[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.4 # Naradapurana 2.4 Nāradapurāṇa 2.4 - **Language:** Sanskrit ## Contents - [2.4.28](https://indike.org/pramana/in.purana.narada.2.4.28) — 1 part ### [2.4.1](https://indike.org/pramana/in.purana.narada.2.4.1) yama uvāca śṛṇu me vacanaṃ nātha pitāmaha pitāmaha / maraṇādadhikaṃ deva yatpratāpasya khaṇḍanam // ### [2.4.2](https://indike.org/pramana/in.purana.narada.2.4.2) nispṛho nācaredyastu niyogaṃ padmasaṃbhava / andhakūpe nipatati sa cāśu narake dhruvam // ### [2.4.3](https://indike.org/pramana/in.purana.narada.2.4.3) niyogī na niyogaṃ yaḥ karoti kamalāsana / prabhorvittaṃ samaśnāti sa bhavetkāṣṭhakīṭakaḥ // ### [2.4.4](https://indike.org/pramana/in.purana.narada.2.4.4) yo 'śnāti lobhādvittāni prajābhyo vā mahīpateḥ / niyogī narakaṃ yāti yāvatkalpaśatatrayam // ### [2.4.5](https://indike.org/pramana/in.purana.narada.2.4.5) ātmakāryaparo yastu svāminaṃ ca viluṃpati / bhavedveśmani mandātmā ākhuḥ kalpaśatatrayam // ### [2.4.6](https://indike.org/pramana/in.purana.narada.2.4.6) niyogī yastu vai bhūtvā ātmaveśmani bhokṣyati / bhṛtyānvai karmakaraṇe rājño mārjāratāṃ vrajet // ### [2.4.7](https://indike.org/pramana/in.purana.narada.2.4.7) so 'haṃ deva tavādeśāt prajā dharmeṇa śāsayan / puṇyena puṇyakartāraṃ pāpaṃ pāpena karmaṇā // ### [2.4.8](https://indike.org/pramana/in.purana.narada.2.4.8) samyagvicārya munibhirgharmaśāstrādibhirvibho / kalpādau vartamānasya yāvadyāvaddinaṃ tava // ### [2.4.9](https://indike.org/pramana/in.purana.narada.2.4.9) so 'haṃ tvadīyena vibho niyogenaiva śaknuyām / kartuṃ rukmāṅgadenādya parābhūto hi bhūbhujā // ### [2.4.10](https://indike.org/pramana/in.purana.narada.2.4.10) bhayādyasya jagannātha pṛthivī sāgarāṃbarā / na bhuṅkte vāsare viṣṇoḥ sarvapāpapraṇāśane // ### [2.4.11](https://indike.org/pramana/in.purana.narada.2.4.11) vihāya sarvadharmāṃstu vihāya pitṛpūjanam / vihāya devapūjāṃ ca tīrthasnānādikastriyām // ### [2.4.12](https://indike.org/pramana/in.purana.narada.2.4.12) yogasāṃkhyāvubhau tyaktvā jñānaṃ jñeyaṃ ca mānada / tyaktvā svādhyāyahomāṃśca kṛtvā pāpāni bhūriśaḥ // ### [2.4.13](https://indike.org/pramana/in.purana.narada.2.4.13) prayānti vaiṣṇavaṃ lokamupoṣya harivāsaram / manujāḥ pitṛbhiḥ sārddhaṃ tathaiva ca pitāmahaiḥ // ### [2.4.14](https://indike.org/pramana/in.purana.narada.2.4.14) teṣāmapīha pitaraḥ pitṝṇāṃ pitarastathā / tathā mātāmahā yānti māturye janakādayaḥ // ### [2.4.15](https://indike.org/pramana/in.purana.narada.2.4.15) teṣāmapi janetāro janitṝṇāṃ hi pūrvajāḥ / etadduḥkhaṃ punardeva mama marmavibhedanam // ### [2.4.16](https://indike.org/pramana/in.purana.narada.2.4.16) priyāyāḥ pitaro yānti mārjayitvā lipiṃ mama / pitṝṇāṃ bījato yasmāddhātryā kukṣau dhṛto yataḥ // ### [2.4.17](https://indike.org/pramana/in.purana.narada.2.4.17) yadekaḥ kurute karma tadekenaiva bhujyate / tato 'nyasya kṛtaṃ brahmanbījaṃ dhātrīsamudbhavam // ### [2.4.18](https://indike.org/pramana/in.purana.narada.2.4.18) tārayetsa ubhau pakṣau yatpiṇḍo yasya vigrahaḥ / na bhāryāyā bhavedvījaṃ na bhāryā kukṣidhāriṇī // ### [2.4.19](https://indike.org/pramana/in.purana.narada.2.4.19) kathaṃ tasyā jagannātha pakṣo yāti paraṃ padam / jāmātuḥ puṇyamāhātmyattina me śiraso rujā // ### [2.4.20](https://indike.org/pramana/in.purana.narada.2.4.20) na me prayojanaṃ deva niyogenedṛśena vai / ekādaśyupavāsī yaḥ sa māṃ tyaktvā vrajeddharim // ### [2.4.21](https://indike.org/pramana/in.purana.narada.2.4.21) kulatrayaṃ samuddhṛtya ātmanā saha padmaja / tyaktvā tu māmakaṃ mārgaṃ prayāti harimandiram // ### [2.4.22](https://indike.org/pramana/in.purana.narada.2.4.22) na yajñaistādṛśairdeva gatiṃ prāpnoti mānavaḥ / na tīrthairnāpi dānairvā na vratairviṣṇuvarjitaiḥ // ### [2.4.23](https://indike.org/pramana/in.purana.narada.2.4.23) na jale pāvake vāpi mṛtaḥ prāpnoti tāṃ gatim / yogena saṃpraṇaṣṭo vā bhṛgupātena vā vidhe // ### [2.4.24](https://indike.org/pramana/in.purana.narada.2.4.24) tādṛśīṃ na gatiṃ yāti yādṛśīṃ vaiṣṇavavratī / gatiṃ matimatāṃ śreṣṭha satyametadudīritam // ### [2.4.25](https://indike.org/pramana/in.purana.narada.2.4.25) harerdine dhātṛphalāṅgalipto vimuktavāñchārasabhojano naraḥ / prayāti loke dharaṇīdharasya viduṣṭakarmāpi manuṣyajanmā // ### [2.4.26](https://indike.org/pramana/in.purana.narada.2.4.26) so 'haṃ nirāśo bhuvi hīnakarmā tavāgataḥ pādasarojayugmam / vijñapti mātrābhayadāptikālaṃ kuruṣva sargasthitināsahetoḥ // ### [2.4.27](https://indike.org/pramana/in.purana.narada.2.4.27) māsyustadā pāpakṛto vihīnā yanmāmakairbhūtagaṇairmanuṣyāḥ / niyantritāḥ śṛṅkhalarajjubandhanaiḥ samīpagā me vaśagā bhaveyuḥ // ### [2.4.28](https://indike.org/pramana/in.purana.narada.2.4.28) bhagnastu mārgo ravitāpayukto yadviṣṇusaṃghairatitīvrahastaiḥ / vimucya kuṃbhīṃ sakalo janaughaḥ prayāti taddhāma parātparasya // ### [2.4.28.p1](https://indike.org/pramana/in.purana.narada.2.4.28.p1) iti śrībṛhannāradīyapurāṇottarabhāge yamavākyaṃ nāma caturtho 'dhyāyaḥ ## Linked texts (2) - [Skandamahāpurāṇa (vulgate)](https://indike.org/pramana/in.purana.skanda*vulgate.2.7.12.5) — Sanskrit - [Rukmāṅgadacaritra](https://indike.org/pramana/in.purana.rukmangadacaritra.57.26) — Sanskrit --- Source: [https://indike.org/pramana/in.purana.narada.2.4](https://indike.org/pramana/in.purana.narada.2.4) · Pramāṇa