[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.8 # Naradapurana 1.8 Nāradapurāṇa 1.8 - **Language:** Sanskrit ## Contents - [1.8.138](https://indike.org/pramana/in.purana.narada.1.8.138) — 1 part ### [1.8.1](https://indike.org/pramana/in.purana.narada.1.8.1) sanaka uvāca evamaurvāśrame te dve bāhubhārye munīśvara / cakrāte bhaktibhāvena śuśrūṣaāṃ prativāsararam // ### [1.8.2](https://indike.org/pramana/in.purana.narada.1.8.2) gate varṣārdhdake kāle jyeṣṭhā rājñī tu yā dvija / tasyāḥ pāpamatirjātā sapatnyāḥ saṃpadaṃ prati // ### [1.8.3](https://indike.org/pramana/in.purana.narada.1.8.3) tatastayā garo dattaḥ kaniṣṭhāyai tu pāpayā / na svaprabhāvaṃ cakre vai garo muniniṣevayā // ### [1.8.4](https://indike.org/pramana/in.purana.narada.1.8.4) bhūlepanādibhiḥ samyagyataḥ sāmudinaṃ muneḥ / cakāra sevāṃ tenāsau jīrṇapuṇyena karmaṇā // ### [1.8.5](https://indike.org/pramana/in.purana.narada.1.8.5) tato māsa traye 'tīte gareṇa sahitaṃsutam / suṣāva suśubhe kāle śuśrūṣānaṣṭakilbiṣā // ### [1.8.6](https://indike.org/pramana/in.purana.narada.1.8.6) aho satsaṃgatirloke kiṃ pāpaṃ na vināśayet / na tadātisukhaṃ kiṃ vā narāṇāṃ puṇyakarmaṇām // ### [1.8.7](https://indike.org/pramana/in.purana.narada.1.8.7) jñānājñānakṛtaṃ pāpaṃ yaccānyatkārītaṃ paraiḥ / tatsarvaṃ nāśayatyāśu paricaryā mahātmanām // ### [1.8.8](https://indike.org/pramana/in.purana.narada.1.8.8) jaḍo 'pi yāti pūjyatvaṃ satsaṃgājjagatītalaṃ / kalāmātro 'pi śītāśuḥ śaṃbhunā svīkṛto yathā // ### [1.8.9](https://indike.org/pramana/in.purana.narada.1.8.9) satsaṃgatiḥ parāmṛddhiṃ dadāti hi nṛṇāṃ sadā / ihāmutra ca vignendra santaḥ pūjyatamāstataḥ // ### [1.8.10](https://indike.org/pramana/in.purana.narada.1.8.10) aho mahagduṇānvaktuṃ kaḥ samartho munīśvarā / garbhaṃ prātpo garo jīrṇo māsatrayamaho 'dbhutam // ### [1.8.11](https://indike.org/pramana/in.purana.narada.1.8.11) gareṇa sahitaṃ putraṃ dṛṣṭvā tejonidhirmuniḥ / jātakarma cacakārāsau tannāma sagareti ca // ### [1.8.12](https://indike.org/pramana/in.purana.narada.1.8.12) pupoṣa sagaraṃ bālaṃ tanmātā prītipūrvakam / caulopavītakarmāṇi tathā cakre munīśvaraḥ // ### [1.8.13](https://indike.org/pramana/in.purana.narada.1.8.13) śāstrāṇyadhyāpayāmāsa rājayogyāni mantravit / samarthaṃ sagaraṃ dṛṣṭvā kiñcidudbhinnaśaiśavam // ### [1.8.14](https://indike.org/pramana/in.purana.narada.1.8.14) mantravatsarva śāstrāstraṃ dattavānsa munīśvaraḥ / sagaraḥ śikṣitastena samyagaurvarṣiṇā mune // ### [1.8.15](https://indike.org/pramana/in.purana.narada.1.8.15) babhūva balavāndharmi kṛtajño guṇavānsudhīḥ / dharmajñaḥ so 'pi sagaro muneramitatejasaḥ / sabhitkuśāṃvupuṣpādi pratyahaṃ samupānayat // ### [1.8.16](https://indike.org/pramana/in.purana.narada.1.8.16) sa kadācidguṇinidhiḥ praṇipatya svamātaram / uvāca prāñjalirbhūtvā sagaro vinayānvitaḥ // ### [1.8.17](https://indike.org/pramana/in.purana.narada.1.8.17) sagara uvāca mātargataḥ pitā kutra kiṃnāmā kasya vaṃśajaḥ / tatsarvaṃ mesamācakṣva śrotuṃ kautūhalaṃ mama // ### [1.8.18](https://indike.org/pramana/in.purana.narada.1.8.18) pitrā vihīnā ye loke jīvanto 'pi mṛtopamāḥ // ### [1.8.19](https://indike.org/pramana/in.purana.narada.1.8.19) darīdro 'pi pitā yasya hyāste sa dhanadopamaḥ / yasya mātā pitā nāsti sukhaṃ tasya na vidyate // ### [1.8.20](https://indike.org/pramana/in.purana.narada.1.8.20) dharmahīno yathā mūrkhaḥ paratreha ca ninditaḥ / mātāpitṛvihīnasya ajñasyāpyavivekinaḥ / aputrasya vṛthāṃ janma ṛṇagrastasya caiva hi // ### [1.8.21](https://indike.org/pramana/in.purana.narada.1.8.21) candrahīnā yathā rātriḥ pahmahīnaṃ yathā saraḥ / patihīnā yathā nārī pitṛhīnastathā śiśuḥ // ### [1.8.22](https://indike.org/pramana/in.purana.narada.1.8.22) dharmahīno yathā jantuḥ karmahīno yathā gṛhī / paśuhīno yathā vaiśyastayā pitrā vinārbhaktaḥ // ### [1.8.23](https://indike.org/pramana/in.purana.narada.1.8.23) satyahīnaṃ yathā vākyaṃ sādhuhīnā yathā sabhā / tapo yathā dayāhīnaṃ sathā pitrā vivārbhakaḥ // ### [1.8.24](https://indike.org/pramana/in.purana.narada.1.8.24) vṛkṣahīnaṃ yathāraṇyaṃ jalahīnā yathā nadī / bedahīno yathā vājī tathā pitrā vinārbhaktaḥ // ### [1.8.25](https://indike.org/pramana/in.purana.narada.1.8.25) yathā lagutaro loke mātaryāvñāparo naraḥ / tathā pitrā vihīnastu bahuduḥkhānvitaḥ sutaḥ // ### [1.8.26](https://indike.org/pramana/in.purana.narada.1.8.26) itītitaṃ sutenaiṣā śrutvā niḥśvāsya duḥkhitā / saṃpṛṣṭaṃ tadyathāvṛttaṃ sarvaṃ tasmai nyavedayat // ### [1.8.27](https://indike.org/pramana/in.purana.narada.1.8.27) tacchutvā sagaraḥ kruddhaḥ kopasaṃrakta locanaḥ / haniṣyāmītyarātīnsa pratijñāmakarottadā // ### [1.8.28](https://indike.org/pramana/in.purana.narada.1.8.28) pradakṣiṇīkṛtya muniṃ jananīṃ ca praṇamya saḥ / prasthāpitaḥ pratasthe ca tenaiva muninā vadā // ### [1.8.29](https://indike.org/pramana/in.purana.narada.1.8.29) aurvāśramādriniṣkrāntaḥ sagaraḥ satyavāk śuciḥ / vaśiṣṭaṃ svakulācāryaṃ prātpaḥ prītisamanvitaḥ // ### [1.8.30](https://indike.org/pramana/in.purana.narada.1.8.30) praṇamya gurave tasmai viśiṣṭāya mahātmane / sarvaṃ vijñāpatrāmāsa jñānadṛṣṭyā vijānate // ### [1.8.31](https://indike.org/pramana/in.purana.narada.1.8.31) aindrāstraṃ vāruṇaṃ brāhmamāgreyaṃ sagaro nṛpaḥ / tenaiva munināvāpa khaḍgaṃ vajropamaṃ dhanuḥ // ### [1.8.32](https://indike.org/pramana/in.purana.narada.1.8.32) tatastenābhyanujñātaḥ sagaraḥ saumanasyavān / āśīrbhirarcitaḥ sadyaḥ pratasthe praṇipatya tam // ### [1.8.33](https://indike.org/pramana/in.purana.narada.1.8.33) ekenaiva tu cāpena sa śūraḥ paripanthinaḥ / saputrapautrānsagaṇānakarotsvargāsinaḥ // ### [1.8.34](https://indike.org/pramana/in.purana.narada.1.8.34) taccāpamuktabāṇāgnisaṃtatāstadarātavaḥ / kecidvinaṣṭā saṃtrastāstathā cānye pradudruvuḥ // ### [1.8.35](https://indike.org/pramana/in.purana.narada.1.8.35) kecidviśīrṇa keśāścavalmīkopari saṃsthitāḥ / tṛṇānyabhakṣayankecinnagrāśca viviśurjanalam // ### [1.8.36](https://indike.org/pramana/in.purana.narada.1.8.36) śakāśca