[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.16 # Naradapurana 2.16 Nāradapurāṇa 2.16 - **Language:** Sanskrit ## Contents - [2.16.89](https://indike.org/pramana/in.purana.narada.2.16.89) — 1 part ### [2.16.1](https://indike.org/pramana/in.purana.narada.2.16.1) vasiṣṭha uvāca dharmāṅgavadacaḥ śrutvā hṛṣṭo rukmāṅgado 'bravīt / satya te jananī putra saṃprāptā mandare mayā // ### [2.16.2](https://indike.org/pramana/in.purana.narada.2.16.2) vedāśrayasutā bālā madarthaṃ kṛtaniścayā / kurvantī dāruṇaṃ putra tapo devagirau purā // ### [2.16.3](https://indike.org/pramana/in.purana.narada.2.16.3) itaḥ pañcadaśādahno hayagāmī gato hyaham / mandare parvataśreṣṭhe bahudhātusamanvite // ### [2.16.4](https://indike.org/pramana/in.purana.narada.2.16.4) tasya mūrddhani bāleyaṃ toṣayantī maheśvaram / sthitā gānaparā dṛṣṭā mayā tatra sudarśanā // ### [2.16.5](https://indike.org/pramana/in.purana.narada.2.16.5) tato 'haṃ mūrcchayā yuktaḥ patito dharaṇītale / anaṅgabāṇasaṃviddho vyādhaviddho yathā mṛgaḥ // ### [2.16.6](https://indike.org/pramana/in.purana.narada.2.16.6) tato 'hamanayā devyā cālitaścārunetrayā / vṛtaścaivāpi bhartṛtve kiñcitprārthanayā saha // ### [2.16.7](https://indike.org/pramana/in.purana.narada.2.16.7) mayā cāpi pratijñātaṃ svadakṣiṇakarānvitam / seyaṃ bhāryā viśālākṣī kṛtā bhūdharamastake // ### [2.16.8](https://indike.org/pramana/in.purana.narada.2.16.8) avaruhya dharāpṛṣṭe samāruhya turaṅgamam / dinatrayeṇa tvaritaḥ saṃprāptastava sannidhau // ### [2.16.9](https://indike.org/pramana/in.purana.narada.2.16.9) paśyamāno girīndeśānsarāṃsisaritastathā / iyaṃ hi jananī putra tava prītivivarddhinī // ### [2.16.10](https://indike.org/pramana/in.purana.narada.2.16.10) abhivādaya cārvaṅgīṃ tvaṃ nijāmiva mātaram / tatpiturvacanaṃ śrutvā hayasaṃsthāmarindamaḥ // ### [2.16.11](https://indike.org/pramana/in.purana.narada.2.16.11) śirasā dharaṇīṃ gatvā idaṃ vacanamabravīt / prasīda devi mātastvaṃ bhṛtyo dāsaḥ sutastava // ### [2.16.12](https://indike.org/pramana/in.purana.narada.2.16.12) namaskaromi jananīṃ bahubhūpālasaṃyutaḥ / taṃ putramavanīṃ prāptaṃ mohinī prekṣya bhūpate // ### [2.16.13](https://indike.org/pramana/in.purana.narada.2.16.13) bharturdākṣiṇyayogācca avatīrya turaṅgamāt / avāgūhata bāhubhyāmutthāpya patitaṃ sutam // ### [2.16.14](https://indike.org/pramana/in.purana.narada.2.16.14) pariṣvaktastadā mātrā punarevābhyanandayat / tatastāṃ sumanojñaistu cāruvastraisca bhūṣaṇaiḥ // ### [2.16.15](https://indike.org/pramana/in.purana.narada.2.16.15) bhūṣayitvā samāropya punareva hayottamam / svapṛṣṭhe caraṇaṃ kṛtvā tasyā rājīvalocanaḥ // ### [2.16.16](https://indike.org/pramana/in.purana.narada.2.16.16) tenaiva vidhinā bhūpa pitaraṃ cānvarohayat / bhūpālaiḥ saṃvṛto gacchanpabhdyāṃ dharmāṅgadaḥ sutaḥ // ### [2.16.17](https://indike.org/pramana/in.purana.narada.2.16.17) praharṣapulako hyāsījjananīṃ prekṣya mohinīm / stūyamānaḥ svayaṃ cāpi meghagaṃbhīrayā girā // ### [2.16.18](https://indike.org/pramana/in.purana.narada.2.16.18) dhanyaḥ sa tanayo loke