[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.5 # Naradapurana 2.5 Nāradapurāṇa 2.5 - **Language:** Sanskrit ## Contents - [2.5.16](https://indike.org/pramana/in.purana.narada.2.5.16) — 1 part ### [2.5.1](https://indike.org/pramana/in.purana.narada.2.5.1) yama uvāca ghṛṣṭatāṃ samanuprāptaḥ panthā devasya cakriṇaḥ / acchidrairgamyanānaiśca naraistribhuvanārcita // ### [2.5.2](https://indike.org/pramana/in.purana.narada.2.5.2) apramāṇamahaṃ manye lokaṃ viṣṇorjagatpate / yo na pūryati lokaighaiḥ sarvasatvasaroruhaiḥ // ### [2.5.3](https://indike.org/pramana/in.purana.narada.2.5.3) mādhavāvasathainaiva samastena pitāmaha / svakarmasthā vikarmasthāḥ śucayo 'śucayo 'pi vā // ### [2.5.4](https://indike.org/pramana/in.purana.narada.2.5.4) upoṣya vāsaraṃ viṣṇorlokaṃ yānti nṛpājñayā / so 'smākaṃ hi mahān śatrurbhavatāṃ ca viśeṣataḥ // ### [2.5.5](https://indike.org/pramana/in.purana.narada.2.5.5) nigrāhyo jagatāṃnātha bhavennāstyatra saṃśayaḥ / tena varṣasahasreṇa śāsitaṃ kṣitimaṇḍalam // ### [2.5.6](https://indike.org/pramana/in.purana.narada.2.5.6) aprameyo jano nīto vaiṣṇavaṃ harivallabham / āropayitvā garuḍe kṛtvā rūpaṃ caturbhujam // ### [2.5.7](https://indike.org/pramana/in.purana.narada.2.5.7) pītavastrasusaṃvītaṃ sragviṇaṃ cārulopanam / yadi sthāsyati deveśa mādhavyāṃ mādhavapriyaḥ // ### [2.5.8](https://indike.org/pramana/in.purana.narada.2.5.8) samastaṃ neṣyate lokaṃ viṣṇoḥ padamanāmayam / eṣa daṇḍaḥ paṭo hyeṣa tava padbhyāṃ visarjitaḥ // ### [2.5.9](https://indike.org/pramana/in.purana.narada.2.5.9) lokapālatvamatulaṃ mārjita tena bhūbhujā / rukmāṅgadena deveśa dhanyā sā sa dhṛto yayā // ### [2.5.10](https://indike.org/pramana/in.purana.narada.2.5.10) sarvaduḥkhavināśāya mātrṛjāto guṇādhikaḥ / kimapatyena jātena mātuḥ kleśakareṇa hi // ### [2.5.11](https://indike.org/pramana/in.purana.narada.2.5.11) yo na tāpayate śatrūn jyeṣṭhe māsi yathā raviḥ / vṛthāśūlā hi jananī jātā deva kuputriṇī // ### [2.5.12](https://indike.org/pramana/in.purana.narada.2.5.12) yasya na sphurate kīrtirghanastheva śatahradā / yaḥ piturnoddharetpakṣaṃ vidyayā vā balena vā // ### [2.5.13](https://indike.org/pramana/in.purana.narada.2.5.13) māturjaṭharajo rogaḥ sa prasūto dharātale / dharme cārthe ca kāme ca pratīpo yo bhavetsutaḥ // ### [2.5.14](https://indike.org/pramana/in.purana.narada.2.5.14) mātṛhā procyate sadbhirvṛthā tasyaiva jīvitam / ekā hi vīrasūreva virañce nātra saṃśayaḥ // ### [2.5.15](https://indike.org/pramana/in.purana.narada.2.5.15) yayā rukmāṅgado jāto mallipemarjjanāya vai / nedaṃ vyavasthitaṃ deva kṣitau kenāpi bhūbhujā // ### [2.5.16](https://indike.org/pramana/in.purana.narada.2.5.16) purāṇe 'pi jagannātha na śrutaṃ paṭamārjanam / so 'haṃ na jāṃ mi kadācidāśa dṛṣṭvā kṣirīśaṃ harisevane sthitam / pravādamānaṃ paṭahaṃ sughoraṃ pralopamānaṃ mamaviśmamārgam // ### [2.5.16.p1](https://indike.org/pramana/in.purana.narada.2.5.16.p1) iti śrībṛhannāradīyapurāṇottarabhāge yamavilāpanaṃ nāma pañcamo 'dhyāyaḥ ## Linked texts (2) - [Skandamahāpurāṇa (vulgate)](https://indike.org/pramana/in.purana.skanda*vulgate.2.7.12.74) — Sanskrit - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.85.17) — Sanskrit --- Source: [https://indike.org/pramana/in.purana.narada.2.5](https://indike.org/pramana/in.purana.narada.2.5) · Pramāṇa