[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.36 # Naradapurana 2.36 Nāradapurāṇa 2.36 - **Language:** Sanskrit ## Contents - [2.36.60](https://indike.org/pramana/in.purana.narada.2.36.60) — 1 part ### [2.36.1](https://indike.org/pramana/in.purana.narada.2.36.1) vasiṣṭha uvāca mohinī mohamutsṛjya gatā vibudhamandiram / bhartsitā devadūtena sthitiste 'tra na pāpinī // ### [2.36.2](https://indike.org/pramana/in.purana.narada.2.36.2) pāpaśīle sudurmedhe bhartṛnindāparāyaṇe / harivāsaralopinyāṃ vāsaste na triviṣṭape // ### [2.36.3](https://indike.org/pramana/in.purana.narada.2.36.3) dharmato vimukhānāṃ ca narake vāsa iṣyate / evamuktvā tu tāṃ vāyuḥ krūraṃ vacanapadbhutam // ### [2.36.4](https://indike.org/pramana/in.purana.narada.2.36.4) tāḍayitvā ca daṇḍena prerayāmāsa yātanām / evaṃ saṃtāḍitā rājan devadūtena mohinī // ### [2.36.5](https://indike.org/pramana/in.purana.narada.2.36.5) brahmadaṇḍaparābhūtā saṃprāptā narakaṃ nṛpa / tatra dharmājñayā sā tu dūtaiḥ saṃtāḍitā ciram // ### [2.36.6](https://indike.org/pramana/in.purana.narada.2.36.6) sarveṣu kramaśo gatvā narakeṣu nipātitā / pāpe dharmāṅgadaḥ putro ghātitaḥ patipāṇinā // ### [2.36.7](https://indike.org/pramana/in.purana.narada.2.36.7) tvayā yatastato bhuṅkṣva kṛtakarmaphalaṃ tviha / prajāhitaṃ sthiraprajñaṃ mahendravaruṇopamam // ### [2.36.8](https://indike.org/pramana/in.purana.narada.2.36.8) saptadvīpādhipaṃ putraṃ hatvedṛkphalabhoginī / prākṛtasyāpi putrasya hiṃsāyāṃ brahmahā bhavet // ### [2.36.9](https://indike.org/pramana/in.purana.narada.2.36.9) kiṃ punarddharmayuktasya pāpe dharmāṅgadasya ca / evaṃ nirbhatsitā dūtairyamasya nṛpasattama // ### [2.36.10](https://indike.org/pramana/in.purana.narada.2.36.10) bubhuje yātanāḥ sarvāḥ kramaśaḥ śamanoditāḥ / brahmadaṇḍahatāyāstu dehasparśena yātanāḥ // ### [2.36.11](https://indike.org/pramana/in.purana.narada.2.36.11) jvalitāṅgā babhūvustā dhāraṇāya na tu kṣamāḥ / tataste narakā rājan dharmarājamupāgatāḥ // ### [2.36.12](https://indike.org/pramana/in.purana.narada.2.36.12) procuḥ prāñjalayo bhītāstadaṅgasparśapīḍitāḥ / devadeva jagannātha dharmarāja dayāṃ kuru // ### [2.36.13](https://indike.org/pramana/in.purana.narada.2.36.13) imāṃ niḥsārayāśu tvaṃ yātanābhyaḥ sukhāya naḥ / yasyāḥ sparśanato nātha bhasmabhūtāḥ kṣaṇādaho // ### [2.36.14](https://indike.org/pramana/in.purana.narada.2.36.14) bhaviṣyāmastatastvenāṃ narakebhyo vivāsaya / tacchrutvā vacanaṃ teṣāṃ dharmarājo 'tivismitaḥ // ### [2.36.15](https://indike.org/pramana/in.purana.narada.2.36.15) dūtānsvānpratyuvāceyaṃ niḥsāryā mama mandirāt / yo brahmadaṇḍanirdagdhaḥ pumān