[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.13 # Naradapurana 2.13 Nāradapurāṇa 2.13 - **Language:** Sanskrit ## Contents - [2.13.25](https://indike.org/pramana/in.purana.narada.2.13.25) — 1 part ### [2.13.1](https://indike.org/pramana/in.purana.narada.2.13.1) vasiṣṭha uvāca utthāpayitvā rājānaṃ mohinī vākyamabravīt / mā śaṅkāṃ kuru rājendra kumārīṃ viddhyakalmaṣām // ### [2.13.2](https://indike.org/pramana/in.purana.narada.2.13.2) udvahasva mahīpāla gṛhyoktavidhinā hi mām / anūḍhā kanyakā rājan yadi garbhaṃ bibharti hi // ### [2.13.3](https://indike.org/pramana/in.purana.narada.2.13.3) prasūyati divākīrtiṃ sarvavarṇavigarhitam / cāṇḍālayonayastisraḥ purāṇe kavayo viduḥ // ### [2.13.4](https://indike.org/pramana/in.purana.narada.2.13.4) kumārīsaṃbhavātvekā sagotrāpi dvitīyakā / brāhmaṇyāṃ śūdrajanitā tṛtīyā nṛpapuṅgava // ### [2.13.5](https://indike.org/pramana/in.purana.narada.2.13.5) etasmātkāraṇādrājan kumārīṃ māṃ samudvaha / tatastāṃ capalāpāṅgīṃ nṛpo rukmāṅgado girau // ### [2.13.6](https://indike.org/pramana/in.purana.narada.2.13.6) udvāhya vidhinā yuktastasthau rājā hasanniva / rājovāca na tathā tridivaprāptiḥ prīṇayenmāṃ varānane // ### [2.13.7](https://indike.org/pramana/in.purana.narada.2.13.7) tavaprāptiryathā devi mandare 'sminsukhāya vai / manye purandarāddevi hyātmānamadhikaṃ kṣitau // ### [2.13.8](https://indike.org/pramana/in.purana.narada.2.13.8) trailokyasundarīṃ prāpya bhāryāṃ tvāṃ cārulocane / tasmādyadanukūlaṃ te tatkaromi praśādhi mām // ### [2.13.9](https://indike.org/pramana/in.purana.narada.2.13.9) ihaiva ramase bāle athavā mandire mama / malaye meruśikhare vane vā nandane vada // ### [2.13.10](https://indike.org/pramana/in.purana.narada.2.13.10) tacchrutvā nṛpatervākyaṃ mohinī madhuraṃ nṛpa / uvācānuśayaṃ rājanvacanaṃ prītivarddhanam // ### [2.13.11](https://indike.org/pramana/in.purana.narada.2.13.11) sapatnīnāṃ kaṭākṣāṇāṃ kṣatāni nagare mama / bhaviṣyanti mahīpāla kathaṃ gacchāmi te puram // ### [2.13.12](https://indike.org/pramana/in.purana.narada.2.13.12) māsma sīmantinī kācidbhaveddhi kṣitimaṇḍale / yasyāḥ sapatnīprabhavaṃ duḥkhamāmaraṇaṃ bhavet // ### [2.13.13](https://indike.org/pramana/in.purana.narada.2.13.13) sāhaṃ labdhā mahīpāla manasā vaśagā tava / jñātvā sapatnīprabhavaṃ duḥkhaṃ bhartā kṛto mayā // ### [2.13.14](https://indike.org/pramana/in.purana.narada.2.13.14) vatsyāmi parvataśreṣṭhe bahvāścaryasamanvite / na tvaṃ vasasi rājendra saṃdhyāvalyā vinā kvacit // ### [2.13.15](https://indike.org/pramana/in.purana.narada.2.13.15) tasyāstvaṃ virahe duḥkhī saputrāyā bhaviṣyasi / duḥkhena bhavato rājanbhūri duḥkhaṃ bhavenmama // ### [2.13.16](https://indike.org/pramana/in.purana.narada.2.13.16) yatraiva bhavataḥ saukhyaṃ tatrāhamapi saṃsthitā / yatra tvaṃ raṃsyase rājaṃstatra me mandaro giriḥ // ### [2.13.17](https://indike.org/pramana/in.purana.narada.2.13.17) bhartṛsthāne hi vastavyamṛddhihīne 'pi bhāryayā / sa meruḥ kāñcanamayaḥ sannidhāne pracakṣate // ### [2.13.18](https://indike.org/pramana/in.purana.narada.2.13.18) manoratho nāma meruryatra tvaṃ ramase vibho / bhartṛsthānaṃ parityajya svapiturvāpi varjitam // ### [2.13.19](https://indike.org/pramana/in.purana.narada.2.13.19) pitṛsthānāśrayaratā nārī tamasi majjati / sarvadharmavihīnāpi nārī bhavati sūkarī // ### [2.13.20](https://indike.org/pramana/in.purana.narada.2.13.20) evaṃ jānāmyahaṃ doṣaṃ kathaṃ vatsyāmi mandare / mamiṣyāmitvayā sārddhamīśastvaṃ sukhaduḥkhayoḥ // ### [2.13.21](https://indike.org/pramana/in.purana.narada.2.13.21) mohinyāstadvacaḥ śrutvā rājā saṃhṛṣṭamānasaḥ / pariṣvajya varārohāmidaṃ vacanamabravīt // ### [2.13.22](https://indike.org/pramana/in.purana.narada.2.13.22) bhāryāṇāṃ mama sarvāsāmupariṣṭādbhaviṣyasi / mā śaṅkāṃ kuru vāmoru yato duḥkhaṃ bhaviṣyati // ### [2.13.23](https://indike.org/pramana/in.purana.narada.2.13.23) jīvitādadhikā subhru bhaviṣyasi gṛhe mama / ehi gacchāva tanvaṅgi sukhāya nagaraṃ prati // ### [2.13.24](https://indike.org/pramana/in.purana.narada.2.13.24) bhuṅkṣva bhogānmayā sārddhaṃ tatrasthā svecchayā priye // ### [2.13.25](https://indike.org/pramana/in.purana.narada.2.13.25) sā tvevamuktā śaśigauravaktrā rukmāṅgadenātmavināśanāya / saṃprasthitā nūpuragoṣayuktā vikarṣayantī girijātaśobhām // ### [2.13.25.p1](https://indike.org/pramana/in.purana.narada.2.13.25.p1) iti śrībṛhannāradīyapurāṇottarabhāge mohinīsaṃmohanaṃ nāma trayodaśo 'dhyāyaḥ ## Linked texts (1) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.91.26) — Sanskrit --- Source: [https://indike.org/pramana/in.purana.narada.2.13](https://indike.org/pramana/in.purana.narada.2.13) · Pramāṇa