Pramāṇa · Search · About · API

Naradapurana 1.89

Nāradapurāṇa 1.89

Language
Sanskrit

Contents

1.89.1

sanatkumāra uvāca
athāsāmāvṛtisthānāṃ śaktīnāṃ samayena ca /
nāmnāṃ sahasraṃ vakṣyāmi gurudhyānapuraḥ saram //

1.89.2

nāthā nava prakāśādyāḥ subhagāntāḥ prakīrtitāḥ /
bhūmyādīniśivāntāni viddhi tattvāni nārada //

1.89.3

gurujanmādiparvāṇi darśāntāni ca sapta vai /
etāni prāhamanovṛttyā cintayetsādhakottamaḥ //

1.89.4

gurustotraṃ japeccāpi tadgatenāntarātmanā /
namaste nātha bhagavañśivāya gururūpiṇe //

1.89.5

vidyāvatārasaṃsiddhyai svaukṛtānekavigraha /
navāya navarūpāya paramārthaikarūpiṇe //

1.89.6

sarvājñānatamobhedabhānave ciddhanāya te /
svatantrāya dayākḷptavigrahāya śivātmane //

1.89.7

paratantrāya bhaktānāṃ bhavyānāṃ bhavyarūpiṇe /
vivekināṃ vivekāya vimarśāya vimarśinām //

1.89.8

prakāśānāṃ prakāśāya jñānināṃ jñānarūpiṇe /
purastātpārśvayoḥ pṛṣṭhe namaḥ kuryāmuparyadhaḥ //

1.89.9

sadā mañcittasadane vidhehi bhavadāsanam /
iti stutvā guruṃ bhaktyā parāṃ devīṃ vicintayet //

1.89.10

gaṇeśagrahanakṣatrayoginīrāśirūpiṇīm /
devīṃ mantramayīṃ naumi mātṛkāpīṭharūpiṇīm //

1.89.11

praṇamāmi mahādevīṃ mātṛkāṃ parameśvarīm /
kālahṛlloholollohakalānāśanakāriṇīm //

1.89.12

yadakṣarai kamātre 'pi saṃsiddhe sparddhate naraḥ /
ravitārkṣyendukandarpaiḥ śaṅkarānalaviṣṇubhiḥ //

1.89.13

yadakṣaraśaśijyotsnāmaṇḍitaṃ bhuvanatrayam /
vande sarveśvarīṃ devīṃ mahāśrīsiddhamātṛkām //

1.89.14

yadakṣaramahāsūtraprotametajjagattrayam /
brahmāṇḍādikaṭāhāntaṃ tāṃ vande siddhamātṛkām //

1.89.15

yadekādaśamādhāraṃ bījaṃ koṇatrayodbhavam /
brahmāṇḍādikaṭāhāntaṃ jagadadyāpi dṛśyate //

1.89.16

akacādiṭatonnaddhapayaśākṣaravargiṇīm /
jyeṣṭhāṅgabāhuhṛtkaṇṭhakaṭipādanivāsinīm //

1.89.17

naumīkārākṣaroddhārāṃ sārātsārāṃ parātparām /
praṇamāmi mahādevīṃ paramānandarūpiṇīm //

1.89.18

athāpi yasyā jānanti na manāgapi devatāḥ /
keyaṃ kasmātkva keneti sarūpārūpabhāvanām //

1.89.19

vande tāmahamakṣayyāṃ kṣakārākṣararūpiṇīm /
devīṃ kulakalollolaprollasantīṃ śivāṃ parām //

1.89.20

vargānukramayogena yasyākhyomāṣṭakaṃ sthitam /
vande tāmaṣṭavargotthamahāsiddhyādikeśvarīm //

1.89.21

kāmapūrṇajakārākhya supīṭhāntarnnivāsinīm /
caturājñākośabhūtāṃ naumi śrītripurāmaham //