strī vā ca taskaraḥ // ### [2.36.16](https://indike.org/pramana/in.purana.narada.2.36.16) tasya pāpasya saṃsparśaṃ necchati yātanā mama / tasmādimāṃ mahāpāpāṃ bharturvacanalopinīm // ### [2.36.17](https://indike.org/pramana/in.purana.narada.2.36.17) putraghnīṃ dharmahantrīṃ ca brahmadaṇḍahatāmapi / niḥsārayata me bāpi deho jvalati darśaṃnāt // ### [2.36.18](https://indike.org/pramana/in.purana.narada.2.36.18) ityuktāste tadā dūtā dharmarājena bhūpate / praharanto 'straśastraiśca bahiścakruryamakṣayāt // ### [2.36.19](https://indike.org/pramana/in.purana.narada.2.36.19) tataḥ sā duḥkhitā rājan mohinī mohasaṃyutā / pātālaṃ prayayau tatra pātālasthairnivāritā // ### [2.36.20](https://indike.org/pramana/in.purana.narada.2.36.20) tatastu vrīḍitātyarthaḥ mohinī brahmaṇaḥ sutā / janakasyāntikaṃ gatvā duḥkhaṃ svaṃ saṃnyavedayat // ### [2.36.21](https://indike.org/pramana/in.purana.narada.2.36.21) tāta tannāsti me sthānaṃ trailokye sacarā care / yatra yatra tu gacchāmi tatra tatra kṣipanti mām // ### [2.36.22](https://indike.org/pramana/in.purana.narada.2.36.22) ahaṃ nirvāsitā lokairghātayitvāyudhairdṛḍham / bhavadājñāṃ samādāya gatā rukmavibhūṣaṇam // ### [2.36.23](https://indike.org/pramana/in.purana.narada.2.36.23) mayā vyavasitaṃ cedaṃ sarvalokavigarhitam / kleśayitvā tu bhartāraṃ putraṃ hatvā varāsinā // ### [2.36.24](https://indike.org/pramana/in.purana.narada.2.36.24) saṃdhyāvalīṃ kṣobhayitvā pitaḥ prāptā daśā mimām / na gatirvidyate deva pāpāyā mama sāṃpratam // ### [2.36.25](https://indike.org/pramana/in.purana.narada.2.36.25) viśeṣāddvijaśāpena jātāhaṃ duḥkhabhāginī / vipravākyahatānā ca dagdhānāṃ citrabhānunā // ### [2.36.26](https://indike.org/pramana/in.purana.narada.2.36.26) divākīrtihatānāṃ ca bhakṣitānāṃ mṛgādibhiḥ / śatahradāvipannānāṃ muktidā svarṇadī pitaḥ // ### [2.36.27](https://indike.org/pramana/in.purana.narada.2.36.27) yadi tvaṃ tridaśaiḥ sārddhaṃ vipraṃ taṃ śāpadāyinam / prasādayasi matprītyā tarhi me vihitā gatiḥ // ### [2.36.28](https://indike.org/pramana/in.purana.narada.2.36.28) tāṃ tathāvādinīṃ rājan brahmā lokapitāmahaḥ / śivendradharmasūryāgnideveśairmunibhiryutaḥ // ### [2.36.29](https://indike.org/pramana/in.purana.narada.2.36.29) mohinīmagrataḥ kṛtvā jagāma dvijasannidhau / tatra gatvā mahīpāla brahmā devādibhirvṛtaḥ // ### [2.36.30](https://indike.org/pramana/in.purana.narada.2.36.30) mahatā gauraveṇāpi namaścakre svayaṃ vidhiḥ / bhūpa rudrādidevaistu pūjyo mānyaḥ pitāmahaḥ // ### [2.36.31](https://indike.org/pramana/in.purana.narada.2.36.31) mohinīprītaye mugdhaḥ svayaṃ cakre namaskriyām / kārye mahati saṃprāpte