mātaro yasya bhūriśaḥ / navā navatarā bhāryāḥ pituriṣṭā manoharāḥ // ### [2.16.19](https://indike.org/pramana/in.purana.narada.2.16.19) yasyaikā jananī loke pitā tasyaiva duḥkhabhāk / piturduḥkhena kiṃ saukhyaṃ putrasya hṛdi vartate // ### [2.16.20](https://indike.org/pramana/in.purana.narada.2.16.20) ekasyā vandane mātuḥ pṛthivīphalamaśnute / mātṝṇāṃ vandane mahyaṃ gahatpuṇyaṃ bhaviṣyati // ### [2.16.21](https://indike.org/pramana/in.purana.narada.2.16.21) tasmādabhyadhikaṃ puṇyaṃ bhaviṣyati dine dine / ekamuccaramāṇo 'sau rājabhiḥ parivāritaḥ // ### [2.16.22](https://indike.org/pramana/in.purana.narada.2.16.22) praviṣṭo nagaraṃ ramyaṃ vaidiśaṃ ṛddhisaṃyutam / hayasthaḥ prayayau rājā mohinyā saha tatkṣaṇāt // ### [2.16.23](https://indike.org/pramana/in.purana.narada.2.16.23) tato gṛhavaraṃ prāpya pūjyamāno janairnṛpaḥ / avaruhya hayātasmāmohinīṃ vākyamabravīt // ### [2.16.24](https://indike.org/pramana/in.purana.narada.2.16.24) dharmāṅgadasya putrasya gṛhe gaccha manohare / eṣa te guruśuśrūṣāṃ kariṣyati yathā guṇam // ### [2.16.25](https://indike.org/pramana/in.purana.narada.2.16.25) na sakhī naiva dāsī te śuśrūṣāmācarediti / sā caivamuktā patyā tu prasthitā sutamandiram // ### [2.16.26](https://indike.org/pramana/in.purana.narada.2.16.26) dharmāṅgadena sā dṛṣṭā gacchantī mandirāya vai / ātmano bhartṛvākyena parityajya mahīpatīn // ### [2.16.27](https://indike.org/pramana/in.purana.narada.2.16.27) tiṣṭhadhvaṃ piturādeśādimāṃ śuśrūṣaye hyaham / sa evamuktvā gatvā tu bāhubhyāṃ parigṛhya vai / krame pañcadaśe prāpte paryaṅke tvavaropayat // ### [2.16.28](https://indike.org/pramana/in.purana.narada.2.16.28) kāñcane paṭṭasūtreṇa racite komale dṛḍhe / mṛdvāstaraṇasaṃyukte maṇiratnavibhūṣite // ### [2.16.29](https://indike.org/pramana/in.purana.narada.2.16.29) ratnadīpaiśca bahuśaḥ khacite sūryasaprabhe / tataḥ pādodakaṃ cakre mohinyā dharmabhūṣaṇaḥ // ### [2.16.30](https://indike.org/pramana/in.purana.narada.2.16.30) sandhyāvalyā gurutvena hyapaśyattāṃ nṛpātmajaḥ / naivamasyābhavadduṣṭaṃ manastāṃ mohinīṃ prati // ### [2.16.31](https://indike.org/pramana/in.purana.narada.2.16.31) sukumāro 'pi tanvaṅgīṃ pīnorujaghanastanīm / mene varṣāyutasamāmātmānaṃ ca trivatsaram // ### [2.16.32](https://indike.org/pramana/in.purana.narada.2.16.32) prakṣālya caraṇau tasyāstajjalaṃ śirasi nyadhāt / uvācāvanato bhūtvā sukṛtī mātarasmyaham // ### [2.16.33](https://indike.org/pramana/in.purana.narada.2.16.33) ityuktvā naranārībhiḥ svayaṃ ca śramanāśanam / cakāra sarvabhogaistāṃ yuyoja ca mudānvitaḥ // ### [2.16.34](https://indike.org/pramana/in.purana.narada.2.16.34) dhīrodamathane jāte kuṇḍale cāmṛtasravaṃ / ye labdhe dānavāñcitvā pātāle dharmamūrttinā // ### [2.16.35](https://indike.org/pramana/in.purana.narada.2.16.35) mohinyā karṇayoścakre svayameva vṛṣāṅgadaḥ / aṣṭottarasahasraiśca dhātrīphalanibhaiḥ śubhaiḥ // ### [2.16.36](https://indike.org/pramana/in.purana.narada.2.16.36) mauktikai racitaiḥ śubhrairhāro devyāḥ kṛto hṛdi / niṣkaṃ palaśataṃ svarṇaṃ kuliśāyutabhūṣitam // ### [2.16.37](https://indike.org/pramana/in.purana.narada.2.16.37) hāra laghūttaraṃ cakre māturnṛpasutastadā / valayā vajrakhacitā dviraṣṭau karayordvayoḥ // ### [2.16.38](https://indike.org/pramana/in.purana.narada.2.16.38) ekaike niṣkakoṭībhirmūlyavidbhirnaraiḥ kṛtāḥ / keyūranūpurau tasyā anarghau sa nṛpātmajaḥ // ### [2.16.39](https://indike.org/pramana/in.purana.narada.2.16.39) pradadau pituriṣṭāyā bhūṣaṇārthaṃ raviprabhau / kaṭisūtraṃ tu śarvāṇyā yadāsītpāvakaprabham // ### [2.16.40](https://indike.org/pramana/in.purana.narada.2.16.40) tadbhraṣṭaṃ bhayabhītāyāḥ saṃgrāme tārakāmaye / kālanemau sthite rājye patitaṃ mūlapācane // ### [2.16.41](https://indike.org/pramana/in.purana.narada.2.16.41) tadgṛhītaṃ tu daityena mayena lokamāyinā / taṃ hatvā malaye daityaṃ daityakoṭisamāvṛtam // ### [2.16.42](https://indike.org/pramana/in.purana.narada.2.16.42) saṃvatsararaṇe ghore piturvacanakāraṇāt / avāpa kaṭisūtraṃ tu daityarājapriyāsthitam // ### [2.16.43](https://indike.org/pramana/in.purana.narada.2.16.43) taddadau pituriṣṭāyāḥ sānandapulako nṛpaḥ / hiraṇyakaśipoḥ pūrvaṃ yā bhāryā lokasundarī // ### [2.16.44](https://indike.org/pramana/in.purana.narada.2.16.44) tasyāḥ sīmantakaścāsītsaudāminisamaprabhaḥ / sā praviṣṭā samaṃ patyā yadā pāvakamaṅgalā // ### [2.16.45](https://indike.org/pramana/in.purana.narada.2.16.45) samudre kṣipya sīmantaṃ duḥkhena mahatānvitā / sāgarastattu saṃgṛhya ratnaśreṣṭhayugaṃ kila // ### [2.16.46](https://indike.org/pramana/in.purana.narada.2.16.46) dadau dharmāṅgadāyātha tasya vīryeṇa toṣitaḥ / jananyāḥ pradadau hṛṣṭaḥ sūryakoṭisamaprabham // ### [2.16.47](https://indike.org/pramana/in.purana.narada.2.16.47) agniśauce śubhe vastre kañcuke sumanohare / sahasrakoṭimūlye te mohinyāḥ saṃnyavedayat // ### [2.16.48](https://indike.org/pramana/in.purana.narada.2.16.48) devamālyaṃ sugandhāḍhyaṃ tathā devavilepanam / sarvadevaguroḥ pūrvaṃ siddhahastātsudurlabham // ### [2.16.49](https://indike.org/pramana/in.purana.narada.2.16.49) dharmāṅgadena vīreṇa dvīpānāṃ vijaye tathā / labdhaṃ tat pradadau devyā mohinyāḥ kāmavarddhanam // ### [2.16.50](https://indike.org/pramana/in.purana.narada.2.16.50) saṃbhūṣya parayā bhaktyā paścātṣaḍrasabhojanam / ānītaṃ mātṛhastena bhojayāmāsa bhūmipa // ### [2.16.51](https://indike.org/pramana/in.purana.narada.2.16.51) purastādeva jananīṃ vākyaiḥ saṃbodhya bhūriśaḥ / mayā tvayā ca kartavyaṃ rājño vākyaṃ na saṃśayaḥ // ### [2.16.52](https://indike.org/pramana/in.purana.narada.2.16.52) yā iṣṭā nṛpaterdevi sāsmākaṃ hi garīyasī / iṣṭā yā bhūpaterbhartustasyā yā duṣṭamācaret // ### [2.16.53](https://indike.org/pramana/in.purana.narada.2.16.53) sā patnī narakaṃ yāti yāvadindrāścaturdaśa / sāpatnabhāvaṃ yā kuryādbhartṛsneheṣṭayā saha // ### [2.16.54](https://indike.org/pramana/in.purana.narada.2.16.54) tasyāḥ snehaviyogārthaṃ tapyate tāmrabhrāṣṭake / yathā sukhaṃ bhavedbhartustathā kāryaṃ hi bhāryayā // ### [2.16.55](https://indike.org/pramana/in.purana.narada.2.16.55) anukūlaṃ hitaṃ tasyā iṣṭāyā bharturācaret / yathā bhartā tathā