1.89.22

etatstotraṃ tu nityānāṃ yaḥ paṭhetsusamāhitaḥ /
pūjādau tasya sarvātā varadāḥ syurna saṃśayaḥ //

1.89.23

atha te kavacaṃ devyā vakṣye navaratātmakam /
yena devāsuranarajayī syātsādhakaḥ sadā //

1.89.24

sarvataḥ sarvadātmānaṃ lalitā pātu sarvagā /
kāmeśī purataḥ pātu bhagamālī tvanantaram //

1.89.25

diśaṃ pātu tathā dakṣapārśvaṃ me pātu sarvadā /
nityaklinnāthaṃ bheruṇḍādiśaṃ me pātu kauṇapīm //

1.89.26

tathaiva paścimaṃ bhāgaṃ rakṣatādvahnivāsinī /
mahāvajreśvarī nityā vāyavye māṃ sadāvatu //

1.89.27

vāmapārśvaṃ sadā pātu itīmelaritā tataḥ /
māheśvarī diśaṃ pātu tvaritaṃ siddhidāyinī //

1.89.28

pātu māmūrdhvataḥ śaścaddaivatākulasuṃdarī /
adho nīlapatākākhyā vijayā sarvataśca mām //

1.89.29

karotu me maṅgalāni sarvadā sarvamaṅgalā /
dehṝndriyamanaḥ prāṇāñjvālāmālinivigrahā //

1.89.30

pālayatvaniśaṃ cittā cittaṃ me sarvadāvatu /
kāmātkrodhāttathā lobhānmohānmānānmadādapi //

1.89.31

pāpānmāṃ sarvataḥ śokātsaṃkṣayātsarvataḥ sadā /
asatyātkrūracintātohiṃsātaścauratastathā /
staimityācca sadā pāntu prerayantyaḥ śubhaṃ prati //

1.89.32

nityāḥ ṣoḍaśa māṃ pāntu gajārūḍhāḥ svaśaktibhiḥ /
tathā hayasamārūḍhāḥ pāntu māṃ sarvataḥ sadā //

1.89.33

siṃhārūḍhāstathā pāntu pāntu ṛkṣagatā api /
rathārūḍhāśca māṃ pāntu sarvataḥ sarvadā raṇe //

1.89.34

tārkṣyārūḍhāśca māṃ pāntu tathā vyomagatāśca tāḥ /
bhūtagāḥ sarvagāḥ pāntu pāntu devyaśca sarvadā //

1.89.35

bhūtapretapiśācāśca parakṛtyādikān gadān /
drāvayantu svaśaktīnāṃ bhūṣaṇairāyudhairmama //

1.89.36

gajāśvadvīpipañcāsyatārkṣyārūḍhākhilāyudhāḥ /
asaṃkhyāḥ śaktayo devyaḥ pāntu māṃ sarvataḥ sadā //

1.89.37

sāyaṃ prātarjapannityākavacaṃ sarvarakṣakam /
kadācinnāśubhaṃ paśyetsarvadānandamāsthitaḥ //

1.89.38

ityetatkavacaṃ proktaṃ lalitāyāḥ śubhāvaham /
yasya śandhāraṇānmartyo nirbhayo vijayī sukhī //

1.89.39

atha nāmnāṃ sahasraṃ te vakṣye sāvaraṇārcanam /
ṣoḍaśānāmapi mune svasvakramagatātmakam //

1.89.40

lalitā cāpi vā kāmeśvarī ca bhagamālinī /
nityaklinnā ca bheruṇḍā kīrtitā vahnivāsinī //

1.89.41

vajreśvarī tathā dūtī tvaritā kulasuṃdarī /
nityā saṃvittathā nīlapatākā vijayāhvayā //

1.89.42

sarvamaṅgalikā cāpi jvālāmālinisaṃjñitā /
citrā ceti kramānnityāḥ ṣoḍaśapīṣṭavigrahāḥ //

1.89.43

kurukullā ca vārāhī dve ete ceṣṭavigrahe /
vaśinī cāpi kāmeśī mohinī vimalāruṇā //

1.89.44

tapinī ca tathā sarveśvarī cāpyatha kaulinī /
mudrāṇantanuriṣvarṇarūpā cāpārṇavigrahā //

1.89.45

pāśavarṇaśarīrā cākurvarṇasuvapurddharā /
trikhaṇḍā sthāpanī sannirodhanī cāvaguṇṭhanī //

1.89.46

sannidhāneṣu cāpākhyā tathā pāśāṅkuśābhidhā /
namaskṛtistathā saṃkṣobhaṇī vidrāvaṇī tathā //

1.89.47

ākarṣaṇī ca vikhyātā tathaivāve śakāriṇī /
unmādinī mahāpūrvā kuśātho khecarī matā //

1.89.48

bījā śaktyutthāpanā ca sthūlasūkṣmaparābhidhā /
aṇimā laghimā caiva mahimā garimā tathā //

1.89.49

prāptiḥ prakāmitā cāpi ceśitā vaśitā tathā /
bhuktiḥ siddhistathaivecchā siddhirūpā ca kīrtitā //

1.89.50

brāhmī māheśvarī caiva kaumārī vaiṣṇavī tathā /
vārāhīndrāṇī cāmuṇḍā mahālakṣmīsvarūpiṇī //

1.89.51

kāmā buddhirahṝṅkāraśabdasparśasvarūpiṇī /
rūparūpā rasāhvā ca gandhavittadhṛtistathā //

1.89.52

nābhabījāmṛtākhyā ca smṛtidehātmarūpiṇī /
kusumā mekhalā cāpi madanā madanāturā //

1.89.53

rekhā saṃveginī caiva hyaṅkuśā mālinīti ca /
saṃkṣobhiṇī tathā vidrāviṇyākarṣaṇarūpiṇī //

1.89.54

āhlādinīti ca proktā tathā samohinīti ca /
staṃbhinījaṃbhinīcaiva vaśaṅkaryatha rañjinī //

1.89.55

unmādinī tathaivārthasādhinīti prakīrtitā /
saṃpattipūrṇā sā mantramayī dvandvakṣayaṅkarī //

1.89.56

siddhiḥ saṃpatpradācaiva priyamaṅgalakāriṇī /
kāmapradā nigaditā tathā duḥkhavimocinī //

1.89.57

mṛtyupraśamanīcaiva tathā vighnanivāriṇī /
aṅgasuṃdarikā caiva tathā saubhāgyadāyinī //

1.89.58

jñānaiśvaryapradā jñānamayī caiva ca pañcamī /
vindhyavāsanakā ghorasvarūpā pāpahāriṇī //

1.89.59

tathānandamayī rakṣā rūpepsitaphalapradā /
jayinī vimalā cātha kāmeśī vajriṇī bhahagā //

1.89.60

trailokyamohanā sthānā sarvāśāparipūraṇī /
sarvasakṣobhaṇagatā saubhāgyapradasaṃsthitā //

1.89.61

sarvārthasādhakāgārā sarvarogaharāsthitā /
sarvarakṣākarāsthānā sarvasiddhipradasthitā //

1.89.62

sarvānandamayādhārabindusthānaśivātmikā /
prakṛṣṭā ca tathā guptā jñeyā guptatarāpi ca //

1.89.63

saṃpradāyasvarūpā ca kulakaulanigarbhagā /
rahasyāparāparaprākṛttathaivātirahasyakā //

1.89.64

tripurā tripureśī ca tathaiva puravāsinī /
śrīmālinī ca siddhāntā mahātripurasuṃdarī //

1.89.65

navaratnamayadvīpanavakhaṇḍavirājitā /
kalpakodyānasaṃsthā ca ṛturūpendriyārcakā //

