[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.12 # Naradapurana 2.12 Nāradapurāṇa 2.12 - **Language:** Sanskrit ## Contents - [2.12.33](https://indike.org/pramana/in.purana.narada.2.12.33) — 1 part ### [2.12.1](https://indike.org/pramana/in.purana.narada.2.12.1) vasiṣṭa uvāca vyāhṛte śobhane vākye mohinyā nṛpatistadā / unmīlya netre rājendra śatapatranibhe tathā // ### [2.12.2](https://indike.org/pramana/in.purana.narada.2.12.2) sagadgadamuvācedaṃ mugdho mohinidarśanāt / mayā bāle subahuśaḥ pūrṇacandranibhānanāḥ // ### [2.12.3](https://indike.org/pramana/in.purana.narada.2.12.3) dṛṣṭāstathānubhūtāśca nedṛgdṛṣṭaṃ vapuḥ kvacit / yādṛśaṃ tvaṃ dhārayase rūpaṃ lokavimohanam // ### [2.12.4](https://indike.org/pramana/in.purana.narada.2.12.4) so 'haṃ darśanamātreṇa tvadīyena varānane / manobhavaśarairviddhaḥ patitaḥ sahasā kṣitau / ajalpitavaco devi mohitastava tejasā // ### [2.12.5](https://indike.org/pramana/in.purana.narada.2.12.5) kuru prasādaṃ karabhoru mahyaṃ dāsyāmi sarvaṃ tava cittasaṃstham / nādeyamastīha jagattraye 'pi tavānurāgeṇa nibaddhacetasaḥ // ### [2.12.6](https://indike.org/pramana/in.purana.narada.2.12.6) imāṃ dharāṃ bhūdharabhūṣitāṅgīṃ samudravastrāṃ śaśisūryanetrām / ghanastanīṃ vyomasubaddhadehāṃ niṣkānanāṃ suṃdari vāmaśīlām // ### [2.12.7](https://indike.org/pramana/in.purana.narada.2.12.7) pātālaguhyāṃ bahuvṛkṣaromṇīṃ saptādharāṃ subhru tavāsmi dātā / sakośabaddhāṃ gajavājipūrṇāṃ samantrihṛdyāṃ nagaraiḥ sametām // ### [2.12.8](https://indike.org/pramana/in.purana.narada.2.12.8) ātmānamapi dāsyāmi tavā cārvaṅgi saṃgame / kiṃ punarddhanaratnādi prasīda mama mohini // ### [2.12.9](https://indike.org/pramana/in.purana.narada.2.12.9) nṛpasya vacanaṃ śrutvā mohinī madhurākṣaram / samuvāca smitaṃ kṛtvā tamutthāpya nṛpaṃ tadā // ### [2.12.10](https://indike.org/pramana/in.purana.narada.2.12.10) na dharāṃ bhūdharopetāṃ varaye vasudhādhipa / yadvidiṣyāmyahaṃ kāla tatkāryamaviśaṅkayā // ### [2.12.11](https://indike.org/pramana/in.purana.narada.2.12.11) bhajiṣyāmi na saṃdehaḥ kuruṣva samayaṃ mama / rājovāca yena saṃtuṣyase devi samayaṃ taṃ karomyaham // ### [2.12.12](https://indike.org/pramana/in.purana.narada.2.12.12) daśāvasthāṃ gato deho mama tvatsaṃgamaṃ vinā // ### [2.12.13](https://indike.org/pramana/in.purana.narada.2.12.13) mohinyuvāca dīyatāṃ dakṣiṇo hasto bahudharmakarastava / yena me pratyayo rājan vacane tāvake bhavet // ### [2.12.14](https://indike.org/pramana/in.purana.narada.2.12.14) rājā tvaṃ dharmaśīlo 'si satyakīrtirjagattraye / na vaktāsyanṛtaṃ kāle mārgāyaṃ laukikaḥ kṛtaḥ // ### [2.12.15](https://indike.org/pramana/in.purana.narada.2.12.15) evaṃ bravāṇāṃ rājendro mohinīṃ hṛcchayāturaḥ / abravīnnṛpatistāṃ tu suprasannamanā nṛpa // ### [2.12.16](https://indike.org/pramana/in.purana.narada.2.12.16) janmaprabhṛti vāmoru nānṛtaṃ bhāṣitaṃ mayā / svaireṣvapi vihāreṣu kadāpi varavāṇiṃni // ### [2.12.17](https://indike.org/pramana/in.purana.narada.2.12.17) athavā vyāhṛtairvākyaiḥ kimebhiḥ pratyayākṣaraiḥ / dato hyeṣa mayā hasto dakṣiṇaḥ puṇyalāñchanaḥ // ### [2.12.18](https://indike.org/pramana/in.purana.narada.2.12.18) yanmayā sukṛtaṃ kiñcitkṛtamājanma sundari / tatsarvaṃ tava vāmoru yadi kuryānna te vacaḥ // ### [2.12.19](https://indike.org/pramana/in.purana.narada.2.12.19) antare hyeṣa datto me dharmo bhāryā bhavāṅgane / tava rūpeṇa me kṣobhaḥ sahasā pratyupasthitaḥ // ### [2.12.20](https://indike.org/pramana/in.purana.narada.2.12.20) ṛtadhvajasutaścāhaṃ nāmnā rukmāṃ gado nṛpaḥ / ikṣvākuvaśasaṃbhūtaḥ suto dharmāṅgado mama // ### [2.12.21](https://indike.org/pramana/in.purana.narada.2.12.21) mṛgavyājena gahanaṃ praviṣṭaścārulocane / tato dṛṣṭo vane hṛdyo vāmadevāśramo mayā // ### [2.12.22](https://indike.org/pramana/in.purana.narada.2.12.22) muninā jalpitaṃ tatra kiñcittena visarjitaḥ / āruhya vāhanaśreṣṭhaṃmandaraṃ draṣṭumāgataḥ // ### [2.12.23](https://indike.org/pramana/in.purana.narada.2.12.23) bhramamāṇo girivaraṃ kutūhalamanāstadā / prāptaṃ macchravaṇe gītaṃ tava vaktravinirgatam // ### [2.12.24](https://indike.org/pramana/in.purana.narada.2.12.24) tena gītena cākṛṣṭastvatsamīpamupāgataḥ / dṛṣṭeḥ pathamanuprāptā mama tvaṃ cārulocane // ### [2.12.25](https://indike.org/pramana/in.purana.narada.2.12.25) tato 'haṃ mūrcchito devi visaṃjñaḥ patitaḥ kṣitau / sāṃprataṃ cetanāyuktastava vākyāmṛtena hi // ### [2.12.26](https://indike.org/pramana/in.purana.narada.2.12.26) punarjātamivātmānaṃ manye 'haṃ lokamohini / pratyuttarapradānena prasādaṃ karttumarhasi // ### [2.12.27](https://indike.org/pramana/in.purana.narada.2.12.27) nṛpeṇaiva samuddiṣṭā mohinyāhottaraṃ vacaḥ / ahaṃ brahmabhavā rājaṃstvadarthaṃ samupāgatā // ### [2.12.28](https://indike.org/pramana/in.purana.narada.2.12.28) śrutvā kīrti smaropetā mandaraṃ kanakācalam / parityajya surānsarvānviśvaṃbharapurogamān // ### [2.12.29](https://indike.org/pramana/in.purana.narada.2.12.29) samāhitamanāstvatra tapasyāniratā sthitā / saṃpūjayantī deveśaṃ gītadānena śaṅkaram // ### [2.12.30](https://indike.org/pramana/in.purana.narada.2.12.30) gītadānamahaṃ manye surāṇāmativallabham / sarvadānādhikaṃ bhūpa hyanantagatidāyakam // ### [2.12.31](https://indike.org/pramana/in.purana.narada.2.12.31) yena tuṣṭaḥ paśupatiḥ sadyaḥ pratyupakārakaḥ / īpsito 'yaṃ mayā prāpto bhavānavanipālakaḥ // ### [2.12.32](https://indike.org/pramana/in.purana.narada.2.12.32) abhiprīto 'si me rājannabhiprītā hyahaṃ tava // ### [2.12.33](https://indike.org/pramana/in.purana.narada.2.12.33) tamevaṃ muktvā dvijarājavaktrā karaṃ gṛhītvā nṛpatestu vegāt / utthāpayāmāsa dharāśayānamindrasya yaṣṭīmiva mohinī sā // ### [2.12.33.p1](https://indike.org/pramana/in.purana.narada.2.12.33.p1) iti śrībṛhannāradīyapurāṇottarabhāge samayakaraṇaṃ nāma dvādaśo 'dhyāyaḥ ## Linked texts (1) - [Ratnamālāvadāna](https://indike.org/pramana/in.bauddha.sanskrit.avadana.avadanasamgraha.ratnamalavadana.14.137.p1) — Sanskrit --- Source: [https://indike.org/pramana/in.purana.narada.2.12](https://indike.org/pramana/in.purana.narada.2.12) · Pramāṇa