Navamaskandha 11

Language: Sanskrit

11.1

śrīśuka uvāca —
khaṭvāṅgāddīrghabāhuśca raghustasmātpṛthuśravāḥ
ajastato mahārājastasmāddaśaratho'bhavat

11.2

tasyāpi bhagavāneṣa sākṣādbrahmamayo hariḥ
aṃśāṃśena caturdhā'gātputratvaṃ prārthitaḥ suraiḥ

11.3

rāmalakṣmaṇabharataśatrughnā iti saṃjñayā
tasyānucaritaṃ rājannṛṣibhistattvadarśibhiḥ
śrutaṃ hi varṇitaṃ bhūri tvayā sītāpatermuhuḥ

gurvarthe tyaktarājyo vyacaradanuvanaṃ padmapadbhyāṃ
priyāyāḥ pāṇisparśākṣamābhyāṃ mṛjitapatharujo
yo harīndrānujābhyām | vairupyācchūrpaṇakhyāḥ
priyaviraharuṣā ropitabhrūvijṛmbhaistrastābdhirbaddhasetuḥ
khaladavadahanaḥ kośalendro'vatānnaḥ

11.5

viśvāmitrādhvare yena mārīcādyā niśācarāḥ
paśyato lakṣmaṇasyaiva hatā nairṛtapuṅgavāḥ

11.6

yo lokavīrasamitau dhanuraiśamugraṃ
sītāsvayaṃvaragṛhe triṃśatopanītam
ādāya bālagajalīla ivekṣuyaṣṭiṃ
sajjīkṛtaṃ nṛpa vikṛṣya babhañja madhye

11.7

jitvā'nurūpaguṇaśīlavayo'ṅgarūpāṃ
sītā'bhidhāṃ śriyapurasaṃmilabdhamānām
mārge vrajanbhṛgupatervyanayatprarūḍhaṃ
darpa mahīmakṛta yastrirarājabījām

11.8

yaḥ satyapāśaparivītapiturnideśaṃ
straiṇasya cāpi śirasā jagṛhe sabhāryaḥ
rājyaṃ śriyaṃ praṇayinaḥ suhṛdo nivāsaṃ
tyaktvā yayau vanamasūniva muktasaṅgaḥ

11.9

rakṣaḥsvasurvyakṛta rūpamaśuddhabuddhestasyāḥ kharatriśiradūṣaṇamukhyabandhūn
jaghne caturdaśasahasramapāraṇīyakodaṇḍapāṇiraṭamāna uvāsa kṛcchram

11.10

sītākathāśravaṇadīpitahṛcchayena
sṛṣṭaṃ vilokya nṛpate daśakandhareṇa
jaghne'dbhutaiṇavapuṣā''śrayato'pakṛṣṭo
mārīcamāśu viśikhena yathā kamugraḥ

11.11

rakṣodhamena vṛkavadvipine'samakṣaṃ
vaideharājaduhitaryapavāhitāyām
bhrātā vane kṛpaṇavatpriyayā viyuktaḥ
strīsaṅgināṃ gatimiti prathayaṃścacāra

11.12

dagdhvā''tmakṛtyahatakṛtyamahankabandhaṃ
sakhyaṃ vidhāya kapibhirdayitāgatiṃ taiḥ
buddhā'tha vālini hate plavagendrasainyairvelāmagātgamanujo'ñjabhavārcitāṅghriḥ

11.13

yadroṣavibhramavivṛttakaṭākṣapātasaṃtrāntanakramakaro bhayagīrṇaghoṣaḥ
sindhuḥ śirasyarhaṇaṃ parigṛhya rūpī
pādāravindamupagamya babhāṣa etat

11.14

naṃ tvāṃ vayaṃ jaḍadhiyo nuṃ vidāma bhūmankūṭasthamādipuruṣaṃ jagatāmadhīśam
yatsattvataḥ suragaṇā rajasaḥ prajeśā
manyośca bhūtapatayaḥ sa bhavānguṇeśaḥ

11.15

kāmaṃ prayāhi jahi viśravaso'vamehaṃ
trailokyarāvaṇamavāpnuhi vīrapatnīm
badhnīhi setumiha te yaśaso vitatyai
gāyanti digvijayino yamupetya bhūpāḥ

11.16

baddhvodadhau raghupatirvividhādrikūṭaiḥ
setuṃ kapīndrakarakaṃpitabhūruhāṅghraiḥ
sugrīvanīlahanumatpramukhyairanīkairlaṅkāṃ vibhīṣaṇadṛśā''viśadagradagdhām

11.17

sā vānarendrabalaruddhavihārakoṣṭhaśrīdvāragopurasadovalabhīviṭaṅkā
nirbhajyamānadhiṣaṇadhvajahemakuṃbhaśṛṅgāṭakā gajakulairhradinīva ghūrṇā

11.18

rakṣaḥpatistadavalokya nikuṃbhakuṃbhadhūmrākṣadurmukhasurāntanarāntakādīn
putraṃ prahastamatikāryavikaṃpanādīnsarvānugānsamahineādatha kuṃbhakarṇam

