[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.35 # Naradapurana 2.35 Nāradapurāṇa 2.35 - **Language:** Sanskrit ## Contents - [2.35.86](https://indike.org/pramana/in.purana.narada.2.35.86) — 1 part ### [2.35.1](https://indike.org/pramana/in.purana.narada.2.35.1) yama uvāca vibudheśa jagannātha carācaraguro prabho / mohinī niṣphalā jātā vandhyā strī janane yathā // ### [2.35.2](https://indike.org/pramana/in.purana.narada.2.35.2) rukmāṅgadapraṇītena mārgeṇa kuśalāñchana / lokaḥ prayāti vaikuṃṇṭhaṃ na māṃ kaścitprapadyate // ### [2.35.3](https://indike.org/pramana/in.purana.narada.2.35.3) gate 'pi bhūminātheśe dehaṃ devasya cakriṇaḥ / tathāpi sarvabhūtānāṃ na buddhiḥ parivartate // ### [2.35.4](https://indike.org/pramana/in.purana.narada.2.35.4) upoṣya vāsaraṃ viṣṇorākumārāttu mānavāḥ / prayānti paramaṃ lokaṃ luptapāpāḥ pitāmaha // ### [2.35.5](https://indike.org/pramana/in.purana.narada.2.35.5) putrī te vrīḍitā devī mohinī mohamāgatā / nāyāti tava sāmīpyaṃ na bhuṅkte lokagarhitā // ### [2.35.6](https://indike.org/pramana/in.purana.narada.2.35.6) nirvyāpārastvahaṃ jātaḥ kiṃ karomi praśādhi mām / raviputravacaḥ śrutvā provāca kamalāsanaḥ // ### [2.35.7](https://indike.org/pramana/in.purana.narada.2.35.7) gacchāmaḥ sahitāḥ sarve mohinīṃ pratibodhitum / mohinyāṃ pratibuddhāyāṃ kariṣyāmo divākare // ### [2.35.8](https://indike.org/pramana/in.purana.narada.2.35.8) tava kāryaṃ na saṃdehaḥ saṃbhramastyajyatāmayam / tato deva gaṇāḥ sarve śatakratupurogamāḥ // ### [2.35.9](https://indike.org/pramana/in.purana.narada.2.35.9) brahmaṇā sahitāḥ pṛthvīṃ vimānaiḥ sūryasaprabhaiḥ / samāyātā mahīpāla nārīṃ tāṃ pratibodhitum // ### [2.35.10](https://indike.org/pramana/in.purana.narada.2.35.10) te vimānaiḥ samantāttu parivārya śubhānanām / tejohīnāṃ nirānandāṃ śuṣkatoyāṃ nadīmiva // ### [2.35.11](https://indike.org/pramana/in.purana.narada.2.35.11) śaśihīnāṃ niśāṃ bhūpa ṛtvigghīnāṃ kriyāmiva / parājito yathā martyaḥ pralmānakusumaṃ yathā // ### [2.35.12](https://indike.org/pramana/in.purana.narada.2.35.12) nivṛttotsavavedīva vidrumaṃ dhavalaṃ yathā / gataśālistu kedāro niṣpra yathā // ### [2.35.13](https://indike.org/pramana/in.purana.narada.2.35.13) maṇḍa vā gatodvā yathā saraḥ / manthānaṃ navanīte vā uddhṛte dharaṇīpate // ### [2.35.14](https://indike.org/pramana/in.purana.narada.2.35.14) asaṃskṛtā yathā vāṇī marditā ca yathā camūm / hata nāthāṃ tu yuvatīṃ dhānyahīnāṃ prajāṃ yathā // ### [2.35.15](https://indike.org/pramana/in.purana.narada.2.35.15) mantrahīnavidhiṃ yuddhaṃ dharmaṃ ca dayayā vinā / pṛthvīṃ bhūpālahīnā vā mantrahī yathā nṛpa // ### [2.35.16](https://indike.org/pramana/in.purana.narada.2.35.16) dhanadhānyavihīnaṃ vā gṛhaṃ nṛpavarottama / jalahīnaṃ yathā kuṃbhaṃ paṅkasthaṃ gopatiṃ yathā // ### [2.35.17](https://indike.org/pramana/in.purana.narada.2.35.17) gṛhasthaṃ bhāryayā hīnaṃ rāṣṭrabhraṣṭaṃ ca bhūpatim / bhagnakriyaṃ yathā vaidyaṃ bhagnaśākhaṃ yathā drumam // ### [2.35.18](https://indike.org/pramana/in.purana.narada.2.35.18) tejohīnaṃ yathāgāraṃ nirjalaṃ vā ghanaṃ yathā / vidhūma iva saptārcirviraśmiriva bhāskaraḥ // ### [2.35.19](https://indike.org/pramana/in.purana.narada.2.35.19) matibhraṣṭo yathā martyaḥ parvasaṃgī yathā naraḥ / atṛptaḥ kāntayā kāntaḥ pannagaśca viṣojjhitaḥ // ### [2.35.20](https://indike.org/pramana/in.purana.narada.2.35.20) lūnapakṣo yathā pakṣī vṛttihīno yathā dvijaḥ / śirobhraṣṭā yathā mālā parvato dhātuvarjitaḥ // ### [2.35.21](https://indike.org/pramana/in.purana.narada.2.35.21) prabhraṣṭalipi śāstraṃ vā ṛgyajurvisvaraṃ yathā / svarahīnaṃ yathā sāma padmahīnaṃ yathā saraḥ // ### [2.35.22](https://indike.org/pramana/in.purana.narada.2.35.22) yathā mārgaṃ tṛṇai ruddhaṃ padmaṃ patravivarjitam / jñānaṃ mamatvasaṃyuktaṃ pumāṃsaṃ prakṛtiṃ vinā // ### [2.35.23](https://indike.org/pramana/in.purana.narada.2.35.23) sāṃkhyāni tattvahīnāni dharmaṃ daṃbhānvitaṃ yathā / tejohīnāṃ tathāpaśyan mohinīṃ te divaukasaḥ // ### [2.35.24](https://indike.org/pramana/in.purana.narada.2.35.24) dhyāyamānāṃ nirutsāhāṃ dṛśyamānāṃ janaiḥ prabho / ākrośavacanaiḥ krūraiḥ putrahatyāsamanvitām // ### [2.35.25](https://indike.org/pramana/in.purana.narada.2.35.25) duḥśīlāṃ dharmasaṃtyaktāṃ tadvākyaparimoṣitām / svavākyapālanāṃ caṇḍāmucurdevāḥ samāgatāḥ // ### [2.35.26](https://indike.org/pramana/in.purana.narada.2.35.26) māṃ śokaṃ kuru vāmoru pauruṣaṃ hi tvayā kṛtam / nahi mādhavabhaktānāṃ vidyate mānakhaṇḍanam // ### [2.35.27](https://indike.org/pramana/in.purana.narada.2.35.27) sā tvaṃ hariṇaśāvākṣi devakāryārthamāgatā / tanna siddhaṃ varārohe sa prayāto 'dhunābhavam // ### [2.35.28](https://indike.org/pramana/in.purana.narada.2.35.28) vighnavidhvaṃsinīṃ pūrvaṃ kṛtā rukmāṅgadena hi / ekādaśī mahāpuṇyā mohinī mādhave site // ### [2.35.29](https://indike.org/pramana/in.purana.narada.2.35.29) saṃvatsaraṃ viśālākṣi kṛcchrapādaprapūjitā / tasyaivādhyuṣṭiratulā yatsatyācaccalito na hi // ### [2.35.30](https://indike.org/pramana/in.purana.narada.2.35.30) vighnarājñī tu vai nārī lokeṣu parigīyate / karmaṇā manasā vācā putravyāpādane matim // ### [2.35.31](https://indike.org/pramana/in.purana.narada.2.35.31) kṛtvā coddhṛtya khaṅgaṃ ca tyaktvā snehaṃ sudūrurataḥ / tādṛśaṃ nikaṣaṃ prokṣya bhagavānmadhusūdanaḥ // ### [2.35.32](https://indike.org/pramana/in.purana.narada.2.35.32) haniṣyati priyaṃ putraṃ na bhuṅkte harivāsare / putrasya ca priyāyāśca bhāvaṃ prekṣya nṛpasya ca // ### [2.35.33](https://indike.org/pramana/in.purana.narada.2.35.33) viṣṇunā paretuṣṭena nītāḥ svabhavane trayaḥ / sadehāḥ kṣīṇakarmāṇo hy aṅgāro 'gnirivāhitaḥ // ### [2.35.34](https://indike.org/pramana/in.purana.narada.2.35.34) phalaṃ karmaṇi cārabdhe yadi devī na siddhyati / sarvayatnena subhage doṣaḥ ko 'tra tavādhunā // ### [2.35.35](https://indike.org/pramana/in.purana.narada.2.35.35) etasmād varadāḥ sarve saṃprāptā vibudhāḥ śubhe / siddhau vāpyatha vāsiddhau karmakṛtsyāddṛthā na hi // ### [2.35.36](https://indike.org/pramana/in.purana.narada.2.35.36) bhartavyo