[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.92 # Naradapurana 1.92 Nāradapurāṇa 1.92 - **Language:** Sanskrit ## Contents - [1.92.48](https://indike.org/pramana/in.purana.narada.1.92.48) — 1 part ### [1.92.1](https://indike.org/pramana/in.purana.narada.1.92.1) sūta uvāca etacchrutvā nāradastu kumārasya vaco mudā / punarapyāha suprīto jijñāsuḥ śreya uttamam // ### [1.92.2](https://indike.org/pramana/in.purana.narada.1.92.2) nārada uvāca sādhu sādhu mahābhāga sarvalokopakārakam / mahātantraṃ tvayā proktaṃ sarvatantrottamottamam // ### [1.92.3](https://indike.org/pramana/in.purana.narada.1.92.3) adhunā śrotumicchāmi purāṇākhyānamuttamam / yasminyasminpurāṇe tu yadyadākhyānakaṃ mune / tatsarvaṃ me samācakṣva sarvajñastvaṃ yato mataḥ // ### [1.92.4](https://indike.org/pramana/in.purana.narada.1.92.4) sūta uvāca tacchrutvā vacanaṃ viprā nāradasya śubhāvaham / purāṇākhyānasaṃpraśnaṃ kumāraḥ pratyuvāca ha // ### [1.92.5](https://indike.org/pramana/in.purana.narada.1.92.5) sanatkumāra uvāca pārāṇākhyānakaṃ vipra nānākalpasamudbhavam / nānākathāsamāyuktamadbhutaṃ bahuvistaram // ### [1.92.6](https://indike.org/pramana/in.purana.narada.1.92.6) ṛṣiḥ sanātanaścāyaṃ yathā veda tathāparaḥ / na veda tasmātpṛccha tvaṃ bahukalpavidāṃ varam // ### [1.92.7](https://indike.org/pramana/in.purana.narada.1.92.7) śrutvetthaṃ nārado vākyaṃ kumārasya mahātmanaḥ / praṇamya vinayopetaḥ sanātanamathābravīt // ### [1.92.8](https://indike.org/pramana/in.purana.narada.1.92.8) nārada uvāca brahmanpurāṇavicchreṣṭha jñānavijñānatatpara / purāṇānāṃ vibhāgaṃ me sākalye nānukīrtaya // ### [1.92.9](https://indike.org/pramana/in.purana.narada.1.92.9) yasmiñ śrute śrutaṃ sarvaṃ jñātaṃ kṛte kṛtam // ### [1.92.10](https://indike.org/pramana/in.purana.narada.1.92.10) varṇāśramācāradharmaṃ sākṣātkāramupaiṣyati / kiyanti ca purāṇāni kiyatsaṃkhyāni mānataḥ // ### [1.92.11](https://indike.org/pramana/in.purana.narada.1.92.11) kiṅkimākhyānayuktāni tadvadasva mama prabho / cāturvarṇyāśrayā nānāvratādīnāṃ kathāstathā // ### [1.92.12](https://indike.org/pramana/in.purana.narada.1.92.12) sṛṣṭikrameṇa vaṃśānāṃ kathāḥ samyakprakāśaya / tvatto 'dhiko na cānyo 'sti purāṇākhyānavitprabho // ### [1.92.13](https://indike.org/pramana/in.purana.narada.1.92.13) tasmādākhyāhi mahyaṃ tvaṃ sarvasandehabhañjanam / sūta uvāca tataḥ sanātano viprāḥ śrutvā nāradabhāṣitam // ### [1.92.14](https://indike.org/pramana/in.purana.narada.1.92.14) nārāyaṇaṃ kṣaṇaṃ dhyātvā provācātha vidāṃ varaḥ / sanātana uvāca sādhu sādhu muniśreṣṭha sarvalokopakārikā // ### [1.92.15](https://indike.org/pramana/in.purana.narada.1.92.15) purāṇākhyānavijñāne yajjātā neṣṭhikī matiḥ / tubhyaṃ samabhidhāsyāmi yatproktaṃ brahmaṇā purā // ### [1.92.16](https://indike.org/pramana/in.purana.narada.1.92.16) marīcyādiṛṣibhyastu putrasnehāvṛtātmanā / ekadā brahmaṇaḥ putro marīcirnāma viśrutaḥ // ### [1.92.17](https://indike.org/pramana/in.purana.narada.1.92.17) svādhyāyaśrutasaṃpanno vedavedāgapāragaḥ / upasṛtya svapitaraṃ brahmaṇaṃ lokabhāvanam // ### [1.92.18](https://indike.org/pramana/in.purana.narada.1.92.18) praṇamya bhaktyā papraccha idameva muniśvara / purāṇākhyānamamalaṃ yattvaṃ pṛcchasi mānada // ### [1.92.19](https://indike.org/pramana/in.purana.narada.1.92.19) marīciruvāca bhagavandevadeveśa lokānāṃ prabhavāpyaya / sarvajña sarvakalyāṇa sarvādhyakṣa namo 'stu te // ### [1.92.20](https://indike.org/pramana/in.purana.narada.1.92.20) purāṇabījamākhyahi mahyaṃ śuśrūṣave pitaḥ / lakṣaṇaṃ ca pramāṇaṃ ca pramāṇaṃ caṃ vaktāraṃ pṛcchakaṃ tathā // ### [1.92.21](https://indike.org/pramana/in.purana.narada.1.92.21) brahmovāca śṛṇu vatsa pravakṣyāmi purāṇānāṃ samuccayam / yasmiñjñāte bhavejjñātaṃ vāṅmayaṃ sacarācaram // ### [1.92.22](https://indike.org/pramana/in.purana.narada.1.92.22) purāṇamekamevāsītsarvakalpeṣu mānada / caturvargasya bījaṃ ca śatakoṭipravistaram // ### [1.92.23](https://indike.org/pramana/in.purana.narada.1.92.23) pravṛttiḥ sarvaśāstrāṇāṃ purāṇādabhavattataḥ / kālenāgrahaṇaṃ dṛṣṭvā purāmasya mahāmatiḥ // ### [1.92.24](https://indike.org/pramana/in.purana.narada.1.92.24) harirvyāsasvarūpeṇa jāyate ca yuge yuge / caturlakṣapramāṇena dvāpare dvāpare sadā // ### [1.92.25](https://indike.org/pramana/in.purana.narada.1.92.25) tadaṣṭādaśadhā kṛtvā bhūrloke nirddiśatyapi / adyāpi devaloke tu śatakoṭipravistaram // ### [1.92.26](https://indike.org/pramana/in.purana.narada.1.92.26) astyeva tasya sārastu caturlakṣeṇa varṇyate / brāhmaṃ pādmaṃ vaiṣṇavaṃ ca vāyavīyaṃ tathaiva ca // ### [1.92.27](https://indike.org/pramana/in.purana.narada.1.92.27) bhāgavataṃ nāradīyaṃ mārkaṇḍeyaṃ ca kīrtitam / āgneyaṃ ca bhaviṣyaṃ ca brahmavaivarttaliṅgake // ### [1.92.28](https://indike.org/pramana/in.purana.narada.1.92.28) vārāhaṃ ca tathā skāndaṃ vāmanaṃ kūrmasaṃjñakam / mātsyaṃ ca gāruḍaṃ tadvadbrahmāṇḍākhyamiti triṣaṭ // ### [1.92.29](https://indike.org/pramana/in.purana.narada.1.92.29) ekaṃ kathānakaṃ sūtraṃ vaktuḥ śrotuḥ samāhvayam / pravakṣyāmi samāsena niśāmaya samāhitaḥ // ### [1.92.30](https://indike.org/pramana/in.purana.narada.1.92.30) brahmaṃ purāṇaṃ tatrādau sarvalokahitāya vai / vyāsena vedaviduṣā samākhyātaṃ mahātmanā // ### [1.92.31](https://indike.org/pramana/in.purana.narada.1.92.31) tadvai sarvapurāṇāgryaṃ dharmakāmārthamokṣadam / nānākhyānetihāsāḍhyaṃ daśasāhasramucyate // ### [1.92.32](https://indike.org/pramana/in.purana.narada.1.92.32) devānāṃ ca surāṇāṃ ca yatrotpattiḥ prakīrtitā / prajāpatīnāṃ ca tathā dakṣādīnāṃ munīśvara // ### [1.92.33](https://indike.org/pramana/in.purana.narada.1.92.33) tato lokeśvarasyātra sūryasya paramātmanaḥ / vaṃśānukīrtanaṃ puṇyaṃ mahāpātakanāśanam // ### [1.92.34](https://indike.org/pramana/in.purana.narada.1.92.34) yatrāvatāraḥ kathitaḥ paramānandarūpiṇaḥ / śrīmato rāmacandrasya