[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.43 # Naradapurana 2.43 Nāradapurāṇa 2.43 - **Language:** Sanskrit ## Contents - [2.43.129](https://indike.org/pramana/in.purana.narada.2.43.129) — 1 part ### [2.43.1](https://indike.org/pramana/in.purana.narada.2.43.1) vasiṣṭha uvāca vasorvacanamākarṇya gaṅgāmāhātmyasūcakam / punaḥ papraccha rājendraṃ taṃ vipraṃ svapurohitam // ### [2.43.2](https://indike.org/pramana/in.purana.narada.2.43.2) mohinyuvāca śrutaṃ vipra mayā sarvaṃ godānādi śubhāvaham / adhunā śrotumicchāmi gaṅgāvratamanuttamam // ### [2.43.3](https://indike.org/pramana/in.purana.narada.2.43.3) gaṅgādīnāṃ pūjanaṃ ca sthāpanaṃ tatra vā dvija / kiṃ phalaṃ vada sarvajña tvāmahaṃ śaraṇaṃ gatā // ### [2.43.4](https://indike.org/pramana/in.purana.narada.2.43.4) adhunā gatidātā tvaṃ varjitāyāśca bandhubhiḥ / patyā virahitā cāhaṃ putrahīnā vidāṃvara // ### [2.43.5](https://indike.org/pramana/in.purana.narada.2.43.5) tvāmeva śaraṇaṃ prāptā piturvacanagauravāt / tadbhavānpraṇatāyā me gaṅgāmāhātmyaṃsaṃyutam / devatārādhanaṃ brūhi yacchrutvā mucyate hyaghāt // ### [2.43.6](https://indike.org/pramana/in.purana.narada.2.43.6) vasiṣṭha uvāca tacchrutvā mohinīvākyaṃ vasurvipraḥ pratāpavān / sabhājya mohinīṃ bhūpa prāha vedavidāṃ varaḥ // ### [2.43.7](https://indike.org/pramana/in.purana.narada.2.43.7) vasuruvāca sādhu pṛṣṭaṃ tvayā devi lokānāṃ hitakāmyayā // ### [2.43.8](https://indike.org/pramana/in.purana.narada.2.43.8) gaṅgāmāhātmyamakhilaṃ mahāpāpapraṇāśanam / vṛṣadhvajena kathitaṃ śivena dayayā purā // ### [2.43.9](https://indike.org/pramana/in.purana.narada.2.43.9) prītyā devyābhi pṛṣṭena gaṅgātīranivāsinā / devaistu bhuktaṃ pūrvāhṇe madhyāhne ṛṣibhistathā // ### [2.43.10](https://indike.org/pramana/in.purana.narada.2.43.10) aparāhṇe ca pitṛbhiḥ śarvarṃyāṃ guhyakādibhaiḥ / sarvā velā atikramya naktabhojanamuttamam // ### [2.43.11](https://indike.org/pramana/in.purana.narada.2.43.11) upavāsādvāraṃ bhaikṣyaṃ bhaikṣyādvaramayācitam / ayācitādvāraṃ naktaṃ tasmānnaktaṃ samācaret // ### [2.43.12](https://indike.org/pramana/in.purana.narada.2.43.12) haviṣyabhojanaṃ snānaṃ satyamāhāralāghavam / agnikāryyamadhaḥśayyāṃ naktāśī ṣaṭ samācaret // ### [2.43.13](https://indike.org/pramana/in.purana.narada.2.43.13) gaṅgātīre māghamāse yaḥ kuryānnaktabhojanam / śivāyatanapārśve tu kṛśaraṃ ghṛtasaṃyutam // ### [2.43.14](https://indike.org/pramana/in.purana.narada.2.43.14) naivedyaṃ ca nivedyaiva kṛśarānnaṃ śivasya tu / kāṣṭhamaunena bhuñjāno jihvālaulyaṃ vivarjayet // ### [2.43.15](https://indike.org/pramana/in.purana.narada.2.43.15) palāśapatre bhuñjānaḥ śivaṃ smṛtvā jitendriyaḥ / dharmarājasya devyāśca pṛthakpiṇḍaṃ prakalpayet // ### [2.43.16](https://indike.org/pramana/in.purana.narada.2.43.16) sopavāsaścaturddaśyāṃ bhavedubhayapakṣayoḥ / paurṇamāsyāṃ tu gandhaiśca gaṅgāyāḥ salilaistathā // ### [2.43.17](https://indike.org/pramana/in.purana.narada.2.43.17) śivaṃ saṃsnāpya payasā madhvājyadadhibhiḥ pṛthak / tathaiva hemapuṣpaṃ ca liṅgamūrdhni vinikṣipet // ### [2.43.18](https://indike.org/pramana/in.purana.narada.2.43.18) tato dadyāttu śaktyaivāpūpañca ghṛtapācitam / tilāḍhakaṃ pragṛhyātha śivaliṅgopari kṣipet // ### [2.43.19](https://indike.org/pramana/in.purana.narada.2.43.19) nīlotpalaiśca sarveśaṃ pūjayetpaṅkajairapi / tadalābhe tu sauvarṇaiḥ paṅkajaiḥ pūjayeddharam // ### [2.43.20](https://indike.org/pramana/in.purana.narada.2.43.20) pāyasaṃ cātra madhvaktaṃ ghṛtayuktaṃ ca guggulam / ghṛtadīpaṃ tathā caiva candanādyairvilepanam // ### [2.43.21](https://indike.org/pramana/in.purana.narada.2.43.21) dadyādbhaktyā maheśāya tathā patraphalāni ca / kṛṣṇagomithunaṃ caiva sarūpaṃ ca nivedayet // ### [2.43.22](https://indike.org/pramana/in.purana.narada.2.43.22) bhojayedbrāhmaṇānaṣṭau māsāṃte tu sadakṣiṇān / varjayenmadhu māṃsaṃ ca taṃ māsaṃ brahmacaryavān // ### [2.43.23](https://indike.org/pramana/in.purana.narada.2.43.23) evaṃ kṛtvā yathoddiṣṭamekavāramidaṃ vratam / yamaiśca niyamairyuktaḥ śraddhābhaktiparāyaṇaḥ // ### [2.43.24](https://indike.org/pramana/in.purana.narada.2.43.24) iha bhogānavāpnoti pretya cānuttamāṃ gatim / indranīlapratīkāśairvimānaiḥ śikhisaṃyuktaiḥ // ### [2.43.25](https://indike.org/pramana/in.purana.narada.2.43.25) divyaratnamayaiścaiva divyabhogasamanvitaiḥ / gatvā śivapuraṃ ramyaṃ sarvasvakulasaṃyutaḥ // ### [2.43.26](https://indike.org/pramana/in.purana.narada.2.43.26) suhṛdbhirvividhaiścaiva vividhānapyabhīpsitān / bhuktvā bhogānaśeṣāṃśca yāvadābhūtasaṃplavam // ### [2.43.27](https://indike.org/pramana/in.purana.narada.2.43.27) tato bhavati dharmātmā jaṃbūdvīpapatistathā / tatra bhuṅkte samastāṃśca bhogānvigatakalmaṣaḥ // ### [2.43.28](https://indike.org/pramana/in.purana.narada.2.43.28) surūpaḥ subhagaścaiva tathā vihitaśāsanaḥ / sarvarogavinirmuktaḥ so 'pyetatphalabhāgbhavet // ### [2.43.29](https://indike.org/pramana/in.purana.narada.2.43.29) vaiśākhe śuklapakṣe vā caturdaśyāṃ samāhitaḥ / śālyannaṃ kṣīrasaṃyuktaṃ yaḥ kuryānnaktabhojanam // ### [2.43.30](https://indike.org/pramana/in.purana.narada.2.43.30) śivaṃ saṃpūjya puṣpādyairbhojyaṃ tu saṃnivedya ca / kāṣṭhamaunena bhuñjāno vaṭakāṣṭena vai tathā // ### [2.43.31](https://indike.org/pramana/in.purana.narada.2.43.31) maunena prayato bhūtvā kuryādvai dantadhāvanam / śivaliṅgasamīpe tu gaṅgātīre niśi svapet // ### [2.43.32](https://indike.org/pramana/in.purana.narada.2.43.32) paurṇamāsyāṃ prabhāte tu gaṅgāyāṃ vidhinā tathā / snātvopavāsaṃ saṃkalpya kuryyājjāgaraṇaṃ niśi // ### [2.43.33](https://indike.org/pramana/in.purana.narada.2.43.33) liṅgaṃ ghṛtena saṃsnāpya puṣpagandhādibhistathā / naivedyadhūpadīpaiśca saṃpūjya vṛṣabhaṃ śubham // ### [2.43.34](https://indike.org/pramana/in.purana.narada.2.43.34) suśvetapuṣpavastrādyairhāridraiścandanaistathā / alaṅkṛtya vidhānena śivāya vinivedayet // ### [2.43.35](https://indike.org/pramana/in.purana.narada.2.43.35) brāhmaṇāṃśca yathāśakti pāyasena tu bhojayet / evaṃ sakṛcca yo bhaktyā karoti śraddhayānvitaḥ // ### [2.43.36](https://indike.org/pramana/in.purana.narada.2.43.36) labhate daivapādonayugānāṃ dvisahasrakam / tapaḥ kṛtvā tu niyamādyatpuṇyaṃ tadasaṃśayam // ### [2.43.37](https://indike.org/pramana/in.purana.narada.2.43.37) haṃsakundaprabhāyuktairvimānaiścandrasannibhaiḥ / suśvetavṛṣayuktaiśca muktājālavibhūṣitaiḥ // ### [2.43.38](https://indike.org/pramana/in.purana.narada.2.43.38) svakīyapitṛbhiḥ sārddhaṃ prayātīśvaramandiram / nīlotpalasuṃgandhābhiḥ surūpābhiḥ samantataḥ // ### [2.43.39](https://indike.org/pramana/in.purana.narada.2.43.39) kāntābhirdivyarūpābhirbhuktvā bhogānanekaśaḥ / anantakālamaiśvaryayukto bhūtvā tato bhuvi // ### [2.43.40](https://indike.org/pramana/in.purana.narada.2.43.40) jāyate sa mahīpālaḥ kīrtyaiśvaryasamanvitaḥ / ekacchatreṇa sa mahīṃ pālayatyājñayā saha // ### [2.43.41](https://indike.org/pramana/in.purana.narada.2.43.41) ante vairāgyasaṃpanno gaṅgāṃ sa labhate punaḥ / sa tayā śraddhayā yukto gaṅgāyāṃ maraṇaṃ labhet // ### [2.43.42](https://indike.org/pramana/in.purana.narada.2.43.42) tathā tatra smṛtiṃ labdhvā mokṣamāpnoti sa dhruvam / jyeṣṭhe māsi site pakṣe daśamyāṃ hastasaṃyute // ### [2.43.43](https://indike.org/pramana/in.purana.narada.2.43.43) gaṅgātīre tu puruṣo nārī vā bhaktibhāvataḥ / niśāyāṃ jāgaraṃ kṛtvā gaṅgāṃ daśavidhaistataḥ // ### [2.43.44](https://indike.org/pramana/in.purana.narada.2.43.44) puṣpairgandhaiśca naivedyaiḥ phalaiśca daśasaṃkhyāyā / tathaiva dīpaistāṃbūlaiḥ pūjayecchraddhayānvitaḥ // ### [2.43.45](https://indike.org/pramana/in.purana.narada.2.43.45) snātvā bhaktyā tu jāhnavyāṃ daśakṛtvo vidhānataḥ / daśaprasṛti kṛṣṇaṃśca tilānsarpiśca vai jale // ### [2.43.46](https://indike.org/pramana/in.purana.narada.2.43.46) saktupiṇḍānguḍapiṇḍāndadyācca daśasaṃkhyayā / tato gaṅgātaṭe ramye hemnā rūpyeṇa vā tathā // ### [2.43.47](https://indike.org/pramana/in.purana.narada.2.43.47) gaṅgāyāḥ pratimāṃ kṛtvā vakṣyamāṇasvarūpiṇīm / padmasvastikacihnasya saṃsthitasya tathopari // ### [2.43.48](https://indike.org/pramana/in.purana.narada.2.43.48) vastrasragdāmakaṇṭhasya pūrṇakuṃbhasya copari / saṃsthāpya pūjayeddevīṃ tadalābhe mṛdādi vā // ### [2.43.49](https://indike.org/pramana/in.purana.narada.2.43.49) atha tatrāpyaśaktaścellikhetpiṣṭena vai bhuvi / caturbhujāṃ sunetrāṃ ca candrāyutasamaprabhām // ### [2.43.50](https://indike.org/pramana/in.purana.narada.2.43.50) cāmarairvījyamānāṃ ca śvetacchatropaśibhitām / suprasannāṃ ca varadāṃ karuṇārdranijāntarām // ### [2.43.51](https://indike.org/pramana/in.purana.narada.2.43.51) sudhāplāvitabhūpṛṣṭhāṃ devādibhirabhiṣṭutām / divyaratnaparītāṃ ca diṃvyamālyānulepanām // ### [2.43.52](https://indike.org/pramana/in.purana.narada.2.43.52) dhyātvā jale yathāproktāṃ tatrārcāyāṃ tu pūjayet / vakṣyamāṇena mantreṇa kuryātpūjāṃ viśeṣataḥ // ### [2.43.53](https://indike.org/pramana/in.purana.narada.2.43.53) pañcāmṛtena ca snānamarcāyāṃ tu viśiṣyate / pratimāgre sthaṇḍile tu gomayenopalepayet // ### [2.43.54](https://indike.org/pramana/in.purana.narada.2.43.54) nārāyaṇaṃ maheśaṃ ca brahmāṇaṃ bhāskaraṃ tathā / bhagīrathaṃ ca nṛpatiṃ himavantaṃ nageśvaram // ### [2.43.55](https://indike.org/pramana/in.purana.narada.2.43.55) gandhapuṣpādibhiścaiva yathāśakti prapūjayet / daśaprasthāṃ stilāndadyāddaśa viprebhya eva ca // ### [2.43.56](https://indike.org/pramana/in.purana.narada.2.43.56) daśaprasthānyavāndadyāddaśa gavyairyathāhitān / matsyakacchapamaṇḍūkamarādijalecarān // ### [2.43.57](https://indike.org/pramana/in.purana.narada.2.43.57) kāritānvai yathāśakti svarṇena rajatena vā / tadalābhe piṣṭamayānabhyarcya kusumādibhiḥ / gaṅgāyāṃ prakṣipetpūrvvaṃ mantreṇaiva tu mantravit // ### [2.43.58](https://indike.org/pramana/in.purana.narada.2.43.58) rathayātrādine tasminvibhave sati kārayet / rathārūḍhapratikṛtiṃ gaṅgāyāstūttarāmukhām // ### [2.43.59](https://indike.org/pramana/in.purana.narada.2.43.59) bhramantyā darśanaṃ loke durlabhaṃ pāpakarmaṇām / durgāyā rathayātrāsti tathaivātrāpi kārayet // ### [2.43.60](https://indike.org/pramana/in.purana.narada.2.43.60) evaṃ kṛtvā vidhānena vittaśāṭhyavivarjitaḥ / daśapāpairvakṣyamāṇaiḥ sadya eva vimucyate // ### [2.43.61](https://indike.org/pramana/in.purana.narada.2.43.61) adattānāmupādānaṃ hiṃsā caivāvidhānataḥ / paradāropasevā ca kāyikaṃ tribidhaṃ smṛtam // ### [2.43.62](https://indike.org/pramana/in.purana.narada.2.43.62) pāṃruṣyamanṛtaṃ vāpi paiśunyaṃ cāpi sarvaśaḥ / asaṃbaddhapralāpaśca vācikaṃ syāccaturvidham // ### [2.43.63](https://indike.org/pramana/in.purana.narada.2.43.63) paradravyeṣvabhidhyānaṃ manasāniṣṭacintanam / vitathābhiniveśaśca mānasaṃ trividhaṃ smṛtam // ### [2.43.64](https://indike.org/pramana/in.purana.narada.2.43.64) etairdaśavidhaiḥ pāpaiḥ koṭijanmasamudbhavaiḥ / mucyate nātra saṃdeho brahmaṇo vacanaṃ yathā // ### [2.43.65](https://indike.org/pramana/in.purana.narada.2.43.65) daśa triṃśacca tānpūrvānpitṝneva tathāparān / uddharatyeva saṃsārānmantreṇānena pūjitā // ### [2.43.66](https://indike.org/pramana/in.purana.narada.2.43.66) oṃ namo daśaharāyai nārāyaṇyai gaṅgāyai namaḥ / iti mantreṇa yo martyo dine tasmindivāniśam // ### [2.43.67](https://indike.org/pramana/in.purana.narada.2.43.67) japetpacasahasrāṇi daśadharmaphalaṃ labhet / uddareddaśa pūrvāṇi parāṇi ca bhavārṇavāt // ### [2.43.68](https://indike.org/pramana/in.purana.narada.2.43.68) vakṣyamāṇamidaṃ stotraṃ vidhinā pratigṛhya ca / gaṅgāgre