[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.39 # Naradapurana 2.39 Nāradapurāṇa 2.39 - **Language:** Sanskrit ## Contents - [2.39.48](https://indike.org/pramana/in.purana.narada.2.39.48) — 1 part ### [2.39.1](https://indike.org/pramana/in.purana.narada.2.39.1) vasuruvāca śṛṇu mohini vakṣyāmi gaṅgāyā darśane phalam / yaduktaṃ hi purāṇeṣu munibhistattvadarśibhiḥ // ### [2.39.2](https://indike.org/pramana/in.purana.narada.2.39.2) bhavanti nirviṣāḥ sarpā yathā tārkṣyasya daśa nāt / gaṅgāsaṃdarśanāttadvatsarvapāpaiḥ pramucyate // ### [2.39.3](https://indike.org/pramana/in.purana.narada.2.39.3) saptāvarān saptaparān pitṛṃstebhyaśca ye pare / pumāṃstārayate gaṅgāṃ vīkṣya spṛṣṭvāvagāhya ca // ### [2.39.4](https://indike.org/pramana/in.purana.narada.2.39.4) darśanātsparśanātpānāttathā gaṅgeti kīrtanāt / pumānpunāti puruṣāñchataśo 'tha sahasraśaḥ // ### [2.39.5](https://indike.org/pramana/in.purana.narada.2.39.5) jñānamaiśvaryamatulaṃ pratiṣṭhāyuryaśastathā / śubhānāmāśramāṇāṃ ca gaṅgādarśanajaṃ phalam // ### [2.39.6](https://indike.org/pramana/in.purana.narada.2.39.6) sarvendriyāṇāṃ cāñcalyaṃ vyasanāni ca pātakam / nirghṛṇatvaṃ ca naśyanti gaṅgādarśana mātrataḥ // ### [2.39.7](https://indike.org/pramana/in.purana.narada.2.39.7) parahiṃsā ca kauṭilyaṃ paradoṣādyavekṣaṇam / dāṃbhikatvaṃ nṛṇāṃ gaṅgādarśanādeva naśyati // ### [2.39.8](https://indike.org/pramana/in.purana.narada.2.39.8) muhurmuhustathā paśyetspṛśedvāpi muhurmuhuḥ / bhaktyā yadicchati naraḥ śāśvataṃ padamavyayam // ### [2.39.9](https://indike.org/pramana/in.purana.narada.2.39.9) vāpīkūpataḍāgādiprapāsatrādibhistathā / anyatra yadbhavetpuṇyaṃ tadgaṅgādarśanādbhavet // ### [2.39.10](https://indike.org/pramana/in.purana.narada.2.39.10) yatphalaṃ jāyate puṃsāṃ darśane paramātmanaḥ / tadbhavedeva gaṅgāyā darśanādbhaktibhāvataḥ // ### [2.39.11](https://indike.org/pramana/in.purana.narada.2.39.11) naimiṣe ca kurukṣetre narmadāyāṃ ca puṣkare / snānātsaṃsparśanā sevya yatphalaṃ labhate naraḥ // ### [2.39.12](https://indike.org/pramana/in.purana.narada.2.39.12) tadgaṅgādarśanādeva kalau prāhurmaharṣayaḥ / atha te smaraṇasyāpi gaṅgāyā bhūpabhāmini // ### [2.39.13](https://indike.org/pramana/in.purana.narada.2.39.13) pravakṣyāmi phalaṃ yattu purāṇeṣu prakīrtitam / aśubhaiḥ karmabhiryuktānmajjamānānbhavārṇave // ### [2.39.14](https://indike.org/pramana/in.purana.narada.2.39.14) patato narake gaṅgā smṛtā dūrātsamuddharet / yojanānāṃ sahasreṣu gaṅgāṃ smarati yo naraḥ // ### [2.39.15](https://indike.org/pramana/in.purana.narada.2.39.15) api duṣkṛtakarmā hi labhate paramāṃ gatim / smaraṇādeva gaṅgāyāḥ pāpasaṃghātapañjaram // ### [2.39.16](https://indike.org/pramana/in.purana.narada.2.39.16) bhedaṃ sahasradhā yāti girirvajrahato yathā / gacchaṃstiṣṭhansvapandhyāyañjāgradbhuñjan hasan rudan // ### [2.39.17](https://indike.org/pramana/in.purana.narada.2.39.17) yaḥ smaretsatataṃ gaṅgāṃ sa ca mucyeta bandhanāt / sahasrayojanasthāśca gaṅgāṃ bhaktyā smaranti ye // ### [2.39.18](https://indike.org/pramana/in.purana.narada.2.39.18) gaṅgāgaṅgeti cākruśya mucyante te 'pi pātakāt / ye ca