[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.93 # Naradapurana 1.93 Nāradapurāṇa 1.93 - **Language:** Sanskrit ## Contents - [1.93.40](https://indike.org/pramana/in.purana.narada.1.93.40) — 1 part ### [1.93.1](https://indike.org/pramana/in.purana.narada.1.93.1) brahmovāca śṛṇu putra pravakṣyāmi purāṇaṃ padmasaṃjñakam / mahatpuṇyapradaṃ nṝṇāṃ śṛṇvatāṃ paṭhatāṃ mudā // ### [1.93.2](https://indike.org/pramana/in.purana.narada.1.93.2) yathā cañcendriyaḥ sarvaḥ śarīrīti nigadyate / tathedaṃ pañcabhiḥ khaṇḍairuditaṃ pāpanāśanam // ### [1.93.3](https://indike.org/pramana/in.purana.narada.1.93.3) pulastyena tu bhīṣmāya sṛṣṭyādikramato dvija / nānākhyānetihāsādyairyatrokto dharmavistaraḥ // ### [1.93.4](https://indike.org/pramana/in.purana.narada.1.93.4) puṣkarasya ca māhātmyaṃ vistareṇa prakīrtitam / brahmayajñavidhānaṃ ca vedapāṭhādilakṣaṇam // ### [1.93.5](https://indike.org/pramana/in.purana.narada.1.93.5) dānānāṃ kīrtanaṃ yatra vratānāṃ ca pṛthakpṛthak / vivāhaḥ śailajāyāścatārakākhyānakaṃ mahat // ### [1.93.6](https://indike.org/pramana/in.purana.narada.1.93.6) māhātmyaṃ ca gavādīnāṃ kīrtitaṃ sarvapuṇyadam / kālakeyādidaityānāṃ vadho yatra pṛthakpṛthak // ### [1.93.7](https://indike.org/pramana/in.purana.narada.1.93.7) grahāṇāmarcanaṃ dānaṃ yatra proktaṃ dvijottama / tatsṛṣṭikhaṇḍamuddiṣṭaṃ vyāsena sumahātmanā // ### [1.93.8](https://indike.org/pramana/in.purana.narada.1.93.8) pitṛmātrādipūjyatve śivaśarmakathā purā / suvratasya kathā paścādvṛtrasya ca vadhastathā // ### [1.93.9](https://indike.org/pramana/in.purana.narada.1.93.9) pṛthorvainasya cākhyānaṃ sunūthāyāḥ kathā tathā / sukalākhyānakaṃ caiva dharmākhyānaṃ tataḥ param // ### [1.93.10](https://indike.org/pramana/in.purana.narada.1.93.10) pitṛśuśrūṣaṇākhyānaṃ nahuṣasya kathā tataḥ / yayāticaritaṃ caiva gurutīrthanirūpaṇam // ### [1.93.11](https://indike.org/pramana/in.purana.narada.1.93.11) rājñā jaiminisaṃvādo bahvāścaryyakathāyutaḥ / kathā hyaśokasuṃdaryāhuṇḍadaityavadhānvitā // ### [1.93.12](https://indike.org/pramana/in.purana.narada.1.93.12) kāmodākhyānakaṃ tatra vihuṇḍavadhasaṃyutam / kuñjalasya ca saṃvādaścyavanena mahātmanā // ### [1.93.13](https://indike.org/pramana/in.purana.narada.1.93.13) siddhākhyānaṃ tataḥ proktaṃ khaṇḍasyāsya phalohanam / sūtaśaunakasaṃvādaṃ bhūmikhaṇḍamidaṃ smṛtam // ### [1.93.14](https://indike.org/pramana/in.purana.narada.1.93.14) brahmāṇḍotpattiruditā yatrarṣibhiśca sautinā / sabhūmilokasaṃsthānaṃ tīrthākhyānaṃ tataḥ param // ### [1.93.15](https://indike.org/pramana/in.purana.narada.1.93.15) narmadotpattikathanaṃ tattīrthānāṃ kathāḥ pṛthak / kurukṣetrāditīrthānāṃ kathā puṇyā prakīrtitā // ### [1.93.16](https://indike.org/pramana/in.purana.narada.1.93.16) kālindīpuṇyakathanaṃ kāśīmāhātmyavarṇanam / gayāyāścaiva māhātmyaṃ prayāgasya ca puṇyakam // ### [1.93.17](https://indike.org/pramana/in.purana.narada.1.93.17) varṇāśramānurodhena karmayoganirūpaṇam / vyāsajaminisaṃvādaḥ puṇyakarmakathānvitaḥ // ### [1.93.18](https://indike.org/pramana/in.purana.narada.1.93.18) samudramathanākhyānaṃ vratākhyānaṃ tataḥ param / ūrjjapañcāhamāhāmyaṃ stotraṃ sarvāparādhanut // ### [1.93.19](https://indike.org/pramana/in.purana.narada.1.93.19) etatsvargābhidhaṃ vipra sarvapātakanāśanam / rāmāśvamedhaṃ prathamaṃ rāmarājyābhiṣecanam // ### [1.93.20](https://indike.org/pramana/in.purana.narada.1.93.20) agastyādyāgamaścaiva paulastyānvayakīrttanam / aśvamedhopadeśaśca hayacaryā tataḥ param // ### [1.93.21](https://indike.org/pramana/in.purana.narada.1.93.21) nānārājakathāḥ puṇyā jagannāthānuvarṇanam / vṛndāvanasya māhātmyaṃ sarvapāpapraṇāśanam // ### [1.93.22](https://indike.org/pramana/in.purana.narada.1.93.22) nityalīlānukathanaṃ yatra kṛṣṇāvatāriṇaḥ / mādhavasnānamāhātmyaṃ snānadānārcane phalam // ### [1.93.23](https://indike.org/pramana/in.purana.narada.1.93.23) dharāvarāhasaṃvādo yamabrahmaṇayoḥ kathā / saṃvādo rājadūtānāṃ kṛṣṇastotranirūpaṇam // ### [1.93.24](https://indike.org/pramana/in.purana.narada.1.93.24) śivaśaṃbhusamāyogī dadhīcākhyānakaṃ tataḥ / bhasmamāhātmyamatulaṃ śivamāhātmyamuttamam // ### [1.93.25](https://indike.org/pramana/in.purana.narada.1.93.25) devarātasutākhyānaṃ purāṇajñapraśaṃsanam / gautamākhyānakaṃ caiva śivagītā tataḥ smṛtā // ### [1.93.26](https://indike.org/pramana/in.purana.narada.1.93.26) kalpāntare rānakathā bhāradvājāśramasthitā / pātālakhaṇḍametaddhi śṛṇvatāṃ paṭhatāṃ sadā // ### [1.93.27](https://indike.org/pramana/in.purana.narada.1.93.27) sarvapāpapraśamanaṃ sarvābhīṣṭaphalapradam / parvatākhyānakaṃ pūrvaṃ gaurthai proktaṃ śivena vai // ### [1.93.28](https://indike.org/pramana/in.purana.narada.1.93.28) jālandharakathā paścācchrīśailādyanukīrtanam / sagarasya kathā puṇyā tataḥ paramudīritam // ### [1.93.29](https://indike.org/pramana/in.purana.narada.1.93.29) gaṅgāprayāgakāśīnāṃ gayāyāścādhipuṇyakam / annādi dānamāhātmyaṃ tanmahādvādaśīvratam // ### [1.93.30](https://indike.org/pramana/in.purana.narada.1.93.30) caturviṃśaikādaśīnāṃ māhātmyaṃ pṛthagīritam / viṣṇudharmasamākhyānaṃ viṣṇunāmasahasrakam // ### [1.93.31](https://indike.org/pramana/in.purana.narada.1.93.31) kārtikavratamāhātmyaṃ māghasnānaphalaṃ tataḥ / jambṛdvīpasya tīrthānāṃ māhātmyaṃ pāpanāśanam // ### [1.93.32](https://indike.org/pramana/in.purana.narada.1.93.32) sābhramatyāśca māhātmyaṃ nṛsiṃhotpattivarṇanam / devaśarmādikākhyānaṃ gītāmāhātmyavarṇanam // ### [1.93.33](https://indike.org/pramana/in.purana.narada.1.93.33) bhaktyākhyānaṃ ca māhātmyaṃ śrīmadbhāgavatasya ha / indraprasthasya māhātmyaṃ bahutīrthakathānvitam // ### [1.93.34](https://indike.org/pramana/in.purana.narada.1.93.34) mantraratnābhidhānaṃ ca tripādbhūtyanuvarṇanam / avatārakathāḥ puṇyā matsyādīnāmataḥ param // ### [1.93.35](https://indike.org/pramana/in.purana.narada.1.93.35) rāmanāmaśataṃ divyaṃ tanmāhātmyaṃ ca vāḍava / parīkṣaṇaṃ ca bhṛguṇā śrīviṣṇorvaibhavasya ca // ### [1.93.36](https://indike.org/pramana/in.purana.narada.1.93.36) ityetaduttaraṃ khaṇḍaṃ pañcamaṃ sarvapuṇyadam / pañcakhaṇḍayutaṃ pādmaṃ yaḥ śṛṇoti narottamaḥ // ### [1.93.37](https://indike.org/pramana/in.purana.narada.1.93.37) sa labhedvaiṣṇavaṃ dhāma bhuktvā bhogānihepsitān / etadvai pañcapañcāśatsahasraṃ padmasaṃjñakam // ### [1.93.38](https://indike.org/pramana/in.purana.narada.1.93.38) purāṇaṃ lekhayitvā vai jyeṣṭhyāṃ svarṇābjasaṃyutam / yaḥ pradadyātsusatkṛtya purāṇajñāya mānada // ### [1.93.39](https://indike.org/pramana/in.purana.narada.1.93.39) sa yāti vaiṣṇavaṃ dhāma sarvadevanamaskṛtaḥ / padmānukramaṇīmetāṃ yaḥ paṭhecchṛṇuyāttathā // ### [1.93.40](https://indike.org/pramana/in.purana.narada.1.93.40) so 'pi padmapurāṇasya labhecchravaṇajaṃ phalam // ### [1.93.40.p1](https://indike.org/pramana/in.purana.narada.1.93.40.p1) iti śrībṛhannāradīyapurāṇe pūrvabhāge bṛhadupākhyāne caturthapāde padmapurāṇānukramaṇikāvarṇanaṃ nāma trinavatitamo 'dhyāyaḥ --- Source: [https://indike.org/pramana/in.purana.narada.1.93](https://indike.org/pramana/in.purana.narada.1.93) · Pramāṇa