[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.30 # Naradapurana 2.30: athatriṃśattamo'dhyāyaḥ Nāradapurāṇa 2.30 - **Language:** Sanskrit ## Contents - [2.30.87](https://indike.org/pramana/in.purana.narada.2.30.87) — 1 part ### athatriṃśattamo'dhyāyaḥ ### [2.30.1](https://indike.org/pramana/in.purana.narada.2.30.1) kāṣṭhīlovāca bhāryāyāstadvacaḥ śrutvā rākṣasyā dharmasaṃmitam / pṛṣṭhātkaroṇurūpiṇyāḥ sakanyo 'vātaraddvijaḥ // ### [2.30.2](https://indike.org/pramana/in.purana.narada.2.30.2) avatīrṇe dvije sābhūtsurūpā pramadā punaḥ / kṣapācarī kṣapānāthavaktrā pīnonnatastanī // ### [2.30.3](https://indike.org/pramana/in.purana.narada.2.30.3) sā kumārī tataḥ prāpya nagaraṃ svapituḥ śubham / bāhyarakṣāsthita prāptaṃ purapālamuvāca ha // ### [2.30.4](https://indike.org/pramana/in.purana.narada.2.30.4) gaccha tvaṃ nṛpateḥ pārśvaṃ piturmama purādhipa / brūhi māṃ samanuprāptāṃ ratnaśālāṃ purā hṛtām // ### [2.30.5](https://indike.org/pramana/in.purana.narada.2.30.5) ratnāvaliṃ ratnabhūtāṃ sudyumnasya mahīkṣituḥ / talpasthā rakṣasā rātrau svapurasthā hṛtā dvija // ### [2.30.6](https://indike.org/pramana/in.purana.narada.2.30.6) punaḥ sā samanuprāptā jīvamānākṣatā pitaḥ / samāśvasihi śokaṃ tvaṃ mā kṛthā matkṛte kvacit // ### [2.30.7](https://indike.org/pramana/in.purana.narada.2.30.7) aviplutāsmi rājendra gāṅgā āpa ivāmalāḥ / tava kīrtikarī tadvanmātuḥ sauśīlyasūcikā // ### [2.30.8](https://indike.org/pramana/in.purana.narada.2.30.8) tatkumārīvacaḥ śrutvā purāpālastvarānvitaḥ / abāhuriti vikhyātaḥ prāptaḥ sudyumrasannidhau // ### [2.30.9](https://indike.org/pramana/in.purana.narada.2.30.9) kṛtapraṇāmaḥ saṃpṛṣṭaḥ prāha rājānamādarāt / rājannupāgatā naṣṭā dihitā tava mānada // ### [2.30.10](https://indike.org/pramana/in.purana.narada.2.30.10) ratnāvalīti vikhyātā sastrīkadvidajasaṃyutā / purabāhye sthitā dṛṣṭā mayā jñātā na cābhavat // ### [2.30.11](https://indike.org/pramana/in.purana.narada.2.30.11) tayāhaṃ preritaḥ prāgāṃ tvāṃ vijñāpayituṃ prabho / aviplutāhaṃ vadati māṃ jānātu samāgatām // ### [2.30.12](https://indike.org/pramana/in.purana.narada.2.30.12) pitaraṃ mama satkṛtyai nātra kāryā vicāraṇā / tadadbhutaṃ vacaḥ śrutvā purapālasya tatkṣaṇāt // ### [2.30.13](https://indike.org/pramana/in.purana.narada.2.30.13) sāmātyaḥ sakalatrastu sadvijo niryayau nṛpaḥ / sa tu gatvā purādbrāhye gaṅgātīre vyavasthitām // ### [2.30.14](https://indike.org/pramana/in.purana.narada.2.30.14) apaśyadbhāskarākārāṃ sastrīkadvijasaṃyutām / sahaje naiva veṣeṇa bhūṣitāṃ bhūṣaṇapriyām // ### [2.30.15](https://indike.org/pramana/in.purana.narada.2.30.15) amlānakusumaprakhyāṃ tatpakāñcanasuprabhām / dūrāddṛṣṭvāntikaṃ gatvā paryaṣvajata bhūpatiḥ // ### [2.30.16](https://indike.org/pramana/in.purana.narada.2.30.16) pitaraṃ sāpi saṃhṛṣṭā samāśliṣya nanāma ha / tataśca mātrā saṃgamya hṛṣṭayā harṣitāntarā // ### [2.30.17](https://indike.org/pramana/in.purana.narada.2.30.17) prāha vākyaṃ viśālākṣī saṃbodhya