[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.40 # Naradapurana 2.40 Nāradapurāṇa 2.40 - **Language:** Sanskrit ## Contents - [2.40.54](https://indike.org/pramana/in.purana.narada.2.40.54) — 1 part ### [2.40.1](https://indike.org/pramana/in.purana.narada.2.40.1) vasuruvāca atha kālaviśeṣe tu gaṅgāsnānasya te phalam / kīrtayiṣyāmi vāmoru sāvadhānā niśāmaya // ### [2.40.2](https://indike.org/pramana/in.purana.narada.2.40.2) nairantaryeṇa gaṅgāyā māghe snāti ca yo naraḥ / saśakraloke suciraṃ kālaṃ tiṣṭhetsagotrajaḥ // ### [2.40.3](https://indike.org/pramana/in.purana.narada.2.40.3) tato brahmapuraṃ yāti kalpakoṭiśatāyutaiḥ / nairantaryeṇa vidhivadgaṅgāyāṃ snāti yo naraḥ // ### [2.40.4](https://indike.org/pramana/in.purana.narada.2.40.4) ṣaṇmāsa mekakālāśī sakṛdevottarāyaṇe / so 'pi viṣṇupadaṃ yāti kulānāṃ śatamuddharan // ### [2.40.5](https://indike.org/pramana/in.purana.narada.2.40.5) saṃkrāntiṣu tu sarvāsu snātvā gaṅgājale naraḥ / vimānenārkavarṇena sa vrajedviṣṇumandiram // ### [2.40.6](https://indike.org/pramana/in.purana.narada.2.40.6) viṣuve 'yanasaṃkrāntau viśeṣātphalamīritam / tapaḥsamaṃ kārtike 'pi gaṅgāsnāne phalaṃ viduḥ // ### [2.40.7](https://indike.org/pramana/in.purana.narada.2.40.7) meṣapraveśārkakāle kārtikyāṃ vāpi mohini / māghasnānādhikaṃ prāhuḥ kamalāsanapūrvakāḥ // ### [2.40.8](https://indike.org/pramana/in.purana.narada.2.40.8) saṃvatsarasnānajanyaṃ phalamakṣayake tithau / kārtike vāpi vaiśākhe iti prāha pitā tava // ### [2.40.9](https://indike.org/pramana/in.purana.narada.2.40.9) manvādau ca yugādau yatproktaṃ gaṅgājale phalam / snānaina yājyavanite trimāsyāpi ca tatphalam // ### [2.40.10](https://indike.org/pramana/in.purana.narada.2.40.10) dvādaśyāṃ śravaṇarkṣe ca aṣṭabhyāṃ puṣyayogataḥ / ārdrāyāṃ ca caturdaśyāṃ gaṅgāsnānaṃ sudurlabham // ### [2.40.11](https://indike.org/pramana/in.purana.narada.2.40.11) pūrṇimā mādhave puṇyā tathā kārtikamāghayoḥ / amāvasyāstathaiteṣāṃ gaṅgāsnāne sudurlabhāḥ // ### [2.40.12](https://indike.org/pramana/in.purana.narada.2.40.12) kṛṣṇāṣṭamyāṃ sahasraṃ tu śataṃ syātsarvaparvasu / amāyāṃ ca tathāṣṭamyāṃ māghāsitadale sati // ### [2.40.13](https://indike.org/pramana/in.purana.narada.2.40.13) ardhodayaṃ tadā parvakiñcinnyūnaṃ mahodayaḥ / mahodaye śataguṇaṃ lakṣamarddhodaye smṛtam // ### [2.40.14](https://indike.org/pramana/in.purana.narada.2.40.14) snānaṃ gaṅgājale devi grahaṇāccandrasūryayoḥ / māsatrayasnānaphalaṃ phālgunāṣāḍha māsayoḥ // ### [2.40.15](https://indike.org/pramana/in.purana.narada.2.40.15) janmarkṣe