[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.15 # Naradapurana 2.15 Nāradapurāṇa 2.15 - **Language:** Sanskrit ## Contents - [2.15.47](https://indike.org/pramana/in.purana.narada.2.15.47) — 1 part ### [2.15.1](https://indike.org/pramana/in.purana.narada.2.15.1) vasiṣṭha uvāca vimocya pātakādrājā gṛhagodhāṃ hasanniva / uvāca mohinīṃ hṛṣṭaḥ śīghramāruhyatāṃ hayaḥ // ### [2.15.2](https://indike.org/pramana/in.purana.narada.2.15.2) yojanāyutagāmī ca kṣaṇātkṛṣṇahayo yathā / tadākarṇya vaco rājño mohinī madalālasā // ### [2.15.3](https://indike.org/pramana/in.purana.narada.2.15.3) āruroha samaṃ bhartrā taṃ hayaṃ vātaveginam / uvāca ca vaco bhūpaṃ bhartāraṃ cāruhāsinī // ### [2.15.4](https://indike.org/pramana/in.purana.narada.2.15.4) pracodayemamarvāṇaṃ svapurāya mahīpate / putravaktraṃ spṛhā draṣṭuṃ laṃpaṭā tava vartate // ### [2.15.5](https://indike.org/pramana/in.purana.narada.2.15.5) tavādhīnā nṛpaśreṣṭha gamyatāṃ yatra te manaḥ / mohinyā vacanaṃ śrutvā taprasthe nagaraṃ prati // ### [2.15.6](https://indike.org/pramana/in.purana.narada.2.15.6) paśyamānaḥ susaṃhṛṣṭaḥ pādapānparvatānnadīḥ / vanāni suvicitrāṇi mṛgānbahuvidhānapi // ### [2.15.7](https://indike.org/pramana/in.purana.narada.2.15.7) grāmāndurgāṃstathā deśānnagarāṇi śubhāni ca / sarāṃsi ca vicitrāṇi bhūbhāgānsumanoharān // ### [2.15.8](https://indike.org/pramana/in.purana.narada.2.15.8) acireṇāśramaṃ dṛṣṭvā vāmadevasya bhūpate / ākāśastho mahīpālo namaskṛtya tvarānvitaḥ // ### [2.15.9](https://indike.org/pramana/in.purana.narada.2.15.9) punareva yayau rājā vāyuvegena vājinā / paśyamāno bahūndeśāndhanadhānyasamanvitān // ### [2.15.10](https://indike.org/pramana/in.purana.narada.2.15.10) āsasāda puraṃ rājā vaidiśaṃ svavaśaṃ ca tat / tamāyāntaṃ nṛpaṃ śrutvā cārairddharmāṅgadaḥ sutaḥ // ### [2.15.11](https://indike.org/pramana/in.purana.narada.2.15.11) pitaraṃ harṣasaṃyukto bhūpālānvākyamabravīt / eṣā pkarāśamāyāti udīcī diṅ nṛpottamāḥ // ### [2.15.12](https://indike.org/pramana/in.purana.narada.2.15.12) matpiturvājinākrāntā tattejaḥ parirañjitā / tasmādgacchāmahe sarve saṃmukhaṃ hyavanīpateḥ // ### [2.15.13](https://indike.org/pramana/in.purana.narada.2.15.13) piturāgatamātrasya saṃmukhaṃ na suto vrajet / sa yāti narakaṃ ghoraṃ yāvadindrāścaturddaśā // ### [2.15.14](https://indike.org/pramana/in.purana.narada.2.15.14) saṃmukhaṃ vrajamānasya putrasya pitaraṃ prati / pade pade yajñaphalaṃ procuḥ paurāṇikā dvijāḥ // ### [2.15.15](https://indike.org/pramana/in.purana.narada.2.15.15) uttiṣṭhadhvaṃ vrajāmyeṣa bhavadbhiḥ parivāritaḥ / abhivādayituṃ premṇā eṣa me devadevatā // ### [2.15.16](https://indike.org/pramana/in.purana.narada.2.15.16) tathotyuktaistutaiḥ sarvairbhūmipālairnṛpātmajaḥ / jagāma saṃmukhaṃ padbhyāṃ krośamātraṃ pitustadā // ### [2.15.17](https://indike.org/pramana/in.purana.narada.2.15.17) tato rājasahasreṇa mūrtimāniva manmathaḥ / sa gatvā dūramadhvānamāsasādanṛpaṃ pathi // ### [2.15.18](https://indike.org/pramana/in.purana.narada.2.15.18) saṃprāpya pitaraṃ strehājjagāma dharaṇīṃ tadā / śirasā rājabhiḥ sārddhaṃ praṇāmamakarottadā // ### [2.15.19](https://indike.org/pramana/in.purana.narada.2.15.19) premṇā samāgataṃ prakṣya taṃ patantaṃ nṛpaiḥ saha / avaruhya hayādrājā samutthāpya sutaṃ vibho // ### [2.15.20](https://indike.org/pramana/in.purana.narada.2.15.20) bhujābhyāṃ sādhu pīnābhyāṃ paryaṣvañjata bhūpatiḥ / mūrdhni caivamupāghrāya uvāca tanayaṃ tadā // ### [2.15.21](https://indike.org/pramana/in.purana.narada.2.15.21) kaccitpāsi prajāḥ sarvāḥ kacciddaṇḍayase ripūn / nyāyāgatena vittena kośaṃ putra bibharṣi ca // ### [2.15.22](https://indike.org/pramana/in.purana.narada.2.15.22) kaccidvipreṣvatyadhikā vṛttirdattā napāyinī / kaccitte kāntaśīlatvaṃ kaccidvaktāḥ na niṣṭhuram // ### [2.15.23](https://indike.org/pramana/in.purana.narada.2.15.23) kaccidgāvo na duhyante putra cāṇḍalaveśmānaṃ / kaccidvacanakartārastanayāśca pituḥ sadā // ### [2.15.24](https://indike.org/pramana/in.purana.narada.2.15.24) kaccidvadhūḥ śvaśrūvākye vartate bhartari kvacit / kaccidvivādānviprestu samaṃ nekṣasa ātmaja // ### [2.15.25](https://indike.org/pramana/in.purana.narada.2.15.25) kaccidgāvo na rudhyante viṣaye vividhaistṛṇaiḥ / tulāmānāni sarvāṇi hyannādīnāṃ sadekṣase // ### [2.15.26](https://indike.org/pramana/in.purana.narada.2.15.26) kuṭuṃbinaṃ karaiḥ putra nātyarthamabhidūyase / kaccinna dyūtapānādi vartate viṣaye tava // ### [2.15.27](https://indike.org/pramana/in.purana.narada.2.15.27) kaccidbhinnarasairlokā bhinnavākyaiḥ pure tava / na dānairjīrṇavastraiśca nopajīvanti mānavāḥ // ### [2.15.28](https://indike.org/pramana/in.purana.narada.2.15.28) kaccidṛṣṭvā svayaṃ putra hastyaśvaṃ parirakṣasi / kaccicca mātaraḥ sarvā hyaviśeṣeṇa paśyasi // ### [2.15.29](https://indike.org/pramana/in.purana.narada.2.15.29) kaccinna vāsare viṣṇornarā bhuñjanti putraka / śaśini kṣīṇatāṃ prāpte kaccicchrāddhaparo naraḥ // ### [2.15.30](https://indike.org/pramana/in.purana.narada.2.15.30) kacciccāpararātreṣu sadā nidrāṃ vimuñcasi / nidrā mūlamadharmasya nidrā pāpavivarddhinī // ### [2.15.31](https://indike.org/pramana/in.purana.narada.2.15.31) nidrā dāridyajananī nidrā śreyovināśinī / nahi nidrānvito rājā ciraṃ śāsti vasuṃdharām // ### [2.15.32](https://indike.org/pramana/in.purana.narada.2.15.32) puṃścalīva sadā bharturlokadvayavināśinī / evamuccaramāṇaṃ taṃ tanayo vākyamabravīt // ### [2.15.33](https://indike.org/pramana/in.purana.narada.2.15.33) dharmāṅgado mahīpālaṃ praṇamya ca punaḥ punaḥ / sarvametatkṛtaṃ tāta punaḥ kartāsmi te vacaḥ // ### [2.15.34](https://indike.org/pramana/in.purana.narada.2.15.34) piturvacanakartāraḥ putrā dhanyā jagattraye / kiṃ tataḥ pātakaṃ rājanyo na kuryātpiturvacaḥ // ### [2.15.35](https://indike.org/pramana/in.purana.narada.2.15.35) pitṛvākyamanādṛtya vrajetsnātuṃ trimārgagām / na tattīrthaphalaṃ bhuṅkte yo na kuryātpiturvacaḥ // ### [2.15.36](https://indike.org/pramana/in.purana.narada.2.15.36) tvadadhīnaṃ śarīraṃ me tvadadhīnaṃ hi jīvitam / tvadadhīno hi me dharmastvaṃ ca me daivataṃ param // ### [2.15.37](https://indike.org/pramana/in.purana.narada.2.15.37) trailokyasyāpi dānena na śuddhyeta ṛṇātsutaḥ / kiṃ punardehavittābhyāṃ keśadānādibhirvibho // ### [2.15.38](https://indike.org/pramana/in.purana.narada.2.15.38) evaṃ bruvāṇaṃ tanayaṃ bahubhūpālasaṃvṛtam / rukmāṅgadaḥ pariṣvajya punarāha sutaṃ vacaḥ / satyametattvayā putra vyāhṛtaṃ dharmavedinā // ### [2.15.39](https://indike.org/pramana/in.purana.narada.2.15.39) piturabhyadhikaṃ kiñciddaivataṃ na sutasya hi / devāḥ parāṅmukhāstasya pitaraṃ yo 'vamanyate // ### [2.15.40](https://indike.org/pramana/in.purana.narada.2.15.40) so 'haṃ mūrdhnātvayā putra dhṛtastatkṣitirakṣaṇāt / jitvā dvīpavatīṃ pṛthvīṃ bahubhūpālasaṃvṛtām // ### [2.15.41](https://indike.org/pramana/in.purana.narada.2.15.41) etatsaukhyaṃ paraṃ loke etatsvargapadaṃ dhruvam / piturabhyadhikaḥ putro yadbhavetkṣitimaṇḍale // ### [2.15.42](https://indike.org/pramana/in.purana.narada.2.15.42) so 'haṃ putra kṛtārthastu kṛtaḥ sadguṇavartmanā / tvayā sādhayatā bhūpānyathā haridinaṃ śubham // ### [2.15.43](https://indike.org/pramana/in.purana.narada.2.15.43) tatpiturvacanaṃ śrutvā putro dharmāṅgado 'bravīt / kka gatastu bhavāṃstāta niveśya mayi saṃpadaḥ // ### [2.15.44](https://indike.org/pramana/in.purana.narada.2.15.44) kasminsthāne tviyaṃ prāptā sūryāyutasamaprabhā / manye nirvedamāpanna imāṃ sṛṣṭvā prajāpatiḥ // ### [2.15.45](https://indike.org/pramana/in.purana.narada.2.15.45) naitadrūpā mahīpālanārī trailokyamadhyataḥ / manye bhūdharajāteyamathavā sāgarodbhavā // ### [2.15.46](https://indike.org/pramana/in.purana.narada.2.15.46) māyā vā mayadaityasya pramadārūpasaṃsthitā / aho sunupuṇo dhātā yeneyaṃ nirmitā vibho / bālāgraśatabhāgo hi vyalīko nopapadyate // ### [2.15.47](https://indike.org/pramana/in.purana.narada.2.15.47) iyaṃ hi yogyā kanakāvadātā gṛhāya tubhyaṃ jagatīpatīśa / evaṃ vidhā me jananī yadi syātko 'nyo 'sti mattaḥ sukṛtī manuṣyaḥ // ### [2.15.47.p1](https://indike.org/pramana/in.purana.narada.2.15.47.p1) iti śrībṛhannāradīyapurāṇottarabhāge mohinīcarite pitāputrasaṃvādo nāma pañcadaśo 'dhyāyaḥ ## Linked texts (1) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.92.49.1) — Sanskrit --- Source: [https://indike.org/pramana/in.purana.narada.2.15](https://indike.org/pramana/in.purana.narada.2.15) · Pramāṇa