[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.19 # Naradapurana 2.19 Nāradapurāṇa 2.19 - **Language:** Sanskrit ## Contents - [2.19.36](https://indike.org/pramana/in.purana.narada.2.19.36) — 1 part ### [2.19.1](https://indike.org/pramana/in.purana.narada.2.19.1) vasiṣṭha uvāca so 'nujñāto mahīpālaḥ priyābhiḥ priyakāmukaḥ / praharṣamatulaṃ lebhe dharmāṅgadamuvāca ha // ### [2.19.2](https://indike.org/pramana/in.purana.narada.2.19.2) etāṃ dvīpavatīṃ pṛthvīṃ paripālaya putraka / kṛtvā duṣṭavadhaṃ tvādāvapramattaḥ sadodyataḥ // ### [2.19.3](https://indike.org/pramana/in.purana.narada.2.19.3) sadāvasarasaṃyuktaḥ sadācāranirīkṣakaḥ / sadā cetanasaṃyuktaḥ sadā vāṇijyavallabhaḥ // ### [2.19.4](https://indike.org/pramana/in.purana.narada.2.19.4) sadā bhramaṇaśīlaśca sadā dānaratirbhava / sadā kauṭilyahīnaśca sadācārarataḥ sadā // ### [2.19.5](https://indike.org/pramana/in.purana.narada.2.19.5) aparaṃ śṛṇu me putra yatkarttavyaṃ tvayādhunā / aviśvāsastu sarvatra bhūmipānāṃ praśasyate // ### [2.19.6](https://indike.org/pramana/in.purana.narada.2.19.6) koṣasya ca parijñānaṃ janānāṃ janavallabha / rasavaddravyamākarṣeḥ puṣpebhya iva ṣaṭpadaḥ // ### [2.19.7](https://indike.org/pramana/in.purana.narada.2.19.7) tvayā putreṇa saṃprāptaṃ punareveha yauvanam // ### [2.19.8](https://indike.org/pramana/in.purana.narada.2.19.8) imāmapūrvāṃ vararūpamohinīṃ saṃprāpya bhāryāṃ dvijarājavaktrām / sukhena saṃyojya ca te 'dya bhāraṃ saptodadhidvīpabhavaṃ praraṃsye // ### [2.19.9](https://indike.org/pramana/in.purana.narada.2.19.9) vrīḍākarastāta manuṣyaloke samarthaputre suratābhikāmī / bhavetpitā cedbralibhiśca yukto jīrṇadvijaḥ śvetaśiroruhaśca // ### [2.19.10](https://indike.org/pramana/in.purana.narada.2.19.10) jīrṇo 'pyajīrṇastava saukhyavṛddho vāñche imāṃ lokavarāṃ varārhām / saṃtyajya devānmama hetumāgatāmanaṅgabāṇābhihatāṃ sunetrām // ### [2.19.11](https://indike.org/pramana/in.purana.narada.2.19.11) kāmaṃ ramiṣye drutakāṃ canābhāṃ hyekāntaśīlaḥ paripūrṇacetāḥ / bhūtvā tu gupto vananirjhareṣu ramyeṣu divyeṣu nadītaṭeṣu // ### [2.19.12](https://indike.org/pramana/in.purana.narada.2.19.12) iyaṃ purandhrī mama jīvitādhikā sukhena dhāryā tridivaikanārī / asyāstu hetorvibudhā vimūḍhā yathā ramāyai dharaṇīśasaṃghāḥ // ### [2.19.13](https://indike.org/pramana/in.purana.narada.2.19.13) tadvākyamākarṇya pituḥ subuddhiḥ praṇamya bhaktyā jananīsametam / nṛpottamaṃ taṃ nṛpanandano 'sau dideśa bhogārthamanekavittam // ### [2.19.14](https://indike.org/pramana/in.purana.narada.2.19.14) ājñāvidheyāṃstu piturniyojya dāsāṃśca dāsīśca hiraṇyakaṇṭhīḥ / matsyadhvajārttasya sukhāya putrastato mahīrakṣaṇamācacāra // ### [2.19.15](https://indike.org/pramana/in.purana.narada.2.19.15) nṛpaistuto dharmavibhūṣaṇo 'sau samāvṛto dvīpavatīṃ samagrām / tasyetthamurvīṃ carataśca bhūpa na pāpabuddhiṃ kurute janaighaḥ // ### [2.19.16](https://indike.org/pramana/in.purana.narada.2.19.16) na cāpi vṛkṣaḥ phalapuṣpahīno na kṣetramāsīdyavaśālihīnam / sravanti gāvo ghaṭapūradugdhaṃ ghṛtādhikaṃ śarkaravatsumiṣṭam // ### [2.19.17](https://indike.org/pramana/in.purana.narada.2.19.17) kṣīraṃ supeyaṃ sakalārtināśanaṃ pāpāpahaṃ puṣṭivivardhanaṃ ca / jano na kaścidvibhavasya goptā bhartuhiṃ bhāryā na kaṭūktivādinī // ### [2.19.18](https://indike.org/pramana/in.purana.narada.2.19.18) putro vinītaḥ pitṛśāsane rato vadhūḥ sthitā hastapuṭe ca śvaśroḥ / dvijopadeśe hi jano vyavasthito vedoktadharmācaraṇāddvijottamāḥ // ### [2.19.19](https://indike.org/pramana/in.purana.narada.2.19.19) na bhuñjate mādhavavāsare janā na yānti śoṣaṃ bhuviḥ nimnagāstu / saṃbhujya mānā nahi yānti saṃpadaḥ saṃbhogayuktairapi mānavaiḥ kṣayam // ### [2.19.20](https://indike.org/pramana/in.purana.narada.2.19.20) vivṛddhimāyānti jalairivorddhvaṃ dūrvātṛṇaṃ śādvalatāmupaiti / kṛtī ca loko hyabhavatsamasto dharmāṅgade pālanasaṃpravṛtte // ### [2.19.21](https://indike.org/pramana/in.purana.narada.2.19.21) bhuktvā tu saukhyāni ca yānti mānavā hareḥ padaṃ taddinasevanena / dvārāṇi sadhvāntaniśāsu bhūpa guptāni kurvanti na dasyu bhītāḥ // ### [2.19.22](https://indike.org/pramana/in.purana.narada.2.19.22) na cāpi gopeṣu dadanti vṛttiṃ svecchācarā mandiramāvrajanti / kṣīraṃ kṣarantyo ghaṭavatsubhūriśo vatsapriyāḥ śāntikarāśca gāvaḥ // ### [2.19.23](https://indike.org/pramana/in.purana.narada.2.19.23) akṛṣṭapacyā dharaṇī samastā prarūḍhasasyā kila lāṅgalaṃ vinā / mātuḥ payobhiḥ śiśavaḥ supuṣṭā bhartuḥ prayogaiḥ pramadāḥ supuṣṭāḥ // ### [2.19.24](https://indike.org/pramana/in.purana.narada.2.19.24) nṛpaiḥ suguptāstu janāḥ supuṣṭāḥ satyābhiyukto hi vṛṣaḥ supuṣṭaḥ / evaṃ vidhe dharmaratipradhāne jane pravṛtte haribhaktiyukte / saṃrakṣyamāṇe hi nṛpātmajena jagāma kālaḥ sukhahe tubhūtaḥ // ### [2.19.25](https://indike.org/pramana/in.purana.narada.2.19.25) nirāmayo bhūtisamanvitaśca sabhūrivarṣotsavakārakaśca / pṛthvīpatiścātivimohitaśca vimohinīceṣṭitasaukhyayuktaḥ // ### [2.19.26](https://indike.org/pramana/in.purana.narada.2.19.26) dinaṃ na jānāti na cāpi rātriṃ māsaṃ ca pakṣaṃ ca sa vatsaraṃ ca / atīva mugdhaḥ suratena tasyā virañciputryāḥ śubhaceṣṭitāyāḥ // vimohinīsaṃgamane nṛpasya babhūva śaktistvadhikā manoje / yathā yathā sevata eva bhūpastathā tathā vṛddhimiyarti vīryam / pakṣeṣu śukleṣviva śītabhānurna kṣīyate saṃtatasevanena // ### [2.19.27](https://indike.org/pramana/in.purana.narada.2.19.27) vṛndārakaḥ pītasudhāraso yathā saṃspṛśya saṃspṛśya punarnavo 'sau / pibaṃstu pānaṃ sumanoharaṃ hi śṛṇvaṃstu gītaṃ supadaprayuktam // ### [2.19.29](https://indike.org/pramana/in.purana.narada.2.19.29) paśyaṃśca rūpaṃ sa nitaṃbinīnāṃ spṛśanspṛśanmohinivaktracandram / vimarddamānastu kareṇa tuṅgau sukhena pīnau piśitoparūḍhau // ### [2.19.30](https://indike.org/pramana/in.purana.narada.2.19.30) ghanastanau kāñcanakuṃbhatulyau pracchāditau hāravibhūṣaṇena / valitrayaṃ nātivivarddhamānaṃ manoharaṃ lomaśarājiśobham // ### [2.19.31](https://indike.org/pramana/in.purana.narada.2.19.31) stanasya rūpaṃ parito vilokya dadhre varāṅgyāḥ śubhalocanāyāḥ / nahīdṛśaṃ cārutaraṃ nitāntaṃ nitaṃbinīnāṃ manaso 'bhirāmam // ### [2.19.32](https://indike.org/pramana/in.purana.narada.2.19.32) yādṛgvidhaṃ mohinamohanārthaṃ vinirmitaṃ yadvidhinā svarūpam / mṛgendraśatroḥkarasannikāśe jaṅghe vilome drutakāñcanābhe // ### [2.19.33](https://indike.org/pramana/in.purana.narada.2.19.33) śaśāṅkakāntirddaśanasya paṅktirnigūḍhagulphe janamohanārtham / āpādaśīrṣaṃ kila tatsvarūpaṃ saṃpaśyataccāruviśālanetryāḥ // ### [2.19.34](https://indike.org/pramana/in.purana.narada.2.19.34) mene surāṇāmadhikaṃ hi rājā kṛtārthamātmānamatīva harṣāt / aho sutanvī vipulekṣaṇeyaṃ yāciṣyate yacca tadeva deyam // ### [2.19.35](https://indike.org/pramana/in.purana.narada.2.19.35) asyāstu ramye surate śubhāyā dāsyāmi cānte nijavittajātam / sudurlabhaṃ deyamadeyamanyairdāsyāmi cāsyā yadi vāpyadeyam // ### [2.19.36](https://indike.org/pramana/in.purana.narada.2.19.36) yadyapyadeyaṃ mama jīvitaṃ hi yāciṣyate cedyadi hemavarṇā / dāsyāmi cedaṃ na vicārayiṣye putraṃ vinā nāsti nadeyamasyāḥ // ### [2.19.36.p1](https://indike.org/pramana/in.purana.narada.2.19.36.p1) iti śrībṛhannāradīyapurāṇottarabhāge mohinīpraṇayavarṇanaṃ nāmaikonaviṃśo 'dhyāyaḥ ## Linked texts (1) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.96.35.1) — Sanskrit --- Source: [https://indike.org/pramana/in.purana.narada.2.19](https://indike.org/pramana/in.purana.narada.2.19) · Pramāṇa