[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.87 # Naradapurana 1.87 Nāradapurāṇa 1.87 - **Language:** Sanskrit ## Contents - [1.87.169](https://indike.org/pramana/in.purana.narada.1.87.169) — 1 part ### [1.87.1](https://indike.org/pramana/in.purana.narada.1.87.1) sanatkumāra uvāca avatāratrayaṃ lakṣmyāḥ kathita te dvijottama / durgāyāścābhidhāsyāmi sarvalokopakārakān // ### [1.87.2](https://indike.org/pramana/in.purana.narada.1.87.2) praṇavaḥ śrīḥ śivāyugmaṃ vāṇīvairocanīpadam / vajrādyaṃ kṣudhitā sūkṣmā mṛtā svāgnīndusaṃyutā // ### [1.87.3](https://indike.org/pramana/in.purana.narada.1.87.3) pratiṣṭhāpya śivā phaṭ ca svāhānto 'tyaṣṭivarṇavān / bhairavo 'sya muniḥ samrāṭ chando mantrasya devatā // ### [1.87.4](https://indike.org/pramana/in.purana.narada.1.87.4) chinnamastā ramā bījaṃ svāhā śaktirudīritā / āṃ khaḍgāya hṛdākhyātamīṃ khaḍgāya śiraḥ smṛtam // ### [1.87.5](https://indike.org/pramana/in.purana.narada.1.87.5) oṃ vajrāya śikhā proktā aiṃ pāśāya tanucchadam / aumaṅkuśāya netraṃ syādvisargo vasurakṣayuk // ### [1.87.6](https://indike.org/pramana/in.purana.narada.1.87.6) māyāyugmaṃ cāstramaṅgaṃ manavaḥ praṇavādikāḥ / svāhāntāścaivamaṅgāni kṛtvā dhyāyedthāṃbikām // ### [1.87.7](https://indike.org/pramana/in.purana.narada.1.87.7) bhānumaṇḍalasaṃsthānāṃ pravikīrṇālakaṃ śiraḥ / chinnaṃ svakaṃ sphaāramukhaṃ svaraktaṃ prapibadgalat // ### [1.87.8](https://indike.org/pramana/in.purana.narada.1.87.8) uparisthāṃ ratāsaktaratimanmathayornije / ḍākinīvarṇinīsakhyau dṛṣṭvā modabharākulām // ### [1.87.9](https://indike.org/pramana/in.purana.narada.1.87.9) dhyātvaivaṃ prajapellakṣacatuṣkaṃ taddaśāṃśataḥ / pālāśairvilvajairvāpi juhuyātkusumaiḥ phalaiḥ // ### [1.87.10](https://indike.org/pramana/in.purana.narada.1.87.10) ādhāraśaktimārabhya paratattvāntapūjite / pīṭhe jayākhyā vijayā jitā cāpi parājitā // ### [1.87.11](https://indike.org/pramana/in.purana.narada.1.87.11) nityā vilāsinī ṣaṣṭhī dogdhya ghorā ca maṅgalā / dikṣu madhye ca saṃpūjyā nava pīṭhasya śaktayaḥ // ### [1.87.12](https://indike.org/pramana/in.purana.narada.1.87.12) sarvabuddhiprade varṇanīye sarvabhṛguḥ sadṛk / siddhiprade ḍākinīye tāro vajraḥ sabhautikaḥ // ### [1.87.13](https://indike.org/pramana/in.purana.narada.1.87.13) khaḍgīśo rocanīyente bhagaṃ dhehi namontakaḥ / tārādipīṭhamantro 'yaṃ vedarāmākṣaro mataḥ // ### [1.87.14](https://indike.org/pramana/in.purana.narada.1.87.14) samarpyāsanametena tatra saṃpūjayecchivām / trikoṇamadhyaṣaṭkoṇapadmabhūpuramadhyataḥ // ### [1.87.15](https://indike.org/pramana/in.purana.narada.1.87.15) bāhyāvaraṇamārabhya pūjayetpratilomataḥ / bhūpure bāhyabhāgeṣu vajrādīni prapūjayet // ### [1.87.16](https://indike.org/pramana/in.purana.narada.1.87.16) tadantaḥ surarājādīnpūjayeddharitāṃ patīn / bhūpurasya caturdvārṣu dvārapālānyajedatha // ### [1.87.17](https://indike.org/pramana/in.purana.narada.1.87.17) karālavikarālākhyāvatikālastṛtīyakaḥ / mahākālaścaturthaḥ syādatha padmeṣṭaśaktayaḥ // ### [1.87.18](https://indike.org/pramana/in.purana.narada.1.87.18) ekaliṅgā yoginī ca ḍākinī bhairavī tathā / mahābhairavakendrākṣī tvasitāṅgī tu saptamī // ### [1.87.19](https://indike.org/pramana/in.purana.narada.1.87.19) saṃhāriṇyaṣṭamī ceti ṣaṭkoṇeṣvaṅgamūrtayaḥ / trikoṇagā chinnamastā pārśvayostu sakhīdvayam // ### [1.87.20](https://indike.org/pramana/in.purana.narada.1.87.20) ḍākinīvarṇanīsaṃjñaṃ tārāvāgbhyāṃ prapūjayet / evaṃ pūjādibhiḥ siddhe mantre mantrī manorathān // ### [1.87.21](https://indike.org/pramana/in.purana.narada.1.87.21) prāpnuyānnikhilānsadyo durlabhāṃstatprasādataḥ / śrīpuṣpairlabhate lakṣmīṃ tatphailaśca samīhitam // ### [1.87.22](https://indike.org/pramana/in.purana.narada.1.87.22) vāksiddhiṃ mālatīpuṣpaiścaṃpakairhavanātsukham / ghṛtāktaṃ chāgamāṃsaṃ yo juhuyātpratyahaṃ śatam // ### [1.87.23](https://indike.org/pramana/in.purana.narada.1.87.23) māsamekaṃ tu vaśagāstasya syuḥ sarvapārthivāḥ / karavīrasumaiḥ śvatairlakṣasaṃkhyairjuhoti yaḥ // ### [1.87.24](https://indike.org/pramana/in.purana.narada.1.87.24) rogajālaṃ parābhūya sukhī jīvecchataṃ samāḥ / raktau statsaṃkhyayā hutvā vaśayenmantriṇo nṛpān // ### [1.87.25](https://indike.org/pramana/in.purana.narada.1.87.25) phalairhutvāmuyāllakṣmīmuduṃbarapalāśajaiḥ / gomāyumāṃsaistāmeva kavitāṃ pāyasāṃdhasā // ### [1.87.26](https://indike.org/pramana/in.purana.narada.1.87.26) bandhūkakusumairbhāgyaṃ karmikāraiḥ samīhitam / tilataṇḍulahomena vaśayennikhilāñjanān // ### [1.87.27](https://indike.org/pramana/in.purana.narada.1.87.27) nārīrajobhirākṛṣṭairmṛgamāṃsaiḥ samīhitam / staṃbhanaṃ māhiṣairmāṃsaiḥ paṅkajaiḥ saghṛtairapi // ### [1.87.28](https://indike.org/pramana/in.purana.narada.1.87.28) citāgnau parabhṛtpakṣairjurhuyādarimṛtyave / unmattakāṣṭhadīpte 'gnau tatphalaṃ vāyasacchadaiḥ // ### [1.87.29](https://indike.org/pramana/in.purana.narada.1.87.29) dyūte vane nṛpadvāre samare vairisaṃkaṭe / vijayaṃ labhate mantrī dhyāyandevīṃ japanmanum // ### [1.87.30](https://indike.org/pramana/in.purana.narada.1.87.30) bhuktyai muktyai sitāṃ dhyāyeduccāṭe nīlarociṣam / raktāṃ vaśye mṛtau dhūmrāṃ staṃbhane kanakaprabhām // ### [1.87.31](https://indike.org/pramana/in.purana.narada.1.87.31) niśi dadyādbaliṃ tasyai siddhaye madirādinā / gopanīyaḥ prayogo 'ya procyate sarvasiddhidaḥ // ### [1.87.32](https://indike.org/pramana/in.purana.narada.1.87.32) bhūtāhe kṛṣṇapakṣasya madhyarātre tamoghane / snāttvā raktāmbaradharo raktamālyānulepanaḥ // ### [1.87.33](https://indike.org/pramana/in.purana.narada.1.87.33) ānīya pūjayennārīṃ chinnamastāsvarūpiṇīm / sundarīṃ yauvanākrāntāṃ narapañcakagāminīm // ### [1.87.34](https://indike.org/pramana/in.purana.narada.1.87.34) susmitāṃ muktakabīrīṃ bhūṣādānapratoṣitām / vivastrāṃ pūjayitvaināmayutaṃ prajapenmanum // ### [1.87.35](https://indike.org/pramana/in.purana.narada.1.87.35) baliṃ dattvā niśāṃ nītvā saṃpreṣya dhanatoṣitām / bhojayedvividhairannairbrāhmaṇānbhojanādinā // ### [1.87.36](https://indike.org/pramana/in.purana.narada.1.87.36) anena vidhinā lakṣmīṃ putrānpautrāndhanaṃ yaśaḥ / nārīmāyuḥ sukhaṃ dharmamiṣṭaṃ ca samavāpnuyāt // ### [1.87.37](https://indike.org/pramana/in.purana.narada.1.87.37) tasyāṃ rātrau vrataṃ kāryaṃ vidyākāmena mantriṇā / manoratheṣu cānyeṣu gacchettāṃ prajapanmanum // ### [1.87.38](https://indike.org/pramana/in.purana.narada.1.87.38) uṣasyutthāya śayyāyāmupaviṣṭo japecchatam / ṣaṇmāsābhyantaremantrī kavitvena jayetkavim // ### [1.87.39](https://indike.org/pramana/in.purana.narada.1.87.39) śivena kīlitā ceyaṃ tadutkīlanamucyate / māyāṃ tārapuṭāṃ mantrī japedaṣṭottaraṃ śatam // ### [1.87.40](https://indike.org/pramana/in.purana.narada.1.87.40) mantrasyādau tathaivānte bhavetsiddhipradā tu sā / uditā chinnamasteyaṃ kalau śīghramabhīṣṭadā // ### [1.87.41](https://indike.org/pramana/in.purana.narada.1.87.41) avatārāntaraṃ devyā vacmi te munisattama / jñānāmṛtāruṇā śvetākrodhinīndusamanvitā // ### [1.87.42](https://indike.org/pramana/in.purana.narada.1.87.42) śāntistathāvidhā cāpi nīcasargānvitāstathā / vāgbhavaṃ kāmarājākhyaṃ śaktibījāhvayaṃ tathā // ### [1.87.43](https://indike.org/pramana/in.purana.narada.1.87.43) tribhirbījaiḥ pañcakūṭātmikā tripurabhairavī / ṛṣiḥ syāddakṣiṇāmūrtiśchandaḥ paṅktirudīritā // ### [1.87.44](https://indike.org/pramana/in.purana.narada.1.87.44) devatā deśikairuktā devī tripurabhairavī / nābherācaraṇaṃ nyasya vāgbhavaṃ mantravitpunaḥ // ### [1.87.45](https://indike.org/pramana/in.purana.narada.1.87.45) hṛdayānnābhiparyantaṃ kāmabījaṃ pravinyaset / śiraso hṛtpradeśāntaṃ tārtīyaṃ vinyasettataḥ // ### [1.87.46](https://indike.org/pramana/in.purana.narada.1.87.46) ādyaṃ dvitīyaṃ karayostārtīyamubhayaṃ nyaset / mūlādhāre hṛdi nyasya bhūyo bījatrayaṃ kramāt // ### [1.87.47](https://indike.org/pramana/in.purana.narada.1.87.47) navayonyātmakaṃ nyāsaṃ kuryādbījaistribhiḥ punaḥ / bāloditaprakāreṇa mūrtinyāsamathācaret // ### [1.87.48](https://indike.org/pramana/in.purana.narada.1.87.48) svasvabījādikaṃ pūrvaṃ mūrdhnīśānamanobhavam / nyasedvaktre tatpuruṣaṃ makaradhvajamātmavit // ### [1.87.49](https://indike.org/pramana/in.purana.narada.1.87.49) hṛdyaghorakumārādikandarppaṃ tadanantaram / guhyadeśe pravinyasyedvāmadevādimanmatham // ### [1.87.50](https://indike.org/pramana/in.purana.narada.1.87.50) sadyojātaṃ kāmadevaṃ pādayorvinyasettataḥ / ūrddhvaṃprāgdakṣiṇodīcyapaścimeṣu mukheṣu tān // ### [1.87.51](https://indike.org/pramana/in.purana.narada.1.87.51) pravinyasedya dhāpūrva bhṛgurvyomāgnisaṃsthitaḥ / sadyādipañcahrasvādyā bījameṣāṃ prakīrtitam // ### [1.87.52](https://indike.org/pramana/in.purana.narada.1.87.52) ṣaḍdīrghayuktenādyena bījenāṅgakriyā matā / pañcabāṇāṃstato nyasyenmantrī trailokyamohanān // ### [1.87.53](https://indike.org/pramana/in.purana.narada.1.87.53) drāmādyāṃ drāviṇīṃ mūrdhniṃ drāmādyāṃ kṣobhaṇī pade / klīṃvaśīkaraṇīṃ vaktre guhye bḷṃ bījapūrvikām // ### [1.87.54](https://indike.org/pramana/in.purana.narada.1.87.54) ākarṣaṇīṃ hṛdi punaḥ sarvāntabhṛgusaṃsthitām / saṃmohanīṃ kramādevaṃ bāṇanyāso 'yamīritaḥ // ### [1.87.55](https://indike.org/pramana/in.purana.narada.1.87.55) bhālabhrūmadhyavadane ghaṇṭikākaṇṭhahṛtsu ca / nābhyadhiṣṭhānayoḥ pañca tārādyāḥ subhagādikāḥ // ### [1.87.56](https://indike.org/pramana/in.purana.narada.1.87.56) mastakāvidhi nābheśca mantriṇā subhagā bhagā / bhagasarpiṇyatha parā bhagamālinyanantaram // ### [1.87.57](https://indike.org/pramana/in.purana.narada.1.87.57) anaṅgānaṅgakusumā bhūyaścānaṅgamekhalā / anaṅgamadanā sarvā madavibhramamantharā // ### [1.87.58](https://indike.org/pramana/in.purana.narada.1.87.58) pradhānadevatā varṇabhūṣaṇādyairalaṅkṛtāḥ / akṣasrakpustakābhītivaradāḍhyakarāṃbujāḥ // ### [1.87.59](https://indike.org/pramana/in.purana.narada.1.87.59) vākkāmablūṃ strīṃ sarānte tārāḥ pañca prakīrtitāḥ / tataḥ kuryādbhūṣaṇākhyaṃ nyāsamuktadiśā mune // ### [1.87.60](https://indike.org/pramana/in.purana.narada.1.87.60) evaṃ nyastaśarīro 'sau dhyāyettripurabhairavīm / sahasrabhānusaṃkāśāmaruṇakṣaumavāsasīm // ### [1.87.61](https://indike.org/pramana/in.purana.narada.1.87.61) śiromālāmasṛgliptastanīṃ japavaṭīṃ karaiḥ / vidyāmabhītiṃ ca varaṃ dadhatīṃ trīkṣaṇānanām // ### [1.87.62](https://indike.org/pramana/in.purana.narada.1.87.62) dīkṣāṃ prāpya japenmantraṃ tattvalakṣaṃ jitendriyaḥ / puṣpairbhānusahasrāṇi juhuyādbahmavṛkṣajaiḥ // ### [1.87.63](https://indike.org/pramana/in.purana.narada.1.87.63) trimadhvaktaiḥ prasūnairvā karavīrasamudbhavaiḥ / padmaṃ vasudalopetaṃ navayonyaṣṭakarṇikam // ### [1.87.64](https://indike.org/pramana/in.purana.narada.1.87.64) icchādiśaktibhiryuktaṃ bhairavyāḥ pīṭhamarcayet / icchā jñānā kriyā paścātkāminī kāmadāyinī // ### [1.87.65](https://indike.org/pramana/in.purana.narada.1.87.65) ratipriyā madānandā navamī syānmanonmanī / varadābhayadhāriṇyaḥ saṃproktā nava śaktayaḥ // ### [1.87.66](https://indike.org/pramana/in.purana.narada.1.87.66) vāgbhavaṃ lohito rāyai śrīkaṇṭho lohito 'nalaḥ / dīrghavānyai parā paścādaparāyau hasau yutaḥ // ### [1.87.67](https://indike.org/pramana/in.purana.narada.1.87.67) sadāśivamahāpretaṅeṃtaṃ padmāsanaṃ namaḥ / anena manunā dadyādāsanaṃ śrīgurukramam // ### [1.87.68](https://indike.org/pramana/in.purana.narada.1.87.68) prāṅmadhyayonyantarāle