11.19

tāṃ yātudhānapṛtanāmasiśūlacāpaprāsaṣṭiśaktiśaratomarakhaṅgadurgām
sugrīvalakṣmaṇamarutsutagandhamādanīlāṅgadarkṣapanasādibhiranvito'gāt

11.20

te'nīkapā raghupaterabhipatya sarve
dvandvaṃ varūthamabhipattirathāśvayodhaiḥ
jaghnurdumairgirigadeṣubhiraṅgadādyāḥ
sītā'bhimarśahatamaṅgalarāvaṇeśān

11.21

rakṣaḥpatiḥ svabalanaṣṭimavekṣya ruṣṭa
āruhya yānakamathābhisasāra rāmam
khaḥsyandane dyumati mātalinopanīte
vibhrājamānamahananniśitaiḥ kṣurapraiḥ

11.22

rāmastamāha puruṣādapurīṣa yannaḥ
kāntā'samakṣamasatā'pahṛtā śvavatte
tyaktatrapasya phalamadya jugupsitasya
yacchāmi kāla iva karturalaṅghyavīryaḥ

11.23

evaṃ kṣipandhanuṣi sandhitamutsasarja
bāṇaṃ savajramiva taddhṛdayaṃ bibheda
so'sṛgvamandaśamukhairnyapatadvimānāddhāheti jalpati jane sukṛtīva riktaiḥ

11.24

tato niṣkramya laṅkāyā yātudhānyaḥ sahasraśaḥ
mandodaryā samaṃ tasminnarudantya upādravan

11.26

svāṃsvānbandhūnpariṣvajya lakṣmaṇeṣubhirarditān
ruruduḥ sukharaṃ dīnā ghnantya ātmānamātmanā 25
hā hatāḥ sma vayaṃ nātha lokarāvaṇa rāvaṇa
kaṃ yāyāccharaṇaṃ laṅkā tvadvihīnā parāditā

11.28

naivaṃ veda mahābhāga bhavānkāmavaśaṃ gataḥ
tejo'nubhāvaṃ sītāyā yena nīto daśāmimām27
kṛtaiṣā vidhavā laṅkā vayaṃ ca kulandana
dehaḥ kṛto'nnaṃ gṛdhrāṇāmātmā narakahetave

11.29

śrīśuka uvāca—
svānāṃ vibhīṣaṇaścakre kośalendrānumoditaḥ
pitṛmedhavidhānena yaduktaṃ sāṃparāyikam

11.31

tato dadarśa bhagavānaśokavanikāśrame
kṣāmāṃ svavirahavyādhiṃ śiṃśapāmūlamāsthitām 30
rāmaḥ priyatamāṃ bhāryā dīnāṃ vīkṣyānvakaṃpata
ātmasandarśanāhlādavikasanmukhapaṅkajām

11.32

āropya''suruhe yānaṃ bhrātṛbhyāṃ hanumadyutaḥ
vibhīṣaṇāya bhagavāndattvā rakṣogaṇeśatām

11.33

laṅkāmāyuśca kalpāntaṃ yayau cīrṇavrataḥ purīm
avakīryamāṇaḥ kusumairlokapālārpitaiḥ pathi

11.34

upagīyamānacaritaḥ śatadhṛtyādibhirmudā
gomūtrayāvakaṃ śrutvā bhrātaraṃ valkalāṃbaram

11.35

mahākāruṇiko'tapyajjaṭilaṃ sthaṇḍileśayam
bharataḥ prāptamākarṇya paurāmātyapurohitaiḥ

11.37

pāduke śirasi nyasya rāmaṃ pratyudyato'grajam
nandigrāmātsvaśibirādgītavāditraniḥsvanaiḥ 36
brahmaghoṣeṇa ca muhuḥ paṭhadbhirbrahmavādibhiḥ
svarṇakakṣakapatākābhirhaimaiścitradhvajai rathaiḥ

11.38

sadaśvai rukmasannāhairbhaṭaiḥ puraṭavarmabhiḥ
śreṇībhirvāramukhyābhirvṛtaiścaivaṃ padānugaiḥ

11.39

pārameṣṭhyānyupādāya paṇyānyuccāvacāni ca
pādayornyapatatpremṇā praklinnahṛdayekṣaṇaḥ

11.43

pāduke nyasya purataḥ prāñjalirbāṣpalocanaḥ
tamāśliṣya ciraṃ dorbhyāṃ snāpayannetrajairjalaiḥ 40
rāmo lakṣmaṇasītābhyāṃ viprebhyo ye'rhasattamāḥ
tebhyaḥ svayaṃ namaścakre prajābhiśca namaskṛtaḥ 41
dhunvanta uttarām̐saṅgānnarpatiṃ vīkṣya cirāgatam
uttarāḥ kośalā mālyaiḥ kiranto nanṛturmudā 42
pāduke bharato''gṛhṇāccāmaravyajanottame
vibhīṣaṇaḥ sasugrīvaḥ śvetacchatraṃ marutsutaḥ

Linked texts (4)

Mahābhāratatātparyanirṇaya — Madhva, Sanskrit
Ṣaṭsandarbha — Jīva Gosvāmin 1555, Sanskrit
Bhāgavatamāhātmya — Kṛṣṇacandra, Sanskrit
Kalaśeśvaramāhātmya — Sanskrit