[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.27 # Naradapurana 2.27 Nāradapurāṇa 2.27 - **Language:** Sanskrit ## Contents - [2.27.154](https://indike.org/pramana/in.purana.narada.2.27.154) — 1 part ### [2.27.1](https://indike.org/pramana/in.purana.narada.2.27.1) adastadā / āhūya jananīṃ śīghraṃ nāmnā saṃdhyāvalīṃ śubhām // ### [2.27.2](https://indike.org/pramana/in.purana.narada.2.27.2) sūryāyuta samaprakhyāṃ tejasā rucirastanām / pālayantīṃ dharāṃ sarvāṃ pādavinyāsavikramaiḥ // ### [2.27.3](https://indike.org/pramana/in.purana.narada.2.27.3) putrasya vacanātprāptā tatkṣaṇaṃ nṛpasannidhau / śrāvitā mohinī vākyaṃ piturvākyaṃ tathaiva ca // ### [2.27.4](https://indike.org/pramana/in.purana.narada.2.27.4) ubhayoḥ saṃvidaṃ kṛtvā parisāṃtvayya mohinīm / bhojanāya sthitāmenāṃ nṛpasya harivāsare // ### [2.27.5](https://indike.org/pramana/in.purana.narada.2.27.5) yathā no cyavate satyādyathā bhuṅkte na me pitā / tathā vidhīyatāmevaṃ kuśalaṃ cobhayorbhavet // ### [2.27.6](https://indike.org/pramana/in.purana.narada.2.27.6) tatputravacanaṃ śrutvā devī saṃdhyāvalī nṛpa / mohinīṃ ślakṣṇayā vācā prāha brahmasutā tadā // ### [2.27.7](https://indike.org/pramana/in.purana.narada.2.27.7) māgrahaṃ kuru vāmoru kathañcidapi bhūpatiḥ / nāsvādayati pāpānna saṃprāpte harivāsare // ### [2.27.8](https://indike.org/pramana/in.purana.narada.2.27.8) anuvartaya rājāna gurureṣa sanātanaḥ / sadā bhavati yā nārī bharturvacanakāriṇī // ### [2.27.9](https://indike.org/pramana/in.purana.narada.2.27.9) tasyāḥ syurakṣayayā lokāḥ sāvitryāstu yathāmalāḥ / yadyanena purā devi tava dattaḥ karo girau // ### [2.27.10](https://indike.org/pramana/in.purana.narada.2.27.10) kāmārtena vimūḍhena tanna yo 'gyaṃ vicintitam / yaddeyaṃ taddadātyeṣa hyadeyaṃ prārthayasva mā // ### [2.27.11](https://indike.org/pramana/in.purana.narada.2.27.11) vipattirapi bhadraiva sanmārge saṃsthitasya tu / na bhuktaṃ yena subhage śaiśave 'pi harerdine // ### [2.27.12](https://indike.org/pramana/in.purana.narada.2.27.12) sa kathaṃ bhokṣyate puṇye mādhavasya dine 'dhunā / kāmaṃ varaya vāmoruvaramanyaṃ sudurlabham // ### [2.27.13](https://indike.org/pramana/in.purana.narada.2.27.13) taṃ dadātyeva bhūpālo nivṛttā bhava bhojane / manyase yadi māṃ devi dharmāṅgadavirohiṇīm // ### [2.27.14](https://indike.org/pramana/in.purana.narada.2.27.14) asmajjīvitasaṃyuktaṃ rājyaṃ varaya suvrate / saptadvīpasametaṃ hi sasaridvanaparvatam // ### [2.27.15](https://indike.org/pramana/in.purana.narada.2.27.15) kaniṣṭhāyā variṣṭhāhaṃ kariṣye pādavandanam / bharturarthe viśālākṣi prasīda tanumadhyame // ### [2.27.16](https://indike.org/pramana/in.purana.narada.2.27.16) vācā śapathadoṣaistu saṃnirudhya patiṃ hi yā / akāryaṃ kārayetpāpā sā nārī niraye vaset // ### [2.27.17](https://indike.org/pramana/in.purana.narada.2.27.17) sā cyutā narakāddhorātsaptajanmāni pañca ca / sūkarīṃ yonimāpnoti cāṇḍālīṃ ca tataḥ param // ### [2.27.18](https://indike.org/pramana/in.purana.narada.2.27.18) evaṃ jñātvā mayā devi vikriyāṃ pāpasaṃbhavām / nivāritāsi vāmoru sakhībhāvena suṃdari // ### [2.27.19](https://indike.org/pramana/in.purana.narada.2.27.19) vipakṣasyāpi sadbuddhirdātavyā dharmamicchatā / kiṃ punaḥ sakhisaṃsthāyāstava padmanibhānane // ### [2.27.20](https://indike.org/pramana/in.purana.narada.2.27.20) saṃdhyā valīvacaḥ śrutvā mohinī mohakāriṇī / uvāca kanakābhāṃ tāṃ bharturjyeṣṭhāṃ priyāṃ tadā // ### [2.27.21](https://indike.org/pramana/in.purana.narada.2.27.21) mānanīyāsi me subhru karomi vacanaṃ tava / vidvadbhirmunibhiryyattu gīyate nāradādibhiḥ // ### [2.27.22](https://indike.org/pramana/in.purana.narada.2.27.22) yadi tannācaredrājā bhojanaṃ harivāsare / kriyatāmaparaṃ devi maraṇādadhikaṃ tava // ### [2.27.23](https://indike.org/pramana/in.purana.narada.2.27.23) mamāpi duḥkhadaṃhyetaddaivājjalpāmyahaṃ śubhe / kasyeṣṭamātmahananaṃ kasyeṣṭaṃ viṣabhakṣaṇam // ### [2.27.24](https://indike.org/pramana/in.purana.narada.2.27.24) patanaṃ vā girermūrdhraḥ krīḍā vāpi bileśayaiḥ / vyāghrasiṃhābhigamanaṃ samudrataraṇaṃ tathā // ### [2.27.25](https://indike.org/pramana/in.purana.narada.2.27.25) daruktānṛtavākyaṃ vā paradārābhimarśanam / apathyabhakṣaṇaṃ loke tathābhakṣyasya bhakṣaṇam // ### [2.27.26](https://indike.org/pramana/in.purana.narada.2.27.26) mṛgāṭanamathākṣairvā krīḍanaṃ sāhasaṃ tathā / chedanaṃ tṛṇakāṣṭhānāṃ loṣṭānāmavamarddanam // ### [2.27.27](https://indike.org/pramana/in.purana.narada.2.27.27) hiṃsanaṃ sūkṣmadevānāṃ jalapāvakakhelanam / daivāviṣṭo varārohe naraḥ sarvaṃ karoti vai // ### [2.27.28](https://indike.org/pramana/in.purana.narada.2.27.28) trivargavicyutaṃ ghoraṃ yaśodehaharaṃ kṣitau / narakārhe naro devi karotyaśubhakarma tat // ### [2.27.29](https://indike.org/pramana/in.purana.narada.2.27.29) sāhaṃ pāpā durācārā vaktukāmā sunirghṛṇam / yādṛśena hi bhāvena yonau śukraṃ samutsṛjet // ### [2.27.30](https://indike.org/pramana/in.purana.narada.2.27.30) tādṛśena hi bhāvena saṃtānaṃ saṃbhavediti / sāhaṃ vivādabhāvena rājño rukmāṅgadasya hi // ### [2.27.31](https://indike.org/pramana/in.purana.narada.2.27.31) jātā jalajajātena strīrūpā varavarṇinī / duṣṭabhāvā tathā jātā kartrī duṣṭaṃ nṛpasya tu // ### [2.27.32](https://indike.org/pramana/in.purana.narada.2.27.32) na lagnaṃ na grahā devi na horā puṇyadarśinī / tatkālabhāvanā grāhyā tadbhāvo jāyate sutaḥ // ### [2.27.33](https://indike.org/pramana/in.purana.narada.2.27.33) tena bhāvena jātasya dākṣiṇyaṃ nopapadyate / na ca vrīḍā na ca sneho na dharmo devi vidyate // ### [2.27.34](https://indike.org/pramana/in.purana.narada.2.27.34) jānannapi yathāyuktastaṃ bhāvamanuvartate // ### [2.27.35](https://indike.org/pramana/in.purana.narada.2.27.35) vakṣye vacaḥ prāṇaharaṃ tavādhunā bhartuḥ salokasya vadhūjanasya / dharmāpahaṃ vācyakaraṃ mamāpi kartuṃ na śakyaṃ manasāpi bhīru // ### [2.27.36](https://indike.org/pramana/in.purana.narada.2.27.36) karoṣi vākyaṃ yadi māmakaṃ hi bhavecca kīrtirmahatīha loke / bharturyaśaḥ syāttridive gatiste putre praśaṃsā mama dhigvivādaḥ // ### [2.27.37](https://indike.org/pramana/in.purana.narada.2.27.37) vasiṣṭha uvāca mohinīvacanaṃ śrutvā devī saṃdhyāvalī vibho / dhairyamālaṃbya tāṃ tanvīṃ brūhi brūhītyacodayat // ### [2.27.38](https://indike.org/pramana/in.purana.narada.2.27.38) kīdṛśaṃ vadase vākyaṃ yena duḥkhaṃ bhavenmama / bharturme satyakaraṇe na duḥkhaṃ jāyate kvacit / ātmano nidhane vāpi putrasya nidhane 'pi vā / bharturarthe prakurvantyā rājyanāśe na me vyathā // ### [2.27.39](https://indike.org/pramana/in.purana.narada.2.27.39) yasyā