaśayejjanān // ### [1.86.41](https://indike.org/pramana/in.purana.narada.1.86.41) gajasiṃhādibhūtāni rākṣasāñchākinīrapi / prayojanānāṃ siddhyai tu devyāḥ śāpaṃ nivartya ca // ### [1.86.42](https://indike.org/pramana/in.purana.narada.1.86.42) vidhāyotkīlitāṃ paścājjapamasya samācaret / yo japedādime bīje varāhabhṛgupāvakān // ### [1.86.43](https://indike.org/pramana/in.purana.narada.1.86.43) madhyamādau nabhohaṃsau madhyamānte tu pāvakam / ādāvante ca tārtūyakramātsvaṃ dhūmraketanam // ### [1.86.44](https://indike.org/pramana/in.purana.narada.1.86.44) evaṃ japtvā śataṃ vidyā śāpahīnā phalapradā / yadvādye carame bīje naiva rephaṃ viyojayet // ### [1.86.45](https://indike.org/pramana/in.purana.narada.1.86.45) śāpoddhāraprakāro 'nyo yadvāyaṃ kīrtito budhaiḥ / ādyamādyaṃ hi tārtīyaṃ kāmaḥ kāmo 'tha vāgbhavam // ### [1.86.46](https://indike.org/pramana/in.purana.narada.1.86.46) antyamantthamanaṅgaśca navārṇaḥ kīrtito manuḥ / japto 'yaṃ śatadhā śāpaṃ bālāyā vinivartayet // ### [1.86.47](https://indike.org/pramana/in.purana.narada.1.86.47) caitanyāhlādinūmantrau japtau niṣkīlatākarau / trisvarāścetanaṃ mantrī dharaḥ śāntiranugrahaḥ // ### [1.86.48](https://indike.org/pramana/in.purana.narada.1.86.48) tārādihṛdayāntaḥ syātkāma āhlādinīmanuḥ / tathā trayāṇāṃ bījānāṃ dīpanairmanubhistribhiḥ // ### [1.86.49](https://indike.org/pramana/in.purana.narada.1.86.49) sudīptāni vidhāyādau japettānīṣṭasiddhaye / vadayugmaṃ sadīrghāṃbu smṛtivālāvanaṅgatau // ### [1.86.50](https://indike.org/pramana/in.purana.narada.1.86.50) satyaḥ sanetro nastādṛgvā vāgvarṇādyadīpinī / klinne kledini vaikuṇṭho dīrghaṃ svaṃ sadyagontimaḥ // ### [1.86.51](https://indike.org/pramana/in.purana.narada.1.86.51) nidrā sacandrā kurvīta śivārṇā madhyadīpinī / tāro mokṣaṃ ca kurute nāyaṃ varṇāsyadīpinī // ### [1.86.52](https://indike.org/pramana/in.purana.narada.1.86.52) dīpinīmantarā bālā sādhitāpi na siddhyati / vāgantyakāmān prajayedarīṇā kṣobhahetave // ### [1.86.53](https://indike.org/pramana/in.purana.narada.1.86.53) kāmavāgantyabījāni trailokyasya vaśīkṛtau / kāmāntyavāṇībījāni muktaye niyato japet // ### [1.86.54](https://indike.org/pramana/in.purana.narada.1.86.54) pūjāraṃbhe tu bālāyāstrividhānarcayedgurūn / divyaughaścaiva siddhaugho mānavaugha iti tridhā // ### [1.86.55](https://indike.org/pramana/in.purana.narada.1.86.55) paraprakāśaḥ parame śānaḥ paraśivastathā / kāmeśvarastato mokṣaḥ ṣaṣṭhaḥ kāmo 'mṛtoṃ'timaḥ // ### [1.86.56](https://indike.org/pramana/in.purana.narada.1.86.56) ete daptaiva divyaughā ānandapadapaścimāḥ / īśānākhyastatpuruṣo 'ghorākhyovāmadevakaḥ // ### [1.86.57](https://indike.org/pramana/in.purana.narada.1.86.57) sadyojāta