[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.23 # Naradapurana 2.23 Nāradapurāṇa 2.23 - **Language:** Sanskrit ## Contents - [2.23.90](https://indike.org/pramana/in.purana.narada.2.23.90) — 1 part ### [2.23.1](https://indike.org/pramana/in.purana.narada.2.23.1) mohinyuvāca vākyamuktaṃ tvayā sādhu kārtike yadupoṣaṇam / vratādikaraṇaṃ rājñāṃ noktaṃ kvāpi nidarśane // ### [2.23.2](https://indike.org/pramana/in.purana.narada.2.23.2) muktvaikaṃ brāhmaṇaṃ loke noktaṃ śūdraviśorapi / dānaṃ hi pālanaṃ yuddhaṃ tṛtīyaṃ bhūbhujāṃ smṛtam // ### [2.23.3](https://indike.org/pramana/in.purana.narada.2.23.3) na vrataṃ hi tvayā kāryaṃ yadi māmicchasi priyām / muhūrtamapi rājendra na śaknomi tvayā vinā // ### [2.23.4](https://indike.org/pramana/in.purana.narada.2.23.4) sthātuṃ kamalagarbhābha kiṃ punarmāsasaṃkhyayā / yatropavāsakaraṇaṃ manyase vasādhādhipa // ### [2.23.5](https://indike.org/pramana/in.purana.narada.2.23.5) tatra vai bhojanaṃ deyaṃ viprāṇāṃ ca mahātmanām / athavā jyeṣṭhapatnī yā sā karotu vratādikam / evamukte tu vacane mohinyā rukmabhūṣaṇaḥ // ### [2.23.6](https://indike.org/pramana/in.purana.narada.2.23.6) ājuhāva priyāṃ bhāryāṃ nāmnā saṃdhyāvaliṃśubhām / āhūtā tatkṣaṇātprāptā rājānaṃ bhūridakṣiṇam // ### [2.23.7](https://indike.org/pramana/in.purana.narada.2.23.7) āśīnaṃ śayane divye mohinībāhusaṃvṛtam / saṃghṛṣṭaṃ hi kucāgreṇa svarṇakuṃbhanibhena hi // ### [2.23.8](https://indike.org/pramana/in.purana.narada.2.23.8) śayane vāmanetrāyāḥ sakāmāyā mahīpate / kṛtāṃ jalipuṭā bhūtvā bharturnamitakandharā // ### [2.23.9](https://indike.org/pramana/in.purana.narada.2.23.9) saṃdhyāvalī prāha nṛpaṃ kimāhūtā karomyaham / tava vākye sthitā kānta duḥsāpatnyavivarjitā // ### [2.23.10](https://indike.org/pramana/in.purana.narada.2.23.10) yathā yathā hi ramase mohinyā sahaha bhūpate / tathā tathā mama prītirvarddhate nātra saṃśayaḥ // ### [2.23.11](https://indike.org/pramana/in.purana.narada.2.23.11) bhartuḥ saukhyena yā nārī duḥkhayuktā prajāyate / sā tu śyenī bhavedrājaṃstrīṇi varṣāṇi pañca ca // ### [2.23.12](https://indike.org/pramana/in.purana.narada.2.23.12) ājñāṃ me dehi rājendra mā vrīhāṃ kāmikāṃ kuru // ### [2.23.13](https://indike.org/pramana/in.purana.narada.2.23.13) rukmāṅgada uvāca jānāmi tava śīlaṃ tu kulaṃ jānāmi bhāmini / tava vākyena hi ciraṃ mohinī ramitā mayā // ### [2.23.14](https://indike.org/pramana/in.purana.narada.2.23.14) ramamāṇasya suciraṃ bahavaḥ kārtikā gatāḥ / priyā saukhyena mugdhasya na gato harivāsaraḥ // ### [2.23.15](https://indike.org/pramana/in.purana.narada.2.23.15) so 'haṃ tṛptimanuprāptaḥ kāmabhogātpunaḥ punaḥ / jñāto 'yaṃ kārtiko māsaḥ sarvapāpakṣayaṅkaraḥ // ### [2.23.16](https://indike.org/pramana/in.purana.narada.2.23.16) kartukāmo vrataṃ devi kārtikākhyaṃ supuṇyadam / iyaṃ vārayate māṃ ca vratādbrahmasutā śubhe // ### [2.23.17](https://indike.org/pramana/in.purana.narada.2.23.17) asyā na vipriyaṃ kāryaṃ sarvathā varavarṇini / māmakaṃ vratamādhatsva kṛcchrākhyaṃ kāyaśoṣakam // ### [2.23.18](https://indike.org/pramana/in.purana.narada.2.23.18) sā caivamuktā navahemavarṇā bhartrā tadā pīnapayodharaṅgī / uvāca vākyaṃ dvijarājakaktrāvrataṃ cariṣye tava tuṣṭihetoḥ // ### [2.23.19](https://indike.org/pramana/in.purana.narada.2.23.19) yenaiva kīrtistu yaśo bhavecca tathaiva saukhyaṃ tava kīrtiyuktam / karomi saumyaṃ naradevanātha kṣipāmi dehaṃ jvalanetvadartham // ### [2.23.20](https://indike.org/pramana/in.purana.narada.2.23.20) akāryametannahi bhūmipāla vākyena te hanmi sutaṃ svakīyam / kintvevametadvratakarma bhūyaḥ karomi saumyaṃ naradevanātha // ### [2.23.21](https://indike.org/pramana/in.purana.narada.2.23.21) ityevamuktvā raviputraśatruṃ praṇamya taṃ cāruviśālanetrā / vrataṃ cakārātha tadā hi devī hyaśeṣapāpaughavināśanāya // ### [2.23.22](https://indike.org/pramana/in.purana.narada.2.23.22) vrate pravṛtte varakṛcchrasaṃjñe priyākṛte harṣamavāpa rājā / uvāca vākyaṃ kuśaketuputrīṃ kṛtaṃ vacaḥ subhru samīhitaṃ te // ### [2.23.23](https://indike.org/pramana/in.purana.narada.2.23.23) ramasva kāmaṃ maya sanniviṣṭasaṃpūrṇavāñchā karabhoru hṛṣṭā / vimuktakāryastava subhru hetornānyāsti nārī mama saukhyahetuḥ // ### [2.23.24](https://indike.org/pramana/in.purana.narada.2.23.24) sā tvevamuktā nijanāyakena praharṣamabhyetya jagāda bhūpam / jñātvā bhavantaṃ bahukāmayuktaṃ triviṣṭapānnātha samāgatāham // ### [2.23.25](https://indike.org/pramana/in.purana.narada.2.23.25) tyaktvāmarāndaityagaṇāṃśca sarvāngandharvayakṣoragarākṣasāṃśca / saṃdṛśyamānānmama nātha hetoḥ snehānvitāhaṃ tava mandarādrau // ### [2.23.26](https://indike.org/pramana/in.purana.narada.2.23.26) etatkāmaphalaṃ loke yaddvayorekacittatā / anyacetaḥ kṛtaḥ kāmaḥ śavayoriva saṃgamaḥ // ### [2.23.27](https://indike.org/pramana/in.purana.narada.2.23.27) saphalaṃ hi vapurme 'dya saphalaṃ rūpameva hi / tvayā kāmavatā kānta durllabhaṃ yajjagattraye // ### [2.23.28](https://indike.org/pramana/in.purana.narada.2.23.28) pronnatābhyāṃ kucābhyāṃ hi kāmino hṛdayaṃ yadi / saṃśliṣṭaṃ nahi śīryeta manye vajrasamaṃ dṛḍham / tadeva cāmṛtaṃ loke yatpurandhryadharāsavam // ### [2.23.29](https://indike.org/pramana/in.purana.narada.2.23.29) kucābhyāṃ hṛdi līnābhyāṃ mukhena paripīyate / evamuktvā pariṣvajya rājānaṃ rahasi sthitam // ### [2.23.30](https://indike.org/pramana/in.purana.narada.2.23.30) ramayāmāsa tanvaṅgī vātsyāyanavidhānataḥ / tasyaivaṃ ramamāṇasya mohinyā sahitasya hi // ### [2.23.31](https://indike.org/pramana/in.purana.narada.2.23.31) rukmāṅgadasya karṇābhyāṃ paṭahadhvanirāgataḥ / mattebhakuṃbhasaṃsthastu dharmāṅgadanideśataḥ // ### [2.23.32](https://indike.org/pramana/in.purana.narada.2.23.32) prātarharidinaṃ lokāstiṣṭhadhvaṃ tvekabhojanāḥ / akṣāralavaṇāḥ sarve haviṣyānnaniṣeviṇaḥ // ### [2.23.33](https://indike.org/pramana/in.purana.narada.2.23.33) avanītalpaśayanāḥ priyāsaṃgavivarjitāḥ / smaradhvaṃ devadeveśaṃ purāṇaṃ puruṣottamam // ### [2.23.34](https://indike.org/pramana/in.purana.narada.2.23.34) sakṛdbhojanasaṃyuktā upavāsaṃ kariṣyatha / akṛtaśrāddhanicayā aprāptāḥ piṇḍameva ca // ### [2.23.35](https://indike.org/pramana/in.purana.narada.2.23.35) gayāmagataputrāśca gacchadhvaṃ śrīhareḥ padam / eṣā kārtikaśuklā vai harernidrāvyapohinī // ### [2.23.36](https://indike.org/pramana/in.purana.narada.2.23.36) prātarekādaśī prāptā mā kṛthā bhojanaṃ kvacit / brahmahatyādipāpāni kāmakārakṛtāni ca // ### [2.23.37](https://indike.org/pramana/in.purana.narada.2.23.37) tāni yāsyanti sarvāṇi upoṣyemāṃ prabodhinīm / prabodhayeddharmmaparānnyāyācāra samanvitān // ### [2.23.38](https://indike.org/pramana/in.purana.narada.2.23.38) hareḥ prabodhamādhatte tenaiṣā bodhinī smṛtā / sakṛccopoṣitāṃ cemāṃ nidrācchedakarīṃ hareḥ // ### [2.23.39](https://indike.org/pramana/in.purana.narada.2.23.39) tanayo na bhavenmartyo na garbhe jāyate punaḥ / rurudhvaṃ cakriṇaḥ pūjāmātmavittena mānavāḥ // ### [2.23.40](https://indike.org/pramana/in.purana.narada.2.23.40) vastraiḥ puṣpairdhūpadīpairvaracandanakuṅkumaiḥ / suhṛdyaiśca phalairgandhairyajadhvaṃ śrīhareḥ padam // ### [2.23.41](https://indike.org/pramana/in.purana.narada.2.23.41) yo na kuryādvaco me 'dya dharmyaṃ viṣṇugatipradam / sa me daṇḍyaśca vādhyaśca nirvāsyo viṣayāddhruvam // ### [2.23.42](https://indike.org/pramana/in.purana.narada.2.23.42) evaṃvidhe vādyamāne paṭahe meghaniḥsvane / hastā damuñca tāṃbūlaṃ sakarpūraṃ nṛpottamaḥ // ### [2.23.43](https://indike.org/pramana/in.purana.narada.2.23.43) mohinīkucayorlagnaṃ hṛdayaṃ sa vikṛṣya vai / udattiṣṭhanmahīpālaḥ śayyāyāṃ rativarddhanaḥ // ### [2.23.44](https://indike.org/pramana/in.purana.narada.2.23.44) mohinīṃ mohakāmārttāṃ satviyan ślakṣṇayā girā / devi prātarharidinaṃ bhaviṣyatyadhanāśanam // ### [2.23.45](https://indike.org/pramana/in.purana.narada.2.23.45) saṃyato 'haṃ bhaviṣyāmi kṣamyatāṃ kṣamyatāmiti / tavājñayā mayā kṛcchraṃ sandhyāvalyā tu kāritam // ### [2.23.46](https://indike.org/pramana/in.purana.narada.2.23.46) iyamekādaśī kāryā prabodhakaraṇī mayā / aśeṣapāpabandhasya chedanī gatidāyinī // ### [2.23.47](https://indike.org/pramana/in.purana.narada.2.23.47) trayāṇāmapi