duḥkhī bhavedbhartā bhāryāyā varavārṇinī / samṛddhāyāḥ sapāpāyāstasyāḥ proktā hyadhogatiḥ // ### [2.27.40](https://indike.org/pramana/in.purana.narada.2.27.40) sā yāti narakaṃ pāpā pūyākhyaṃ yugasaptatim / tataśchuchundarī syācca sapta janmāni bhārate // ### [2.27.41](https://indike.org/pramana/in.purana.narada.2.27.41) tataḥ kākī tataḥ śyālī godhā gotvena śuddhyati / bharturarthe tu yā vitteṃ vidyamānaṃ na yacchati // ### [2.27.42](https://indike.org/pramana/in.purana.narada.2.27.42) jīvitaṃ vā varārohe viṣṭhāyāṃ sā bhavetkrimiḥ / krimiyonivinirmuktā kāṣṭhīlā jāyate śubhe // ### [2.27.43](https://indike.org/pramana/in.purana.narada.2.27.43) mama kaumārabhāve tu matpituḥ kāṣṭhapāṭakaḥ / agniprajvālanātha hi kāṣṭhaṃ pāṭayate ciram // ### [2.27.44](https://indike.org/pramana/in.purana.narada.2.27.44) sakhībhiḥ sahitā cāhaṃ krīḍāsaṃsaktamānasā / kāṣṭhaṃ pāṭayatastasya samīpamagamaṃ tadā // ### [2.27.45](https://indike.org/pramana/in.purana.narada.2.27.45) tatra dṛṣṭā mayā subhru kāṣṭhīlā dārunirgatā / navanītanibhaṃ dehaṃ bibhrāṇā cāñjanatviṣam // ### [2.27.46](https://indike.org/pramana/in.purana.narada.2.27.46) kaniṣṭhikāṅgulisamā sthaulye hyaṅgulimānikā / tāṃ dṛṣṭvā patitāṃ bhūmau hantuṃ dhvāṅkṣaḥ samāgataḥ // ### [2.27.47](https://indike.org/pramana/in.purana.narada.2.27.47) yāvadgṛhṇāti vaktreṇa kāṣṭhīlāṃ kṣudhitaḥ sa tu / tāvannivāritaḥ sadyo mayā loṣṭena tatkṣaṇāt // ### [2.27.48](https://indike.org/pramana/in.purana.narada.2.27.48) sā muktā tāḍitenetthaṃ vāyasena varānane / sakṣatā tuṇḍasaṃspṛṣṭā na ca śaktā palāyitum // ### [2.27.49](https://indike.org/pramana/in.purana.narada.2.27.49) tataḥ sā vepamānā tu prāṇatyāgamupāgamat / siktā kiñcijjalainaiva tataḥ svāsthyamupāgatā // ### [2.27.50](https://indike.org/pramana/in.purana.narada.2.27.50) tatataḥ sā mānuṣīvācā māmāha varavarṇinī / saṃdhyāvalīti saṃbodhya sakhīmadhyasamāsthitām // ### [2.27.51](https://indike.org/pramana/in.purana.narada.2.27.51) sumantunāmno hi muneḥ sarvajñasya sutābhavam / pūrvajanmani patnī ca kaiṇḍinyasya śubhānane // ### [2.27.52](https://indike.org/pramana/in.purana.narada.2.27.52) nyavasaṃ kānyakubje tu susamṛddhā sudarpitā / jananyā bandhuvargasya pituriṣṭatamā hyaham // ### [2.27.53](https://indike.org/pramana/in.purana.narada.2.27.53) pitrā dattā tataścāhaṃ kaiṇḍinyāya mahātmane / kulīnāya sarūpāya strīsaṃgarahitāya ca // ### [2.27.54](https://indike.org/pramana/in.purana.narada.2.27.54) śayanīyādikaṃ dattaṃ yautukaṃ janakena me / śvaśureṇāpi me dattaṃ suvarṇasyāyutaṃ purā // ### [2.27.55](https://indike.org/pramana/in.purana.narada.2.27.55) pitṛśvaśūravittābhyāṃ paripūrṇābhavaṃ tadā / gomahiṣyādisaṃyuktā dhanadhānyasamanvitā // ### [2.27.56](https://indike.org/pramana/in.purana.narada.2.27.56) iṣṭā śvaśurayośvāhaṃ sauśīnyena janasya ca / kālena pañcatāṃ prāptaḥ śvaśuro vedatattvavit // ### [2.27.57](https://indike.org/pramana/in.purana.narada.2.27.57) taṃ mṛtaṃ patimādāya śvaśrūragniṃ viveśa sā / tato bhartāñjaliṃ datvā pitroḥ śrāddhamathākarot // ### [2.27.58](https://indike.org/pramana/in.purana.narada.2.27.58) gate māsadvaye devi bhartā me rājamandiram / gataḥ kautukabhāvenahṛcchayena prapīḍitaḥ // ### [2.27.59](https://indike.org/pramana/in.purana.narada.2.27.59) tatra