smaranti vai gaṅgāṃ gaṅgābhaktiparāśca ye // ### [2.39.19](https://indike.org/pramana/in.purana.narada.2.39.19) te 'pyaśeṣairmahāpāpairmucyante nātra saṃśayaḥ / bhavanāni vicitrāṇi vicitrābharaṇāḥ striyaḥ // ### [2.39.20](https://indike.org/pramana/in.purana.narada.2.39.20) ārogyaṃ vittrasaṃpattirgaṅgāsmaraṇañja phalam / manasā saṃsmaredyastu gaṅgāṃ dūrasthito naraḥ // ### [2.39.21](https://indike.org/pramana/in.purana.narada.2.39.21) cāndrāyaṇasahasrasya sa phalaṃ labhate dhruvam / gaṅgā gaṅgā japannāma yojanānāṃ śate sthitaḥ // ### [2.39.22](https://indike.org/pramana/in.purana.narada.2.39.22) mucyate sarvapāpebhyo viṣṇulokaṃ ca gacchati / kīrtanānmucyate pāpāddarśanānmaṅgalaṃ labhet // ### [2.39.23](https://indike.org/pramana/in.purana.narada.2.39.23) avagāhya tathā pītvā punātyāsaptamaṃ kulam / saptāvaparānparānsapta saptātha parataḥ parān // ### [2.39.24](https://indike.org/pramana/in.purana.narada.2.39.24) gaṅgā tārayate puṃsāṃ prasaṃgenāpi kīrtitā / aśraddhayāpi gaṅgāyā yattu nāmānukīrtanam // ### [2.39.25](https://indike.org/pramana/in.purana.narada.2.39.25) karoti puṇyavāhinyāḥ so 'pi svargasya bhājanam / sarvāvasthāṃ gato vāpi sarvadharmavivarjitaḥ // ### [2.39.26](https://indike.org/pramana/in.purana.narada.2.39.26) gaṅgāyāḥ kīrtanenaiva śubhāṃ gatimavāpnuyāt / brahmahā guruhāgoghnaḥ spṛṣṭo vā sarvapātakaiḥ // ### [2.39.27](https://indike.org/pramana/in.purana.narada.2.39.27) gaṅgātoyaṃ naraḥ spṛṣṭvā mucyate sarvapātakaiḥ / kadā drakṣyāmi tāṃ gaṅgāṃ kadā snānaṃ labhe hyaham // ### [2.39.28](https://indike.org/pramana/in.purana.narada.2.39.28) iti puṃsābhilaṣitā kulānāṃ tārayecchatam / atha snānaphalaṃ devi gaṅgāyāḥ pravadāmi te // ### [2.39.29](https://indike.org/pramana/in.purana.narada.2.39.29) yacchrutvā sarvapāpebhyo mucyate nātra saṃśayaḥ / snātasya gaṅgāsalile sadyaḥ pāpaṃ praṇaśyati // ### [2.39.30](https://indike.org/pramana/in.purana.narada.2.39.30) apūrvapuṇyaprāptiśca sadyo mohini jāyate / snātānāṃ śucibhistoyairgāṅgeyaiḥ prayatātmanām // ### [2.39.31](https://indike.org/pramana/in.purana.narada.2.39.31) vyuṣṭirbhavati yā puṃsāṃ na sā kratuśatairapi / apahatya tamastīvraṃ yathā bhātyudaye raviḥ // ### [2.39.32](https://indike.org/pramana/in.purana.narada.2.39.32) tathāpahatya pāpmānaṃ bhāti gaṅgājalokṣitaḥ / ekenaivāpi vidhinā snānena nṛpasundari // ### [2.39.33](https://indike.org/pramana/in.purana.narada.2.39.33) aśvamedhaphalaṃ martyo gaṅgāyāṃ labhate dhruvam / anekajanmasaṃbhūtaṃ puṃsaḥ pāpaṃ praṇaśyati // ### [2.39.34](https://indike.org/pramana/in.purana.narada.2.39.34) snānamātreṇa gaṅgāyāḥ sadyaḥ syātpuṇyabhājanam / anyasthānakṛtaṃ pāpaṃ gaṅgātīre vinaśyati // ### [2.39.35](https://indike.org/pramana/in.purana.narada.2.39.35) gaṅgātīre kṛtaṃ pāpaṃ gaṅgāsnānena naśyati / rātrau divā ca saṃdhyāyāṃ gaṅgāyāṃ tu prayatnataḥ // ### [2.39.36](https://indike.org/pramana/in.purana.narada.2.39.36) snātvāśvamedhajaṃ puṇyaṃ gṛhe 'pyuddhṛtatatajjalaiḥ / sarvatīrtheṣu yatpuṇyaṃ sarveṣṭāyataneṣu ca // ### [2.39.37](https://indike.org/pramana/in.purana.narada.2.39.37) tatphalaṃ labhate martyo gaṅgāsnānānna