bhṛtyavargaśca bhūbhujā dharmamicchatā / sadbhāve ghaṭamānasya yadi karma na siddhyati // ### [2.35.37](https://indike.org/pramana/in.purana.narada.2.35.37) deyaṃ vetanamātraṃ tu na ca tuṣṭiphalaṃ bhavet / yo na tasmai prayaccheta jīvanaṃ jīvanāya vai // ### [2.35.38](https://indike.org/pramana/in.purana.narada.2.35.38) govadhaṃ samavāpnoti sa naro nātra saṃśayaḥ / tasmād deyaṃ varārohe abhīṣṭaṃ varasundari // ### [2.35.39](https://indike.org/pramana/in.purana.narada.2.35.39) sadbhāvena kṛte samyagvighnaṃ kāryaṃ divaukasām / kiṃ na kurvanti vibudhās tvayā saha varānane // ### [2.35.40](https://indike.org/pramana/in.purana.narada.2.35.40) dvādaśyās tejasā bhagnā yām āhur vighranāśinīm / vibudhair evam uktā tu mohinī lokamohinī // ### [2.35.41](https://indike.org/pramana/in.purana.narada.2.35.41) uvāca sā nirānandā patihīnātiduḥkhitā / dhigidaṃ jīvitaṃ mahyaṃ yena kāryaṃ na sādhitam // ### [2.35.42](https://indike.org/pramana/in.purana.narada.2.35.42) na kṛto janasaṃbādho yamamārgo 'marādhipāḥ / na tu luptaṃ haridinaṃ na bhuktaṃ harivāsare // ### [2.35.43](https://indike.org/pramana/in.purana.narada.2.35.43) bhūbhujā tena vīreṇa kṛtaḥ putravadho mudā / gato mūrdhni padaṃ datvā mama rukmāṅgado harim // ### [2.35.44](https://indike.org/pramana/in.purana.narada.2.35.44) aprameyaguṇaṃ viṣṇuṃ nirmalaṃ nirmalāśrayam / haṃsaṃ śucipadaṃ vyoma praṇavaṃ bījamavyayam // ### [2.35.45](https://indike.org/pramana/in.purana.narada.2.35.45) nirākāraṃ nirābhāsaṃ niṣprapañcaṃ nirañjanam / śūnyaṃ viyatsvarūpaṃ ca dhyeyadhyānavivarjitam // ### [2.35.46](https://indike.org/pramana/in.purana.narada.2.35.46) asti nāstīti yaṃ prāhurna dūre nāpi cāntike / paraṃ dhāma manogrāhyaṃ puruṣākhyaṃ jaganmayam // ### [2.35.47](https://indike.org/pramana/in.purana.narada.2.35.47) hṛtpaṅkajasamāsīnaṃ tejorūpaṃ sanātanam / tasmiṃl layam anuprāpte kiṃ nu me jīvite phalam // ### [2.35.48](https://indike.org/pramana/in.purana.narada.2.35.48) asādhite tu yaḥ kārye naro gṛhṇāti vetanam / svāminaṃ tu parityajya prayāti narakaṃ dhruvam // ### [2.35.49](https://indike.org/pramana/in.purana.narada.2.35.49) na sādhayanti ye kāryaṃ svāmināṃ tu divaukasaḥ / bhṛtyā vetanabhoktāro jāyante bhūtale hayāḥ // ### [2.35.50](https://indike.org/pramana/in.purana.narada.2.35.50) asādhinīyaṃ kāryasya bhartṛputravināśinī / kathaṃ varaṃ tu gṛhṇāmi bhavatāṃ nākavāsinām // ### [2.35.51](https://indike.org/pramana/in.purana.narada.2.35.51) devā ūcuḥ brūhi mohini dāsyāmi yatte hṛdi samīhitam / anṛṇāstu bhaviṣyāmaḥ kṛtvā copakṛtiṃ tava // ### [2.35.52](https://indike.org/pramana/in.purana.narada.2.35.52) pariśramaḥ kṛto devi tvayā rājaprayojane / tasya tvaṃ phalabhāgdevi tādṛśārthe kṛtasya tu // ### [2.35.53](https://indike.org/pramana/in.purana.narada.2.35.53) evamuccaramāṇānāṃ devatānāṃ mahīpate / nṛpaterājagāmātha purodhāḥ pāvakaprabhaḥ // ### [2.35.54](https://indike.org/pramana/in.purana.narada.2.35.54) uṣito jalamadhye tu prāṇāyāmarato muniḥ / dvādaśābde tataḥ pūrṇe nirgato jalamadhyataḥ // ### [2.35.55](https://indike.org/pramana/in.purana.narada.2.35.55) nirgatena śrutaṃ tena mohinīceṣṭitaṃ nṛpa / sakrodho muniśārdūlo devavṛndamupāgataḥ // ### [2.35.56](https://indike.org/pramana/in.purana.narada.2.35.56) uvāca vibudhānsarvānmohinīvaradāyinaḥ / dhigimāṃ dhigdevasaṃghaṃ karma dhikpāpasaṃjñitam // ### [2.35.57](https://indike.org/pramana/in.purana.narada.2.35.57) bhavatāṃ bhāvanāśāya puruṣārthe prarohakam / bhavanto yacca dātāro mohinyā vāñchitaṃ varam // ### [2.35.58](https://indike.org/pramana/in.purana.narada.2.35.58) hatyāyutā bhartṛsutopaghātinī vihinavṛttiśca marāśirūpā / nāsmā hi loke bhavatīha śuddhiḥ samiddhavahnau patane 'pi devāḥ // ### [2.35.59](https://indike.org/pramana/in.purana.narada.2.35.59) "hatyāyutaṃ bhartṛvadho nirarthakametatsamaṃ vipravaraiḥ purākṛtam / na cāpi cāsyā bhavatīha śuddhiḥ samidbhavahnau patane 'pi devāḥ" // vimoyitvā vacanaiḥ sudhāmayairukmāṅgadaṃ dharmaṃvibhūṣaṇaṃ ca / priyāyutaṃ mokṣapadaṃ nihatya cakāra bhūmiṃ nṛpavarjitāṃ ca // ### [2.35.60](https://indike.org/pramana/in.purana.narada.2.35.60) na cāpi vāso narakeṣu devā asyāḥ sthitiḥ kka tridive 'lpabuddheḥ / na cāpi rājño nikaṭe ca devā nāpyetu viṣṇoḥ padamavyayaṃ yat // ### [2.35.61](https://indike.org/pramana/in.purana.narada.2.35.61) na lokavādena vidūṣitāyā lokeṣu kutrāpi bhavecca vāsaḥ / dhirajīvanaṃ kargmavigarhitāyā devāḥ sadā pāpasamāratāyāḥ // ### [2.35.62](https://indike.org/pramana/in.purana.narada.2.35.62) patiṃ hatvā sutaṃ hatvā sapatnīṃ jananīsamām / hatvā dharāṃ samastāṃ vā kāṃ gatiṃ yāsyate surāḥ // ### [2.35.63](https://indike.org/pramana/in.purana.narada.2.35.63) iyaṃ pāpatarā devā dharmavidhvaṃsinī hareḥ / sarvadāpyanayā proktaṃ bhujyatāṃ harivāsare // ### [2.35.64](https://indike.org/pramana/in.purana.narada.2.35.64) prāṇasaṃvarddhanārthāya teṣāmevāpyadhogatiḥ / bhujyatāṃ vāsare viṣṇorhanyatāṃ gaurdvijānvitā // ### [2.35.65](https://indike.org/pramana/in.purana.narada.2.35.65) apeyaṃ pīyatā muktvā kathaṃ vāsaṃ labheddivi / etadajñānināṃ proktaṃ jñānanāṃ tu na nirṇayaḥ // ### [2.35.66](https://indike.org/pramana/in.purana.narada.2.35.66) ajñānāvdyāhṛte vākye bhujyatāṃ harivāsare / tasyāpi śuddhirgaditā prāṇāyāmaśatena hi // ### [2.35.67](https://indike.org/pramana/in.purana.narada.2.35.67) athavāpyupavāsena ekādaśyā divaukasaḥ / ṛkṣeṇa saṃyutāyāstu jyeṣṭhakuṇḍāplavena vā // ### [2.35.68](https://indike.org/pramana/in.purana.narada.2.35.68) śaukarasparśanā dvāpi naro devārcanena vā / vyāhṛte kathitaṃ vipraiḥ seyamadya suniṣṭhurā // ### [2.35.69](https://indike.org/pramana/in.purana.narada.2.35.69) bhojane pāpaniratā dine viṣṇordurāsade / bharturvākyaṃ vyapohyaiva ghātayitvā sutaṃ priyam // ### [2.35.70](https://indike.org/pramana/in.purana.narada.2.35.70) vākyajñaṃ vākyanirataṃ mātṝṇāṃ tu hite ratam / viṣṇudharmapraloptrīyaṃ bahupāpasamanvitā // ### [2.35.71](https://indike.org/pramana/in.purana.narada.2.35.71) naiṣā spṛśyāsti deveśāḥ kathamasyā varapradāḥ / bhavanto nyāyayukteṣu dharmayukteṣu tatparāḥ // ### [2.35.72](https://indike.org/pramana/in.purana.narada.2.35.72) pālanaṃ pāpayuktasya na kurvanti divaukasaḥ / dharmādhārāḥ smṛtā devā dharmo vedesamāsthitaḥ // ### [2.35.73](https://indike.org/pramana/in.purana.narada.2.35.73) vedaiḥ śuśrūṣaṇaṃ bhartuḥ strīṇāṃ dharmaḥ prakīrtitaḥ / yadbravīti patiḥ kiñcittatkāryamāviśaṅkayā // ### [2.35.74](https://indike.org/pramana/in.purana.narada.2.35.74) śuklaṃ śuklamiti brūyātkṛṣṇaṃ kṛṣṇeti cāmarāḥ / śuśrūṣā sā hi vijñeyā na śuśrūṣā hi sevanam // ### [2.35.75](https://indike.org/pramana/in.purana.narada.2.35.75) bharturājñā hatā devā ātmājñāsthāpanecchayā / tasmātpāpā na saṃdeho mohinī sarvayoṣitām / satyasya sādhanārthāya śapathairyantrito nṛpaḥ // ### [2.35.76](https://indike.org/pramana/in.purana.narada.2.35.76) uvāca vividhaṃ vākyaṃ sā naicchatputraghātinī / tena mokṣaṃ gato rājā pāpamasyāṃ visṛjya ca // ### [2.35.77](https://indike.org/pramana/in.purana.narada.2.35.77) seyaṃ pāpaśarīrā hi hatyāyutasamanvitā // ### [2.35.78](https://indike.org/pramana/in.purana.narada.2.35.78) dātāraṃ sarvadānānāṃ brahmaṇyaṃ haridaivatam / prajārañjanaśīlaṃ ca harivāsarasevinam // ### [2.35.79](https://indike.org/pramana/in.purana.narada.2.35.79) paradāreṣu niḥsnehaṃ viṣaye vigataspṛham / parārthatyaktakāmaṃ ca sadā makhaniṣeviṇam // ### [2.35.80](https://indike.org/pramana/in.purana.narada.2.35.80) sadaiva duṣṭadamane vartamānaṃ dharātale / vyasanaiḥ saptabhirghorairanākrāntaṃ mahīpatim // ### [2.35.81](https://indike.org/pramana/in.purana.narada.2.35.81) saṃnirasya durācārā varayogyā kathaṃ bhavet / yo 'syāḥ pakṣetu varteta devo vā dānavo 'pi vā // ### [2.35.82](https://indike.org/pramana/in.purana.narada.2.35.82) taṃ cāpi bhasmasātkuryāṃ kṣaṇena surasattamāḥ / mohinyā rakṣaṇe yastu prayatnaṃ kurute surāḥ // ### [2.35.83](https://indike.org/pramana/in.purana.narada.2.35.83) tasya tajjāyate pāpaṃ yanmohinyāṃ vyavasthitam // ### [2.35.84](https://indike.org/pramana/in.purana.narada.2.35.84) sa evamuktvā nṛpate dvijendraḥ saṃgṛhya pāṇau salilaṃ ca tīvram / krodhena saṃvīkṣya vidhiprasūtāṃ cikṣepa tanmūrghnyanalaprakāśam // ### [2.35.85](https://indike.org/pramana/in.purana.narada.2.35.85) nikṣiptamātre salile mahīpa sadyaḥ prajajvāla ca taccharīram / saṃpaśyatāṃ nākanivāsināṃ tu tṛṇyā yathā vahniśikhāvalīḍhā // ### [2.35.86](https://indike.org/pramana/in.purana.narada.2.35.86) kopaṃ vibho saṃhara saṃhareti yāvadgiraḥ khe marutāṃ babhūvuḥ / tāvatsa vahnirdvijavākyamṛṣṭo bhasmāvaśeṣāṃ pramadāṃ cakāra // ### [2.35.86.p1](https://indike.org/pramana/in.purana.narada.2.35.86.p1) iti śrībṛhannāradīyapurāṇottarabhāge mohinī carite śāpaprāptirnāma pañcatriṃśo 'dhyāyaḥ ## Linked texts (1) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.109.55.1) — Sanskrit --- Source: [https://indike.org/pramana/in.purana.narada.2.35](https://indike.org/pramana/in.purana.narada.2.35) · Pramāṇa