veśyāḥ surūpāḍhyā yauvanena samanvitāḥ / praviśatyāṃ nṛpagṛhe dṛṣṭāstena dvijanmanā // ### [2.27.60](https://indike.org/pramana/in.purana.narada.2.27.60) tāsāṃ madhyāttu dve gṛhyavittadānena bhūriṇā / svagṛhe dhārayāmāsa krīḍārthaṃ durmatiḥ patiḥ // ### [2.27.61](https://indike.org/pramana/in.purana.narada.2.27.61) tābhyāṃ vittamaśeṣaṃ tu kṣayaṃ nītaṃ niṣevaṇāt / varṣatraye gate devi nisvo jātaḥ patirmama // ### [2.27.62](https://indike.org/pramana/in.purana.narada.2.27.62) tatā māṃ prārthayāmāsa dehi me 'ṅgavibhūṣaṇam / tanmayā nahi dattaṃ tu bhartre vyasanine tadā // ### [2.27.63](https://indike.org/pramana/in.purana.narada.2.27.63) subhage sarvamādāya gatāhaṃ mandiraṃ pituḥ / tataḥ pitṛgṛhe vittaṃ bhṛtyādikamaśeṣataḥ // ### [2.27.64](https://indike.org/pramana/in.purana.narada.2.27.64) vikrīya dattaṃ vaiśyābhyāṃ taccāpi kṣayamāgatam / kṣetradhānyādikaṃ yacca sabhāṇḍaṃ saparicchadam // ### [2.27.65](https://indike.org/pramana/in.purana.narada.2.27.65) svalpamūlyena vikrīyagato nadanadīpatim / nāvamāruhya me bhartā viveśāntarmahodadheḥ // ### [2.27.66](https://indike.org/pramana/in.purana.narada.2.27.66) sa gato dūramadhvānaṃ paśyamāno 'dbhutāni ca / śubhe samudrajātāni jīvaceṣṭhāṅkitāni ca // ### [2.27.67](https://indike.org/pramana/in.purana.narada.2.27.67) prabhañjanavaśaṃ prāptā sā naukā śatayojanam / gatā viśīrṇatāṃ tatra mṛtāste nāvamāśritāḥ // ### [2.27.68](https://indike.org/pramana/in.purana.narada.2.27.68) matpatirdaivayogena dīrgha kāṣṭhaṃ samāśritaḥ / vāyunā nīyamāno 'sau prācīnena svakarmaṇā // ### [2.27.69](https://indike.org/pramana/in.purana.narada.2.27.69) āsasādācalaṃ devi ratnaśṛṅgavibhūṣitam / bahunir jharaṇopetaṃ bahupakṣisamanvitam // ### [2.27.70](https://indike.org/pramana/in.purana.narada.2.27.70) bahuvṛkṣaiḥ samākīrṇaṃ nānāpuṣpaphalopagaiḥ / ullikhantaṃ hi śikharaiḥ khamadhyaṃ svātmanastribhiḥ // ### [2.27.71](https://indike.org/pramana/in.purana.narada.2.27.71) taṃ dṛṣṭvā parvataṃ divyaṃ tyaktvā naukāṣṭhamadbhutam / āruroha mudāyukto vittākāṅkṣī sulocane // ### [2.27.72](https://indike.org/pramana/in.purana.narada.2.27.72) viśaśrāma muhūrtaṃ tu kṣutpipāsāsamanvitaḥ / tata utthāya bhakṣyārthaṃ vṛkṣāṃstatra vyalokayat // ### [2.27.73](https://indike.org/pramana/in.purana.narada.2.27.73) supakvāstatra mṛdvīkā dṛṣṭvā bhuktvā mudānvitaḥ / śāntiṃ prāptastato 'paśyatsālamekaṃ sunirmalam // ### [2.27.74](https://indike.org/pramana/in.purana.narada.2.27.74) ghanacchāyaṃ meghanibhaṃ pañcāśatpuruṣocchrayam / tasyādhastātsa suṣvāpa svottarīyaṃ prasārya ca // ### [2.27.75](https://indike.org/pramana/in.purana.narada.2.27.75) mohinyā nidrayā caiva saṃpraghūrṇitalocanaḥ / tāvatsupto 'tikhinno 'sau yāvatsūryo 'statāṃ gataḥ // ### [2.27.76](https://indike.org/pramana/in.purana.narada.2.27.76) sūrye 'staṃ samanuprāpte samāyāte niśāmukhe / abhyagādrākṣaso ghoro garjamāno yathā ghanaḥ // ### [2.27.77](https://indike.org/pramana/in.purana.narada.2.27.77) aṅkenādāya tanvaṅgīṃ sītāmiva daśānanaḥ / śubhāṃ kāśīpateḥ putrīṃ nāmnā ratnāvalīṃ śubhām // ### [2.27.78](https://indike.org/pramana/in.purana.narada.2.27.78) adhautapādāṃ suśroṇīṃ saumyadikchīrṣaśāyinīm / patikāmā kumārī sā nāvindatsadṛśaṃ patim // ### [2.27.79](https://indike.org/pramana/in.purana.narada.2.27.79) sarvayoṣidvarā bālā rudatī nidrayākulā / pitā tasyāḥ pradāne tu cintāviṣṭo hyaharnniśam // ### [2.27.80](https://indike.org/pramana/in.purana.narada.2.27.80) dīpacchāyāśrite tanvi śayane sā vyavasthitā / aṭamānena pāpena dṛṣṭā sā rūpaśālinī // ### [2.27.81](https://indike.org/pramana/in.purana.narada.2.27.81) dīparatnaiḥ sukhacite dhārayantī ca kaṅkaṇe / ubhayordaśa ratnāni niṣke ca daśapañca ca // ### [2.27.82](https://indike.org/pramana/in.purana.narada.2.27.82) sīmante sapta ratnāni keyūre 'ṣṭau ca pañca ca / evaṃ ratnācitāṃ bālāṃ śātakumbhasamaprabhām // ### [2.27.83](https://indike.org/pramana/in.purana.narada.2.27.83) jahāra rājabhavanāttāṃ tadā cāruhāsinīm / vāyumārgaṃ samāśritya kṣaṇātprāptaḥ svamālayam // ### [2.27.84](https://indike.org/pramana/in.purana.narada.2.27.84) taṃ parvataṃ sa yatrāste patirmeśālamāśritaḥ / tatra tasya guhāṃ dṛṣṭvā suvarṇasadṛśaprabhām // ### [2.27.85](https://indike.org/pramana/in.purana.narada.2.27.85) tadbhayasyāsahā tatra praviveśāsya paśyataḥ / anekairmaṇivinyāsaiḥ saṃyuktāṃ citramandirām // ### [2.27.86](https://indike.org/pramana/in.purana.narada.2.27.86) nānādravyasamākīrṇāṃ śayanāsanasaṃyutām / bhojanaiḥ pānapātraiśca bhakṣyabhojyairanekadhā // ### [2.27.87](https://indike.org/pramana/in.purana.narada.2.27.87) praviśya tatra śayyāyāṃ mumocotpalalocanām / rudatīmatisaṃtrastāṃ pīnaśroṇipayodharām // ### [2.27.88](https://indike.org/pramana/in.purana.narada.2.27.88) tasyāstu ruditaṃ śrutvā tasya bhāryā hi rākṣasī / ājagāma tvarāyuktā yatrāsau rākṣasaḥ sthitaḥ // ### [2.27.89](https://indike.org/pramana/in.purana.narada.2.27.89) tāṃ dṛṣṭvā cārusarvāṅgīṃ taptakāñcanasaprabhām / papraccha nijabhartāraṃ kruddhā nirbhartsatī satī // ### [2.27.90](https://indike.org/pramana/in.purana.narada.2.27.90) kimarthamāhṛtā ceyaṃ jīvantyāṃ mayi nirghṛṇaṃ / anyāṃ samīhase bhāryāṃ nāhaṃ bhāryāṃ bhavāmi te // ### [2.27.91](https://indike.org/pramana/in.purana.narada.2.27.91) evaṃ bruvāṇāṃ tāṃ bhartā rākṣasīmasitekṣaṇām / uvāca rākṣaso harṣātsvāṃ priyāṃ cārulocanām // ### [2.27.92](https://indike.org/pramana/in.purana.narada.2.27.92) tvadarthamāhṛtaṃ bhakṣyaṃ mayā kośyāḥ śubhānane / daivopapāditaṃ dvāri dvitīyaṃ mama tiṣṭhati // ### [2.27.93](https://indike.org/pramana/in.purana.narada.2.27.93) śālavṛkṣāśritaḥ śete vipraścaiko varānane / tamānaya tvarāyuktā yenāhaṃ bhakṣyamācare // ### [2.27.94](https://indike.org/pramana/in.purana.narada.2.27.94) rākṣasasya vacaḥ śrutvā kumārī sābravīdidam / mithyā rākṣasi bhartā te bhāṣate tvadbhayādayam // ### [2.27.95](https://indike.org/pramana/in.purana.narada.2.27.95) jñātvā tvāṃ jarayopetāṃ virūpāmatijihyagām / suptāṃ pitṛgṛhe rātrau māṃ samāsādya kāmataḥ // ### [2.27.96](https://indike.org/pramana/in.purana.narada.2.27.96) anūḍhāṃ rudatīṃ bhadre bhāryārthaṃ samupānayat / itīritamupākarṇya vacanaṃ rājakanyayā // ### [2.27.97](https://indike.org/pramana/in.purana.narada.2.27.97) krodhayuktātimātraṃ vai babhūva kṣipatī vacaḥ / tasyāśca rūpamālokya satyamevāvadhārayat // ### [2.27.98](https://indike.org/pramana/in.purana.narada.2.27.98) cintayāmāsa cāpyevaṃ bhāryārthe hyāhṛteti ca / avaśyaṃ mūrghniṃ kīlaṃ me roṣayiṣyati rākṣasaḥ // ### [2.27.99](https://indike.org/pramana/in.purana.narada.2.27.99) māsma sīmantinī kācidbhevatsā bhuvanatraye / yā sāpatnyena duḥkhena pīḍyamānā hi jīvati // ### [2.27.100](https://indike.org/pramana/in.purana.narada.2.27.100) sarveṣāmeva duḥkhānāṃ mahaccedaṃ na saṃśayaḥ / sāmānyadravyabhogādi niṣṭhā caivāparā bhavet // ### [2.27.101](https://indike.org/pramana/in.purana.narada.2.27.101) evaṃ sā bahu saṃcintya bhartāraṃ vākyamabravīt / madīyā mama bhakṣyārthaṃ tvayānītā sulocanā // ### [2.27.102](https://indike.org/pramana/in.purana.narada.2.27.102) taṃ vipramānayiṣyāmi bhakṣyārthaṃ tava suvrata / tataḥ sa rākṣasaḥ prāha gacchagaccheti satvaram // ### [2.27.103](https://indike.org/pramana/in.purana.narada.2.27.103) sṛkkiṇī sravate 'tyarthaṃ tasya bhakṣaṇakāmyayā / tataḥ sā rākṣasī ghorā śrutvā patisamīritam // ### [2.27.104](https://indike.org/pramana/in.purana.narada.2.27.104) nirjagāma durantāśā dadarśa dvijasattamam / rūpayauvanasaṃyuktaṃ vidyāratnavibhūṣitam // ### [2.27.105](https://indike.org/pramana/in.purana.narada.2.27.105) taṃ dṛṣṭvā māyayā bhūtvā suṃdarī ṣoḍaśābdikā / hṛcchayena samāviṣṭā tadantikamupāgamat // ### [2.27.106](https://indike.org/pramana/in.purana.narada.2.27.106) abravītsā pṛthuśroṇī taṃ vipraṃ prītisaṃyutā / kastvaṃ kasmādihāyataḥ kimarthamiha tiṣṭhasi // ### [2.27.107](https://indike.org/pramana/in.purana.narada.2.27.107) pṛcchāmi patikāmāhaṃ rākṣasī hṛcchayāturā / svabhartrāhaṃ parityaktā tvāṃ patiṃ kartumāgatā // ### [2.27.108](https://indike.org/pramana/in.purana.narada.2.27.108) tacchrutvā vacanaṃ tasyā bhartā me bhayasaṃyutaḥ / uvāca vacanaṃ prājño dhairyamālaṃbya tāṃ śubhe // ### [2.27.109](https://indike.org/pramana/in.purana.narada.2.27.109) rakṣomānuṣasaṃyogaḥ kathaṃ rākṣasi saṃbhavet / mānuṣāstu smṛtā bhakṣyā rākṣasānāṃ na saṃśayaḥ // ### [2.27.110](https://indike.org/pramana/in.purana.narada.2.27.110) tacchrutvā vacanaṃ sā tu punastaṃ prāha sādaram / asaṃbhāvyaṃ ca jagati saṃbhaveddaivayogataḥ // ### [2.27.111](https://indike.org/pramana/in.purana.narada.2.27.111) purāṇe śrūyate hyetadbhaviṣyaṃ bhārate sthitam / hiḍaṃbā rākṣasī vipra bhīmabhāryā bhaviṣyati // ### [2.27.112](https://indike.org/pramana/in.purana.narada.2.27.112) mānuṣotpāditaḥ putro bhaviṣyati ghaṭotkacaḥ / avadhyaḥ sarvaśastrāṇāṃ śaktyā mṛtyumavāpsyati // ### [2.27.113](https://indike.org/pramana/in.purana.narada.2.27.113) tasmādviṣādaṃ mā viprakuru tvaṃ daivayogataḥ / bhāryā tavāhaṃ saṃjātā dava hi balavattaram // ### [2.27.114](https://indike.org/pramana/in.purana.narada.2.27.114) martyalokaṃ gate śaktre vairocaninirīkṣaṇe / tadantaraṃ samāsādya bhartā me ghorarākṣasaḥ // ### [2.27.115](https://indike.org/pramana/in.purana.narada.2.27.115) tadgṛhācchaktimaharaddīptāmagriśikhāmiva / seyaṃ samāśritā cātra śālavṛkṣe tu vāsavī // ### [2.27.116](https://indike.org/pramana/in.purana.narada.2.27.116) ahatvaikaṃ dvijaśreṣṭha nagacchati purandaram / yadvadhāya prakṣipettāṃ so 'maro 'pi vinaśyati // ### [2.27.117](https://indike.org/pramana/in.purana.narada.2.27.117) sāhamāruhya śālāgraṃ śaktimānīya bhāsvarām / tvatkare saṃpradāsyāmi bharturnidhanakāmyayā // ### [2.27.118](https://indike.org/pramana/in.purana.narada.2.27.118) yadi tvamanayā śaktyā na hiṃsasi niśācaram / khādayiṣyati durmedhāstvāṃ ca māṃ ca na saśayaḥ // ### [2.27.119](https://indike.org/pramana/in.purana.narada.2.27.119) tava śatrurmahāneṣa mamāpi ca parantapa / yenāhṛtā kumārīha bhāryārthaṃ mandabuddhinā // ### [2.27.120](https://indike.org/pramana/in.purana.narada.2.27.120) sapatnabhāvo janito mama bhartrā durātmanā / vyāpādite 'sminnubhayoḥ krīḍanaṃ saṃbhaviṣyati // ### [2.27.121](https://indike.org/pramana/in.purana.narada.2.27.121) yadyanyathā vadervākyaṃ tvāmahaṃ rativarddhana / tadātmakagṛtapuṇyasya na bhaveyaṃ hi bhāginī // ### [2.27.122](https://indike.org/pramana/in.purana.narada.2.27.122) yā gatirbrahmahatyāyāṃ kutsitā prāpyate naraiḥ / tāṃ gatiṃ hi prapadye 'haṃ yadyetadanṛtaṃ bhavet // ### [2.27.123](https://indike.org/pramana/in.purana.narada.2.27.123) madyaṃ hi pibato brahman brāhmaṇasya durātmanaḥ / yā gatirvihitā ghorā tāṃ gatiṃ prāpnuyāmyaham // ### [2.27.124](https://indike.org/pramana/in.purana.narada.2.27.124) gurudāraprasaktasya jatoḥ pāpaniṣeviṇaḥ / yā gatistāṃ dvijaśreṣṭha mithyā procya samāpnuyām // ### [2.27.125](https://indike.org/pramana/in.purana.narada.2.27.125) svarṇanyāsāpaharaṇe medinīharaṇe ca yā / ātmano hanane yā hi vihitā munibhirdvija // ### [2.27.126](https://indike.org/pramana/in.purana.narada.2.27.126) gatistāmanugacchāmi yadyetadanṛtaṃ vade / pañcamyāṃ ca tathāṣṭamyāṃ yatpāpaṃ māṃsabhakṣaṇe // ### [2.27.127](https://indike.org/pramana/in.purana.narada.2.27.127) strīsaṃgame tarucchede yatpāpaṃ śaśinaḥ kṣaye / yaducchiṣṭe ghṛtaṃ bhokturmaithunena divā ca yat // ### [2.27.128](https://indike.org/pramana/in.purana.narada.2.27.128) vaiśvadevamakartuśca gṛhiṇo hi dvijasya yat / bhikṣāmadāturbhikṣubhyo vidhavāyā dvibhojanāt // ### [2.27.129](https://indike.org/pramana/in.purana.narada.2.27.129) tailaṃ bhoktuśca saṃkrāntau gobhistīrthaṃ ca gacchataḥ / tathā mṛdamanuddhṛtya snātuḥ parajalāśaye // ### [2.27.130](https://indike.org/pramana/in.purana.narada.2.27.130) niṣiddhavṛkṣajanitaṃ dantakāṣṭhaṃ ca khādataḥ / gāmasevayato baddhvā pākhaṇḍapathagāminaḥ // ### [2.27.131](https://indike.org/pramana/in.purana.narada.2.27.131) pitṛdevārcanaṃ kartuḥ kāṣṭhagrāvasthitasya yat / gohīnāṃ mahiṣīṃ dharturbhinnakāṃsye ca bhuñjataḥ // ### [2.27.132](https://indike.org/pramana/in.purana.narada.2.27.132) adhautabhinnapārakyavastrasaṃvītakarmiṇaḥ / nagrastrīprekṣaṇaṃ karturabhakṣyasya ca bhojinaḥ // ### [2.27.133](https://indike.org/pramana/in.purana.narada.2.27.133) kathāyāṃ śrīharervighnaṃ karturyatpātakaṃ dvija / tena pāpena lipye 'haṃ yadi vacmi tavānṛtam // ### [2.27.134](https://indike.org/pramana/in.purana.narada.2.27.134) uktānyetāni pāpāni yānyanuktānyapi dvija / sarveṣāṃ bhāginī cāhaṃ yadyetadanṛtaṃ vade // ### [2.27.135](https://indike.org/pramana/in.purana.narada.2.27.135) evaṃ saṃbodhito devi bhartā me pāpayā tayā / tatheti niścayaṃ cakre bhavitavyena mohitaḥ // ### [2.27.136](https://indike.org/pramana/in.purana.narada.2.27.136) nirdravyo vyayasanāsakto madvākyakaluṣīkṛtaḥ / uvāca rākṣasīṃ vākyaṃ sarvaṃsiddhipradāyakam // ### [2.27.137](https://indike.org/pramana/in.purana.narada.2.27.137) śīghramānaya tāṃ śaktiṃ karomi vacanaṃ tava / sarvametatpradeyaṃ hi tvayā me rākṣase hate // ### [2.27.138](https://indike.org/pramana/in.purana.narada.2.27.138) dravyāśayā praviṣṭo 