pūjayetkalpayettataḥ / pañcabhiḥ praṇavairmūrtiṃ tasyāmāvāhya devatām // ### [1.87.69](https://indike.org/pramana/in.purana.narada.1.87.69) pūjayedagamoktena vidhānena samāhitaḥ / tārāvākchaktikamalā hasakhūphreṃ hasauḥ smṛtāḥ // ### [1.87.70](https://indike.org/pramana/in.purana.narada.1.87.70) vāmakoṇe yajeddevyā ratimindusamaprabhām / sṛṇipāśadharāṃ saumyāṃ madavibhramavihvalām // ### [1.87.71](https://indike.org/pramana/in.purana.narada.1.87.71) prītiṃ takṣiṇakoṇasthāṃ taptakāñcanasannibhām / aṅkuśaṃ praṇataṃ dobhyāṃ dhārayantīṃ samarcayet // ### [1.87.72](https://indike.org/pramana/in.purana.narada.1.87.72) agre manobhavāṃ raktāṃ raktapuṣpādyalaṅkṛtām / ikṣukārmukapuṣpeṣudhāriṇīṃ sasmitānanām // ### [1.87.73](https://indike.org/pramana/in.purana.narada.1.87.73) aṅgānyabhyarcayetpaścādyathāpūrvaṃ vidhānavit / dikṣvagre ca nijairmantraiḥ pūjayedbāṇadevatāḥ // ### [1.87.74](https://indike.org/pramana/in.purana.narada.1.87.74) hastābjairdhṛtapuṣpeṣupraṇāmāmṛtasaprabhāḥ / aṣṭayoniṣvaṣṭaśaktīḥ pūjayetsubhagādikāḥ // ### [1.87.75](https://indike.org/pramana/in.purana.narada.1.87.75) mātaro bhairavāṅkasthā madavibhramavihvalāḥ / aṣṭapatreṣu saṃpūjyā yathāvatkusumādibhiḥ // ### [1.87.76](https://indike.org/pramana/in.purana.narada.1.87.76) lokapālāṃstato dikṣu teṣāmastrāṇi tadbahiḥ / pūrvajanmakṛtaiḥ puṇyairjñātvaināṃ paradevatām // ### [1.87.77](https://indike.org/pramana/in.purana.narada.1.87.77) yo bhajeduktamārgeṇa sa bhavetsaṃpadāṃ padam / evaṃ siddhamanurmantrī sādhayediṣṭamātmanaḥ // ### [1.87.78](https://indike.org/pramana/in.purana.narada.1.87.78) juhuyādaruṇāṃbhoñjairadoṣairmadhurāplutaiḥ / lakṣasaṃkhyaṃ tadarddhaṃ vā pratyahaṃ bhojayeddvijān // ### [1.87.79](https://indike.org/pramana/in.purana.narada.1.87.79) vanitā yuvatī ramyāḥ prīṇayeddevatādhiyā / homānte dhanadhānyādyaistoṣayedgurumātmanaḥ // ### [1.87.80](https://indike.org/pramana/in.purana.narada.1.87.80) evaṃ kṛte jagadvaśyo ramāyā bhavanaṃ bhavet / raktotpalaistrimadhvaktairaruṇairvā hayārijaiḥ // ### [1.87.81](https://indike.org/pramana/in.purana.narada.1.87.81) puṣpaiḥ payonnaiḥ saghṛtairhemādviśvaṃ vaśaṃ nayet / vāksiddhaṃ labhate mantrī palāśakusumairhutaiḥ // ### [1.87.82](https://indike.org/pramana/in.purana.narada.1.87.82) karpūrāgurusaṃyuktaṃ guggulaṃ juhuyātsudhīḥ / jñānaṃ divyamavāpnoti tenaiva sa bhavetkaviḥ // ### [1.87.83](https://indike.org/pramana/in.purana.narada.1.87.83) kṣīrāktairamṛtākhaṇḍairhemaḥ sarvāpamṛtyujit / dūrvābhaghirāyuṣe homaḥ kṣīrāktābhirdinatrayam // ### [1.87.84](https://indike.org/pramana/in.purana.narada.1.87.84) girikarṇībhavaiḥ puṣpairbrāhmaṇānvaśayeddhutaiḥ / kahlāraiḥ pārthivānpuṣpaistadvadhūḥ karṇikārajaiḥ // ### [1.87.85](https://indike.org/pramana/in.purana.narada.1.87.85) mallikākusumairhutvā rājaputrānvaśaṃ nayet / koraṇṭakusumairvaiṃśyānvṛṣalānpāṭalodbhavaiḥ // ### [1.87.86](https://indike.org/pramana/in.purana.narada.1.87.86) anulomāṃ vilomāntasthitasādhyāhvayānvitam / mantramuccārya juhuyānmantrī madhuralolitaiḥ // ### [1.87.87](https://indike.org/pramana/in.purana.narada.1.87.87) sarṣapairmadhusaṃmiśrairvaśayetpārthivān kṣaṇāt / anenaiva vidhānena tatpatnīstatsutānapi // ### [1.87.88](https://indike.org/pramana/in.purana.narada.1.87.88) jātibilvabhavaiḥ puṣpairmadhuratrayasaṃyutaiḥ / naranārīnarapatīnhomena vaśayetkramāt // ### [1.87.89](https://indike.org/pramana/in.purana.narada.1.87.89) mālatībakulodbhūtaiḥ puṣpaiścandanalolitaiḥ / juhuyātkavitāṃ mantrī labhate vatsarāntare // ### [1.87.90](https://indike.org/pramana/in.purana.narada.1.87.90) madhuratraghayasaṃyuktaiḥ phalairbilvasamudbhavaiḥ / juhuyādvāśayellokaṃ śriyaṃ prāpnoti vāñchitām // ### [1.87.91](https://indike.org/pramana/in.purana.narada.1.87.91) sājyamannaṃ prajuhuyādbhavedannasamṛddhimān / kastūrīkuṅkumopetaṃ karpūraṃ juhuyādvaśī // ### [1.87.92](https://indike.org/pramana/in.purana.narada.1.87.92) kandarpādadhikaṃ sadyaḥ saindaryamadhigacchati / lājānprajuhuyānmantrī dadhikṣīramadhuplutān // ### [1.87.93](https://indike.org/pramana/in.purana.narada.1.87.93) vijitya rogānakhilānsa jīveccharadāṃ śatam / pādadvayaṃ malayajaṃ pādaṃ kuṅkumakesaram // ### [1.87.94](https://indike.org/pramana/in.purana.narada.1.87.94) pādaṃ gorocanāntāni trīṇi piṣṭvāhimāṃbhasā / vidadhyāttilakaṃ bhāle yānpaśyedyairvilokyate // ### [1.87.95](https://indike.org/pramana/in.purana.narada.1.87.95) yānspṛśetspṛśyate yairvā vaśyāḥ syustasya te 'cirāt / karpūrakapicorāṇi samabhāgāni kalpayet // ### [1.87.96](https://indike.org/pramana/in.purana.narada.1.87.96) caturbhujā jaṭāmāṃsī tāvatī rocanā matā / kuṅkumaṃ samabhāgaṃ syāddigbhātaṃ candanaṃ matam // ### [1.87.97](https://indike.org/pramana/in.purana.narada.1.87.97) agururnavabhāgaṃ syāditibhāgakrameṇa ca / himādbhiḥ kanyayā piṣṭametatsarvaṃ susādhitam // ### [1.87.98](https://indike.org/pramana/in.purana.narada.1.87.98) ādāya tilakaṃ bhāle kuryyādbhūmipatīnnarān / vanitāmadagarvāḍhyā madonmattānmatandajān // ### [1.87.99](https://indike.org/pramana/in.purana.narada.1.87.99) siṃhavyāghrānmahāsarpānbhūtavetālarākṣasān / darśanādeva vaśayettilakaṃ dhārayannaraḥ // ### [1.87.100](https://indike.org/pramana/in.purana.narada.1.87.100) ityeṣā bhairavī proktā hyavatārāntaraṃ śṛṇu / vāṅmāyā kamalā tāro namonte bhagavatyatha // ### [1.87.101](https://indike.org/pramana/in.purana.narada.1.87.101) śrīmātaṅgeśvari vadetsarvajanamanohari / sarvādisukharājyante sarvādisukharañjanī // ### [1.87.102](https://indike.org/pramana/in.purana.narada.1.87.102) sarvarājavaśaṃ paścātkarisarvapadaṃ vadet / strīpuruṣavaśaṃ sṛṣṭividyākrodhinikānvitā // ### [1.87.103](https://indike.org/pramana/in.purana.narada.1.87.103) sarvaṃ duṣṭamṛgavaśaṃ karisarvapadaṃ tataḥ / sarvasattvavaśaṅkarisarvalokaṃ tataḥ param // ### [1.87.104](https://indike.org/pramana/in.purana.narada.1.87.104) amukaṃ me vaśaṃ paścādānayānalasundarī / aṣṭāśītyakṣaro mantro munyādyā bhairavīgatāḥ // ### [1.87.105](https://indike.org/pramana/in.purana.narada.1.87.105) nyāsānmantrī tanau kuryādvakṣyamāṇānyathākramam / śirolalāṭabhrūmadhye tālukaṇṭhagalorasi // ### [1.87.106](https://indike.org/pramana/in.purana.narada.1.87.106) anāhate bhujadvandve jaṭhare nābhimaṇḍale / svādhiṣṭhāne guptadeśe pādayordakṣavāmayoḥ // ### [1.87.107](https://indike.org/pramana/in.purana.narada.1.87.107) mūlādhāre gude nyasyetpadānyaṣṭādaśa kramāt / guṇaikadvicatuḥ ṣaḍbhirvasuparvanavāṣṭabhiḥ // ### [1.87.108](https://indike.org/pramana/in.purana.narada.1.87.108) nandapaṅktyaṣṭavedāgnicandrayugmaguṇā kṣibhiḥ / yadukḷptiriyaṃ proktā mantravarṇairyathākramam // ### [1.87.109](https://indike.org/pramana/in.purana.narada.1.87.109) ratyādyā mṛlahṛdayabhrumadhyeṣu vicakṣaṇaḥ / vākśaktilakṣmībījādyā mātaṅgyantāḥ pravinyaset // ### [1.87.110](https://indike.org/pramana/in.purana.narada.1.87.110) śirovadanahṛdguhyapādeṣu vidhinā nyaset / hṛllekhāṃ gaganāṃ raktāṃ bhūyo mantrī karālikām // ### [1.87.111](https://indike.org/pramana/in.purana.narada.1.87.111) mahocchuṣmāṃ svanāmādivarṇabījapuraḥ sarāḥ / mātaṅgyantāḥ ṣaḍaṅgāni tataḥ kurvīta sādhakaḥ // ### [1.87.112](https://indike.org/pramana/in.purana.narada.1.87.112) varṇaiścaturviṃśatibhirhṛttrayodaśabhiḥ śiraḥ / śikhāṣṭādaśabhiḥ proktā varma tāvadbhirakṣaraiḥ // ### [1.87.113](https://indike.org/pramana/in.purana.narada.1.87.113) syāttrayodaśabhirnetraṃ dvābhyāmastraṃ prakīrtitam / bāṇanyāsaṃ tataḥ kuryādbhairavīproktavartmanā // ### [1.87.114](https://indike.org/pramana/in.purana.narada.1.87.114) mātaṅgīpadayoścānyaṃ manmathānvadanāṃśayoḥ / pārsvakaṭyornābhideśe kaṭipārśvāṃśake punaḥ // ### [1.87.115](https://indike.org/pramana/in.purana.narada.1.87.115) bījatrayādikānmantrī manmathaṃ makaradhvajam / madanaṃ puṣpadhanvānaṃ pañcamaṃ kusumāyudham // ### [1.87.116](https://indike.org/pramana/in.purana.narada.1.87.116) ṣaṣṭhaṃ kandarpanāmānaṃ manobhavaratipriyau / mātaṅgyantāstato nyasyetsthāneṣveteṣu mantravit // ### [1.87.117](https://indike.org/pramana/in.purana.narada.1.87.117) kusumā mekhalā caiva madanā madanā turā / madanavegā sambhavā ca bhuvanapālendurekhikā // ### [1.87.118](https://indike.org/pramana/in.purana.narada.1.87.118) anaṅgapadapūrvāśca mātaṅgyantāḥ samīritāḥ / vinyastavyāstato mūle 'dhiṣṭhāne maṇipūrake // ### [1.87.119](https://indike.org/pramana/in.purana.narada.1.87.119) hṛtkaṇṭhāsye bhruvormadhye mastake cāpi matriṇā / ādye lakṣmīsarasvatyau ratiḥ prītiśca kṛttikā // ### [1.87.120](https://indike.org/pramana/in.purana.narada.1.87.120) śāntiḥ puṣṭiḥ punastuṣṭimārtagaṃpadaśekharā / mūlamantraṃ pṛthaṅnyasyennijamūrddhani mantravit // ### [1.87.121](https://indike.org/pramana/in.purana.narada.1.87.121) ādhāradeśe 'dhiṣṭhāne nābhau paścādanāhate / kaṇṭhadeśe bhravormadhye bindau bhūyaḥ kalā padoḥ // ### [1.87.122](https://indike.org/pramana/in.purana.narada.1.87.122) nirodhikāyāmarddhendunāde nādāntayoḥ punaḥ / unnatāṃseṣu vaktre ca dhruvamaṇḍalake śive // ### [1.87.123](https://indike.org/pramana/in.purana.narada.1.87.123) mātaṅgyantāḥ pravinyasye dvāmāṃ jyeṣṭhamataḥ param / raudrīṃ praśāntāṃ śraddhākhyāṃ punarmāheśvarīmatha // ### [1.87.124](https://indike.org/pramana/in.purana.narada.1.87.124) kriyāśaktiṃ sulakṣmīṃ ca sṛṣṭiṃ saṃjñāṃ ca mohinīm / pramathāśvāsinīṃ vidyullatāṃ cicchaktimapyatha // ### [1.87.125](https://indike.org/pramana/in.purana.narada.1.87.125) tataśca sundarīṃ nindāṃ nandabuddhimimāḥ kramāt / śirobhālahṛdādhāreṣvetā bījatrayādhikāḥ // ### [1.87.126](https://indike.org/pramana/in.purana.narada.1.87.126) mātaṅgyādyāḥ pravinyasyedyathāvaddeśikottamaḥ / mātaṅgīṃ mahadādyāṃ tāṃ mahālakṣmīpadādikām // ### [1.87.127](https://indike.org/pramana/in.purana.narada.1.87.127) siddhalakṣmīpadādyāṃ ca mūlamādhāramaṇḍalam / nyasettenaiva kurvīta vyāpakaṃ deśikottamaḥ // ### [1.87.128](https://indike.org/pramana/in.purana.narada.1.87.128) evaṃ nyastaśarīro 'sau cintayenmantradevatām / śyāmāṃ śukoktiṃ śṛṇvantīṃ nyastaikāṅghriśiroruhām // ### [1.87.129](https://indike.org/pramana/in.purana.narada.1.87.129) śaśikhaṇḍadharāṃ vīṇāṃ vādayantīṃ madhūnmadām / raktāṃśukāṃ ca kahlāramālāśobhitacūlikām // ### [1.87.130](https://indike.org/pramana/in.purana.narada.1.87.130) śaṅkhapatrāṃ tu mātaṅgīṃ citrakodbhāsimastakām / ayutaṃ prajapenmantraṃ taddaśāṃśaṃ madhūkajaiḥ // ### [1.87.131](https://indike.org/pramana/in.purana.narada.1.87.131) puṣpaistrimadhuropetairjuhuyānmantrasiddhaye / trikoṇakarṇikaṃ padmamaṣṭapatraṃ prakalpayet // ### [1.87.132](https://indike.org/pramana/in.purana.narada.1.87.132) aṣṭapatrāvṛtaṃ bāhye vṛtaṃ ṣoḍaśabhirdalaiḥ / caturasrīkṛtaṃ bāhye kāntyā dṛṣṭimanoharam // ### [1.87.133](https://indike.org/pramana/in.purana.narada.1.87.133) etasminpūjayetpīṭhe navaśaktīḥ kramādimāḥ / vibhūtipūrvāḥ pūrvoktā mātaṅgīpadapaścimāḥ // ### [1.87.134](https://indike.org/pramana/in.purana.narada.1.87.134) sarvānte śaktikamalāsanāya nama ityatha / vāksatyalakṣmī bījādya uktaḥ pīṭhārcane manuḥ // ### [1.87.135](https://indike.org/pramana/in.purana.narada.1.87.135) mūlena mūrtiṃ saṃkalpya tasyāmāvāhya devatām / arcayedvidhinānena vakṣyamāṇena mantravit // ### [1.87.136](https://indike.org/pramana/in.purana.narada.1.87.136) ratyādyāstriṣu koṇeṣu pūjayetpūrvavatsudhīḥ / hṛhṛllekhāḥ pañcapūjyā madhye dikṣu ca mantriṇā // ### [1.87.137](https://indike.org/pramana/in.purana.narada.1.87.137) pāśāṅkuśābhayābhīṣṭadhāriṇyo bhūtasaprabhāḥ / aṅgāni pūjayetpaścādyathāpūrvaṃ vidhānavit // ### [1.87.138](https://indike.org/pramana/in.purana.narada.1.87.138) bāṇānabhyarcayeddikṣu pañcamaṃ purato yajet / dalamadhye 'tha saṃpūjyā anaṅgakusumādikāḥ // ### [1.87.139](https://indike.org/pramana/in.purana.narada.1.87.139) pāśāṅkuśābhayābhīṣṭadhāriṇyo 'ruṇavigrahāḥ / patrāgreṣu punaḥ pūjyā lakṣmyādyā vallakīkarāḥ // ### [1.87.140](https://indike.org/pramana/in.purana.narada.1.87.140) bahiraṣṭadaleṣvarcyā manmathādyā madoddhatāḥ / aparāṅgā niṣaṅgādyāḥ puṣpāstreṣudhanurddharāḥ // ### [1.87.141](https://indike.org/pramana/in.purana.narada.1.87.141) patrasthā mātaraḥ pūjyā brāhmādyāḥ proktalakṣaṇāḥ / tadagreṣvarcayedvidvānasitāṅgādibhairavān // ### [1.87.142](https://indike.org/pramana/in.purana.narada.1.87.142) punaḥ ṣoḍaśa patreṣu pūjyāḥ ṣoḍaśa śaktayaḥ / vāmādyāḥ kalavīṇābhirgāyantyaḥ śyāmavigrahāḥ // ### [1.87.143](https://indike.org/pramana/in.purana.narada.1.87.143) caturasre caturdikṣu catasraḥ pūjayetpunaḥ / mātaṅgyādyāmadonmattā vīṇollasitapāṇayaḥ // ### [1.87.144](https://indike.org/pramana/in.purana.narada.1.87.144) āgneyakoṇe vighneśaṃ durgāṃ naiśācareḥ yajet / vāyavye baṭukān paścādīśāne kṣetrapaṃ yajet // ### [1.87.145](https://indike.org/pramana/in.purana.narada.1.87.145) lokapālā bahiḥ pūjyā vajrādyairāyudhaiḥ saha / mantre 'sminsaṃdhite mantrī sādhayediṣṭamātmanaḥ // ### [1.87.146](https://indike.org/pramana/in.purana.narada.1.87.146) mallikājātipunnāgairhemādbhāgyālayo bhavet / phalaurbilyasamudbhūtaistatpatrairvā hutādbhavet // ### [1.87.147](https://indike.org/pramana/in.purana.narada.1.87.147) rājaputrasya rājyāptiḥ paṅkajaiḥ śriyamāpnuyāt / utpalairvaśayedviśvaṃ kṣārairmadhvāśritaiḥ striyam // ### [1.87.148](https://indike.org/pramana/in.purana.narada.1.87.148) vañjulasya samidbhomo vṛṣṭiṃ vitanute 'cirāt / kṣīrāktairamṛtākhaṇḍairhemānnāśayati jvaram // ### [1.87.149](https://indike.org/pramana/in.purana.narada.1.87.149) dūrvābhirāyurāpnoti tandulairdhanavānbhavet / kadaṃbairvaśyamāpnoti sarvaṃ trimadhuraplutam // ### [1.87.150](https://indike.org/pramana/in.purana.narada.1.87.150) nandyāvartabhavaiḥ puṣpairhemo vāksiddhidāyakaḥ / niṃbaprasūnairjuhuyādīpsitaśrīsamṛddhaye // ### [1.87.151](https://indike.org/pramana/in.purana.narada.1.87.151) palāśakusumairhemāttejasvī jāyate naraḥ / candanāgurukastūrī candrakuṅkumarocanāḥ // ### [1.87.152](https://indike.org/pramana/in.purana.narada.1.87.152) vaśyāya ca priyatvāya hutāśca tilakīkṛtāḥ / nirguṇḍīmūlahomena nigaḍānmucyate naraḥ // ### [1.87.153](https://indike.org/pramana/in.purana.narada.1.87.153) niṃbatailānvitairloṇairhemaḥ śatruvināśanaḥ / haridrācūrṇasaṃmiśrairlavaṇaiḥ staṃbhayejjagat // ### [1.87.154](https://indike.org/pramana/in.purana.narada.1.87.154) mātaṅgīsiddhavidyaiṣā proktā te dvijasattama / avatārāntaraṃ bhūyo varṇayāmi niśāmaya // ### [1.87.155](https://indike.org/pramana/in.purana.narada.1.87.155) dīpakāprīticandrāḍhyā dvidhā cedrañjitāpunaḥ / vativahnipriyāmantro dhūmāvatyā gajākṣaraḥ // ### [1.87.156](https://indike.org/pramana/in.purana.narada.1.87.156) pippalādo muniśchando nivṛddhūmāvatīśvarī / bījena ṣaḍdīrghajātiyuktena parikalpayet // ### [1.87.157](https://indike.org/pramana/in.purana.narada.1.87.157) tato dhūmāvatīṃ dhyāyecchatrunigrahakāriṇīm / vivarṇāṃ cañcalāṃ duṣṭāṃ dīrghāṃ ca malināṃbarām // ### [1.87.158](https://indike.org/pramana/in.purana.narada.1.87.158) vimuktakuntalāṃ sūkṣmāṃ vidhavāṃ viraladvijām / kaṅkadhvajarathārūḍhāṃ pralaṃbitapayodharam // ### [1.87.159](https://indike.org/pramana/in.purana.narada.1.87.159) sūryahastāṃ nirukṣāṅkadhṛtahastāṃbarānvitām / pravṛddhalomāṃ tu bhṛśaṃ kuṭilākuṭilekṣaṇām // ### [1.87.160](https://indike.org/pramana/in.purana.narada.1.87.160) kṣutpipāsārditāṃ nityaṃ bhayadāṃ kalahapriyām / evaṃvidhāṃ tu saṃcintya namaḥ svāhā phaḍantakam // ### [1.87.161](https://indike.org/pramana/in.purana.narada.1.87.161) bījaṃ sādhyopari nyasya tasminsthāpya śavaṃ japet / avaṣṭabhya śavaṃ śatrunāmnātha prajapenmanum // ### [1.87.162](https://indike.org/pramana/in.purana.narada.1.87.162) soṣṇīṣakañcuko vidvānkṛṣṇe bhūte divāniśam / upavāsī śmaśāne vā vipine śūnyamandire // ### [1.87.163](https://indike.org/pramana/in.purana.narada.1.87.163) mantrasya siddhyai yatavāgdhyāyandevīṃ nirantaram / sahasrādūrddhūtaḥ śatrurjvareṇa parigṛhyate // ### [1.87.164](https://indike.org/pramana/in.purana.narada.1.87.164) pañcagavyena śāntiḥ syājjvarasya payasāpi vā / mantrādyā kṣaramālikhya śatrūnāma tataḥ param // ### [1.87.165](https://indike.org/pramana/in.purana.narada.1.87.165) dvitīyaṃ manuvarṇaṃ ca śatrunāmaivamālikhet / sarvaṃ manudiksahasrajapācchavamṛtirbhavet // ### [1.87.166](https://indike.org/pramana/in.purana.narada.1.87.166) dagdhvā kaṅkaṃ śyaśānāgnau tadbhasmādāya mantravit / virodhināmnāṣṭaśataṃ japtamuccāṭanaṃ ripoḥ // ### [1.87.167](https://indike.org/pramana/in.purana.narada.1.87.167) śmaśānabhasmanā kṛtvā śavaṃ tasyopari nyaset / virodhināmasaṃruddhaṃ kṛṣṇe pakṣe samuccaret // ### [1.87.168](https://indike.org/pramana/in.purana.narada.1.87.168) mahiṣīkṣīradhūpaṃ ca dadyācchatruvipatkaram / evaṃ saṃkṣepataḥ proktaṃ avatāracatuṣṭayam // ### [1.87.169](https://indike.org/pramana/in.purana.narada.1.87.169) durgāyā jagadaṃbāyāḥ kiṃ punaḥ praṣṭumicchasi // ### [1.87.169.p1](https://indike.org/pramana/in.purana.narada.1.87.169.p1) iti śrībṛhannāradīyapurāṇe pūrvabhāge bṛhadupākhyāne tṛtīyapāde durgāmantracatuṣṭayavarṇanaṃ nāma saptāśītitamo 'dhyāyaḥ ## Linked texts (13) - [Tripurabhairavīpañcāṅga](https://indike.org/pramana/in.sampradaya.general.sakta.mahavidya.tripurabhairavipancanga.3) — Sanskrit - [Bṛhattantrasāra](https://indike.org/pramana/in.sampradaya.general.sakta.nibandha.gaudiyanibandha.brhattantrasara.6.306) — Rāmānanda, Sanskrit - [Kaulāvalīnirṇaya](https://indike.org/pramana/in.sampradaya.saiva.trika.kaula.kaulavalinirnaya.2.536) — Jñānānanda Paramahaṃsa 1500, Sanskrit - [Āgamakalpalatā](https://indike.org/pramana/in.sampradaya.general.agamakalpalata.456) — Sanskrit - [Śāktapramoda](https://indike.org/pramana/in.sampradaya.general.sakta.nibandha.other.saktapramoda.7.1520) — Sanskrit - [Viśvasāratantra](https://indike.org/pramana/in.sampradaya.saiva.agama.trika.rudrayamala.visvasaratantra.10.500) — Sanskrit - [Kulamuktīkallolinī](https://indike.org/pramana/in.sampradaya.general.sakta.kulacara.acarabhava.kulamuktikallolini.20.162) — Ādyānanda, Sanskrit - [Dāśarathīyatantra](https://indike.org/pramana/in.sampradaya.vaisnava.tantra.rama.tantra.dasarathiyatantra.7785) — Sanskrit - [Tārābhaktisudhārṇava](https://indike.org/pramana/in.sampradaya.general.sakta.tara.tarabhaktisudharnava.10.129) — Narasiṃha Ṭhakkura 1643, Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.89.1) — Sanskrit - [Śāradātilaka](https://indike.org/pramana/in.sampradaya.general.mantrasastra.nibandha.saradatilaka.12.8) — Lakṣmaṇadeśika, Sanskrit - [Siṃhasiddhāntasindhu](https://indike.org/pramana/in.astro.samhita.other.simhasiddhantasindhu.15.17-2) — Śivānanda Gosvāmin, Sanskrit - [Āgamakalpalatā (Yadu Miśra)](https://indike.org/pramana/in.sampradaya.general.sakta.nibandha.gaudiyanibandha.agamakalpalata.11.p1073) — Yadu Miśra, Sanskrit --- Source: [https://indike.org/pramana/in.purana.narada.1.87](https://indike.org/pramana/in.purana.narada.1.87) · Pramāṇa