1.89.66

kālamudrā mātṛkākhyā ratnadeśopadeśikā /
tattvāgrahagābhidhā mūrtistathaiva viṣayadvipā //

1.89.67

deśakālākāraśabdarūpā saṃgītayoginī /
samastaguptaprakaṭasiddhayoginicakrayuk //

1.89.68

vahnisūryendubhūtāhvā tathātmāṣṭākṣarāhvayā /
pañcadhāryāsvarūpā ca nānāvratasamāhvayā //

1.89.69

niṣiddhācārarahitā siddhacihnasvarūpiṇī /
caturddhā kūrmabhāgasthā nityādyarcāsvarūpiṇī //

1.89.70

damanādisamabhyarcā ṣaṭkarmasiddhidāyinī /
tithivārapṛthagdravyasamarcanaśubhāvahā //

1.89.71

vāyośyanaṅgakusumā tathaivānaṅgamekhalā /
anaṅgamadanānaṅgamadanāturasāhvayā //

1.89.72

madadeginīkā caiva tathā bhuvanapālinī /
śaśilekhā samuddiṣṭā gatilekhāhvayā matā //

1.89.73

śraddhā prīti ratiścaiva dhṛtiḥ kāntirmanoramā /
manoharā samākhyātā tathaiva hi manorathā //

1.89.74

madanonmādinī caiva modinī śaṅkhinī tathā /
śoṣiṇī caiva śaṅkārī siṃjinī subhagā tathā //

1.89.75

pūṣācedvāsumanasā ratiḥ prītirdhṛtistathā /
ṛddhiḥ saumyā marīciśca tathaiva hyaṃśumālinī //

1.89.76

śaśinī cāṅgirā chāyā tathā saṃpūrṇamaṇḍalā /
tuṣṭistathāmṛtākhyā ca ḍākinī sātha lokapā //

1.89.77

baṭukebhāsvarūpā ca durgā kṣetreśarūpiṇī /
kāmarājasvarūpā ca tathā manmatharūpiṇī //

1.89.78

kandarpparūpiṇī caiva tathā makaraketanā /
manobhavasvarūpā ca bhāratī varṇarūpiṇī //

1.89.79

madanā mohinī līlā jaṃbhinī codyamā śubhā /
hlādinī drāviṇī prītī ratī raktā manoramā //

1.89.80

sarvonmādā sarvamukhā hyabhaṅgā cāmitodyamā /
analpāvyaktavibhavā vividhākṣobhavigrahā //

1.89.81

rāgaśaktirdveṣaśaktistathā śabdādirūpiṇī /
nityā nirañjanā klinnā kledenī madanāturā //

1.89.82

madadravā drāviṇī ca draviṇī caiti kīrtitā /
madāvilā maṅgalā ca manmathānī manasvinī //

1.89.83

mohā modā mānamayī māyā mandā mitāvatī /
vijayā vimalā caiva śubhā viśvā tathaiva ca //

1.89.84

vibhūtirvinatā caiva vividhā vinatā kramāt /
kamalā kāminī caiva kirātā kīrtirūpiṇī //

1.89.85

kuṭṭinī ca samuddiṣṭā tathaiva kulasuṃdarī /
kalyāṇī kālakolā ca ḍākinī śākinī tathā //

1.89.86

lākinī kākinī caiva rākinī kākinī tathā /
icchājñānā kriyākhyā cāpyāyudhāṣṭakadhāriṇī //

1.89.87

kapardinī samuddiṣṭā tathaiva kulasuṃdarī /
jvālinī visphuliṅgā ca maṅgalā sumanoharā //

1.89.88

kanakā kinavā vidyā vividhā ca prakīrtitā /
meṣā vṛṣāhvayā caiva mithunā karkaṭā tathā //

1.89.89

siṃhā kanyā tulā kīṭā cāpā ca makarā tathā /
kumbhā mīnā ca sārā ca sarvabhakṣā tathaiva ca //