hyasādhye bhuvanatraye // ### [2.36.32](https://indike.org/pramana/in.purana.narada.2.36.32) na dūṣitaṃ bhavedbhūpa yaviṣṭhasyābhivādanam / sa dvijo vedavedāṅgaparagastapasi sthitaḥ // ### [2.36.33](https://indike.org/pramana/in.purana.narada.2.36.33) saṃprekṣya lokakartāraṃ devaiḥ saha samāgatam / samutthāya namaścakre brahmāṇaṃ tānmunīnsurān // ### [2.36.34](https://indike.org/pramana/in.purana.narada.2.36.34) vāsayāmāsa bhaktyā ca stutiṃ cakre 'bjajanmanaḥ / tataḥ prasanno bhagavān lokakarttā jagadguruḥ // ### [2.36.35](https://indike.org/pramana/in.purana.narada.2.36.35) te dvijaṃ prārthayāmāsurmohinyarthe nṛpārcitam / tāta vipra sadācāra paralokopakāraka // ### [2.36.36](https://indike.org/pramana/in.purana.narada.2.36.36) kṛpāṃ kuru kṛpāsiṃdho mohinīgatido bhava / mayā saṃpreṣitā brahman rukmāṅgadavimohane // ### [2.36.37](https://indike.org/pramana/in.purana.narada.2.36.37) sutā me yamalokaṃ tu śūnyaṃ dṛṣṭvā ca mānada / vaikuṇṭhaṃ saṃkulaṃ prekṣya lokaiḥ sarvairni rākulaiḥ // ### [2.36.38](https://indike.org/pramana/in.purana.narada.2.36.38) manasotpāditā devī devānāṃ hitakāriṇī / niśāmaya dharādeva yadbravīmi tavāgrataḥ // ### [2.36.39](https://indike.org/pramana/in.purana.narada.2.36.39) gatiṃ dharmasyātisūkṣmāṃ lokakalyāṇakāriṇīm / anayā nikaṣāśyāṅgyā parīkṣya svarṇabhūṣaṇaḥ // ### [2.36.40](https://indike.org/pramana/in.purana.narada.2.36.40) sadāraḥ sasuto brahmanprāpito harimandiram / rājñāprahatayā bhaktyā harivāsarapālanāt // ### [2.36.41](https://indike.org/pramana/in.purana.narada.2.36.41) kṛtaṃ śūnyaṃ yamasthānaṃ lipimārjanakarmaṇā / devāpakāro viprarṣe na kṣamo bāhujanmanā // ### [2.36.42](https://indike.org/pramana/in.purana.narada.2.36.42) bhūsurāṇāṃ viśeṣeṇaṃ yātāste tatsahāyakāḥ // ### [2.36.43](https://indike.org/pramana/in.purana.narada.2.36.43) na prāpyate sāṅghyavidā tu yacca nāṣṭāṅgayogena tu bhaktigamyam / tatprāpitaṃ bhūsura bhūpabharturnijasya putrasya tathā sapatnyāḥ // ### [2.36.44](https://indike.org/pramana/in.purana.narada.2.36.44) yatpuṇyaśīlasya nṛpasya bhūpaśiromaṇerācaritaṃ pratīpam / tatpāpavegena babhūva vidrutā bhasmāvaśeṣā tava śāpadagdhā // ### [2.36.45](https://indike.org/pramana/in.purana.narada.2.36.45) devārthameṣā bhavavarddhanārthaṃ nṛpopakārāya ca saṃpravṛttā / na svārthakāmā labhate 'vamānaṃ kathaṃ dvijāto 'pakṛtiṃ kṣamasva // ### [2.36.46](https://indike.org/pramana/in.purana.narada.2.36.46) dayāṃ kuruṣva praśamaṃ bhajasva piṣṭasya peṣo nahi nītiyuktaḥ / śāpapradānenanipātiteyaṃ kuru prasādaṃ gatido bhavatvam / yasminkṛte brāhmaṇa mohinīyaṃ buddhiṃ tyajetkrūratarāṃ tvayījye // ### [2.36.47](https://indike.org/pramana/in.purana.narada.2.36.47) sa evamuktaḥ kamalāsanena vimṛśya buddhyā visasarja kopam / uvāca devaṃ tridaśādhināthaṃ vimohinīdehakṛtaṃ dvijendraḥ // ### [2.36.48](https://indike.org/pramana/in.purana.narada.2.36.48) bahupāpayutā deva mohinī tanayā tava / na lokeṣu sthitistasmātprāṇibhiḥ saṃkuleṣu ca // ### [2.36.49](https://indike.org/pramana/in.purana.narada.2.36.49) mayā vimṛśya suciraṃ moddinyarthaṃ vicintitam / taddāsyami tava prītyā tvaṃ hi pūjyataro mama // ### [2.36.50](https://indike.org/pramana/in.purana.narada.2.36.50) yathā tava vacaḥ satyaṃ mama cāpi sureśvara / devakāryaṃ ca bhavitā mohinīkṛtatyameva ca // ### [2.36.51](https://indike.org/pramana/in.purana.narada.2.36.51) yannākrāntaṃ hi bhūtaughaistatsthāne mohinīsthitiḥ / jaṅgamājaṅgamairbhūmirvyāptā dvīpavatī sadā // ### [2.36.52](https://indike.org/pramana/in.purana.narada.2.36.52) talāni cāpi daityādyairākāśaḥ pakṣipūrvakaiḥ / nākaḥ sukṛtibhirjīvairnarakāḥ pāpakarmabhiḥ // ### [2.36.53](https://indike.org/pramana/in.purana.narada.2.36.53) jhaṣādyaiḥ sāgarā vyāptā naiṣvaspṛṣyāsthitistataḥ / tato brahmā suraiḥ sarvaiḥ saṃmantrya nṛpasattama // ### [2.36.54](https://indike.org/pramana/in.purana.narada.2.36.54) uvāca mohinīṃ devīṃ nāsti sthānaṃ tava kvacit / tacchrutvā mohinī vākyaṃ piturājñāvidhāyinī // ### [2.36.55](https://indike.org/pramana/in.purana.narada.2.36.55) uvāca praṇatā sarvān harivāsaranāśinī / purodhasā sametāno devānāṃ lokasākṣiṇām // ### [2.36.56](https://indike.org/pramana/in.purana.narada.2.36.56) bhavatāṃ tridaśaśreṣṭhā eṣa baddho mayāñjaliḥ / praṇipātaśatenāpi prasannena hṛdā surāḥ // ### [2.36.57](https://indike.org/pramana/in.purana.narada.2.36.57) dātavyaṃ yācitaṃ maṃhyaṃ sarveṣāṃ prītikārakam / ekādaśyāḥ prabhāveṇa sarveṣāṃ pāpināṃ gatiḥ // ### [2.36.58](https://indike.org/pramana/in.purana.narada.2.36.58) sādhyate tāṃ suraśreṣṭhā vardhituṃ me prayojanam / patiḥ sapatnī putraśca mayā vaikuṇṭhagāḥ kṛtāḥ // ### [2.36.59](https://indike.org/pramana/in.purana.narada.2.36.59) bhūrloke vidhavādyāhaṃ vartāmi bhavatāṃ kṛte / yathā haridinaṃ duṣṭaṃ jāyate mama mānadāḥ // ### [2.36.60](https://indike.org/pramana/in.purana.narada.2.36.60) etatprayāce dadata svārthārthaṃ taddhi nānyathā // ### [2.36.60.p1](https://indike.org/pramana/in.purana.narada.2.36.60.p1) iti śrībṛhannāradīyapurāṇottarabhāge mohinīcarite ṣaṭtriṃśattamo 'dhyāyaḥ ## Linked texts (1) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.109.38) — Sanskrit --- Source: [https://indike.org/pramana/in.purana.narada.2.36](https://indike.org/pramana/in.purana.narada.2.36) · Pramāṇa