[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.98 # Naradapurana 1.98 Nāradapurāṇa 1.98 - **Language:** Sanskrit ## Contents - [1.98.19](https://indike.org/pramana/in.purana.narada.1.98.19) — 1 part ### [1.98.1](https://indike.org/pramana/in.purana.narada.1.98.1) śrībrahmovāca atha te saṃpravakṣyāmi mārkaṇḍeyābhidhaṃ mune / purāṇaṃ sumahatpuṇyaṃ paṭhatāṃ śṛṇvatāṃ sadā // ### [1.98.2](https://indike.org/pramana/in.purana.narada.1.98.2) yatrādhikṛtya śakunīnsarvadharmanirūpaṇam / mārkaṇḍeyapurāṇaṃ tannavasāhasramīritam // ### [1.98.3](https://indike.org/pramana/in.purana.narada.1.98.3) mārkaṇḍeyamuneḥ praśno jaimineḥ prāksamīritaḥ / pakṣiṇāṃ dharmasaṃjñānaṃ tato janmanirūpaṇam // ### [1.98.4](https://indike.org/pramana/in.purana.narada.1.98.4) pūrvajanmakathā caiṣāṃ vikriyā cā divaspateḥ / tīrthayātrā balasyātha draupadeyakathānakam // ### [1.98.5](https://indike.org/pramana/in.purana.narada.1.98.5) hariścandrakathā puṇyā yuddhamāḍībakābhidham / pitāputrasamākhyānaṃ dattātreyakatha tataḥ // ### [1.98.6](https://indike.org/pramana/in.purana.narada.1.98.6) haihasasyātha caritaṃ mahākhyānasamanvitam / madālakasākathā proktā hyalarkacaritānvitā // ### [1.98.7](https://indike.org/pramana/in.purana.narada.1.98.7) sṛṣṭisaṃkīrtanaṃ puṇyaṃ navadhāpārikīrtitam / kalpāntakālanirdeśo yakṣasṛṣṭinirūpaṇam // ### [1.98.8](https://indike.org/pramana/in.purana.narada.1.98.8) rudrādisṛṣṭirapyuktā dvīpacaryānukīrtanam / manūnāṃ ca kathā nānākīrtitāḥ pāpahārikāḥ // ### [1.98.9](https://indike.org/pramana/in.purana.narada.1.98.9) tāsu durgākathātyantaṃ puṇyadā cāṣṭameṃ'tare / tatpaścātpraṇavotpattistrayītejaḥ samudbhavā // ### [1.98.10](https://indike.org/pramana/in.purana.narada.1.98.10) mārtaṇḍasya ca janmākhyātanmāhātmyasamanvitā / vaivasvatānvayaścāpi vatsaprīścaritaṃ tataḥ // ### [1.98.11](https://indike.org/pramana/in.purana.narada.1.98.11) khanitrasya tataḥ proktā kathā puṇyā mahātmanaḥ / avikṣiccaritaṃ caiva kimicchavratakīrttanam // ### [1.98.12](https://indike.org/pramana/in.purana.narada.1.98.12) nariṣyantasya caritaṃ ikṣvākucaritaṃ tataḥ / nalasya caritaṃ paścādrāmacandrasya satkathā // ### [1.98.13](https://indike.org/pramana/in.purana.narada.1.98.13) kuśavaṃśasamākhyānaṃ somavaṃśānukīrttanam / pururavaḥ kathā puṇyā nahuṣasya kathādbhutā // ### [1.98.14](https://indike.org/pramana/in.purana.narada.1.98.14) yayāticaritaṃ puṇyaṃ yaduvaṃśānukīrttanam / śrīkṛṣṇabālacaritaṃ māthuraṃ caritaṃ tataḥ // ### [1.98.15](https://indike.org/pramana/in.purana.narada.1.98.15) dvārakācaritaṃ cātha kathā sarvāvatārajā / tataḥ sāṃkhyasamuddeśaḥ prapañcāsattvakīrtanam // ### [1.98.16](https://indike.org/pramana/in.purana.narada.1.98.16) mārkaṇḍeyasya caritaṃ purāṇaśravaṇe phalam / yaḥ śṛṇoti naro bhaktyā purāṇamidamādarāt // ### [1.98.17](https://indike.org/pramana/in.purana.narada.1.98.17) mārkaṇḍeyābhidhaṃ vatsa sa labhetparamāṃ gatim / yastu vyākurute caitacchaivaṃ sa labhate padam // ### [1.98.18](https://indike.org/pramana/in.purana.narada.1.98.18) tatprayacchellikhitvā yaḥ sauvarṇakarisaṃyutam / kārtikyāṃ dvijavaryāya sa labhendbrahmaṇaḥ padam // ### [1.98.19](https://indike.org/pramana/in.purana.narada.1.98.19) śṛṇoti śrāvayedvāpi yaścānukramaṇīmimām / mārkaṇḍeyapurāṇasya sa labhedvāñchitaṃ phalam // ### [1.98.19.p1](https://indike.org/pramana/in.purana.narada.1.98.19.p1) iti śrībṛhannāradīyapurāṇe pūrvabhāge bṛhadupākhyāne caturthapāde mārkaṇḍeyapurāṇānukramaṇīnirūpaṇaṃ nāmāṣṭanavatitamo 'dhyāyaḥ --- Source: [https://indike.org/pramana/in.purana.narada.1.98](https://indike.org/pramana/in.purana.narada.1.98) · Pramāṇa