1.89.90

viśvātmā vividhodbhūtacitrarūpā ca kīrtitā /
niḥsapatnā nirātaṅkā yācanācintyavaibhavā //

1.89.91

raktā caiva tataḥ proktāvidyāprāptisvapiṇī /
hṛllekhā kledinī klinnā kṣobhiṇī madanāturā //

1.89.92

nipandanā rāgavatī tathaiva madanāvatī /
mekhalā drāviṇī vegavatī caiva prakīrtitā //

1.89.93

kamalā kāminī kalpā kalā ca kalitādbhutā /
kiratā ca tathā kālā kadanā kauśikā tathā //

1.89.94

kaṃbuvādanikā caiva kātarā kapaṭā tathā /
kīrtiścāpi kumārī ca kuṅkumā parikīrtitā //

1.89.95

bhañjinī veginī nāgā capalā peśalā satī /
ratiḥ śraddhā bhogalolā madonmattā manasvinī //

1.89.96

vihvalā karṣiṇī lolā tathā madanamālinī /
vinodā kautukā puṇyā purāṇā parikīrtitā //

1.89.97

vāgīśī varadā viśvā vibhavāvighnakāriṇī /
bījavighnaharā vidyā sumukhī suṃdarī tathā //

1.89.98

sārā ca sumanā caiva tathā proktā sarasvatī /
samayā sarvagā viddhā śivā vāṇī ca kīrtitā //

1.89.99

dūrasiddhā tathā proktātho vigrahagavatī matā /
nādā manonmanī prāṇapratiṣṭhāruṇavaibhavā //

1.89.100

prāṇāpānā samānā ca vyānodānā ca kīrtitā /
nāgā kūrmā taca kṛkalā devadattā dhanañjayā //

1.89.101

phaṭkārī kiṅkarārādhyā jayā ca vijayā tathā /
huṅkārī kheṭacarī caṇḍāchedinī kṣapiṇī tathā //

1.89.102

strīhuṅkārī kṣemakārī caturakṣararūpiṇī /
śrīvidyāmatavarṇāṅgī kālī yāmyā nṛpārṇakā //

1.89.103

bhāṣā sarasvatī vāṇī saṃskṛtā parā /
bahurūpā cittarūpā ramyānandā ca kautukā //

1.89.104

trayākhyā paramātmākhyāpyameyavibhavā tathā /
vāksvarūpā bindusargarūpā viśvātmikā tathā //

1.89.105

tathā traipurakandākhyā jñātrāditrividhātmikā /
āyurlakṣmīkīrtibhogasaindaryārogyadāyikā //

1.89.106

aihikāmuṣmikajñānamayī ca parikīrtitā /
jīvākhyā vijayākhyā ca tathaiva viśvavinmayī //

1.89.107

hṛdādividyā rūpādibhāmurūpāḥ jagadūpuḥ /
viśvamo hanikā caiva tripurāmṛtasaṃjñikā //

1.89.108

sarvāpyāyanarūpā ca mohinī kṣobhaṇī tathā /
kledinī ca samākhyātā tathaiva ca mahodayā //

1.89.109

saṃpatkarī halakṣārṇā sīmāmātṛtanū ratiḥ /
prītirmanobhavā vāpi proktā vārādhipā tathā //

1.89.110

trikūṭā cāpi ṣaṭkūṭā pañcakūṭā viśuddhagā /
anāhata gatā caiva maṇipūrakasaṃsthitā //

1.89.111

svādhiṣṭhānasamāsīnādhārasthājñāsamāsthitā /
ṣaṭtriṃśatkūṭarūpā ca pañcāśanmithunātmikā //

1.89.112

pādukādikasiddhīśā tathā vijayadāyinī /
kāmarūpapradā vetālarūpā ca piśācikā //

1.89.113

vicitrā vibhramā haṃsī bhīṣaṇī janarañjikā /
viśālā madanā tuṣṭā kālakaṇṭhī mahābhayā //

