[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.26 # Naradapurana 2.26: athaṣaḍviṃśo'dhyāyaḥ Nāradapurāṇa 2.26 - **Language:** Sanskrit ## Contents - [2.26.17](https://indike.org/pramana/in.purana.narada.2.26.17) — 1 part ### athaṣaḍviṃśo'dhyāyaḥ ### [2.26.1](https://indike.org/pramana/in.purana.narada.2.26.1) rājovāca kīrtirnaśyatu me putra hyanṛtī vā bhavāmyaham / gato vā narakaṃ ghoraṃ kathaṃ bhokṣye harerdine // ### [2.26.2](https://indike.org/pramana/in.purana.narada.2.26.2) brahmaṇo nilayaṃ yātu devīyaṃ mohinī suta / bhūyo bhūyo vadati māṃ durmedhāśca subāliśā // ### [2.26.3](https://indike.org/pramana/in.purana.narada.2.26.3) nāparaṃ kāmaye rājyaṃ vasudhāṃ vasu kiñcana / muktvaivaṃ vāsare viṣṇorbhojanaṃ pāpanāśane // ### [2.26.4](https://indike.org/pramana/in.purana.narada.2.26.4) yadyahaṃ kutsitāṃ yoniṃ vrajeyaṃ krimisaṃjñitām / tathāpi naiva kartāhaṃ bhojanaṃ harivāsare // ### [2.26.5](https://indike.org/pramana/in.purana.narada.2.26.5) eṣā gurutarā bhūtvā lokānāṃ śikṣayānvitā / dundubhī kurvatī nādaṃ sā kathaṃ vitathā bhavet // ### [2.26.6](https://indike.org/pramana/in.purana.narada.2.26.6) abhakṣyabhakṣaṇaṃ kṛtvā agamyāgamanaṃ tathā / apeyaṃ caiva pītvā tu kiṃ jīveccharadaḥ śatam // ### [2.26.7](https://indike.org/pramana/in.purana.narada.2.26.7) asatyaṃ vāpi kṛtvāhaṃ tyaktarājyanayaḥ kṣitau / dhikkṛto 'pi janaiḥ sarvairna bhokṣye harivāsare // ### [2.26.8](https://indike.org/pramana/in.purana.narada.2.26.8) viyoge capalāpāṅgyā yadi cenmaraṇaṃ mama / taccāpi varamevātra na bhokṣye harivāsare // ### [2.26.9](https://indike.org/pramana/in.purana.narada.2.26.9) kathaṃ harṣamahaṃ kartā mārtaṇḍatanayasya vai / vrajadbhirmanujairmārge nirayasyātiduḥkhitaiḥ // ### [2.26.10](https://indike.org/pramana/in.purana.narada.2.26.10) yāstu śūnyāḥ kṛtāstāta mayā narakapaṅktayaḥ / janaiḥ pūrṇā bhaviṣyanti mayi bhukte tu tāḥ suta // ### [2.26.11](https://indike.org/pramana/in.purana.narada.2.26.11) māsma sīmantinī putra kukṣau saṃdhārayetsutam / samartho yastu śatrūṇāṃ harṣaṃ saṃjanayedbhuvi // ### [2.26.12](https://indike.org/pramana/in.purana.narada.2.26.12) bhojanaṃ vāsare viṣṇoretadeva hiyācate / tanna dāsyāmi mohinyā yācito 'pi surāsuraiḥ // ### [2.26.13](https://indike.org/pramana/in.purana.narada.2.26.13) pibedviṣaṃ viśedvahniṃ nipatetparvatāgrataḥ / ākāśabhāsā svaśiraśchindyādeva varāsinā // ### [2.26.14](https://indike.org/pramana/in.purana.narada.2.26.14) na bhokṣyate haridine rājā rukmāṅgadaḥ kṣitau / rukmāṅgadeti mannāma prasiddhaṃ bhuvanatraye // ### [2.26.15](https://indike.org/pramana/in.purana.narada.2.26.15) ekādaśyupavāsena tanmayā saṃcitaṃ yaśaḥ / sa kathaṃ bhojanaṃ kṛtvā nāśaye svakṛtaṃ yaśaḥ // ### [2.26.16](https://indike.org/pramana/in.purana.narada.2.26.16) mriyate yadi vā gacchati nipatati naśyecca khaṇḍaśo vāpi / viramati tadapi na ceto māmakamiti mohinīhetoḥ // ### [2.26.17](https://indike.org/pramana/in.purana.narada.2.26.17) parityajāmyeṣa nijaṃ hi jīvitaṃ lokaiḥ sametaḥ sahadārabhṛtyaiḥ / na tveva kuryāṃ madhusūdanasya dine supuṇye 'nnaniṣevaṇaṃ hi // ### [2.26.17.p1](https://indike.org/pramana/in.purana.narada.2.26.17.p1) iti śrībṛhannāradīyapurāṇottarabhāge mohinīcarite ṣaḍvaviṃśo 'dhyāyaḥ ## Linked texts (1) - [Rukmāṅgadacaritra](https://indike.org/pramana/in.purana.rukmangadacaritra.102.18) — Sanskrit --- Source: [https://indike.org/pramana/in.purana.narada.2.26](https://indike.org/pramana/in.purana.narada.2.26) · Pramāṇa