[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.22 # Naradapurana 2.22 Nāradapurāṇa 2.22 - **Language:** Sanskrit ## Contents - [2.22.86](https://indike.org/pramana/in.purana.narada.2.22.86) — 1 part ### [2.22.1](https://indike.org/pramana/in.purana.narada.2.22.1) vasiṣṭa uvāca evaṃ dharmāṅgado rājyaṃ cakāra vasudhātale / piturnaniyogādrājendra pālayan harivāsaram // ### [2.22.2](https://indike.org/pramana/in.purana.narada.2.22.2) na babhūva janaḥ kaścidyo na dharme vyavasthitaḥ / nāsukhī nāprajaḥ kaścinna vā phuṣṭhī mahīpate // ### [2.22.3](https://indike.org/pramana/in.purana.narada.2.22.3) hṛṣṭapuṣṭa jane tasmin kṣmā caiva nidhidāyinī / ghaṭadogdhrīṣu nṛpate tṛptavatsāsu dhenuṣu // ### [2.22.4](https://indike.org/pramana/in.purana.narada.2.22.4) puṭake kuṭake kṣaudraṃ droṇamātraṃ drume drume / prahṛṣṭāyāṃ tu medinyāṃ sarvadhānyasamudbhavaḥ // ### [2.22.5](https://indike.org/pramana/in.purana.narada.2.22.5) kṛtasya sparddhini yuge tretānte dvāpare yuge / vyatīte jaladāpāye nirmale cāṃbare gṛhe // ### [2.22.6](https://indike.org/pramana/in.purana.narada.2.22.6) sugandhiśālipakvāḍhye kuṃbhodbhavavilokite / madhyapravāhayuktāsu nimnagāsu samantataḥ // ### [2.22.7](https://indike.org/pramana/in.purana.narada.2.22.7) tīrotthaiḥ kāśapuṣpaiśca śuklakeśairivāṅganā / candrāṃśudhavale loke nātitīvre divākare // ### [2.22.8](https://indike.org/pramana/in.purana.narada.2.22.8) tasminmanuṣyabahulairjalasnānavicitritaiḥ / yatrotsukaiḥ prayātaistu bhūmipālaiḥ samantataḥ // ### [2.22.9](https://indike.org/pramana/in.purana.narada.2.22.9) prabodhasamaye viṣṇorāśvinānte jagadguroḥ / mohinī ramayāmāsa tatkāle hṛcchayārditā // ### [2.22.10](https://indike.org/pramana/in.purana.narada.2.22.10) rājānaṃ vividhaiḥ saukhyaiḥ sarvabhāvena suṃdarī / vaneṣu giriśṛṅgeṣu nadīnāṃ saṃgameṣu ca // ### [2.22.11](https://indike.org/pramana/in.purana.narada.2.22.11) padminī kusumāḍhyeṣu saraḥsu vividheṣu ca / malaye mandare vindhye mahendre vibudhālaye // ### [2.22.12](https://indike.org/pramana/in.purana.narada.2.22.12) sahye prāleyasaṃjñe ca digaṃbaragirau śubhe / anyeṣu caiva rājānaṃ svargasthānādikeṣu ca // ### [2.22.13](https://indike.org/pramana/in.purana.narada.2.22.13) rameyāyāsa rājendra divyarūpā dine dine / rājāpi mohinīṃ prāpya sarvaṃ kṛtyaṃ parityajan // ### [2.22.14](https://indike.org/pramana/in.purana.narada.2.22.14) tyaktaṃ na vāsaraṃ viṣṇorjanmamṛtyunikṛntanam / vrataṃ nopekṣate tattu atimugdho 'pi pārthivaḥ // ### [2.22.15](https://indike.org/pramana/in.purana.narada.2.22.15) krīḍāṃ tyajati bhūpālo daśamyādidinatraye / evaṃ prakīḍatastasya pūrṇe saṃvatsare gate // ### [2.22.16](https://indike.org/pramana/in.purana.narada.2.22.16) kāle kālavidāṃ śreṣṭhaḥ saṃprāptaḥ kārtikaḥ śubhaḥ / nidrāchedakaro viṣṇoḥ sa māsaḥ puṇyadāyakaḥ // ### [2.22.17](https://indike.org/pramana/in.purana.narada.2.22.17) yasminkṛtaṃ hi sukṛtaṃ vaiṣṇavairmanujairnṛpa / akṣayaṃ hi bhavetsarvaṃ viṣṇulokapradāyakam // ### [2.22.18](https://indike.org/pramana/in.purana.narada.2.22.18) na kārtikasamo māso na kūtena samaṃ yugam / na dharmastu dayā tulyo na jyotiścakṣuṣā samam // ### [2.22.19](https://indike.org/pramana/in.purana.narada.2.22.19) na vedena samaṃ śāstraṃ na tīrthaṃ gaṅgayā samam / na bhūmyā sadṛśaṃ dānaṃ na sukhaṃ bhāryayā samam // ### [2.22.20](https://indike.org/pramana/in.purana.narada.2.22.20) na kṛṣyā tu samaṃ vittaṃ na lābhaḥ surabhīsamaḥ / na tapo 'naśanādanyanna damena samaṃ śivam // ### [2.22.21](https://indike.org/pramana/in.purana.narada.2.22.21) tṛptirna rasanātulyā na samo 'nyo dvijena ca / na dharmeṇa samaṃ mitraṃ na satyena samaṃ yaśaḥ // ### [2.22.22](https://indike.org/pramana/in.purana.narada.2.22.22) nārogyasamamaiśvaryaṃ na devaḥ keśavātparaḥ / na kārtikasamaṃ loke pāvanaṃ kavayo viduḥ // ### [2.22.23](https://indike.org/pramana/in.purana.narada.2.22.23) kārtikaḥ pravaro māso viṣṇoścāpi priyaḥ sadā / avrato hi kṣipedyastu māsaṃ dāmodarapriyam // ### [2.22.24](https://indike.org/pramana/in.purana.narada.2.22.24) tiryagyonimavāpnoti sarvadharmabahiṣkṛtaḥ // ### [2.22.25](https://indike.org/pramana/in.purana.narada.2.22.25) māndhātovāca saṃprāpya kārtike māse rājā rukmāṅgado mune / mohinīṃ mohasaṃyuktāṃ kathaṃ sa bubhuje vada // ### [2.22.26](https://indike.org/pramana/in.purana.narada.2.22.26) viṣṇubhaktaḥ śrutiparaḥ pravaraḥ sa mahīkṣitām / tasminpuṇyatame māse kiṃ cakāra nṛpottamaḥ // ### [2.22.27](https://indike.org/pramana/in.purana.narada.2.22.27) vasiṣṭha uvāca saṃprāptaṃ kārtikaṃ dṛṣṭvā prabodhakaraṇaṃ hareḥ / atipramugdho rājendro mohinīṃ vākyamabravīt // ### [2.22.28](https://indike.org/pramana/in.purana.narada.2.22.28) rataṃ devi tvayā sārddhaṃ mayā saṃvatsarānbahūn / tavāpamānabhītena noktaṃ kiñcidapi kvacit // ### [2.22.29](https://indike.org/pramana/in.purana.narada.2.22.29) sāṃprataṃ vaktukāmo 'haṃ tannibodha śubhānane / tvayyāsaktasya me devi bahavaḥ kārtikā gatāḥ // ### [2.22.30](https://indike.org/pramana/in.purana.narada.2.22.30) na vratī kārtike jāto muktvaikaṃ harivāsaram / so 'haṃ kārtikamicchāmi vrate na paryyupāsitum // ### [2.22.31](https://indike.org/pramana/in.purana.narada.2.22.31) avratena gato yeṣāṃ kārtiko martyadharmiṇām / iṣṭāpūrtau vṛthā teṣāṃ dharmo druhiṇasaṃbhave // ### [2.22.32](https://indike.org/pramana/in.purana.narada.2.22.32) māṃsāśino 'pi bhūpālā atyarthaṃ mṛgayāratāḥ / te bhāṃsaṃ kārtike tyaktvā gatā viṣṇvālayaṃ śubhe // ### [2.22.33](https://indike.org/pramana/in.purana.narada.2.22.33) pravṛttānāṃ hi bhakṣyāṇāṃ kārtike niyame kṛte / avaśyaṃ viṣṇurūpatvaṃ prāpyate sādhakena hi // ### [2.22.34](https://indike.org/pramana/in.purana.narada.2.22.34) tiṣṭhantu bahuvittāni dānāni varavarṇini / hṛdayāyāsakartṝṇi dīpadānāddivaṃ vrajet // ### [2.22.35](https://indike.org/pramana/in.purana.narada.2.22.35) tasyāpyabhāvātsubhage paradīpaprabodhanam / kartavyaṃ bhaktibhāvena sarvadānādhikaṃ ca tat // ### [2.22.36](https://indike.org/pramana/in.purana.narada.2.22.36) ekataḥ sarvadānāni dīpadānaṃ hi caikataḥ / kārtikena samaṃ proktaṃ dīpadānātprabodhanam // ### [2.22.37](https://indike.org/pramana/in.purana.narada.2.22.37) kartavyaṃ bhaktibhāvena sarvadānādhikaṃ smṛtam / kārtikīṃ ca tithiṃ kṛtvā viṣṇornābhisaroruhe // ### [2.22.38](https://indike.org/pramana/in.purana.narada.2.22.38) ājanmakṛtapāpāttu mucyate nātrasaṃśayaḥ / vratopavāsaniyamaiḥ kārtiko yasya gacchati // ### [2.22.39](https://indike.org/pramana/in.purana.narada.2.22.39) devo vaimāniko bhūtvā sa yāti paramāṃ gatim / tasmānmohini mohaṃ tvaṃ parityajya mamopari // ### [2.22.40](https://indike.org/pramana/in.purana.narada.2.22.40) ājñāṃ vidhehi tatkālaṃ kariṣye kārttikavratam / tava vakṣojapūjāyā virato nīrajekṣame // ### [2.22.41](https://indike.org/pramana/in.purana.narada.2.22.41) ahaṃ vratadharaścaiva bhaviṣye haripūjane / mohinyuvāca vistareṇa samākhyāhi māhātmyaṃ kārtikasya ca // ### [2.22.42](https://indike.org/pramana/in.purana.narada.2.22.42) sarvapuṇyākaraḥ prokto māso 'yaṃ rājasattamā / viśeṣātkutra kathitastadādiśa mahāmate // ### [2.22.43](https://indike.org/pramana/in.purana.narada.2.22.43) śrutvā kārttikamāhātmyaṃ kariṣye 'haṃ yathepsitam // ### [2.22.44](https://indike.org/pramana/in.purana.narada.2.22.44) rukmāṅgada uvāca māhātmyamabhidhāsyāmi māsasyāsya varānane / yena bhaktirbhavitrī te prakartuṃ haripūjanam // ### [2.22.45](https://indike.org/pramana/in.purana.narada.2.22.45) kārttike kṛcchrasevī yaḥ prājāpatyacaro 'pi vā / ekāntaropavāsī vā trirātropoṣito 'pi vā // ### [2.22.46](https://indike.org/pramana/in.purana.narada.2.22.46) yadvā daśāhaṃ pakṣaṃ vā māsaṃ vā varavarṇini / kṣapayitvā naro yāti sa viṣṇoḥ paramaṃ padam // ### [2.22.47](https://indike.org/pramana/in.purana.narada.2.22.47) ekabhaktena naktena tathaivāyācitena ca / asmin narairdharā caiva prāpyate dvīpamālinī // ### [2.22.48](https://indike.org/pramana/in.purana.narada.2.22.48) viśeṣātpuṣkare tīrthe dvārāvatyāṃ ca śaukare / māso 'yaṃ bhaktidaḥ prokto vratadānārcanādibhiḥ // ### [2.22.49](https://indike.org/pramana/in.purana.narada.2.22.49) tasninhari dinaṃ puṇyaṃ tathā vai bhīṣmapañcakam / prabodhinīṃ naraḥ kṛtvā jāgareṇa samanvitām // ### [2.22.50](https://indike.org/pramana/in.purana.narada.2.22.50) na māturjaṭhare tiṣṭhedapi pāpānvito naraḥ / tasmindine varārohe maṇḍalaṃ yastu paśyati // ### [2.22.51](https://indike.org/pramana/in.purana.narada.2.22.51) vinā sāṃkhyena yogena sa yāti paramaṃ padam / kārtike maṇḍalaṃ dṛṣṭvā śaukareḥ sūkaraṃ śubhe // ### [2.22.52](https://indike.org/pramana/in.purana.narada.2.22.52) dṛṣṭvā kokavarāhaṃ vā na bhūyastanayo bhavet / trividhasyāpi pāpasya dṛṣṭvā muktirbhavennṛṇām // ### [2.22.53](https://indike.org/pramana/in.purana.narada.2.22.53) maṇḍalaṃ capalāpāṅgi śrīdharaṃ kubjake tathā / kārtike varjayettailaṃ kārttike varjayenmadhu // ### [2.22.54](https://indike.org/pramana/in.purana.narada.2.22.54) kārtike varjayenmāṃsaṃ kārtike varjayetstriyaḥ / niṣpāvānkārtike devi tyañjedviṣṇutatparaḥ // ### [2.22.55](https://indike.org/pramana/in.purana.narada.2.22.55) saṃvatsarakṛtātpāpādbrahirbhavati tatkṣaṇāt / prāpnoti rājakīṃ yoniṃ sakṛdbhakṣaṇasaṃbhavāt // ### [2.22.56](https://indike.org/pramana/in.purana.narada.2.22.56) kārtike śaukaramāṃsaṃ yastu bhuñjīta durmatiḥ / ṣaṣṭivarṣasahasrāṇi raurave paripacyate // ### [2.22.57](https://indike.org/pramana/in.purana.narada.2.22.57) tanmukto jāyate pāpī viṣṭhāśī grāmyasūkaraḥ / mātsyaṃ māṃsaṃ na bhuñjīta na kaurmaṃ nāpi hāriṇam // ### [2.22.58](https://indike.org/pramana/in.purana.narada.2.22.58) cāṇḍālo jāyate devi kārtike māṃsabhakṣaṇāt / kārtikaḥ sarvapāpaghnaḥ kiñcidvratadharasya hi // ### [2.22.59](https://indike.org/pramana/in.purana.narada.2.22.59) kārtike tu kṛtādīkṣā nṛṇāṃ janmanikṛntanī / tasmātsarvaprayatnena dīkṣāṃ kurvīta kārtike // ### [2.22.60](https://indike.org/pramana/in.purana.narada.2.22.60) adīkṣitasya vāmoru kṛtaṃ sarvaṃ nirarthakam / paśuyonimavāpnoti dīkṣayā rahito naraḥ // ### [2.22.61](https://indike.org/pramana/in.purana.narada.2.22.61) na gṛhe kārtikaṃ kuryādviśeṣeṇa tu kārtikīm / tīrthe hi kārtikīṃ kurvannaro yāti hareḥ padam // ### [2.22.62](https://indike.org/pramana/in.purana.narada.2.22.62) kārtike śuklapakṣasya kagṛtvā hyekādaśīṃ naraḥ / prātardatvā śubhānkuṃbhānprayāti harimandiram // ### [2.22.63](https://indike.org/pramana/in.purana.narada.2.22.63) saṃvatsaravratānāṃ hi samāptiḥ kārtikaṃ smṛtā / vivāhā yatra dṛśyante viṣṇornābhisaroruhe // ### [2.22.64](https://indike.org/pramana/in.purana.narada.2.22.64) dināni tatra catvāri yathaikaṃ varāvarṇini / vinottarāyaṇe kālaṃ lagnaśuddhiṃ vināpi ca // ### [2.22.65](https://indike.org/pramana/in.purana.narada.2.22.65) dṛśyante