lokānāṃ mahotsavavidhāyinī / tasmāddhaviṣyaṃ bhokṣye 'haṃ niyato mattagāminī // ### [2.23.48](https://indike.org/pramana/in.purana.narada.2.23.48) mayā saha viśālākṣi tvaṃ cāpi tamadhokṣajam / ārādhaya hṛṣīkeśamupavāsaparāyaṇā / yena yāsyasi nirvāṇaṃ dāhapralayavarjitam // ### [2.23.49](https://indike.org/pramana/in.purana.narada.2.23.49) mohinyuvāca sādhūktaṃ hi tvayā rājanpūjanaṃ cakrapāṇinaḥ / janmamṛtyujarāchedi kariṣye 'haṃ tavājñayā // ### [2.23.50](https://indike.org/pramana/in.purana.narada.2.23.50) pratijñā yā tvayā pūrvaṃ kṛtā mandaramastake / karapradānasahitā bhavatā sukṛtāṅkitā // ### [2.23.51](https://indike.org/pramana/in.purana.narada.2.23.51) tasyāstu samayaḥ prāpto dīyatāṃ sa hi me tvayā / janmaprabhṛti yatpuṇyaṃ tvayā yatnena saṃcitam // ### [2.23.52](https://indike.org/pramana/in.purana.narada.2.23.52) tatsarvaṃ naśyati kṣipraṃ na dadāsi varaṃ yadi / rukmāṅgada uvāca ehi cārvaṅgi karttāsmi yatte manasi vartate // ### [2.23.53](https://indike.org/pramana/in.purana.narada.2.23.53) nādeyaṃ vidyate kiñcittubhyaṃ me jīvitāvadhi / kiṃ punargrāmavittādi dharāyuktaṃ ca bhāmini // ### [2.23.54](https://indike.org/pramana/in.purana.narada.2.23.54) mohinyuvāca nātha kānta vibho rājan jīviteśa ratipriya / nopoṣyaṃ vāmaraṃ viṣṇorbhoktavyā yadyahaṃ priyā // ### [2.23.55](https://indike.org/pramana/in.purana.narada.2.23.55) na ca te 'haṃ priyā rājan suhūrtamapi kāmaye / tvatsaṃyogaṃ vinā bhūtā bhaviṣyāmi varaṃ vinā // ### [2.23.56](https://indike.org/pramana/in.purana.narada.2.23.56) tasmānmāṃ yadi vāñchethā bhoktuṃ satyaparāyaṇa / tadā tyajopavāsaṃ hi bhujyatāṃ harivāsare // ### [2.23.57](https://indike.org/pramana/in.purana.narada.2.23.57) eṣa eva varo deyo yo mayā prārthitaḥ purā / na ceddāsyasi rājendra bhūtvānṛtavacābhavān // ### [2.23.58](https://indike.org/pramana/in.purana.narada.2.23.58) yāsyate narake ghore yāvadābhūtasaṃplavam / rājovāca maivaṃ tvaṃ vada kalyāṇi nedaṃ tvayyupapadyate // ### [2.23.59](https://indike.org/pramana/in.purana.narada.2.23.59) vidheśca tanayā bhūtvā dharmavighnaṃ koroṣi kim / janmaprabhṛtyahaṃ naiva bhuktavānharivāsare // ### [2.23.60](https://indike.org/pramana/in.purana.narada.2.23.60) sa cādyāhaṃ kathaṃ bhoktā saṃjātapalitaḥ śubhe / yauvanātītamartyasya kṣīṇendriyabalasya ca // ### [2.23.61](https://indike.org/pramana/in.purana.narada.2.23.61) svarṇadīsevanaṃ yuktamathavā haripūjanam / na kṛtaṃ yanmayā bālye yauvane na kṛtaṃ ca yat // ### [2.23.62](https://indike.org/pramana/in.purana.narada.2.23.62) tadahaṃ kṣīṇavīryo 'dya kathaṃ kuryāṃ jugupsitam / prasīda capalāpāṅgi prasīda varavarṇini // ### [2.23.63](https://indike.org/pramana/in.purana.narada.2.23.63) mā kuruṣva vrate bhaṅgaṃ dātāhaṃ rājyasaṃpadām / athavā necchasi tvaṃ tatkaromyanyatsulocane // ### [2.23.64](https://indike.org/pramana/in.purana.narada.2.23.64) āropayitvā śibikāṃ vimānapratimāṃ śubhām / yatrecchasi nayiṣyāmi pādacārī kalatrayuk // ### [2.23.65](https://indike.org/pramana/in.purana.narada.2.23.65) yadi taccāpi necchestvaṃ vimānaṃ hi kṛtaṃ mayā / tarhi svarṇamayau staṃbhau kṛtvā vidrumabhūṣitau // ### [2.23.66](https://indike.org/pramana/in.purana.narada.2.23.66) muktāphalamayīṃ dolāṃ kariṣye tvatkṛte priye / tatra tvāṃ dolayiṣyāmi bahūnmāsānaharniśam // ### [2.23.67](https://indike.org/pramana/in.purana.narada.2.23.67) vratabhaṅgaṃ varārohe mā kuruṣva mama priye / varaṃ śvapacamāṃsaṃ hi śvamāṃsaṃ vā varānane // ### [2.23.68](https://indike.org/pramana/in.purana.narada.2.23.68) ātmano vā narairbhuktaṃ yairbhuktaṃ harivāsare / trailokyaghātinaḥ pāpaṃ maithune śaśinaḥ kṣaye // ### [2.23.69](https://indike.org/pramana/in.purana.narada.2.23.69) narasya saṃcaretpāpaṃ bhūtāyāṃ kṣaurakarmaṇi / bhojane vāsare viṣṇostaile ṣaṣṭyāṃ vyavasthite // ### [2.23.70](https://indike.org/pramana/in.purana.narada.2.23.70) lavaṇe tu tṛtīyāyāṃ saptamyāṃ piśite śubhe / ājyeṣu paurṇamāsyāṃ vai surāyāṃ ravisaṃkrame // ### [2.23.71](https://indike.org/pramana/in.purana.narada.2.23.71) gocārasya pralope ca kūṭasākṣyapradāyake / nikṣepahārake vāpi kumārīvighnakārake // ### [2.23.72](https://indike.org/pramana/in.purana.narada.2.23.72) viśvastaghātake cāpi mṛtavatsāpradogdhari / dadāmīti dvijāgryāya pratiśrutya na dātari // ### [2.23.73](https://indike.org/pramana/in.purana.narada.2.23.73) maṇikūṭe tulākūṭe kanyānṛtagavānṛte / yatpātakaṃ tadanne hi saṃsthitaṃ harivāsare // ### [2.23.74](https://indike.org/pramana/in.purana.narada.2.23.74) tadvidvāṃścārunayane kathaṃ bhokṣyāmi tāpakam / mohinyuvāca ekabhuktena naktena tathaivāyācitena ca // ### [2.23.75](https://indike.org/pramana/in.purana.narada.2.23.75) upavāsena rājendra dvādaśīṃ na hi laṅghayet / gurviṇīnāṃ gṛhasthānāṃ kṣīṇānāṃ rogiṇāṃ tathā // ### [2.23.76](https://indike.org/pramana/in.purana.narada.2.23.76) śiśūnāṃ valigātrāṇāṃ na yuktaṃ samupoṣaṇam / yajñabhogodyatānāṃ ca saṃgrāmakṣitisevinām // ### [2.23.77](https://indike.org/pramana/in.purana.narada.2.23.77) pativratānāṃ rājendra na yuktaṃ samupoṣaṇam / etanme gautamaḥ prāha sthitāyā mandarācale // ### [2.23.78](https://indike.org/pramana/in.purana.narada.2.23.78) nāvratena dinaṃ viṣṇorneyaṃ manujasattama / te gṛhasthā dvijā jñeyā yeṣāmagniparigrahaḥ // ### [2.23.79](https://indike.org/pramana/in.purana.narada.2.23.79) rājānaste tu vijñeyā ye prajāpālane sthitāḥ / gurviṇī