1.89.114

māhendrī śaṅkhinī caindrī maṅgalā vaṭavāsinī /
mekhalā sakalā lakṣmīrmālinīviśvanāyikā //

1.89.115

sulocanā suśobhā ca kāmadā ca vilāsinī /
kāmeśvarī nandinī ca svarṇarekhā manoharā //

1.89.116

pramodā rāgiṇī siddhā padminī ca ratipriyā /
kalyāṇadā kalādakṣā tataśca surasundarī //

1.89.117

vibhramā vāhakā vīrā vikalā korakākaviḥ /
siṃhanādā mahānādā sugrīvā markaṭā śaṭhā //

1.89.118

biḍālākṣā biḍālāsyā kumārī khecarī bhavā /
mayūrā maṅgalā bhīmā dvipavaktrā kharānanā //

1.89.119

mātaṅgī ca niśācārā vṛṣagrāhā vṛkānanā /
sairibhāsyā gajamukhā paśuvaktrā mṛgānanā //

1.89.120

kṣobhakā maṇibhadrā ca krīḍakā siṃhacakrakā /
mahodarā sthūlaśikhā vikṛtāsyā varānanā //

1.89.121

capalā kukkuṭāsyā ca pāvinī madanālasā /
manoharā dīrghajaṅghā sthūladantā daśānanā //

1.89.122

sumukhā paṇḍitā kruddhā varāhāsyā saṭāmukhā /
kapaṭā kautukā kālā kiṅkarā kitavā khalā //

1.89.123

bhakṣakā bhayadā siddhā sarvagā ca prakīrtitā /
jayā ca vijayā durgā bhadrā bhadrakarī tathā //

1.89.124

ambikā vāmadevī ca mahāmāyāsvarūpiṇī /
vidārikā viśvamayī viśvā viśvavibhañjitā //

1.89.125

vīrā vikṣobhiṇī vidyā vinodā bījavigrahā /
vītaśokā viṣagrīvā vipulā vijayapradā //

1.89.126

vibhavā vividhā viprā tathaiva parikīrtitā /
manoharā maṅgalī ca madotsiktā manasvinī //

1.89.127

māninī madhurā māyā mohinī ca tathā smṛtā /
bhadrā bhavānī bhavyā ca viśālākṣī śucismitā //

1.89.128

kakubhā kamalā kalpā kalātho pūraṇī tathā /
nityā cāpyamṛtā caiva jīvitā ca tathā dayā //

1.89.129

aśokā hyamalā pūrṇā pūrṇā bhāgyodyatā tathā /
vivekā vibhavā viśvā vitatā ca prakīrtitā //

1.89.130

kāminī khecarī garvā purāṇāparameśvarī /
gaurī śivā hyameyā ca vimalā vijayā parā //

1.89.131

pavitrā padminī vidyā viśveśī śivavallabhā /
aśeṣarūpā hyānandāṃbujākṣī cāpyaninditā //

1.89.132

varadā vākyadā vāṇī vividhā vedavigrahā /
vidyā vāgīśvarī satyā saṃyatā ca sarasvatī //

1.89.133

nirmalānandarūpā ca hyamṛtā manidā tathā /
pūṣā caiva tathā puṣṭistuṣṭiścāpi ratirdhṛtiḥ //

1.89.134

śaśinī caidrikā kāntijyotsnā śrīḥ prītiraṅgagadā /
pūrṇā pūrṇāmṛtā kāmadāyinīndukalātmikā //

1.89.135

tapinī tāpinī dhūmrā marīcirjvālinī ruciḥ /
suṣumṇā bhogadā viśvā bādhinī dhārinī dhāriṇī kṣamā //

1.89.136

dhūmrārcirūṣmā jvalinī jvālinī visphuliṅginī /
suśrīḥ svarūpā kapilā havyakavyavahā tathā //

