[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.20 # Naradapurana 2.20 Nāradapurāṇa 2.20 - **Language:** Sanskrit ## Contents - [2.20.31](https://indike.org/pramana/in.purana.narada.2.20.31) — 1 part ### [2.20.1](https://indike.org/pramana/in.purana.narada.2.20.1) vasiṣṭha uvāca evaṃ suratamūḍhasya rājño rukmāṅgadasya ca / trīṇi pañca ca varṣāṇi vyatītāni sukhena vai // ### [2.20.2](https://indike.org/pramana/in.purana.narada.2.20.2) saṃprāpte navame varṣe putro dharmāṅgado balī / jitvā vidyādharānpañca malaye parvatottame // ### [2.20.3](https://indike.org/pramana/in.purana.narada.2.20.3) ājahāra maṇīnpañca sarvakāmapradān śubhān / ekaṃ kāñcanadātāraṃ koṭikoṭiguṇaṃ śubham // ### [2.20.4](https://indike.org/pramana/in.purana.narada.2.20.4) dvitīyaṃ vastrabhūṣādilakṣakoṭipradaṃ tathā / tṛtīyamamṛtasrāvi punaryauvanakārakam // ### [2.20.5](https://indike.org/pramana/in.purana.narada.2.20.5) sabhāgṛhaprakartāraṃ caturthaṃ cānnasādhakam / pañcamaṃ vyobhagatidaṃ trailokyaparisarpaṇam // ### [2.20.6](https://indike.org/pramana/in.purana.narada.2.20.6) tānmaṇīngṛhya manasā vidyādharasamanvitaḥ / strībhirvidyādharāṇāṃ ca sāśrunetrābhirāvṛtaḥ // ### [2.20.7](https://indike.org/pramana/in.purana.narada.2.20.7) vavande caraṇau mātuḥ pitū rukmāṅgadasya ca / maṇīnpañca samarpyātha pādayoḥ prāha saṃnataḥ // ### [2.20.8](https://indike.org/pramana/in.purana.narada.2.20.8) ime jitā mayā tāta pañca vidyādharā raṇe / malaye bhūdharaśreṣṭhe vaiṣṇavāstreṇa bhūpate // ### [2.20.9](https://indike.org/pramana/in.purana.narada.2.20.9) ime te bhṛtyatāṃ prāptāḥ sastrīkā nṛpasattama / maṇīnprayaccha mohinyai bhujabhūṣaṇahetave // ### [2.20.10](https://indike.org/pramana/in.purana.narada.2.20.10) sarvakāmapradā hyete punaryauvanakāriṇaḥ / jīrṇadantāḥ punarbālā bhavanti maṇidhāraṇāt // ### [2.20.11](https://indike.org/pramana/in.purana.narada.2.20.11) vastraharmyasuvarṇānāṃ svargateramṛtasya ca / dātāro māsayuddhena sādhitāstava tejasā // ### [2.20.12](https://indike.org/pramana/in.purana.narada.2.20.12) sādhitāni mayā kṛcchrātsaptadvīpāni bhūpate / karadānisamastāni kṛtāni tava tejasā // ### [2.20.13](https://indike.org/pramana/in.purana.narada.2.20.13) samudre ca praviṣṭasya gataḥ saṃvatsaro mama / jitā bhogavatī tāta mayā nāgasamāvṛtā // ### [2.20.14](https://indike.org/pramana/in.purana.narada.2.20.14) āhṛtā nāgakanyāśca mayā cāyutasaṃkhyakāḥ / tatrāpi hāraratnāni subahūnyāhṛtāni ca // ### [2.20.15](https://indike.org/pramana/in.purana.narada.2.20.15) punaścāhaṃ gatastāta dānavānāṃ puraṃ mahat / tānnirjityaṃ ca kanyānāṃ surūpāṇāṃ suvarcasām // ### [2.20.16](https://indike.org/pramana/in.purana.narada.2.20.16) āhṛtāni mayā trīṇi sahasrāṇi ca pañca ca / daśakoṭyastu ratnānāṃ dīpakarma niśāgame // ### [2.20.17](https://indike.org/pramana/in.purana.narada.2.20.17) kurvatāṃ te mahīpāla ānītāstava mandire / tato 'haṃ vāruṇaṃ lokaṃ rasātalatalasthitam // ### [2.20.18](https://indike.org/pramana/in.purana.narada.2.20.18) gato vīryabalotsiktastvadaṅghriyugasevakaḥ / tatrokto varuṇo devaḥ sthīyatāṃ matpinturvaśe // ### [2.20.19](https://indike.org/pramana/in.purana.narada.2.20.19) rukmāṅgadasya nṛpateryadi jīvitumicchasi / kupito mama vākyena varuṇo yoddhumāgataḥ // ### [2.20.20](https://indike.org/pramana/in.purana.narada.2.20.20) tena saṃvatsaraṃ yuddhaṃ ghoraṃ jātaṃ rasātale / jito nārāyaṇāstreṇa mayā sa jalanāyakaḥ // ### [2.20.21](https://indike.org/pramana/in.purana.narada.2.20.21) na hataḥ pramadāvākyaistasya jīvitarakṣaṇe / nirjitenāyutaṃ dattaṃ vājināṃ vātaraṃhasām // ### [2.20.22](https://indike.org/pramana/in.purana.narada.2.20.22) ekataḥ śyāmakarṇānāṃ śubhrāṇāṃ candravarcasām / tṛṇatoyavihīnā ye jīvanti bahuśaḥ samāḥ // ### [2.20.23](https://indike.org/pramana/in.purana.narada.2.20.23) ekāṃ kanyāṃ surūpāṃ me puraskṛtya svalaṅkṛtām / bhāryārthe varuṇaḥ prādātsāpyānītā mayā śubhā // ### [2.20.24](https://indike.org/pramana/in.purana.narada.2.20.24) kumārī tu samānītāḥ bahuvittasamanvitā / tannisti triṣu lokeṣu sthānaṃ tāta sudurgamam // ### [2.20.25](https://indike.org/pramana/in.purana.narada.2.20.25) yanmayā na jitaṃ hyasti tavāṅghriparisevanāt / taduttiṣṭha parīkṣasva tvatprasādārjitāṃ śriyam // ### [2.20.26](https://indike.org/pramana/in.purana.narada.2.20.26) ahaṃ ca saṃpadaḥ sarvāstvadadhīnā viśāṃpate / yaḥ putrastāta vadati mayā lakṣmīḥ samarjitā // ### [2.20.27](https://indike.org/pramana/in.purana.narada.2.20.27) na deyā bhūmidevebhyaḥ so 'pi vai narakaṃ vrajet / ātmasaṃbhāvanaṃ tāta na kartavyaṃ sutena hi // ### [2.20.28](https://indike.org/pramana/in.purana.narada.2.20.28) kuṭhāradātrasadṛśaḥ putraḥ saṃpatsamuccaye / pituḥ śauryeṇa putrasya varddhate dhanasaṃcayaḥ // ### [2.20.29](https://indike.org/pramana/in.purana.narada.2.20.29) taijasaṃ dātramādāya lunāti tṛṇasaṃcayān / vāyunā pūritaṃ vastraṃ tārayennaugataṃ jale // ### [2.20.30](https://indike.org/pramana/in.purana.narada.2.20.30) yathā dārumayī yoṣā ceṣṭate kuhakecchayā / tathāhi pitṛvīryeṇa putrāstejobalānvitāḥ // ### [2.20.31](https://indike.org/pramana/in.purana.narada.2.20.31) tasmādiyaṃ mādhavadevavallabhā vilokayasvādya mayopanītā / ātmecchayā yacchatu rakṣatādvā svasaṃpado mātṛsamūhavaryāḥ // ### [2.20.31.p1](https://indike.org/pramana/in.purana.narada.2.20.31.p1) iti śrībṛhannāradīyapurāṇottarabhāge dharmāṅgadadigvijayo nāma viṃśo 'dhyāyaḥ ## Linked texts (1) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.96.36) — Sanskrit --- Source: [https://indike.org/pramana/in.purana.narada.2.20](https://indike.org/pramana/in.purana.narada.2.20) · Pramāṇa