pitaraṃ nṛpam / suptāhaṃ ratnaśālāyāṃ sakhībhiḥ parivāritā // ### [2.30.18](https://indike.org/pramana/in.purana.narada.2.30.18) udakūkṛtvā śirastātādhautāṅghrirmañcakopari / cintayatnī bhartṛyogaṃ niśīthe rakṣasā hṛtā // ### [2.30.19](https://indike.org/pramana/in.purana.narada.2.30.19) sa māṃ gṛhītvā svapuraṃ prāgādarṇavage girau / nānāratnamaye tatra guhāyāṃ sthāpitā hyaham // ### [2.30.20](https://indike.org/pramana/in.purana.narada.2.30.20) sa tatrodvahanopāyacintayāntarvyavasthitaḥ / tasya bhāryā tviyaṃ subhrūryā tiṣṭhati sumadhyamā // ### [2.30.21](https://indike.org/pramana/in.purana.narada.2.30.21) bibhratī mānuṣaṃ rūpaṃ rākṣasī rākṣasapriyā / anayā buddhiyogena śaktyā śakrasya bhūpate // ### [2.30.22](https://indike.org/pramana/in.purana.narada.2.30.22) ghātito viprahastena krūrakarmā patiḥ svakaḥ / puraiva mama taṃ śailaṃ prāpto devena bhūsuraḥ // ### [2.30.23](https://indike.org/pramana/in.purana.narada.2.30.23) iyaṃ tu rākṣasī dṛṣṭvā patiṃ svaṃ dharmadūṣakam / vipreṇa saṃvidaṃ kṛtvā dāṃpatye nijakarmaṇā // ### [2.30.24](https://indike.org/pramana/in.purana.narada.2.30.24) rūpeṇāpyasya saṃmugdhā ghātayāmāsa rākṣasam / evaṃ kṛtvā patiṃ vipraṃ hastinīrūpadhāriṇī // ### [2.30.25](https://indike.org/pramana/in.purana.narada.2.30.25) gṛhītvā vāstukaṃ vittaṃ pṛṣṭhamāropya māmapi / samāyātātra bhūpāla māmattuṃ tava mandiram // ### [2.30.26](https://indike.org/pramana/in.purana.narada.2.30.26) anayā rakṣitā rājan rākṣasyārākṣasāttataḥ / tasmādimāṃ pūjayasva satkṛtyāgrajasaṃyutām // ### [2.30.27](https://indike.org/pramana/in.purana.narada.2.30.27) asyā evāmumatyā māṃ dehyasmai brāhmaṇāya hi / anenaikāsanagatā jātā bhartā sa me bhavat // ### [2.30.28](https://indike.org/pramana/in.purana.narada.2.30.28) yenaikāsanagā nārī bhavedbhartā sa eva hi / nānya itthaṃ purāṇeṣu śrūyate hyāgameṣvapi // ### [2.30.29](https://indike.org/pramana/in.purana.narada.2.30.29) asyāḥ pṛṣṭhe niviṣṭāhaṃ prītyā saha dvijanmanā / dharmata stena madbhartā bhavedeṣā matirmama // ### [2.30.30](https://indike.org/pramana/in.purana.narada.2.30.30) tasmādimāṃ sāṃtvayitvā śāstrāgamavidhānataḥ / dehi viprāya māṃ tāta pitamanyaṃ vṛṇe na ca // ### [2.30.31](https://indike.org/pramana/in.purana.narada.2.30.31) tacchrutvā duhiturvākyaṃ sudyumno bhūpatistadā / sāṃtvayāmāsa tanvaṅgīṃ rākṣasīṃ praśrayānataḥ // ### [2.30.32](https://indike.org/pramana/in.purana.narada.2.30.32) sutaiṣā dharmabhītā me tvāmeva śaraṇaṃ gatā / yadarthaṃ nihataḥ kāntastvayā pūrvataraḥ sati // ### [2.30.33](https://indike.org/pramana/in.purana.narada.2.30.33) tvadadhīnā tato bhadre jāteyaṃ matsutā kila / imamicchati bhartāraṃ yo 'yaṃ bhartā kṛtastvayā // ### [2.30.34](https://indike.org/pramana/in.purana.narada.2.30.34) mayā praṇāmadānābhyāṃ yācitā tvaṃ niśācari / anumodaya sāhāyye sutāṃ mama sulocane // ### [2.30.35](https://indike.org/pramana/in.purana.narada.2.30.35) tvadvākyādbhavatu preṣyā matsutā brāhmaṇasya tu / sāpatnabhāvaṃ tyaktvā