[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.33 # Naradapurana 2.33 Nāradapurāṇa 2.33 - **Language:** Sanskrit ## Contents - [2.33.69](https://indike.org/pramana/in.purana.narada.2.33.69) — 1 part ### [2.33.1](https://indike.org/pramana/in.purana.narada.2.33.1) vasiṣṭha uvāca saṃdhyāvalī tataḥ pādau bhartuḥ saṃgṛhya bhūpate / uvāca vacanaṃ devī dharmāṃ gadavināśanam // ### [2.33.2](https://indike.org/pramana/in.purana.narada.2.33.2) bahudhāpyanuśiṣṭeyaṃ mayā bhūpa yathā tvayā / mohinyā moharūpāyā nānyatsaṃrocate 'dhunā // ### [2.33.3](https://indike.org/pramana/in.purana.narada.2.33.3) bhojanaṃ vāsare viṣṇorvadhaṃ vā tanayasya vai / dharmatyāgādvaraṃ nātha putrasya vinipātanam // ### [2.33.4](https://indike.org/pramana/in.purana.narada.2.33.4) yādṛśī hi jananyāstu pīḍā bhavati bhūpate / putrasyotpādane tīvrātādṛśī na bhavetpituḥ // ### [2.33.5](https://indike.org/pramana/in.purana.narada.2.33.5) garbhasaṃdhāraṇe rājan khedaḥ sneho 'dhiko yathā / māturbhavati bhūpāla tathā nahi bhavetpituḥ // ### [2.33.6](https://indike.org/pramana/in.purana.narada.2.33.6) bījanirvāṣakaḥ proktaḥ pitā rājendra bhūtale / jananī dhāriṇī kliṣṭā varddhane pālane 'dhikā // ### [2.33.7](https://indike.org/pramana/in.purana.narada.2.33.7) pituḥ śataguṇaḥ sneho mātuḥ putre pravartate / snehādhikyaṃ tu saṃprekṣya mātaraṃ mahatīṃ viduḥ // ### [2.33.8](https://indike.org/pramana/in.purana.narada.2.33.8) sāhaṃ jātā gatasnehā paralokajigīṣayā / putrasya nṛpaśārdūla satyavākyasya pālanāt // ### [2.33.9](https://indike.org/pramana/in.purana.narada.2.33.9) vyāpādaya sutaṃ bhūpa snehaṃ tyaktvā sudūrataḥ / mā satyalaṅghanaṃ kārṣīḥ śāpito 'si mayātmanā // ### [2.33.10](https://indike.org/pramana/in.purana.narada.2.33.10) nikaṣeṣu hyaṣīkeśo bhaviṣyati phalapradaḥ / yasmiṃścīrṇe rujā dehe nālpāpi nṛpa jāyate // ### [2.33.11](https://indike.org/pramana/in.purana.narada.2.33.11) adharmānmānavo 'vaśyaṃ svargabhraṣṭo na saṃśayaḥ / prāṇānādāya putraṃ vā sarvasvaṃ vā mahīpate // ### [2.33.12](https://indike.org/pramana/in.purana.narada.2.33.12) yaścānuvartate daivaṃ sa pumān gīyate mahān / tā āpado 'pi bhūpāla dhanyā yāḥ satyakārikāḥ // ### [2.33.13](https://indike.org/pramana/in.purana.narada.2.33.13) sattayasaṃrakṣaṇārthatvānnṛṇāṃ syurmokṣadāyikāḥ / kīrtisaṃstaraṇārthāya karttavyaṃ manujaiḥ sadā // ### [2.33.14](https://indike.org/pramana/in.purana.narada.2.33.14) karma bhūpāla śāstroktaṃ snehadveṣavivarjitam / tadalaṃ paritāpena satyaṃ pālaya bhūpate // ### [2.33.15](https://indike.org/pramana/in.purana.narada.2.33.15) satyasya pālanādrājanviṣṇudehena yujyate / devairutpāditā hyeṣā nikaṣā te vimohinī // ### [2.33.16](https://indike.org/pramana/in.purana.narada.2.33.16) manye bhūpāla sā patnyā kṛtā tāṃ tvaṃ na budhyase / putravya pādanāddevā bhaviṣyanti hyavāṅmukhāḥ // ### [2.33.17](https://indike.org/pramana/in.purana.narada.2.33.17) teṣāṃ datvā padaṃ mūrdhni yāsyase paramaṃ padam / viṣṇorudvahatāṃ bhaktiṃ devatāḥ paripanthinaḥ // ### [2.33.18](https://indike.org/pramana/in.purana.narada.2.33.18) bhaviṣyatyandhatā loke tadeva prakaṭīkṛtam / viruddhā vibudhā bhūpa seśvarāstava ceṣṭitaiḥ // ### [2.33.19](https://indike.org/pramana/in.purana.narada.2.33.19) mokṣamārgaprabhettārastava niścayā lopakāḥ / sa tvaṃ bhūpa dṛḍho bhūtvā ghātayasva sutaṃ priyam // ### [2.33.20](https://indike.org/pramana/in.purana.narada.2.33.20) mohinyāḥ kuru vākyaṃ tu ātmanaḥ satyapālanāt // ### [2.33.21](https://indike.org/pramana/in.purana.narada.2.33.21) lupte 'pi vākye bhavitā nṛpeśa pāpaṃ samaṃ brahmavadhena ghoram / tantāsi loke śamanasya bhūpa yaśaḥpraṇo bhavitā dharāyām // ### [2.33.22](https://indike.org/pramana/in.purana.narada.2.33.22) vasiṣṭha uvāca bhāryāyā vacanaṃ śrutvā rājā rukmāṅgadastadā / saṃdhyāvalīmuvācedaṃ mohinyāḥ sannidhau nṛpa // ### [2.33.23](https://indike.org/pramana/in.purana.narada.2.33.23) putrahatyā mahāhatyā brahmahatyādhikā priye / ghātayitvā sutaṃ loke kā gatirmme bhaviṣyati // ### [2.33.24](https://indike.org/pramana/in.purana.narada.2.33.24) kva gato mandaraṃ śailaṃ kva prāptā mohinī mayā / dharmāṅgadavināśāya devi kālapriyā tviyam // ### [2.33.25](https://indike.org/pramana/in.purana.narada.2.33.25) dharmajñaṃ vinayopetaṃ prajārañjanakārakam / aprajaṃ ca sutaṃ hatvā kā gatirme bhaviṣyāti // ### [2.33.26](https://indike.org/pramana/in.purana.narada.2.33.26) kuputrasyāpi hananāddevi duḥkhaṃ bhavetpituḥ // ### [2.33.27](https://indike.org/pramana/in.purana.narada.2.33.27) kiṃ punarddharmaśīlasya gurusevāvidhāyinaḥ / jambūdvīpamidaṃ bhuktaṃ mayā tu varavarṇini // ### [2.33.28](https://indike.org/pramana/in.purana.narada.2.33.28) dvīpāni sapta bhuktāni tanayena tavādhunā / viṣṇoraṃśo varārohe piturapyadhiko bhavet // ### [2.33.29](https://indike.org/pramana/in.purana.narada.2.33.29) purāṇeṣu varārohe kavibhiḥ parikīrtitaḥ / yo 'yamatyadhikaḥ putro dharmāṅgada iti kṣitau // ### [2.33.30](https://indike.org/pramana/in.purana.narada.2.33.30) mama vaṃśasya cārvaṅgi kiṃ punarmama mānadaḥ / aho duḥkhamanuprāptaṃ putrādapyadhikaṃ mayā // ### [2.33.31](https://indike.org/pramana/in.purana.narada.2.33.31) punareva varārohe brūhi tvaṃ vacanaiḥ śubhaiḥ / mohinīṃ mohasaṃprāptāṃ mama duḥkhapradāyinīm // ### [2.33.32](https://indike.org/pramana/in.purana.narada.2.33.32) evamuktvā tu nṛpatiḥ priyāṃ sandhyāvalīṃ tadā / samīpamāgatya nṛpo mohinīkṣidamabravīt // ### [2.33.33](https://indike.org/pramana/in.purana.narada.2.33.33) na bhokṣye vāsare viṣṇorna hiṃsye tanayaṃ śubhe / ātmānaṃ dārayiṣyāmi devīṃ sandhyāvalīṃ tathā // ### [2.33.34](https://indike.org/pramana/in.purana.narada.2.33.34) anyadvā dāruṇaṃ karma karomi tava śāsanāt / duṣṭāgrahamimaṃ subhru parityaja sutaṃ prati // ### [2.33.35](https://indike.org/pramana/in.purana.narada.2.33.35) kiṃ phalaṃ bhavitā tubhyaṃ hatvā dharmāṅgadaṃ sutam / bhojayitvā dine viṣṇoḥ ko lābho bhavitā vada // ### [2.33.36](https://indike.org/pramana/in.purana.narada.2.33.36) dāso 'smi tava