[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.1 # Naradapurana 2.1 Nāradapurāṇa 2.1 - **Language:** Sanskrit ## Contents - [2.1.26](https://indike.org/pramana/in.purana.narada.2.1.26) — 1 part ### [2.1.1](https://indike.org/pramana/in.purana.narada.2.1.1) pāntu vo jaladaśyāmāḥ śārṅgajyāghātakarkaśāḥ / trailokyamaṇḍapastaṃbhāścatvāro haribāhavaḥ // ### [2.1.2](https://indike.org/pramana/in.purana.narada.2.1.2) surada suraśiroratnanighṛṣṭamaṇirañjitam / haripādāṃbujadvandvamabhīṣṭaptadamastu naḥ // ### [2.1.3](https://indike.org/pramana/in.purana.narada.2.1.3) māndhātovāca pāpendhanasya ghorasya śuṣkārdrasya dvijottama / kovahnirdahate tasya tadbhavānvaktumarhati // ### [2.1.4](https://indike.org/pramana/in.purana.narada.2.1.4) nājñātaṃ triṣu lokeṣu caturmukhasamudbhava / vidyate tava viprendra trividhasya suniścitam // ### [2.1.5](https://indike.org/pramana/in.purana.narada.2.1.5) ajñātaṃ pātakaṃ śuṣkaṃ jñātaṃ cārdramudāhṛtam / bhāvyaṃ vāpyathavātītaṃ vartamāna vadasva naḥ // ### [2.1.6](https://indike.org/pramana/in.purana.narada.2.1.6) vahnino kena tadbhasma bhavedetanmataṃ mama / vasiṣṭaṃ uvāca śrūyatāṃ nṛpaśārdūla vahninā yena tadbhavet // ### [2.1.7](https://indike.org/pramana/in.purana.narada.2.1.7) bhasma śuṣkaṃ tathārdraṃ ca pāpamasya hyeśeṣataḥ // ### [2.1.8](https://indike.org/pramana/in.purana.narada.2.1.8) avāpya vāsaraṃ viṣṇoryo naraḥ saṃyatendriyaḥ / upavāsaparo bhūtvā pūjayenmadhusūdanam // ### [2.1.9](https://indike.org/pramana/in.purana.narada.2.1.9) sa dhātrīsnānasahito rātrau jāgaraṇānvitaḥ / viśodhayati pāpāni kitavo hi yathā dhanam // ### [2.1.10](https://indike.org/pramana/in.purana.narada.2.1.10) ekadāśīsamākhyena vahninā pātakendhanam / bhasmatāṃ yāti rājendra api janmaśatodbhavam // ### [2.1.11](https://indike.org/pramana/in.purana.narada.2.1.11) nedṛśa pāvanaṃ kiñcinnārāṇāṃ bhūpa vidyate / yādṛśaṃ padmanābhasya dinaṃ pātakahānidam // ### [2.1.12](https://indike.org/pramana/in.purana.narada.2.1.12) tāvatpāpāni dehe 'smiṃstiṣṭhanti manujādhipa / yāvannopavasejjantuḥ padmanābhadimaṃ śubham // ### [2.1.13](https://indike.org/pramana/in.purana.narada.2.1.13) aśvamedhasahasrāṇi rājasūyaśatāni ca / ekādaśyupavāsasya kalāṃ nārhanti ṣoḍaśīm // ### [2.1.14](https://indike.org/pramana/in.purana.narada.2.1.14) ekādaśendriyaiḥ pāpaṃ yatkṛtaṃ bhavati prabho / ekādaśyupavāsena tatsarvaṃ vilayaṃ vrajet // ### [2.1.15](https://indike.org/pramana/in.purana.narada.2.1.15) ekādaśīsamaṃ kiñcitpāpanāśaṃ na vidyate / vyājenāpi kṛtā rājanna darśayati bhāskarim // ### [2.1.16](https://indike.org/pramana/in.purana.narada.2.1.16) svargamokṣapradā hyeṣā rājyaputrapradāyinī / sukalatrapradā hyeṣā śarīrārogyadāyinī // ### [2.1.17](https://indike.org/pramana/in.purana.narada.2.1.17) na gaṅgā na gayā bhūpa na kāśī na ca puṣkaram / na cāpi kairavaṃ kṣetraṃ na revā na ca devikā // ### [2.1.18](https://indike.org/pramana/in.purana.narada.2.1.18) yamunā candrabhāgā ca puṇyā bhūpa harerdināt / anāyāsena rājendra prāpyate harimandiram // ### [2.1.19](https://indike.org/pramana/in.purana.narada.2.1.19) rātrau jāmaraṇa kṛtvā samupoṣya harerdinam / sarvapāpavinirmukto viṣṇuloke vrajennaraḥ // ### [2.1.20](https://indike.org/pramana/in.purana.narada.2.1.20) daśaiva mātṛke pakṣe daśa rājendra paitṛke / bhāryāyā daśa pakṣe ca puruṣānuddharettathā // ### [2.1.21](https://indike.org/pramana/in.purana.narada.2.1.21) ātmānamapi rājendra sa nayedvaiṣṇavaṃ puram / cintāmaṇisamā hyeṣā athavāpi nidheḥ samā // ### [2.1.22](https://indike.org/pramana/in.purana.narada.2.1.22) saṃkalpapādapaprakhyā vedavākyopamāthavā / dvādaśīṃ ye prapannā hi narā naravarottama // ### [2.1.23](https://indike.org/pramana/in.purana.narada.2.1.23) te dvandvabāhavo jātā nāgārikṛtavāhanāḥ / sragviṇaḥ pītavastrāśca prayānti harimandiram // ### [2.1.24](https://indike.org/pramana/in.purana.narada.2.1.24) eṣa prabhāvo hi mayā dvādaśyāḥ parikīrtitaḥ / pāpendhanasya ghorasya pāvakākhyo mahīpate // ### [2.1.25](https://indike.org/pramana/in.purana.narada.2.1.25) harerddinaṃ sadopoṣyaṃ narairdharmaparāyaṇaiḥ / icchadbhirvipulānyogānputrapautrādikāṃstathā // ### [2.1.26](https://indike.org/pramana/in.purana.narada.2.1.26) haridinamiha martyo yaḥ karotyādareṇa naravara sa tu kukṣiṃ māturāpnoti naiva / bahuvṛjinasameto 'kāmataḥ kāmato vā vrajati padamanantaṃ lokanāthasya viṣṇoḥ // ### [2.1.26.p1](https://indike.org/pramana/in.purana.narada.2.1.26.p1) iti śrībṛhannāradīyapurāṇottarabhāge dvādaśīmāhātmyavarṇanaṃ nāma prathamo 'dhyāyaḥ ## Linked texts (4) - [Kṛṣṇāmṛtamahārṇava](https://indike.org/pramana/in.sampradaya.vaisnava.madhva.krsnamrtamaharnava.165) — Madhva, Sanskrit - [Padmapurāṇa](https://indike.org/pramana/in.purana.padma.6.59.13) — Vyāsa, Sanskrit - [Kṛtyamahārṇava](https://indike.org/pramana/in.niti.dharma.nibandha.krtya.krtyamaharnava.2.p93) — Vācaspatimiśra, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.6.p3) — Devaṇṇabhaṭṭa, Sanskrit --- Source: [https://indike.org/pramana/in.purana.narada.2.1](https://indike.org/pramana/in.purana.narada.2.1) · Pramāṇa