[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.37 # Naradapurana 2.37 Nāradapurāṇa 2.37 - **Language:** Sanskrit ## Contents - [2.37.46](https://indike.org/pramana/in.purana.narada.2.37.46) — 1 part ### [2.37.1](https://indike.org/pramana/in.purana.narada.2.37.1) mohinyuvāca ekādaśīsamaṃ devāḥ pāvanaṃ nāparaṃ bhavet / yayā pūtā mahāpāpā gacchanti harimandiram // ### [2.37.2](https://indike.org/pramana/in.purana.narada.2.37.2) tatsamīpe mama sthānaṃ yuktaṃ bhāti vicāryatām / devā ūcuḥ vedho niśīthe devānāmupakārāya mohinī // ### [2.37.3](https://indike.org/pramana/in.purana.narada.2.37.3) sūryodaye surāṇāṃ ca hariṇā parikalpitaḥ / pāraṇaṃ ca trayodaśyāmupavāsavināśanam // ### [2.37.4](https://indike.org/pramana/in.purana.narada.2.37.4) mahādvādaśikā hyaṣṭau yāḥ smṛtā vaiṣṇavāgame / tāstu hyekādaśībhinnā upoṣyante ca vaiṣṇavaiḥ // ### [2.37.5](https://indike.org/pramana/in.purana.narada.2.37.5) ekādaśīvrataṃ bhinnaṃ vaiṣṇavānāṃ mahātmanām / nityaṃ pakṣadvaye proktaṃ vidhinā tridinātmake // ### [2.37.6](https://indike.org/pramana/in.purana.narada.2.37.6) sāyaṃ prātastyajedbhuktiṃ kramātpūrvāparāhṇayoḥ / ekādaśī yadā bhinnā upoṣyā hi pare 'hani / dvādaśyāṃ hi vrataṃ kāryaṃ niraṃbu samupoṣaṇam // ### [2.37.7](https://indike.org/pramana/in.purana.narada.2.37.7) laṅghane tvasamarthānāṃ jalaṃ śākaṃ phalaṃ payaḥ / naivedyaṃ vā hareḥ proktaṃ svāhārātpādasaṃmitam // ### [2.37.8](https://indike.org/pramana/in.purana.narada.2.37.8) svātī sūryodaye viddho tyajantyakādaśīṃ sati / niṣkāmā madhyarātre ca viddhāṃ muñcanti yāmyayā // ### [2.37.9](https://indike.org/pramana/in.purana.narada.2.37.9) sarveṣvapi tu lokeṣu viditā daśamī tithiḥ / yamasya tasyāḥ prānti tu sthitiḥ kāryā tvayānaghe // ### [2.37.10](https://indike.org/pramana/in.purana.narada.2.37.10) etena devakāryaṃ ca siddhaṃ bhavati śobhane / sūryenducārā tithyāstu daśamyāḥ prāntagāminī // ### [2.37.11](https://indike.org/pramana/in.purana.narada.2.37.11) bhuvi tīrthāni caiva tvaṃ svāghanāśāya saṃcara / aruṇodayamārabhya yāvatsūryodayo bhavet // ### [2.37.12](https://indike.org/pramana/in.purana.narada.2.37.12) tadantastvaṃ vrate prāptā labhasvaikādaśīphalam / yaḥ kaścitkurute viddhaṃ tvayā hyekādaśīvratam // ### [2.37.13](https://indike.org/pramana/in.purana.narada.2.37.13) sa tīpakārakastubhyaṃ bhaviṣyati surapriye / muhūrtadvayamātraṃ tu jñeyaṃ cātrāruṇodayam // ### [2.37.14](https://indike.org/pramana/in.purana.narada.2.37.14) mūhūrtāḥ pañcadaśa ca smṛtā rātrerdinasya ca / jñeyāste hrasvadīrghatve trairāśika vidhānataḥ // ### [2.37.15](https://indike.org/pramana/in.purana.narada.2.37.15) trayodaśānmuhūrtānttu rātrairūrddhvā samāgatā / sabdhvopavāsināṃ puṇyaṃ svasthā bhava śucismite // ### [2.37.16](https://indike.org/pramana/in.purana.narada.2.37.16) yamasaṃsthāpanārthāya vaikuṇṭhadhvaṃsanāya ca / pākhaṇḍānāṃ vivṛddhyarthaṃ pāpasaṃcanāya ca // ### [2.37.17](https://indike.org/pramana/in.purana.narada.2.37.17) dattaṃ te mohini sthānaṃ pratyūṣasamayāṅkitam // ### [2.37.18](https://indike.org/pramana/in.purana.narada.2.37.18) viddhaṃ tvayaikādaśikāvrataṃ ye kurvanti kartāra iha prayatnāt / teṣāṃ bhavedyatsukṛtaṃ śubhe phalaṃ bhuṅkṣva prasannā bhava bhūsure tvam // ### [2.37.19](https://indike.org/pramana/in.purana.narada.2.37.19) evaṃ pradiṣṭā kamalāsanādyaiḥ sā mohinī hṛṣṭatarā babhūva / mene kṛtārthaṃ nijajīvitaṃ ca svapāpatīrthābhiniṣevaṇena // ### [2.37.20](https://indike.org/pramana/in.purana.narada.2.37.20) saṃsādhitaṃ kāryamidaṃ surāṇāṃ bhasmāvaśeṣaṃ hi gate 'pi dehe / caitanyamātre pavanātmake 'smin saṃmārjito bhūpakṛtastu panthāḥ // ### [2.37.21](https://indike.org/pramana/in.purana.narada.2.37.21) nītaṃ mayā cātmakṛtaṃ hi vākyaṃ prahṛṣṭayā vai yadudāhṛtaṃ hi / evaṃ vimṛśya kṣiptipālade vānpraṇamya hṛṣṭā ca purodhasaṃ svam // ### [2.37.22](https://indike.org/pramana/in.purana.narada.2.37.22) prānte sthitā sūryavihīnasaṃjñe kāle daśamyā janamohanāya / kṛcchrāntarūpā ca dinaṃ ca bhuṅkte prakṛṣṭarūpā narakāya nṝṇām // ### [2.37.23](https://indike.org/pramana/in.purana.narada.2.37.23) prāntasthitāṃ tāṃ ravijo nirīkṣya prahṛṣṭavaktro vacanaṃ jagāda / tvayā pratiṣṭhā mama cārunetre kṛtātra loke punareva samyak / vibhodito rukmavibhūṣaṇasya mattebhasaṃsthaḥ paṭahaḥ sughaiṣaḥ // ### [2.37.24](https://indike.org/pramana/in.purana.narada.2.37.24) dṛṣṭe kārye janaḥ sarvaḥ pratyayaṃ kurute tviti // ### [2.37.25](https://indike.org/pramana/in.purana.narada.2.37.25) sūryodaya spṛṣā hyeṣā daśamī garhitā sadā / aspṛṣṭamudayaṃ nṝṇāṃ mohanāya bhaviṣyati // ### [2.37.26](https://indike.org/pramana/in.purana.narada.2.37.26) vihāya tāṃ yatpriyayogabhuktiṃ pādasthitā sāpi hyadṛṣyarūpā / satyaṃ hi te nāma viśālanetre yanmohinītyeva jano bravīti // ### [2.37.27](https://indike.org/pramana/in.purana.narada.2.37.27) vimohayitvā hi janaṃ samastaṃ paṭe madīye likhitaṃ karoṣi / ityeva muktvā tanayo vivasvataḥ praṇamya tāṃ brahmasutāṃ prahṛṣṭaḥ // ### [2.37.28](https://indike.org/pramana/in.purana.narada.2.37.28) jagāma devaiḥ saha nākalokaṃ kare gṛhītvā lipilekhitāram / gateṣu deveṣu vimohinī sā brahmāṇamāsādya surāsureśam // ### [2.37.29](https://indike.org/pramana/in.purana.narada.2.37.29) vijñāpayāmāsa pitaḥ purodhā mamāyamatyugrataraśca kopāt / dagdhaṃ śarīraṃ mama lokanātha punaḥ prapatsye 'tha tathā kuruṣva // ### [2.37.30](https://indike.org/pramana/in.purana.narada.2.37.30) vimohitaṃ caiva jaganmayedaṃ prānte samāsthāya yamasya tithyāḥ / jito hi rājñā śamanaḥ purādya kṛto jayī tāta tava prabhāvāt // ### [2.37.31](https://indike.org/pramana/in.purana.narada.2.37.31) tava kṛtyamidaṃ tāta yatpunardehadhāriṇī / bhūyāmahaṃ jagannātha brahmaṇaṃ sāṃtyayasva bhoḥ // ### [2.37.32](https://indike.org/pramana/in.purana.narada.2.37.32) tacchrutvā mohinīvākyaṃ brahmā lokavidhānakṛt / brāhmaṇaṃ sāṃtvayāmāsa punareva sutākṛte // ### [2.37.33](https://indike.org/pramana/in.purana.narada.2.37.33) vaso tāta nibodhedaṃ yadbravīmi hitāvaham / tava cāsyā mahābhāga sarvalokahitāya ca // ### [2.37.34](https://indike.org/pramana/in.purana.narada.2.37.34) tvayeyaṃ mohinī kopātkṛtā bhasmāvaśeṣitā / punaḥ śarīraṃ yāceta tadājñāṃ dehi mānada // ### [2.37.35](https://indike.org/pramana/in.purana.narada.2.37.35) matputrī tava yājyeyaṃ durgatiṃ tāta gacchati / tvayā mayā ca sapālyā kṛtakāryā tapasvinī // ### [2.37.36](https://indike.org/pramana/in.purana.narada.2.37.36) yadi tvaṃ śuddhabhāvena māṃ jñāpayasi mānada / tāto 'hamasyā bhūyo 'pi dehamutpādayāmyaham // ### [2.37.37](https://indike.org/pramana/in.purana.narada.2.37.37) kintu viṣṇudinasyaiṣā vairiṇī pāpakāriṇī / yathā śuddhyeti viprendra tathaivāśu vidhīyatām // ### [2.37.38](https://indike.org/pramana/in.purana.narada.2.37.38) tacchrutvā vacanaṃ tasya brahmaṇaḥ sa purohitaḥ / yājyāyā dehayogārthamādideśa mudānvitaḥ // ### [2.37.39](https://indike.org/pramana/in.purana.narada.2.37.39) vipravākyaṃ samākarṇya brahmā lokapitamahaḥ / kamaṇḍalujalenaukṣanmohinyā dehabhasma tat // ### [2.37.40](https://indike.org/pramana/in.purana.narada.2.37.40) samukṣite brahmaṇā lokakartrā sā mohinī dehayutā babhūva / praṇamya tātaṃ ca vasoḥ purodhaso jagrāha pādau vinayena natvā // ### [2.37.41](https://indike.org/pramana/in.purana.narada.2.37.41) tato vasuryājaka eva rājño mudānvito yājyanitaṃbinīṃ tām / vimohinīṃ svāmisutoñjjhitāṃ ca jagāda vākyaṃ vidutāmavīrām // ### [2.37.42](https://indike.org/pramana/in.purana.narada.2.37.42) vasuruvāca krodhastyakto mayā devi brahmaṇo vacanādatha / gatiṃ te kārayiṣyāmi tīrthasnānādikarmaṇā // ### [2.37.43](https://indike.org/pramana/in.purana.narada.2.37.43) ityuktvā mohinīṃ vipro brahmāṇāṃ jagatāṃ patim / visasarja namaskṛtya mohinīpitaraṃ mudā // ### [2.37.44](https://indike.org/pramana/in.purana.narada.2.37.44) mohinyā vasunā caiva prītyā brahmā visarjitaḥ / jagāma lokaṃ tamasaḥ paramavyaktavartmanā // ### [2.37.45](https://indike.org/pramana/in.purana.narada.2.37.45) sa vasurbrāhmaṇaśreṣṭho rukmāṅgadapurohitaḥ / mohinīṃ samanugrāhyāṃ matvā hṛdi vicārayan // ### [2.37.46](https://indike.org/pramana/in.purana.narada.2.37.46) muhūrttaṃ dhyānamāpanno bubudhe kāraṇaṃ gateḥ // ### [2.37.46.p1](https://indike.org/pramana/in.purana.narada.2.37.46.p1) iti śrībṛhannāradīyapurāṇottarabhāge mohinīcarite saptatriṃśo 'dhyāyaḥ ## Linked texts (2) - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.109.119.3) — Sanskrit - [Smṛticandrikā](https://indike.org/pramana/in.niti.dharma.nibandha.mahanibandha.smrticandrika.6.p36) — Devaṇṇabhaṭṭa, Sanskrit ## Discussed in (1) - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s12.19) — Hazra 1940, English --- Source: [https://indike.org/pramana/in.purana.narada.2.37](https://indike.org/pramana/in.purana.narada.2.37) · Pramāṇa