yavanāśvevatathā cānye mahībhṛtaḥ / satvaraṃ śaraṇaṃ jagmurvaśiṣṭaṃ prāṇalolupāḥ // ### [1.8.37](https://indike.org/pramana/in.purana.narada.1.8.37) jitakṣitirbāhuputro ripūngurusamīpagān / cārairvijñātavānsadyaḥ prātpa ścācāryasannidhim // ### [1.8.38](https://indike.org/pramana/in.purana.narada.1.8.38) tamāgataṃ bāhusutaṃ niśamya munirvaśiṣṭaḥ śaraṇāgatāṃstān / trātuṃ ca śiṣyābhihitaṃ ca kartuṃ vivārayāmāsa tadā kṣaṇena // ### [1.8.39](https://indike.org/pramana/in.purana.narada.1.8.39) cakāra muṇḍāñśabarānyavanāṃllambamūrddhajān / andhāṃśca śmaśrulānsarvānmuṇḍānvedavahiṣkṛtān // ### [1.8.40](https://indike.org/pramana/in.purana.narada.1.8.40) vasiṣṭamuninā tena hataprāyānnirīkṣya saḥ / prahasanprāha sagaraḥ svaguruṃ tapaso nidhim // ### [1.8.41](https://indike.org/pramana/in.purana.narada.1.8.41) // sāgara uvāca bho bho guro durācārānetānrakṣasi tānvṛthā / sarvathāhaṃ haniṣyāmi matpiturdeśahārakān // ### [1.8.42](https://indike.org/pramana/in.purana.narada.1.8.42) upekṣeta samarthaḥ sandharmasya paripanthinaḥ / sa eva sarvanāśāya hetubhūto na saṃśayaḥ // ### [1.8.43](https://indike.org/pramana/in.purana.narada.1.8.43) bāndhavaṃ prathamaṃ matvā durjatāḥ sakalaṃ jagat / ta eva balahīnāścedbhajante 'tyantasādhutām // ### [1.8.44](https://indike.org/pramana/in.purana.narada.1.8.44) aho māyākṛtaṃ karma khalāḥ kaśmalacetasaḥ / tāvatkurvanti kāryāṇi yāvatsyātprabalaṃ balam // ### [1.8.45](https://indike.org/pramana/in.purana.narada.1.8.45) dāsabhāvaṃ ca śatrūṇāṃ vārastrīṇāṃ ca sauhṛdam / sādhubhāvaṃ ca sarpāṇāṃ śreyaskāmo na viśvaset // ### [1.8.46](https://indike.org/pramana/in.purana.narada.1.8.46) prahāsaṃ kurvate nityaṃ yāndantāndarśayankhalāḥ / tāneva darśayantyāśu svasāmarthya viparyaye // ### [1.8.47](https://indike.org/pramana/in.purana.narada.1.8.47) piśunā jihvayā pūrvaṃ paruṣaṃ pravadanti ca / atīva karuṇaṃ vākyaṃ vadantyeva tathābalāḥ // ### [1.8.48](https://indike.org/pramana/in.purana.narada.1.8.48) śreyaskāmo bhavedyastu nītiśāstrārthakovidaḥ / sādhutvaṃ samabhāvaṃ ca khalānāṃ naiva viśvaset // ### [1.8.49](https://indike.org/pramana/in.purana.narada.1.8.49) durjanaṃ praṇatiṃ yānte mitraṃ kaitavaśīlitam / duṣṭāṃ bhāryāṃ ca viśvasto mṛta eva na saṃśayaḥ // ### [1.8.50](https://indike.org/pramana/in.purana.narada.1.8.50) mā rakṣa tasmādetānvai gorupavyāghrakarmiṇaḥ / hatvaitānakhilān duṣṭāṃstvatprasādānmahīṃ bhaje // ### [1.8.51](https://indike.org/pramana/in.purana.narada.1.8.51) vaśiṣṭastadvacaḥ śrutvā suprīto munisattamaḥ / karābhyāṃ sagasyayāṅgaṃ spṛśannidamuvāca ha // ### [1.8.52](https://indike.org/pramana/in.purana.narada.1.8.52) vasiṣṭa uvāca sādhu sādhu mahābhāga satyaṃ vadasi suvrata / tathāpi madvacaṛ śrutvā parāṃ śāntiṃ labhiṣyasi // ### [1.8.53](https://indike.org/pramana/in.purana.narada.1.8.53) mayaite nihitāḥ pūrvaṃ tvatpratijñāvirodhinaḥ / hātānāṃ hanave kīrtiḥ kā samutpadyate vada // ### [1.8.54](https://indike.org/pramana/in.purana.narada.1.8.54) bhūmīśa jantavaḥ sarve karmapāśena yantritāḥ / tathāpi pāpairnihatāḥ kimarthaṃ haṃsi tānpunaḥ // ### [1.8.55](https://indike.org/pramana/in.purana.narada.1.8.55) dehastu pāpajanitaḥ pūrvapamevainasā hataḥ / ātmā hyabhedyaḥ pūrṇatvācchāstrāṇāmeṣa niścayaḥ // ### [1.8.56](https://indike.org/pramana/in.purana.narada.1.8.56) svakarmaphalabhogānāṃ hetumātrā hi jantavaḥ / karmāṇi daivamūlāni devādhīnamidaṃ jagat // ### [1.8.57](https://indike.org/pramana/in.purana.narada.1.8.57) ātmā hyabhedyaḥ rakṣitā duṣṭaśikṣitā / tato narairasvatantraiḥ kiṃ kāryaṃ sādhyate vada // ### [1.8.58](https://indike.org/pramana/in.purana.narada.1.8.58) śarīraṃ pāpasaṃbhūtaṃ pāpenaiva pravartate / pāpamūlamidaṃ jñātvā kathaṃ hantuṃ samudyataḥ // ### [1.8.59](https://indike.org/pramana/in.purana.narada.1.8.59) ātmā śuddho 'pi dehastho dehīti procyate budhaiḥ / tasmādidaṃ vapurbhūpa pāpamūlaṃ na saṃśayaḥ // ### [1.8.60](https://indike.org/pramana/in.purana.narada.1.8.60) pāpamūlavapurhantuḥ kā kīrtistava bāhuja / bhaviṣyatīti niścitya naitānhiṃsīstataḥ suta // ### [1.8.61](https://indike.org/pramana/in.purana.narada.1.8.61) iti śrutvā gurorvākyaṃ virarāma sa kopataḥ / spṛśankareṇa sagaraṃ nandanaṃ munayastadā // ### [1.8.62](https://indike.org/pramana/in.purana.narada.1.8.62) athātharvanidhistasya sagarasya mahātmanaḥ / rājyābhiṣekaṃ kṛtavānmunibhiḥ saha suvrataiḥ // ### [1.8.63](https://indike.org/pramana/in.purana.narada.1.8.63) bhāryādvayaṃ ca tasyāsītkeśinī sumati stathā / kāśyapasya vidarbhasya tanaye munasattama // ### [1.8.64](https://indike.org/pramana/in.purana.narada.1.8.64) rājye pratiṣṭite dṛṣṭvā muniraurvastaponidhiḥ / vanādāgatya rājānaṃ saṃbhāṣya svāśramaṃ yayau // ### [1.8.65](https://indike.org/pramana/in.purana.narada.1.8.65) kadācittasya bhūpasya bhāryābhyāṃ prārthitomuniḥ / varaṃ dadāvapatyārthamaurvo bhārgavamantravit // ### [1.8.66](https://indike.org/pramana/in.purana.narada.1.8.66) kṣaṇaṃ dhyānasthito bhūtvā trikālajño munīśvaraḥ / keśitīṃ sumatiṃ caiva idamāha praharṣayam // ### [1.8.67](https://indike.org/pramana/in.purana.narada.1.8.67) aurva uvāca ekā vaṃśadharaṃ caikamanyā ṣaḍyutāni ca / apatyārthaṃ mahābhāge vṛṇutāṃ ca yathepsitam // ### [1.8.68](https://indike.org/pramana/in.purana.narada.1.8.68) atha śrutvā vacastasya muneraurvasya nārada / keśinyekaṃ sutaṃ vavre vaṃśasantānakāraṇam // ### [1.8.69](https://indike.org/pramana/in.purana.narada.1.8.69) ṣaṣṭisahasrāṇi sumatyā hyabhavansutāḥ / nāmnāsamañjāḥ keśinyāstanayo munisattama // ### [1.8.70](https://indike.org/pramana/in.purana.narada.1.8.70) asamañjāstu karmāṇi cakāronmattaceṣṭitaḥ / taṃ dṛṣṭvā sāgarāḥ sarve hyāsandurvṛttacetasaḥ // ### [1.8.71](https://indike.org/pramana/in.purana.narada.1.8.71) tadvālabhāvaṃ saṃduṣṭaṃ jñātvā bāhusuto nṛpaḥ / cintayāmāsa vidhivatputrakarma vigarhinam // ### [1.8.72](https://indike.org/pramana/in.purana.narada.1.8.72) aho kaṣṭatarā loke durjanānāṃ hi saṃgatiḥ / kārukaistāḍyate vahṇirayaḥsaṃyogamātrataḥ // ### [1.8.73](https://indike.org/pramana/in.purana.narada.1.8.73) aṃśumānnāma tanayo babhūva hyasamañjasaḥ / śāstrajño guṇavāndharmī pitāmahahite rataḥ // ### [1.8.74](https://indike.org/pramana/in.purana.narada.1.8.74) durvṛttāḥ sāgarāḥ sarve lokopadrava kāriṇaḥ / anuṣṭānavatāṃ nityamantarāyā bhavanti te // ### [1.8.75](https://indike.org/pramana/in.purana.narada.1.8.75) hutāni yāni yajñeṣu havīṃṣi vidhitraddijaiḥ / bubhuje tāni sarvāṇi nirākṛtya divaukasaḥ // ### [1.8.76](https://indike.org/pramana/in.purana.narada.1.8.76) svargādāhṛtya savataṃ rambhādyā devayoṣitaḥ / bhajanti sāgarāstā vai kacagrahabalātkṛtāḥ // ### [1.8.77](https://indike.org/pramana/in.purana.narada.1.8.77) pārijātādivṛkṣāṇāṃ puṣpāṇyāhṛtya te khalāḥ / bhūṣayanti svadehāni madyapānaparāyaṇāḥ // ### [1.8.78](https://indike.org/pramana/in.purana.narada.1.8.78) sādhuvṛttīḥ samājahnuḥ sadācārānanāśayan / mitraiśca yodrumārabdhā balino 'tyantapāpinaḥ // ### [1.8.79](https://indike.org/pramana/in.purana.narada.1.8.79) etaddṛṣṭvātiduḥkhārtā devā indrapurogamāḥ / vicāraṃ paramaṃ cakrureteṣuṃ nāśahetave // ### [1.8.80](https://indike.org/pramana/in.purana.narada.1.8.80) niścitya vivudhāḥ sarve pātālāntaragocaram / kapilaṃ devadeveśaṃ yayuḥ pracchannarupiṇaḥ // ### [1.8.81](https://indike.org/pramana/in.purana.narada.1.8.81) dhyāyantamātmanātmānaṃ parānaidaikavigraham / prāṇamya daṇḍavadrūmau tuṣṭuvuvridaśāstataḥ // ### [1.8.82](https://indike.org/pramana/in.purana.narada.1.8.82) devā ūcuḥ namaste yogine tubhyāṃ sāṅkhyayogaratāya ca / nararupapraticchinnaviṣṇave jiṣṇave namaḥ // ### [1.8.83](https://indike.org/pramana/in.purana.narada.1.8.83) namaḥ pareśabhaktāya lokānugrahahetave / saṃsārāraṇyadāvāgre dharmapālanasetave // ### [1.8.84](https://indike.org/pramana/in.purana.narada.1.8.84) mahate vītarāgāya tubhyaṃ bhūyo namo namaḥ / sāgaraiḥ pīḍitānasmāṃstrāyasva śaraṇāgatān // ### [1.8.85](https://indike.org/pramana/in.purana.narada.1.8.85) kapila uvāca ye tu nāśamihecchanti yaśobaladhanāyuṣām / ta eva lokānbādhante nātrāśvāryaṃ sugetamāḥ // ### [1.8.86](https://indike.org/pramana/in.purana.narada.1.8.86) yastu bādhitumiccheta janānniraparādhinaḥ / taṃ vidyātsarvalokeṣu pāpabhogarataṃ surāḥ // ### [1.8.87](https://indike.org/pramana/in.purana.narada.1.8.87) karmaṇā manasā vācā yastvanyānbādhate sadā / taṃ hanti daivamevāśu nātra kāryā vicāraṇā // ### [1.8.88](https://indike.org/pramana/in.purana.narada.1.8.88) alpairahobhire vaite nāśameṣyanti sāgarāḥ / ityuktaṃ muninā tena kapilena mahātmanā / praṇamya taṃ yathānyāyaṃ gatā nākaṃ divaukasaḥ // ### [1.8.89](https://indike.org/pramana/in.purana.narada.1.8.89) atrāntare tu sagarovasiṣṭādyairmaharṣibhiḥ / ārebhe hayamedhākhyaṃ yajñaṃ karttumanuttamam // ### [1.8.90](https://indike.org/pramana/in.purana.narada.1.8.90) tadyajñe yojitaṃ satpimapahṛtya sureśvaraḥ / pātāle sthāpayāmāsa kapilo yatra tiṣṭati // ### [1.8.91](https://indike.org/pramana/in.purana.narada.1.8.91) gūḍhavigrahaśakreṇa