[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.7 # Naradapurana 2.7 Nāradapurāṇa 2.7 - **Language:** Sanskrit ## Contents - [2.7.73](https://indike.org/pramana/in.purana.narada.2.7.73) — 1 part ### [2.7.1](https://indike.org/pramana/in.purana.narada.2.7.1) prāptaṃ tāta mayā sārddhaṃ vedāṅghrinamane hitam / nāhaṃ gacchāmi yogāntaṃ punareva jagatpate // ### [2.7.2](https://indike.org/pramana/in.purana.narada.2.7.2) praśāsati mahīṃ bhūpehāṭakāṅgadasaṃjñake / tamekaṃ devatāśreṣṭhaṃ saṃprāpte harivāsare // ### [2.7.3](https://indike.org/pramana/in.purana.narada.2.7.3) yadi cālayase dhairyāttato 'haṃ tava kiṅkaraḥ / sa me śatrurmahāndeva tena luptaḥ paṭo mama // ### [2.7.4](https://indike.org/pramana/in.purana.narada.2.7.4) tamekaṃ bhojayitvā tu kārṣṇe 'hani mahīpatim / kṛtakṛtyo bhaviṣyāmi gayāpiṇḍaprado yathā // ### [2.7.5](https://indike.org/pramana/in.purana.narada.2.7.5) adya prabhṛti deveśoyairnaraiḥ saṃsmṛto hariḥ / upoṣitaḥ stutovāpi na niyamyā mayā hi te // ### [2.7.6](https://indike.org/pramana/in.purana.narada.2.7.6) haririti sahasā ye saṃgṛṇanticchalena jananijaṭharamārgātte vimukte vimuktā hi martyāḥ / mama paṭavilipiṃ te no viśanti pravīṇā divicaravarasaṃghaiste namasyā bhavanti / sautiruvāca // ### [2.7.7](https://indike.org/pramana/in.purana.narada.2.7.7) vaivasvatasya kāryeṇa tatsammānacikīrṣayayā / rcitayāmāsa deveśo viriñciḥ kuśalāñchanaḥ // ### [2.7.8](https://indike.org/pramana/in.purana.narada.2.7.8) cintayitvā kṣaṇaṃ devaḥ sarvabhūtaiśca bhūṣitaḥ / bhūtatrāsanamātraṃ tu rūpaṃ sa jagṛhe vibhuḥ // ### [2.7.9](https://indike.org/pramana/in.purana.narada.2.7.9) tasminnutpādayāmāsa pramadāṃ lokamohinīm / sarvayoṣidvarā devīmanasā nirbhitā babhau // ### [2.7.10](https://indike.org/pramana/in.purana.narada.2.7.10) sā babhūvāgratastasya sarvālaṅkārabhīṣitā / dṛṣṭvā pitāmahastāṃ tu rūpadraviṇasaṃyutām // ### [2.7.11](https://indike.org/pramana/in.purana.narada.2.7.11) prāhemān paśyato hyetāṃ svakānvai kāmamohitān / pratyavāyabhayādbrahyā cakṣuṣī saṃnyamīlayat // ### [2.7.12](https://indike.org/pramana/in.purana.narada.2.7.12) sarāgeṇeha manasā sarāgeṇeha cakṣuṣā / cintayedvīkṣayedvāpi jananīṃ vā sutāmapi // ### [2.7.13](https://indike.org/pramana/in.purana.narada.2.7.13) vadhūṃ vā bhrātṛjāyāṃ vā gurobhāryāṃ nṛpastriyam / sa yāti narakaṃ ghoraṃ saṃcintya śvapacīmapi // ### [2.7.14](https://indike.org/pramana/in.purana.narada.2.7.14) dṛṣṭvā hi pramadā hyetā yaḥ kṣobhaṃ vrajate naraḥ / tasya janmakṛtaṃ puṇyaṃ vṛthā bhavati nānyathā // ### [2.7.15](https://indike.org/pramana/in.purana.narada.2.7.15) prasaṃge daśasāhasraṃ puṇyamāyāti saṃkṣayam / puṇyasya saṃkṣayātpāpī pāṣāṇākhurbhaveddhruvam // ### [2.7.16](https://indike.org/pramana/in.purana.narada.2.7.16) tasmānna cintaye tprājño hyetā rāgeṇa cakṣuṣā / jananyā api pādau tu nādeyau dvādaśābdikaiḥ // ### [2.7.17](https://indike.org/pramana/in.purana.narada.2.7.17) sutaistvabhyaṅgakaraṇe punaryauvanasaṃsthitaiḥ / ṣaṣṭyatītāṃ suto 'bhyaṅge niyuñjīta vicakṣaṇaḥ // ### [2.7.18](https://indike.org/pramana/in.purana.narada.2.7.18) vṛddho vāpi yuvā vāpi na pādau dhāvayedvadhūm / ubhayoḥ patanaṃ proktaṃ raurave 'ṅgārasaṃcaye // ### [2.7.19](https://indike.org/pramana/in.purana.narada.2.7.19) yā vadhūrdarśayedaṅgaṃ vivṛtaṃ śvaśurasya hi / pāṇipādāhatā rājan krimibhakṣyā bhavettu sā / vadhūhastena yaḥ pāpaḥ pādaśaucaṃ karoti hi // ### [2.7.20](https://indike.org/pramana/in.purana.narada.2.7.20) snānaṃ vāpyathavābhyaṅgaṃ tasyāpyevaṃvidhā gatiḥ / sūcīmukhaiḥ kṛṣṇavaktrorbhujyate kalpasaṃsthitim // ### [2.7.21](https://indike.org/pramana/in.purana.narada.2.7.21) tasmānna vīkṣayennārīṃ sutāṃ vāpi vadhūṃ naraḥ / sābhilāṣeṇa manasā tatkṣaṇātpatate naraḥ // ### [2.7.22](https://indike.org/pramana/in.purana.narada.2.7.22) evaṃ saṃcintayitvā ca sūkṣmāṃ dṛṣṭiṃ cakāra ha / yadidaṃ vartulaṃ vaktraṃ sonnataṃ dṛśyate śubham // ### [2.7.23](https://indike.org/pramana/in.purana.narada.2.7.23) asthipañjarametaddhi carmamāṃsāvṛtaṃ tviti / vasā medo 'tha nayane sojvale strīṣu saṃsthite // ### [2.7.24](https://indike.org/pramana/in.purana.narada.2.7.24) atyucchritamidaṃ māṃsaṃ stanayoḥ samavasthitam / nimnāṃśatāṃ darśayati trivalī jaṭharasthitā // ### [2.7.25](https://indike.org/pramana/in.purana.narada.2.7.25) punarevādhikaṃ kṣiptaṃ māṃsaṃ jaghanavatmani / mūtradvāramidaṃ guhyaṃ yatra mugdhaṃ jagattrayam // ### [2.7.26](https://indike.org/pramana/in.purana.narada.2.7.26) apānavāyunā juṣṭaṃ sadaiva pratikutsitam / bhastrāvargādhikaṃ kṣiptaṃ māṃsaṃ jaghanavartmani // ### [2.7.27](https://indike.org/pramana/in.purana.narada.2.7.27) kṛtaṃ yadviddvidhā kāṣṭhaṃ tadvajjaṅghā dvidhā dhruvam / śukrāsthipūritaṃ māṃsaiḥ kathaṃ sundaratāṃ vrajet // ### [2.7.28](https://indike.org/pramana/in.purana.narada.2.7.28) māṃsamedovasāsāre kiṃ sāraṃ dehināṃ vada / viṣṭhāmūtramalaiḥ puṣṭe ko dehe rajyate naraḥ // ### [2.7.29](https://indike.org/pramana/in.purana.narada.2.7.29) evaṃ vicārya bahudhā viriñcirjñānacakṣuṣā / dhairyaṃ kṛtvā va nārīṃ tāmuvāca gajagāminīm // ### [2.7.30](https://indike.org/pramana/in.purana.narada.2.7.30) yathāhi manasā sṛṣṭā mayā tvaṃ varavarṇinī / tathā bhūtāsi cārvaṅgi mānasonmādakāriṇī // ### [2.7.31](https://indike.org/pramana/in.purana.narada.2.7.31) tamuvāca tadā sā tu praṇamya caturānanam / paśya mūcchānvatanātha jagatsthāvarajaṅgamam // ### [2.7.32](https://indike.org/pramana/in.purana.narada.2.7.32) mohitaṃ mama rūpeṇa sayogi yadakalmaṣam / sa nāsti triṣu lokeṣu yaḥ pumānmama darśanāt // ### [2.7.33](https://indike.org/pramana/in.purana.narada.2.7.33) bhavanta māditaḥ kṛtvā na kṣobhaṃ yāti padmaja / ātmastutirna kartavyā kenacicchubhamicchatā // ### [2.7.34](https://indike.org/pramana/in.purana.narada.2.7.34) stavanānnarakaṃ yāti viśuddho 'pi ca mānavaḥ / tathāpi stavanaṃ brahman kartavyaṃ kāryahetunā // ### [2.7.35](https://indike.org/pramana/in.purana.narada.2.7.35) sāhaṃ sṛṣṭā tvayā brahman kasyacitkṣobhaṇāya vai / tamādiśa jagannātha kṣobhayiṣye na saṃśayaḥ // ### [2.7.36](https://indike.org/pramana/in.purana.narada.2.7.36) māṃ dṛṣṭvāpi kṣitau deva bhūdharaścāpi muhyati / kiṃ punaścetanopetaḥ śvāsocchāsī narastviti // ### [2.7.37](https://indike.org/pramana/in.purana.narada.2.7.37) tathā coktaṃ purāṇeṣu nārīvīkṣaṇavarṇanam / unmādakaraṇaṃ nṝṇāṃ duścaravratanāśanam // ### [2.7.38](https://indike.org/pramana/in.purana.narada.2.7.38) sanmārge tāvadāste prabhavati puruṣastāvadevendriyāṇāṃ lajjāṃ tāvadvidhatte vinayamapi samālaṃbate tāvadeva / bhrūcāpākṣepayuktāḥ śravaṇapathagatā nīlapakṣmāṇa ete yāvallīlāvatīnāṃ na hṛdi dhṛtimuṣo dṛṣṭibāṇāḥ patanti // ### [2.7.39](https://indike.org/pramana/in.purana.narada.2.7.39) dhiktasya mūḍhamanasaḥ kukaveḥ kavitvaṃ yaḥ strīmukhaṃ ca śaśinaṃ ca samīkaroti / bhrūkṣepavismitakaṭākṣanirīkṣanirīkṣitāni kopaprasādahasitāni kutaḥ śaśāṅke // ### [2.7.40](https://indike.org/pramana/in.purana.narada.2.7.40) pītaṃ hi madyaṃ manujena nātha karoti mohaṃ suvicakṣaṇasya / smṛtā ca dṛṣṭā yuvatī nareṇa vimohayedeva surādhikā hi // ### [2.7.41](https://indike.org/pramana/in.purana.narada.2.7.41) mohanārthaṃ tvayā sṛṣṭā narāṇāṃ prapitāmaha / tamādiśajagannātha trailokyaṃ mohayāmyaham // ### [2.7.42](https://indike.org/pramana/in.purana.narada.2.7.42) brahmovāca satyamuktaṃ tvayā devi nāsādhyaṃ bhuvanatraye / nāganāsoru subhage mattamātaṅgagāmini // ### [2.7.43](https://indike.org/pramana/in.purana.narada.2.7.43) yā tvaṃ dūṣayase ceto mamāpi varavarṇini / tanmayā sugṛhītaṃ tu kṛtaṃ jñānāṅkuśena hi // ### [2.7.44](https://indike.org/pramana/in.purana.narada.2.7.44) sā tvaṃ kathaṃ na lokānāṃ cetāṃsyapahariṣyasi / satyametadviśālākṣi tava rūpaṃ vimohanam // ### [2.7.45](https://indike.org/pramana/in.purana.narada.2.7.45) sāmaraṃ hi jagatsarvaṃ niśceṣṭamapi lakṣaye / yannimittaṃ mayā sṛṣṭā tatsādhaya varānane // ### [2.7.46](https://indike.org/pramana/in.purana.narada.2.7.46) vaidiśe