[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.89 # Naradapurana 1.89 Nāradapurāṇa 1.89 - **Language:** Sanskrit ## Contents - [1.89.178](https://indike.org/pramana/in.purana.narada.1.89.178) — 1 part ### [1.89.1](https://indike.org/pramana/in.purana.narada.1.89.1) sanatkumāra uvāca athāsāmāvṛtisthānāṃ śaktīnāṃ samayena ca / nāmnāṃ sahasraṃ vakṣyāmi gurudhyānapuraḥ saram // ### [1.89.2](https://indike.org/pramana/in.purana.narada.1.89.2) nāthā nava prakāśādyāḥ subhagāntāḥ prakīrtitāḥ / bhūmyādīniśivāntāni viddhi tattvāni nārada // ### [1.89.3](https://indike.org/pramana/in.purana.narada.1.89.3) gurujanmādiparvāṇi darśāntāni ca sapta vai / etāni prāhamanovṛttyā cintayetsādhakottamaḥ // ### [1.89.4](https://indike.org/pramana/in.purana.narada.1.89.4) gurustotraṃ japeccāpi tadgatenāntarātmanā / namaste nātha bhagavañśivāya gururūpiṇe // ### [1.89.5](https://indike.org/pramana/in.purana.narada.1.89.5) vidyāvatārasaṃsiddhyai svaukṛtānekavigraha / navāya navarūpāya paramārthaikarūpiṇe // ### [1.89.6](https://indike.org/pramana/in.purana.narada.1.89.6) sarvājñānatamobhedabhānave ciddhanāya te / svatantrāya dayākḷptavigrahāya śivātmane // ### [1.89.7](https://indike.org/pramana/in.purana.narada.1.89.7) paratantrāya bhaktānāṃ bhavyānāṃ bhavyarūpiṇe / vivekināṃ vivekāya vimarśāya vimarśinām // ### [1.89.8](https://indike.org/pramana/in.purana.narada.1.89.8) prakāśānāṃ prakāśāya jñānināṃ jñānarūpiṇe / purastātpārśvayoḥ pṛṣṭhe namaḥ kuryāmuparyadhaḥ // ### [1.89.9](https://indike.org/pramana/in.purana.narada.1.89.9) sadā mañcittasadane vidhehi bhavadāsanam / iti stutvā guruṃ bhaktyā parāṃ devīṃ vicintayet // ### [1.89.10](https://indike.org/pramana/in.purana.narada.1.89.10) gaṇeśagrahanakṣatrayoginīrāśirūpiṇīm / devīṃ mantramayīṃ naumi mātṛkāpīṭharūpiṇīm // ### [1.89.11](https://indike.org/pramana/in.purana.narada.1.89.11) praṇamāmi mahādevīṃ mātṛkāṃ parameśvarīm / kālahṛlloholollohakalānāśanakāriṇīm // ### [1.89.12](https://indike.org/pramana/in.purana.narada.1.89.12) yadakṣarai kamātre 'pi saṃsiddhe sparddhate naraḥ / ravitārkṣyendukandarpaiḥ śaṅkarānalaviṣṇubhiḥ // ### [1.89.13](https://indike.org/pramana/in.purana.narada.1.89.13) yadakṣaraśaśijyotsnāmaṇḍitaṃ bhuvanatrayam / vande sarveśvarīṃ devīṃ mahāśrīsiddhamātṛkām // ### [1.89.14](https://indike.org/pramana/in.purana.narada.1.89.14) yadakṣaramahāsūtraprotametajjagattrayam / brahmāṇḍādikaṭāhāntaṃ tāṃ vande siddhamātṛkām // ### [1.89.15](https://indike.org/pramana/in.purana.narada.1.89.15) yadekādaśamādhāraṃ bījaṃ koṇatrayodbhavam / brahmāṇḍādikaṭāhāntaṃ jagadadyāpi dṛśyate // ### [1.89.16](https://indike.org/pramana/in.purana.narada.1.89.16) akacādiṭatonnaddhapayaśākṣaravargiṇīm / jyeṣṭhāṅgabāhuhṛtkaṇṭhakaṭipādanivāsinīm // ### [1.89.17](https://indike.org/pramana/in.purana.narada.1.89.17) naumīkārākṣaroddhārāṃ sārātsārāṃ parātparām / praṇamāmi mahādevīṃ paramānandarūpiṇīm // ### [1.89.18](https://indike.org/pramana/in.purana.narada.1.89.18) athāpi yasyā jānanti na manāgapi devatāḥ / keyaṃ kasmātkva keneti sarūpārūpabhāvanām // ### [1.89.19](https://indike.org/pramana/in.purana.narada.1.89.19) vande tāmahamakṣayyāṃ kṣakārākṣararūpiṇīm / devīṃ kulakalollolaprollasantīṃ śivāṃ parām // ### [1.89.20](https://indike.org/pramana/in.purana.narada.1.89.20) vargānukramayogena yasyākhyomāṣṭakaṃ sthitam / vande tāmaṣṭavargotthamahāsiddhyādikeśvarīm // ### [1.89.21](https://indike.org/pramana/in.purana.narada.1.89.21) kāmapūrṇajakārākhya supīṭhāntarnnivāsinīm / caturājñākośabhūtāṃ naumi śrītripurāmaham // ### [1.89.22](https://indike.org/pramana/in.purana.narada.1.89.22) etatstotraṃ tu nityānāṃ yaḥ paṭhetsusamāhitaḥ / pūjādau tasya sarvātā varadāḥ syurna saṃśayaḥ // ### [1.89.23](https://indike.org/pramana/in.purana.narada.1.89.23) atha te kavacaṃ devyā vakṣye navaratātmakam / yena devāsuranarajayī syātsādhakaḥ sadā // ### [1.89.24](https://indike.org/pramana/in.purana.narada.1.89.24) sarvataḥ sarvadātmānaṃ lalitā pātu sarvagā / kāmeśī purataḥ pātu bhagamālī tvanantaram // ### [1.89.25](https://indike.org/pramana/in.purana.narada.1.89.25) diśaṃ pātu tathā dakṣapārśvaṃ me pātu sarvadā / nityaklinnāthaṃ bheruṇḍādiśaṃ me pātu kauṇapīm // ### [1.89.26](https://indike.org/pramana/in.purana.narada.1.89.26) tathaiva paścimaṃ bhāgaṃ rakṣatādvahnivāsinī / mahāvajreśvarī nityā vāyavye māṃ sadāvatu // ### [1.89.27](https://indike.org/pramana/in.purana.narada.1.89.27) vāmapārśvaṃ sadā pātu itīmelaritā tataḥ / māheśvarī diśaṃ pātu tvaritaṃ siddhidāyinī // ### [1.89.28](https://indike.org/pramana/in.purana.narada.1.89.28) pātu māmūrdhvataḥ śaścaddaivatākulasuṃdarī / adho nīlapatākākhyā vijayā sarvataśca mām // ### [1.89.29](https://indike.org/pramana/in.purana.narada.1.89.29) karotu me maṅgalāni sarvadā sarvamaṅgalā / dehṝndriyamanaḥ prāṇāñjvālāmālinivigrahā // ### [1.89.30](https://indike.org/pramana/in.purana.narada.1.89.30) pālayatvaniśaṃ cittā cittaṃ me sarvadāvatu / kāmātkrodhāttathā lobhānmohānmānānmadādapi // ### [1.89.31](https://indike.org/pramana/in.purana.narada.1.89.31) pāpānmāṃ sarvataḥ śokātsaṃkṣayātsarvataḥ sadā / asatyātkrūracintātohiṃsātaścauratastathā / staimityācca sadā pāntu prerayantyaḥ śubhaṃ prati // ### [1.89.32](https://indike.org/pramana/in.purana.narada.1.89.32) nityāḥ ṣoḍaśa māṃ pāntu gajārūḍhāḥ svaśaktibhiḥ / tathā hayasamārūḍhāḥ pāntu māṃ sarvataḥ sadā // ### [1.89.33](https://indike.org/pramana/in.purana.narada.1.89.33) siṃhārūḍhāstathā pāntu pāntu ṛkṣagatā api / rathārūḍhāśca māṃ pāntu sarvataḥ sarvadā raṇe // ### [1.89.34](https://indike.org/pramana/in.purana.narada.1.89.34) tārkṣyārūḍhāśca māṃ pāntu tathā vyomagatāśca tāḥ / bhūtagāḥ sarvagāḥ pāntu pāntu devyaśca sarvadā // ### [1.89.35](https://indike.org/pramana/in.purana.narada.1.89.35) bhūtapretapiśācāśca parakṛtyādikān gadān / drāvayantu svaśaktīnāṃ bhūṣaṇairāyudhairmama // ### [1.89.36](https://indike.org/pramana/in.purana.narada.1.89.36) gajāśvadvīpipañcāsyatārkṣyārūḍhākhilāyudhāḥ / asaṃkhyāḥ śaktayo devyaḥ pāntu māṃ sarvataḥ sadā // ### [1.89.37](https://indike.org/pramana/in.purana.narada.1.89.37) sāyaṃ prātarjapannityākavacaṃ sarvarakṣakam / kadācinnāśubhaṃ paśyetsarvadānandamāsthitaḥ // ### [1.89.38](https://indike.org/pramana/in.purana.narada.1.89.38) ityetatkavacaṃ proktaṃ lalitāyāḥ śubhāvaham / yasya śandhāraṇānmartyo nirbhayo vijayī sukhī // ### [1.89.39](https://indike.org/pramana/in.purana.narada.1.89.39) atha nāmnāṃ sahasraṃ te vakṣye sāvaraṇārcanam / ṣoḍaśānāmapi mune svasvakramagatātmakam // ### [1.89.40](https://indike.org/pramana/in.purana.narada.1.89.40) lalitā cāpi vā kāmeśvarī ca bhagamālinī / nityaklinnā ca bheruṇḍā kīrtitā vahnivāsinī // ### [1.89.41](https://indike.org/pramana/in.purana.narada.1.89.41) vajreśvarī tathā dūtī tvaritā kulasuṃdarī / nityā saṃvittathā nīlapatākā vijayāhvayā // ### [1.89.42](https://indike.org/pramana/in.purana.narada.1.89.42) sarvamaṅgalikā cāpi jvālāmālinisaṃjñitā / citrā ceti kramānnityāḥ ṣoḍaśapīṣṭavigrahāḥ // ### [1.89.43](https://indike.org/pramana/in.purana.narada.1.89.43) kurukullā ca vārāhī dve ete ceṣṭavigrahe / vaśinī cāpi kāmeśī mohinī vimalāruṇā // ### [1.89.44](https://indike.org/pramana/in.purana.narada.1.89.44) tapinī ca tathā sarveśvarī cāpyatha kaulinī / mudrāṇantanuriṣvarṇarūpā cāpārṇavigrahā // ### [1.89.45](https://indike.org/pramana/in.purana.narada.1.89.45) pāśavarṇaśarīrā cākurvarṇasuvapurddharā / trikhaṇḍā sthāpanī sannirodhanī cāvaguṇṭhanī // ### [1.89.46](https://indike.org/pramana/in.purana.narada.1.89.46) sannidhāneṣu cāpākhyā tathā pāśāṅkuśābhidhā / namaskṛtistathā saṃkṣobhaṇī vidrāvaṇī tathā // ### [1.89.47](https://indike.org/pramana/in.purana.narada.1.89.47) ākarṣaṇī ca vikhyātā tathaivāve śakāriṇī / unmādinī mahāpūrvā kuśātho khecarī matā // ### [1.89.48](https://indike.org/pramana/in.purana.narada.1.89.48) bījā śaktyutthāpanā ca sthūlasūkṣmaparābhidhā / aṇimā laghimā caiva mahimā garimā tathā // ### [1.89.49](https://indike.org/pramana/in.purana.narada.1.89.49) prāptiḥ prakāmitā cāpi ceśitā vaśitā tathā / bhuktiḥ siddhistathaivecchā siddhirūpā ca kīrtitā // ### [1.89.50](https://indike.org/pramana/in.purana.narada.1.89.50) brāhmī māheśvarī caiva kaumārī vaiṣṇavī tathā / vārāhīndrāṇī cāmuṇḍā mahālakṣmīsvarūpiṇī // ### [1.89.51](https://indike.org/pramana/in.purana.narada.1.89.51) kāmā buddhirahṝṅkāraśabdasparśasvarūpiṇī / rūparūpā rasāhvā ca gandhavittadhṛtistathā // ### [1.89.52](https://indike.org/pramana/in.purana.narada.1.89.52) nābhabījāmṛtākhyā ca smṛtidehātmarūpiṇī / kusumā mekhalā cāpi madanā madanāturā // ### [1.89.53](https://indike.org/pramana/in.purana.narada.1.89.53) rekhā saṃveginī caiva hyaṅkuśā mālinīti ca / saṃkṣobhiṇī tathā vidrāviṇyākarṣaṇarūpiṇī // ### [1.89.54](https://indike.org/pramana/in.purana.narada.1.89.54) āhlādinīti ca proktā tathā samohinīti ca / staṃbhinījaṃbhinīcaiva vaśaṅkaryatha rañjinī // ### [1.89.55](https://indike.org/pramana/in.purana.narada.1.89.55) unmādinī tathaivārthasādhinīti prakīrtitā / saṃpattipūrṇā sā mantramayī dvandvakṣayaṅkarī // ### [1.89.56](https://indike.org/pramana/in.purana.narada.1.89.56) siddhiḥ saṃpatpradācaiva priyamaṅgalakāriṇī / kāmapradā nigaditā tathā duḥkhavimocinī // ### [1.89.57](https://indike.org/pramana/in.purana.narada.1.89.57) mṛtyupraśamanīcaiva tathā vighnanivāriṇī / aṅgasuṃdarikā caiva tathā saubhāgyadāyinī // ### [1.89.58](https://indike.org/pramana/in.purana.narada.1.89.58) jñānaiśvaryapradā jñānamayī caiva ca pañcamī / vindhyavāsanakā ghorasvarūpā pāpahāriṇī // ### [1.89.59](https://indike.org/pramana/in.purana.narada.1.89.59) tathānandamayī rakṣā rūpepsitaphalapradā / jayinī vimalā cātha kāmeśī vajriṇī bhahagā // ### [1.89.60](https://indike.org/pramana/in.purana.narada.1.89.60) trailokyamohanā sthānā sarvāśāparipūraṇī / sarvasakṣobhaṇagatā saubhāgyapradasaṃsthitā // ### [1.89.61](https://indike.org/pramana/in.purana.narada.1.89.61) sarvārthasādhakāgārā sarvarogaharāsthitā / sarvarakṣākarāsthānā sarvasiddhipradasthitā // ### [1.89.62](https://indike.org/pramana/in.purana.narada.1.89.62) sarvānandamayādhārabindusthānaśivātmikā / prakṛṣṭā ca tathā guptā jñeyā guptatarāpi ca // ### [1.89.63](https://indike.org/pramana/in.purana.narada.1.89.63) saṃpradāyasvarūpā ca kulakaulanigarbhagā / rahasyāparāparaprākṛttathaivātirahasyakā // ### [1.89.64](https://indike.org/pramana/in.purana.narada.1.89.64) tripurā tripureśī ca tathaiva puravāsinī / śrīmālinī ca siddhāntā mahātripurasuṃdarī // ### [1.89.65](https://indike.org/pramana/in.purana.narada.1.89.65) navaratnamayadvīpanavakhaṇḍavirājitā / kalpakodyānasaṃsthā ca ṛturūpendriyārcakā // ### [1.89.66](https://indike.org/pramana/in.purana.narada.1.89.66) kālamudrā mātṛkākhyā ratnadeśopadeśikā / tattvāgrahagābhidhā mūrtistathaiva viṣayadvipā // ### [1.89.67](https://indike.org/pramana/in.purana.narada.1.89.67) deśakālākāraśabdarūpā saṃgītayoginī / samastaguptaprakaṭasiddhayoginicakrayuk // ### [1.89.68](https://indike.org/pramana/in.purana.narada.1.89.68) vahnisūryendubhūtāhvā tathātmāṣṭākṣarāhvayā / pañcadhāryāsvarūpā ca nānāvratasamāhvayā // ### [1.89.69](https://indike.org/pramana/in.purana.narada.1.89.69) niṣiddhācārarahitā siddhacihnasvarūpiṇī / caturddhā