hṛtamaśvaṃ tu sāgarāḥ / anveṣṭuṃ babhrabhurlokān bhūrādīṃśca suvismitāḥ // ### [1.8.92](https://indike.org/pramana/in.purana.narada.1.8.92) ahaṣṭasatpayaste ca pātālaṃ gantu mudyatāḥ / cakhnurmahītalaṃ sarvamekaiko yojanaṃ pṛthak // ### [1.8.93](https://indike.org/pramana/in.purana.narada.1.8.93) mṛttikāṃ khanitāṃ te caudadhitīre samākiran / tadvāreṇa gatāḥ sarve pātālaṃ sagarātmajāḥ // ### [1.8.94](https://indike.org/pramana/in.purana.narada.1.8.94) vicinvanti hayaṃ tatra madonmattā vicetasaḥ // ### [1.8.95](https://indike.org/pramana/in.purana.narada.1.8.95) tatrāpaśyanmahātmānaṃ koṭisūryasamaprabham / kapilaṃ dhyānanirataṃ vājinaṃ ca tadantike // ### [1.8.96](https://indike.org/pramana/in.purana.narada.1.8.96) tataḥ sarve tu saṃrabdhā muniṃ dṛṣṭvātivegataḥ / hantumudyuktamanaso vidravantaḥ samāsadan // ### [1.8.97](https://indike.org/pramana/in.purana.narada.1.8.97) hanyatāṃ hanyatāmeṣa vadhyatāṃ vadhyatāmayam / guhyatāṃ gṛhyatāmāśu ityūcuste parasparam // ### [1.8.98](https://indike.org/pramana/in.purana.narada.1.8.98) hṛtāśvaṃ sādhubhāvena bakavaddhyānatatparam / santi cāro khalā loke kurvantyāḍambaraṃ mahat // ### [1.8.99](https://indike.org/pramana/in.purana.narada.1.8.99) ityuccaranto jahasuḥ kapilaṃ te munīśvaram / samastendriyasaṃdohaṃ niyamyātmānamātmani // ### [1.8.100](https://indike.org/pramana/in.purana.narada.1.8.100) āsthitaḥ kapilasteṣāṃ tatkarma jñātavānnahi // ### [1.8.101](https://indike.org/pramana/in.purana.narada.1.8.101) āsannamṛtyavaste tu vinaṣṭamatayo munim / padbhiḥ saṃtāḍayāmāsurbuhūṃ ca jagṛhuḥ pare // ### [1.8.102](https://indike.org/pramana/in.purana.narada.1.8.102) tatastyaktasamādhistu sa munirvismitastadā / uvāca bhāvagambhīraṃ lokopadravakāriṇaḥ // ### [1.8.103](https://indike.org/pramana/in.purana.narada.1.8.103) aiśvaryamadamattānāṃ kṣudhitānāṃ ca kāminām / ahṝṅkāravimūḍhānāṃ viveko naiva jāyate // ### [1.8.104](https://indike.org/pramana/in.purana.narada.1.8.104) nidherādhāramātreṇa mahī jvalati sarvadā / tadeva mānavā bhuktvā jvalantīti kimadbhutam // ### [1.8.105](https://indike.org/pramana/in.purana.narada.1.8.105) kimatra citraṃ sujanaṃ bādhante yadi durjanāḥ / mahīruhāṃ ścānutaṭe pātayanti nadīrayāḥ // ### [1.8.106](https://indike.org/pramana/in.purana.narada.1.8.106) yatra śrīryauṃvanaṃ vāpi śāradā vāpi tiṣṭati / tatrāśrīrvṛddhatā nityaṃ murkhatvaṃ cāpi jāyate // ### [1.8.107](https://indike.org/pramana/in.purana.narada.1.8.107) aho kanakamāhātmyamākhyātuṃ kena śakyate / nāmasāmyādaho citraṃ dhattūro 'pimadapradaḥ // ### [1.8.108](https://indike.org/pramana/in.purana.narada.1.8.108) bhavedyadi khalasya śrīḥ saiva lokavināśinī / yathā sakhāgneḥ pavanaḥ pannagasya yathā viṣam // ### [1.8.109](https://indike.org/pramana/in.purana.narada.1.8.109) aho dhanamadāndastu paśyannapi na paśyati / yadi paśyatyāmahitaṃ sa paśyati na saṃśayaḥ // ### [1.8.110](https://indike.org/pramana/in.purana.narada.1.8.110) ityuktvā kapilaḥ kruddho