[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.91 # Naradapurana 1.91 Nāradapurāṇa 1.91 - **Language:** Sanskrit ## Contents - [1.91.235](https://indike.org/pramana/in.purana.narada.1.91.235) — 2 parts ### [1.91.1](https://indike.org/pramana/in.purana.narada.1.91.1) sanatkumāra uvāca atha vakṣye maheśasya mantraṃ sarvārthasādhakam / yaṃ samārādhya manujo bhuktiṃ muktiṃ ca vindati // ### [1.91.2](https://indike.org/pramana/in.purana.narada.1.91.2) hṛdayaṃ sabakaḥ sūkṣmo lānto 'nantānvito marut / pañcākṣaro manuḥ proktastārādyo 'yaṃ ṣaḍakṣaraḥ // ### [1.91.3](https://indike.org/pramana/in.purana.narada.1.91.3) vāmadevī munīśchandaḥ paṅktirīśo 'sya devatā / ṣaḍbhirvarṇaiḥ ṣaḍaṅgāni kuryānmantreṇa deśikaḥ // ### [1.91.4](https://indike.org/pramana/in.purana.narada.1.91.4) mantravarṇādikānnyasyenmantramūrtiryathākramam / tarjanīmadhyayorantyānāmikāṅguṣṭhake punaḥ // ### [1.91.5](https://indike.org/pramana/in.purana.narada.1.91.5) tāḥ syustatpuruṣāghorabhavavāmeśasaṃjñikāḥ / vaktrahṛtpādaguhyeṣu nijamūrddhani tāḥ punaḥ // ### [1.91.6](https://indike.org/pramana/in.purana.narada.1.91.6) prāgyāmyavāruṇodīcyamadhyavaktreṣu pañcasu / mantrāṅgāninyasetpaścājjātiyuktāni ṣaṭ kramāt // ### [1.91.7](https://indike.org/pramana/in.purana.narada.1.91.7) kurvīta golakanyāsaṃ rakṣāyai tadanantaram / hṛdi vaktreṃ'sayorūrvoḥ kaṇṭhe nābhau dvipārśvayoḥ // ### [1.91.8](https://indike.org/pramana/in.purana.narada.1.91.8) pṛṣṭhe hṛdi tathā mūrdhni vadane netrayornasoḥ / doḥpatsaṃdhiṣu sāgreṣu vinyasettadanantaram // ### [1.91.9](https://indike.org/pramana/in.purana.narada.1.91.9) śirovadanahṛtkukṣisorupādadvaye punaḥ / hṛdi vaktrāṃbuje ṭaṅkamṛgā bhayavareṣvatha // ### [1.91.10](https://indike.org/pramana/in.purana.narada.1.91.10) vaktrāṃsahṛtsapādorujaṭhareṣu kramānnyaset / mūlamantrasya ṣaḍa varṇānyathāvaddeśikottamaḥ // ### [1.91.11](https://indike.org/pramana/in.purana.narada.1.91.11) mūrdhni bhālodarāṃseṣu hṛdaye tāḥ punarnyaset / paścādanena mantreṇa kurvīta vyāpakaṃ sudhīḥ // ### [1.91.12](https://indike.org/pramana/in.purana.narada.1.91.12) namostvanantarūpāya jyotirliṅgāmṛtātmane / caturmūrtivapuśchāyābhāsitāṅgāya śaṃbhave // ### [1.91.13](https://indike.org/pramana/in.purana.narada.1.91.13) evaṃ nyastaśarīro 'sau cintayetpārvatīpatim / dhyāyennityaṃ maheśānaṃ raupyaparvatasannibham // ### [1.91.14](https://indike.org/pramana/in.purana.narada.1.91.14) cārucandrāvataṃsaṃ ca ratnākalpojjvalāṅgakam / paraśvadhavarābhītimṛgahastaṃ śubhānanam // ### [1.91.15](https://indike.org/pramana/in.purana.narada.1.91.15) padmāsīnaṃ samantāttu stutaṃ sumanasāṃ gaṇaiḥ / vyāghrakṛtiṃ vasānaṃ ca viśvādyaṃ viśvarūpakam // ### [1.91.16](https://indike.org/pramana/in.purana.narada.1.91.16) trinetraṃ pañcavaktraṃ ca sarvabhītiharaṃ śivam / tattvalakṣaṃ japenmantraṃ dīkṣitaḥ śaivavartmanā // ### [1.91.17](https://indike.org/pramana/in.purana.narada.1.91.17) tāvatsaṃkhyasahasrāṇi juhuyātpāyasaiḥ śubhaiḥ / tataḥ siddho bhavenmantraḥ sādhakābhīṣṭasiddhidaḥ // ### [1.91.18](https://indike.org/pramana/in.purana.narada.1.91.18) devaṃ saṃpūjayetpīṭhe vāmādinavaśaktike / vāmā jyeṣṭhā tathā raudrī kālī kalapadādikā // ### [1.91.19](https://indike.org/pramana/in.purana.narada.1.91.19) vikāriṇyāhvayā proktā balādyā vikariṇyatha / balapramathanī paścātsarvabhūtadamanyatha // ### [1.91.20](https://indike.org/pramana/in.purana.narada.1.91.20) manonmanīti saṃproktāḥ śaivapīṭhasya śaktayaḥ / namo bhagavate paścātsakalādi vadettataḥ // ### [1.91.21](https://indike.org/pramana/in.purana.narada.1.91.21) guṇātmaśaktibhaktāya tato 'nantāya tatparam / yogapīṭhātmane bhūyo namastārādiko manuḥ // ### [1.91.22](https://indike.org/pramana/in.purana.narada.1.91.22) amunā manunā dadyādāsanaṃ girijāpateḥ / mūrtiṃ mūlena saṃkalpya tatrāvāhya yajecchivam // ### [1.91.23](https://indike.org/pramana/in.purana.narada.1.91.23) karṇikāyāṃ yajenmūrtirīśamīśānadiggajam / śuddhasphaṭikasaṃkāśaṃ dikṣu tatpuruṣādikā // ### [1.91.24](https://indike.org/pramana/in.purana.narada.1.91.24) pītāñjanaśvetaraktāḥ pradhānasadṛśāyudhāḥ / caturvaktrasamāyuktā yathāvattāḥ prapūjayet // ### [1.91.25](https://indike.org/pramana/in.purana.narada.1.91.25) koṇeṣvarcennivṛttyādyāstejorūpāḥ kalāḥ kramāt / aṅgāni kesarasthāni vighneśānpannagānyajet // ### [1.91.26](https://indike.org/pramana/in.purana.narada.1.91.26) anantaṃ sukhanāmānaṃ śivottamamanantaram / ekanetramekarudraṃ trimūrtiṃ tadanantaram // ### [1.91.27](https://indike.org/pramana/in.purana.narada.1.91.27) paścācchīkaṇṭhanāmānaṃ śikhaṇḍinamiti kramāt / raktapītasitāraktakṛṣṇaraktāñjanāsitān // ### [1.91.28](https://indike.org/pramana/in.purana.narada.1.91.28) kirīṭārpitabālendūnpadmasthānbhūṣaṇānvitān / trinetrāñchūlavajrāstracāpahastānmanoramān // ### [1.91.29](https://indike.org/pramana/in.purana.narada.1.91.29) uttarādi yajetpaścādrudraṃ caṇḍeśvaraṃ punaḥ / tato nandimahākālau gaṇeśaṃ vṛṣabhaṃ punaḥ // ### [1.91.30](https://indike.org/pramana/in.purana.narada.1.91.30) atha bhṛṅgiṃ riṭiṃ skandametānpadmāsanasthitān / svarṇatoyāruṇaśyāmamuktendusitapāṭalān // ### [1.91.31](https://indike.org/pramana/in.purana.narada.1.91.31) indrādayastataḥ pūjyā vajrādyāyudhasaṃyutāḥ / itthaṃ saṃpūjayeddevaṃ sahasraṃ nityaśo japet // ### [1.91.32](https://indike.org/pramana/in.purana.narada.1.91.32) sarvapāpavinirmuktaḥ prāpnuyādvāñchitaṃ śriyam / dvisahasraṃ japan rogānmucyate nātra saṃśayaḥ // ### [1.91.33](https://indike.org/pramana/in.purana.narada.1.91.33) trisanmantraṃ japanmantraṃ dīrghamāyuravāpnuyāt / sahasravṛddhayā prajapansarvakāmānavāpnuyāt // ### [1.91.34](https://indike.org/pramana/in.purana.narada.1.91.34) ājyānvitaistilaiḥ śuddhairjuhuyāllakṣamādarāt / utpātajanitān kleśānnāśayennātra saṃśayaḥ // ### [1.91.35](https://indike.org/pramana/in.purana.narada.1.91.35) śatalakṣaṃ japansākṣācchivo bhavati mānavaḥ / ṣaḍakṣaraḥ śaktiruddhaḥ kathito 'ṣṭākṣaro manuḥ // ### [1.91.36](https://indike.org/pramana/in.purana.narada.1.91.36) ṛṣiśchandaḥ purā prokto devatā syādumāpatiḥ / aṅgāni pūrvamuktāni saumyamīśaṃ vicintayet // ### [1.91.37](https://indike.org/pramana/in.purana.narada.1.91.37) bandhūkābhaṃ trinetraṃ ca śaśikhaṇḍadharaṃ vibhum / smerāsyaṃ svakaraiḥ śūlaṃ kaṃpālaṃ varadābhaye // ### [1.91.38](https://indike.org/pramana/in.purana.narada.1.91.38) vahṝntaṃ cārubhūpāḍhyaṃ vāmorusthādrikanyayā / bhujenāśliṣṭadehaṃ taṃ cintayenmanasā hṛdi // ### [1.91.39](https://indike.org/pramana/in.purana.narada.1.91.39) manulakṣaṃ japenmantraṃ tatsahasraṃ yathāvidhi / juhuyānmānmadhusasiktairāragvadhasamidvaraiḥ // ### [1.91.40](https://indike.org/pramana/in.purana.narada.1.91.40) prākprokte pūjayetpīṭhe gandhapuṣpairumāpatim / aṅgāvṛtairbahiḥ pūjyā hṛllekhādyā yathāpurā // ### [1.91.41](https://indike.org/pramana/in.purana.narada.1.91.41) madhyaprāgdakṣiṇodīcyapaścimeṣu vidhānataḥ / yajetpūrvādipatreṣu vṛṣabhādyānanukramāt // ### [1.91.42](https://indike.org/pramana/in.purana.narada.1.91.42) śūlaṭaṅkākṣavalayakamaṇḍalulasatkaram / raktākāraṃ trinayanaṃ caṇḍeśamatha pūjayet // ### [1.91.43](https://indike.org/pramana/in.purana.narada.1.91.43) cakraśaṅkhābhayābhīṣṭakarāṃ marakataprabhām / durgāṃ prapūjayetsaumyāṃ trinetrāṃ cārubhūṣaṇām // ### [1.91.44](https://indike.org/pramana/in.purana.narada.1.91.44) kalpaśākhāntare ghaṇṭāṃ dadhānaṃ dvādaśekṣaṇam / bālārkābhaṃ śiśuṃ kāntaṃṣaṇmukhaṃ pūjayettataḥ // ### [1.91.45](https://indike.org/pramana/in.purana.narada.1.91.45) nanditaṃ ca yajetsaumyāṃ ratnabhūṣaṇamaṇḍitam / paraśvadhavarābhītiṭaṅkinaṃ śyāmavigraham // ### [1.91.46](https://indike.org/pramana/in.purana.narada.1.91.46) pāśāṅkuśavarābhīṣṭadhāriṇaṃ kuṅkumaprabham / vighnanāyakamabhyarceccandrārddhakṛtaśekharam // ### [1.91.47](https://indike.org/pramana/in.purana.narada.1.91.47) śyāmaṃ raktotpalakaraṃ vāmāṅkanyastatatkaram / dvinetraṃ raktavastrāḍhyaṃ senāpatimathārcayet // ### [1.91.48](https://indike.org/pramana/in.purana.narada.1.91.48) tato 'ṣṭamātaraḥ pūjyā brāhmādyāḥ proktalakṣaṇāḥ / indrādikānlokapālānsvasvadikṣu samarcayet // ### [1.91.49](https://indike.org/pramana/in.purana.narada.1.91.49) vajrādīni tadastrāṇi tadbahiḥ kramator'cayet / evaṃ yo bhajate mantrī devaṃ śaṃbhumumāpatim // ### [1.91.50](https://indike.org/pramana/in.purana.narada.1.91.50) sa bhavetsarvalokānāṃ saubhāgyaśreyasāṃ padam / sāṃtasadyāntasaṃyukto bindubhūṣitamastakaḥ // ### [1.91.51](https://indike.org/pramana/in.purana.narada.1.91.51) prāsādākhyo manuḥ prokto bhajatāṃ sarvasiddhidaḥ / ṣaḍdīrghayuktabījena ṣaḍaṅgavidhirīritaḥ // ### [1.91.52](https://indike.org/pramana/in.purana.narada.1.91.52) ṣaḍarṇavattu munyādyāḥ proktāścāsyāpi nārada / īśānādyā nyasenmūrtīraṅguṣṭhādiṣu deśikaḥ // ### [1.91.53](https://indike.org/pramana/in.purana.narada.1.91.53) īśānākhyaṃ tatpuruṣamaghoraṃ tadanantaram / vāmadevāhvayaṃ sadyojātabījaṃ kramādviduḥ // ### [1.91.54](https://indike.org/pramana/in.purana.narada.1.91.54) ukārādyaiḥ pañcahrasvaurvilomānsaṃyutaṃ ca yat / tattadaṅgulibhirbhūyastattadikānnyaset // ### [1.91.55](https://indike.org/pramana/in.purana.narada.1.91.55) śirovadanahṛdguhyapādadeśe yathākramāt / urddhaprāgdakṣiṇodīcyapaścimeṣu mukheṣu ca // ### [1.91.56](https://indike.org/pramana/in.purana.narada.1.91.56) tataḥ pravinyasedvidvānaṣṭatriṃśatkalāstanau / īśānādyā ṛcaḥ samyagaṅgulīṣu yathākramāt // ### [1.91.57](https://indike.org/pramana/in.purana.narada.1.91.57) aṅguṣṭhādikaniṣṭhāntaṃ nyaseddeśikasattamaḥ / mūrddhāsyahṛdayāṃbhojaguhyapāde tu tāḥ punaḥ // ### [1.91.58](https://indike.org/pramana/in.purana.narada.1.91.58) vaktre mūrdhādiṣu nyasya bhūyo 'ṅgāni prakalpayet / tārapañcakamuccārya sarvajñāya hṛdīritam // ### [1.91.59](https://indike.org/pramana/in.purana.narada.1.91.59) amṛte tejo mālini tṛptāyeti padaṃ punaḥ / tadante brahmaśiḥse śirogaṃ jvalitaṃ tataḥ // ### [1.91.60](https://indike.org/pramana/in.purana.narada.1.91.60) śikhiṃ śikhāya parato 'nādibodhāya tacchikhā / vajriṇe vajrahastāya svatantrāya tanucchadam // ### [1.91.61](https://indike.org/pramana/in.purana.narada.1.91.61) saiṃ saiṃ haumiti saṃbhāṣya parato toṃ guhyaśaktaye / netramuktaṃ ślīpaśuṃ huṃ phaḍante netraṃ śaktaye // ### [1.91.62](https://indike.org/pramana/in.purana.narada.1.91.62) astramuktaṃ ṣaḍaṅgāni kuryādevaṃ samāhitaḥ / pūrvadakṣiṇapaścātprāksaumyamadhyeṣu pañcasu // ### [1.91.63](https://indike.org/pramana/in.purana.narada.1.91.63) vaktreṣu pañca vinyasyedīśānasya kalāḥ kramāt / īśānaḥ sarvavidyānāṃ śaśinī prathamā kalā // ### [1.91.64](https://indike.org/pramana/in.purana.narada.1.91.64) īśvaraḥ sarvabhūtānāṃ maṅgalā tadanantaram / brahmādhipatiḥ śabdānte brahmaṇo 'dhipatiḥ punaḥ // ### [1.91.65](https://indike.org/pramana/in.purana.narada.1.91.65) brahmeṣṭadā tṛtīyāsyācchivo me astu tatparā / marīciḥ kathitā vipra caturthī ca sadāśive // ### [1.91.66](https://indike.org/pramana/in.purana.narada.1.91.66) aṃśumālinyatha parā praṇavādyā namonvitāḥ / pūrvapaścimayāmyodagvaktreṣu tadanantaram // ### [1.91.67](https://indike.org/pramana/in.purana.narada.1.91.67) catasro vinyasenmantrī puruṣasya kalāḥ kramāt / ādyā tatpurupāyeti vidmahe śāntirīritā // ### [1.91.68](https://indike.org/pramana/in.purana.narada.1.91.68) mahādevāya śabdānte dhīmahi syāttataḥ param / vidyā dvitīyā kathitā tanno rudraḥ padaṃ tataḥ // ### [1.91.69](https://indike.org/pramana/in.purana.narada.1.91.69) pratiṣṭhā kathitā paścāttṛtīyā syātpracodayāt / nivṛttistatparā sarvā praṇavādyā namonvitā // ### [1.91.70](https://indike.org/pramana/in.purana.narada.1.91.70) hṛdi cāṃsadvaye nābhikukṣau pṛṣṭhe 'tha vakṣasi / athorasi kalā nyasyedaṣṭau mantrī yathāvidhi // ### [1.91.71](https://indike.org/pramana/in.purana.narada.1.91.71) aghorebhyastathā pūrvamīritā prathamā kalā / atha ghorebhya ityante mohāsyāttadanantaram // ### [1.91.72](https://indike.org/pramana/in.purana.narada.1.91.72) aghorānte kṣamā paścāttṛtīyā parikīrtitā / ghoratarebhyo nidrā syātsarvebhyaḥ sarvatatparā // ### [1.91.73](https://indike.org/pramana/in.purana.narada.1.91.73) vyādhistu pañcamī proktā śarvebhyastadanantaram / mṛtyurnigaditā ṣaṣṭhī namaste astu tatparam // ### [1.91.74](https://indike.org/pramana/in.purana.narada.1.91.74) kṣudhā syātsaptamī rudrarūpebhyaḥ kathitā tṛṣā / aṣṭamī kathitā etādhruvādyā namasānvitāḥ // ### [1.91.75](https://indike.org/pramana/in.purana.narada.1.91.75) guhyayugmoruyugmeṣu jānujaṅghāsphijoḥ punaḥ / kaṭyāṃ pārśvadvaye vāmakalā nyasyettrayodaśa // ### [1.91.76](https://indike.org/pramana/in.purana.narada.1.91.76) prathamā vāmadevāya namonte syādrujā kalā / syājjyeṣṭhāya namo rakṣā dvitīyā parikīrtitā // ### [1.91.77](https://indike.org/pramana/in.purana.narada.1.91.77) kalakāmā pañcamī syāttato vikaraṇāya ca / namaḥ saṃyamanī ṣaṣṭhī kathitā tadanantaram // ### [1.91.78](https://indike.org/pramana/in.purana.narada.1.91.78) balakriyā saptamīṣṭā kalā vikaraṇāya ca / namo vṛddhistvaṣṭamī syādbalānte ca sthirā kalā // ### [1.91.79](https://indike.org/pramana/in.purana.narada.1.91.79) paścātpramathanāyānte namo rātrirudīritā / sarvabhūtadamanāya namonte bhrāmaṇī kalā // ### [1.91.80](https://indike.org/pramana/in.purana.narada.1.91.80) namonte