'haṃ sāgaraṃ timisaṃkulam / tacchrutvā rākṣasī śaktiṃ samānīya nagasthitām // ### [2.27.139](https://indike.org/pramana/in.purana.narada.2.27.139) dadau madbhartṛsiddhyarthaṃ vimuñcantīṃ mahārciṣam / etasminneva kāle tu rākṣasaḥ kāmamohitaḥ // ### [2.27.140](https://indike.org/pramana/in.purana.narada.2.27.140) gamanāyodyataḥ kanyāṃ sā bhītā vākyamabravīt / kumārīsevane rakṣo mahāpāpaṃ vidhīyate // ### [2.27.141](https://indike.org/pramana/in.purana.narada.2.27.141) chalenāhaṃ hṛtā kāśyāḥ suptā pitṛgṛhātvayā / tava doṣo na cehāsti bhavitavyaṃ mamedṛśam // ### [2.27.142](https://indike.org/pramana/in.purana.narada.2.27.142) guhāmadhyagatāyāstuko me trātā bhaviṣyati / vidhiyogādbhavedbhartā vidhiyogādbhavetpriyā // ### [2.27.143](https://indike.org/pramana/in.purana.narada.2.27.143) bhavedvidhivaśādvidyā gṛhaṃ saukhyaṃ dhanaṃ kulam / vidhinā preryamāṇastu janaḥ sarvatra gacchati // ### [2.27.144](https://indike.org/pramana/in.purana.narada.2.27.144) avaśyaṃ bhavitā bhartā tvameva rajanīcara / vidhainā vihite mārge kiṃ kariṣyati paṇḍitaḥ // ### [2.27.145](https://indike.org/pramana/in.purana.narada.2.27.145) tasmādānayata vipraṃ śālavṛkṣāśrita tviha / ghṛtaṃ jalaṃ kuśānagniṃ vivāhaṃ vidhinā kuru // ### [2.27.146](https://indike.org/pramana/in.purana.narada.2.27.146) vināpi darbhatoyāgnīnnyathoktavidhimatarā / brāhmaṇasyaiva vākyena vivāhaḥ saphalo bhavet // ### [2.27.147](https://indike.org/pramana/in.purana.narada.2.27.147) na hato yadi viprastu bhāryayā tava rākṣasa / vṛtte homasya kārye tu taṃ bhavān bhakṣayiṣyati // ### [2.27.148](https://indike.org/pramana/in.purana.narada.2.27.148) evamukte tu vacane tayā vai rājakanyayā / viśvastamānaso darpānnirjagāma sa rākṣasaḥ // ### [2.27.149](https://indike.org/pramana/in.purana.narada.2.27.149) satvaraṃ hṛcchayāviṣṭastamānetuṃ bahiḥ sthitaḥ // ### [2.27.150](https://indike.org/pramana/in.purana.narada.2.27.150) tasya nirgacchato devi kṣutamāsītsvayaṃ kila / savyaṃ cāpyasphurannetraṃ svavastraṃ skhalitaṃ tathā // ### [2.27.151](https://indike.org/pramana/in.purana.narada.2.27.151) anāhṛtya tu tatsarvaṃ nirgato 'sau darīmukhāt / bibhrāṇāṃ mānuṣaṃ rūpaṃ svāmapaśyannitaṃbinīm // ### [2.27.152](https://indike.org/pramana/in.purana.narada.2.27.152) ghaṭayantīṃ tu saṃbandhaṃ bhāryābhartṛsamudbhavam / parityajāmi tvāṃ pāpaṃ rākṣasaṃ krūrakarmiṇam // ### [2.27.153](https://indike.org/pramana/in.purana.narada.2.27.153) mānuṣīpramadāsaktaṃ maccharīrasya dūṣakam / tacchrutvā dāruṇaṃ vākyaṃ bhāryayā samudīritam / īrṣyākopasamāyuktastvabhyadhāvanniśācaraḥ // ### [2.27.154](https://indike.org/pramana/in.purana.narada.2.27.154) utkṣipya bāhū pravidārya vaktraṃ saṃprasthito bhakṣayituṃ sa cobhau / kālena vegātpavano yathaiva samuccaranvākyamanarthayuktam // ### [2.27.154.p1](https://indike.org/pramana/in.purana.narada.2.27.154.p1) iti śrībṛhannāradīyapurāṇottarabhāge mohinīcarite kāṣṭhīlopākhyānaṃ nāma saptaviṃśo 'dhyāyaḥ ## Linked texts (1) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.102.35) — Sanskrit ## Discussed in (1) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s13.4) — Hazra 1940, English --- Source: [https://indike.org/pramana/in.purana.narada.2.27](https://indike.org/pramana/in.purana.narada.2.27) · Pramāṇa