kūrmabhāgasthā nityādyarcāsvarūpiṇī // ### [1.89.70](https://indike.org/pramana/in.purana.narada.1.89.70) damanādisamabhyarcā ṣaṭkarmasiddhidāyinī / tithivārapṛthagdravyasamarcanaśubhāvahā // ### [1.89.71](https://indike.org/pramana/in.purana.narada.1.89.71) vāyośyanaṅgakusumā tathaivānaṅgamekhalā / anaṅgamadanānaṅgamadanāturasāhvayā // ### [1.89.72](https://indike.org/pramana/in.purana.narada.1.89.72) madadeginīkā caiva tathā bhuvanapālinī / śaśilekhā samuddiṣṭā gatilekhāhvayā matā // ### [1.89.73](https://indike.org/pramana/in.purana.narada.1.89.73) śraddhā prīti ratiścaiva dhṛtiḥ kāntirmanoramā / manoharā samākhyātā tathaiva hi manorathā // ### [1.89.74](https://indike.org/pramana/in.purana.narada.1.89.74) madanonmādinī caiva modinī śaṅkhinī tathā / śoṣiṇī caiva śaṅkārī siṃjinī subhagā tathā // ### [1.89.75](https://indike.org/pramana/in.purana.narada.1.89.75) pūṣācedvāsumanasā ratiḥ prītirdhṛtistathā / ṛddhiḥ saumyā marīciśca tathaiva hyaṃśumālinī // ### [1.89.76](https://indike.org/pramana/in.purana.narada.1.89.76) śaśinī cāṅgirā chāyā tathā saṃpūrṇamaṇḍalā / tuṣṭistathāmṛtākhyā ca ḍākinī sātha lokapā // ### [1.89.77](https://indike.org/pramana/in.purana.narada.1.89.77) baṭukebhāsvarūpā ca durgā kṣetreśarūpiṇī / kāmarājasvarūpā ca tathā manmatharūpiṇī // ### [1.89.78](https://indike.org/pramana/in.purana.narada.1.89.78) kandarpparūpiṇī caiva tathā makaraketanā / manobhavasvarūpā ca bhāratī varṇarūpiṇī // ### [1.89.79](https://indike.org/pramana/in.purana.narada.1.89.79) madanā mohinī līlā jaṃbhinī codyamā śubhā / hlādinī drāviṇī prītī ratī raktā manoramā // ### [1.89.80](https://indike.org/pramana/in.purana.narada.1.89.80) sarvonmādā sarvamukhā hyabhaṅgā cāmitodyamā / analpāvyaktavibhavā vividhākṣobhavigrahā // ### [1.89.81](https://indike.org/pramana/in.purana.narada.1.89.81) rāgaśaktirdveṣaśaktistathā śabdādirūpiṇī / nityā nirañjanā klinnā kledenī madanāturā // ### [1.89.82](https://indike.org/pramana/in.purana.narada.1.89.82) madadravā drāviṇī ca draviṇī caiti kīrtitā / madāvilā maṅgalā ca manmathānī manasvinī // ### [1.89.83](https://indike.org/pramana/in.purana.narada.1.89.83) mohā modā mānamayī māyā mandā mitāvatī / vijayā vimalā caiva śubhā viśvā tathaiva ca // ### [1.89.84](https://indike.org/pramana/in.purana.narada.1.89.84) vibhūtirvinatā caiva vividhā vinatā kramāt / kamalā kāminī caiva kirātā kīrtirūpiṇī // ### [1.89.85](https://indike.org/pramana/in.purana.narada.1.89.85) kuṭṭinī ca samuddiṣṭā tathaiva kulasuṃdarī / kalyāṇī kālakolā ca ḍākinī śākinī tathā // ### [1.89.86](https://indike.org/pramana/in.purana.narada.1.89.86) lākinī kākinī caiva rākinī kākinī tathā / icchājñānā kriyākhyā cāpyāyudhāṣṭakadhāriṇī // ### [1.89.87](https://indike.org/pramana/in.purana.narada.1.89.87) kapardinī samuddiṣṭā tathaiva kulasuṃdarī / jvālinī visphuliṅgā ca maṅgalā sumanoharā // ### [1.89.88](https://indike.org/pramana/in.purana.narada.1.89.88) kanakā kinavā vidyā vividhā ca prakīrtitā / meṣā vṛṣāhvayā caiva mithunā karkaṭā tathā // ### [1.89.89](https://indike.org/pramana/in.purana.narada.1.89.89) siṃhā kanyā tulā kīṭā cāpā ca makarā tathā / kumbhā mīnā ca sārā ca sarvabhakṣā tathaiva ca // ### [1.89.90](https://indike.org/pramana/in.purana.narada.1.89.90) viśvātmā vividhodbhūtacitrarūpā ca kīrtitā / niḥsapatnā nirātaṅkā yācanācintyavaibhavā // ### [1.89.91](https://indike.org/pramana/in.purana.narada.1.89.91) raktā caiva tataḥ proktāvidyāprāptisvapiṇī / hṛllekhā kledinī klinnā kṣobhiṇī madanāturā // ### [1.89.92](https://indike.org/pramana/in.purana.narada.1.89.92) nipandanā rāgavatī tathaiva madanāvatī / mekhalā drāviṇī vegavatī caiva prakīrtitā // ### [1.89.93](https://indike.org/pramana/in.purana.narada.1.89.93) kamalā kāminī kalpā kalā ca kalitādbhutā / kiratā ca tathā kālā kadanā kauśikā tathā // ### [1.89.94](https://indike.org/pramana/in.purana.narada.1.89.94) kaṃbuvādanikā caiva kātarā kapaṭā tathā / kīrtiścāpi kumārī ca kuṅkumā parikīrtitā // ### [1.89.95](https://indike.org/pramana/in.purana.narada.1.89.95) bhañjinī veginī nāgā capalā peśalā satī / ratiḥ śraddhā bhogalolā madonmattā manasvinī // ### [1.89.96](https://indike.org/pramana/in.purana.narada.1.89.96) vihvalā karṣiṇī lolā tathā madanamālinī / vinodā kautukā puṇyā purāṇā parikīrtitā // ### [1.89.97](https://indike.org/pramana/in.purana.narada.1.89.97) vāgīśī varadā viśvā vibhavāvighnakāriṇī / bījavighnaharā vidyā sumukhī suṃdarī tathā // ### [1.89.98](https://indike.org/pramana/in.purana.narada.1.89.98) sārā ca sumanā caiva tathā proktā sarasvatī / samayā sarvagā viddhā śivā vāṇī ca kīrtitā // ### [1.89.99](https://indike.org/pramana/in.purana.narada.1.89.99) dūrasiddhā tathā proktātho vigrahagavatī matā / nādā manonmanī prāṇapratiṣṭhāruṇavaibhavā // ### [1.89.100](https://indike.org/pramana/in.purana.narada.1.89.100) prāṇāpānā samānā ca vyānodānā ca kīrtitā / nāgā kūrmā taca kṛkalā devadattā dhanañjayā // ### [1.89.101](https://indike.org/pramana/in.purana.narada.1.89.101) phaṭkārī kiṅkarārādhyā jayā ca vijayā tathā / huṅkārī kheṭacarī caṇḍāchedinī kṣapiṇī tathā // ### [1.89.102](https://indike.org/pramana/in.purana.narada.1.89.102) strīhuṅkārī kṣemakārī caturakṣararūpiṇī / śrīvidyāmatavarṇāṅgī kālī yāmyā nṛpārṇakā // ### [1.89.103](https://indike.org/pramana/in.purana.narada.1.89.103) bhāṣā sarasvatī vāṇī saṃskṛtā parā / bahurūpā cittarūpā ramyānandā ca kautukā // ### [1.89.104](https://indike.org/pramana/in.purana.narada.1.89.104) trayākhyā paramātmākhyāpyameyavibhavā tathā / vāksvarūpā bindusargarūpā viśvātmikā tathā // ### [1.89.105](https://indike.org/pramana/in.purana.narada.1.89.105) tathā traipurakandākhyā jñātrāditrividhātmikā / āyurlakṣmīkīrtibhogasaindaryārogyadāyikā // ### [1.89.106](https://indike.org/pramana/in.purana.narada.1.89.106) aihikāmuṣmikajñānamayī ca parikīrtitā / jīvākhyā vijayākhyā ca tathaiva viśvavinmayī // ### [1.89.107](https://indike.org/pramana/in.purana.narada.1.89.107) hṛdādividyā rūpādibhāmurūpāḥ jagadūpuḥ / viśvamo hanikā caiva tripurāmṛtasaṃjñikā // ### [1.89.108](https://indike.org/pramana/in.purana.narada.1.89.108) sarvāpyāyanarūpā ca mohinī kṣobhaṇī tathā / kledinī ca samākhyātā tathaiva ca mahodayā // ### [1.89.109](https://indike.org/pramana/in.purana.narada.1.89.109) saṃpatkarī halakṣārṇā sīmāmātṛtanū ratiḥ / prītirmanobhavā vāpi proktā vārādhipā tathā // ### [1.89.110](https://indike.org/pramana/in.purana.narada.1.89.110) trikūṭā cāpi ṣaṭkūṭā pañcakūṭā viśuddhagā / anāhata gatā caiva maṇipūrakasaṃsthitā // ### [1.89.111](https://indike.org/pramana/in.purana.narada.1.89.111) svādhiṣṭhānasamāsīnādhārasthājñāsamāsthitā / ṣaṭtriṃśatkūṭarūpā ca pañcāśanmithunātmikā // ### [1.89.112](https://indike.org/pramana/in.purana.narada.1.89.112) pādukādikasiddhīśā tathā vijayadāyinī / kāmarūpapradā vetālarūpā ca piśācikā // ### [1.89.113](https://indike.org/pramana/in.purana.narada.1.89.113) vicitrā vibhramā haṃsī bhīṣaṇī janarañjikā / viśālā madanā tuṣṭā kālakaṇṭhī mahābhayā // ### [1.89.114](https://indike.org/pramana/in.purana.narada.1.89.114) māhendrī śaṅkhinī caindrī maṅgalā vaṭavāsinī / mekhalā sakalā lakṣmīrmālinīviśvanāyikā // ### [1.89.115](https://indike.org/pramana/in.purana.narada.1.89.115) sulocanā suśobhā ca kāmadā ca vilāsinī / kāmeśvarī nandinī ca svarṇarekhā manoharā // ### [1.89.116](https://indike.org/pramana/in.purana.narada.1.89.116) pramodā rāgiṇī siddhā padminī ca ratipriyā / kalyāṇadā kalādakṣā tataśca surasundarī // ### [1.89.117](https://indike.org/pramana/in.purana.narada.1.89.117) vibhramā vāhakā vīrā vikalā korakākaviḥ / siṃhanādā mahānādā sugrīvā markaṭā śaṭhā // ### [1.89.118](https://indike.org/pramana/in.purana.narada.1.89.118) biḍālākṣā biḍālāsyā kumārī khecarī bhavā / mayūrā maṅgalā bhīmā dvipavaktrā kharānanā // ### [1.89.119](https://indike.org/pramana/in.purana.narada.1.89.119) mātaṅgī ca niśācārā vṛṣagrāhā vṛkānanā / sairibhāsyā gajamukhā paśuvaktrā mṛgānanā // ### [1.89.120](https://indike.org/pramana/in.purana.narada.1.89.120) kṣobhakā maṇibhadrā ca krīḍakā siṃhacakrakā / mahodarā sthūlaśikhā vikṛtāsyā varānanā // ### [1.89.121](https://indike.org/pramana/in.purana.narada.1.89.121) capalā kukkuṭāsyā ca pāvinī madanālasā / manoharā dīrghajaṅghā sthūladantā daśānanā // ### [1.89.122](https://indike.org/pramana/in.purana.narada.1.89.122) sumukhā paṇḍitā kruddhā varāhāsyā saṭāmukhā / kapaṭā kautukā kālā kiṅkarā kitavā khalā // ### [1.89.123](https://indike.org/pramana/in.purana.narada.1.89.123) bhakṣakā bhayadā siddhā sarvagā ca prakīrtitā / jayā ca vijayā durgā bhadrā bhadrakarī tathā // ### [1.89.124](https://indike.org/pramana/in.purana.narada.1.89.124) ambikā vāmadevī ca mahāmāyāsvarūpiṇī / vidārikā viśvamayī viśvā viśvavibhañjitā // ### [1.89.125](https://indike.org/pramana/in.purana.narada.1.89.125) vīrā vikṣobhiṇī vidyā vinodā bījavigrahā / vītaśokā viṣagrīvā vipulā vijayapradā // ### [1.89.126](https://indike.org/pramana/in.purana.narada.1.89.126) vibhavā vividhā viprā tathaiva parikīrtitā / manoharā maṅgalī ca madotsiktā manasvinī // ### [1.89.127](https://indike.org/pramana/in.purana.narada.1.89.127) māninī madhurā māyā mohinī ca tathā smṛtā / bhadrā bhavānī bhavyā ca viśālākṣī śucismitā // ### [1.89.128](https://indike.org/pramana/in.purana.narada.1.89.128) kakubhā kamalā kalpā kalātho pūraṇī tathā / nityā cāpyamṛtā caiva jīvitā ca tathā dayā // ### [1.89.129](https://indike.org/pramana/in.purana.narada.1.89.129) aśokā hyamalā pūrṇā pūrṇā bhāgyodyatā tathā / vivekā vibhavā viśvā vitatā ca prakīrtitā // ### [1.89.130](https://indike.org/pramana/in.purana.narada.1.89.130) kāminī khecarī garvā purāṇāparameśvarī / gaurī śivā hyameyā ca vimalā vijayā parā // ### [1.89.131](https://indike.org/pramana/in.purana.narada.1.89.131) pavitrā padminī vidyā viśveśī śivavallabhā / aśeṣarūpā hyānandāṃbujākṣī cāpyaninditā // ### [1.89.132](https://indike.org/pramana/in.purana.narada.1.89.132) varadā vākyadā vāṇī vividhā vedavigrahā / vidyā vāgīśvarī satyā saṃyatā ca sarasvatī // ### [1.89.133](https://indike.org/pramana/in.purana.narada.1.89.133) nirmalānandarūpā ca hyamṛtā manidā tathā / pūṣā caiva tathā puṣṭistuṣṭiścāpi ratirdhṛtiḥ // ### [1.89.134](https://indike.org/pramana/in.purana.narada.1.89.134) śaśinī caidrikā kāntijyotsnā śrīḥ prītiraṅgagadā / pūrṇā pūrṇāmṛtā kāmadāyinīndukalātmikā // ### [1.89.135](https://indike.org/pramana/in.purana.narada.1.89.135) tapinī tāpinī dhūmrā marīcirjvālinī ruciḥ / suṣumṇā bhogadā viśvā bādhinī dhārinī dhāriṇī kṣamā // ### [1.89.136](https://indike.org/pramana/in.purana.narada.1.89.136) dhūmrārcirūṣmā jvalinī jvālinī visphuliṅginī / suśrīḥ svarūpā kapilā havyakavyavahā tathā // ### [1.89.137](https://indike.org/pramana/in.purana.narada.1.89.137) ghasmarā viśvakavalā lolākṣī lolajihvikā / sarvabhakṣā sahasrākṣī niḥsaṃgā ca gatipriyā // ### [1.89.138](https://indike.org/pramana/in.purana.narada.1.89.138) arcityācāprameyā ca pūrṇarūpā durāsadā / sarvā saṃsiddhirūpā ca pāvanītyekarūpiṇī // ### [1.89.139](https://indike.org/pramana/in.purana.narada.1.89.139) tathā yāmalavedhākhyā śākte vedasvarūpiṇī / tathā śāṃbhavavedhā ca bhāvanāsiddhisṛcinī // ### [1.89.140](https://indike.org/pramana/in.purana.narada.1.89.140) vahnirūpā tathā dasrā hyamāvighnā bhujaṅgamā / ṣaṇmukhā ravirūpā ca mātā durgā diśā tathā // ### [1.89.141](https://indike.org/pramana/in.purana.narada.1.89.141) dhanadā keśavā cāpi yamī caiva harā śaśā / aśvinī ca yamī vahni rūpā dhātrīti kīrtitā // ### [1.89.142](https://indike.org/pramana/in.purana.narada.1.89.142) candrā śivāditirjīvā sarpiṇī pitṛrūpiṇī / aryamṇā ca bhagā sūryā tvāṣṭrimārutisaṃjñikā // ### [1.89.143](https://indike.org/pramana/in.purana.narada.1.89.143) indrāgnirūpā mitrā cāpīndrāṇī nirṛtirjalā / vaiśvadevī haritabhūrvāsavī varuṇā jayā // ### [1.89.144](https://indike.org/pramana/in.purana.narada.1.89.144) ahirbudhnyā pūṣaṇī ca tathā kāraskarāmalā / uduṃbarā jaṃbukā ca khadirā kṛṣṇārūpiṇī // ### [1.89.145](https://indike.org/pramana/in.purana.narada.1.89.145) vaṃśā ca pippalā nāgā rohiṇā ca palāśakā / pakṣakā ca tathāmbaṣṭhā bilvācārjunarūpiṇī // ### [1.89.146](https://indike.org/pramana/in.purana.narada.1.89.146) vikaṅkatā ca kakubhā saralā cāpi sarjikā / vañjulā panasārkā ca śamī halipriyāmrakā // ### [1.89.147](https://indike.org/pramana/in.purana.narada.1.89.147) nimbā madhūkasaṃjñā cāpyaśvatthā ca gajāhvayā / nāginī sarpiṇī caiva śunī cāpi biḍālikī // ### [1.89.148](https://indike.org/pramana/in.purana.narada.1.89.148) chāgī mārjārikā mūṣī vṛṣabhā māhiṣī tathā / śārdūlī sairibhī vyāghrī hariṇī ca mṛgī śunī // ### [1.89.149](https://indike.org/pramana/in.purana.narada.1.89.149) kapirūpā ca goghaṇṭā vānarī ca narāśvinī / nagā gaurhastinī ceti tathā ṣaṭcakravāsinī // ### [1.89.150](https://indike.org/pramana/in.purana.narada.1.89.150) trikhaṇḍā tīrapālākhyā bhrāmaṇī draviṇī tathā / somā sūryā tithirvārā yogārkṣā karaṇātmikā // ### [1.89.151](https://indike.org/pramana/in.purana.narada.1.89.151) yakṣiṇī tāraṇā vyomaśabdādyāprāṃṇinī ca dhīḥ / krodhinī staṃbhinī caṇḍoñcaṇḍā brāhmādirūpiṇī // ### [1.89.152](https://indike.org/pramana/in.purana.narada.1.89.152) siṃhasthā vyāghragā caiva gajāśvagaruḍasthitā / bhaumāpyā taijasīvāyurūpīṇī nābhasā tathā // ### [1.89.153](https://indike.org/pramana/in.purana.narada.1.89.153) ekāvaktrā caturvaktrā navaktrā navavaktrā kalānanā / pañcaviṃśativaktrā ca ṣaḍviṃśadvadanā tathā // ### [1.89.154](https://indike.org/pramana/in.purana.narada.1.89.154) ūnapañcāśadāsyā ca catuḥṣaṣṭi mukhā tathā / ekāśītimukhā caiva śatānanasamanvitā // ### [1.89.155](https://indike.org/pramana/in.purana.narada.1.89.155) sthūlarūpā sūkṣmarūpā tejovigrahadhāriṇī / vṛṇāvṛttisvarūpā ca nāthāvṛttisvarūpiṇī // ### [1.89.156](https://indike.org/pramana/in.purana.narada.1.89.156) tattvāvṛttisvarūpāpi nityāvṛttivapurddharā // ### [1.89.157](https://indike.org/pramana/in.purana.narada.1.89.157) aṅgāvṛttisvarūpā cāpyāyudhāvṛttirūpiṇī / gurupaṅktisvarūpā ca vidyāvṛttitanustathā // ### [1.89.158](https://indike.org/pramana/in.purana.narada.1.89.158) brahmādyāvṛttirūpā ca parā paśyatikā tathā / madhyamā vaikharī śīrṣakaṇṭhatālvoṣṭhadantagā // ### [1.89.159](https://indike.org/pramana/in.purana.narada.1.89.159) jihvāmūlagatā nāsāgatoraḥ sthalagāminī / padavākyasvarūpā ca vedabhāṣāsvarūpiṇī // ### [1.89.160](https://indike.org/pramana/in.purana.narada.1.89.160) sekākhyā vīkṣaṇākhyā copadeśākhyā tathaiva ca / vyākulākṣarasaṃketā gāyatrī praṇavādikā // ### [1.89.161](https://indike.org/pramana/in.purana.narada.1.89.161) japahomārcanadhyānayantratarpaṇarūpiṇī / siddhasārasvatā mṛtyuñjayā ca tripurā tathā // ### [1.89.162](https://indike.org/pramana/in.purana.narada.1.89.162) gāruḍā cānnapūrṇā cāpyaśvarūḍhā navātmikā / gaurī ca devī hṛdayā lakṣadā ca mataṅginī // ### [1.89.163](https://indike.org/pramana/in.purana.narada.1.89.163) niṣkatrayapadā ceṣṭā vādinī ca prakīrtitā / rājalakṣmīrmahālakṣmīḥ siddhalakṣmīrgavānanā // ### [1.89.164](https://indike.org/pramana/in.purana.narada.1.89.164) ityevaṃ lalitādevyā divyaṃ nāmasahasrakam / sarvārthasiddhidaṃ proktaṃ caturvargaphalapradam // ### [1.89.165](https://indike.org/pramana/in.purana.narada.1.89.165) etannityamuṣaḥkāle yo japecchuddhamānasaḥ / sa yo gī brahmavijjñānī śivayogī tathātmavit // ### [1.89.166](https://indike.org/pramana/in.purana.narada.1.89.166) dvirāvṛttyā prajapato hyāyurārogyasaṃpadaḥ / lokānurañjanaṃ nārīnṛpāvarjanakarma ca // ### [1.89.167](https://indike.org/pramana/in.purana.narada.1.89.167) apṛthaktvena siddhyanti sādhakasyāsya niścitam / trirāvṛttyāsya vai puṃso viśvaṃ bhūyādvaśe 'khilam // ### [1.89.168](https://indike.org/pramana/in.purana.narada.1.89.168) caturāvṛttitaścāsya samīhitamanāratam / phalatyeva prayogārhe lokarakṣākaro bhavet // ### [1.89.169](https://indike.org/pramana/in.purana.narada.1.89.169) pañcāvṛttyā narā nāryo nṛpā devāśca jantavaḥ / bhajantyenaṃ sādhakaṃ ca devyāmāhitacetasaḥ // ### [1.89.170](https://indike.org/pramana/in.purana.narada.1.89.170) ṣaḍāvṛttyā tanmayaḥ syātsādhakaścāsya siddhayaḥ / acireṇaiva devīnāṃ prasādātsaṃbhavanti ca // ### [1.89.171](https://indike.org/pramana/in.purana.narada.1.89.171) saptāvṛttyārirogādikṛtyāpasmāranāśanam / aṣṭāvṛttyā naro bhūpānnigrahānugrahakṣamaḥ // ### [1.89.172](https://indike.org/pramana/in.purana.narada.1.89.172) navāvṛttyā manmathābho vikṣobhayati bhūtalam / daśāvṛttyā paṭhennityaṃ vāglakṣmīkāntisiddhaye // ### [1.89.173](https://indike.org/pramana/in.purana.narada.1.89.173) rudrāvṛttyākhilarddhiśca tadāyattaṃ jagadbhavet / arkāvṛttyā siddhibhiḥ syāddigbhirmartyo haropamaḥ // ### [1.89.174](https://indike.org/pramana/in.purana.narada.1.89.174) viśvāvṛttyā tu vijayī sarvataḥ syātsukhī naraḥ / śakrāvṛttyākhileṣṭāptiḥ sarvato maṅgalaṃ bhavet // ### [1.89.175](https://indike.org/pramana/in.purana.narada.1.89.175) tithyāvṛttyākhilāniṣṭānayantādāpnuyānnaraḥ / ṣoḍaśāvṛttito bhūyānnaraḥ sākṣānmaheśvaraḥ // ### [1.89.176](https://indike.org/pramana/in.purana.narada.1.89.176) viśvaṃ sraṣṭuṃ pālayituṃ saṃhatu ca kṣamo bhavet / maṇḍalaṃ māsamātraṃ vā yo japedyadyadāśayaḥ // ### [1.89.177](https://indike.org/pramana/in.purana.narada.1.89.177) tattadevāpnuyātsatyaṃ śivasya vacanaṃ yathā / ityetatkathitaṃ vipra nityāvṛttyarcanāśritam // ### [1.89.178](https://indike.org/pramana/in.purana.narada.1.89.178) nāmnāṃ sahasraṃ manaso 'bhīṣṭasaṃpādanakṣamam // ### [1.89.178.p1](https://indike.org/pramana/in.purana.narada.1.89.178.p1) iti śrībṛhannāradīyapurāṇe pūrvabhāge bṛhadupākhyāne tṛtīyapāde lalitāstotra kavacasahasranāmakathanaṃ nāmaikonanavatitamo 'dhyāyāḥ // 89 // ## Linked texts (7) - [Śrīvidyārṇavatantra](https://indike.org/pramana/in.sampradaya.saiva.agama.srividya.srividyarnavatantra.47.115) — Sanskrit - [Tripurasundarīpaddhati (Vidyānanda)](https://indike.org/pramana/in.sampradaya.saiva.agama.srividya.saparya.pujapaddhati-works.tripurasundaripaddhati.10.369) — Vidyānanda, Sanskrit - [Kāmyakarmakamalā](https://indike.org/pramana/in.niti.dharma.prayoga.sarvaprayoga.purohita-karmakanda.kamyakarmakamala.10.369) — Sanskrit - [Tattvacintāmaṇi](https://indike.org/pramana/in.sampradaya.general.sakta.tattvacintamani.3.5.1938) — Sanskrit - [Kaulāvalīnirṇaya](https://indike.org/pramana/in.sampradaya.saiva.trika.kaula.kaulavalinirnaya.2.1685) — Jñānānanda Paramahaṃsa 1500, Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.91.1) — Sanskrit - [Vidyārṇavatantra](https://indike.org/pramana/in.sampradaya.saiva.agama.srividya.kalpasutra-works.nibandha.vidyarnavatantra.108.55) — Sanskrit --- Source: [https://indike.org/pramana/in.purana.narada.1.89](https://indike.org/pramana/in.purana.narada.1.89) · Pramāṇa