caturvyūhāvatāriṇaḥ // ### [1.92.35](https://indike.org/pramana/in.purana.narada.1.92.35) tataśca somavaṃśasyaṃ kīrtanaṃ yatra varṇitam / kṛṣṇasya jagadīśasya caritaṃ kalmaṣāpaham // ### [1.92.36](https://indike.org/pramana/in.purana.narada.1.92.36) dvīpānāṃ caiva sarveṣāṃ varṣāṇāṃ cāpyaśeṣataḥ / varṇanaṃ yatra pātālasvargāṇāṃ ca pradṛśyate // ### [1.92.37](https://indike.org/pramana/in.purana.narada.1.92.37) narakāṇāṃ samākhyānaṃ sūryastutikathānakam / pārvatyāśca tathā janma vivāhaśca nigadyate // ### [1.92.38](https://indike.org/pramana/in.purana.narada.1.92.38) dakṣākhyānaṃ tataḥ proktamekāmrakṣetravarṇanam / pūrvabhāgo 'yamuditaḥ purāṇasyāsya nārada // ### [1.92.39](https://indike.org/pramana/in.purana.narada.1.92.39) asyottare vibhāge tu puruṣottamavarṇanam / vistareṇa samākhyātaṃ tīrthayātrāvidhānataḥ // ### [1.92.40](https://indike.org/pramana/in.purana.narada.1.92.40) atraiva kṛṣṇacaritaṃ vistarātsamudīritam / varṇanaṃ yamalokasya pitṛśrāddhavidhistathā // ### [1.92.41](https://indike.org/pramana/in.purana.narada.1.92.41) varṇāśramāṇāṃ dharmāśca kīrtitā yatra vistarāt / viṣṇudharmayugākhyānaṃ pralayasya ca varṇanam // ### [1.92.42](https://indike.org/pramana/in.purana.narada.1.92.42) yogānāṃ ca samākhyānaṃ sāṃkhyānāṃ cāpi varṇanam / brahmavādasamuddeśaḥ purāṇasya praśaṃsanam // ### [1.92.43](https://indike.org/pramana/in.purana.narada.1.92.43) etadbrahmapurāṇaṃ tu bhāgadvayasamanvitam / varṇitaṃ sarvapāpaghnaṃ sarvasaukhyapradāyakam // ### [1.92.44](https://indike.org/pramana/in.purana.narada.1.92.44) sūtaśaunakasaṃvādaṃ bhuktimuktipradāyakam / likhitvetatpurāṇaṃ yo vaiśākhyāṃ hemasaṃyutam // ### [1.92.45](https://indike.org/pramana/in.purana.narada.1.92.45) jaladhenuyutaṃ cāpi bhaktyā dadyāddvijātaye / paurāṇikāya saṃpūjya vastrabhojyavibhūṣaṇaiḥ // ### [1.92.46](https://indike.org/pramana/in.purana.narada.1.92.46) sa vasedbrahmaṇo loke yāvaccandrārkatārakam / yaḥ paṭhecchṛṇuyādvāpi brāhmānukramaṇīṃ dvija // ### [1.92.47](https://indike.org/pramana/in.purana.narada.1.92.47) so 'pi sarvapurāṇasya śroturvaktuḥ phalaṃ labhet / śṛṇoti yaḥ purāṇaṃ tu brahmaṃ sarvaṃ jitendriyaḥ // ### [1.92.48](https://indike.org/pramana/in.purana.narada.1.92.48) haviṣyāśī ca niyamātsa labhedbrahmaṇaḥ padam / kimatra bahunoktena yadyadicchati mānavaḥ / tatsarvaṃ labhate vatsa purāṇasyāsya kīrtanāt // ### [1.92.48.p1](https://indike.org/pramana/in.purana.narada.1.92.48.p1) iti śrībṛhannāradīyapurāṇe pūrvabhāge bṛhadupākhyāne caturthapāde brāhmapurāṇetihāsakathanaṃ nāma dvinavatitamo 'dhyāyaḥ ## Linked texts (2) - [Matsyapurāṇa](https://indike.org/pramana/in.purana.matsya.53.9) — Vyāsa, Sanskrit - [Smṛtikaustubha](https://indike.org/pramana/in.niti.dharma.nibandha.mahanibandha.smrtikaustubha.1.1.1) — Anantadeva 1638, Sanskrit --- Source: [https://indike.org/pramana/in.purana.narada.1.92](https://indike.org/pramana/in.purana.narada.1.92) · Pramāṇa