Navamaskandha 18

Language: Sanskrit

18.2

śrīśuka uvāca —
ailasya corvaśīgarbhātṣaḍāsannātmajā nṛpa
āyuḥ śrutāyuḥ satyāyū rayo'tha vijayo jayaḥ 1
śrutāyorvasumānputraḥ satyāyeśca śrutañjayaḥ
rayasya suta ekaśca jayasya tanayo'mitaḥ

bhīmastu vijayasyātha kāñcano hotrakastataḥ
tasya jahnuḥ suto gaṅgāṃ gaṇḍūṣīkṛtya yo'pibat
jahnostu pūrustatputro balākāśva''tmajo'jakaḥ 3
tataḥ kuśaḥ kuśasyāpi kuśāmburmūrtayo vasuḥ
kuśanābhaśca catvāro gādhirāsītkuśāṃbujaḥ

18.5

tasya satyavatīṃ kanyāmṛcīko'yācata dvijaḥ
varaṃ visadṛśaṃ mam̐tvā gādhirbhārgavamabravīt

18.7

ekataḥ śyāmakaṇīnāṃ hayānāṃ candravarcasām
sahasraṃ dīyatāṃ śulkaṃ kanyāyāḥ kuśikā vayam 6
ityuktastanmataṃ jñātvā gataḥ sa varuṇāmtikam
ānīya dattvā tānaśvānupayeme varānanām

18.8

sa ṛṣiḥ prārthitaḥ patnyā śvaśvā cāpatyakāmyayā
śrapayitvobhayairmantraiścaruṃ snātuṃ gato muniḥ

18.9

tāvatsatyavatī mātrā svacaruṃ yācitā satī
śreṣṭhaṃ matvā tayā'yacchanmātre mām̐turadatsvayam

18.10

tadvijñāya muniḥ prāha patnīṃ kaiṣṭamakāraṣīḥ
ghoro daṇḍadharaḥ putro bhrātā te brahmavittamaḥ

18.11

prasāditaḥ satyavatyā maivaṃ bhūditi bhārgavaḥ
atha tarhi bhavetpautro jamadagnistato'bhavat

18.12

sā cābhūtsumahāpuṇyā kauśikī lokapāvanī
reṇoḥ sutāṃ reṇukāṃ vai jamadagniruvāha yām

18.13

tasyāṃ vai bhārgavaṛṣeḥ sutā vasupadādayaḥ
yavīyāñjajña eteṣāṃ rāma ityabhiviśrutaḥ

18.15

yamāhurvāsudevāṃśaṃ haihayānāṃ kulāntakam
triḥsaptakṛtvo ya imāṃ cakre niḥkṣatriyāṃ mahīm 14
dṛptaṃ kṣatraṃ bhuvo bhāramabrahmaṇyamanīnaśat
rajastamovṛtamahanphalgunyapi kṛte̍hasi

18.16

rājovācakiṃ tadaṃho bhagavato rājanyairajitātmabhiḥ
kṛtaṃ yena kulaṃ naṣṭaṃ kṣatriyāṇāmabhīkṣṇaśaḥ

18.17

śrīśuka uvāca —
haihayānāmadhipatirjunaḥ kṣatriyarṣabhaḥ
dattaṃ nārāyaṇasyāṃśamārādhya parikarmabhiḥ

18.18

bāhūndaśaśataṃ lebhe durdharṣatvamarātiṣu
avyāhatendriyaujaḥśrītejovīryyam̐śobalam

18.19

yogeśvaratvamaiśvaryaṃ guṇā yatrāṇimādayaḥ
cacārāvyāhatagatirlokeṣu pavano yathā

18.20

strīratnairāvṛtaḥ krīḍanrevāṃbhasi madotkaṭaḥ
vaijayantīṃ srajaṃ bibhradrurodha saritaṃ bhujaiḥ

18.21

viplāvitaṃ svaśiviraṃ pratisrotaḥsarijjalaiḥ
nāmṛṣyattasya tadvīryaṃ vīramānī daśānanaḥ

18.22

gṛhīto līlayā strīṇāṃ samakṣaṃ kṛtakilbiṣaḥ
māhiṣmatyāṃ saṃniruddho mukto yena kapiryathā

18.23

sa ekadā tu mṛgayāṃ vicaranvipine vane
yadṛcchayā''śramapadaṃ jamadagnerupām̐viśat

18.24

tasmai sa naradevāya munirarhaṇamāharat
sasainyāmātyavāhāya haviṣmatyā tapodhanaḥ

18.25

sa vīraṃstatra tadṛṣṭvā ātmaiśvaryātiśāyanam
tannādriyatāgnihotryāṃ sāmilāṣaḥ sa haihayaḥ

18.28

havirdhānīmṛṣerdarpānnarānahartumacodayat
te vai māhiṣmatīṃ ninyuḥ savatsāṃ krandatīṃ balāt 26
atha rājani niryāte rāma āśrama āgataḥ
śrutvā tattasya daurātmyaṃ cukrodhā'hirivā''hataḥ
ghora̍mādāya paraśuṃ satūṇaṃ carma kārmukam
anvadhāvata durdharṣo mṛgendra iva yūthapam

Linked texts (5)

Bhāgavatapurāṇa — Vyāsa, Sanskrit
Critical edition (BORI) — Sanskrit
Bhāgavatamāhātmya — Kṛṣṇacandra, Sanskrit
Anvitārthaprakāśikā — Gaṅgāsahāya Śarman, Sanskrit
Bhāvārthadīpikā on Bhāgavata — Śrīdhara, Sanskrit