[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.6 # Naradapurana 2.6: athaṣaṣṭho'dhyāyaḥ Nāradapurāṇa 2.6 - **Language:** Sanskrit ## Contents - [2.6.17](https://indike.org/pramana/in.purana.narada.2.6.17) — 1 part ### athaṣaṣṭho'dhyāyaḥ ### [2.6.1](https://indike.org/pramana/in.purana.narada.2.6.1) brahmovāca kimāścaryaṃ tvayā dṛṣṭaṃ kathaṃ vā khidyate bhavān / sadguṇeṣu ca saṃtāpaḥ sa tāpo maraṇāntikaḥ // ### [2.6.2](https://indike.org/pramana/in.purana.narada.2.6.2) yasyoccāraṇamātreṇa prāpyate paramaṃ padam / tamupoṣya kathaṃ saure na gacchati narastviti // ### [2.6.3](https://indike.org/pramana/in.purana.narada.2.6.3) eko hi kṛṣṇasya kṛtaḥ praṇāmo daśāśvamedhāvabhṛthena tulyaḥ / daśāśvamedhī punareti janma kaṣṇapraṇāmī na punarbhavāya // ### [2.6.4](https://indike.org/pramana/in.purana.narada.2.6.4) kurukṣetreṇa kiṃ tasya kiṃ kāśyā virajena vā / jihvāgre vartate yasya harirityakṣaradvayam // ### [2.6.5](https://indike.org/pramana/in.purana.narada.2.6.5) brāhmaṇaḥ śvapacīṃ gacchan viśeṣeṇa rajasvalām / annamaśnansurāpakvaṃ maraṇe yo hariṃ smaret // ### [2.6.6](https://indike.org/pramana/in.purana.narada.2.6.6) abhakṣyāgamyayorjātaṃ vihāya pāpasaṃcayam / sa yāti viṣṇusāyujyaṃ vimukto bhavabandhanaiḥ // ### [2.6.7](https://indike.org/pramana/in.purana.narada.2.6.7) yannāmoccāraṇānmokṣaḥ kathaṃ na tadupoṣaṇe / yasminsaṃgīyate so 'pi cintyate puruṣottamaḥ // ### [2.6.8](https://indike.org/pramana/in.purana.narada.2.6.8) līlayā coccareddevaṃ śṛṇuyācca janārdanam / gaṅgāṃbhaḥ pūtapuṇyatve sa naraḥ samatāṃ vrajet // ### [2.6.9](https://indike.org/pramana/in.purana.narada.2.6.9) asmākaṃ jagatāṃnātho janmadaḥ puruṣottamaḥ / kathaṃ śāsati durmedhāstasya vāsarasevinam // ### [2.6.10](https://indike.org/pramana/in.purana.narada.2.6.10) yastvaṃ na cūrṇitastaistu yastvaṃ baddho na tairdṛḍham / tadasmākaṃ kṛtaṃ mānaṃ me tattvaṃ nāvabudhyase // ### [2.6.11](https://indike.org/pramana/in.purana.narada.2.6.11) yo niyogī na jānāti nṛpabhaktānvarān kṣitau / kṛtsnāyāsena saṃyuktaḥ sa tairnigrāhyate punaḥ // ### [2.6.12](https://indike.org/pramana/in.purana.narada.2.6.12) rājeṣṭā na niyoktavyāḥ sāparādhā niyoginā / svāmiprasādātsiddhāste vininyurvvai niyoginam // ### [2.6.13](https://indike.org/pramana/in.purana.narada.2.6.13) evaṃ hi pāpakartāraḥ praṇatā ye janārdane / kathaṃ saṃyamitā teṣāṃ bālyādbhāskaranandana // ### [2.6.14](https://indike.org/pramana/in.purana.narada.2.6.14) śaivairbhāskarabhaktairvā madbhaktairvā divākare / karomi tava sāhāyyaṃ haribhaktairna bhāskare // ### [2.6.15](https://indike.org/pramana/in.purana.narada.2.6.15) sarveṣāmeva devānāmādistupuruṣottamaḥ // ### [2.6.16](https://indike.org/pramana/in.purana.narada.2.6.16) madhusūdanabhaktānāṃ nigraho nopapadyate / vyājenāpi kṛtā yaistu dvādaśī pakṣayordvayoḥ // ### [2.6.17](https://indike.org/pramana/in.purana.narada.2.6.17) taiḥ kṛte avamāne tu tava nāhaṃ sahāyavān / kṛte sahāye tava sūryasūno bhavedanītirmama dehaghātinī / viparyayo brahmapadātsupuṇyātkṛteva mārge saha viṣṇubhaktaiḥ // ### [2.6.17.p1](https://indike.org/pramana/in.purana.narada.2.6.17.p1) iti śrībṛhannāradīyapurāṇottarabhāge brahmavākyaṃ nāma ṣaṣṭho 'dhyāyaḥ ## Linked texts (3) - [Skandamahāpurāṇa (vulgate)](https://indike.org/pramana/in.purana.skanda*vulgate.2.7.13.2) — Sanskrit - [Studies in the Purāṇic Records on Hindu Rites and Customs](https://indike.org/pramana/ins.religion.hazra-1940.c14.s13.14) — R. C. Hazra, English - [Rukmāṅgadacaritra](https://indike.org/pramana/in.purana.upakhyana.vamsa-rsi.rukmangadacaritra.86.18) — Sanskrit --- Source: [https://indike.org/pramana/in.purana.narada.2.6](https://indike.org/pramana/in.purana.narada.2.6) · Pramāṇa