tu kṛte snāne gaṅgāyāṃ bhaktibhāvataḥ / janmaprabhṛti pāpaṃ vai saṃcitaṃ hi vinaśyati // ### [2.40.16](https://indike.org/pramana/in.purana.narada.2.40.16) caturdaśyāṃ māghakṛṣṇe vyatīpātaśca durlabhaḥ / kṛṣṇāṣṭamyāṃ viśeṣeṇa vaidhṛtirjāhnavījale // ### [2.40.17](https://indike.org/pramana/in.purana.narada.2.40.17) māghaṃ sakalamevāpi naro yo vidhipūrvakam / aruṇodayake snāyī sa tu jātismaro bhavet // ### [2.40.18](https://indike.org/pramana/in.purana.narada.2.40.18) sarvaśāstrārthavijjñānī nīrogaśca bhavedbhruvam / saṃkrāntyāṃ pakṣayorante grahaṇe candrasūryayoḥ // ### [2.40.19](https://indike.org/pramana/in.purana.narada.2.40.19) gaṅgāsnāto naraḥ kāmādbrahmaṇaḥ sadanaṃ labhet / indorlakṣaguṇaṃ proktaṃ raverdaśaguṇaṃ tataḥ // ### [2.40.20](https://indike.org/pramana/in.purana.narada.2.40.20) gaṅgātīre tu saṃprāptā indoḥ koṭī raverdaśa / vāruṇena samāyuktā madhau kṛṣṇā trayodaśī / gaṅgāyāṃ yadi labhyeta sūryagrahaśataiḥ samā // ### [2.40.21](https://indike.org/pramana/in.purana.narada.2.40.21) jyeṣṭhe māsi kṣitisutadine śuklapakṣe daśamyāṃ haste śailādavataradasau jāhnavī martyalokam / pāpānyasyāṃ harati hi tithau sā daśaiṣādyagaṅgā puṇyaṃ dadyādapi śataguṇaṃ vājimedhakratośca // ### [2.40.22](https://indike.org/pramana/in.purana.narada.2.40.22) mahāpātakasaṃghāni yāni pāpāni saṃti me / govindadvādaśīṃ prāpya tāni me hana jāhnavi // ### [2.40.23](https://indike.org/pramana/in.purana.narada.2.40.23) maghāsaṃjñena ṛkṣeṇa candraḥ saṃpūrṇamaṇḍalaḥ / guruṇā yāti saṃyogaṃ tanmahatvaṃ titheḥ smṛtam // ### [2.40.24](https://indike.org/pramana/in.purana.narada.2.40.24) gaṅgāyāṃ yadi labhyeta sūryagrahaśataiḥ samā / atha deśaviśeṣeṇa snānasya phalamucyate // ### [2.40.25](https://indike.org/pramana/in.purana.narada.2.40.25) kurukṣetrāddaśaguṇā yatra tatrāvagāhitā / kurukṣetrācchataguṇā yatra vindhyena saṃyutā // ### [2.40.26](https://indike.org/pramana/in.purana.narada.2.40.26) vindhyācchataguṇā proktā kāśīpuryāṃ tu jāhnavī / sarvatra durlabhā gaṅgā triṣu sthāneṣu cādhikā // ### [2.40.27](https://indike.org/pramana/in.purana.narada.2.40.27) gaṅgādvāre prayāge ca gaṅgāsāgarasaṃgame / eṣu snātā divaṃ yānti ye mṛtāste 'punarbhavāḥ // ### [2.40.28](https://indike.org/pramana/in.purana.narada.2.40.28) gaṅgādvāre kuśāvarte snāne puṇyaphalaṃ śṛṇu / saptānāṃ rājasūyānāṃ phalaṃ syādaśvamedhayoḥ // ### [2.40.29](https://indike.org/pramana/in.purana.narada.2.40.29) uṣitvā tatra māsārddhaṃ ṣaṇṇāṃ viśvajitāṃ phalam / daśāyutānāṃ tu gavāṃ dānapuṇyaṃ vidurbudhāḥ // ### [2.40.30](https://indike.org/pramana/in.purana.narada.2.40.30) sarottame 'tha govindaṃ rudraṃ kanakhale sthitam / snātvā vāpyeṣu gaṅgāyāṃ puṇyamakṣayamāpnuyāt // ### [2.40.31](https://indike.org/pramana/in.purana.narada.2.40.31) tīrthaṃ ca saukaraṃ nāma mahāpuṇyaṃ śubhe śṛṇu / yasminnāvirabhūtpūrvaṃ vārāhākṛtiracyutaḥ // ### [2.40.32](https://indike.org/pramana/in.purana.narada.2.40.32) śatasyāgnicitāṃ puṇyaṃ jyotiṣṭomadvayasya ca / agniṣṭomasahasrasya phalamāpnoti mānavaḥ // ### [2.40.33](https://indike.org/pramana/in.purana.narada.2.40.33) tatraiva brahmaṇastīrthe jyotiṣṭomāyutasya ca / aśvamedhatrayasyāpi snātaḥ puṇyaṃ labhennaraḥ // ### [2.40.34](https://indike.org/pramana/in.purana.narada.2.40.34) kubjākhyaṃ tīrthamanaghaṃ yatra ca vyādhayo 'khilāḥ / naśyanti sarvajanmotthaṃ pātakaṃ cāpi mohini // ### [2.40.35](https://indike.org/pramana/in.purana.narada.2.40.35) atrānyatkāpilaṃ tīrthaṃ yatra snāto naraḥ śubhe / kapilāṣṭāyutasyāpi dānatulyaphalaṃ labhet // ### [2.40.36](https://indike.org/pramana/in.purana.narada.2.40.36) gaṅgādvāre kuśāvarte bilvake nīlaparvate / tīrthe kanakhale snātvā dhūtapāpo vrajeddivam // ### [2.40.37](https://indike.org/pramana/in.purana.narada.2.40.37) pavitrārthaṃ tatastīrthaṃ sarvatīrthottamottamam / dvayorviśvajitostatra snānātpuṇyaṃ labhennaraḥ // ### [2.40.38](https://indike.org/pramana/in.purana.narada.2.40.38) veṇīrājyaṃ tatastīrthaṃ sarayūryatra gaṅgayā / supuṇyayā mahāpuṇyā svasā svasreva saṃgatā // ### [2.40.39](https://indike.org/pramana/in.purana.narada.2.40.39) harerdakṣiṇapādābjakṣālanādamarāpagā / vāmapādodbhavā vāpi sarayūrmānasaprasūḥ // ### [2.40.40](https://indike.org/pramana/in.purana.narada.2.40.40) tīrthe tatrārcayan rudraṃ viṣṇuṃ viṣṇutvamāpnuyāt / pañcāśvamedhaphaladaṃ snānaṃ tatra prakīrtitam // ### [2.40.41](https://indike.org/pramana/in.purana.narada.2.40.41) tatastu gāṇḍavaṃ tīrthaṃ gaṇḍakī yatra saṃgatā / gosahasrasya dānaṃ ca tatra snānaṃ samaṃ dvayam // ### [2.40.42](https://indike.org/pramana/in.purana.narada.2.40.42) rāmatīrthaṃ tataḥ puṇyaṃ vaikuṇṭhaṃ yatra sannidhau / somatīrthaṃ tataḥ puṇyaṃ yatrāsau nakulo muniḥ // ### [2.40.43](https://indike.org/pramana/in.purana.narada.2.40.43) samabhyarcya śivaṃ dhyāyangaṇatāṃ tu samāyayau / caṃpakākhyaṃ puṇyatīrthaṃ yadgaṅgottaravāhinī // ### [2.40.44](https://indike.org/pramana/in.purana.narada.2.40.44) maṇikarṇikayā tulyaṃ mahāpātakanāśanam / kalaśākhyaṃ tatastīrthaṃ kalaśādutthito muniḥ // ### [2.40.45](https://indike.org/pramana/in.purana.narada.2.40.45) agastyaḥ pūjayanyatra rudraṃ munivaro 'bhavat / somadvīpaṃ mahāpuṇyaṃ tīrthaṃ vārāṇasīsamam // ### [2.40.46](https://indike.org/pramana/in.purana.narada.2.40.46) somo yatrārcayannīśaṃ rudreṇa śirasā dhṛtaḥ / viśvāmitrasya bhaginī gaṅgayā yatra saṃgatā // ### [2.40.47](https://indike.org/pramana/in.purana.narada.2.40.47) tatrāpluto naro bhūyādvāsavasya priyo 'tithiḥ / jahnuhrade mahātīrthe snāto martyo hi mohini // ### [2.40.48](https://indike.org/pramana/in.purana.narada.2.40.48) ekaviṃśatikulyānāṃ tārako bhavati dhruvam / tasmādadititīrthaṃ ca yatrāvāpāditirharim // ### [2.40.49](https://indike.org/pramana/in.purana.narada.2.40.49) kaśyapāttatra subhage snānamāhurmahodayam / śiloccayaṃ mahātīrthaṃ yatra taptvā tapaḥ prajāḥ // ### [2.40.50](https://indike.org/pramana/in.purana.narada.2.40.50) tṛṇādibhiḥ saha svargaṃ yānti tīrthagaṇāśrayāt / indrāṇīnāmatīrthaṃ syādyatrendrāṇī tu vāsavam // ### [2.40.51](https://indike.org/pramana/in.purana.narada.2.40.51) tapastaptvā patiṃ lebhe sevyametatprayāgavat / puṇyadaṃ snātakaṃ tīrthaṃ viśvāmitrastapaścaran // ### [2.40.52](https://indike.org/pramana/in.purana.narada.2.40.52) yatra brahmarṣitāṃ lebhe kṣattriyastīrthā sevayā / pradyumnatīrthaṃ tapasā khyātaṃ yatra smaro hareḥ // ### [2.40.53](https://indike.org/pramana/in.purana.narada.2.40.53) pradyumnanāmā putro 'bhūtparaṃ tatra mahodayam / tato dakṣaprayāgaṃ tu gaṅgāto yamunāgata // ### [2.40.54](https://indike.org/pramana/in.purana.narada.2.40.54) snātvā tatrākṣayaṃ puṇyaṃ prayāga iva labhyate // ### [2.40.54.p1](https://indike.org/pramana/in.purana.narada.2.40.54.p1) iti śrībṛhannāradīyapurāṇottarabhāge mohinīvasusaṃvāde gaṅgāmāhātmye sthalaviśeṣasnānaphalakathanaṃ nāma catvāriṃśattamo 'dhyāyaḥ ## Linked texts (5) - [Matsyapurāṇa](https://indike.org/pramana/in.purana.matsya.106.49) — Vyāsa, Sanskrit - [Tīrthacintāmaṇi](https://indike.org/pramana/in.niti.dharma.tirtha.tirthacintamani.9.p45) — Vācaspatimiśra, Sanskrit - [Kṛtyasārasamuccaya (Amṛtanātha Jhā Śarman)](https://indike.org/pramana/in.niti.dharma.nibandha.krtya.krtyasarasamuccaya.2.p445) — Amṛtanātha Jhā Śarman 1800, Sanskrit - [Bṛhajjyotiṣasāra](https://indike.org/pramana/in.astro.samhita.brhajjyotisasara.36.2-2) — Bhavānī Śaṃkara, Sanskrit - [Kṛtyamahārṇava](https://indike.org/pramana/in.niti.dharma.nibandha.krtya.krtyamaharnava.2.p163) — Vācaspatimiśra, Sanskrit --- Source: [https://indike.org/pramana/in.purana.narada.2.40](https://indike.org/pramana/in.purana.narada.2.40) · Pramāṇa