1.89.137

ghasmarā viśvakavalā lolākṣī lolajihvikā /
sarvabhakṣā sahasrākṣī niḥsaṃgā ca gatipriyā //

1.89.138

arcityācāprameyā ca pūrṇarūpā durāsadā /
sarvā saṃsiddhirūpā ca pāvanītyekarūpiṇī //

1.89.139

tathā yāmalavedhākhyā śākte vedasvarūpiṇī /
tathā śāṃbhavavedhā ca bhāvanāsiddhisṛcinī //

1.89.140

vahnirūpā tathā dasrā hyamāvighnā bhujaṅgamā /
ṣaṇmukhā ravirūpā ca mātā durgā diśā tathā //

1.89.141

dhanadā keśavā cāpi yamī caiva harā śaśā /
aśvinī ca yamī vahni rūpā dhātrīti kīrtitā //

1.89.142

candrā śivāditirjīvā sarpiṇī pitṛrūpiṇī /
aryamṇā ca bhagā sūryā tvāṣṭrimārutisaṃjñikā //

1.89.143

indrāgnirūpā mitrā cāpīndrāṇī nirṛtirjalā /
vaiśvadevī haritabhūrvāsavī varuṇā jayā //

1.89.144

ahirbudhnyā pūṣaṇī ca tathā kāraskarāmalā /
uduṃbarā jaṃbukā ca khadirā kṛṣṇārūpiṇī //

1.89.145

vaṃśā ca pippalā nāgā rohiṇā ca palāśakā /
pakṣakā ca tathāmbaṣṭhā bilvācārjunarūpiṇī //

1.89.146

vikaṅkatā ca kakubhā saralā cāpi sarjikā /
vañjulā panasārkā ca śamī halipriyāmrakā //

1.89.147

nimbā madhūkasaṃjñā cāpyaśvatthā ca gajāhvayā /
nāginī sarpiṇī caiva śunī cāpi biḍālikī //

1.89.148

chāgī mārjārikā mūṣī vṛṣabhā māhiṣī tathā /
śārdūlī sairibhī vyāghrī hariṇī ca mṛgī śunī //

1.89.149

kapirūpā ca goghaṇṭā vānarī ca narāśvinī /
nagā gaurhastinī ceti tathā ṣaṭcakravāsinī //

1.89.150

trikhaṇḍā tīrapālākhyā bhrāmaṇī draviṇī tathā /
somā sūryā tithirvārā yogārkṣā karaṇātmikā //

1.89.151

yakṣiṇī tāraṇā vyomaśabdādyāprāṃṇinī ca dhīḥ /
krodhinī staṃbhinī caṇḍoñcaṇḍā brāhmādirūpiṇī //

1.89.152

siṃhasthā vyāghragā caiva gajāśvagaruḍasthitā /
bhaumāpyā taijasīvāyurūpīṇī nābhasā tathā //

1.89.153

ekāvaktrā caturvaktrā navaktrā navavaktrā kalānanā /
pañcaviṃśativaktrā ca ṣaḍviṃśadvadanā tathā //

1.89.154

ūnapañcāśadāsyā ca catuḥṣaṣṭi mukhā tathā /
ekāśītimukhā caiva śatānanasamanvitā //

1.89.155

sthūlarūpā sūkṣmarūpā tejovigrahadhāriṇī /
vṛṇāvṛttisvarūpā ca nāthāvṛttisvarūpiṇī //

1.89.156

tattvāvṛttisvarūpāpi nityāvṛttivapurddharā //

1.89.157

aṅgāvṛttisvarūpā cāpyāyudhāvṛttirūpiṇī /
gurupaṅktisvarūpā ca vidyāvṛttitanustathā //

1.89.158

brahmādyāvṛttirūpā ca parā paśyatikā tathā /
madhyamā vaikharī śīrṣakaṇṭhatālvoṣṭhadantagā //