tu sutāṃ me paripālaya // ### [2.30.36](https://indike.org/pramana/in.purana.narada.2.30.36) sutāyā mama bhāryāyā madbalasya janasya ca / purasya viṣayasyāpi svāminī tvaṃ na saṃśayaḥ // ### [2.30.37](https://indike.org/pramana/in.purana.narada.2.30.37) tava vākye sthitā hyeṣā sadaivāpi bhaviṣyati / etacchruttvā tu vacanaṃ sudyumnasya niśācarī // ### [2.30.38](https://indike.org/pramana/in.purana.narada.2.30.38) anvamodata śuddhena cetasā sahacāriṇī / uvāca ca dharāpālaṃ pradānāya kṛtodyamam // ### [2.30.39](https://indike.org/pramana/in.purana.narada.2.30.39) yadarthaṃ praṇatastvaṃ māṃ sadbhāvena nṛpottama / tasmāddvitīyā bhāryeyaṃ bhavatvasya dvijanmanaḥ // ### [2.30.40](https://indike.org/pramana/in.purana.narada.2.30.40) ahaṃ ca bhavatā pūjyā kṛtvārcāṃ devamandire / sarvaiśca nāgaraiḥ sārddhaṃ phālgune dhavale dale // ### [2.30.41](https://indike.org/pramana/in.purana.narada.2.30.41) saptāhamutsavaḥ kāryo hyaṣṭamyā ācaturdaśīm / naṭanartakayuktena gītavādyena bhūriṇā // ### [2.30.42](https://indike.org/pramana/in.purana.narada.2.30.42) maireyamāṃsaraktādibalibhiścāpi pūjayā / evaṃ prakurvate tubhyaṃ sadā kṣemakarī hyaham // ### [2.30.43](https://indike.org/pramana/in.purana.narada.2.30.43) bhaveyaṃ nṛpaśārdūla svaṃ vacaḥ pratipālaya / tacchrutvā vacanaṃ tasyāḥ sudyumno nṛpatistadā // ### [2.30.34\_2](https://indike.org/pramana/in.purana.narada.2.30.34_2) aṅgīcakāra tatsarvaṃ yaduktaṃ prītayā tayā / pratipanne tu vacasi rājñā tuṣṭā tu rākṣasī // ### [2.30.45](https://indike.org/pramana/in.purana.narada.2.30.45) uvāca brāhmaṇaṃ premṇā kuru bhāryāmimāmapi / rājakanyāṃ dvijaśreṣṭha gṛhyoktavidhinā śubhām // ### [2.30.46](https://indike.org/pramana/in.purana.narada.2.30.46) īrṣyāṃ tyaktvā viśālākṣyā bhavāmyeṣā sahodarī / rākṣasyā vacaneneha pariṇīya nṛpātmajām // ### [2.30.47](https://indike.org/pramana/in.purana.narada.2.30.47) bahuvittayutāṃ vipro mahodayapuraṃ yayau / āruhya kariṇīrūpāṃ rākṣasīṃ kṣaṇamātrataḥ // ### [2.30.48](https://indike.org/pramana/in.purana.narada.2.30.48) tato mayā śrutaṃ devi bhartā te samupāgataḥ / dhanaratnasamāyukto bhāryādvayasamanvitaḥ // ### [2.30.49](https://indike.org/pramana/in.purana.narada.2.30.49) tato 'haṃ bandhuvargeṇa pitṛbhyāṃ ca sakhīgaṇaiḥ / bahuśo bhartsitā rūkṣairvacanairmarmabhedibhiḥ // ### [2.30.50](https://indike.org/pramana/in.purana.narada.2.30.50) kathaṃ yāsyasi bhartāraṃ dhanalubdhe śriyā vṛtam / yastvayā nirddhanaḥ pūrvaṃ parityaktaḥ sudīnavat // ### [2.30.51](https://indike.org/pramana/in.purana.narada.2.30.51) cañcalānīha vittāni pitryāṇi kila yoṣitām / kāntārjitāni subhage sthirāṇīti nigadyate // ### [2.30.52](https://indike.org/pramana/in.purana.narada.2.30.52) paruṣairvacanairyastu kṣiptastadbhāṣaṇaṃ katham / bhaviṣyati praveśo 'pi duṣkarastasya veśmani // ### [2.30.53](https://indike.org/pramana/in.purana.narada.2.30.53) gatāyā api te tatra śayanaṃ patinā saha / bhaviṣyati durācāre sukhadaṃ na kadācana // ### [2.30.54](https://indike.org/pramana/in.purana.narada.2.30.54) lokāpavādādyadi cedgrahīṣyati patistava / tvāṃ snehahīnacittastu na kadācinmiliṣyati // ### [2.30.55](https://indike.org/pramana/in.purana.narada.2.30.55) nedṛśaṃ duḥkhadaṃ kiñcidyādṛśaṃ dūracittayoḥ / daṃpakatyormilanaṃ loke vaikalyakaraṇaṃ mahat // ### [2.30.56](https://indike.org/pramana/in.purana.narada.2.30.56) evaṃ bahuvidhā vācaḥ śṛṇvānā bandhubhāṣitāḥ / adhomukhyasrupūrṇākṣī babhūvāhaṃ suduḥkhitā // ### [2.30.57](https://indike.org/pramana/in.purana.narada.2.30.57) cetasārcitayaṃ cāhaṃ pūrvalobhena muhyatī / na dattaṃ kaṅkaṇaṃ pāṇerna dattaṃ kaṭisūtrakam // ### [2.30.58](https://indike.org/pramana/in.purana.narada.2.30.58) na cāpi nūpure datte yena tuṣṭiṃ vrajetpatiḥ / dhanajīvitayoḥ svāmī bhartā lokeṣu gīyate // ### [2.30.59](https://indike.org/pramana/in.purana.narada.2.30.59) tanmayāpahṛtaṃ vittaṃ bhavitrī kā gatirmama / kathaṃ yāsyāmi tadveśma kathaṃ saṃbhāṣaye punaḥ // ### [2.30.60](https://indike.org/pramana/in.purana.narada.2.30.60) yo mayā duṣṭayā tyaktaḥ sa pratyeti kathaṃ hi mām / evaṃ viciṃye yādaddhṛdayena vidūyatā // ### [2.30.61](https://indike.org/pramana/in.purana.narada.2.30.61) veṣṭitā bandhuvargeṇa tāvaddolā samāgatā / chatreṇa śaśivarṇena śobhamānā sukomalā // ### [2.30.62](https://indike.org/pramana/in.purana.narada.2.30.62) āstṛtā rāṅkavaiḥ pīnaiḥ puruṣorvidhṛtāṃsakaiḥ / te samāgatya puruṣāḥ procurmāmasakṛcchabhe // ### [2.30.63](https://indike.org/pramana/in.purana.narada.2.30.63) ākāritāsi patyā te vraja śīghraṃ mudānvitā / dhanaratnayuto bhartā saddhibhāryaḥ samāgataḥ // ### [2.30.64](https://indike.org/pramana/in.purana.narada.2.30.64) praviṣṭamātreṇa gṛhe tvāmānetuṃ varānane / preṣitāḥ satvaraṃ patyā saṃsthitāṃ pitṛveśmani // ### [2.30.65](https://indike.org/pramana/in.purana.narada.2.30.65) tato 'haṃ vrīḍitā devi bhartustadvīkṣya ceṣṭitam / naivottaramadāṃ tebhyaḥ kiñcinmaunaṃ samāsthitā // ### [2.30.66](https://indike.org/pramana/in.purana.narada.2.30.66) tato 'haṃ bandhuvargeṇa bhūyobhūyaḥ prabodhitā / āhūtā svāminā gaccha sammānena tadantikam // ### [2.30.67](https://indike.org/pramana/in.purana.narada.2.30.67) svāminākāritā patnī yā na yāti tadantikam / sā tu dhvāṅkṣī bhavetputri janmāni daśa pañca ca // ### [2.30.68](https://indike.org/pramana/in.purana.narada.2.30.68) evamuktvā samāśvāsya māṃ gṛhītvā tvarānvitāḥ / dolāmāropya gaccheti procuḥ snigdhā muhurmurhuḥ // ### [2.30.69](https://indike.org/pramana/in.purana.narada.2.30.69) tataste puruṣā dolāṃ nidhāyāṃseṣu satvaram / jagmurmahodayapuraṃ yatra tiṣṭhati me patiḥ // ### [2.30.70](https://indike.org/pramana/in.purana.narada.2.30.70) dṛṣṭaṃ mayā gṛhaṃ tasya sarvataḥ kāñcanāvṛtam / āsanīyaiśca bhojyaiśca dhanairvastrairyutaṃ tataḥ // ### [2.30.71](https://indike.org/pramana/in.purana.narada.2.30.71) atha sā rākṣasī devī sā cāpi nṛpanandinī / prītyā ca bhaktyā kurutāṃ praṇatiṃ mama sundari // ### [2.30.72](https://indike.org/pramana/in.purana.narada.2.30.72) tatastābhyāmamahaṃ premṇā yathārhamabhipūjitā / bhartṛvākyena saṃprītā snātvābhujaṃ tathāhṛtā // ### [2.30.73](https://indike.org/pramana/in.purana.narada.2.30.73) tato 'stasamayātpaścādbhartā cāhūya satvaram / pariṣvajya ciraṃ dorbhyāṃ paryaṅke saṃnyaveśayat // ### [2.30.74](https://indike.org/pramana/in.purana.narada.2.30.74) tato niśācarīṃ rājaputrīṃ cāhūya so 'bravīt / bhaktyā yuvābhyāṃ kartavyamasyāścaraṇasevanam // ### [2.30.75](https://indike.org/pramana/in.purana.narada.2.30.75) iyaṃ prākkālikī bhāryā jyeṣṭhā ca yuvayordbhuvam / patyurvākyāttatastābhyāṃ gṛhītau caraṇau mama // ### [2.30.76](https://indike.org/pramana/in.purana.narada.2.30.76) sāpatnabhāvajāmīrṣyāṃ parityajya sulocane / tataḥ preṣyānsamāhūya bhartā me vākyamabravīt // ### [2.30.77](https://indike.org/pramana/in.purana.narada.2.30.77) yatkiñcidrakṣasaḥ pārśvānmayā prāptaṃ purā vasu / sutāmudvahato rājño yacca labdhaṃ mayākhilam // ### [2.30.78](https://indike.org/pramana/in.purana.narada.2.30.78) tatsarvaṃ bhaktibhāvena samānayata mā ciram / iyaṃ hi svāminī prāptā tasya vittasya kiṅkarāḥ // ### [2.30.79](https://indike.org/pramana/in.purana.narada.2.30.79) tadvākyātsahasā preṣyaiḥ samānītaṃ dhanaṃ śubhe / bhartā samarpayāmāsa prītyā yukto 'khilaṃ tadā // ### [2.30.80](https://indike.org/pramana/in.purana.narada.2.30.80) satkṛtya bhūṣaṇairvastraikhyalīkena cetasā / ubhayostatra paśyantyo rākṣasīrājakanyayoḥ // ### [2.30.81](https://indike.org/pramana/in.purana.narada.2.30.81) paryaṅkasthāṃ pariṣvajya māṃ cuñcubādhare śubhe / taddṛṣṭvā cādbhutaṃ bharturdehavittasamarpaṇam // ### [2.30.82](https://indike.org/pramana/in.purana.narada.2.30.82) ullāsakaraṇa vākyaṃ kareṇa kucapīḍanam / chinnā gauriva khaṅgena gatāḥ prāṇā mamābhavan // ### [2.30.83](https://indike.org/pramana/in.purana.narada.2.30.83) tato 'haṃ yamanirddiṣṭāṃ prāptā narakayātanām / tāmatītya suduḥkhārtā kāṣṭhīlā cābhavaṃ śubhe // ### [2.30.84](https://indike.org/pramana/in.purana.narada.2.30.84) yāsyāmi punarevāhaṃ tiryagyoniṃ sahasraśaḥ / yā bharturnāpayedvittaṃ jīvitaṃ ca śubhānane // ### [2.30.85](https://indike.org/pramana/in.purana.narada.2.30.85) sāpīdṛśīmavasthā vai yāsyatyeva na saṃśayaḥ / evaṃ jñātvāniśaṃ rakṣetpatyurvittaṃ ca jīvitam // ### [2.30.86](https://indike.org/pramana/in.purana.narada.2.30.86) patirmātā pitā vittaṃ jīvitaṃ ca gururgatiḥ // ### [2.30.87](https://indike.org/pramana/in.purana.narada.2.30.87) prayāti nārī bahubhiḥ supuṇyaiḥ sahaiva bhartrā svaśarīradāhāt / viṣṇoḥ padaṃ vittaśarīralubdhā prayāti yāmīṃ ca kuyonipīḍām // ### [2.30.87.p1](https://indike.org/pramana/in.purana.narada.2.30.87.p1) iti śrībṛhannāradīyapurāṇottarabhāge mohinīcarite kāṣṭhīlācaritaṃ nāma triṃśattamo 'dhyāyaḥ ## Linked texts (1) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.104.107.2) — Sanskrit --- Source: [https://indike.org/pramana/in.purana.narada.2.30](https://indike.org/pramana/in.purana.narada.2.30) · Pramāṇa