mohinī proktā mantrajñairdvādaśī kalā / manonmanyai namaḥ paścājjvarā proktā trayodaśī // ### [1.91.81](https://indike.org/pramana/in.purana.narada.1.91.81) praṇavādyāścaturthyantā namontāstu prakīrtitāḥ / pādadostananāsāsu mūrdhni bāhuyuge nyaset // ### [1.91.82](https://indike.org/pramana/in.purana.narada.1.91.82) sadyojātabhavāḥ samyagaṣṭau mantrāḥ kalāḥ kramāt / sadyojātaṃ prapadyāmi siddhiḥ syātprathamā kalā // ### [1.91.83](https://indike.org/pramana/in.purana.narada.1.91.83) sadyojātāya vai bhūyo namaḥ syād vṛddhirīritā / bhavedyutistṛtīyā syādabhave tadanandaram // ### [1.91.84](https://indike.org/pramana/in.purana.narada.1.91.84) lakṣmī caturthī kathitā tato nātibhavepadam / medhā syātpañcamī proktā kalābhūyo bhavasva mām // ### [1.91.85](https://indike.org/pramana/in.purana.narada.1.91.85) prājñā samīritā ṣaṣṭhī bhavānte syātprabhā kalā / udbhavāya namaḥ paścātsudhā syādaṣṭamī kalā // ### [1.91.86](https://indike.org/pramana/in.purana.narada.1.91.86) praṇavādyāścaturthyantā kalāḥ sarvā namonvitāḥ / aṣṭātriṃśatkalāḥ proktāḥ pañca brahmapadādikāḥ // ### [1.91.87](https://indike.org/pramana/in.purana.narada.1.91.87) iti vinyastadeho 'sau bhavedgaṅgādharaḥ svayam / tataḥ samāhito bhūtvā dhyāyedevaṃ sadāśivam // ### [1.91.88](https://indike.org/pramana/in.purana.narada.1.91.88) sitapītāsitaśvetajapābhaiḥ pañcabhirmukhaiḥ / akṣairyutaṃ glaumukuṭaṃ koṭipūrṇendusaṃprabham // ### [1.91.89](https://indike.org/pramana/in.purana.narada.1.91.89) śūlaṃ ṭaṅkaṃ kṛpāṇaṃ ca vajrāgnyahipatīnkaraiḥ / dadhānaṃbhūṣaṇoddīptaṃ ghaṇṭāpāśavarābhayān // ### [1.91.90](https://indike.org/pramana/in.purana.narada.1.91.90) evaṃ dhyātvā japenmantraṃ pañcalakṣaṃ madhuplutaiḥ / prasūnaiḥ karavīrotthairjuhuyāttahṛśāṃśataḥ // ### [1.91.91](https://indike.org/pramana/in.purana.narada.1.91.91) pūrvodite yajetpīṭhe martiṃ mūlena kalpayet / āvāhya pūjayettasyāṃ mūrtāvāvaraṇaiḥ saha // ### [1.91.92](https://indike.org/pramana/in.purana.narada.1.91.92) śaktiṃ ḍamarukābhītivarānsaṃdadhataṃ karaiḥ / īśānaṃ trīkṣaṇaṃ śubhramaiśānyāṃ diśi pūjayet // ### [1.91.93](https://indike.org/pramana/in.purana.narada.1.91.93) paraśveṇavarābhītīrdadhānaṃ vidyudujjvalam / caturmukhaṃ tatpuruṣaṃ trinetraṃ pūrvantor'cayet // ### [1.91.94](https://indike.org/pramana/in.purana.narada.1.91.94) akṣasrajaṃ vedapāśau ṛṣiṇḍamarukaṃ tataḥ / khaṭvāṅgaṃ niśitaṃ śūlaṃ kapālaṃ bibhrataṃ karaiḥ // ### [1.91.95](https://indike.org/pramana/in.purana.narada.1.91.95) añjanābhaṃ caturvaktraṃ bhīmadantaṃ bhayāvaham / aghoraṃ trīkṣaṇaṃ yāmye pūjayenmantravittamaḥ // ### [1.91.96](https://indike.org/pramana/in.purana.narada.1.91.96) kuṅkumābhacaturvaktraṃ vāmadevaṃ trilocanam / hariṇākṣaguṇābhītivarahastaṃ caturmukham // ### [1.91.97](https://indike.org/pramana/in.purana.narada.1.91.97) bālenduśekharollāsimukuṭaṃ paścime yajet / karpūredunibhaṃ saumyaṃ sadyojātaṃ trilocanam // ### [1.91.98](https://indike.org/pramana/in.purana.narada.1.91.98) varābhayākṣavalayakuṭhārāndadhataṃ karaiḥ / vilāsinaṃ smeravaktraṃ saumye samyaksamarcayet // ### [1.91.99](https://indike.org/pramana/in.purana.narada.1.91.99) koṇeṣvarcennivṛttyādyāstejorūpāḥ kalāḥ kramāt / vighneśvarānanantādyānpatreṣu parito yajet // ### [1.91.100](https://indike.org/pramana/in.purana.narada.1.91.100) umādikāstato bāhye śakrādyānāyudhaiḥ saha / iti saṃpūjya deveśaṃ bhaktyā paramayā yutaḥ // ### [1.91.101](https://indike.org/pramana/in.purana.narada.1.91.101) praṇīyennṛtyagītādyaiḥ stotramairtrīṃ manoharaiḥ / tāro māyāviyadbindumanusvarasamanvitaḥ // ### [1.91.102](https://indike.org/pramana/in.purana.narada.1.91.102) pañcākṣarasamāyukto vasuvarṇo manurmataḥ / pañcākṣaroktavatkuryādaṅganyāsādikaṃ budhaḥ // ### [1.91.103](https://indike.org/pramana/in.purana.narada.1.91.103) siṃdūrābhaṃ lasadratnamukuṭaṃ candramaulinam / divyabhūṣāṅgarāgaṃ ca nāgayajñopavītinam // ### [1.91.104](https://indike.org/pramana/in.purana.narada.1.91.104) vāmorusthapriyorojanyastahastaṃ ca bibhratam / vedaṭaṅkeṣmabhayaṃ dhyāyetsarveśvaraṃ śivam // ### [1.91.105](https://indike.org/pramana/in.purana.narada.1.91.105) aṣṭalakṣaṃ japenmantraṃ tatsahasraṃ ghṛtānvitaiḥ / pāyasairjuhuyātpīṭhemūrtiṃ saṃkalpya mūlataḥ // ### [1.91.106](https://indike.org/pramana/in.purana.narada.1.91.106) aṅgairāvaraṇaṃ pūrvamanantādyairanantaram / umādibhiḥ samuddiṣṭaṃ tṛtīyaṃ lokanāyakaiḥ // ### [1.91.107](https://indike.org/pramana/in.purana.narada.1.91.107) caturthaṃ pañcamaṃ teṣāmāyudhaiḥ parikīrtitam / evaṃ pratidinaṃ devaṃ pūjayetsādhakottamaḥ // ### [1.91.108](https://indike.org/pramana/in.purana.narada.1.91.108) putrapautrādigāṃ lakṣmīṃ saṃprāpyahyatra modate / tāraḥ sthirā sakarṇendurbhaghṛguḥ sargasamanvitaḥ // ### [1.91.109](https://indike.org/pramana/in.purana.narada.1.91.109) akṣarātmā nigadito mantro mṛtyuñjayātmakaḥ / ṛṣaiḥ kaholo devyādigāyatrī chanda īritam // ### [1.91.110](https://indike.org/pramana/in.purana.narada.1.91.110) mṛtyuñjayo mahādevo devatāsya samīritaḥ / bhṛguṇā dīrghayuktena ṣaḍaṅgāni samācaret // ### [1.91.111](https://indike.org/pramana/in.purana.narada.1.91.111) candrārkahutabhuṅnetraṃ smitāsyaṃ yugmapadmagam / mudrāpāśaiṇākṣasūtralasatpāṇiṃ śaśiprabham // ### [1.91.112](https://indike.org/pramana/in.purana.narada.1.91.112) bhālenduvigalantpīyūṣaplutāṅgamalaṅkṛtam / hārādyairnijakāntyā tu dhyāyedviśvavimohanam // ### [1.91.113](https://indike.org/pramana/in.purana.narada.1.91.113) guṇalakṣaṃ japenmantraṃ taddaśāṃśaṃ hunetsudhīḥ / amṛtāśakalaiḥ śuddhadugdhājyasamabhiplutaiḥ // ### [1.91.114](https://indike.org/pramana/in.purana.narada.1.91.114) śaive saṃpūjayetpīṭhe mūrtiṃ saṃkalpamūlataḥ / aṅgāvaraṇamārādhyapaścāllokeśvarānyajet // ### [1.91.115](https://indike.org/pramana/in.purana.narada.1.91.115) tadastrāṇi tato bāhye pūjayetsādhakottamaḥ / japapūjādibhiḥ siddhe mantre 'sminmunisattama // ### [1.91.116](https://indike.org/pramana/in.purana.narada.1.91.116) kuryātprayogānkalyoktānabhīṣṭaphalasiddhaye / dugdhasiktaiḥ sudhākhaṇḍairhutvā pratyahamādarāt // ### [1.91.117](https://indike.org/pramana/in.purana.narada.1.91.117) sahasramāsaparyantaṃ labhedāyurdhanaṃ sutān / sudhāvaṭatitānpūrvā payaḥ sarpiḥ payo haviḥ // ### [1.91.118](https://indike.org/pramana/in.purana.narada.1.91.118) sapta dravyāṇi vāreṣu kramāddaśaśataṃ hunet / saptādhikān dvijānnityaṃ bhojayenmadhurānvitam // ### [1.91.119](https://indike.org/pramana/in.purana.narada.1.91.119) ṛtvigbhyo dakṣiṇāṃ dadyādaruṇāṃ gāṃ payasvinīm / guruṃ saṃprīṇayetpaścāddhanādyairdevatādhiyā // ### [1.91.120](https://indike.org/pramana/in.purana.narada.1.91.120) anena vidhinā sādhyaḥ kṛtyādrohajvaṃrādibhiḥ / vimuktaḥ suciraṃ jīveccharadāṃ śatamañjasā // ### [1.91.121](https://indike.org/pramana/in.purana.narada.1.91.121) abhicāre jvare staṃbhaghoronmāde śirogade / asādhyaroge kṣveḍārtauṃ mohe dāhe mahābhaye // ### [1.91.122](https://indike.org/pramana/in.purana.narada.1.91.122) homo 'yaṃ śāntidaḥ proktaḥ sarvābhayapradāyakaḥ / dravyairetaiḥ prajuhuyāttrijanmasu yathāvidhi // ### [1.91.123](https://indike.org/pramana/in.purana.narada.1.91.123) bhojayenmadhurairbhojyairbrāhmaṇānvedapāragān / dīrghamāyuravāpnoti vāñchitāṃ vindati śriyam // ### [1.91.124](https://indike.org/pramana/in.purana.narada.1.91.124) ekādaśāhutīrnityaṃ dūrvābhirjuhuyād budhaḥ / apamṛtyujideva syādāyurārogyavarddhanam // ### [1.91.125](https://indike.org/pramana/in.purana.narada.1.91.125) trijanmasu sudhāvallīkāśmīrībakulodbhavaiḥ / samidvaraiḥ kṛto homaḥ sarvamṛtyugadāpahaḥ // ### [1.91.126](https://indike.org/pramana/in.purana.narada.1.91.126) siddhārthairvihito homo mahājvaravināśanaḥ / apāmārgasamiddhomaḥ sarvāmayaniṣūdanaḥ // ### [1.91.127](https://indike.org/pramana/in.purana.narada.1.91.127) dakṣiṇāmūrtaye pūrvaṃ tubhyaṃ padamanantaram / vaṭamūlapadasyānte pravadecca nivāsine // ### [1.91.128](https://indike.org/pramana/in.purana.narada.1.91.128) dhyānaikaniratāṅgāya paścād brūyānnamaḥ padam / rudrāya śaṃbhave tāraśaktiruddho 'yamīritaḥ // ### [1.91.129](https://indike.org/pramana/in.purana.narada.1.91.129) ṣaṭtriṃśadakṣaro mantraḥ sarvakāmaphalapradaḥ / muniḥ śukaḥ samuddiṣṭaśchando 'nuṣṭupprakīrtitam // ### [1.91.130](https://indike.org/pramana/in.purana.narada.1.91.130) devatā dakṣiṇāmūrtirnāmnā śaṃbhurudīritaḥ / tāraśaktiyuktaiḥ pūrvaṃ hrīmādyantaiśca mantrajaiḥ // ### [1.91.131](https://indike.org/pramana/in.purana.narada.1.91.131) ṣaṭṣaṣṭhāṣṭeṣu vahnyarṇairhṛdayādyaṅgakalpanam / mūrdhni bhāle dṛśoḥ śrotre gaṇḍayugme sanāsike // ### [1.91.132](https://indike.org/pramana/in.purana.narada.1.91.132) āsyadoḥsaṃdhiṣu gale stanahṛnnābhimaṇḍale / kaṭyāṃ guhye punaḥ pādasaṃdhiṣvarṇānnyasenmanoḥ // ### [1.91.133](https://indike.org/pramana/in.purana.narada.1.91.133) vyāpakaṃ tāraśaktibhyāṃ kuryāddehe tataḥ param / himācalataṭe ramye siddhikinnarasevite // ### [1.91.134](https://indike.org/pramana/in.purana.narada.1.91.134) vividhadrumaśākhābhiḥ sarvato vāritātape / supuṣpitairlatājālairāśliṣṭakusumadrume // ### [1.91.135](https://indike.org/pramana/in.purana.narada.1.91.135) śilāvivaranirgacchannirjharānilaśītale / gāyaddevāṅganāsaṃghe nṛtyadbarhi kadambake // ### [1.91.136](https://indike.org/pramana/in.purana.narada.1.91.136) kūjatkokilasaṃghena mukharīkṛtadiṅmukhe / parasparavinirmuktamātsaryamṛgasevite // ### [1.91.137](https://indike.org/pramana/in.purana.narada.1.91.137) jalajaiḥ sthalajaiḥ puṣpairāmodibhiralaṅkṛte / ādyaiḥ śukādyairmunibhirajasrasukhasevite // ### [1.91.138](https://indike.org/pramana/in.purana.narada.1.91.138) purandaramukhairdevaiḥ sāṃganādyairvilokite / vaṭavṛkṣaṃ mahocchrāyaṃ padmarāgaphalojjlam // ### [1.91.139](https://indike.org/pramana/in.purana.narada.1.91.139) gārutmatamayaiḥ patrairnibiḍairupaśobhitam / navaratnamayākalpairlaṃbamānairalaṅkṛtam // ### [1.91.140](https://indike.org/pramana/in.purana.narada.1.91.140) saṃsāratāpavicchedakuśalacchāyamadbhutam / tasya mūle susaṃkḷptaratnasiṃhāsane śubhe // ### [1.91.141](https://indike.org/pramana/in.purana.narada.1.91.141) āsīnamasitākalpaṃ śaraccandranibhānanam / kailāsādrinibhaṃ tryakṣaṃ candrāṅkitakapardakam // ### [1.91.142](https://indike.org/pramana/in.purana.narada.1.91.142) nāsāgrālokanaparaṃ vīrāsanasamāsthitam / bhadrāṭake kuraṅgāḍhyajānusthakarapallavam // ### [1.91.143](https://indike.org/pramana/in.purana.narada.1.91.143) kakṣābaddhabhujaṅgaṃ ca suprasannaṃ haraṃ smaret / ayutadvayasaṃyuktaguṇalakṣaṃ japenmanum // ### [1.91.144](https://indike.org/pramana/in.purana.narada.1.91.144) taddaśāṃśaṃ tilaiḥ śuddhairjuhuyātkṣīrasaṃyutaiḥ / pañcākṣarodite pīṭhe tadvidhānena pūjayet // ### [1.91.145](https://indike.org/pramana/in.purana.narada.1.91.145) bhikṣāhāro japenmāsaṃ manumenaṃ jitendriyaḥ / nityaṃ sahasramaṣṭārddhaṃ parāṃ vindati vākchriyam // ### [1.91.146](https://indike.org/pramana/in.purana.narada.1.91.146) trivāraṃ japtametena payastu manunā pibet / dakṣiṇāmūrtiṃsaṃdhyānācchāstravyākhyānakṛdbhavet // ### [1.91.147](https://indike.org/pramana/in.purana.narada.1.91.147) praṇavo hṛdayaṃ paścādvadedbhagavatepadam / ṅeyutaṃ dakṣiṇāmūrtiṃ mahyaṃmedhāmudīrayet // ### [1.91.148](https://indike.org/pramana/in.purana.narada.1.91.148) prayaccha ṭhadvayānto 'yaṃ dvāviṃśatyakṣaro manuḥ / muniścaturmukhaśchando gāyatrī devatoditā // ### [1.91.149](https://indike.org/pramana/in.purana.narada.1.91.149) tāraruddhaiḥ svarairdīrghaiḥ ṣaḍbhiraṅgāni kalpayet / padairmantrabhavairvāpidhyānādyaṃ pūrvavanmatam // ### [1.91.150](https://indike.org/pramana/in.purana.narada.1.91.150) lohitogryāsanaḥ sadyo bindumānprathamaṃ tataḥ / dvitīyaṃ vahnibījasthā dīrghā śāntīndubhūṣitā // ### [1.91.151](https://indike.org/pramana/in.purana.narada.1.91.151) tṛtīyā lāṅgalīśārṇamantro bījatrayānvitaḥ / nīlakaṇṭhātmakaḥ prokto viṣadvayaharaḥ paraḥ // ### [1.91.152](https://indike.org/pramana/in.purana.narada.1.91.152) haradvayaṃ vahnijāyā hṛdayaṃ parikīrtitam / kaparddine padayugaṃ śiromantra udāhṛtaḥ // ### [1.91.153](https://indike.org/pramana/in.purana.narada.1.91.153) nīlakaṇṭhāya ṭhadvandvaṃ śikhāmantro 'yamīritaḥ / kālakūṭapadasyānte viṣabhakṣaṇaṅeyutam // ### [1.91.154](https://indike.org/pramana/in.purana.narada.1.91.154) huṃ phaṭ kavacamuddiṣṭaṃ nīlakaṇṭhina ityataḥ / svāhāntamastrametāni pañcāgāni manorviduḥ // ### [1.91.155](https://indike.org/pramana/in.purana.narada.1.91.155) mūrdhni kaṇṭhe hṛdaṃbhoje kramādvījatrayaṃ nyaset / bālārkāyutavarcaskaṃ jaṭājūṭenduśobhitam // ### [1.91.156](https://indike.org/pramana/in.purana.narada.1.91.156) nāgābhūṣaṃ japavaṭīṃ śūlaṃ brahmakapālakam / khaṭvāṅgaṃ dadhataṃ dorbhistrinetraṃ cintayeddharam // ### [1.91.157](https://indike.org/pramana/in.purana.narada.1.91.157) lakṣatrayaṃ japenmantraṃ taddaśāṃśaṃ sasarpiṣā / haviṣā juhuyātsamyaksaṃskṛte havyavāhane // ### [1.91.158](https://indike.org/pramana/in.purana.narada.1.91.158) śaivaṃ pīṭhe yajeddevaṃ nīlakaṇṭhaṃ samāhitaḥ / mṛtyuṃ jayavidhānena viṣadvayavināśanam // ### [1.91.159](https://indike.org/pramana/in.purana.narada.1.91.159) agniḥ saṃvartakādityarānilau ṣaṣṭibindumān / cintāmaṇiriti khyātaṃ bījaṃ sarvasamṛddhidam // ### [1.91.160](https://indike.org/pramana/in.purana.narada.1.91.160) kaśyapo munirākhyātaśchando 'nuṣṭubudāhṛtam / arddhanārīśvaraḥ prokto devatā jagatāṃ patiḥ // ### [1.91.161](https://indike.org/pramana/in.purana.narada.1.91.161) rephaādivyañjanaiḥ ṣaḍbhiḥ kuryādaṅgāni ṣaṭ kramāt / trinetraṃ nīlamaṇibhaṃ śūlapāśaṃ kapālakam // ### [1.91.162](https://indike.org/pramana/in.purana.narada.1.91.162) raktotpalaṃ ca hastābjairdadhataṃ cārubhūṣaṇam / bālendubaddhamukuṭamarddhanārīśvaraṃ smaret // ### [1.91.163](https://indike.org/pramana/in.purana.narada.1.91.163) ekalakṣaṃ japenmantraṃ triśataṃ madhurāplutaiḥ / tilairhunedyajetpīṭhe śaiveṅgāvaraṇaiḥ saha // ### [1.91.164](https://indike.org/pramana/in.purana.narada.1.91.164) vṛṣādyairmātṛbhiḥ paścāllokapālaistadāyudhaiḥ / prāsādādyaṃ japenmantramayutaṃ rogaśāntaye // ### [1.91.165](https://indike.org/pramana/in.purana.narada.1.91.165) svāhāvṛttamidaṃ bījaṃ vigalatparamāmṛtam / candrabiṃbasthitaṃ mūrdhni dhyātaṃ kṣveḍagadāpaham // ### [1.91.166](https://indike.org/pramana/in.purana.narada.1.91.166) pratilomasvarāḍhyā ca bījaṃ vahnigṛhe sthitam / rephaādivyañjanollāsiṣaṭkoṇābhivṛtaṃ bahiḥ // ### [1.91.167](https://indike.org/pramana/in.purana.narada.1.91.167) bhūtārtasya smṛtaṃ mūrdhni bhūtamāśu vināśayet / pīḍitāṅge smṛtaṃ tattatpīḍāṃ śamayati dhruvam // ### [1.91.168](https://indike.org/pramana/in.purana.narada.1.91.168) praṇavo hṛdayaṃ paścān ṅeṃtaḥ paśupatiḥ punaḥ / tāro namo bhūtapadaṃ tato 'dhipataye dhruvam // ### [1.91.169](https://indike.org/pramana/in.purana.narada.1.91.169) namorudrāya yugalaṃ khaḍgarāvaṇa śabdataḥ / viharadvitayaṃ paścānnarīnṛtyayugaṃ pṛthak // ### [1.91.170](https://indike.org/pramana/in.purana.narada.1.91.170) śmaśānabhasmācitānte śaraṇyāya tataḥ param / ghaṇṭākapālamālādidharāyeti padaṃ punaḥ // ### [1.91.171](https://indike.org/pramana/in.purana.narada.1.91.171) vyāghracarmapadasyānte paridhānāya tatparam / śaśāṅkakṛtaśabdānte śekharāya tataḥ param // ### [1.91.172](https://indike.org/pramana/in.purana.narada.1.91.172) kṛṣṇasarpapadātpaścādvadedyajñopavītine / balayugmaṃ calāyugmamanivartakapāline // ### [1.91.173](https://indike.org/pramana/in.purana.narada.1.91.173) hanuyugmaṃ tato bhūtāṃstrāsayadvitayaṃ punaḥ / bhūyo maṇḍalamadhye syātkaṭayugmaṃ tataḥ param // ### [1.91.174](https://indike.org/pramana/in.purana.narada.1.91.174) rudrāṅkuśena śamaya praveśayayugaṃ tataḥ / āveśayayugaṃ paścāñcaṇḍāsipadamīrayet // ### [1.91.175](https://indike.org/pramana/in.purana.narada.1.91.175) dhārādhipatirudro 'yaṃ jñāpayatyagnisuṃdarī / khaḍgarāvaṇamantro 'yaṃ saptatyūrddhaśatākṣaraḥ // ### [1.91.176](https://indike.org/pramana/in.purana.narada.1.91.176) bhūtādhipataye svāhā pūjāmantro 'yamīritaḥ / siddhamantro 'yamudito japādeva prasiddhyati // ### [1.91.177](https://indike.org/pramana/in.purana.narada.1.91.177) ayutadvitayātpaścādbhūtādigrahaṇe kṣamaḥ / māyā sphuradvayaṃ bhūyaḥ prasphuradvitayaṃ punaḥ // ### [1.91.178](https://indike.org/pramana/in.purana.narada.1.91.178) ghātayadvitayaṃ varmaphaḍantaḥ samudīritaḥ / ekapañcāśadarṇo 'yamaghorāstraṃ mahāmanuḥ // ### [1.91.179](https://indike.org/pramana/in.purana.narada.1.91.179) aghoro 'sya nuniḥ proktastrivṛcchandaṃ udāhṛtam / aghorarudraḥ saṃdiṣṭo devatā mantranāyakaḥ // ### [1.91.180](https://indike.org/pramana/in.purana.narada.1.91.180) hṛdayaṃ pañcabhiḥ proktaṃ śiraḥ ṣaḍbhirudāhṛtam / śikhā daśabhirākhyātā navabhiḥ kavacaṃ matam // ### [1.91.181](https://indike.org/pramana/in.purana.narada.1.91.181) vasuvarṇaiḥ smṛtaṃ netraṃ daśārṇairastramīritam / mūrdhni netrāsyakaṇṭheṣu hṛnnābhyāmūruṣu kramāt // ### [1.91.182](https://indike.org/pramana/in.purana.narada.1.91.182) jānujaṅghāpadadvandve rudrabhinnākṣarairnyaset / pañcaṣaṭkāṣṭavedāṅgadvivdyabdhirasalocanaiḥ // ### [1.91.183](https://indike.org/pramana/in.purana.narada.1.91.183) śyāmaṃ trinetraṃ sapārḍhyaṃ raktavastrāṅgarāṅgakam / nānāśastradharaṃ dhyāyenadaghorākhyaṃ sadāśivam // ### [1.91.184](https://indike.org/pramana/in.purana.narada.1.91.184) bhūtavetālakādīnāṃ kṣayo 'yaṃ nigrahe manuḥ / tāro vānto dharāsaṃstho vāmanetrendubhūṣitaḥ // ### [1.91.185](https://indike.org/pramana/in.purana.narada.1.91.185) pāśī bakaḥ karṇanetravarmāstrāntaḥ ṣaḍakṣaraḥ / manuḥ pāśupatāstrākhyo grahakṣudranivāraṇaḥ // ### [1.91.186](https://indike.org/pramana/in.purana.narada.1.91.186) ṣaḍbhirvarṇaiḥ ṣaḍaṅgāni huṃphaḍantaiḥ sajātibhiḥ / madhyāhnārkaprabhaṃ bhīmaṃ tryakṣaṃ pannagabhūṣaṇam // ### [1.91.187](https://indike.org/pramana/in.purana.narada.1.91.187) nānāśastraṃ caturvaktraṃ smaretpaśupatiṃ haram / varṇalakṣaṃ japenmantraṃ juhuyāttaddaśāṃśataḥ // ### [1.91.188](https://indike.org/pramana/in.purana.narada.1.91.188) gavyena sarpiṣā mantro saṃskṛte havyavāhane / śaive pīṭhe yajedaṅgamātṛlokeśvarāyudhaiḥ // ### [1.91.189](https://indike.org/pramana/in.purana.narada.1.91.189) anena mantritaṃ toyaṃ bhūtagrastamukhe kṣipet / sadyaḥ sa muñcati krandānmahāmantraprabhāvataḥ // ### [1.91.190](https://indike.org/pramana/in.purana.narada.1.91.190) anena mantritānbāṇānvisṛjedyudhi yo naraḥ / jayetkṣaṇena nikhilāñchatrūnpārtha ivāparaḥ // ### [1.91.191](https://indike.org/pramana/in.purana.narada.1.91.191) varṇāntimo binduyutaḥ kṣetrapālāya hṛnmanuḥ // ### [1.91.192](https://indike.org/pramana/in.purana.narada.1.91.192) tārādyo vasuvarṇo 'yaṃ kṣetrapālasya kīrtitaḥ / ṣaḍdīrghayuktabījena ṣaḍaṅgaṃ nyasya cintayet // ### [1.91.193](https://indike.org/pramana/in.purana.narada.1.91.193) nīlācalābhaṃ digvastraṃ sarpabhūṣaṃ trilocanam / piṅgordhvakeśāndadhataṃ kapālaṃ ca gadāṃ smaret // ### [1.91.194](https://indike.org/pramana/in.purana.narada.1.91.194) lakṣamekaṃ japenmantraṃ juhuyāttaddaśāṃśataḥ / caruṇā ghṛtasiktena tataḥ kṣetre samarcayet // ### [1.91.195](https://indike.org/pramana/in.purana.narada.1.91.195) dharmādikalpite pīṭhe sāṃgāvaraṇamādarāt / tasmai saparivārāya balimetena nirharet // ### [1.91.196](https://indike.org/pramana/in.purana.narada.1.91.196) pūrvamehidvayaṃ paścādvidviṣaṃ puruṣaṃ dvayam / bhañjayadvitayaṃ bhūyo nartayadvitayaṃ punaḥ // ### [1.91.197](https://indike.org/pramana/in.purana.narada.1.91.197) tato vighnapadadvandvaṃ mahābhairava tatparam / kṣetrapālabaliṃ gṛhṇadvayaṃ pāvakasundarī // ### [1.91.198](https://indike.org/pramana/in.purana.narada.1.91.198) balimantro 'yamākhyātaḥ sarvakāmaphalapradaḥ / sopadeśaṃ bṛhatpiṇḍe kṛtvā rātriṣu sādhakaḥ // ### [1.91.199](https://indike.org/pramana/in.purana.narada.1.91.199) smṛtvā yathoktaṃ kṣetreśaṃ tasya haste baliṃ haret / balinānena santuṣṭaḥ kṣetrapālaḥ prayacchati // ### [1.91.200](https://indike.org/pramana/in.purana.narada.1.91.200) kāntiṃ medhāṃ balāyogyaṃ tejaḥ puṣṭiṃ yaśaḥ śriyam / uddharedbaṭukaṃ ṅeṃtamāpaduddhāraṇaṃ tathā // _First 200 of 238 passages. [Read on](https://indike.org/pramana/in.purana.narada.1.91)_ ## Linked texts (14) - [Puraścaryārṇava](https://indike.org/pramana/in.niti.dharma.prayoga.purascarana.purascaryarnava.2.26.13) — Sanskrit - [Mantrakaumudī](https://indike.org/pramana/in.niti.dharma.prayoga.purascarana.mantrakaumudi.4.622) — Sanskrit - [Tārābhaktisudhārṇava](https://indike.org/pramana/in.sampradaya.general.sakta.tarabhaktisudharnava.10.193) — Sanskrit - [Kulamuktikallolinī](https://indike.org/pramana/in.sampradaya.general.sakta.kulamuktikallolini.20.189) — Sanskrit - [Tattvacintāmaṇi](https://indike.org/pramana/in.sampradaya.general.sakta.tattvacintamani.3.5.2605) — Sanskrit - [Kaulāvalīnirṇaya](https://indike.org/pramana/in.sampradaya.saiva.trika.kaula.kaulavalinirnaya.2.788) — Jñānānanda Paramahaṃsa 1500, Sanskrit - [Śāktānandataraṅgiṇī](https://indike.org/pramana/in.sampradaya.general.sakta.saktanandatarangini.3.1389) — Brahmānanda Giri 1500, Sanskrit - [Southern recension](https://indike.org/pramana/in.lit.mahabharata.vyasa*southern.12.375.9_1066) — Sanskrit - [Kulavṛtti](https://indike.org/pramana/in.sampradaya.general.sakta.kulavrtti.9.1010) — Sanskrit - [Mṛgendra (another edition)](https://indike.org/pramana/in.sampradaya.saiva.agama.siva.kamika.mrgendra*alt.3.13) — Sanskrit - [Prapañcasārasaṃgraha](https://indike.org/pramana/in.darsana.advaita.prapancasarasamgraha.8.1-2.3) — Gīrvāṇendra Sarasvatī 1505, Sanskrit - [Nīlādrimahodaya](https://indike.org/pramana/in.vernacular.odia.purana.niladrimahodaya.93.8) — Mahādeva Dāsa, Sanskrit - [Varṣakriyākaumudī](https://indike.org/pramana/in.niti.dharma.kala.varsakrtya.varsakriyakaumudi.2.p64) — Govindānanda Kavikaṅkaṇa 1510, Sanskrit - [Kriyākaumudī (Govindānanda)](https://indike.org/pramana/in.niti.dharma.nibandha.krtya.kriyakaumudi.2.p171) — Govindānanda 1500, Sanskrit --- Source: [https://indike.org/pramana/in.purana.narada.1.91](https://indike.org/pramana/in.purana.narada.1.91) · Pramāṇa