netrābhyāṃ sasṛje 'nalam / sa vahniḥ sāgarānsarvānbhasmasādakarotkṣaṇāt // ### [1.8.111](https://indike.org/pramana/in.purana.narada.1.8.111) yannetrajānalaṃ dṛṣṭvā pātālatalavāsinaḥ / akālapralayaṃ matvā cukruśuḥ śokalālasāḥ // ### [1.8.112](https://indike.org/pramana/in.purana.narada.1.8.112) tadagnitāpitāḥ sarve dandaśūkāśca rākṣasāḥ / sāgaraṃ viviśuḥ śīghraṃ satāṃ kopo hi duḥsahaḥ // ### [1.8.113](https://indike.org/pramana/in.purana.narada.1.8.113) atha tasya mahīpasya samāgamyādhvaraṃ tadā / devadūta uvācedaṃ sarvaṃ vṛttaṃ hi yakṣate // ### [1.8.114](https://indike.org/pramana/in.purana.narada.1.8.114) etatsamākarṇya vacaḥ sagaraḥ sarvavitprabhuḥ / daivena śikṣitā duṣṭā ityuvācāti harṣitaḥ // ### [1.8.115](https://indike.org/pramana/in.purana.narada.1.8.115) mātā vā janako vāpi bhrātā vā tanayo 'pi vā / adharmaṃ kurute yastu sa eva ripuriṣyate // ### [1.8.116](https://indike.org/pramana/in.purana.narada.1.8.116) yastvadharmeṣu nirataḥ sarvalokavirodhakṛt / taṃ ripuṃ paramaṃ vidyācchāstrāṇāmeṣa nirṇayaḥ // ### [1.8.117](https://indike.org/pramana/in.purana.narada.1.8.117) sagaraḥ putranāśe 'pi na śuśoca munīśvaraḥ / durvṛttanidhanaṃ yasmātsatāmutsāha kāraṇam // ### [1.8.118](https://indike.org/pramana/in.purana.narada.1.8.118) yajñeṣvanadhikāratvādaputrāṇāmiti smṛteḥ / pautraṃ tamaṃśumantaṃ hi putratve katavānprabhuḥ // ### [1.8.119](https://indike.org/pramana/in.purana.narada.1.8.119) asamañjaḥsutaṃ tu sudhīyaṃ vāgvidāṃvaram / yuyoja sāravidbhūyo hyaścānayanakarmaṇi // ### [1.8.120](https://indike.org/pramana/in.purana.narada.1.8.120) sa gatastadviladvāre dṛṣṭvā taṃ munipuṅgavam / kapilaṃ tejasāṃrāśiṃ sāṣṭāṅgaṃpraṇanāmahā // ### [1.8.121](https://indike.org/pramana/in.purana.narada.1.8.121) kṛtāñjalipuṭo bhūtvā vinaye nāgrataḥ sthitaḥ / uvāca śāntamanasaṃ devadevaṃ sanātanam // ### [1.8.122](https://indike.org/pramana/in.purana.narada.1.8.122) aṃśumānuvāca dauḥśīlyaṃ yatkṛtaṃ brahmanmatpitṛvyaiḥ kṣamasvatat / paropakāraniratāḥ kṣamāsārā hi sādhavaḥ // ### [1.8.123](https://indike.org/pramana/in.purana.narada.1.8.123) durjaneṣvapi sattveṣu dayāṃ kurvanti sādhavaḥ / nahi saṃharatejyotsnāṃ candraścāṇḍālaveśmanaḥ // ### [1.8.124](https://indike.org/pramana/in.purana.narada.1.8.124) bādhyamāno 'pi sujanaḥ sarveṣāṃ sukhakṛdbhavet / dadāti paramāṃ tuṣṭiṃ bhakṣyamāṇo 'maraiḥ śaśī // ### [1.8.125](https://indike.org/pramana/in.purana.narada.1.8.125) dāritaśchinna evāpi hyāmodenaiva candanaḥ / saurabhaṃ kurute sarvaṃ tathaiva sujanojanaḥ // ### [1.8.126](https://indike.org/pramana/in.purana.narada.1.8.126) kṣāntyā ca tapasā cāraistadguṇajñā munīśvarāḥ / saṃjātaṃ śāsituṃ lokāṃstvāṃ viduḥ puruṣottama // ### [1.8.127](https://indike.org/pramana/in.purana.narada.1.8.127) namo brahmanmune tubhyaṃ namaste brahmamūrttaye / namo brahmaṇyaśīlāya brahmadhyānaparāya ca // ### [1.8.128](https://indike.org/pramana/in.purana.narada.1.8.128) iti stuto munistena prasannavadanastadā / varaṃ varaya cetyāha prasanno 