[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.14 # Naradapurana 2.14 Nāradapurāṇa 2.14 - **Language:** Sanskrit ## Contents - [2.14.74](https://indike.org/pramana/in.purana.narada.2.14.74) — 1 part ### [2.14.1](https://indike.org/pramana/in.purana.narada.2.14.1) vasiṣṭha uvāca saṃprasthitāvubhau rājangiriśīrṣāddharātalam / paśyamānau bahūnbhāvāngirijātānmanoharamanoharān // ### [2.14.2](https://indike.org/pramana/in.purana.narada.2.14.2) kecidvidrumasaṃkāśāḥ kecidrajatasannibhāḥ / kecinnīlasamaprakhyāḥ kecitkāñcanasatviṣaḥ // ### [2.14.3](https://indike.org/pramana/in.purana.narada.2.14.3) kecitsphāṭikavarṇābhā haritālanibhāḥ pare / anyonyaśleṣatāṃ prāptau sakalaiḥ sthāvarairiva // ### [2.14.4](https://indike.org/pramana/in.purana.narada.2.14.4) saprāpya vasudhāṃ bhūpo hyapaśyadvājināṃ varam / khanyamānaṃ khureṇorvī kuliśābhena veginā // ### [2.14.5](https://indike.org/pramana/in.purana.narada.2.14.5) tasya dārayataḥ pṛthvīṃ sutīkṣṇena khureṇa hi / gṛhagodhābhavattasmin bhūbhāgāntargatā kila // ### [2.14.6](https://indike.org/pramana/in.purana.narada.2.14.6) nirgacchamānā nṛpate khureṇa vidalīkṛtā / vidīryamāṇāṃ nṛpatirapaśyatsa dayāparaḥ // ### [2.14.7](https://indike.org/pramana/in.purana.narada.2.14.7) abhyadhāvata vegena hā hateti priyāṃ vadan / tataḥ sa vṛkṣapatreṇa komalena mahīpatiḥ // ### [2.14.8](https://indike.org/pramana/in.purana.narada.2.14.8) utsārya tāṃ khurādāśu prākṣipattṛṇaśādvale / tatastu mohinīṃ prāha prekṣya mūrcchāgatāṃ hi tām // ### [2.14.9](https://indike.org/pramana/in.purana.narada.2.14.9) śīghramāhara cārvaṅgijalaṃ jalajalocane / yena mūrcchāgatāṃ siṃce gṛhagodhāṃ vimardditām // ### [2.14.10](https://indike.org/pramana/in.purana.narada.2.14.10) sā bharturvacanācchīghramānayacchītalaṃ jalam / tenābhyaṣiṃ cannṛpatirgṛhagodhāṃ vimūrcchitām // ### [2.14.11](https://indike.org/pramana/in.purana.narada.2.14.11) avāpa cetanāṃ rājan śītalājjalasecanāt / abhighāteṣu sarveṣu śastaṃ vāriprasecanam // ### [2.14.12](https://indike.org/pramana/in.purana.narada.2.14.12) athavā klinnavastreṇa sahasā bandhanaṃ hitam / saṃprāptacetanā bhūpa godhā vacanamabravīt // ### [2.14.13](https://indike.org/pramana/in.purana.narada.2.14.13) rājānamagrato vīkṣya vedanārtā śanaiḥ śanaiḥ / rukmāṅgada mahābāho nibodha mama ceṣṭitam // ### [2.14.14](https://indike.org/pramana/in.purana.narada.2.14.14) śākale nagare ramye bhāryāhaṃ hyagrajanmanaḥ / rūpayauvanasaṃpannā tasya nātipriyā vibho // ### [2.14.15](https://indike.org/pramana/in.purana.narada.2.14.15) sadā vidveṣasaṃyukto mayi niṣṭhurajalpakaḥ / nānyasya kasyaciddveṣṭā sa tu me nṛpate patiḥ // ### [2.14.16](https://indike.org/pramana/in.purana.narada.2.14.16) tato 'ha krodhasaṃyuktā vaśīkaraṇalaṃbhanāt / apṛcchaṃ pramadā rājanyāstyaktāḥ patibhiḥ kila // ### [2.14.17](https://indike.org/pramana/in.purana.narada.2.14.17) tābhiruktā hyahaṃ bhūpa vaśyo bhartā bhaviṣyati / asmākaṃ pratyayo jāto bhartṛtyāgāvamānanāt // ### [2.14.18](https://indike.org/pramana/in.purana.narada.2.14.18) pravrajyābheṣajairvaśyā jātā hi patayastu naḥ / tvaṃ pṛccha tāṃ varārohe dāsyate bheṣajaṃ śubham // ### [2.14.19](https://indike.org/pramana/in.purana.narada.2.14.19) na vikalpastvayā kāryo bhavitā dāsavatpatiḥ / tato 'haṃ tvaritaṃ gatvā tāsāṃ vākyena bhūpate // ### [2.14.20](https://indike.org/pramana/in.purana.narada.2.14.20) prāsādaḥ kathitastasyāḥ pṛcchantyā mama mānavaiḥ / śatastaṃbhasamāyuktaḥ kāntimatsudhayā yutaḥ // ### [2.14.21](https://indike.org/pramana/in.purana.narada.2.14.21) praviśya taṃ sutejaskāmapaśyaṃ brahyacāriṇīm / prāvṛtāṃ dīrghavastreṇa sandhyārāgasavarṇinīm // ### [2.14.22](https://indike.org/pramana/in.purana.narada.2.14.22) dīrghābhiḥ sā jaṭābhistu saṃvṛtā dīptisayutā / paricārakaistu saṃyuktā vījyamānā śanaiḥ śanaiḥ // ### [2.14.23](https://indike.org/pramana/in.purana.narada.2.14.23) akṣasūtrakarā sā tu japantī bhagamālinī / sarvavaśyakaraṃ mantraṃ kṣobhakaṃ pratyayāvaham // ### [2.14.24](https://indike.org/pramana/in.purana.narada.2.14.24) tato 'haṃ praṇatā bhūtvā padbhyāṃ nyasyāṅgalīyakam / mṛdukāñcanasaṃbhūtaṃ atiriktaprabhānvitam // ### [2.14.25](https://indike.org/pramana/in.purana.narada.2.14.25) tato hṛṣṭābhavaddṛṣṭvā padasthaṃ cāṅgulīyakam / apṛṣṭayā tayā jñātaṃ mama bhartturvimānanam // ### [2.14.26](https://indike.org/pramana/in.purana.narada.2.14.26) tayoktāhaṃ tato bhūpa tāpasyā praṇatā sthitā / cūrṇo rakṣānvito hyeṣa sarvabhūtavaśānugaḥ // ### [2.14.27](https://indike.org/pramana/in.purana.narada.2.14.27) tvayā bhartari saṃyojyo rakṣyaṃ grīvāśayāṅkuram / bhaviṣyati patirvaśyo nānyāṃ yāsyati sundarīm // ### [2.14.28](https://indike.org/pramana/in.purana.narada.2.14.28) cūrṇarakṣāṃ gṛhītvāhaṃ prāptābhartṛgṛhaṃ punaḥ / pradoṣe payasā yuktaścūrṇo bhartari yojitaḥ // ### [2.14.29](https://indike.org/pramana/in.purana.narada.2.14.29) grīvāyāṃ hi kṛtā rakṣā na vicāro mayā kṛtaḥ / yadā sa pītacūrṇastu bhartā nṛpavarottamā // ### [2.14.30](https://indike.org/pramana/in.purana.narada.2.14.30) tadahaḥ kṣayarogo 'bhūtpatiḥ kṣīṇo dine dine / guhye tu krimayo jātāḥ kṣataduṣṭavraṇodbhavāḥ // ### [2.14.31](https://indike.org/pramana/in.purana.narada.2.14.31) dinaiḥ katipayairjātairdīpavadravidarśanāt / hatatejāstathā bharttā māmuvācākulendriyaḥ // ### [2.14.32](https://indike.org/pramana/in.purana.narada.2.14.32) krandamāno divā rātrau dāso 'smi tava śobhane / trāhi māṃ śaraṇaṃ prāptaṃ na gaccheyaṃ paristriyam // ### [2.14.33](https://indike.org/pramana/in.purana.narada.2.14.33) tattasya ruditaṃ śrutvā bhayabhītā mahīpate / tasyāṃ niveditaṃ sarvaṃ kathaṃ bhartā bhavetsukhī // ### [2.14.34](https://indike.org/pramana/in.purana.narada.2.14.34) tayāpi bheṣajaṃ dattaṃ dvitīyaṃ dāhaśāntaye / datte tu bheṣaje tasminsustho 'bhūttatkṣaṇātpatiḥ // ### [2.14.35](https://indike.org/pramana/in.purana.narada.2.14.35) pūrvacūrṇodbhavo dāhaḥ śāntastenauṣadhena ha / tataḥ prabhṛti me bhartā vaśyo 'bhūdvacane sthitaḥ // ### [2.14.36](https://indike.org/pramana/in.purana.narada.2.14.36) kālena pañcatāṃ prāptā gatā narakayātanām / tāmrabhrāṣṭre hyahaṃ dagdhā yugāni daśa pañca ca // ### [2.14.37](https://indike.org/pramana/in.purana.narada.2.14.37) sūkṣmāṇi tilamātrāṇi kṛtvā khaṇḍānyanekaśaḥ / kiñcitpātakaśeṣeṇa dharāyāmavatāritā // ### [2.14.38](https://indike.org/pramana/in.purana.narada.2.14.38) gṛhagodhāmayaṃ rūpaṃ kṛtaṃ bhāskarajena me / sāhamatra sthitā bhūpa varṣāṇāmayutaṃ purā // ### [2.14.39](https://indike.org/pramana/in.purana.narada.2.14.39) yānyāpi yuvatirbhūpa bharturvaśyaṃ samācaret / vṛthādharmā durācārā dahyate tāmrabhrāṣṭrake // ### [2.14.40](https://indike.org/pramana/in.purana.narada.2.14.40) bhartā nātho gatirbhartā daivataṃ gurureva ca / tasya vaśyaṃ caredyā tu sā kathaṃ sukhamāpnuyāt // ### [2.14.41](https://indike.org/pramana/in.purana.narada.2.14.41) tiryagyoniśataṃ yāti krimikuṣṭhasamanvitā / tasmādbhūpāla kartavyaṃ strībhirbhartṛvacaḥ sadā // ### [2.14.42](https://indike.org/pramana/in.purana.narada.2.14.42) sāhaṃ yāsye punaryoniṃ kutsitāṃ pātakānvitām / yadi noddharase rājannadya māṃ śaraṇāgatām // ### [2.14.43](https://indike.org/pramana/in.purana.narada.2.14.43) sukṛtasya pradānena vijayājanitena hi / yā tvayā saṃgame puṇye kṛtā śravaṇadvādaśī // ### [2.14.44](https://indike.org/pramana/in.purana.narada.2.14.44) sarayvāścaiva gaṅgāyāḥ pāpanāśavidhāyake / pretaniryātanī puṇyā mānasepsitadāyinī // ### [2.14.45](https://indike.org/pramana/in.purana.narada.2.14.45) yasyāṃ gṛhe 'pi bhūpāla saṃsmṛto manujairhariḥ / sarvatīrthaphalāvāptiṃ kurute nātra saṃśayaḥ // ### [2.14.46](https://indike.org/pramana/in.purana.narada.2.14.46) dattaṃ japtaṃ hutaṃ yacca kṛtaṃ devārcanādikam / sarvaṃ tadakṣayaṃ bhūpa yatkṛtaṃ vijayādine // ### [2.14.47](https://indike.org/pramana/in.purana.narada.2.14.47) evaṃvidhaṃ phalaṃ yasyāstaddehi sukṛtaṃ mama / dvādaśyāmupavāsena trayodaśyāṃ tu pāraṇe // ### [2.14.48](https://indike.org/pramana/in.purana.narada.2.14.48) dvādaśābdopavāsasya phalaṃ prāptotyupoṣaṇe / dayāṃ kṛtvā mahīpāla dharmamūrtirbhavān kṣitau // ### [2.14.49](https://indike.org/pramana/in.purana.narada.2.14.49) vaivasvatapathadhvaṃsī paritrāhi suduḥkhitām / gṛhagodhāvacaḥ śrutvā mohinī vākyamabravīt // ### [2.14.50](https://indike.org/pramana/in.purana.narada.2.14.50) svakṛtaṃ tu jano 'śnāti sukhaduḥkhātmakaṃ bibho / tasmātkimanayā kāryaṃ pāpayā bhartuduṣṭayā // ### [2.14.51](https://indike.org/pramana/in.purana.narada.2.14.51) yayā bhartā vaśaṃ nīto rakṣācūrṇādibhirnṛpa / sādhubhyo yatkṛtaṃ rājanyaśaḥsvargakaraṃ bhavet // ### [2.14.52](https://indike.org/pramana/in.purana.narada.2.14.52) ubhayorbhraṃ śatāmeti pāpebhyo yatkṛtaṃ bhavet / śarkarāmiśritaṃ kṣīraṃ kādraveye niyojitam // ### [2.14.53](https://indike.org/pramana/in.purana.narada.2.14.53) viṣavṛddhiṃ karotyeva tadvatpāpakṛtaṃ bhavet / parityajemāṃ tvaṃ pāpāṃ gacchāvo nagarāya vai // ### [2.14.54](https://indike.org/pramana/in.purana.narada.2.14.54) janmavyāpārasaktānāmātmasaukhyaṃ vinaśyati / rukmāṅgada uvāca brahmātmaje kathaṃ vākyamīdṛśaṃ vyāhṛtadaṃ tvayā / na sādhūnāmidaṃ vṛttaṃ bhavatīti varānane // ### [2.14.55](https://indike.org/pramana/in.purana.narada.2.14.55) ātmasaukhyakarāḥ pāpā bhavanti paratāpinaḥ / viprapannā varārohe paropakaraṇāya vai // ### [2.14.56](https://indike.org/pramana/in.purana.narada.2.14.56) śaśī sūryo 'tha parjanyo medinī hutabhugjalam / candanaṃ pādapāḥ saṃtaḥ paropakaraṇāya vai // ### [2.14.57](https://indike.org/pramana/in.purana.narada.2.14.57) śrūyate kila rājāsīddhariścandro varānane / cāṇḍālamandirāvāsī bhāryātanayavikrayī // ### [2.14.58](https://indike.org/pramana/in.purana.narada.2.14.58) asatyavacanādbhīto duḥkhādduḥkhataraṃ gataḥ / tasya satyena saṃtuṣṭādevāḥ śakrapurogamāḥ // ### [2.14.59](https://indike.org/pramana/in.purana.narada.2.14.59) vareṇa chandayāñcakrurhariścandraṃ mahīpatim / tena satyavatā coktā devā brahmapurogamāḥ / yadi tuṣṭā hi vibudhā varaṃ me dātumarhatha // ### [2.14.60](https://indike.org/pramana/in.purana.narada.2.14.60) eṣā hi nagarī sarvā sadrumā sasarīsṛpā / sabālavṛddhataruṇā sanārī sacatuṣpadā // ### [2.14.61](https://indike.org/pramana/in.purana.narada.2.14.61) prayātu kṛtapāpāpisvargatiṃ nagarī mama / ayodhyāpātakaṃ gṛhya gantāhaṃ narakaṃ dhruvam // ### [2.14.62](https://indike.org/pramana/in.purana.narada.2.14.62) ekākī nahi gacchāmi parityajya janaṃ kṣitau / svargaṃ vibudhaśārdūlāḥ satyametanmayeritam // ### [2.14.63](https://indike.org/pramana/in.purana.narada.2.14.63) tasya tāṃ sthiratāṃ jñātvā saha tenaiva sā purī / jagāma svargalokaṃ ca indrādīnāmanujñayā // ### [2.14.64](https://indike.org/pramana/in.purana.narada.2.14.64) so 'pi svarge sthito rājā svapureṇa samanvitaḥ / kāmagena vimānena pūjyamāno 'marairapi // ### [2.14.65](https://indike.org/pramana/in.purana.narada.2.14.65) asthidānaṃ kṛtaṃ devi kṛpayā hi dadhīcinā / devānāmupakārārthaṃ śrutvā daityaiḥ parājitān // ### [2.14.66](https://indike.org/pramana/in.purana.narada.2.14.66) kapotārthaṃ svamāṃsāni śibinā bhūbhujā purā / pradattāni varārohe śyenāya kṣudhitāya vai // ### [2.14.67](https://indike.org/pramana/in.purana.narada.2.14.67) jīmūtavāhano rājā purāsītkṣitimaṇḍale / tenāpi jīvitaṃ dattaṃ pannagāya varānane // ### [2.14.68](https://indike.org/pramana/in.purana.narada.2.14.68) tasmāddayālunā devi bhavitavyaṃ mahībhujā / śucāvamedhye 'pi śubhe samaṃ varṣati vāridaḥ // ### [2.14.69](https://indike.org/pramana/in.purana.narada.2.14.69) cāṇḍālapatitau candro hlādayecca nijaiḥ karaiḥ / tasmādimāṃ varārohe gṛha godhāṃ suduḥkhitām // ### [2.14.70](https://indike.org/pramana/in.purana.narada.2.14.70) uddhariṣye nijaiḥ puṇyairdaihitrairnāhuṣo yathā / vimohinīṃ tiraskṛtya gṛhagodhāmuvāca ha // ### [2.14.71](https://indike.org/pramana/in.purana.narada.2.14.71) dattaṃ dattaṃ mayā puṇyaṃ vijayāsaṃbhavaṃ tava / gaccha viṣṇugatāṃllokānvidhūtāśeṣakalmaṣā // ### [2.14.72](https://indike.org/pramana/in.purana.narada.2.14.72) tadvākyātsahasā bhūpa divyābharaṇabhūṣitā / vimucya dehaṃ tajjīrṇaṃ gṛhagodhāsamudbhavam // ### [2.14.73](https://indike.org/pramana/in.purana.narada.2.14.73) jagāmāmantrya taṃ bhūpaṃ dyotayantī diśo daśa / sīmantamiva kurvāṇā vaiṣṇavaṃ padamudbhutam // ### [2.14.74](https://indike.org/pramana/in.purana.narada.2.14.74) yadyogigamyaṃ hutabhukprakāśaṃ varaṃ vareṇyaṃ paramātmabhūtam / tammādiyaṃ caiva śikhipradīpā jagatprakāśāya nṛpaprasūtā // ### [2.14.74.p1](https://indike.org/pramana/in.purana.narada.2.14.74.p1) iti śrībṛhannāradīyapurāṇottarabhāge godhāvimuktirnāma caturdaśo 'dhyāyaḥ ## Linked texts (2) - [Skandamahāpurāṇa (vulgate)](https://indike.org/pramana/in.purana.skanda*vulgate.2.7.24.68) — Sanskrit - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.92.76.1) — Sanskrit --- Source: [https://indike.org/pramana/in.purana.narada.2.14](https://indike.org/pramana/in.purana.narada.2.14) · Pramāṇa