[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.17 # Naradapurana 2.17 Nāradapurāṇa 2.17 - **Language:** Sanskrit ## Contents - [2.17.57](https://indike.org/pramana/in.purana.narada.2.17.57) — 1 part ### [2.17.1](https://indike.org/pramana/in.purana.narada.2.17.1) putra uvāca tasmādīrṣyāṃ parityajya mohinīmanubhojaya / na mātarīdṛśo dharmo lokeṣu triṣu labhyate // ### [2.17.2](https://indike.org/pramana/in.purana.narada.2.17.2) svahastena priyāṃ bharturbhāryāṃ yā tu prabhojayet / sapatnīṃ tu sapatnī hi kiñcidannaṃ dadāti ca // ### [2.17.3](https://indike.org/pramana/in.purana.narada.2.17.3) tadanantaṃ bhaveddevi mātarityāha nābhijaḥ / kuru vākyaṃ mayoktaṃ hi svāmini tvaṃ prasīda me // ### [2.17.4](https://indike.org/pramana/in.purana.narada.2.17.4) tātasya saukhyaṃ kartavyamāvābhyāṃ varavarṇinī / bhavetpāpakṣayaḥ samyak svargaprāptistathākṣayā // ### [2.17.5](https://indike.org/pramana/in.purana.narada.2.17.5) putrasya vacanaṃ śrutvā devī saṃdhyāvalī tadā / abhimantrya pariṣvajya tanayaṃ sā punaḥ punaḥ // ### [2.17.6](https://indike.org/pramana/in.purana.narada.2.17.6) mūrdhni cainamupāghrāya vacanaṃ cedamabravīt / kariṣye vacanaṃ putra tvadīyaṃ dharmasaṃyutam // ### [2.17.7](https://indike.org/pramana/in.purana.narada.2.17.7) irṣyāṃ mānaṃ parityajya bhojayiṣyāmi mohinīm / śataputrā hyahaṃ putra tvayaikena sutena hi // ### [2.17.8](https://indike.org/pramana/in.purana.narada.2.17.8) niyamairbahubhirjāto dehakleśakarairbhavān / vratarājena cīrṇena prāptastvamacirātsutaḥ // ### [2.17.9](https://indike.org/pramana/in.purana.narada.2.17.9) nahīdṛśaṃ vrataṃ loke phaladāyi pradṛśyate / sadyaḥ pratyayakārīdaṃ mahāpātakanāśanam // ### [2.17.10](https://indike.org/pramana/in.purana.narada.2.17.10) kiṃ jātairbahubhiḥ putraiḥ śokasaṃtāpakārakaiḥ / varamekaḥ kulālaṃbī yatra viśramate kulam // ### [2.17.11](https://indike.org/pramana/in.purana.narada.2.17.11) trailokyādupariṣṭhāhaṃ tvāṃ prāpya jaṭhare sthitam / dhanyāni tāni śūlāni yairjātastvaṃ suto 'nagha // ### [2.17.12](https://indike.org/pramana/in.purana.narada.2.17.12) saptadvīpapatiḥ śūraḥ piturvacanakārakaḥ / āhlādayati yastātaṃ jananīṃ vāpi putrakaḥ // ### [2.17.13](https://indike.org/pramana/in.purana.narada.2.17.13) taṃ putraṃ kavayaḥ prāhurvākhyamaparaṃ sutam / evamuktvā tu vacanaṃ devī saṃdhyāvalī tadā // ### [2.17.14](https://indike.org/pramana/in.purana.narada.2.17.14) vīkṣāṃ cakre 'tha bhāṇḍāni ṣaḍrasasya tu hetave / tasyā vīkṣaṇamātreṇa paripūrṇāni bhūpate // ### [2.17.15](https://indike.org/pramana/in.purana.narada.2.17.15) ṣaḍrasatya sukhoṣṇasya mohinībhojanecchayā / amṛtasvādukalpasya janasya tu mahīpate // ### [2.17.16](https://indike.org/pramana/in.purana.narada.2.17.16) tato darvīṃ samādāya kāñcanīṃ ratnasaṃyutām / pariveṣayadavyagrā moḍinyāścāruhāsinī // ### [2.17.17](https://indike.org/pramana/in.purana.narada.2.17.17) kāñcane bhājane ślekṣṇe mānabhojanaveṣṭite / śanaiḥ śanaiśca bubhuje iṣṭamannaṃ susaṃskṛtam // ### [2.17.18](https://indike.org/pramana/in.purana.narada.2.17.18) upaviśyāsane devī śātakaubhamaye śubhe / vījyamānā varārohā vyājanena sugītinā // ### [2.17.19](https://indike.org/pramana/in.purana.narada.2.17.19) dharmāṅgadagṛhī tena śikhipucchabhavena tu / sā bhuktā brahmatanayā tadannamamṛtopamam // ### [2.17.20](https://indike.org/pramana/in.purana.narada.2.17.20) caturguṇena śītena kṛtvā śaucamathātmanaḥ / jagṛhe putradattaṃ tu tāṃbūlaṃ tatsugandhimat // ### [2.17.21](https://indike.org/pramana/in.purana.narada.2.17.21) varacandanayuktena hastena varavarṇinī / tataḥ prahasya śanakaiḥ prāha saṃdhyāvalīṃ nṛpa // ### [2.17.22](https://indike.org/pramana/in.purana.narada.2.17.22) jananī kiṃ tu devi tvaṃ vṛṣāṅgadanṛpasya tu / na mayā hi parijñātā śramasveditayā śubhe // ### [2.17.23](https://indike.org/pramana/in.purana.narada.2.17.23) vadatyevaṃ brahmasutā yāvatsaṃdhyāvalīṃ napa / tāvatpraṇamya nṛpateḥ putro vacanamabravīt // ### [2.17.24](https://indike.org/pramana/in.purana.narada.2.17.24) udare hyanayā devyā ghṛtaḥ saṃvatsaratrayam / tava bhartuḥ prasādena vṛddhiṃ saṃprāptavānaham // ### [2.17.25](https://indike.org/pramana/in.purana.narada.2.17.25) saṃtyanekāni mātṝṇāṃ śatāni mama suṃdari / asyāḥ pītaṃ payo bhūri kucayoḥ snehasaṃplutam // ### [2.17.26](https://indike.org/pramana/in.purana.narada.2.17.26) anayā sā rujā tīvrā vidhṛtā prāyaśo jarā / iyaṃ māṃ janayitvaiva jātā śithilabandhanā // ### [2.17.27](https://indike.org/pramana/in.purana.narada.2.17.27) tannāsti truṣu lokeṣu yaddatvā cānṛṇo bhavet / mātuḥ putrasya cārvaṅgi satyametanmayeritam // ### [2.17.28](https://indike.org/pramana/in.purana.narada.2.17.28) so 'haṃ dhanyataro loke nāsti matto 'dhikaḥ pumān / utsaṃge vartayiṣyāmi mātṛsaṃghasya nityaśaḥ // ### [2.17.29](https://indike.org/pramana/in.purana.narada.2.17.29) notsaṃge cejjananyā hi tanayo viśati kvacit / mātṛsaukhyaṃ na jānāti kumārī bhartṛjaṃ yathā // ### [2.17.30](https://indike.org/pramana/in.purana.narada.2.17.30) māturutsaṃgamārūḍhaḥ putro darpānvito bhavet / hāramuttamadehasthaṃ hastenāhartumicchati // ### [2.17.31](https://indike.org/pramana/in.purana.narada.2.17.31) pālyamāno jananyā hi pitṛhīno 'pi darpitaḥ / samīhate jagaddhartuṃ savīryaṃ mātṛjaṃ payaḥ // ### [2.17.32](https://indike.org/pramana/in.purana.narada.2.17.32) etajjaṭharasaṃsargi bhavatyutsaṃgaśaṅkitaḥ / asyāścaivāparāṇāṃ ca viśeṣo yadi me na cet // ### [2.17.33](https://indike.org/pramana/in.purana.narada.2.17.33) tena satyena me tāto jīvatāccharadāṃ śatam / evaṃ bruvāṇe tanaye mohinī vismayaṃ gatā // ### [2.17.34](https://indike.org/pramana/in.purana.narada.2.17.34) kathamasya prahartavyaṃ mayā nirghṛṇaśīlayā / vinītasya hyapāpasya aucityaṃ pāpino gṛhe // ### [2.17.35](https://indike.org/pramana/in.purana.narada.2.17.35) pituḥ śuśrūṣaṇaṃ yasya na tasya sadṛśaṃ kṣitau / evaṃ guṇādhikasyāhaṃ kartuṃ karma jugupsitām // ### [2.17.36](https://indike.org/pramana/in.purana.narada.2.17.36) putrasya dharmaśīlasya bhūttvā tu jananī kṣitau / evaṃ vimṛśya bahudhā mohinī lokasuṃdarī // ### [2.17.37](https://indike.org/pramana/in.purana.narada.2.17.37) uvāca tanayaṃ bālā śīghramānaya me patim / na śaknomi vinā tena muhūrtamapi vartitum // ### [2.17.38](https://indike.org/pramana/in.purana.narada.2.17.38) tataḥ sa tvaritaṃ gatvā praṇamya pitaraṃ nṛpa / kaniṣṭhā jananī tāta śīghraṃ tvāṃ draṣṭumicchati // ### [2.17.39](https://indike.org/pramana/in.purana.narada.2.17.39) prasādaḥ kriyatāṃ tasyāḥ pūjyatāṃ brahmaṇaḥ sutā / putravākyena nṛpatiratatkṣaṇādgantumudyataḥ // ### [2.17.40](https://indike.org/pramana/in.purana.narada.2.17.40) prahṛṣṭavadano bhūtvā saṃdhyāvalyā niveśanam / saṃpraviśya gṛhe rājā dadarśa śayanasthitām // ### [2.17.41](https://indike.org/pramana/in.purana.narada.2.17.41) mohinīṃ mohasaṃyuktāṃ taptakāñcanasaprabhām / upāsya mānāṃ priyayā saṃdhyāvalyā śanaiḥ śanaiḥ // ### [2.17.42](https://indike.org/pramana/in.purana.narada.2.17.42) putravākyātparityajya krodhaṃ sāpatnyajaṃ tathā / dṛṣṭvā rukmāṅgadaṃ prāptaṃ śayane mohya suṃdarī // ### [2.17.43](https://indike.org/pramana/in.purana.narada.2.17.43) prahṛṣṭavadanā prāha rājānaṃ bhūridakṣiṇam / ihopaviśyatāṃ kānta paryaṅke mṛdutūlake // ### [2.17.44](https://indike.org/pramana/in.purana.narada.2.17.44) sarvaṃ nirīkṣitaṃ bhūpa rājyatantraṃ tvayā ciram / adyāpi nahi te vāñchā rājye parinivartate // ### [2.17.45](https://indike.org/pramana/in.purana.narada.2.17.45) manye duṣkṛtinaṃ bhūpa tvāmatra dharaṇītale / yaḥ samarthaṃ sutaṃ jñātvā svayaṃ paśyennṛpaśriyam // ### [2.17.46](https://indike.org/pramana/in.purana.narada.2.17.46) tasmāttvatto 'dhiko nāsti duḥkhī lokeṣu kaścana / suputrāṇāṃ pitṝṇāṃ hi sukhaṃ yāti kṣaṇaṃ nṛpa // ### [2.17.47](https://indike.org/pramana/in.purana.narada.2.17.47) duḥkhena pāpabhoktṝṇāṃ viṣayāsaktacetasām / sarvāśca prakṛtī rājaṃstaveṣṭāḥ pūrṇapuṇyajāḥ // ### [2.17.48](https://indike.org/pramana/in.purana.narada.2.17.48) dharmāṅgade pālayāne kathaṃ tvaṃ vīkṣase 'dhunā / parityajya priyāsaukhyaṃ kīnāśa iva durbalaḥ // ### [2.17.49](https://indike.org/pramana/in.purana.narada.2.17.49) yadi pālayase rājyaṃ mayā kiṃ te prayojanam / niṣprayojanamānītā kṣīrasāgaramastakāt // ### [2.17.50](https://indike.org/pramana/in.purana.narada.2.17.50) viḍbhojyā hi bhaviṣyāmi pakṣiṇāmāmiṣaṃ yathā / yo bhāryāṃ yauvanopetāṃ na sevediha durmatiḥ // ### [2.17.51](https://indike.org/pramana/in.purana.narada.2.17.51) kṛtyācaraṇasaktastu kutastasya bhavetpriyā / asevitā vrajedbhāryā adattaṃ hi dhanaṃ vrajet // ### [2.17.52](https://indike.org/pramana/in.purana.narada.2.17.52) arakṣitaṃ vrajedrājyaṃ anabhyastaṃ śrutaṃ vrajet / nālasaiḥ prāpyate vidyā na bhāryā vratasaṃsthitaiḥ // ### [2.17.53](https://indike.org/pramana/in.purana.narada.2.17.53) nānuṣṭhānaṃ vinā lakṣmīrnābhaktaiḥ prāpyate yaśaḥ / nodyamī sukhamāpnoti nābhāryaḥ saṃtatiṃ labhet // ### [2.17.54](https://indike.org/pramana/in.purana.narada.2.17.54) nāśucirddharmamāpnoti na vipro 'priyavāgdhanam / apṛcchannaiva jānāti agacchanna kvacidvrajet // ### [2.17.55](https://indike.org/pramana/in.purana.narada.2.17.55) aśiśyo na kriyāṃ vetti na bhayaṃ vetti jāgarī / kasmādbhūpāla māṃ tyaktvā dharmāṅgadagṛhe śubhe // ### [2.17.56](https://indike.org/pramana/in.purana.narada.2.17.56) vīkṣyase rājyapadavīṃ samarthe tanaye vibho // ### [2.17.57](https://indike.org/pramana/in.purana.narada.2.17.57) evaṃ brubāṇāṃ tanayāṃ vidhestu ratipriyāṃ cāruviśālanetrām / vrīḍānvitaḥ putrasamīpavartī provāca vākyaṃ nṛpatiḥ priyāntām // ### [2.17.57.p1](https://indike.org/pramana/in.purana.narada.2.17.57.p1) iti śrībṛhannāradīyapurāṇottarabhāge mohinīcarite mohinīvacanaṃ nāma saptadaśo 'dhyāyaḥ ## Linked texts (3) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.94.26.1) — Sanskrit - [Subhāṣitaratnabhāṇḍāgāra](https://indike.org/pramana/in.lit.subhasita.subhasita.adhunika.subhasitaratnabhandagara.2.70.10) — Kāśīnātha Pāṇḍuraṅga Paraba 1886, Sanskrit - [Indische Sprüche](https://indike.org/pramana/in.lit.subhasita.subhasita.adhunika.indische-spruche.1746) — Otto von Böhtlingk 1863, Sanskrit --- Source: [https://indike.org/pramana/in.purana.narada.2.17](https://indike.org/pramana/in.purana.narada.2.17) · Pramāṇa