ime pañca siddhaudhākhyāḥ smṛtā mune / mānavaughāḥ parijñeyāḥ svaguroḥ sampradāyataḥ // ### [1.86.58](https://indike.org/pramana/in.purana.narada.1.86.58) navayonyātmake yantre vilikhenmadhyayonitaḥ / prādakṣiṇyena bījāni trivāraṃ sādhakottamaḥ // ### [1.86.59](https://indike.org/pramana/in.purana.narada.1.86.59) trīṃstrīnvarṇāṃstu gāyatryā aṣṭapatreṣu saṃlikhet / bahirmātṛkayā'veṣṭya tadbahirbhūpuradvayam // ### [1.86.60](https://indike.org/pramana/in.purana.narada.1.86.60) kāmabījalasatkoṇana vyatibhinnaṃ parasparam / patre traipuramākhyātaṃ japasaṃpātasādhitam // ### [1.86.61](https://indike.org/pramana/in.purana.narada.1.86.61) bāhunā vidhṛte dadyāddhanaṃ kīrtiṃ sukhaṃ sutān / kāmānte tripurā devī vidmahe kaviṣaṃ bhahim // ### [1.86.62](https://indike.org/pramana/in.purana.narada.1.86.62) bakaḥ khaḍgī samārūḍhaḥ sanetro 'gniśca dhīmahi / tatra klinne pracodānte yādityeṣā prakīrtitā // ### [1.86.63](https://indike.org/pramana/in.purana.narada.1.86.63) gāyatrī traipurā sarsiddhidā surasevitā / atha lakṣmyavatāro 'nyaḥ kīrtyate siddhido nṛṇām // ### [1.86.64](https://indike.org/pramana/in.purana.narada.1.86.64) vedādirgirijā padmā manyatho hṛdayaṃ bhṛguḥ / bhagavati māheśvarī ṅente 'nnapūrṇe dahanāṅganā // ### [1.86.65](https://indike.org/pramana/in.purana.narada.1.86.65) proktā viṃśativarṇeyaṃ vidyā syāddruhiṇo muniḥ / dhṛtiśchando 'nnapūrṇeśī devatā parikīrtitā // ### [1.86.66](https://indike.org/pramana/in.purana.narada.1.86.66) ṣaḍdīrghāḍhyena hṛllekhābī'jena syātṣaḍaṅgakam / mukhanāsākṣikarṇāṃsagudeṣu navasu nyaset // ### [1.86.67](https://indike.org/pramana/in.purana.narada.1.86.67) padāni nava tadvarṇasaṃkhyedānīmudīryate / bhūmicandradharaikākṣivedābdhiyugabāhubhiḥ // ### [1.86.68](https://indike.org/pramana/in.purana.narada.1.86.68) padasaṃkhyāmitā varṇaistato dhyāyetsureśvarīm / svarṇābhāṅgāṃ trinayanāṃ vastrālaṅkāraśobhitām // ### [1.86.69](https://indike.org/pramana/in.purana.narada.1.86.69) bhūramāsaṃ yutāṃ devīṃ svarṇāmatrakarāṃbujām / lakṣaṃ japo 'yutaṃ homo ghṛtāktacaruṇā tathā // ### [1.86.70](https://indike.org/pramana/in.purana.narada.1.86.70) jayādinavaśaktayāḍhye pīṭhe pūjā samīritā / trikoṇā vedapatrāṣṭapatraṣoḍaśapatrake // ### [1.86.71](https://indike.org/pramana/in.purana.narada.1.86.71) bhūpureṇa yute yantre pradadyānmāyayā manum / agnyādikoṇatritaye śivavārāhamādhavān // ### [1.86.72](https://indike.org/pramana/in.purana.narada.1.86.72) acaryayetsvasvamantraistu procyante manavastu te / praṇavo manucandrāḍhyaṃ gaganaṃ hṛdayaṃ śivā // ### [1.86.73](https://indike.org/pramana/in.purana.narada.1.86.73) mārutaḥ śivamantro 'yaṃ saptārṇaḥ śivapūjane / vārāhanārāyaṇayormantrau pūrvamudīrayet // ### [1.86.74](https://indike.org/pramana/in.purana.narada.1.86.74) ṣaḍaṅgāni tato 'bhyarcya vāme dakṣe dharāṃ ramām / yajetsvasvamanubhyāṃ tu tāvucyete munīśvara // ### [1.86.75](https://indike.org/pramana/in.purana.narada.1.86.75) annaṃ mahyannamityuktvā me dehyannādhiporṇakāḥ / nayemamannaṃ prāṇānte dāpayānalasuṃdarī // ### [1.86.76](https://indike.org/pramana/in.purana.narada.1.86.76) dvāviṃśatyakṣaro mantro bhūmīṣṭau bhūmisaṃpuṭaḥ / lakṣmīṣṭau śrīpuṭo vipra snṛtirlabhanucandrayuk // ### [1.86.77](https://indike.org/pramana/in.purana.narada.1.86.77) bhuvo bījamiti proktaṃ śrībījaṃ prāgudāhṛtam / mantrādisthacaturbījapūrvikāḥ paripūjayet // ### [1.86.78](https://indike.org/pramana/in.purana.narada.1.86.78) śaktīścatasro vedāsre parā ca bhuvaneśvarī / kamalā subhagā cati brāhmyādyā aṣṭapatragāḥ // ### [1.86.79](https://indike.org/pramana/in.purana.narada.1.86.79) ṣoḍaśāre smṛte cava mānadātuṣṭipuṣṭayaḥ / prītī ratirhnīḥ śrīścāpi svadhā svāhā daśamyatha // ### [1.86.80](https://indike.org/pramana/in.purana.narada.1.86.80) jyotsnā haimavatī chāyā pūrṇimā saṃhatistathā / amāvāsyeti saṃpūjyā mantreśe prāṇapūrvikā // ### [1.86.81](https://indike.org/pramana/in.purana.narada.1.86.81) bhūpure lokapālāḥ syustadastrāṇi tadagrataḥ / itthaṃ japādibhiḥ siddhe mantre 'smindhanasaṃcayaiḥ // ### [1.86.82](https://indike.org/pramana/in.purana.narada.1.86.82) kuberasadṛśo mantrī jāyate janavanditaḥ / atha lakṣmyavatāro 'nyaḥ kīrtyate munisattama // ### [1.86.83](https://indike.org/pramana/in.purana.narada.1.86.83) praṇavaḥ śāntiraruṇākriyāḍhyācandrabhūṣitāḥ / bagalāmukhasarvānte indhikāhrādinīyutā // ### [1.86.84](https://indike.org/pramana/in.purana.narada.1.86.84) pītājarāyukpratiṣṭhā punardīrdhodasaṃyutā / vācaṃ mukhaṃ padaṃ staṃbhayānte jihvāpadaṃ vadet // ### [1.86.85](https://indike.org/pramana/in.purana.narada.1.86.85) kīlayeti ca buddhiṃ vināśayānte svabījakam / tāro 'gnisuṃdarī mantro bagalāyāḥ prakīrtitaḥ // ### [1.86.86](https://indike.org/pramana/in.purana.narada.1.86.86) munistu nāradaśchado bṛhatī bagalāmukhī / devatā netrapañceṣunavapañcadigarṇakaiḥ // ### [1.86.87](https://indike.org/pramana/in.purana.narada.1.86.87) aṅgāni kalpayitvā ca dhyāyetpītāmbarāṃ tataḥ / svarṇāsanasthāṃ hemābhāṃ staṃbhinīminduśekharām // ### [1.86.88](https://indike.org/pramana/in.purana.narada.1.86.88) dadhatīṃ mudgaraṃ pāśaṃ vajraṃ ca rasanāṃ karaiḥ / evaṃ dhyātvājapellakṣamayutaṃ caṃpakodbhavaiḥ // ### [1.86.89](https://indike.org/pramana/in.purana.narada.1.86.89) kusumairjuhuyātpīṭhe bālāyāḥ pūjayedimām / candanāgurucandrādyaiḥ pūjārthaṃ yantramālikhet // ### [1.86.90](https://indike.org/pramana/in.purana.narada.1.86.90) trikoṇaṣaḍdalāṣṭāsraṣoḍaśāre yajedimām / maṅgalā staṃbhinī caiva jṛṃbhiṇī mohinī tathā // ### [1.86.91](https://indike.org/pramana/in.purana.narada.1.86.91) vaśyā calā balākā ca bhūdharā kalmaṣābhidhā / dhātrī ca kalanā kālakarṣiṇī bhrāmikāpi ca // ### [1.86.92](https://indike.org/pramana/in.purana.narada.1.86.92) mandagāpi ca bhogasthā bhāvikā ṣoḍaśī smṛtā / bhūgṛhasya caturdikṣu pūrvādiṣu yajetkramāt // ### [1.86.93](https://indike.org/pramana/in.purana.narada.1.86.93) gaṇeśaṃ baṭukaṃ cāpi yoginīḥ kṣetrapālakam / indrādīṃśca tato bāhye nijāyudhasamanvitān // ### [1.86.94](https://indike.org/pramana/in.purana.narada.1.86.94) itthaṃ siddhe manau mantrī staṃbhayeddevatādikān / pītavastrapadāsīnaḥ pītamālyānulepanaḥ // ### [1.86.95](https://indike.org/pramana/in.purana.narada.1.86.95) pītapuṣpairyajeddevīṃ haridrotthasrajā japet / pītāṃ dhyāyanbhagavatīṃ payomadhye 'yutaṃ japet // ### [1.86.96](https://indike.org/pramana/in.purana.narada.1.86.96) trimadhvā jyatilairhemo nṝṇāṃ vaśyakaro mataḥ / madhuratritayāktaiḥ syādākarṣo lavarṇairdhruvam // ### [1.86.97](https://indike.org/pramana/in.purana.narada.1.86.97) tailābhyaktairnimbapatrairhemo vidveṣakārakaḥ / tālaloṇaharidrābhirdviṣāṃ saṃstaṃbhanaṃ bhavet // ### [1.86.98](https://indike.org/pramana/in.purana.narada.1.86.98) āgāradhūmaṃ rājīśca māhiṣaṃ guggulaṃ niśi / śmaśāne pāvake hutvā nāśayedacirādarīn // ### [1.86.99](https://indike.org/pramana/in.purana.narada.1.86.99) garuto gṛdhrakākānāṃ kaṭutailaṃ vibhītakam / gṛhadhūmaṃ citāvahnau hutvā proccāṭayedripūn // ### [1.86.100](https://indike.org/pramana/in.purana.narada.1.86.100) dūvārguḍūcīlājānyo madhuratritayānvitān / juhoti so 'khilān rogān śamayeddarśanādapi // ### [1.86.101](https://indike.org/pramana/in.purana.narada.1.86.101) parvatāgre mahāraṇye nadīsaṃge śivālaye / brahmacaryarato lakṣaṃ japedakhilasiddhaye // ### [1.86.102](https://indike.org/pramana/in.purana.narada.1.86.102) eka varṇagavīdugdhaṃ śarkarāmadhusaṃyutam / triśataṃ mantritaṃ pītaṃ hanyādviṣaparābhavam // ### [1.86.103](https://indike.org/pramana/in.purana.narada.1.86.103) śvetapālaśakāṣṭhena racite ramyapādake / alaktarañjite lakṣaṃ mantrayenmanunāmunā // ### [1.86.104](https://indike.org/pramana/in.purana.narada.1.86.104) tadārūḍhaḥ pumān gacchatkṣaṇena śatayojanam / pāradaṃ ca śilāṃ tālaṃ piṣṭaṃ madhusamanvitam // ### [1.86.105](https://indike.org/pramana/in.purana.narada.1.86.105) manunā mantrayellakṣaṃ liṃpettenākhilāṃ tanum / adṛśyaḥ syānnṛṇāmeṣa āścaryyaṃ dṛśyatāmidam // ### [1.86.106](https://indike.org/pramana/in.purana.narada.1.86.106) ṣaṭkoṇaṃ vilikhadbījaṃ sādhyanāmānvitaṃ manoḥ / haritālaniśācūrṇairunmatturasasaṃyutaiḥ // ### [1.86.107](https://indike.org/pramana/in.purana.narada.1.86.107) śeṣākṣaraiḥ samānītaṃ dharāgehavirājitam / tadyantraṃ sthāpitaprāṇaṃ pītasūtreṇa veṣṭayet // ### [1.86.108](https://indike.org/pramana/in.purana.narada.1.86.108) bhrāmyatkulālacakrasthāṃ gṛhītvā mṛttikāṃ tathā / racayedṛṣabhaṃ ramyaṃ yantraṃ tanmadhyataḥ kṣipet // ### [1.86.109](https://indike.org/pramana/in.purana.narada.1.86.109) haritālena saṃlipya vṛṣaṃ pratyahamarcayet / staṃbhayedvidviṣāṃ vācaṃ gatiṃ kāryaparaṃparām // ### [1.86.110](https://indike.org/pramana/in.purana.narada.1.86.110) ādāya vāmahastena pretabhūsthitakarparam / aṅgāreṇa citāsthena tatra yantraṃ samālikhet // ### [1.86.111](https://indike.org/pramana/in.purana.narada.1.86.111) mantritaṃ nihitaṃ bhūmau ripūṇāṃ staṃbhayedgatim / pretavastre likhedyantraṃ aṅgāreṇaiva tatpunaḥ // ### [1.86.112](https://indike.org/pramana/in.purana.narada.1.86.112) maṇḍūkavadane nyasyetpītasūtreṇa veṣṭitam / pūjitaṃ pītapuṣpaistadvācaṃ saṃstaṃbhayeddviṣām // ### [1.86.113](https://indike.org/pramana/in.purana.narada.1.86.113) yadbhūmau bhavitā divyaṃ tatra yantraṃ samālikhet / mārjitaṃ taddviṣāṃ pātrairdivyastambhanakṛdbhavet // ### [1.86.114](https://indike.org/pramana/in.purana.narada.1.86.114) indravāruṇikāmūlaṃ saptaśo manumantritam / kṣiptaṃ jale divyakṛtaṃ jalastaṃbhanakārakam // ### [1.86.115](https://indike.org/pramana/in.purana.narada.1.86.115) kiṃ bahūktyā sādhakena mantraḥ samyagupāsitaḥ / śatrūṇāṃ gatibuddhyādeḥ staṃbhano nātra saṃśayaḥ // ### [1.86.115.p1](https://indike.org/pramana/in.purana.narada.1.86.115.p1) iti śrībṛhannāradīyapurāṇe pūrvabhāge bṛhadupākhyāne tṛtīyapāde yakṣiṇīmantrasādhananirūpaṇaṃ nāma ṣaḍaśītitamo 'dhyāyaḥ ## Linked texts (7) - [Devīrahasya](https://indike.org/pramana/in.sampradaya.saiva.agama.rudra.devirahasya.75.373) — Sanskrit - [Kulamuktīkallolinī](https://indike.org/pramana/in.sampradaya.general.sakta.kulacara.acarabhava.kulamuktikallolini.14.929) — Ādyānanda, Sanskrit - [Kulavṛtti](https://indike.org/pramana/in.sampradaya.general.sakta.kulavrtti.2.860) — Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.88.1) — Sanskrit - [Mantramahoṣadhi](https://indike.org/pramana/in.sampradaya.general.kamya.santi.rogaharana.mantramahosadhi.9.4) — Sanskrit - [Devīrahasya](https://indike.org/pramana/in.sampradaya.general.sakta.tantra.mula.devirahasya.80.23) — Sanskrit - [Devīrahasyapurāṇa](https://indike.org/pramana/in.purana.upa.sakta.devirahasyapurana.79.23) — Sanskrit --- Source: [https://indike.org/pramana/in.purana.narada.1.86](https://indike.org/pramana/in.purana.narada.1.86) · Pramāṇa