yatra sambandhāḥ putrapautravivarddhanāḥ / tasmānmohini kartāsmi kārtike vratasevanam // ### [2.22.66](https://indike.org/pramana/in.purana.narada.2.22.66) aśeṣapāpanāśāya tava prītivivṛddhaye / mohinyuvāca aho māhātmyamatulaṃ kārtikasya tvayoritam // ### [2.22.67](https://indike.org/pramana/in.purana.narada.2.22.67) cāturmāsyavratānāṃ hi vidhimudyāpanaṃ vada / pūrṇatā yena bhavatagi vratānāṃ pṛthivīpate // ### [2.22.68](https://indike.org/pramana/in.purana.narada.2.22.68) avaikalyaṃ bhaveccaiva vrataṃ puṇyaphalasya tu / rājovāca naktavratī ṣaḍrasena brāhmaṇaṃ bhojayetpriye // ### [2.22.69](https://indike.org/pramana/in.purana.narada.2.22.69) ayācite tvanaṅkāhaṃ sahiraṇyaṃ pradāpayet / amāṃsāśībhavedyasttu gāṃ pradadyātsadakṣiṇām // ### [2.22.70](https://indike.org/pramana/in.purana.narada.2.22.70) dhātrīsnāne naro dadyāddadhipāyasameva ca / phalānāṃ niyame subhru phaladānaṃ samācaret // ### [2.22.71](https://indike.org/pramana/in.purana.narada.2.22.71) tailatyāge ghṛtaṃ dadyā ddhṛtatyāge payastathā / dhānyānāṃ niyame śālīṃstattaddhānyamathāpi vā // ### [2.22.72](https://indike.org/pramana/in.purana.narada.2.22.72) dadyādbhūśayane śayyāṃ tūlikāgaṇḍakānvitām / patrabhojī narodadyādbhājanaṃ ghṛtasaṃyutam // ### [2.22.73](https://indike.org/pramana/in.purana.narada.2.22.73) maune ghaṇṭāṃ tilānvāpi sahiraṇyānpradāpayet / daṃpatyorbhojanaṃ kāryamubhayoḥ śayanānvitam // ### [2.22.74](https://indike.org/pramana/in.purana.narada.2.22.74) saṃbhogaṃ dakṣiṇopetaṃ vratasya paripūrtaye / prātaḥ snāne hayaṃ dadyānniḥsnehe ghṛtasaktukān // ### [2.22.75](https://indike.org/pramana/in.purana.narada.2.22.75) nakharāṇāṃ ca keśānāṃ dhāraṇe darpaṇaṃ dadet / upānahau pradadyāttu pādatrāṇavivarjane // ### [2.22.76](https://indike.org/pramana/in.purana.narada.2.22.76) lavaṇasya tu saṃtyāge dātavyā surabhistathā / āmiṣasya parityāge savatsāṃ kapilāṃ dadet // ### [2.22.77](https://indike.org/pramana/in.purana.narada.2.22.77) nityaṃ dīpaprado yastu vrate 'bhīṣṭe surālaye / sa kāñcanaṃ tathā tāmraṃ saghṛtaṃ dīpakaṃ priye // ### [2.22.78](https://indike.org/pramana/in.purana.narada.2.22.78) pradadyādvāsasā chatraṃ vaiṣṇave vratapūrtaye / ekāntaropavāsī tu kṣaumavastraṃ pradāpayet // ### [2.22.79](https://indike.org/pramana/in.purana.narada.2.22.79) trirātre kāñcanopetāṃ dadyācchayyāṃ svalaṅkṛtām / ṣaḍrarātrādyupavāseṣu śibikāṃ chatrasaṃyutām // ### [2.22.80](https://indike.org/pramana/in.purana.narada.2.22.80) savāhapuruṣaṃ pīnamanaṅvāhamathārpayet / ajāvikaṃ tvekabhakte phalāhāre suvarṇakam // ### [2.22.81](https://indike.org/pramana/in.purana.narada.2.22.81) śākāhāre phalaṃ dadyātsauvarṇaṃ ghṛtasaṃyutam / rasānāṃ caiva sarveṣāṃ tyāge 'nuktasya vāpi ca // ### [2.22.82](https://indike.org/pramana/in.purana.narada.2.22.82) dātavyaṃ rājataṃ pātraṃ sauvarṇa vāpi śaktitaḥ / yathoktasyāpradāne tu yathoktākaraṇe 'pi vā // ### [2.22.83](https://indike.org/pramana/in.purana.narada.2.22.83) vipravākyaṃ caretsubhru viṣṇusmaraṇapūrvakam / vṛthā vipravaco yastu manyate manujaḥ śubhe // ### [2.22.84](https://indike.org/pramana/in.purana.narada.2.22.84) dakṣiṇāṃ naiva dadyādvā sa yāti narakedhruvam / vratavaikalyamāsādya kuṣṭhī cāndhaḥ prajāyate // ### [2.22.85](https://indike.org/pramana/in.purana.narada.2.22.85) dharāmarāṇāṃ vacane vyavasthitā divaukasastīrthagaṇā makhāśca / ko laṅghayetsubhru vaco hi teṣāṃ śreyobhikāmo manujastu vidvān // ### [2.22.86](https://indike.org/pramana/in.purana.narada.2.22.86) idaṃ mayā dharmarahasyayuktaṃ virañcaye śrīpatinā yathoktam / prakāśitaṃ tubhyamananyavācyaṃ phalapradaṃ mādhavatuṣṭihetum // ### [2.22.86.p1](https://indike.org/pramana/in.purana.narada.2.22.86.p1) iti śrībṛhannāradīyapurāṇottarabhāge kārtikamāhātmyaṃ nāma dvāviṃśo 'dhyāyaḥ ## Linked texts (11) - [Haribhaktivilāsa (complete text)](https://indike.org/pramana/in.sampradaya.vaisnava.gaudiya.acara.smrti.haribhaktivilasa*complete.16.1.123) — Sanskrit - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s13.10) — R. C. Hazra, English - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.98.68.1) — Sanskrit - [Varṣakriyākaumudī](https://indike.org/pramana/in.niti.dharma.kala.varsakrtya.varsakriyakaumudi.5.p317) — Govindānanda Kavikaṅkaṇa 1510, Sanskrit - [Varṣakṛtyakaumudī](https://indike.org/pramana/in.niti.dharma.nibandha.gauda.sulapani-srinatha.varsakrtyakaumudi.5.p103) — Govindānandācārya, Sanskrit - [Kriyākaumudī (Govindānanda)](https://indike.org/pramana/in.niti.dharma.nibandha.krtya.kriyakaumudi.5.p130) — Govindānanda 1500, Sanskrit - [Vaiṣṇavakhaṇḍa](https://indike.org/pramana/in.purana.skanda.vaisnavakhanda.163.20) — Sanskrit - [Bhagavantabhāskara](https://indike.org/pramana/in.niti.dharma.nibandha.mahanibandha.bhagavantabhaskara.37.p21) — Nīlakaṇṭha Dīkṣita 1625, Sanskrit - [Vācaspatya](https://indike.org/pramana/in.art.kosa.ubhayarupa.vacaspatya.3.1.13) — Tārānātha Tarkavācaspati, Sanskrit - [Cakranārāyaṇīyanibandha](https://indike.org/pramana/in.niti.dharma.nibandha.mahanibandha.cakranarayaniyanibandha.1.p180.3) — Viśvambharatrivedin 1600, Sanskrit - [Kālamayūkha](https://indike.org/pramana/in.niti.dharma.kala.bhatta.kalamayukha.23.p17) — Nīlakaṇṭha Dīkṣita, Sanskrit --- Source: [https://indike.org/pramana/in.purana.narada.2.22](https://indike.org/pramana/in.purana.narada.2.22) · Pramāṇa