[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.96 # Naradapurana 1.96 Nāradapurāṇa 1.96 - **Language:** Sanskrit ## Contents - [1.96.24](https://indike.org/pramana/in.purana.narada.1.96.24) — 1 part ### [1.96.1](https://indike.org/pramana/in.purana.narada.1.96.1) brahmovāca marīce śṛṇu vakṣyāmi vedavyāsena yatkṛtam / śrīmadbhāgavataṃ nāma purāṇaṃ brahmasaṃmitam // ### [1.96.2](https://indike.org/pramana/in.purana.narada.1.96.2) tadaṣṭādaśasāhasraṃ kīrtitaṃ pāpanāśanam / surapādaparūpo 'yaṃ skandhairdvādaśabhiryutaḥ // ### [1.96.3](https://indike.org/pramana/in.purana.narada.1.96.3) bhagavāneva viprendra viśvarūpīsamīritaḥ / tatra tu prathamaskandhe sūtarṣīṇāṃ samāgame // ### [1.96.4](https://indike.org/pramana/in.purana.narada.1.96.4) vyāsasya caritaṃ puṇyaṃ pāṇḍavānāṃ tathaiva ca / parīkṣitamupākhyānamitīdaṃ samudāhṛtam // ### [1.96.5](https://indike.org/pramana/in.purana.narada.1.96.5) parīkṣicchukasaṃvāde sṛṣṭidvayanirūpaṇam / brahmanāradasaṃvāde devatācaritāmṛtam // ### [1.96.6](https://indike.org/pramana/in.purana.narada.1.96.6) purāṇalakṣaṇaṃ caiva sṛṣṭikāraṇasaṃbhavaḥ / dvitīyo 'yaṃ samuditaḥ skandho vyāsena dhīmatā // ### [1.96.7](https://indike.org/pramana/in.purana.narada.1.96.7) caritaṃ vidurasyātha maitreyeṇāsya saṃgamaḥ / sṛṣṭiprakaraṇaṃ paścādbahmaṇaḥ paramātmanaḥ // ### [1.96.8](https://indike.org/pramana/in.purana.narada.1.96.8) kāpilaṃ sāṃkhyamapyatra tṛtīyo 'yamudāhṛtaḥ / satyāścaritamādau tu dhruvasya caritaṃ tataḥ // ### [1.96.9](https://indike.org/pramana/in.purana.narada.1.96.9) pṛthoḥ puṇyasamākhyānaṃ tataḥ prācīnabarhiṣam / ityeṣa turyo gadito visarge skandha uttamaḥ // ### [1.96.10](https://indike.org/pramana/in.purana.narada.1.96.10) priyavratasya caritaṃ tadvaṃśyānāṃ ca puṇyadam / brahmāṇḍāntargatānāṃ ca lokānāṃ varṇanaṃ tataḥ // ### [1.96.11](https://indike.org/pramana/in.purana.narada.1.96.11) narakasthitirityeṣa saṃsthāne pañcamo mataḥ / ajāmilasya caritaṃ dakṣasṛṣṭinirūpaṇam // ### [1.96.12](https://indike.org/pramana/in.purana.narada.1.96.12) vṛtrākhyānaṃ tataḥ paścānmarutāṃ janma puṇyadam / ṣaṣṭho 'yamuditaḥ skandhovyāsena paripoṣaṇe // ### [1.96.13](https://indike.org/pramana/in.purana.narada.1.96.13) prahlādacaritaṃ puṇyaṃ varṇāśramanirūpaṇam / saptamo gadito vatsa vāsanākarmakīrtane // ### [1.96.14](https://indike.org/pramana/in.purana.narada.1.96.14) gajendramokṣaṇākhyānaṃ manvantaranirūpaṇe / samudramathanaṃ caiva balivaibhavabandhanam // ### [1.96.15](https://indike.org/pramana/in.purana.narada.1.96.15) matsyāktāracaritamaṣṭamo 'yaṃ prakīrtitaḥ / sūryavaṃśasamākhyānaṃ somavaṃśanirūpaṇam // ### [1.96.16](https://indike.org/pramana/in.purana.narada.1.96.16) vaṃśyānucarite prokto navamo 'yaṃ mahāmate / kṛṣṇasya bālacaritaṃ kaumāraṃ ca vrajasthitiḥ // ### [1.96.17](https://indike.org/pramana/in.purana.narada.1.96.17) kaiśoraṃ mathurāsthānaṃ yauvanaṃ dvārakāsthitiḥ / bhūbhāraharaṇaṃ cātra nirodhe daśamaḥ smṛtaḥ // ### [1.96.18](https://indike.org/pramana/in.purana.narada.1.96.18) nāradena tu saṃvādo vasudevasya kīrtitaḥ / yadośca dattātreyeṇa śrīkṛṣṇonoddhavasya ca // ### [1.96.19](https://indike.org/pramana/in.purana.narada.1.96.19) yādavānāṃ mithontaśca muktāvekādaśaḥ smṛtaḥ / bhaviṣyakalinirddeśo mokṣo rājñaḥ parīkṣitaḥ // ### [1.96.20](https://indike.org/pramana/in.purana.narada.1.96.20) vedaśākhāpraṇayanaṃ mārkaṇḍeyatapaḥkriyā / saurī vibhūtiruditā sātvatī ca tataḥ param // ### [1.96.21](https://indike.org/pramana/in.purana.narada.1.96.21) purāṇasaṃkhyākathanamāśraye dvādaśo hyayam / ityevaṃ kathitaṃ vatsa śrīmadbhāgavataṃ tava // ### [1.96.22](https://indike.org/pramana/in.purana.narada.1.96.22) vaktuḥ śrotuścopadeṣṭuranumoditureva ca / sāhāyyakarturgaditaṃ bhaktibhuktivimuktidam // ### [1.96.23](https://indike.org/pramana/in.purana.narada.1.96.23) prauṣṭhapadyāṃ pūrṇimāyāṃ hemasiṃhasamanvitam / deyaṃ bhāgavatāyedaṃ dvijāyaprītipūrvakam // ### [1.96.24](https://indike.org/pramana/in.purana.narada.1.96.24) saṃpūjya vastrahemādyairbhagavadbhaktimicchatā / yo 'pyanukramaṇīmetāṃ śrāvayecchṛṇuyāttathā / sa purāṇaśravaṇajaṃ prāpnoti phalamuttamam // ### [1.96.24.p1](https://indike.org/pramana/in.purana.narada.1.96.24.p1) iti śrībṛhannāradīyapurāṇe pūrvabhāge bṛhadupākhyāne caturthapāde śrīmadbhāgavatānukramaṇīnirūpaṇaṃ nāma ṣaṇṇavatitamo 'dhyāyaḥ ## Linked texts (1) - [Devībhāgavatapurāṇa](https://indike.org/pramana/in.purana.upa.sakta.devibhagavata.12.14.1) — Sanskrit --- Source: [https://indike.org/pramana/in.purana.narada.1.96](https://indike.org/pramana/in.purana.narada.1.96) · Pramāṇa