hyaṣṭamamāsīyā śiśavaścāṣṭavatsarāḥ // ### [2.23.80](https://indike.org/pramana/in.purana.narada.2.23.80) atilaṅghaninaḥ kṣīṇā valigātrāstu vārddhakāḥ / ye vivāhādimāṅgalyakarmavyagrā mahotsavāḥ // ### [2.23.81](https://indike.org/pramana/in.purana.narada.2.23.81) nivṛttāśca pravṛttebhyo yajñānāṃ codyatā hi te / trividhena purāṇena bhartturyā strī hite ratā // ### [2.23.82](https://indike.org/pramana/in.purana.narada.2.23.82) pativratā tu sā jñeyā yonisaṃrakṣaṇā tathā / kimanyairbahubhirbhūpa vākyālāpakṛtairmayā // ### [2.23.83](https://indike.org/pramana/in.purana.narada.2.23.83) bhojane tu kṛte prītirekādaśyāṃ tvayā mama / na prītiryadi me chitvā śiraḥ svaṃ hi prayacchasi // ### [2.23.84](https://indike.org/pramana/in.purana.narada.2.23.84) na kariṣyasi cedrājan bhojanaṃ harivāsare / tadā hyasatyavacaso dehaṃ na sparśayāmi te // ### [2.23.85](https://indike.org/pramana/in.purana.narada.2.23.85) varṇānāmāśramāṇāṃ hi satyaṃ rājendra pūjyate / viśeṣādbhūmipālānāṃ tvadvidhānāṃ mahīpate // ### [2.23.86](https://indike.org/pramana/in.purana.narada.2.23.86) satyena sūryastapati śaśī satyenarājate / satye sthitā kṣitirbhūpa satyaṃ dhārayate jagat // ### [2.23.87](https://indike.org/pramana/in.purana.narada.2.23.87) satyena vāyurvahati satyena jvalate śikhī / satyā dhāramidaṃ sarvaṃ jagatsthāvarajaṅgamam // ### [2.23.88](https://indike.org/pramana/in.purana.narada.2.23.88) na satyāccālate siṃdhurna vindhyo varddhate nṛpa / na garbhaṃ yuvatī dhatte velātītaṃ kadācana // ### [2.23.89](https://indike.org/pramana/in.purana.narada.2.23.89) satye sthitā hi taravaḥ phalapuṣpapradarśinaḥ / divyādisādhanaṃ nṝṇāṃ satyādhāraṃ mahīpate // ### [2.23.90](https://indike.org/pramana/in.purana.narada.2.23.90) aśvamedhasahasrebhyaḥ satyameva viśiṣyate / madirāpānatulyena karmaṇā lipyase 'nṛtāt // ### [2.23.90.p1](https://indike.org/pramana/in.purana.narada.2.23.90.p1) iti śrībṛhannāradīyapurāṇottarabhāge rukmāṅgadasaṃlāpo nāma trayoviṃśo 'dhyāyaḥ ## Linked texts (4) - [Kṛṣṇāmṛtamahārṇava](https://indike.org/pramana/in.sampradaya.vaisnava.madhva.acara.krsnamrtamaharnava.177) — Madhva, Sanskrit - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.100.65.1) — Sanskrit - [Subhāṣitaratnabhāṇḍāgāra](https://indike.org/pramana/in.lit.subhasita.subhasita.adhunika.subhasitaratnabhandagara.7.1.258) — Kāśīnātha Pāṇḍuraṅga Paraba 1886, Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.6.p16) — Devaṇṇabhaṭṭa, Sanskrit ## Discussed in (1) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s13.4) — Hazra 1940, English --- Source: [https://indike.org/pramana/in.purana.narada.2.23](https://indike.org/pramana/in.purana.narada.2.23) · Pramāṇa