[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.94 # Naradapurana 1.94 Nāradapurāṇa 1.94 - **Language:** Sanskrit ## Contents - [1.94.24](https://indike.org/pramana/in.purana.narada.1.94.24) — 1 part ### [1.94.1](https://indike.org/pramana/in.purana.narada.1.94.1) śrībrahmovāca śṛṇu vatsa pravakṣyāmi purāṇaṃ vaiṣṇavaṃ mahat / trayoviṃśatisahasraṃ sarvapātakanāśanam // ### [1.94.2](https://indike.org/pramana/in.purana.narada.1.94.2) yatrādibhāge nirviṣṭāḥ ṣaḍaṃśāḥ śaktijena ha / maitreyāyādime tatra purāṇasyāvatārikām // ### [1.94.3](https://indike.org/pramana/in.purana.narada.1.94.3) ādikāraṇasargaśca devādīnāṃ ca saṃbhavaḥ / samudramathanākhyānaṃ dakṣādīnāṃ tato 'nvayaḥ // ### [1.94.4](https://indike.org/pramana/in.purana.narada.1.94.4) dhruvasya caritaṃ caiva pṛthoścaritameva ca / pracetasaṃ tathākhyānaṃ prahlādasya kathānakam // ### [1.94.5](https://indike.org/pramana/in.purana.narada.1.94.5) pṛthagrājyādhikārākhyā prathamoṃ'śaitīritaḥ / priyavratānvayākhyākhyānaṃ dvīpavarṣanirūpaṇam // ### [1.94.6](https://indike.org/pramana/in.purana.narada.1.94.6) pātālanarakākhyānaṃ saptasvarganirūpaṇam / sūryādivārakathanaṃ pṛthaglakṣaṇasaṃyutam // ### [1.94.7](https://indike.org/pramana/in.purana.narada.1.94.7) caritaṃ bharatasyātha muktimārganidarśanam / nidāghaṛbhusaṃvādo dvitīyoṃśa udāhṛtaḥ // ### [1.94.8](https://indike.org/pramana/in.purana.narada.1.94.8) manvantarasamākhyānaṃ vedavyāsāvatārakam / narakoddhārakaṃ karma gaditaṃ ca tataḥ param // ### [1.94.9](https://indike.org/pramana/in.purana.narada.1.94.9) sagarasyaurvasaṃvāde sarvadharmanirūpaṇam / śrāddhakalpaṃ tathoddiṣṭaṃ varṇāśramanibandhanam // ### [1.94.10](https://indike.org/pramana/in.purana.narada.1.94.10) sadācāraśca kathito māyāmohakathā tataḥ / tṛtīyoṃ'śo 'yamuditaḥ sarvapāpapraṇāśanaḥ // ### [1.94.11](https://indike.org/pramana/in.purana.narada.1.94.11) sūryavaṃśakatha puṇyā somavaṃśānukīrtanam / caturtheṃ'śemuniśreṣṭha nānārājakathānvitam // ### [1.94.12](https://indike.org/pramana/in.purana.narada.1.94.12) kṛṣṇāvatārasaṃpraśno gokulīyā kathā tataḥ / pūtanādivadho bālye kaumāre 'ghādihiṃsanam // ### [1.94.13](https://indike.org/pramana/in.purana.narada.1.94.13) kaiśore kaṃsahananaṃ māthuraṃ caritaṃ tathā / tatastu yauvane proktā līlā dvāravatībhavā // ### [1.94.14](https://indike.org/pramana/in.purana.narada.1.94.14) sarvadaityavadho yatra vivāhāśca pṛthagvidhāḥ / yatra sthitvājagannāthaḥ kṛṣṇo yogeśvareśvaraḥ // ### [1.94.15](https://indike.org/pramana/in.purana.narada.1.94.15) bhūbhāraharaṇaṃ cakre pareṣāṃ hananādibhiḥ / aṣṭāvakrīyamākhyānaṃ pañcamoṃ'śa itīritaḥ // ### [1.94.16](https://indike.org/pramana/in.purana.narada.1.94.16) kalijaṃ caritaṃ proktaṃ cāturvidhyaṃ layasya ca / brahmajñānasamuddeśaḥ khāṇḍikyasya nirūpitaḥ // ### [1.94.17](https://indike.org/pramana/in.purana.narada.1.94.17) keśidhvajena cetyeṣa ṣaṣṭhāeṃ'śaḥ parikīrtitaḥ / ataḥ paraṃ tu sūtena śaunakādibhirādarāt // ### [1.94.18](https://indike.org/pramana/in.purana.narada.1.94.18) pṛṣṭena coditāḥ śaśvadviṣṇudharmottarāhvayāḥ / nānādharmakathāḥ puṇyā vratāni niyamā yamāḥ // ### [1.94.19](https://indike.org/pramana/in.purana.narada.1.94.19) dharmaśāstraṃ cārthaśāstraṃ vedāntaṃ jyotiṣaṃ tathā / vaṃśākhyānaṃ prakaraṇāt stotrāṇi manavastathā // ### [1.94.20](https://indike.org/pramana/in.purana.narada.1.94.20) nānāvidyāstathā proktāḥ sarvalokopakārikāḥ / etadviṣṇupurāṇaṃ vai sarvaśāstrārthasaṃgraham // ### [1.94.21](https://indike.org/pramana/in.purana.narada.1.94.21) vārāhakalpavṛttāntaṃ vyāsena kathitaṃ tviha / yo naraḥ paṭhate bhaktyā yaḥ śṛṇoti ca sādaram // ### [1.94.22](https://indike.org/pramana/in.purana.narada.1.94.22) tāvubhau viṣṇulokaṃ hi vrajetāṃ bhuktabhogakau / tallikhitvā ca yo dadyādāṣāḍhyāṃ ghṛtadhenunā // ### [1.94.23](https://indike.org/pramana/in.purana.narada.1.94.23) sahitaṃ viṇubhaktāya purāṇārthavidedvija / sa yāti vaiṣṇavaṃ dhāma vimānenārkavarcasā // ### [1.94.24](https://indike.org/pramana/in.purana.narada.1.94.24) yaśca viṣṇupurāṇasya samanukramaṇīṃ dvija / kathayecchṛṇuyādvāpi sa purāṇaphalaṃ labhet // ### [1.94.24.p1](https://indike.org/pramana/in.purana.narada.1.94.24.p1) iti śrībṛhannāradīyapurāṇe pūrvabhāge bṛhadupākhyāne caturthapāde viṣṇupurāṇānukramaṇīnirūpaṇaṃ nāma caturnavatitamo 'dhyāyaḥ --- Source: [https://indike.org/pramana/in.purana.narada.1.94](https://indike.org/pramana/in.purana.narada.1.94) · Pramāṇa