[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 1.9 # Naradapurana 1.9 Nāradapurāṇa 1.9 - **Language:** Sanskrit ## Contents - [1.9.44](https://indike.org/pramana/in.purana.narada.1.9.44) — 1 part - [1.9.148](https://indike.org/pramana/in.purana.narada.1.9.148) — 1 part ### [1.9.1](https://indike.org/pramana/in.purana.narada.1.9.1) nārada uvāca śatpaḥ kathaṃ vasiṣṭena saundāso nṛpasattamaḥ / gaṅgābindūbhiṣekeṇa punaḥ śuddho 'bayatkatham // ### [1.9.2](https://indike.org/pramana/in.purana.narada.1.9.2) sarvametadaśeṣeṇa bhrātarme vaktumahrasi / śṛṇvatāṃ vadatāṃ caiva gaṅgākhyānaṃ śubhāvaham // ### [1.9.3](https://indike.org/pramana/in.purana.narada.1.9.3) sanaka uvāca saudāsaḥ sarvadharmajñaḥ sarvajño guṇavāñchuciḥ / bubhuje pṛthivīṃ sarvāṃ pitṛvadrañjayanprajāḥ // ### [1.9.4](https://indike.org/pramana/in.purana.narada.1.9.4) sageraṇa yathā pūrvaṃ mahīyaṃ satpasāgarā / rakṣitā tadvadamunā sarvadharmāvirodhinā // ### [1.9.5](https://indike.org/pramana/in.purana.narada.1.9.5) putrapautrasamāyuktaḥ sarvaiśvaryasamanvitaḥ / triṃśadaṣṭasahasrāṇi bubhuje pṛthivīṃ yuvā // ### [1.9.6](https://indike.org/pramana/in.purana.narada.1.9.6) saudāsastvekadā rājā mṛgayābhiratirvanam / viveśva sabalaḥ samyak śodhitaṃ hyāsamantribhiḥ // ### [1.9.7](https://indike.org/pramana/in.purana.narada.1.9.7) niṣādaiḥ saditastatra vinighranmūgalañcayam / āsasāda nadīṃ revāṃ dharmajñaḥ sa pipāsitaḥ // ### [1.9.8](https://indike.org/pramana/in.purana.narada.1.9.8) sudāsatanayastatra snātvā kṛtvāhnikaṃ mune / bhuktvā ca mantribhiḥ sārdhdaṃ tāṃ niśāṃ tatra cāvasat // ### [1.9.9](https://indike.org/pramana/in.purana.narada.1.9.9) tataḥ prātaḥ samuthāya kṛtvā paurvāhnikīṃ kriyām / babhrāma mantrisahito narmadātīraje vane // ### [1.9.10](https://indike.org/pramana/in.purana.narada.1.9.10) vanādvanāntaraṃ gacchanneka eva mahīpattiḥ / ākarṇakṛṣṭabāṇaḥ sat kṛṣṇasāraṃ samanvagāt // ### [1.9.11](https://indike.org/pramana/in.purana.narada.1.9.11) dūrasainyo 'śvamārūḍhaḥ sa rājānuvrajanmṛgam / vyāghradvayaṃ guhāsaṃsthamapaśthamapaśyatsurate ratam // ### [1.9.12](https://indike.org/pramana/in.purana.narada.1.9.12) mṛgapṛṣṭaṃ parityajya vyāghrayoḥ saṃmukhaṃ yayau / dhanuḥsaṃhitabāṇena tenāsau śaraśāstravit // ### [1.9.13](https://indike.org/pramana/in.purana.narada.1.9.13) tāṃ vyāghrīṃ pātayāmāsa tīkṣṇāgranataparvaṇā / patamānā tu sāvyāghrī ṣaṭratriṃśadyojanāyatā // ### [1.9.14](https://indike.org/pramana/in.purana.narada.1.9.14) taḍitvaddhoranirghoṣā rākṣasī vikṛtābhavat / patitāṃ svapriyāṃ vīkṣya dviṣansa vyāghrarākṣasaḥ // ### [1.9.15](https://indike.org/pramana/in.purana.narada.1.9.15) pratikriyāṃ kariṣyāmītyuktavā cāntardadhe tadā / rājā tu bhayasaṃvigno vanesainyaṃ sametya ca // ### [1.9.16](https://indike.org/pramana/in.purana.narada.1.9.16) tadrṛttaṃ kathayansarvānsvāṃ purīṃ sa nyavarttata / śaṅkamānastu tadrakṣaḥkṛtyā drājā sudāsajaḥ // ### [1.9.17](https://indike.org/pramana/in.purana.narada.1.9.17) paritatyāja mṛgayāṃ tataḥ prabhṛti nārada / gate bahutithe kāle hayamedhamakhaṃ nṛpaḥ // ### [1.9.18](https://indike.org/pramana/in.purana.narada.1.9.18) samārebhe prasannātmā vaśiṣṭādyamunīśvaraiḥ / tatra brahmādidevebhyo havirdattvā yathāvidhi // ### [1.9.19](https://indike.org/pramana/in.purana.narada.1.9.19) samāpya yajñaniṣkrānto vaśiṣṭaḥ strātako 'pi ca / atrāntare rākṣaso 'sau nṛpahisitabhāryakaḥ / kartuṃ pratikriyāṃ rājñe samāyātoruṣānvitaḥ // ### [1.9.20](https://indike.org/pramana/in.purana.narada.1.9.20) sa rākṣasastasya gurau prayāte vaśiṣṭaveṣaṃ tu tadaiva dhṛtvā / rājānamabhyetya jagāda bhokṣye māṃsaṃ samicchāmyahamityuvāca // ### [1.9.21](https://indike.org/pramana/in.purana.narada.1.9.21) bhūyaḥ samāsthāya sa sūdavaṣaṃ paktvāmiṣaṃ mānupamasya vādāt / sthitaśca rājāpi hari yapātre dhṛtvā gurorāgamanaṃ pratīkṣan // ### [1.9.22](https://indike.org/pramana/in.purana.narada.1.9.22) tanmāṃsaṃ hemapātrasthaṃ saudāso vinayānvitaḥ / samāgatāya guruve dadau tasmau sasādaram // ### [1.9.23](https://indike.org/pramana/in.purana.narada.1.9.23) taṃ dṛṣṭvā cintayāmāsa guruḥ kimiti vismitaḥ // ### [1.9.24](https://indike.org/pramana/in.purana.narada.1.9.24) apaśyanmānuṣaṃ māsaṃ parameṇa samādhinā / aho 'sya rājño dauḥśīlyamabhakṣyaṃ dattavānmama // ### [1.9.25](https://indike.org/pramana/in.purana.narada.1.9.25) iti viramayamāpannaḥ pramanyurabhavanmuniḥ / abho 'jyaṃ madvighātāya datta hi pṛthivīpate // ### [1.9.26](https://indike.org/pramana/in.purana.narada.1.9.26) tasmāttavāpi bhavatu hyetadeva hi bhojanam / nṛmāṃsaṃ rakṣasāmeva bhojyaṃ dattaṃ mama tvayā // ### [1.9.27](https://indike.org/pramana/in.purana.narada.1.9.27) tadyāhi rākṣasatvaṃ tvaṃ tadāhārocitaṃ nṛpā / iti śāpaṃ dadatyasminsaudāso bhayavihvūlaḥ // ### [1.9.28](https://indike.org/pramana/in.purana.narada.1.9.28) ājñatpo bhavataiveti sakaṃpo 'sma vyajijñapat / bhūrāśṛ cintayāmāsa vaśiṣṭastena noditaḥ // ### [1.9.29](https://indike.org/pramana/in.purana.narada.1.9.29) rakṣasā vañcitaṃ bhūpaṃ jñātavān divyacakṣuṣā / rājāpi jalamādāya vaśiṣṭaṃ śaptumudyataḥ // ### [1.9.30](https://indike.org/pramana/in.purana.narada.1.9.30) samudyataṃ guruṃ śaptaṃ dṛṣṭvā bhūyo ruṣānvitam / madayantī priyātasya pratyuvācātha suvratā // ### [1.9.31](https://indike.org/pramana/in.purana.narada.1.9.31) madayantyuvāca bho bho kṣatriyadāyāda kopa saṃhartumarhasi / tvayā yatkarma bhoktavyaṃ tatprātpaṃ nātra saṃśayaḥ // ### [1.9.32](https://indike.org/pramana/in.purana.narada.1.9.32) guru tukṛtya huṅkṛtya yo vadenmṛḍhadhīrnaraḥ / araṇye nirjale deśa sa bhaveddhahyarākṣasaḥ // ### [1.9.33](https://indike.org/pramana/in.purana.narada.1.9.33) jitendriyā jitakrodhā guru śuśrūṣaṇe ratāḥ / prayānti brahmasadanamiti śāstreṣu niścayaḥ // ### [1.9.34](https://indike.org/pramana/in.purana.narada.1.9.34) tayokto bhūpatiḥ kopaṃ tyaktvā bhāryāṃ nananda ca / jalaṃ kutra kṣipāmīti cintayāmāsa cātmanā // ### [1.9.35](https://indike.org/pramana/in.purana.narada.1.9.35) tajjalaṃ yatra saṃsiktaṃ tadbhavedbhasma niścitam / iti matvā jalaṃ tattu pādayornyakṣipatsvayam // ### [1.9.36](https://indike.org/pramana/in.purana.narada.1.9.36) tajjalaspaśimātreṇa pādau kalmāṣatāṃ gatau / kalmāṣapāda ityevaṃ tataḥ prabhṛti vistṛtaḥ // ### [1.9.37](https://indike.org/pramana/in.purana.narada.1.9.37) kalmāṣapādo matimān priyayāścāsitastadā / manasā so 'tibhītastu vavande caraṇaṃ guroḥ // ### [1.9.38](https://indike.org/pramana/in.purana.narada.1.9.38) uvāca ca prapannastaṃ prāñjalirnayakovidaḥ / kṣamasva bhagavansarvaṃ nāparādhaḥ kṛto mayā // ### [1.9.39](https://indike.org/pramana/in.purana.narada.1.9.39) tacchutvovāca bhūpālaṃ munirniḥśvasya duḥkhitaḥ / ātmānaṃ garhayāmāsa hyavivekaparāyaṇam // ### [1.9.40](https://indike.org/pramana/in.purana.narada.1.9.40) avivero hi sarveṣāmāpadāṃ paramaṃ padam / vivekarahito loke paśureva na saṃśayaḥ // ### [1.9.41](https://indike.org/pramana/in.purana.narada.1.9.41) rājñā tvajānatā nūnametatkarmocitaṃ kṛtam / vivekarahito 'jño 'haṃ yataḥ pāpaṃ samācaret // ### [1.9.42](https://indike.org/pramana/in.purana.narada.1.9.42) vivekaniyato yāti yo vā ko vāpi nirvṛttim / vivekahīnamānpoti ko vā yo vāpyanirvṛtim // ### [1.9.43](https://indike.org/pramana/in.purana.narada.1.9.43) ityuktavā cātmanātmānaṃ pratyuvāca munirnṛpam / nātyantiṅkaṃ bhavedetaddādaśābdaṃ bhaviṣyati // ### [1.9.44](https://indike.org/pramana/in.purana.narada.1.9.44) gaṅgābindūbhiṣiktastu tyakttvā vai rākṣasīṃ tanum / pūrvarupaṃ tvamāpanno bhokṣyase medinīmimām // ### [1.9.44.p1](https://indike.org/pramana/in.purana.narada.1.9.44.p1) tadvindusekasaṃbhūtajñānena gatakalmaṣaḥ // ### [1.9.45](https://indike.org/pramana/in.purana.narada.1.9.45) harisevāparo bhūtvā parāṃ śāntiṃ gamiṣyasi // ### [1.9.46](https://indike.org/pramana/in.purana.narada.1.9.46) śubhāvaham ityuktvātharvavidbhūpaṃ vaśiṣṭaḥ svāśramaṃ yayau / rājāpi duḥkhasaṃpanno rākṣasīṃ tānumāśritaḥ // ### [1.9.47](https://indike.org/pramana/in.purana.narada.1.9.47) kṣutpapāsāviśeṣārto nityaṃ krodhaparāyaṇaḥ / kṛṣṇakṣapādyutirbhīmo babhrāma vijane vane // ### [1.9.48](https://indike.org/pramana/in.purana.narada.1.9.48) mṛgāṃśca vividhāṃstatra mānuṣāṃśca sarīsṛpān / vihaṅgamānplavaṅgāṃśca praśastāṃstānabhakṣayat // ### [1.9.49](https://indike.org/pramana/in.purana.narada.1.9.49) asthibhirbahubhirbhūyaḥ pītaraktakalevaraiḥ / raktāntapretakeśaiśaaca citrāsīdbhūrbhayaṅkarī // ### [1.9.50](https://indike.org/pramana/in.purana.narada.1.9.50) ṛtutraye sa pṛthivīṃ śatayo janavistṛtām / kṛtvātiduḥkhitāṃ paścādvanāntaramupāgamat // ### [1.9.51](https://indike.org/pramana/in.purana.narada.1.9.51) tatrāpi kṛtavānnityaṃ naramāṃsāśanaṃ sadā / jagāma narmadātīraṃ munisiddhaniṣevitam // ### [1.9.52](https://indike.org/pramana/in.purana.narada.1.9.52) vicarannarmadātīre sarvalokabhayaṅkaraḥ / apaśyatkañcana muniṃ ramantaṃ priyayā saha // ### [1.9.53](https://indike.org/pramana/in.purana.narada.1.9.53) kṣudhānalena saṃtatpastaṃ muniṃ samupādravat / jāgrāha cātivegena vyādho mṛgaśiśaṃ yathā // ### [1.9.54](https://indike.org/pramana/in.purana.narada.1.9.54) brāhmaṇī svapatiṃ vīkṣya niśācarakarasthitam / śirasyañjalimādhāya provāca bhayavihvālā // ### [1.9.55](https://indike.org/pramana/in.purana.narada.1.9.55) brāhmaṇyuvāca bho bho nṛpatiśārdūla trāhi māṃ bhayavihvalām / prāṇapriya pradānena kuru pūrṇaṃ manoratham // ### [1.9.56](https://indike.org/pramana/in.purana.narada.1.9.56) nānmā mitrasahastvaṃ hi sūryavaṃśasamudbhavaḥ / na rākṣasastato 'nāthāṃ pāhi māṃ vijane vane // ### [1.9.57](https://indike.org/pramana/in.purana.narada.1.9.57) yā nārī bharttṛrahitā jīvatyapi mṛtopamā / tathāpi bālavaidhavyaṃ kiṃ vakṣyāmyarimardana // ### [1.9.58](https://indike.org/pramana/in.purana.narada.1.9.58) na mātāpitarau jāne nāpi bandhuṃ ca kañcana / patireva paro bandhuḥ paramaṃ jīvanaṃ mama // ### [1.9.59](https://indike.org/pramana/in.purana.narada.1.9.59) bhavānyettyakhilāndharmānyoṣitāṃ varttanaṃ yathā / trāyasva bandhurahitāṃ bālāpatyāṃ janeśvara // ### [1.9.60](https://indike.org/pramana/in.purana.narada.1.9.60) kathaṃ jīvāmi patyāsminhīnā hi vijane vane / duhitāhaṃ bhagavatastrāhi māṃ patidānataḥ // ### [1.9.61](https://indike.org/pramana/in.purana.narada.1.9.61) praṇadānātparaṃ dānaṃ na bhūtaṃ na bhaviṣyati / vadantīti mahāprājñāḥ prāṇadānaṃ kuruṣva me // ### [1.9.62](https://indike.org/pramana/in.purana.narada.1.9.62) ityuktāvā sā papātāsya rākṣasasya padāgrataḥ / evaṃ saṃprārthyamāno 'pi brāhmaṇyā rākṣaso dvijam // abhakṣayakṛṣṇasāraśiśuṃ vyāghro yathā balāt // ### [1.9.63](https://indike.org/pramana/in.purana.narada.1.9.63) tato vilapya bahudhā tasya patnī pativratā / pūrvaśāpahataṃ bhūpamaśapatkrodhitā punaḥ // ### [1.9.64](https://indike.org/pramana/in.purana.narada.1.9.64) patiṃ me suratāsaktaṃ yasmāddhiṃsitavānbalāt / tasmātstrīsaṅgamaṃ prātpastvamapi prāpsyase mṛtim // ### [1.9.65](https://indike.org/pramana/in.purana.narada.1.9.65) śatvaivaṃ brāhmaṇī kruddhā punaḥ śāpāntaraṃ dadau / rākṣasatvaṃ dhruvaṃ te 'stu matpatirbhakṣito yataḥ // ### [1.9.66](https://indike.org/pramana/in.purana.narada.1.9.66) so 'pi śāpadvayaṃ śrutvā tayā dattaṃ niśācaraḥ / pramanyuḥ prāhi visṛjankopādaṅgārasaṃcayam // ### [1.9.67](https://indike.org/pramana/in.purana.narada.1.9.67) duṣṭe kasmātpradattaṃ mevṛthā śāpadvayaṃ tvayā / ekasyaivāparādhasya śāpastveko mamocitaḥ // ### [1.9.68](https://indike.org/pramana/in.purana.narada.1.9.68) yasmātkṣipasi duṣṭāgyemayi śāpantaraṃ tataḥ / piśācayonimadyaiva yāhi putrasamanvitā // ### [1.9.69](https://indike.org/pramana/in.purana.narada.1.9.69) tenaivaṃ brahmaṇī śatpā piśācatvaṃ tadā gatā / kṣudhārtā susvaraṃ bhīmārurodāpatyasaṃyutā // ### [1.9.70](https://indike.org/pramana/in.purana.narada.1.9.70) rākṣasaśca piśācī ca krośantau nirjane vane / jagmaturnarmadātīre vanaṃ rākṣasasevitam // ### [1.9.71](https://indike.org/pramana/in.purana.narada.1.9.71) audāsīnyaṃ gurau kṛtvā rākṣasīṃ tanumā śritaḥ / tatrāste duḥkhasaṃtatpaḥ kaścillokavirodhakṛt // ### [1.9.72](https://indike.org/pramana/in.purana.narada.1.9.72) rākṣasaṃ ca piśācīṃ ca dṛṣṭvā ravavaṭamāgatau / uvāca krodhabahulo vaṭastho brahmarākṣasaḥ // ### [1.9.73](https://indike.org/pramana/in.purana.narada.1.9.73) kimarthamāgatau bhīmau yuvāṃ matsthānamīpsitam / īdṛśau kena pāpena jātau me bruvatāṃ dhruvam // ### [1.9.74](https://indike.org/pramana/in.purana.narada.1.9.74) saudāsastadvacaḥ śrutvātayā yaccātmanā kṛtam / sarvaṃ nivedayitvāsmai paścādetaduvāca ha // ### [1.9.75](https://indike.org/pramana/in.purana.narada.1.9.75) saudāsa uvāca kastvaṃ vada mahābhāga tvayā vai kiṃ kṛtaṃ purā / sakhyurmamāti snehena tatsarvaṃ vaktumarhasi // ### [1.9.76](https://indike.org/pramana/in.purana.narada.1.9.76) karoti vañcanaṃ mitre yo vā ko vāpi duṣṭadhīḥ / sa hi pāpapālaṃ bhuṅkte yātanāstu yugāyutam // ### [1.9.77](https://indike.org/pramana/in.purana.narada.1.9.77) jantūnāṃ sarvaduḥkhāni kṣīyante mitradarśanāt / tasmānmitreṣu matimānna kuryādvaṃyanaṃ kadā // ### [1.9.78](https://indike.org/pramana/in.purana.narada.1.9.78) kalmāṣapādenetyukto vaṭastho brahmarākṣasaḥ / uvāca prītimāpanno dharmavākyāni nārada // ### [1.9.79](https://indike.org/pramana/in.purana.narada.1.9.79) brahmarākṣasa uvāca ahamāsaṃ purā vipro māgadho vedapāragaḥ / somadatta iti khyāto nānmā dharmaparāyaṇaḥ // ### [1.9.80](https://indike.org/pramana/in.purana.narada.1.9.80) pramatto 'haṃ mahābhāga vidyayā vayasā dhanaiḥ / audāsīnyaṃ guroḥ kṛtvā prātpavānīdṛśīṃ gatim // ### [1.9.81](https://indike.org/pramana/in.purana.narada.1.9.81) nalabhe 'haṃ sukhaṃ kiṃ cijjitāhāro 'tiduḥkhitaḥ / mayā tu bhakṣitā viprāḥ śataśo 'tha sahasraśaḥ // ### [1.9.82](https://indike.org/pramana/in.purana.narada.1.9.82) kṣutpipāsāparo nityamantastāpena pīḍitaḥ / jagatrāsakaro nityaṃ māṃsāśanaparāyaṇaḥ // ### [1.9.83](https://indike.org/pramana/in.purana.narada.1.9.83) gurvavajñā manuṣyāṇāṃ rākṣasatvapradāyinī / mayānubhūtametaddhi tataḥ śrīmānna cācaret // ### [1.9.84](https://indike.org/pramana/in.purana.narada.1.9.84) kalmāṣapāda uvāca gurustu kīdṛśaḥ proktaḥ kastvayāślāghitaḥ purā / tadvadasva sarave sarvaṃ paraṃ kautūhalaṃ hi me // ### [1.9.85](https://indike.org/pramana/in.purana.narada.1.9.85) brahmarākṣasa uvāca guravaḥ santi bahavaḥ pūjyā vandyāśca sādaram / yātānahaṃ kathayiṣyāmi śṛṇuṣvaikamanāḥ sarave // ### [1.9.86](https://indike.org/pramana/in.purana.narada.1.9.86) adhyāpakaśca vedānāṃ vedārthayutibaidhakaḥ / śāstravaktā dharmavaktā nītiśāstropadeśakaḥ // ### [1.9.87](https://indike.org/pramana/in.purana.narada.1.9.87) mantropadeśavyākhyākhyākṛdvedasadaṃhṛttathā / vratopadeśakaścaiva bhayatrātānnado hi ca // ### [1.9.88](https://indike.org/pramana/in.purana.narada.1.9.88) śvaśuro mātulaścaiva jyeṣṭhabhrātā pitā tathā / upanetā niṣektā ca saṃskarttā mitrasattama // ### [1.9.89](https://indike.org/pramana/in.purana.narada.1.9.89) ete hi guravaḥ proktāḥ pūjyā vandyaśca sādaram // ### [1.9.90](https://indike.org/pramana/in.purana.narada.1.9.90) kalmāṣapāda uvāca guravo bahavaḥ proktā eteṣāṃ katamo varaḥ / tulyāḥ sarve 'pyuta sarave tadyathāvaddhi brūhi me // ### [1.9.91](https://indike.org/pramana/in.purana.narada.1.9.91) brahmarākṣasa uvāca sādhu sādhu mahāprājña yatpṛṣṭaṃ tadvadāmi te / gurumāhātmyakathanaṃ śravaṇaṃ cānumodanam // ### [1.9.92](https://indike.org/pramana/in.purana.narada.1.9.92) sarveṣāṃ śreya ādhatte tasmādvakṣyāmi sāṃpratam / ete samānapūjārhāḥ sarvadā nātra saṃśayaḥ // ### [1.9.93](https://indike.org/pramana/in.purana.narada.1.9.93) tathāpi śruṇu vakṣyāmi śāstrāṇāṃ sāraniścayam / adhyāpakāśca vedānāṃ mantravyākhyākṛtastathā // ### [1.9.94](https://indike.org/pramana/in.purana.narada.1.9.94) pitā ca dharmavaktā ca viśeṣaguravaḥ smṛtāḥ eteṣāmapi bhūpāla śṛṇuṣva pravaraṃ gurum // ### [1.9.95](https://indike.org/pramana/in.purana.narada.1.9.95) sarvaśāstrārthatatvajñairbhāṣitaṃ pravadāmi te / yaḥ purāṇāni vadati dharmayuktāni paṇaḍitaḥ // ### [1.9.96](https://indike.org/pramana/in.purana.narada.1.9.96) saṃsārapāśavicchedakaraṇāni sa uttamaḥ / devapūjārhakarmāṇi devatāpūjane phalam // ### [1.9.97](https://indike.org/pramana/in.purana.narada.1.9.97) jāyate ca purāṇebhyastasmāttānīha devatāḥ / sarvavedārthasārāṇi purāṇānīti bhūpate // ### [1.9.98](https://indike.org/pramana/in.purana.narada.1.9.98) vadanti munayaścaiva tadūktā paramo guruḥ / yaḥ saṃsārārṇatvaṃ tarttumudyogaṃ kurute naraḥ // ### [1.9.99](https://indike.org/pramana/in.purana.narada.1.9.99) śruṇuyātsa purāṇāni iti śāstravibhāgakṛt / proktavānsarvadharmāśca purāṇeṣu mahīpate // ### [1.9.100](https://indike.org/pramana/in.purana.narada.1.9.100) tarkastu vādahetuḥ syānnītistvaihikasādhanam / purāṇāni mahābuddhe ihāmutra sukhāya hi // ### [1.9.101](https://indike.org/pramana/in.purana.narada.1.9.101) yaḥ śṛṇoti purāṇāni satataṃ bhaktisaṃyutaḥ / tasya syānnirmalā buddhirbhūyo dharmaparāyaṇaḥ // ### [1.9.102](https://indike.org/pramana/in.purana.narada.1.9.102) purāṇaśravaṇādbhaktirjāyate śrīpatau śubhā / viṣṇubhaktanṛṇāṃ bhūpa dharme buddhiḥ pravarttate // ### [1.9.103](https://indike.org/pramana/in.purana.narada.1.9.103) dharmātpāpāni naśyanti jñānaṃ śuddhaṃ ca jāyate / dharmārthakāmamokṣāṇāṃ ye phalānyabhilipsavaḥ // ### [1.9.104](https://indike.org/pramana/in.purana.narada.1.9.104) śruṇuyuste purāṇāni prāhuritthaṃ purāvidaḥ / ahaṃ tu gautamamuneḥ sarvajñādrūhyavādinaḥ // ### [1.9.105](https://indike.org/pramana/in.purana.narada.1.9.105) śrutavānsarvadharmārtha gaṅgātīre manorame / kadācitparameśasya pūjāṃ karttumahaṃ gataḥ // ### [1.9.106](https://indike.org/pramana/in.purana.narada.1.9.106) upasthitāyāpi tasmai praṇāmaṃ na hyakāriṣam / sa tu śānto mahābuddhirgauntamastejasāṃ nidhiḥ // ### [1.9.107](https://indike.org/pramana/in.purana.narada.1.9.107) mantroditāni karmaṇi karotītimudaṃ ya yau / yastvarcito mayā devaḥ śivaḥ sarvajagadguruḥ // ### [1.9.108](https://indike.org/pramana/in.purana.narada.1.9.108) gurvavajñā kṛtāyena rākṣasaṃtve niyuktavān / jñānato 'jñānato vāpi yo 'vajñāṃ kurute guroḥ // ### [1.9.109](https://indike.org/pramana/in.purana.narada.1.9.109) tasyaivāśu praṇaśyanti dhīvidyārthātmajakriyāḥ / śuśrūṣāṃ kurute yastu guruṇāṃ sādaraṃ naraḥ // ### [1.9.110](https://indike.org/pramana/in.purana.narada.1.9.110) tasya saṃpadbhavedbhūpa iti prāhurvipaścitaḥ / tena śāpena dagdho 'hamantaścaiva kṣadhāgninā // ### [1.9.111](https://indike.org/pramana/in.purana.narada.1.9.111) mokṣaṃ kadā prayāsyāmi na jāne nṛpasattama / evaṃ vadati viprendra vaṭasthe 'sminniśācare // ### [1.9.112](https://indike.org/pramana/in.purana.narada.1.9.112) dharmaśāstraprasaṃgena tayoḥ pāpaṃ kṣayaṃ gatam / etasminnantare prātpaḥ kaścidvipro 'tidhārmikaḥ // ### [1.9.113](https://indike.org/pramana/in.purana.narada.1.9.113) kaliṅgadeśasaṃbhūto nānmrā garga iti smṛtaḥ / vahangaṅgājalaṃ skandhe stuvan viśveśvaraṃ prabhum // ### [1.9.114](https://indike.org/pramana/in.purana.narada.1.9.114) gāyannāmāni tasyaiva mudā hṛṣṭatan ruhaḥ / tamāgataṃ muniṃ dṛṣṭvā piśācīrākṣasau ca tau // ### [1.9.115](https://indike.org/pramana/in.purana.narada.1.9.115) prātpā naḥ pāraṇetyuktvā prādvavannūrdhvabāhavaḥ / tena kīrtitanāmāni śrutvā dūre vyavasthitāḥ / aśaktāstaṃ dharṣayitumidamūcuśca rākṣasāḥ // ### [1.9.116](https://indike.org/pramana/in.purana.narada.1.9.116) aho vipra mahābhāga namastubhya mahātmane / nāmakīrtanamāhātmyādrākṣasā dūragāvayam // ### [1.9.117](https://indike.org/pramana/in.purana.narada.1.9.117) asmābhirbhakṣitāḥ pūrvaṃ viprāḥ koṭisahasraḥ / nāmaprāvaraṇaṃ vipra rakṣati tvāṃ mahābhayayāt // ### [1.9.118](https://indike.org/pramana/in.purana.narada.1.9.118) nāmaśravaṇamātreṇa rākṣasā api bho vayam / parāṃ śāntiṃ samāpannā mahimnā hyacyutasya vai // ### [1.9.119](https://indike.org/pramana/in.purana.narada.1.9.119) sarvathā tvaṃ mahābhāga rāgādiruhitohyasi / gaṅgājalābhiṣekeṇa pāhyasmātpātakoccayāt // ### [1.9.120](https://indike.org/pramana/in.purana.narada.1.9.120) harise vāparo bhūtvā yaścātmānaṃ tu tārayet / sa tārayenagatsarvamiti śaṃsanti sūrayaḥ // ### [1.9.121](https://indike.org/pramana/in.purana.narada.1.9.121) avahāya harernāma ghorasaṃsārabheṣajam / kenopāyena labhyeta muktiḥ sarvatra durlabhā // ### [1.9.122](https://indike.org/pramana/in.purana.narada.1.9.122) lohoḍupena pratarannimajatyudake yathā / tayaivākṛtapuṇyāstu tārayanti kathaṃ parān // ### [1.9.123](https://indike.org/pramana/in.purana.narada.1.9.123) aho caritraṃ mahatāṃ sarvalokasukhā vaham / yathā hi sarvalokānāmānandāya kalānidhiḥ // ### [1.9.124](https://indike.org/pramana/in.purana.narada.1.9.124) pṛthivyāṃ yāni tīrthāni pavitrāṇi dvijottam / tāni sarvāṇi gaṅgāyāḥ kaṇasyāpi samānina // ### [1.9.125](https://indike.org/pramana/in.purana.narada.1.9.125) tulasīdalapradalasaṃmiśramapi sarṣapamātrakam / gaṅgājalaṃ punātyeva kulānāmekaviṃśatim // ### [1.9.126](https://indike.org/pramana/in.purana.narada.1.9.126) tasmādvipra mahābhāga sarvaśāstrārthakovida / gaṅgājalapradānena pāhmasmānpāpakarmiṇaḥ // ### [1.9.127](https://indike.org/pramana/in.purana.narada.1.9.127) ityākhyātaṃ rākṣasaistairgaṅgāmāhātmyamuttamam / niśamya vismayā viṣṭo babhūva dvijasatamaḥ // ### [1.9.128](https://indike.org/pramana/in.purana.narada.1.9.128) eṣāmapīddaśī bhaktirgaṅgāyāṃ lokamātari / kimu jñānaprabhāvāṇāṃ mahatāṃ puṇyaśālinām // ### [1.9.129](https://indike.org/pramana/in.purana.narada.1.9.129) athāsau manasā dharmaṃ viniścitya drijottamaḥ / sarvapūtahito bhaktaḥ prāprotīti paraṃ padam // ### [1.9.130](https://indike.org/pramana/in.purana.narada.1.9.130) tato vipraḥ kṛpāviṣṭo gaṅgājalapranuttamamam / tulasīdalasaṃmiśraṃ teṣu rakṣaḥsvasecayat // ### [1.9.131](https://indike.org/pramana/in.purana.narada.1.9.131) rākṣasāstena siktāstu sarṣapopamabindunā / vimṛjya rākṣasaṃ bhāvamabhavandevatopamāḥ // ### [1.9.132](https://indike.org/pramana/in.purana.narada.1.9.132) brāhmaṇaṃ samyakte jagmurhastathaiva ca / koṭisūryapratīkāśā babhūvurvivudharṣabhāḥ // ### [1.9.133](https://indike.org/pramana/in.purana.narada.1.9.133) śaṅkhacakragadācihnā harisārupyamāgatāḥ / stuvanto brāhmaṇaṃ samyakte jagmurha rimāndiram // ### [1.9.134](https://indike.org/pramana/in.purana.narada.1.9.134) rājā kalmāṣapādastu nijarupaṃ samāsthitaḥ / jagāma mahatīṃ cintāṃ dṛṣṭvā tānmuktigānadhān // ### [1.9.135](https://indike.org/pramana/in.purana.narada.1.9.135) tasmin rājñi suduḥkhārte gūḍharupā sarasvatī / dharmamūlaṃ mahāvākyaṃ babhāṣe 'gādhayā girā // ### [1.9.136](https://indike.org/pramana/in.purana.narada.1.9.136) bho bho rājanmahābhāga na duḥkhaṃ gantumarhasi / rājastavāpi bhāgānte mahacchreyo bhaviṣyati // ### [1.9.137](https://indike.org/pramana/in.purana.narada.1.9.137) satkarmadhūtapāpā ye haribhaktiparāyaṇāḥ / prayānti nātra saṃdehastadviṣṇoḥ paramaṃ padam // ### [1.9.138](https://indike.org/pramana/in.purana.narada.1.9.138) sarvabhūtadayāyuktā dharmamārgapravartinaḥ / prayānti paramaṃ sthānaṃ gurupūjāparāyaṇāḥ // ### [1.9.139](https://indike.org/pramana/in.purana.narada.1.9.139) itīritaṃ samākarṇya bhāratyā nṛpasatamaḥ / manasā nirvṛttiṃ prāpyasasmāra ca gurorvacaḥ // ### [1.9.140](https://indike.org/pramana/in.purana.narada.1.9.140) stuvanguruṃ ca taṃ vignaṃ hariṃ caivātiharṣitaḥ / pīrvavṛttaṃ ca viprāya sarvaṃ tasmai nyavedayat // ### [1.9.141](https://indike.org/pramana/in.purana.narada.1.9.141) tato nṛpastu kāliṅgaṃ praṇamya vidhirvamune / nāmāni vyāharanviṣṇoḥ sadyo vārāṇasīṃ yayau // ### [1.9.142](https://indike.org/pramana/in.purana.narada.1.9.142) ṣaṇmāsaṃ tatra gaṅgāyāṃ snātvā dṛṣṭvā sadānivam / brāhmaṇīdattaśa pāttu mukto mitrasaho 'bhavat // ### [1.9.143](https://indike.org/pramana/in.purana.narada.1.9.143) tatastu svapurīṃ prātpo vasiṣṭena mahātmanā / abhiṣikto munuśreṣṭha svakaṃ rājyamapālayat // ### [1.9.144](https://indike.org/pramana/in.purana.narada.1.9.144) pālayitvā mahīṃ kṛtstrāṃ bhuktvā bhogānstriyaṃ vinā / vaśiṣṭātprāpya santānaṃ gato mokṣaṃ nṛpottamaḥ // ### [1.9.145](https://indike.org/pramana/in.purana.narada.1.9.145) naitaccitraṃ dvijaśreṣṭha viṣṇorvārāṇasīguṇān / gṛṇañchṛṇvansmarangaṅgāṃ pītvā mukto bhavennaraḥ // ### [1.9.146](https://indike.org/pramana/in.purana.narada.1.9.146) tasmānmāhimne viprendra gaṅgāyāḥ śakyate nahi / pāraṃ gantuṃ surādhīśairbrahmaviṣṇuśivarapi // ### [1.9.147](https://indike.org/pramana/in.purana.narada.1.9.147) yannāmasmaraṇādeva mahāpātakakoṭibhiḥ / vimukto brahmasadanaṃ naro yāti na saṃśayaḥ // ### [1.9.148](https://indike.org/pramana/in.purana.narada.1.9.148) gaṅgā gaṅgeti yannāma sakṛdapyucyate yadā / tadaiva pāpanimukto brahmaloke mahīyate // ### [1.9.148.p1](https://indike.org/pramana/in.purana.narada.1.9.148.p1) iti śrībṛhannāradīyapurāṇe pūrvabhāge prathamapāde gaṅgā māhātmye navamo 'dhyāyaḥ ## Linked texts (4) - [Brahmapurāṇa](https://indike.org/pramana/in.purana.brahma.51.2) — Vyāsa, Sanskrit - [Mahāsubhāṣitasaṃgraha](https://indike.org/pramana/in.lit.subhasita.subhasita.mahasubhasitasangraha.3397) — Sanskrit - [Bṛhannāradīyapurāṇa](https://indike.org/pramana/in.purana.upa.vaisnava.brhannaradiya.9.6) — Sanskrit - [Tīrthacintāmaṇi](https://indike.org/pramana/in.niti.dharma.tirtha.tirthacintamani.4.p31) — Vācaspatimiśra, Sanskrit --- Source: [https://indike.org/pramana/in.purana.narada.1.9](https://indike.org/pramana/in.purana.narada.1.9) · Pramāṇa