[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.3 # Naradapurana 2.3: athatṛtīyo'dhyāyaḥ Nāradapurāṇa 2.3 - **Language:** Sanskrit ## Contents - [2.3.67](https://indike.org/pramana/in.purana.narada.2.3.67) — 1 part ### athatṛtīyo'dhyāyaḥ ### [2.3.1](https://indike.org/pramana/in.purana.narada.2.3.1) ṛṣaya ūcuḥ vistareṇa samākhyā hi viṣṇorārādhanakriyām / yayā toṣaṃ samāyāti pradadāti samīhitam // ### [2.3.2](https://indike.org/pramana/in.purana.narada.2.3.2) lakṣmībhartājagannāthohyaśeṣāghaughanāśanaḥ / karmaṇā kena sa prīto bhavedyaḥ sacarācaraḥ // ### [2.3.3](https://indike.org/pramana/in.purana.narada.2.3.3) sautiruvāca bhaktigrāhyo hṛṣīkeśo na dhanairddharaṇīdhara / bhaktyā saṃpūjito viṣṇuḥ pradadāti manoratham // ### [2.3.4](https://indike.org/pramana/in.purana.narada.2.3.4) tasmādviprāḥ sadā bhaktiḥ karttavyā cakrapāṇinaḥ / janenāpi jagannāthaḥ pūjitaḥ kleśahā bhavet // ### [2.3.5](https://indike.org/pramana/in.purana.narada.2.3.5) paritoṣaṃ vrajatyāśutṛṣitastu jalairyathā / atrāpi śrūyate viprā ākhyānaṃ pāpanāśanam // ### [2.3.6](https://indike.org/pramana/in.purana.narada.2.3.6) rukmāṅgadasya saṃvādamṛṣiṇā gautamena hi / āsīdgrukmāṅgado rājā sārvabhaumaḥ kṣamānvitaḥ // ### [2.3.7](https://indike.org/pramana/in.purana.narada.2.3.7) kṣīraśāyipriyo bhakto harivāsaratatparaḥ / nānyaṃ paśyati deveśātpadmanābhānmahīpatiḥ // ### [2.3.8](https://indike.org/pramana/in.purana.narada.2.3.8) paṭahaṃ vāraṇe dhṛtvā vādayeddhari vāsare / aṣṭavarṣādhiko yastu pañcāśītyūnavarṣakaḥ // ### [2.3.9](https://indike.org/pramana/in.purana.narada.2.3.9) bhunakti mānavo hyadya viṣṇorahani mandadhīḥ / sa me daṇḍyaścaga vadhyaśca nirvāsyo nagarādbahiḥ // ### [2.3.10](https://indike.org/pramana/in.purana.narada.2.3.10) pitā ca yadi vā bhrātā putro bhāryā suhṛnmama / padmanābhadine bhoktā nigrāhyo dasyuvadbhavet // ### [2.3.11](https://indike.org/pramana/in.purana.narada.2.3.11) dadaghvaṃma vipramukhyabhyo majjadhvaṃ jāhnavījale / mameda vacanaṃ śṛtvā rājyaṃ bhuñjīta māmakam // ### [2.3.12](https://indike.org/pramana/in.purana.narada.2.3.12) vāsare vāsare viṣṇoḥ śuklapakṣe mahīpatiḥ / aśukle tu viśeṣeṇa paṭahe hemasaṃpuṭe // ### [2.3.13](https://indike.org/pramana/in.purana.narada.2.3.13) evaṃ praghuṣṭe bhūpena sarvabhūmau dvijottamāḥ / gacchidbhiḥ saṃkulo mārgaḥ kṛto kṛto lokairharerdvijāḥ // ### [2.3.14](https://indike.org/pramana/in.purana.narada.2.3.14) ye kecinnidhanaṃ yānti bhūpālaviṣaye narāḥ / jñānātpramādato vāpi te yānti harimandiram // ### [2.3.15](https://indike.org/pramana/in.purana.narada.2.3.15) avaśyaṃ vaiṣṇavo lokaḥ prāpyate mānavairdvijāḥ / vyājenāpi prakurvāṇairdvādaśīṃ pāpanāśinīm // ### [2.3.16](https://indike.org/pramana/in.purana.narada.2.3.16) so 'śnāti pārthivaṃ pāpaṃ yo 'śnāti harivāsare / sa prāpnoti dharādharmaṃ yo nāśnāti harerdine // ### [2.3.17](https://indike.org/pramana/in.purana.narada.2.3.17) brāhmaṇo naiva hantavya