bhṛtyo 'smi vaśago 'smi varānane / anyaṃ yācasva subhage varaṃ tvāṃ śaraṇaṃ gataḥ // ### [2.33.37](https://indike.org/pramana/in.purana.narada.2.33.37) raktāśokasamānābhyāṃ tava cārvaṅgisarvaśaḥ / anyatprayojanaṃ kiñcitkarttāsmi vaśagastava // ### [2.33.38](https://indike.org/pramana/in.purana.narada.2.33.38) prasādaṃ kuru me devi putrabhikṣāṃ prayaccha me / durlabho guṇavānputro durlabho harivāsaraḥ // ### [2.33.39](https://indike.org/pramana/in.purana.narada.2.33.39) durlabhaḥ jāhnavītoyaṃ durlabhā jananī kṣitau / durlabhaṃ hi kule janma durlabhā vaṃśajā priyā // ### [2.33.40](https://indike.org/pramana/in.purana.narada.2.33.40) durlabhaṃ kāñcanaṃ dānaṃ durlabhaṃ haripūjanam / durlabhā vaiṣṇavī dīkṣā durlabhaḥ smṛtisaṃgrahaḥ // ### [2.33.41](https://indike.org/pramana/in.purana.narada.2.33.41) durlabhaḥ śaukare vāso durlabhaṃ haricintanam / durlabho jāgaro viṣṇordurlabhā hyātmasatkriyā // ### [2.33.42](https://indike.org/pramana/in.purana.narada.2.33.42) durlabhā putrasaṃprāptirdurlabhaṃ pauṣkaraṃ jalam / durlabhaḥ śiṣṭasaṃsargo durlabhā bhaktirucyate // ### [2.33.43](https://indike.org/pramana/in.purana.narada.2.33.43) durlabhaṃ kapilādānaṃ durlabhaṃ nīlamokṣaṇam / kṛtaṃ śrāddhaṃ trayodaśyāṃ durlabhaṃ varavarṇini // ### [2.33.44](https://indike.org/pramana/in.purana.narada.2.33.44) durlabhā vasudhā cīrṇaṃ vrataṃ pātakanāśanam / dhenustilamayī subhru durlabhā vipragāminī // ### [2.33.45](https://indike.org/pramana/in.purana.narada.2.33.45) dhātrīsnānaṃ varārohe durlabho harivāsaraḥ / durlabhaṃ parvakāle tu snānaṃ śītalavāriṇā // ### [2.33.46](https://indike.org/pramana/in.purana.narada.2.33.46) māghamāse viśeṣeṇa pratyūṣasamaye śubhe / yathāśāstroditaṃ karma taddevi bhuvi durlabham // ### [2.33.47](https://indike.org/pramana/in.purana.narada.2.33.47) durlabhaṃ kuśalaṃ pathyaṃ durlabhaṃ cauṣadhaṃ tathā / vyādhervighātakaraṇaṃ durlabhaṃ śāstramārgataḥ // ### [2.33.48](https://indike.org/pramana/in.purana.narada.2.33.48) durlabhaṃ smaraṇaṃ viṣṇormaraṇe varavarṇini / evaṃ vaco varārohe kuru me dharmarakṣakam // ### [2.33.49](https://indike.org/pramana/in.purana.narada.2.33.49) kiṃ vadhenevai cārvaṅgi prasādaṃ kartumarhasi / sevitā viṣayāḥ samyakkṛtaṃ rājyamakaṇṭakam // ### [2.33.50](https://indike.org/pramana/in.purana.narada.2.33.50) mayā mūrghni padaṃ dattaṃ devagoviprarakṣiṇām / adṛṣṭaviṣayaṃ putraṃ nāhaṃ hiṃsye kadācana // ### [2.33.51](https://indike.org/pramana/in.purana.narada.2.33.51) svahasteneha cārvaṅgi kiṃ nu pāpamataḥ param / mohinyuvāca dharmāṅgado na me śatrurnāhaṃ hanmi sutaṃ tava // ### [2.33.52](https://indike.org/pramana/in.purana.narada.2.33.52) pūrvameva mayā proktaṃ bhuṅkṣvatvaṃ harivāsare / vasudhāṃ svecchayā rājaṃstvaṃ śādhi bahuvatsaram // ### [2.33.53](https://indike.org/pramana/in.purana.narada.2.33.53) nāhaṃ vyāpādaye putramarthasiddhistu bhojane / mama bhūmipate kāryaṃ na putranidhane tava // ### [2.33.54](https://indike.org/pramana/in.purana.narada.2.33.54) yadi putraḥ priyo rājanbhujyatāṃ harivāsare / kiṃ vilāpairmahīpāla etairddharmabahiṣkṛtaiḥ // ### [2.33.55](https://indike.org/pramana/in.purana.narada.2.33.55) satyaṃ saṃrakṣa yatnena kuruṣva vacanaṃ mama / evaṃ bruvāṇāṃ tāṃ rājanmohinīṃ tanumadhyamām // ### [2.33.56](https://indike.org/pramana/in.purana.narada.2.33.56) dharmāṅgadaḥ pratyuvāca dṛṣṭvā natvāgrataḥ sthitaḥ / etadeva gṛhāṇa tvaṃ mā śaṅkāṃ kuru bhāmini // ### [2.33.57](https://indike.org/pramana/in.purana.narada.2.33.57) gṛhītvā nirmalaṃ khaṅgaṃ vinyasya nṛpateḥ puraḥ / ātmānaṃ ca pratyuvāca satyadharmavyavasthitaḥ // ### [2.33.58](https://indike.org/pramana/in.purana.narada.2.33.58) na vilaṃbaḥ pitaḥ kāryastvayā mama nipātane / manmāturvacanaṃ satyaṃ kuru bhūpa pratiśrutam // ### [2.33.59](https://indike.org/pramana/in.purana.narada.2.33.59) ātmā rakṣyo dhanairdārairathavāpi nijātmajaiḥ / apatyaṃ dharmakāmārthaṃ śreyaskāmasya bhūpateḥ // ### [2.33.60](https://indike.org/pramana/in.purana.narada.2.33.60) tvadarthe maraṇaṃ mahyamakṣayya gatidāyakam / tavāpi nirmanā lokāḥ svavākyaparipālanāt // ### [2.33.61](https://indike.org/pramana/in.purana.narada.2.33.61) parityajya paraṃ duḥkhaṃ putravyāpādanodbhavam / dehatyāge mamāraṃbho naradehe bhaviṣyati // ### [2.33.62](https://indike.org/pramana/in.purana.narada.2.33.62) sarvāmayavinirmukte śatakratusame vibho / piturarthe hatā ye tu māturarthe hatāstathā // ### [2.33.63](https://indike.org/pramana/in.purana.narada.2.33.63) gavārthe brāhyaṇārthe vā pramadārthe mahīpate / bhūmyarthe pārthivārthe vā devatārthe tathaiva ca // ### [2.33.64](https://indike.org/pramana/in.purana.narada.2.33.64) bālārthe vikalārthe ca yānti lokānsubhāsvarān / tadalaṃ paritāpena jahi māṃ tvaṃ varāsinā // ### [2.33.65](https://indike.org/pramana/in.purana.narada.2.33.65) satyaṃ pālaya rājendra mā bhuṅkṣva harivāsare / dharmārthe tanayaṃ hanyādbhāryāṃ vāpi mahīpate // ### [2.33.66](https://indike.org/pramana/in.purana.narada.2.33.66) śrūyate vedavākyeṣu putraṃ hanyānmakhasthitaḥ / aśvameghe makhavare na doṣo jāyate nṛpa // ### [2.33.67](https://indike.org/pramana/in.purana.narada.2.33.67) yadbravīti mahīpāla mohinī jananī mama / tattvayā hyavicāreṇa karttavyaṃ vacanaṃ dhruvam // ### [2.33.68](https://indike.org/pramana/in.purana.narada.2.33.68) prasīda rājendra kuruṣva vākyaṃ mayeritaṃ cātmavadhāya satyam / vimocayethā nṛpate sughorādvākyānṛtānmohinihastayogāt // ### [2.33.69](https://indike.org/pramana/in.purana.narada.2.33.69) vadhena te bhūmipate sutasya yaśaḥ prakāśaṃ gamayiṣyate ca / yaśaḥ pkāśādbhavitā hi kīrtistathākṣayā tāta na saṃśayo 'tra // ### [2.33.69.p1](https://indike.org/pramana/in.purana.narada.2.33.69.p1) iti śrībṛhannāradīyapurāṇottarabhāge mohinīcarite dharmāṅgadoktirnāma trayastriṃśo 'dhyāyaḥ ## Linked texts (1) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.106.26) — Sanskrit --- Source: [https://indike.org/pramana/in.purana.narada.2.33](https://indike.org/pramana/in.purana.narada.2.33) · Pramāṇa