[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.18 # Naradapurana 2.18: athāṣṭādaśo'dhyāyaḥ Nāradapurāṇa 2.18 - **Language:** Sanskrit ## Contents - [2.18.55](https://indike.org/pramana/in.purana.narada.2.18.55) — 1 part ### athāṣṭādaśo'dhyāyaḥ ### [2.18.1](https://indike.org/pramana/in.purana.narada.2.18.1) rājovāca nādhikāro mayā mīru kṛto nṛpaparigrahe / śramāturasya nidrā me pravṛttā mukhadāyinī // ### [2.18.2](https://indike.org/pramana/in.purana.narada.2.18.2) dharmāṅgadaṃ samābhāṣya mohinīṃ naya mandiram / pūjayasva yathānyā mameṣā patnī priyā mama // ### [2.18.3](https://indike.org/pramana/in.purana.narada.2.18.3) nijaṃ kamalapatrākṣa sarvaratnavibhūṣitam / nirvātavātasaṃyuktaṃ sarvartusukhadāyakam // ### [2.18.4](https://indike.org/pramana/in.purana.narada.2.18.4) evamādiśya tanayamahaṃ nidrāmupāgataḥ / śayanaṃ prāpya kaṣṭātte abhāgyo hi dhanaṃ yathā // ### [2.18.5](https://indike.org/pramana/in.purana.narada.2.18.5) vibuddhamātraḥ sahasā tvatsamīpamupāgataḥ / yadvravīṣi vaco devi tatkaromi na saṃśayaḥ // ### [2.18.6](https://indike.org/pramana/in.purana.narada.2.18.6) mohinyuvāca parisāṃtvaya rājendra imāndārānsuduḥkhitān / mamodvāhena nirviṇṇānnirāśānkāmabhogayoḥ // ### [2.18.7](https://indike.org/pramana/in.purana.narada.2.18.7) jyeṣṭhānāṃ rūpayuktānāṃ kalatrāṇāṃ viśāṃpate / mūrghni kīlaṃ kaniṣṭhākhyaṃ yo hi rājannikhānayet // ### [2.18.8](https://indike.org/pramana/in.purana.narada.2.18.8) na sadgatirbhavettasya na ta sā vindate param / pativratāśrudagdhāyāḥ kā śāntirme bhaviṣyati // ### [2.18.9](https://indike.org/pramana/in.purana.narada.2.18.9) janitāraṃ hi me bhasma kuryyurdevyaḥ pativratāḥ / kiṃ punaḥ prākṛtaṃ bhūpa tvādṛśīṃ tathā // ### [2.18.10](https://indike.org/pramana/in.purana.narada.2.18.10) saṃdhyāvalīsamā nārī trailokye nāsti bhūmipa / tava snehanibaddhāṅgī saṃbhojayati ṣaḍrasaiḥ // ### [2.18.11](https://indike.org/pramana/in.purana.narada.2.18.11) priyāṇi cāṭuvākyāni vadatī tava gauvavāt / evaṃvidhā hi śataśo nāryaḥ saṃti gṛhe tava // ### [2.18.12](https://indike.org/pramana/in.purana.narada.2.18.12) yāsāṃ na pādarajasā tulyāhaṃ bhūpate kvacit / mohinī vacanaṃ śrutvā vrīḍito hyabhavannṛpaḥ // ### [2.18.13](https://indike.org/pramana/in.purana.narada.2.18.13) saputrāyāḥ samīpe tu jyeṣṭhāyā nṛpatistadā / iṅgitajñaḥ suto jñātvā daśāvasthāgatāṃ nṛpam // ### [2.18.14](https://indike.org/pramana/in.purana.narada.2.18.14) pitaraṃ kāmasaṃtaptaṃ mohinyarthe vimohitam / mātṛḥ sarvāḥ samāhūya saṃdhyāvalipurogamāḥ // ### [2.18.15](https://indike.org/pramana/in.purana.narada.2.18.15) kṛtāñjalipuṭo bhūtvā evamāha priya vacaḥ / vimohinī me jananī navoḍhā brāhmaṇaḥ sutā // ### [2.18.16](https://indike.org/pramana/in.purana.narada.2.18.16) sā ca prārthayate devyo rājānaṃ rahasisthitam / ātmanā saha khelārthaṃ tanmodadhvaṃ suharṣitāḥ // ### [2.18.17](https://indike.org/pramana/in.purana.narada.2.18.17) mātara ūcuḥ ko 'numodayate putra sarpabhakṣaṇamātmanaḥ / ko hi dīpayate vahniṃ svadehe dehināṃ vara // ### [2.18.18](https://indike.org/pramana/in.purana.narada.2.18.18) ko bhakṣayedviṣaṃ ghoraṃ kaśchindyādātmanaḥ śiraḥ / kastaretsāgaraṃ baddhvā grīvāyāṃ dāruṇāṃ śilām // ### [2.18.19](https://indike.org/pramana/in.purana.narada.2.18.19) ko