saṃśayaḥ / mahāpātakasaṃyukto yukto vā sarvapātakaiḥ // ### [2.39.38](https://indike.org/pramana/in.purana.narada.2.39.38) gaṅgāsnānena vidhivanmucyate sarvapātakaiḥ / gaṅgā snānātparaṃ snānaṃ na bhūtaṃ na bhaviṣyati // ### [2.39.39](https://indike.org/pramana/in.purana.narada.2.39.39) viśeṣataḥ kaliyuge pāpaṃ harati jāhnavī / nihatya kāmajāndoṣānkāyavākcittasaṃbhavān // ### [2.39.40](https://indike.org/pramana/in.purana.narada.2.39.40) gaṅgāsnānena bhaktyā tu modate divi devavat / varṣaṃ snāti ca gaṅgāyāṃ yo naro bhaktisaṃyutaḥ // ### [2.39.41](https://indike.org/pramana/in.purana.narada.2.39.41) tasya syādvaiṣṇave loke sthitiḥ kalpaṃ na saṃśayaḥ / āmṛtyuṃ snāti gaṅgāyāṃ yo naro nityameva ca // ### [2.39.42](https://indike.org/pramana/in.purana.narada.2.39.42) samastapāpanimuktaḥ samastakulasaṃyutaḥ / samastabhogasaṃyukto viṣṇuloke mahīyate // ### [2.39.43](https://indike.org/pramana/in.purana.narada.2.39.43) parārddhadvitayaṃ yāvannātra kāryā vicāraṇā / gaṅgāyāṃ snāti yo martyo nairantaryeṇa nityadā // ### [2.39.44](https://indike.org/pramana/in.purana.narada.2.39.44) jīvanmuktaḥ sa cātraiva mṛto viṣṇupadaṃ vrajet / prātaḥsnānāddaśaguṇaṃ puṇyaṃ madhyandine smṛtam // ### [2.39.45](https://indike.org/pramana/in.purana.narada.2.39.45) sāyaṅkāle śataguṇamanantaṃ śivasannidhau / kapilākoṭidānāddhi gaṅgāsnānaṃ viśiṣyate // ### [2.39.46](https://indike.org/pramana/in.purana.narada.2.39.46) kurukṣetrasamā gaṅgā yatra tatrāvagāhitā / haridvāre prayāge ca siṃdhusaṃge phalādhikā // ### [2.39.47](https://indike.org/pramana/in.purana.narada.2.39.47) ye madīyāṃśusaṃtapte jale te snānti jāhnavi / te bhitvā maṇḍalaṃ yānti mokṣaṃ ceti ravervacaḥ // ### [2.39.48](https://indike.org/pramana/in.purana.narada.2.39.48) yo gṛhe sve sthito 'pi tvāṃ snāne saṃkīrtayiṣyati / so 'pi yāsyati nākaṃ vai ityāha varuṇaśca tām // ### [2.39.48.p1](https://indike.org/pramana/in.purana.narada.2.39.48.p1) iti śrībṛhannāradīyapurāṇottarabhāge mohinīcarite gaṅgāsnānamāhātmyaṃ nāmaikonacatvāriṃśo 'dhyāyaḥ ## Linked texts (8) - [Southern recension](https://indike.org/pramana/in.lit.mahabharata.vyasa*southern.12.375.9_3273) — Sanskrit - [South Indian recension](https://indike.org/pramana/in.niti.dharma.upasmrti.yama*south.1.2) — Sanskrit - [Tīrthacintāmaṇi](https://indike.org/pramana/in.niti.dharma.tirtha.tirthacintamani.9.p20) — Vācaspatimiśra, Sanskrit - [Varṣakriyākaumudī](https://indike.org/pramana/in.niti.dharma.kala.varsakrtya.varsakriyakaumudi.6.p117) — Govindānanda Kavikaṅkaṇa 1510, Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.17.40.102) — Sanskrit - [Brahmavaivartapurāṇa (another edition)](https://indike.org/pramana/in.purana.brahmavaivarta*alt.1.68.83) — Sanskrit - [Kriyākaumudī (Govindānanda)](https://indike.org/pramana/in.niti.dharma.nibandha.krtya.kriyakaumudi.6.p32) — Govindānanda 1500, Sanskrit - [Kṛtyamahārṇava](https://indike.org/pramana/in.niti.dharma.nibandha.krtya.krtyamaharnava.2.p161) — Vācaspatimiśra, Sanskrit --- Source: [https://indike.org/pramana/in.purana.narada.2.39](https://indike.org/pramana/in.purana.narada.2.39) · Pramāṇa