[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.97 # Naradapurana 1.97 Nāradapurāṇa 1.97 - **Language:** Sanskrit ## Contents - [1.97.21](https://indike.org/pramana/in.purana.narada.1.97.21) — 1 part ### [1.97.1](https://indike.org/pramana/in.purana.narada.1.97.1) śrībrahmovāca śṛṇu vipra pravakṣyāmi purāṇaṃ nāradīyakam / pañcaviṃśatisāhasraṃ bṛhatkalpakathāśrayam // ### [1.97.2](https://indike.org/pramana/in.purana.narada.1.97.2) sūtaśaunakasaṃvādaḥ sṛṣṭisaṃkṣepavarṇanam / nānādharmakathāḥ puṇyāḥ pravṛtte samudāhṛtāḥ // ### [1.97.3](https://indike.org/pramana/in.purana.narada.1.97.3) prāgbhāge prathame pāde sanakena mahātmanā / dvitīye mokṣadharmākhye mokṣopāyanirūpaṇam // ### [1.97.4](https://indike.org/pramana/in.purana.narada.1.97.4) vedāṅgānāṃ ca kathanaṃ śukotpattiśca vistarāt / sanandanena gaditā nāradāya mahātmane // ### [1.97.5](https://indike.org/pramana/in.purana.narada.1.97.5) mahātantre samuddiṣṭaṃ paśupāśavimokṣaṇam / mantrāṇāṃ śodhanaṃ dīkṣāmantroddhāraśca pūjanam // ### [1.97.6](https://indike.org/pramana/in.purana.narada.1.97.6) prayogāḥ kavacaṃ nāmasahasraṃ stotrameva ca / gaṇeśasūryaviṣṇūnāṃ śivaśaktyoranukramāt // ### [1.97.7](https://indike.org/pramana/in.purana.narada.1.97.7) sanatkumāramuninā nāradāya tṛtīyake / purāṇalakṣaṇaṃ caiva pramāṇaṃ dānameva ca // ### [1.97.8](https://indike.org/pramana/in.purana.narada.1.97.8) pṛthakpṛthak samuddiṣṭaṃ dānakālapuraḥsaram / caitrādisarvamāseṣu tithīnāñcapṛthakpṛthak // ### [1.97.9](https://indike.org/pramana/in.purana.narada.1.97.9) proktaṃ pratipadādīnāṃ vrataṃ sarvāghanāśanam / sanātanena muninā nāradāya caturthake // ### [1.97.10](https://indike.org/pramana/in.purana.narada.1.97.10) pūrvabhāgo 'yamudito bṛhadākhyānasaṃjñitaḥ / asyottare vibhāge tu praśna ekādaśīvrate // ### [1.97.11](https://indike.org/pramana/in.purana.narada.1.97.11) vasiṣṭhenātha saṃvādo māndhātuḥ parikīrtitaḥ / rukmāṅgadakathā puṇyāmohinyutpattikarma ca // ### [1.97.12](https://indike.org/pramana/in.purana.narada.1.97.12) vasuśāpaśca mohinyai paścāduddharaṇakriyā / gaṅgākathā puṇyatamā gayāyātrānukīrtanam // ### [1.97.13](https://indike.org/pramana/in.purana.narada.1.97.13) kāśyā māhātmyamatulaṃ puruṣottamavarṇanam / yātrāvidhānaṃ kṣetrasya bahvākhyānasamanvitam // ### [1.97.14](https://indike.org/pramana/in.purana.narada.1.97.14) prayāgasyātha māhātmyaṃ kurukṣetrasya tatparam / haridvārasya cākhyānaṃ kāmodākhyānakaṃ tathā // ### [1.97.15](https://indike.org/pramana/in.purana.narada.1.97.15) badarītīrthamāhātmyaṃ kāmākṣāyāstathaiva ca / prabhāsasya ca māhātmyaṃ puṣkarākhyānakaṃ tataḥ // ### [1.97.16](https://indike.org/pramana/in.purana.narada.1.97.16) gautamākhyānakaṃ paścādvedapādastavastataḥ / gokarṇakṣetramāhātmyaṃ lakṣmaṇākhyānakaṃ tathā // ### [1.97.17](https://indike.org/pramana/in.purana.narada.1.97.17) setumāhātmyakathanaṃ narmadātīrthavarṇanam / avantyāścaiva māhātmyaṃ madhurāyāstataḥ param // ### [1.97.18](https://indike.org/pramana/in.purana.narada.1.97.18) bṛndāvanasya mahimā paśorbrahmāntike gatiḥ / mohinīcaritaṃ paścādevaṃ paścādevaṃ vai nāradīyakam // ### [1.97.19](https://indike.org/pramana/in.purana.narada.1.97.19) yaḥ śṛṇoti naro bhaktyāśrāvayedvā samāhitaḥ / sa yāti brahmaṇo dhāma nātra kāryā vicāraṇā // ### [1.97.20](https://indike.org/pramana/in.purana.narada.1.97.20) yastvetadiṣupūrṇāyāṃ dhenūnāṃ saptakānvitam / pradadyāddijarṃyāya saṃlabhenmokṣameva ca // ### [1.97.21](https://indike.org/pramana/in.purana.narada.1.97.21) yaścānukramaṇīmetāṃ nāradīyasya varṇayet / śṛṇuyadvaikacittena so 'pi svargagatiṃ labhet // ### [1.97.21.p1](https://indike.org/pramana/in.purana.narada.1.97.21.p1) iti śrībṛhannāradīyapurāṇe pūrvabhāge bṛhadupākhyāne caturthapāde nāradīyapurāṇānukramaṇīkathanaṃ nāma saptanavatitamo 'dhyāyaḥ ## Linked texts (3) - [Mudgalapurāṇa](https://indike.org/pramana/in.purana.upa.surya.mudgala.3.51.23) — Sanskrit - [Garuḍapurāṇa](https://indike.org/pramana/in.purana.garuda.2.49.136.p1) — Vyāsa, Sanskrit - [Skanda Purāṇa (Kumāra Kavi)](https://indike.org/pramana/in.purana.skandapurana.15.33) — Kumāra Kavi, Sanskrit --- Source: [https://indike.org/pramana/in.purana.narada.1.97](https://indike.org/pramana/in.purana.narada.1.97) · Pramāṇa