gaccheddvīpivadanaṃ kaḥ keśānsuharerharet / ko niṣīdati dhārāyāṃ khaṅgasyā kāśabhāsinaḥ // ### [2.18.20](https://indike.org/pramana/in.purana.narada.2.18.20) kānumodayate bhartrā sapatnyāḥ krīḍanaṃ kila / sarvasyāpi pradānena naitanmanasi vartate // ### [2.18.21](https://indike.org/pramana/in.purana.narada.2.18.21) varaṃ hi chedanaṃ mūrdhnastatkṣaṇāttu varāsinā / kā dṛṣṭyā dayitaṃ kāntaṃ nirīkṣedanyayāhṛtam // ### [2.18.22](https://indike.org/pramana/in.purana.narada.2.18.22) kā sā sīmantinī loke bhavedetādṛśī kvacit / ātmaprāṇasamaṃ kāntamanyastrīkucapīḍanam // ### [2.18.23](https://indike.org/pramana/in.purana.narada.2.18.23) saṃśrutya sahate yā tu kiṃ punaḥ svena cakṣuṣā / sarveṣāmeva duḥkhānāṃ duḥkhametadanantakam // ### [2.18.24](https://indike.org/pramana/in.purana.narada.2.18.24) yadbhartānyāṅganāsaṃkto dṛśyaṭate svena cakṣuṣā / varaṃ sarvā mṛtāḥ putra yugapanmātarastava // ### [2.18.25](https://indike.org/pramana/in.purana.narada.2.18.25) na tu mohinisaṃyukto dṛśyo 'yaṃ nṛpatiḥ patiḥ / dharmāṅgada uvāca yadi me na pituḥ saukhyaṃ kariṣyatha śubhānanāḥ // ### [2.18.26](https://indike.org/pramana/in.purana.narada.2.18.26) viṣamāloḍya pāsyāmi yuṣmatsaukhyaṃ mṛte mayi / karmaṇā manasā vācā yā piturduḥkhamācaret // ### [2.18.27](https://indike.org/pramana/in.purana.narada.2.18.27) sā me śatrurvadhārhāsti yadi saṃdhyāvalī bhavet / sarvāsāṃ sādhikā devī mohinī janakapriyā // ### [2.18.28](https://indike.org/pramana/in.purana.narada.2.18.28) krīḍārthamāgatā bālā mandarācalamandirāt / tatputravacanaṃ śrutvā vepamānā hi mātaraḥ // ### [2.18.29](https://indike.org/pramana/in.purana.narada.2.18.29) ūcuḥ sagadgadāṃ vācaṃ hitārthaṃ tanayasya hi / avaśyaṃ tava vākyaṃ hi kartavyaṃ nyāyasaṃyutam // ### [2.18.30](https://indike.org/pramana/in.purana.narada.2.18.30) kiṃ tu dānaprado bhūtvā mohinīṃ yātu te pitā / yo bhāryāmudvahedbhartā dvitīyāmaparāmapi // ### [2.18.31](https://indike.org/pramana/in.purana.narada.2.18.31) jyeṣṭhāyai dviguṇaṃ tasyā dadyaccaivānyathā ṛṇī / anujñāpya yadā bhārtā jyeṣṭhāmanyāṃ samudvahetak // ### [2.18.32](https://indike.org/pramana/in.purana.narada.2.18.32) tadā jyeṣṭhābhilaṣitaṃ deyamāhuḥ purāvidaḥ / jyeṣṭhayā sahitaḥ kuryādiṣṭāpūrtaṃ narottamaḥ // ### [2.18.33](https://indike.org/pramana/in.purana.narada.2.18.33) eṣa dharmo 'nyathānyāyo jāyate dharmasaṃkṣayaḥ / śrutvā tu mātṛvacanaṃ prahaṣṭenāntarātmano // ### [2.18.34](https://indike.org/pramana/in.purana.narada.2.18.34) ekaikasyai dadau sāgrāṃ koṭiṃ koṭiṃ sutastadā / sahasraṃ nagarāṇāṃ ca grāmāṇāṃ pradadau tathā // ### [2.18.35](https://indike.org/pramana/in.purana.narada.2.18.35) caturaśvatarībhiścapṛthagyuktā nṛpātmajaḥ / ekaikasya dadāvaṣṭau rathānkāñcanamālinaḥ // ### [2.18.36](https://indike.org/pramana/in.purana.narada.2.18.36) vāsasāmayutaṃ prādādyeṣāṃ mūlyaṃ śatādhikam / śuddhasya merujātasya akṣayasya nupātmajaḥ // ### [2.18.37](https://indike.org/pramana/in.purana.narada.2.18.37) kāñcanasya dadau lakṣamekaikaṃ pratimātaram / dāsānāṃ ca śataṃ sāgraṃ dāsīnāṃ ca nṛpātmajaḥ // ### [2.18.38](https://indike.org/pramana/in.purana.narada.2.18.38) dhenūnāṃ ghaṭadogdhrīṇāmekaikasyai tathāyutam / yugandharāṇāṃ bhadrāṇāṃ śatāni daśa vai pṛthak // ### [2.18.39](https://indike.org/pramana/in.purana.narada.2.18.39) daśaprakāraṃ nṛpate dhānyaṃ ca pradadau sutaḥ / vāṭīnāṃ tu sahasrāṇāṃ śataṃ prādāddhasanniva // ### [2.18.40](https://indike.org/pramana/in.purana.narada.2.18.40) kuṃbhāyutaṃ sarpiṣastu tailasya ca pṛthagdadau / ajāvikamasaṃkhyātamekaikasyai nyavedayat // ### [2.18.41](https://indike.org/pramana/in.purana.narada.2.18.41) sahasreṇa sahasreṇa suvarṇasya vyabhūṣayat / ākhaṇḍalāstrayuktaratha bhūṣaṇasya subhaktimān // ### [2.18.42](https://indike.org/pramana/in.purana.narada.2.18.42) dhātrīpramāṇairhariśca mauktikairdīptisaṃyutaiḥ / pradadau saṃhatānkṛtvā valayānpañca sapta ca // ### [2.18.43](https://indike.org/pramana/in.purana.narada.2.18.43) pañcāśacca śate dve tu bhauktikāni mahīpate / saṃdhyāvalyāṃ sthitānīha śītāṃśupratimāni ca // ### [2.18.44](https://indike.org/pramana/in.purana.narada.2.18.44) ekaikasyai dadau putrosa hārayugmaṃ manoharam / kuṅkumaṃ candanaṃ bhūri karpūraṃ prasthasaṃkhyayā // ### [2.18.45](https://indike.org/pramana/in.purana.narada.2.18.45) kastūrikāṃ tathā tābhyo bhūyasīṃ pradadau sutaḥ / mātṝṇāmaviśeṣeṇa pituḥ sukhamabhīpsayan // ### [2.18.46](https://indike.org/pramana/in.purana.narada.2.18.46) bhājanāni vicitrāṇi jalapātrāṇyanekaśaḥ / ghṛtakṣīrasya pātrāṇi peyasya vividhasya ca // ### [2.18.47](https://indike.org/pramana/in.purana.narada.2.18.47) caturddaśaśataṃ prādātsahasreṇa samanvitam / sthālīnāṃ kāñcanīnāṃ hi sakuṃbhānāṃ nṛpātmajaḥ // ### [2.18.48](https://indike.org/pramana/in.purana.narada.2.18.48) ekaikasyai dadau bhūpa śatāni trīṇi pañca ca / kareṇūnāṃ savegānāṃ māṃsavikrāntakandharām // ### [2.18.49](https://indike.org/pramana/in.purana.narada.2.18.49) viṃśatiṃ viṃśatiṃ prādāduṣṭrīṇāṃ ca śataṃ śatam / śibikānāṃ saveṣāṇāṃ puṃsāṃ pīvaragāminām // ### [2.18.50](https://indike.org/pramana/in.purana.narada.2.18.50) pradadau daśa saptāśvānmātṝṇāṃ sukhayāyinaḥ / evaṃ datvā bahudhanaṃ bahvībhyo nṛpanandanaḥ // ### [2.18.51](https://indike.org/pramana/in.purana.narada.2.18.51) dhanyo dhanapatiprakhyaścakre tāsāṃ pradakṣiṇāḥ / kṛtāñjalipuṭo bhūtvā idaṃ vacanamabravīt // ### [2.18.52](https://indike.org/pramana/in.purana.narada.2.18.52) mamoparodhātpraṇatasya mūrdhnāpatiṃ samuddiśya yathā bhavatyaḥ / bruvantu sarvāḥ pitaraṃ mamādya svaireṇa saṃbhuṅkṣva nareśaṃ mohinīm // ### [2.18.53](https://indike.org/pramana/in.purana.narada.2.18.53) na cāsmadīyā bhavatā kilerṣyā svalpāpi kāryā manasi pratītā / vimohinīṃ brahmasutāṃ suśīlāṃ ramasva saukhyena rahaḥ śatāni // ### [2.18.54](https://indike.org/pramana/in.purana.narada.2.18.54) tatputravākyaṃ hi niśamya sarvāḥ saṃhṛṣṭalomnyo nṛpanāthamūcuḥ / svabhūduhitrā suciraṃ ramasva videhaputryeva raghupravīraḥ // ### [2.18.55](https://indike.org/pramana/in.purana.narada.2.18.55) na śalyabhūtā kuśaketuputrī tvatsaṃgamādvidvi na saṃśayo 'tra / putraujasā duḥkhavimuktabhāvātsamīritaṃ vākyamidaṃ pratīhi // ### [2.18.55.p1](https://indike.org/pramana/in.purana.narada.2.18.55.p1) iti śrībṛhannāradīyapurāṇottarabhāge mātṛsanmānaṃ nāma aṣṭādaśo 'dhyāyaḥ ## Linked texts (1) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.95.57) — Sanskrit --- Source: [https://indike.org/pramana/in.purana.narada.2.18](https://indike.org/pramana/in.purana.narada.2.18) · Pramāṇa