tāṃ hi paśyeta varavarṇini // ### [2.16.56](https://indike.org/pramana/in.purana.narada.2.16.56) hīnāyāścāpi śuśrūṣāṃ kṛtvā yāti triviṣṭapam / paścātsthāne bhavetsāpi manasā yābhavatpriye // ### [2.16.57](https://indike.org/pramana/in.purana.narada.2.16.57) sarvānbhogānavāpnoti bharturiṣṭaṃ pragṛhya hi / irṣyābhāvaparityāgātsarveśvarapadaṃ labhet // ### [2.16.58](https://indike.org/pramana/in.purana.narada.2.16.58) sapatnī yā sapatnyāstuḥśuśrūṣāṃ kurute sadā / bharturiṣṭāṃ saṃnirīkṣya tasyā loko 'kṣayo bhavet // ### [2.16.59](https://indike.org/pramana/in.purana.narada.2.16.59) bharturiṣṭā purā veśyā hyabhavatsā kuleṣu vai / śūdrajāteḥ suduṣṭasya parityaktakriyasya tu // ### [2.16.60](https://indike.org/pramana/in.purana.narada.2.16.60) ācaradveśyayā sārddhaṃ sā bhāryā patirañjinī / prakṣālanaṃ dvayoḥ pādau dvayorucchiṣṭabhojinī // ### [2.16.61](https://indike.org/pramana/in.purana.narada.2.16.61) ubhayorapyadhaḥ śete ubhayorvai hitaṃ ratā / veśyayā vāryamāṇāpi sadācārapathe sthitā // ### [2.16.62](https://indike.org/pramana/in.purana.narada.2.16.62) evaṃ śuśrīṣayantyā hi bhartāraṃ veśyayā saha / jagāma sumahānkālo vartantyā duḥkhasāgare // ### [2.16.63](https://indike.org/pramana/in.purana.narada.2.16.63) aparasmindine bhartā māhiṣaṃ mūlakānvitam / abhakṣayata niṣpāvaṃ durmedhāstailamiśritam // ### [2.16.64](https://indike.org/pramana/in.purana.narada.2.16.64) tadapathyabhujastasya avamanya pativratām / abhavaddāruṇo rogo gude tasya bhagandaraḥ // ### [2.16.65](https://indike.org/pramana/in.purana.narada.2.16.65) saṃdahyamāno 'titarāṃ divā rātrau sa bhūriśaḥ / tasya gehe sthitaṃ vittaṃ samādāya jagāma sā // ### [2.16.66](https://indike.org/pramana/in.purana.narada.2.16.66) veśyānyasmaidadau prītyā yūne kāmaparāyaṇā / tataḥ sa dīnavadano vrīḍayā ca samanvitaḥ // ### [2.16.67](https://indike.org/pramana/in.purana.narada.2.16.67) uvāca prarudanbhāryāṃ śūdro vyākulacetanaḥ / paripālaya māṃ devi veśyāsaktaṃ suniṣṭhuram // ### [2.16.68](https://indike.org/pramana/in.purana.narada.2.16.68) na mayopakṛtaṃ kiñcittava suṃdari pāpinā / ramate veśyayā sārddhaṃ bahūnabdānsumadhyame // ### [2.16.69](https://indike.org/pramana/in.purana.narada.2.16.69) yo bhāryāṃ praṇatāṃ pāponānumanyeta garvitaḥ / so 'śubhāni samāpnoti janmāni daśa pañca ca // ### [2.16.70](https://indike.org/pramana/in.purana.narada.2.16.70) divākīrtigṛhe tasmādyoniṃ prāpsyāmi garhitām / tavāpamānato devi mano na kaluṣīkṛtam // ### [2.16.71](https://indike.org/pramana/in.purana.narada.2.16.71) iti bhartṛvacaḥ śrutvā bhāryā bhartāramabravīt / purākṛtāni pāpāni duḥkhāni prabhavanti hi / tāni sakṣamate vidvān sa vijñeyo nṛṇāṃ varaḥ // ### [2.16.72](https://indike.org/pramana/in.purana.narada.2.16.72) tanmayā pāpayā pāpaṃ kṛtaṃ vai pūrvajanmani / tadbhajantyā na me duḥkhaṃ na viṣādaḥ kathañcana // ### [2.16.73](https://indike.org/pramana/in.purana.narada.2.16.73) evamuktvā samāśvāsya bhartāramanuśāsya ca / anītaṃ janakādvittaṃ bandhubhyo varavarṇinī // ### [2.16.74](https://indike.org/pramana/in.purana.narada.2.16.74) kṣīrodanilayāvāsaṃ manyate sma satī patim / divā divā triryatnena rātrau guhyaviśodhanam // ### [2.16.75](https://indike.org/pramana/in.purana.narada.2.16.75) rajanīkaravṛkṣotthaṃ gṛhya niryāsamañjasā / nakhena pātayedbhartuḥ krimīnkuṣṭhācchanaiḥ śanaiḥ // ### [2.16.76](https://indike.org/pramana/in.purana.narada.2.16.76) mayūrapucchasaṃyuktaṃ pavanaṃ cākarottadā / na devi rātrau svapiti na divā ca varānanā // ### [2.16.77](https://indike.org/pramana/in.purana.narada.2.16.77) bhartṛduḥkhena saṃtaptā apaśyajjvalitaṃ jagat / yadyasti vasudhā devī pitaro devatāstathā // ### [2.16.78](https://indike.org/pramana/in.purana.narada.2.16.78) kurvantu rogahīnaṃ me bhartāraṃ gatakalmaṣam / caṇḍikāyai pradāsyāmi raktaṃ māṃsasamudbhavam // ### [2.16.79](https://indike.org/pramana/in.purana.narada.2.16.79) nṛcchāgamahiṣopetaṃ bharturārogyahetave / sādaraṃ kārayiṣyāmi upavāsāndaśaiva tu // ### [2.16.80](https://indike.org/pramana/in.purana.narada.2.16.80) śarīraṃ sthāpayiṣye 'haṃ sūkṣmakaṇṭakasaṃstare / nopabhokṣyāmi madhuraṃ nopabhokṣyāmi vai ghṛtam // ### [2.16.81](https://indike.org/pramana/in.purana.narada.2.16.81) bāhyābhyaṅgavihīnāhaṃ saṃsthāsye dinasaṃcayam / jīvatāṃ rogahīno hi bhartā me śaradāṃ śatam // ### [2.16.82](https://indike.org/pramana/in.purana.narada.2.16.82) evaṃ pravyāharantī sā vāsare vāsare gate / atha kālena cālpena tridoṣo 'sya vyajāyata // ### [2.16.83](https://indike.org/pramana/in.purana.narada.2.16.83) trikaṭuṃ pradadau bharturyatnena mahatā tadā / śītārtaḥ kaṃpamāno 'sau patnyaṅgulimakhaṇḍayat // ### [2.16.84](https://indike.org/pramana/in.purana.narada.2.16.84) ubhayordatayoḥ śleṣaḥ sahasā samapadyata / tatkhaṇḍamaṅgulervaktre sthitaṃ nṛpativallabhe // ### [2.16.85](https://indike.org/pramana/in.purana.narada.2.16.85) atha vikrīya valayaṃ krītvā kāṣṭhāni bhūriśaḥ / citāṃ sārpiryutāṃ cakre madhye dhṛtvā patiṃ tadā // ### [2.16.86](https://indike.org/pramana/in.purana.narada.2.16.86) avaruhya ca bāhubhyāṃ pādenākṛṣya pāvakam / mukhe sukhaṃ samādhāya hṛdaye hṛdayaṃ tathā // ### [2.16.87](https://indike.org/pramana/in.purana.narada.2.16.87) jaghane jaghanaṃ devi ātmanaḥ saṃniveśya vai / dāhayāmāsa kalyāṇī bharturdehaṃ rujānvitam // ### [2.16.88](https://indike.org/pramana/in.purana.narada.2.16.88) ātmanā saha cārvaṅgī jvalite jātavedasi // ### [2.16.89](https://indike.org/pramana/in.purana.narada.2.16.89) vumucya dehaṃ sahasā jagāma patiṃ samādāya ca devalokam / viśodhayitvā bahupāpasaṃghānsvakarmaṇā duṣkarasādhanena // ### [2.16.89.p1](https://indike.org/pramana/in.purana.narada.2.16.89.p1) iti śrībṛhannāradīyapurāṇottarabhāge pativratopākhyānaṃ nāma ṣoḍaśo 'dhyāyaḥ ## Linked texts (2) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.93.64.1) — Sanskrit - [Vratarāja (Viśvanātha)](https://indike.org/pramana/in.niti.dharma.vrata.vratanibandha.bhatta-maharastra.vrataraja-visvanatha.123.47) — Viśvanātha 1711, Sanskrit --- Source: [https://indike.org/pramana/in.purana.narada.2.16](https://indike.org/pramana/in.purana.narada.2.16) · Pramāṇa