[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Naradapurana](https://indike.org/pramana/in.purana.narada) › 2.8 # Naradapurana 2.8 Nāradapurāṇa 2.8 - **Language:** Sanskrit ## Contents - [2.8.24](https://indike.org/pramana/in.purana.narada.2.8.24) — 1 part ### [2.8.1](https://indike.org/pramana/in.purana.narada.2.8.1) sautiruvāca sāsa śrutvā brahmaṇo vākyaṃ nārī kamalalocanā / uvāca nāma medehi yena gacchāmi mandiram // ### [2.8.2](https://indike.org/pramana/in.purana.narada.2.8.2) pitrā nāma prakartavyamapatyānāṃ jagatpate / nāma pāpaharaṃ proktaṃ tatkuruṣva kuśadhvaja // ### [2.8.3](https://indike.org/pramana/in.purana.narada.2.8.3) brahmovāca yasmādidaṃ jagatsarvaṃ tvayā suṃdari mohitam / mohinī nāma te devi saguṇaṃ hi bhaviṣyati // ### [2.8.4](https://indike.org/pramana/in.purana.narada.2.8.4) daśāvasthāgataḥ samyag darśanātte bhaviṣyati / yadi prāpnoti vai subhru tvatsaṃparkaṃ sukhāvaham // ### [2.8.5](https://indike.org/pramana/in.purana.narada.2.8.5) evamuktā varārohā praṇamya kamalāsanam / vīkṣyamāṇāmarairmārge pratasthe mandarācalam // ### [2.8.6](https://indike.org/pramana/in.purana.narada.2.8.6) tṛtīyena muhūrtena saṃprāptā girimastakam / yasya saṃveṣṭane nāgo vāsukirnahi pūryate // ### [2.8.7](https://indike.org/pramana/in.purana.narada.2.8.7) yo dhṛto hariṇā pūrvaṃ mathito devadānavaiḥ / ṣaḍlakṣayojanaḥ siṃdhuryasyāsau gahvaro bhavet // ### [2.8.8](https://indike.org/pramana/in.purana.narada.2.8.8) kūrmadehena saṃpṛkto yo na bhinno girirmahān / patatā yena rājendra siṃdhorguhyaṃ pradarśitam // ### [2.8.9](https://indike.org/pramana/in.purana.narada.2.8.9) gataṃ brahmāṇḍamārgeṇa payo yasmādgirerdvijāḥ / kūrmāsthigharṣatā yena pāvako janito mahān // ### [2.8.10](https://indike.org/pramana/in.purana.narada.2.8.10) yasminsa vasate devaḥ saha bhūtairdigaṃbaraḥ / na devairdānavairvāpi dṛṣṭo yo hi dvijottamāḥ // ### [2.8.11](https://indike.org/pramana/in.purana.narada.2.8.11) daśavarṣasahasrākhye kāle mahati gacchati / keyūragharṣaṇe yena kṛtaṃ devasya cakriṇaḥ // ### [2.8.12](https://indike.org/pramana/in.purana.narada.2.8.12) ratnānāṃ mandiraṃ hyeṣa bahudhātusamanvitaḥ // ### [2.8.13](https://indike.org/pramana/in.purana.narada.2.8.13) krīḍāvihāro 'pi divaukasāṃ yastapasvinā yastapaso 'pi hetuḥ / surāṅganānāṃ rativarddhano yo ratnauṣadhīnāṃ prabhavo girirmahān // ### [2.8.14](https://indike.org/pramana/in.purana.narada.2.8.14) daśaikasāhasramitaśca mūle tatsaṃkhyayā vistaratāṃ gato 'sau / dairghyeṇa tāvanti hi yojanāni trailokyayaṣṭīva samucchrito 'sau // ### [2.8.15](https://indike.org/pramana/in.purana.narada.2.8.15) sakāñcanai ratnamayaiśca śṛṅgaiḥ prakāśayanbhūmitalaṃ viyacca / yasmingataḥ kaśya panandano vai viraśmitāmeti vinaṣṭatejāḥ // ### [2.8.16](https://indike.org/pramana/in.purana.narada.2.8.16) kāñcanākārabhūtāṅgaṃ saprāptā kāñcanaprabhā / sūryatejonihantāraṃ mandaraṃ tejasā svayam // ### [2.8.17](https://indike.org/pramana/in.purana.narada.2.8.17) kurvatī nṛpakāmārthamupaviṣṭā śilātale / nīlakāntimaye divye saptayojanaviratṛte // ### [2.8.18](https://indike.org/pramana/in.purana.narada.2.8.18) tasyāṃ śilāyāṃ rājendra ligaṃ tiṣṭhati kauliśam / daśahasta pramāṇaṃ hi vistarādūrddhvasaṃkhyayā // ### [2.8.19](https://indike.org/pramana/in.purana.narada.2.8.19) vṛṣaliṅgeti vikhyātaṃ prāsādābhrasamaṃ param / tasminbālā dvijaśreṣṭhāścakre saṃgītamuttamam // ### [2.8.20](https://indike.org/pramana/in.purana.narada.2.8.20) tantrītā lasamāyuktaṃ klamahānikaraṃ param / samīpavartinī tasya bhūtvā liṅgasya bhāminī // ### [2.8.21](https://indike.org/pramana/in.purana.narada.2.8.21) mūrcchanātālasahitaṃ gāndhāradhvanisaṃyutam / tasminpravṛtte rājendragīte manmathavarddhane // ### [2.8.22](https://indike.org/pramana/in.purana.narada.2.8.22) babhūva sthāvarāṇāṃ hi spṛhā tasminmunīśvarāḥ / na ca daivaṃ na cādaivaṃ gītaṃ tādṛgbabhūva ha // ### [2.8.23](https://indike.org/pramana/in.purana.narada.2.8.23) mohinīmukhanirgītaṃ gītaṃ satvavimohanam // ### [2.8.24](https://indike.org/pramana/in.purana.narada.2.8.24) śrutvaiva gītaṃ hi digambarastu tenaiva rūpeṇa varāṅganāyāḥ / kāmāturo bhoktumanāścacāla tāṃ mohinīṃ pārvatidṛṣṭilajjaḥ // ### [2.8.24.p1](https://indike.org/pramana/in.purana.narada.2.8.24.p1) iti śrībṛhannāradīyapurāṇottarabhāge mohinīcarite mandakharṇanaṃ nāmāṣṭamo 'dhyāyaḥ --- Source: [https://indike.org/pramana/in.purana.narada.2.8](https://indike.org/pramana/in.purana.narada.2.8) · Pramāṇa