ityeṣā vaidikī smṛtiḥ / ekādaśyāṃ na bhoktavyaṃ pakṣayorubhayorapi // ### [2.3.18](https://indike.org/pramana/in.purana.narada.2.3.18) vailakṣyamagamadrājā ravisūnurdvijottamāḥ / lekhyakarmaṇi viśrāntaścitragupto 'bhavattadā // ### [2.3.19](https://indike.org/pramana/in.purana.narada.2.3.19) saṃmārjitāni lekhyāni pūrvakarmodbhavāni ca / gacchanti vaiṣṇavaṃ lokaṃ svadharmairmānavāḥ kṣaṇāt // ### [2.3.20](https://indike.org/pramana/in.purana.narada.2.3.20) śūnyā stu nirayāḥ sarve pāpaprāṇivivarjitāḥ / bhagno yāmyo 'bhavanmārgo dvādaśādityatāpitaḥ // ### [2.3.21](https://indike.org/pramana/in.purana.narada.2.3.21) sarve hi garuḍārūḍhā janā yānti hareḥ padam / devā nāmapi ye lokāste śūnyā hyabhavaṃstathā // ### [2.3.22](https://indike.org/pramana/in.purana.narada.2.3.22) utsannāḥ pitṛdevejyāstīrthadānādisatkriyāḥ / muktvaikāṃ dvādaśīṃ martyā nānyaṃ jānanti te vratam // ### [2.3.23](https://indike.org/pramana/in.purana.narada.2.3.23) śūnye triviṣṭape jāte śūnye ca narake tathā / nārado dharmarājānaṃ gatvā cedamuvāca ha // ### [2.3.24](https://indike.org/pramana/in.purana.narada.2.3.24) nārada uvāca nākrandaḥ śrūyate rājan prāṅgaṇe narakeṣvatha / na cāpi kriyate lekhyaṃ kiñcidduṣkṛtakarmaṇām // ### [2.3.25](https://indike.org/pramana/in.purana.narada.2.3.25) citragupto muniriva sthito 'yaṃ maunasaṃyutaḥ / kāraṇaṃ kiṃ na cāyānti pāpino yena te gṛham // ### [2.3.26](https://indike.org/pramana/in.purana.narada.2.3.26) māyādaṃbhasamākrāntā duṣṭakarmaratāstathā / evamukte tu vacane nāradena mahātmanā // ### [2.3.27](https://indike.org/pramana/in.purana.narada.2.3.27) prāha vaivasvato rājā kiñciddainyasamanvitaḥ / yama uvāca yo 'yaṃ nārada bhūpālaḥ pṛthivyāṃ sāṃprataṃ sthitaḥ // ### [2.3.28](https://indike.org/pramana/in.purana.narada.2.3.28) sa hi bhakto hṛṣīkeśe purāṇapuruṣottame / prabodhayati rājendraḥ sa janaṃ paṭahena hi // ### [2.3.29](https://indike.org/pramana/in.purana.narada.2.3.29) na bhoktavyaṃ na bhoktavyaṃ saṃprāpte harivāsare / ye kecidbhuñjate martyāste me daṇḍeṣu yānti hi // ### [2.3.30](https://indike.org/pramana/in.purana.narada.2.3.30) tadbhayāddhi janāḥ sarve dvādaśīṃ samupāsate / vyājenāpi munuśreṣṭha dvādaśyāṃ samupoṣitāḥ // ### [2.3.31](https://indike.org/pramana/in.purana.narada.2.3.31) prayānti vaiṣṇavaṃ lokaṃ dāhapralayavarjitam / dvādaśīsevanāllokāḥ prāyānti harimandiram // ### [2.3.32](https://indike.org/pramana/in.purana.narada.2.3.32) tena rājñā dvijaśreṣṭha mārgā luptā mamādhunā / kṛta hi narakāḥ śūnyā lokāścāpi divaukasām // ### [2.3.33](https://indike.org/pramana/in.purana.narada.2.3.33) viśrāntaṃ lekhakerlekhyaṃ likhitaṃ mārjitaṃ janaiḥ / ekādaśyupavāsasya māhātmyena dvijottama // ### [2.3.34](https://indike.org/pramana/in.purana.narada.2.3.34) brahmahatyādipāpāni abhuktvaiva janā dvija / samupoṣya dinaṃ viṣṇoḥ prayānti harimandiram // ### [2.3.35](https://indike.org/pramana/in.purana.narada.2.3.35) so 'haṃ kāṣāṭamṛgeṇaiva tulyo jāto mahāmune / netrahīnaḥ karṇahīnaḥ saṃdhyāhīno dvijo yathā // ### [2.3.36](https://indike.org/pramana/in.purana.narada.2.3.36) strījito vā pumānyadvatṣaṇḍho vā pramadāpatiḥ / tyaktakāmastvahaṃ brahmaṃllokapālatvamīdṛśam // ### [2.3.37](https://indike.org/pramana/in.purana.narada.2.3.37) yāsyāmi brahmaloke vai duḥkhaṃ jñāpayituṃ svakam / nirvyāpāro niyogī tu niyoge yastu tiṣṭhati // ### [2.3.38](https://indike.org/pramana/in.purana.narada.2.3.38) svāmivittaṃ samaśnāti sa yāti narakaṃ dhruvam / sautiruvāca evamuktvā yamo viprā nāradena samanvitaḥ // ### [2.3.39](https://indike.org/pramana/in.purana.narada.2.3.39) yayau virañcisadanaṃ citracisadanaṃ citraguptena cānvitaḥ / sa dadarśa samāsīnaṃ mūrtāmūratajanāvṛtam // ### [2.3.40](https://indike.org/pramana/in.purana.narada.2.3.40) vedāśrayaṃ jagadbījaṃ sarveṣāṃ prapitāmaham / svabhavaṃ bhūtanilayamoṅkārākhyamakalmaṣam // ### [2.3.41](https://indike.org/pramana/in.purana.narada.2.3.41) śuciṃ śucipadaṃ haṃsaṃ brahmāṇaṃ darbhalāñchanam / upāsyamānaṃ vividhairlokapālairdigīśvaraiḥ // ### [2.3.42](https://indike.org/pramana/in.purana.narada.2.3.42) itihāsapurāṇaiśca vedaurvegrahasaṃsthitaiḥ / mūrtimadbhiḥ samudraiśya nadībhiśca sarovaraiḥ // ### [2.3.43](https://indike.org/pramana/in.purana.narada.2.3.43) dehadhṛgbhistathā vṛkṣairaśvatthādyairviśeṣataḥ / vāpīkūpataḍāgādyairmūrtimadbhiśca parvataiḥ // ### [2.3.44](https://indike.org/pramana/in.purana.narada.2.3.44) ahorātraistathā pakṣairmāsaiḥ saṃvatsarairdvijāḥ / kalākāṣṭhānimeṣaiśca ṛtubhiścāyanairyugaiḥ // ### [2.3.45](https://indike.org/pramana/in.purana.narada.2.3.45) manvantaraistathā kalpairnimeṣairunmiṣairapi / ṛkṣairyogaiśca karaṇaiḥ paurṇamāseṃdusaṃkṣayaiḥ // ### [2.3.46](https://indike.org/pramana/in.purana.narada.2.3.46) sukhairduḥkhaistathā dvandvairlābhālābhairjayājayaiḥ / satyānṛtaiśca deveśo veṣṭito dharmapāvakaḥ // ### [2.3.47](https://indike.org/pramana/in.purana.narada.2.3.47) karmavidbhiśca puruṣairanupairupāsyate / sattvena rajasā caiva tamasā ca pitāmahaḥ // ### [2.3.48](https://indike.org/pramana/in.purana.narada.2.3.48) śāntamūḍhātighoraiśca vikāraiḥ prākṛtairvibhuḥ / vāyunā śleṣmapittābhyāṃ mūrtairātaṅkanāmabhiḥ // ### [2.3.49](https://indike.org/pramana/in.purana.narada.2.3.49) ānandena ca viśvātmā paradharmaṃ samāśritaḥ / anuktairapi bhūtaiśca saṃvṛto lokakṛtsvayam // ### [2.3.50](https://indike.org/pramana/in.purana.narada.2.3.50) duruktaiḥ kaṭuvākyādyairmūrtimadbhirupāsyate / teṣāṃ madhye 'viśatsauriḥ savrīḍeva vadhūryathā // ### [2.3.51](https://indike.org/pramana/in.purana.narada.2.3.51) vilokayannadhobhāgaṃ namravaktro vyadarśayat / te praviṣṭaṃ yamaṃ dṛṣṭvā sakāyasthaṃ sanāradam // ### [2.3.52](https://indike.org/pramana/in.purana.narada.2.3.52) vismitākṣā mithaḥ procuḥ kimayaṃ bhāskaristviha / saṃprāpto hi lokakaraṃ draṣṭuṃ devaṃ pitāmaham // ### [2.3.53](https://indike.org/pramana/in.purana.narada.2.3.53) nirvyāpāraḥ kṣaṇaṃ nāsti yo 'yaṃ vyagro raveḥ sutaḥ / so 'yamabhyāgataḥ kasmātkañcitkṣemaṃ divaukasām // ### [2.3.54](https://indike.org/pramana/in.purana.narada.2.3.54) āścaryātiśayaṃ manye yanmārjitapaṭastvayam / lekhakaḥ samanuprāpto dainyena mahatānvitaḥ // ### [2.3.55](https://indike.org/pramana/in.purana.narada.2.3.55) na kenacitpaṭo hyasya mārjito 'bhūcca dharmiṇā / yanna dṛṣṭaṃ śrunta vāpi tadihaiva pradṛśyate // ### [2.3.56](https://indike.org/pramana/in.purana.narada.2.3.56) evamuccaratāṃ teṣāṃ bhūtānāṃ kṛtaśāsanaḥ / nipapātāgrato viprā brahmaṇo ravinandanaḥ // ### [2.3.57](https://indike.org/pramana/in.purana.narada.2.3.57) mūlacchinno yathā śākhī trāhi trāhīti saṃrudan / paribhūto 'smi deveśa yanmārjitapaṭaḥ kṛtaḥ // ### [2.3.58](https://indike.org/pramana/in.purana.narada.2.3.58) tvayā nāthena vidhuraṃ paśyāmi kamalāsana / evaṃ bruvansa niśceṣṭo babhūva dvijasaṃttamāḥ // ### [2.3.59](https://indike.org/pramana/in.purana.narada.2.3.59) tato halahalāśabdaḥ sabhāyāṃ samavartata / yor'thaṃ rodayate lokānsarvānsthāvaraja gamān // ### [2.3.60](https://indike.org/pramana/in.purana.narada.2.3.60) so 'yaṃ roditi duḥkhārtaḥ kasmādvaivasvato yamaḥ / athavā satyagātheyaṃ laukikī pratibhāti naḥ // ### [2.3.61](https://indike.org/pramana/in.purana.narada.2.3.61) janasantāpakartā yaḥ so 'cireṇopatapyate / nahi duṣkṛtakarmā hi naraḥ prāpnoti śobhanam // ### [2.3.62](https://indike.org/pramana/in.purana.narada.2.3.62) tato nivārayāmāsa vāyusteṣāṃ vacastadā / lokānāṃ samacittānāṃ mataṃ jñātvā hi vedhasaḥ // ### [2.3.63](https://indike.org/pramana/in.purana.narada.2.3.63) nivārya śaṅkāṃ mārtaṇḍiṃ śanairutthāpayan vibhuḥ / bhujābhyāṃ sādhupīnābhyāṃ lokamūrtirudāradhīḥ // ### [2.3.64](https://indike.org/pramana/in.purana.narada.2.3.64) vihvalaṃ taṃ palāyantamāsane saṃnyaveśayat / sakāyasthamuvācedaṃ vyomamūrtiṃ raveḥ sutam // ### [2.3.65](https://indike.org/pramana/in.purana.narada.2.3.65) kena tvamabhibhūto 'si kena sthānādvivāsitaḥ / kenāpamārjito devapaṭo lokapaṭastava // ### [2.3.66](https://indike.org/pramana/in.purana.narada.2.3.66) brūhi sarvamaśeṣeṇa kuśaketurvadatvayam / yaḥ prabhustāta sarveṣāṃ sa te kartā samunnatim / apaneṣyati mārtaṇḍe duḥkhaṃ hṛdayasaṃsthitam // ### [2.3.67](https://indike.org/pramana/in.purana.narada.2.3.67) sa evamuktastu prabhañjanena dineśasūnustamatho babhāṣe / vilokya vaktraṃ kuśaketusūnoḥ sagadgadaṃ mandamudīrayanvacaḥ // ### [2.3.67.p1](https://indike.org/pramana/in.purana.narada.2.3.67.p1) iti śrībṛhannāradīyapurāṇottare bhāge yamasya brahmalokagamanaṃ nāma tṛtīyo 'dhyāyaḥ ## Linked texts (2) - [Kṛṣṇāmṛtamahārṇava](https://indike.org/pramana/in.sampradaya.vaisnava.madhva.krsnamrtamaharnava.174) — Madhva, Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.11.16.40.p2) — Sanskrit --- Source: [https://indike.org/pramana/in.purana.narada.2.3](https://indike.org/pramana/in.purana.narada.2.3) · Pramāṇa