1.89.159

jihvāmūlagatā nāsāgatoraḥ sthalagāminī /
padavākyasvarūpā ca vedabhāṣāsvarūpiṇī //

1.89.160

sekākhyā vīkṣaṇākhyā copadeśākhyā tathaiva ca /
vyākulākṣarasaṃketā gāyatrī praṇavādikā //

1.89.161

japahomārcanadhyānayantratarpaṇarūpiṇī /
siddhasārasvatā mṛtyuñjayā ca tripurā tathā //

1.89.162

gāruḍā cānnapūrṇā cāpyaśvarūḍhā navātmikā /
gaurī ca devī hṛdayā lakṣadā ca mataṅginī //

1.89.163

niṣkatrayapadā ceṣṭā vādinī ca prakīrtitā /
rājalakṣmīrmahālakṣmīḥ siddhalakṣmīrgavānanā //

1.89.164

ityevaṃ lalitādevyā divyaṃ nāmasahasrakam /
sarvārthasiddhidaṃ proktaṃ caturvargaphalapradam //

1.89.165

etannityamuṣaḥkāle yo japecchuddhamānasaḥ /
sa yo gī brahmavijjñānī śivayogī tathātmavit //

1.89.166

dvirāvṛttyā prajapato hyāyurārogyasaṃpadaḥ /
lokānurañjanaṃ nārīnṛpāvarjanakarma ca //

1.89.167

apṛthaktvena siddhyanti sādhakasyāsya niścitam /
trirāvṛttyāsya vai puṃso viśvaṃ bhūyādvaśe 'khilam //

1.89.168

caturāvṛttitaścāsya samīhitamanāratam /
phalatyeva prayogārhe lokarakṣākaro bhavet //

1.89.169

pañcāvṛttyā narā nāryo nṛpā devāśca jantavaḥ /
bhajantyenaṃ sādhakaṃ ca devyāmāhitacetasaḥ //

1.89.170

ṣaḍāvṛttyā tanmayaḥ syātsādhakaścāsya siddhayaḥ /
acireṇaiva devīnāṃ prasādātsaṃbhavanti ca //

1.89.171

saptāvṛttyārirogādikṛtyāpasmāranāśanam /
aṣṭāvṛttyā naro bhūpānnigrahānugrahakṣamaḥ //

1.89.172

navāvṛttyā manmathābho vikṣobhayati bhūtalam /
daśāvṛttyā paṭhennityaṃ vāglakṣmīkāntisiddhaye //

1.89.173

rudrāvṛttyākhilarddhiśca tadāyattaṃ jagadbhavet /
arkāvṛttyā siddhibhiḥ syāddigbhirmartyo haropamaḥ //

1.89.174

viśvāvṛttyā tu vijayī sarvataḥ syātsukhī naraḥ /
śakrāvṛttyākhileṣṭāptiḥ sarvato maṅgalaṃ bhavet //

1.89.175

tithyāvṛttyākhilāniṣṭānayantādāpnuyānnaraḥ /
ṣoḍaśāvṛttito bhūyānnaraḥ sākṣānmaheśvaraḥ //

1.89.176

viśvaṃ sraṣṭuṃ pālayituṃ saṃhatu ca kṣamo bhavet /
maṇḍalaṃ māsamātraṃ vā yo japedyadyadāśayaḥ //

1.89.177

tattadevāpnuyātsatyaṃ śivasya vacanaṃ yathā /
ityetatkathitaṃ vipra nityāvṛttyarcanāśritam //

1.89.178

nāmnāṃ sahasraṃ manaso 'bhīṣṭasaṃpādanakṣamam //

1.89.178.p1

iti śrībṛhannāradīyapurāṇe pūrvabhāge bṛhadupākhyāne tṛtīyapāde lalitāstotra kavacasahasranāmakathanaṃ nāmaikonanavatitamo 'dhyāyāḥ // 89 //

Linked texts (7)