'smi tavānagha // ### [1.8.129](https://indike.org/pramana/in.purana.narada.1.8.129) evamukte tu muninā hyaṃśumānpraṇipatyatam / prāpayāsmatpitṝnbrāhmaṃ lokamityabhyabhāṣata // ### [1.8.130](https://indike.org/pramana/in.purana.narada.1.8.130) tatastasyādisaṃtuṣṭo muniḥ provāca sādaram / gaṅgāmānīya pautraste nayiṣyati pitṝndivam // ### [1.8.131](https://indike.org/pramana/in.purana.narada.1.8.131) tvatpautreṇa samānītā gaṅgā puṇyajalā nadī / kṛtvaitāndhūtapāpānvai nayiṣyati paraṃ padam // ### [1.8.132](https://indike.org/pramana/in.purana.narada.1.8.132) prāpayainaṃ hayaṃ vatsa yataḥ syātpūrṇamadhvaram / pitāmahāntikaṃ prāpya sāśvaṃ vṛttaṃ nyavedayat // ### [1.8.133](https://indike.org/pramana/in.purana.narada.1.8.133) sagarastena paśunā taṃ yajñaṃ brahmaṇaiḥ saha / vidhāya tapasā viṣṇumārādhyāpapadaṃhareḥ // ### [1.8.134](https://indike.org/pramana/in.purana.narada.1.8.134) jajñe hyaṃśumataḥ putro dilīpa iti viśrutaḥ / tasmādbhagīratho jāto yo gaṅgāmānayaddivaḥ // ### [1.8.135](https://indike.org/pramana/in.purana.narada.1.8.135) bhagīrathasya tapasā tuṣṭo brahmā dadau mune / gaṅgāṃ bhagīrathāyāḥ cintayāmā sa dhāraṇe // ### [1.8.136](https://indike.org/pramana/in.purana.narada.1.8.136) tataśca śivamārādhya taddvārā svarṇadīṃ bhuvam / ānīya tajjalaiḥ spṛṣṭvā pūtānninye divaṃ pitṝn // ### [1.8.137](https://indike.org/pramana/in.purana.narada.1.8.137) bhagīrathānvaye jātaḥ sudaso nāma bhūpatiḥ / yasya putro mitrasahaḥ sarvalokeṣu viśrutaḥ // ### [1.8.138](https://indike.org/pramana/in.purana.narada.1.8.138) vaśiṣṭaśāpātprātpaḥ sa saudāso rākṣasīṃ tanum / gaṅgābinduniṣeveṇaṃpunarmukto nṛpo 'bhavat // ### [1.8.138.p1](https://indike.org/pramana/in.purana.narada.1.8.138.p1) iti śrībṛhannāradīyapurāṇe pūrvabhāge prathamapāde gaṅgāmāhātmyaṃ nāma aṣṭamo 'dhyāyaḥ ## Linked texts (9) - [Brahmapurāṇa](https://indike.org/pramana/in.purana.brahma.59.77) — Vyāsa, Sanskrit - [Nāradopapurāṇa](https://indike.org/pramana/in.purana.upa.vaisnava.naradopapurana.8.1) — Sanskrit - [Bṛhannāradapurāṇa](https://indike.org/pramana/in.purana.upa.vaisnava.brhannaradapurana.8.4) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.8.4) — Sanskrit - [Prayāgarājatīrthamāhātmya](https://indike.org/pramana/in.purana.sthala.prayagarajatirthamahatmya.20.26) — Sanskrit - [Subhāṣitaratnabhāṇḍāgāra](https://indike.org/pramana/in.lit.subhasita.subhasita.adhunika.subhasitaratnabhandagara.2.29.1) — Kāśīnātha Pāṇḍuraṅga Paraba 1886, Sanskrit - [Bṛhatsvayambhūpurāṇa](https://indike.org/pramana/in.bauddha.sanskrit.nepal.brhatsvayambhupurana.6.p15) — Sanskrit - [Svayambhūkṣetramāhātmya](https://indike.org/pramana/in.purana.sthala.svayambhuksetramahatmya.6.p15) — Sanskrit - [Indische Sprüche](https://indike.org/pramana/in.lit.subhasita.subhasita.adhunika.indische-spruche.3755) — Otto von Böhtlingk 1863, Sanskrit --- Source: [https://indike.org/pramana/in.purana.narada.1.8](https://indike.org/pramana/in.purana.narada.1.8) · Pramāṇa