[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.99 # Naradapurana 1.99 Nāradapurāṇa 1.99 - **Language:** Sanskrit ## Contents - [1.99.25](https://indike.org/pramana/in.purana.narada.1.99.25) — 1 part ### [1.99.1](https://indike.org/pramana/in.purana.narada.1.99.1) śrībrahmovāca athātaḥ saṃpravakṣyāmi tavāgneyapurāṇakam / īśānakalpavṛttāntaṃ vasiṣṭhāyānalo 'bravīt // ### [1.99.2](https://indike.org/pramana/in.purana.narada.1.99.2) tatpañcadaśasāhasraṃ nānā caritamadbhutam / paṭhatāṃ śṛṇvatāṃ caiva sarvapāpaharaṃ nṛṇām // ### [1.99.3](https://indike.org/pramana/in.purana.narada.1.99.3) praśnaḥ pūrvaṃ purāṇasya kathā sarvāvatārajā / sṛṣṭiprakaraṇaṃ cātha viṣṇupūjādikaṃ tataḥ // ### [1.99.4](https://indike.org/pramana/in.purana.narada.1.99.4) agnikāryaṃ tataḥ paścānmantramudrādilakṣaṇam / sarvadīkṣāvidhānaṃ ca abhiṣekanirūpaṇam // ### [1.99.5](https://indike.org/pramana/in.purana.narada.1.99.5) lakṣaṇaṃ maṇḍalādīnāṃ kuśāpāmārjanaṃ tataḥ / pavitrāropaṇavidhirdevālayavidhistataḥ // ### [1.99.6](https://indike.org/pramana/in.purana.narada.1.99.6) śālagrāmādipūjā ca mūrtilakṣma pṛthakpṛthak / nyāsādīnāṃ vidhānaṃ ca pratiṣṭhāpūrtakaṃ tataḥ // ### [1.99.7](https://indike.org/pramana/in.purana.narada.1.99.7) vināyakādipūjā ca nānādīkṣāvidhiḥ param / pratiṣṭhā sarvadevānāṃ brahmaṇḍasya nirūpaṇam // ### [1.99.8](https://indike.org/pramana/in.purana.narada.1.99.8) gaṅgāditīrthamāhātmyaṃ dvīpavarṣānuvarṇanam / ūrddhvādholokaracanā jyotiścakranirūpaṇam // ### [1.99.9](https://indike.org/pramana/in.purana.narada.1.99.9) jyotiṣaṃ ca tataḥ proktaṃ śāstraṃ yuddhajayārṇavam / ṣaṭkarma ca tataḥ proktaṃ mantramantrauṣadhīgaṇaḥ // ### [1.99.10](https://indike.org/pramana/in.purana.narada.1.99.10) kubjikādisamarcatvaṃ ṣoḍhā nyāsavidhistathā / koṭihomavidhānaṃ ca manvantaranirūpaṇam // ### [1.99.11](https://indike.org/pramana/in.purana.narada.1.99.11) brahmacaryādidharmāṃśca śrāddhakalpavidhistataḥ / grahayajñastataḥ proktovaidikasmārtakarma ca // ### [1.99.12](https://indike.org/pramana/in.purana.narada.1.99.12) prāyaścittānukathanaṃ tithīnāṃ ca vratādikam / vāravratānukathanaṃ nakṣatravratakīrtanam // ### [1.99.13](https://indike.org/pramana/in.purana.narada.1.99.13) māsikavratanirddeśo dīpadānavidhistathā / navavyūhārcanaṃ proktaṃ narakāṇāṃ nirūpaṇam // ### [1.99.14](https://indike.org/pramana/in.purana.narada.1.99.14) vratānāṃ cāpi dānānāṃ nirūpaṇamihoditam / nāḍīcakrasamuddeśaḥ saṃdhyāvidhiranuttamaḥ // ### [1.99.15](https://indike.org/pramana/in.purana.narada.1.99.15) gāyatryarthasya nirddeśo liṅgastotraṃ tataḥ param / rājyābhiṣekamantroktirddharmakṛtyaṃ ca bhūbhujām // ### [1.99.16](https://indike.org/pramana/in.purana.narada.1.99.16) svapnādhyāyastataḥ proktaḥ śakunādinirūpaṇam / maṇḍalādikanirddeṃśo ratnadīkṣāvidhistataḥ // ### [1.99.17](https://indike.org/pramana/in.purana.narada.1.99.17) rāmoktanītinirddeśo ratnānāṃ lakṣaṇaṃ tataḥ / dhanurvidyā tataḥ proktā vyavahārapradarśanam // ### [1.99.18](https://indike.org/pramana/in.purana.narada.1.99.18) devāsuravimardākhyā hyāyurvedanirūpaṇam / gajādīnāṃ cikitsā ca teṣāṃ śāntistataḥ param // ### [1.99.19](https://indike.org/pramana/in.purana.narada.1.99.19) gonarādicikitsā ca nānāpūjāstataḥ param / śāntayaścāpi vividhāśchandaḥ śāstramataḥ param // ### [1.99.20](https://indike.org/pramana/in.purana.narada.1.99.20) sāhityaṃ ca tataḥ paścādekārṇādisamāhvayāḥ / siddhaśabdānuśiṣṭiścakośaḥ sargādivargakaḥ // ### [1.99.21](https://indike.org/pramana/in.purana.narada.1.99.21) pralayānāṃ lakṣaṇaṃ ca śārīrakanirūpaṇam / varṇanaṃ narakāṇāṃ ca yogāśtramataḥ param // ### [1.99.22](https://indike.org/pramana/in.purana.narada.1.99.22) brahmajñānaṃ tataḥ paścātpurāṇaśravaṇe phalam / etadāgneyakaṃ vipra purāṇaṃ parikīrtitam // ### [1.99.23](https://indike.org/pramana/in.purana.narada.1.99.23) tallikhitvā tu yo dadyātsuvarṇakalamānvitam / tiladhenu yutaṃ cāpi mārgaśīrṣyāṃ vidhānataḥ // ### [1.99.24](https://indike.org/pramana/in.purana.narada.1.99.24) purāṇārthavide so 'tha svargaloke mahīyate / eṣānukramaṇī proktā tavāgneyasya muktidā // ### [1.99.25](https://indike.org/pramana/in.purana.narada.1.99.25) śṛṇvatāṃ paṭhatāṃ caiva nṛṇāṃ ceha paratra ca // ### [1.99.25.p1](https://indike.org/pramana/in.purana.narada.1.99.25.p1) iti śrībṛhannāradīyapurāṇe pūrvabhāge bṛhadupākhyāne caturthapāde 'gnipurāṇānukramaṇīnirūpaṇaṃ nāmaikonaśatatamo 'dhyāyaḥ ## Linked texts (1) - [Matsyapurāṇa](https://indike.org/pramana/in.purana.matsya.53.29) — Vyāsa, Sanskrit --- Source: [https://indike.org/pramana/in.purana.narada.1.99](https://indike.org/pramana/in.purana.narada.1.99) · Pramāṇa