taddine japyaṃ viṣṇupūjāṃ pravartayet // ### [2.43.69](https://indike.org/pramana/in.purana.narada.2.43.69) oṃ namaḥ śivāyai gaṅgāyai śivadāyai namo 'stu te / namo 'stu viṣṇurūpiṇyai gaṅgāyai te namo namaḥ // ### [2.43.70](https://indike.org/pramana/in.purana.narada.2.43.70) sarvadevasvarūpiṇyai namo bheṣajamūrtaye / sarvasya sarvavyādhīnāṃ bhiṣakśreṣṭhe namo 'stu te // ### [2.43.71](https://indike.org/pramana/in.purana.narada.2.43.71) sthāṇujaṅgamasaṃbhūtaviṣahantri namo 'stu te / saṃsāraviṣanāśinyai jīvanāyai namonamaḥ // ### [2.43.72](https://indike.org/pramana/in.purana.narada.2.43.72) tāpatritayahantryai ca prāṇeśvaryai namonamaḥ / śāntyai saṃtāpahāriṇyai namaste sarvamūrtaye // ### [2.43.73](https://indike.org/pramana/in.purana.narada.2.43.73) sarvasaṃśuddhikāriṇyai namaḥ pāpavimuktaye / bhuktimuktipradāyinyai bhogavatyai namonamaḥ // ### [2.43.74](https://indike.org/pramana/in.purana.narada.2.43.74) mandākinyai namaste 'stu svargadāyai namonamaḥ / namastrailokyamūrtāyai tridaśāyai namonamaḥ // ### [2.43.75](https://indike.org/pramana/in.purana.narada.2.43.75) namaste śuklasaṃsthāyai kṣemavatyai namonamaḥ / tridaśāsanasaṃsthāyai tejovatyai namo 'stu te // ### [2.43.76](https://indike.org/pramana/in.purana.narada.2.43.76) mandāyai liṅgadhāriṇyai nārāyaṇyai namonamaḥ / namaste viśvamitrāyai revatyai te namonamaḥ // ### [2.43.77](https://indike.org/pramana/in.purana.narada.2.43.77) bṛhatyai te namo nityaṃ lokadhātryai namonamaḥ / namaste viśvamukhyāyai nandinyai te namonamaḥ // ### [2.43.78](https://indike.org/pramana/in.purana.narada.2.43.78) pṛthvyai śivāmṛtāyai ca virajāyai namonamaḥ / parāvaragatādyaiyai tārāyai te namonamaḥ // ### [2.43.79](https://indike.org/pramana/in.purana.narada.2.43.79) namaste svargasaṃsthāyai abhinnāyai namonamaḥ / śāntāyai te pratiṣṭhāyai varadāyai namonamaḥ // ### [2.43.80](https://indike.org/pramana/in.purana.narada.2.43.80) ugrāyai nukhajalpāyai saṃjīvinyai namonamaḥ / brahmagāyai brahmadāyai duritaghnyai namonamaḥ // ### [2.43.81](https://indike.org/pramana/in.purana.narada.2.43.81) praṇatārtiprabhañjinyai jaganmātre namonamaḥ / viluṣāyai durgahantryai dakṣāyai te namonamaḥ // ### [2.43.82](https://indike.org/pramana/in.purana.narada.2.43.82) sarvāpatpratipakṣāyai maṅgalāyai namonamaḥ / parāpare pare tubhya namo mokṣaprade sadā / gaṅgā mamāgrato bhūyādgaṅgā me pārśvayostathā // ### [2.43.83](https://indike.org/pramana/in.purana.narada.2.43.83) gaṅgā me sarvato bhūyāttvayi gaṅge 'stu me sthitiḥ / ādau tvamante madhye ca sarvā tvaṃ gāṅgate śive // ### [2.43.84](https://indike.org/pramana/in.purana.narada.2.43.84) tvameva mūlaprakṛtistvaṃ hi nārāyaṇaḥ prabhuḥ / gaṅge tvaṃ paramātmā ca śivastubhyaṃ namonamaḥ // ### [2.43.85](https://indike.org/pramana/in.purana.narada.2.43.85) itīdaṃ paṭhati stotraṃ nityaṃ bhaktiparastu yaḥ / śṛṇoti