nagare rājā nāmnā rukmāṅgadaḥ kṣitau / yasya sandhyāvalī bhāryā tava rūpopamā śubhe // ### [2.7.47](https://indike.org/pramana/in.purana.narada.2.7.47) yasyāṃ dharmāṅgado jāto pituratyadhikaḥ sutaḥ / daśanāgāyu tabalaḥ pratāpena raviryathā // ### [2.7.48](https://indike.org/pramana/in.purana.narada.2.7.48) yaḥ kṣāntyā dharayā tulyo gāṃbhīrye sāṃgaropamaḥ / tejasā vahnivaddvīptaḥ krodhe vaivasvatopamaḥ // ### [2.7.49](https://indike.org/pramana/in.purana.narada.2.7.49) tyāge vairaucaniryadvadgatau hi pavanopamaḥ / saumyatve śaśitulyastu rūpavān manmatho yathā // ### [2.7.50](https://indike.org/pramana/in.purana.narada.2.7.50) jīvabhārgavayostulyo yo nītau rājanandanaḥ / pitrā bhuktaṃ samastaikaṃ jaṃbūdvīpaṃ varānane // ### [2.7.51](https://indike.org/pramana/in.purana.narada.2.7.51) dharmāṅgadena dvīpāni saṃjitānyaparāṇyapi / pitrostu vrīḍayā yena na jñātaṃ pramadāsukham // ### [2.7.52](https://indike.org/pramana/in.purana.narada.2.7.52) svayaṃ prāptāḥ parityaktā yena bhāryāḥ sahasraśaḥ / yo na vākyādvicalate sahaiva hi piturgṛhe // ### [2.7.53](https://indike.org/pramana/in.purana.narada.2.7.53) yasya vai trīṇi subhage mātṝṇāṃ cāruhāsini / śatāni kanakābhāse tvaviśeṣeṇa paśyati // ### [2.7.54](https://indike.org/pramana/in.purana.narada.2.7.54) casya dharmapradhānasya putraratnāñcitasya ca / samīpaṃ gaccha cārvaṅgi mandare parvatottame // ### [2.7.55](https://indike.org/pramana/in.purana.narada.2.7.55) tatra vatsyati rājā vai turageṇātivāhitaḥ / tava gītena cārvaṅgi mohito 'śvaṃ vihāya cakata // ### [2.7.56](https://indike.org/pramana/in.purana.narada.2.7.56) adhiruhya gireḥ pṛṣṭhaṃ sa saṃgaṃ yāsyati tvayā / tatra devi tvayāvācyaṃ militvā bhūbhujā tviha // ### [2.7.57](https://indike.org/pramana/in.purana.narada.2.7.57) ahaṃ bhāryā bhaviṣyāmi tava rājanna saṃśayaḥ / yadbravīmi hyahaṃ nātha tatkāryaṃ hi tvayā dhruvam // ### [2.7.58](https://indike.org/pramana/in.purana.narada.2.7.58) mohitastava rūpeṇa tathaiva pratipadyate / yatastaṃ śapathairdhṛtvā dakṣiṇena kareṇa vai // ### [2.7.59](https://indike.org/pramana/in.purana.narada.2.7.59) vācyaḥ katipayaiḥ subhru dinairapagataistviti / surate tava cārvaṅgi yadā mugdho hi lakṣyate // ### [2.7.60](https://indike.org/pramana/in.purana.narada.2.7.60) tadā prahasya rājño vai smāraṇīyaṃ purā vacaḥ / yastvayā śapatho rājankṛto madvākyapālane // ### [2.7.61](https://indike.org/pramana/in.purana.narada.2.7.61) tatpālayamahīpāla manye 'haṃ samayastviti / evamukte tvayā mugdho rājā vai satyagauravāt // ### [2.7.62](https://indike.org/pramana/in.purana.narada.2.7.62) pālayāmi na saṃdeho brūhi kiṃ te dadāmyaham / evamukte tu vacane tvayā vācyo varānane // ### [2.7.63](https://indike.org/pramana/in.purana.narada.2.7.63) rukmāṅgado mahīpālo dharmāṅgadapitā śubhe / nopavāsastvayā kāryo jātu vai harivāsare // ### [2.7.64](https://indike.org/pramana/in.purana.narada.2.7.64) suratasraṃ sakārī me hyupavāso bhavetpriya / sumugdhāṃ yauvanopetāṃ svabhāryāṃ yo na sevate // ### [2.7.65](https://indike.org/pramana/in.purana.narada.2.7.65) parvāpekṣī durācāraḥ sa yāti narakaṃ dhruvam / trirātramapaviddhāhaṃ tvayā bhūpa upoṣaṇāt // ### [2.7.66](https://indike.org/pramana/in.purana.narada.2.7.66) nāhaṃ nimeṣamapyekaṃ sthātuṃ śaktā tvayā vinā / śrāddhakāle tu saṃprāpte upāviṣṭairdvijaiḥ kila // ### [2.7.67](https://indike.org/pramana/in.purana.narada.2.7.67) yācate saṃgamaṃ bhāryā yadi bhogyā tadaiva sā / evaṃ saṃbodhyamāno 'pi yadā rājā vacastava // ### [2.7.68](https://indike.org/pramana/in.purana.narada.2.7.68) na kariṣyati cārvaṅgi tadā vācyaṃ paraṃ vacaḥ / yadi na tyajase rājannupavāsaṃ harerdine // ### [2.7.69](https://indike.org/pramana/in.purana.narada.2.7.69) svahastena śiraścchitvā svaputrasya varāsinā / dharmāṅgadasya rājendra mamotsaṃgekṣipa svayam // ### [2.7.70](https://indike.org/pramana/in.purana.narada.2.7.70) yadyetanmatpriyaṃ tvaṃ hi na karoṣi mahīpate / dharmakṣīṇo bhavān gantā narake nātra saṃśayaḥ // ### [2.7.71](https://indike.org/pramana/in.purana.narada.2.7.71) śrutvā tvadīyaṃ vacanaṃ varāṅgane na hiṃsyate prāṇasamaṃ ca putram / saṃgṛhya vākyaṃ vasudhāmarāṇāṃ sambhokṣyate mādhavavāsaṃre 'sau // ### [2.7.72](https://indike.org/pramana/in.purana.narada.2.7.72) tato jano yāsyati pūrvavacca yamāntikaṃ kiṅkarapāśabaddhaḥ / lipipramāṇaṃ narakādhivāsī bhaviṣyate sādhu kṛtaṃ tvayā hi // ### [2.7.73](https://indike.org/pramana/in.purana.narada.2.7.73) atha yadi nihanti tanayaṃ rājā satyena saṃyutaḥ śrīmān / niḥśeṣāmarapūjyaṃ vrajati padaṃ padmanābhasya // ### [2.7.73.p1](https://indike.org/pramana/in.purana.narada.2.7.73.p1) iti śrībṛhannāradīyapurāṇottarabhāge mohinīṃ prati brahmavākyaṃ nāma saptamo 'dhyāyaḥ ## Linked texts (3) - [Subhāṣitaratnabhāṇḍāgāra](https://indike.org/pramana/in.lit.subhasita.subhasita.adhunika.subhasitaratnabhandagara.6.6.112) — Kāśīnātha Pāṇḍuraṅga Paraba 1886, Sanskrit - [Indische Sprüche](https://indike.org/pramana/in.lit.subhasita.subhasita.adhunika.indische-spruche.6824) — Otto von Böhtlingk 1863, Sanskrit - [Rukmāṅgadacaritra](https://indike.org/pramana/in.purana.rukmangadacaritra.86.77.1) — Sanskrit --- Source: [https://indike.org/pramana/in.purana.narada.2.7](https://indike.org/pramana/in.purana.narada.2.7) · Pramāṇa