śraddhayā vāpi kāyavācikasaṃbhavaiḥ // ### [2.43.86](https://indike.org/pramana/in.purana.narada.2.43.86) daśadhā saṃsthitairdeṣaiḥ sarvaireva pramucyate / rogī pramucyate rogānmucyetāpanna āpadaḥ // ### [2.43.87](https://indike.org/pramana/in.purana.narada.2.43.87) dviṣabhdyo bandhanāccāpi bhayebhyaśca vimucyate / sarvānkāmānavāpnoti pretya brahmaṇi līyate // ### [2.43.88](https://indike.org/pramana/in.purana.narada.2.43.88) idaṃ stotraṃ gṛhe yasya likhitaṃ paripūjyate / nāgnicaurabhayaṃ tatra pāpebhyo 'pi bhayaṃ nahi // ### [2.43.89](https://indike.org/pramana/in.purana.narada.2.43.89) tasyāṃ daśamyāmetacca stotraṃ gaṅgājale sthitaḥ / japaṃstu daśakṛtvaśca daridro vāpi cākṣamaḥ // ### [2.43.90](https://indike.org/pramana/in.purana.narada.2.43.90) so 'pi tatphalamāpnoti gaṅgāṃ saṃpūjya bhaktitaḥ / pūrvoktena vidhānena phalaṃ yatparikīrtitam // ### [2.43.91](https://indike.org/pramana/in.purana.narada.2.43.91) yathā gaurī tathā gaṅgā tasmādgauryāstu pūjane / vidhiryo vihitaḥ samyakso 'pi gaṅgāprapūjane // ### [2.43.92](https://indike.org/pramana/in.purana.narada.2.43.92) yathā śivastathā viṣṇuryathā viṣṇustathā hyumā / umā yathā tathā gaṅgā cātra bhedo na vidyate // ### [2.43.93](https://indike.org/pramana/in.purana.narada.2.43.93) viṣṇurudrāntaraṃ yaśca gagāgauryantaraṃ tathā / lakṣmīgauryataraṃ yaśca prabrūte mūḍhadhīstu saḥ // ### [2.43.94](https://indike.org/pramana/in.purana.narada.2.43.94) śuklapakṣe divā bhūmau gaṅgāyāmuttarāyaṇe / dhanyā dehaṃ vimuñcanti hṛdayasthe janārdane // ### [2.43.95](https://indike.org/pramana/in.purana.narada.2.43.95) ye muñcanti narā-prāṇān gaṅgāyāṃ vidhinaṃ dini / te viṣṇulokaṃ gacchanti stūyamānā divisthitaiḥ // ### [2.43.96](https://indike.org/pramana/in.purana.narada.2.43.96) arddhodakena jāhnavyāṃ mniyate 'naśanena yaḥ / sa yāti na punarjanma brahmasāyujyameti ca // ### [2.43.97](https://indike.org/pramana/in.purana.narada.2.43.97) yā gatiryogayuktasya sātvikasya manīṣiṇaḥ / sā getistyajataḥ prāṇān gaṅgāyāṃ tu śarīriṇaḥ // ### [2.43.98](https://indike.org/pramana/in.purana.narada.2.43.98) anaśanaṃ gṛhītvā yo gaṅgātīre mṛto naraḥ / satyameva paraṃ lokamāpnoti pitṛbhiḥ saha // ### [2.43.99](https://indike.org/pramana/in.purana.narada.2.43.99) gaṅgāyāṃ maraṇātprāṇānyoḥ prājñastyaktumicchati / gatāni bahujanmāni yatra yatra mṛtāni ca // ### [2.43.100](https://indike.org/pramana/in.purana.narada.2.43.100) mahāṃścāpi gataḥ kālo yatra tatrāpi gacchataḥ / atradūre samīpe ca sadṛśaṃ yojanadvayam // ### [2.43.101](https://indike.org/pramana/in.purana.narada.2.43.101) gaṅgāyāṃ maraṇeneha nātra kāryā vicāraṇā / jñānato 'jñānato vāpi kāmato 'pi vā // ### [2.43.102](https://indike.org/pramana/in.purana.narada.2.43.102) gaṅgāyāṃ tu mṛto martyaḥ svargaṃ mokṣaṃ ca vindati / prāṇeṣūtsṛjyamāneṣu yo gaṅgāṃ saṃsmarennaraḥ // ### [2.43.103](https://indike.org/pramana/in.purana.narada.2.43.103) spṛśedvā pāpaśīlo 'pi sa vai yāti parāṃ gatim // ### [2.43.104](https://indike.org/pramana/in.purana.narada.2.43.104) gaṅgāṃ gatvā yaiḥ śarīraṃ visṛṣṭaṃ prāptā dhīrāste tu devaiḥ samatvam / tasmātsurvānprohya muktipradānvai sevedgaṅgāmā śarīrasya pātam // ### [2.43.105](https://indike.org/pramana/in.purana.narada.2.43.105) antarikṣe kṣitau toye pāpīyānapi yo mṛtaḥ / brahmaviṣṇuśivaiḥ pūjyaṃ padamakṣayyamaśnute // ### [2.43.106](https://indike.org/pramana/in.purana.narada.2.43.106) yo dharmiśṭaśca saprāṇaḥ prayataḥ śiṣṭasaṃmataḥ / cintayenmanasā gaṅgāṃ sa gatiṃ paramāṃ labhet // ### [2.43.107](https://indike.org/pramana/in.purana.narada.2.43.107) yatra tatra mṛto vāpi maraṇe samupasthite / bhaktyā gaṅgāṃ smaranyāti śaivaṃ vā vaiṣṇavaṃ puram // ### [2.43.108](https://indike.org/pramana/in.purana.narada.2.43.108) śaṃbhorjaṭākalāpāttu viniṣkrāntātikarkaśāt / plāvayitvā divaṃ ninye yā pāpānyagarātmajān // ### [2.43.109](https://indike.org/pramana/in.purana.narada.2.43.109) yāvantyasthīni gaṅgāyāṃ tiṣṭhanti puruṣasya vai / tāvadvarṣasahasrāṇi svargaloke mahīyate // ### [2.43.110](https://indike.org/pramana/in.purana.narada.2.43.110) gagātoye tu yasyāsthi nītvā prakṣipyate naraiḥ / tatkālamāditaḥ kṛtvā svargaloke bhavetsthitiḥ // ### [2.43.111](https://indike.org/pramana/in.purana.narada.2.43.111) gaṅgātoye tu yasyāsthi prāpyate śubhakarmaṇaḥ / na tasya punarāvṛttirbrahmalokātkathañcana // ### [2.43.112](https://indike.org/pramana/in.purana.narada.2.43.112) daśāhābhyantare yasya gaṅgātoye 'sthi saṃgatam / gaṅgāyāṃ maraṇe yādṛktādṛkphalamavāpnuyāt // ### [2.43.113](https://indike.org/pramana/in.purana.narada.2.43.113) snātvā tataḥ pañcagavyena siktvā hiraṇyamadhvājyatilairniyojya / tadasthipiṇḍaṃ puṭake nidhāya paśyan diśaṃ pretagaṇopagūḍhām // ### [2.43.114](https://indike.org/pramana/in.purana.narada.2.43.114) namo 'stu dharmāya vadanpraviśya jalaṃ sa me prīta iti kṣipecca / snātvā tatastīrthavaṭākṣayaṃ ca dṛṣṭvā pradadyādatha dakṣiṇāṃ tu // ### [2.43.115](https://indike.org/pramana/in.purana.narada.2.43.115) evaṃ kṛtvā pretapure sthitasya svarge gatiḥ syātta mahendratulyā // ### [2.43.116](https://indike.org/pramana/in.purana.narada.2.43.116) pravāhamavadhiṃ kṛtvā yāvaddhastacatuṣṭayam / tatra nārāyaṇaḥ svāmī nānyaḥ svāmī kadācana // ### [2.43.117](https://indike.org/pramana/in.purana.narada.2.43.117) na tatra pratigṛhṇīyātprāṇaiḥ kaṇṭhagatairapi / bhādraśuklacaturdaśyāṃ yāvadākramate jalam // ### [2.43.118](https://indike.org/pramana/in.purana.narada.2.43.118) tāvadgabhaṃ vijānīyāttaddūraṃ tīramucyate / sārddhahastaśataṃ yāvadgarbhastīraṃ tataḥ param // ### [2.43.119](https://indike.org/pramana/in.purana.narada.2.43.119) iti keṣāṃ mataṃ devi śrutismṛtiṣu saṃmatam / tīrādgavyūtimātraṃ tu paritaḥ kṣetramucyate // ### [2.43.120](https://indike.org/pramana/in.purana.narada.2.43.120) tīraṃ tyaktvā vasetkṣetre tīre vāso na ceṣyate / ekayojanavistīrṇā kṣetrasīmā taṭadvayāt // ### [2.43.121](https://indike.org/pramana/in.purana.narada.2.43.121) gaṅgāsīmāṃ na laghanti pāpānyapyakhilānyapi / tāṃ tu dṛṣṭvā palāyante yathā siṃhaṃ vanaukasaḥ // ### [2.43.122](https://indike.org/pramana/in.purana.narada.2.43.122) yatra gaṅgā mahābhāge rāmaśaṃbhutapovanam / siddhakṣetraṃ tu tajjñeyaṃ samantāttu triyojanam // ### [2.43.123](https://indike.org/pramana/in.purana.narada.2.43.123) tīrthe na pratigṛhṇīyātpuṇyeṣvāyataneṣu ca / nimitteṣu ca sarveṣu tannivṛtto bhavennaraḥ // ### [2.43.124](https://indike.org/pramana/in.purana.narada.2.43.124) tīrthe yaḥ pratigṛhṇāti puṇyeṣvāyataneṣu ca / niṣphalaṃ tasya tattīrthaṃ yāvattaddhanamucyate // ### [2.43.125](https://indike.org/pramana/in.purana.narada.2.43.125) gaṅgāvikrayāṇāddevi viṣṇorvikrayaṇaṃ bhavet / janārdane tu vikrīte vikrītaṃ bhuvanatrayam // ### [2.43.126](https://indike.org/pramana/in.purana.narada.2.43.126) gaṅgā tīrasamudbhūtāṃ ma-daṃ mūrghnā bibharti yaḥ / bibharti rūpaṃ sor'kasya tamonāśāya kevalam // ### [2.43.127](https://indike.org/pramana/in.purana.narada.2.43.127) gaṅgāpulinajāṃ dhūlimāstīryātha nijān pitṝn / prīṇayanyo naraḥ piṇḍāndadyāttān svarnayedapi // ### [2.43.128](https://indike.org/pramana/in.purana.narada.2.43.128) idaṃ te 'bhihitaṃ bhadre gaṅgāmāhātmyamuttamam / paṭhan śṛṇvannaro hyeti tadviṣṇoḥ paramaṃ padam // ### [2.43.129](https://indike.org/pramana/in.purana.narada.2.43.129) nityaṃ japyamidaṃ bhaktyā prayataiḥ śraddhayānvitaiḥ / vaiṣṇavīṃ gatimicchadbhiḥ śaivīṃ vā vidhinandini // ### [2.43.129.p1](https://indike.org/pramana/in.purana.narada.2.43.129.p1) iti śrībṛhannāradīyapurāṇottarabhāge mohinīvasusaṃvāde gaṅgāmāhātmye pūjādikathaṃ nāma tricatvāriṃśattamo 'dhyāyaḥ ## Linked texts (7) - [Gaṇeśapurāṇa](https://indike.org/pramana/in.purana.upa.surya.ganesa.2.73.29) — Sanskrit - [Ratnamālāvadāna](https://indike.org/pramana/in.bauddha.sanskrit.avadana.ratnamalavadana.29.28.p1) — Sanskrit - [Tīrthacintāmaṇi](https://indike.org/pramana/in.niti.dharma.tirtha.tirthacintamani.9.p130) — Vācaspatimiśra, Sanskrit - [Tristhalīsetu (Nārāyaṇa)](https://indike.org/pramana/in.niti.dharma.tirtha.tristhali.tristhalisetu.11.p76) — Nārāyaṇa (Mahiṣamaṅgalam) 1513, Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.17.40.133.p1) — Sanskrit - [Gūḍhārthadīpikā](https://indike.org/pramana/in.niti.dharma.nibandha.nirnaya.gudharthadipika.2.p570) — Vāmadeva, Sanskrit - [Kṛtyasārasamuccaya (Amṛtanātha Jhā Śarman)](https://indike.org/pramana/in.niti.dharma.nibandha.krtya.krtyasarasamuccaya.2.p449) — Amṛtanātha Jhā Śarman 1800, Sanskrit --- Source: [https://indike.org/pramana/in.purana.narada.2.43](https://indike.org/pramana/in.purana.narada.2.43) · Pramāṇa